المتحدة للتنمية تعلن عن إنسحاب المساهم الإستراتيجي وتعدل بند

[hma]

المتحدة للتنمية تعلن عن إنسحاب المساهم الإستراتيجي وتعدل بنداً في عموميتها غير العادية
2012-01-29



أعلنت الشركة المتحدة للتنمية عن استلامها كتاباً من بنك قطر الوطني ممثل المساهم الإستراتيجي، أوضح فيه أن المساهم المذكور يشترط إدخاله قبل الجمعية العامة غير العادية التي ستوزع الأسهم المجانية على مستحقيها من المساهمين، وفي حال عدم إدخاله فإنه قد قرر سحب طلبه وعدم الدخول كمساهم إستراتيجي، معللاً ذلك بأن قرار المساهمة قد بني على معطيات حين تقديم العرض.

قامت الشركة المتحدة للتنمية بالرد على الكتاب، مبينة أن هذا الشرط الجديد الذي وضع بعد الموافقة من قبل مجلس الإدارة على عرض المساهم الإستراتيجي وإعلانه بالبورصة، جاء مغايراً للعرض الذي وافق عليه مجلس الإدارة. وأكدت أن المعطيات بعد توزيع الأسهم المجانية وإدخال المساهم الإستراتيجي تفصح بوضوح عن وضع أفضل.

وبهذا توضح الشركة قرار المساهم الإستراتيجي بسحب طلبه وعدم المضي في المساهمة بالشركة.

جدول اجتماع الجمعية غير العادية وقرر كما استعرض مجلس إدارة الشركة وقرر ما يلي:-



1- تعديل جدول أعمال الجمعية العامة غير العادية ليصبح كما يلي:-

رفع توصية للجمعية العامة غير العادية بتوزيع 64.350.000سهم مجاناً على المساهمين بواقع 4 أسهم عن كل 10 أسهم، ليصبح رأس مال الشركة 2.252.250.000 ريال قطري. وتعديل عقد الشركة ونظام الشركة الأساسي وفقاً لذلك.

[بوجاااااسم]

خبر ممتاز جدا جدا
وسبب الإنسحاب
أنهم يبوا يدخلوا قبل إنعقاد الجمعية العمومية
وياخذوا 40 % أسهم مجانية
ولو تذكروا لما أعلنوا خبر المفاوضات
وأن سعر بيع السهم 20 ريال فقط للهيئة
نزل السهم إلى 22 ريال
والآن العكس صحيح
مبروك لملاك المتحدة

[أسير الاسهم]

نبي رأي الجميع في هالخبر ,, والمحللين يا ليت تدلووون بدلوكم وآرائكم في هالقرار

[rashid_qatar]

>>>>>>> مبروك لملاك السهم >>>>>>> السهم رااايح لل30

[العابــرQAT]

مبرووووووووووووووووووك لملاك المتحدة

احي ادارة المتحدة التي لم ترضخ لابتزاز الشريك بادخالة قبل الجمعية

محد دمر السهم الا سالفة الشريك

الي المت اب الي القمة يالمتحدة

[imar]

ألففففففففففففففففففففففففففففففف مبررررررررررووووووووووووووووووووووووووكككككك:dance :dance:dance:dance:dance:dance:dance:dance:dance

[hnazmy]

الحمد لله

[بوجاااااسم]

اللي كان بيروح للشريك الإستراتيجي بفلوس
راح يأخذه ملاك المتحدة حتى موعد الجمعية العمومية ببلاش
شكرا إدارة المتحدة :nice::nice:
والهيئة إذا في خاطرها شيء
السوق قدامها
تشتري بالسعر اللي يناسبها :discuss:

[hnazmy]

ارجو التوضيح من الاخوة
كيف يكون سعر الطلب 28.35 والعرض 25.50

[المتنبي]

المتحدة للتنمية تعلن عن إنسحاب المساهم الإستراتيجي وتعدل بنداً في عموميتها غير العادية
2012-01-29



أعلنت الشركة المتحدة للتنمية عن استلامها كتاباً من بنك قطر الوطني ممثل المساهم الإستراتيجي، أوضح فيه أن المساهم المذكور يشترط إدخاله قبل الجمعية العامة غير العادية التي ستوزع الأسهم المجانية على مستحقيها من المساهمين، وفي حال عدم إدخاله فإنه قد قرر سحب طلبه وعدم الدخول كمساهم إستراتيجي، معللاً ذلك بأن قرار المساهمة قد بني على معطيات حين تقديم العرض.

قامت الشركة المتحدة للتنمية بالرد على الكتاب، مبينة أن هذا الشرط الجديد الذي وضع بعد الموافقة من قبل مجلس الإدارة على عرض المساهم الإستراتيجي وإعلانه بالبورصة، جاء مغايراً للعرض الذي وافق عليه مجلس الإدارة. وأكدت أن المعطيات بعد توزيع الأسهم المجانية وإدخال المساهم الإستراتيجي تفصح بوضوح عن وضع أفضل.

وبهذا توضح الشركة قرار المساهم الإستراتيجي بسحب طلبه وعدم المضي في المساهمة بالشركة.

جدول اجتماع الجمعية غير العادية وقرر كما استعرض مجلس إدارة الشركة وقرر ما يلي:-



1- تعديل جدول أعمال الجمعية العامة غير العادية ليصبح كما يلي:-

رفع توصية للجمعية العامة غير العادية بتوزيع 64.350.000سهم مجاناً على المساهمين بواقع 4 أسهم عن كل 10 أسهم، ليصبح رأس مال الشركة 2.252.250.000 ريال قطري. وتعديل عقد الشركة ونظام الشركة الأساسي وفقاً لذلك.

هل تأكد لنا الخبر وين موجود

[بوجاااااسم]

هل تأكد لنا الخبر وين موجود



الخبر رسمي من إدارة السوق

[المتنبي]

الحين كل شى تما شكرا
ابو جاسم

[أسير الاسهم]

شابكه الريوس شسالفه ؟

[النابلسي]

كيف انسحاب الشريك الإستراتيجي يعتبر خبر جيد؟
مع دخول الشريك الإستراتيجي بالنسبة المتفق عليها سابقا سيكون لديه 33% من الإسهم، و سيكون لديه الإمكانية على فرض رأيه و توزيع سخي للأرباح و كنت متفائل خيرا بأن هذه السنة هي اخر سنة للأسهم المجانية، ام حاليا فالشركة سوف تتوسع على حساب المساهمين و من غير اي ارباح فعلية.

[بوجاااااسم]

كيف انسحاب الشريك الإستراتيجي يعتبر خبر جيد؟
مع دخول الشريك الإستراتيجي بالنسبة المتفق عليها سابقا سيكون لديه 33% من الإسهم، و سيكون لديه الإمكانية على فرض رأيه و توزيع سخي للأرباح و كنت متفائل خيرا بأن هذه السنة هي اخر سنة للأسهم المجانية، ام حاليا فالشركة سوف تتوسع على حساب المساهمين و من غير اي ارباح فعلية.




عندك إجابة يالغالي
ليش لما طلع خبر دخول الشريك الإستراتيجي
نزل السهم قريب ال 20 % ؟؟؟
فيه شيء غلط
لايمت لأي معطيات بأي صلة
إرجع للتاريخ ...

[ابو العبد]

كيف انسحاب الشريك الإستراتيجي يعتبر خبر جيد؟
مع دخول الشريك الإستراتيجي بالنسبة المتفق عليها سابقا سيكون لديه 33% من الإسهم، و سيكون لديه الإمكانية على فرض رأيه و توزيع سخي للأرباح و كنت متفائل خيرا بأن هذه السنة هي اخر سنة للأسهم المجانية، ام حاليا فالشركة سوف تتوسع على حساب المساهمين و من غير اي ارباح فعلية.

اتوقع ان عدم الاستحواذ على شركة المواشي هو الخبر السار والجيد للمساهمين

[مقيم]

من اين ستاتي المتحدة بالسيولة ؟؟
اعتقد انها ستلجأ الى الاكتتاب بسعر 20 ريال
وبالتالي المتحدة في محنة سيولة
نراقب السهم في الايام القادمة

[walid.khalek]

الشركة اعلنت عن اكتتاب وبعدين غيرت الاكتتاب بالشريك الاستراتيجي
انسحب لاشريك الاستراتيجي فهل ستلجا للاكتتاب مرة اخري؟
في كل الاحوال انا اعتقد ان السهم فيه خير ان شاء الله

[النابلسي]

عندك إجابة يالغالي
ليش لما طلع خبر دخول الشريك الإستراتيجي
نزل السهم قريب ال 20 % ؟؟؟
فيه شيء غلط
لايمت لأي معطيات بأي صلة
إرجع للتاريخ ...

اخ بوجاااااسم انا من متابع كتابتك و احترم رأيك، ولكن حتى الأن السهم خسر ما ربحه يوم الخميس. و إن شاء الله يكون الخبر خبر جيد....

[العابــرQAT]

ان دخل الشريك نزل لمت داون والشركة بدون ارباح

وان خرج الشريك نزول والشركة بتوزع 40%

والله حالة هههههههههههه
الغلط مب في ادارة المتحدة

الغلط في المتحكم بالسهم هذا الارهابي علي حساب الغلابة محد قادر يوقفة عند حدة لا ادارة المتحدة ولا ادارة السوق مافي فارس ينقذ السهم

يعني سعر السهم تحت التوزيع 40% وهذا الضايع للحين يتفنن في نزول السهم

اذا ما فية ارباح 24 واذا فية ارباح 24

هذا الصانع يستعبط وباقي صناع السوق يضحكون علية وعلي تصرفاتة التي لا تدخل العقل

السهم صاعد صاعد

[thelord007]

الشركة بحاجة للسيولة
ولا اعتقد انها ستطرح السهم باكثر من 20 ريال
اكتتاب ب 20 ريال + 40 % اسهم مجانية .... الخير صار خيريين
الله يوفق الملاك وباذن الله رابحيين

[كبير المتداولين]

الحين راح تقولون فهمنا كما قالها بني علي اي نعم فهمنا

[مساهم أول]

السهم خربط الحسابات كلهاااااااا ...

[بوجاااااسم]

لما أعلن عن دخول الشريك الإستراتيجي
صار نفس سيناريو اليوم
ونزل السهم بالتدريج لين وصل اللمت داون
ولما أعلنوا اليوم إنسحاب الشريك
نزل السهم أيضاً وبالتدريج والآن قريب من اللمت داون
سوق الأسهم القطرية
يحتاج إلى كاهن وليس محلل
مع كل الأسف
وهناك من يضارب على الأخبار وعلى نفسيات صغار المساهمين
أقولها بكل أسف

[داااايم السيف]

الي قاعد يصير جريمة في حق المساهمين
ووالله المفروض يتم فتح باب تحقيق فيما آلت اليه الامور

[thelord007]

اعتب على ادارة الشركة الي لا تطمن المساهمين
ولا تعمل على الحفاظ على سهمها ومستثمريهااا ....

[نسيم الغربي]

السهم ودة يتنفس بس ماهب مخلين لة مجال حسبي الله عليهم فتح عال 25.75 والحين 23.65

حسبي الله عليهم

كل مايحاول يستعيد انفاسة ارضخو 50 و 100 الف سهم للبيع وتصريف بااي سعر

[مكنتوش]

خبر ممتاز

[عزوز المضارب]

أعلنت الشركة المتحدة للتنمية عن استلامها كتاباً من بنك قطر الوطني ممثل المساهم الإستراتيجي، أوضح فيه أن المساهم المذكور يشترط إدخاله قبل الجمعية العامة غير العادية التي ستوزع الأسهم المجانية على مستحقيها من المساهمين، وفي حال عدم إدخاله فإنه قد قرر سحب طلبه وعدم الدخول كمساهم إستراتيجي، معللاً ذلك بأن قرار المساهمة قد بني على معطيات حين تقديم العرض.




ناسف لان يصل الحال عن احدى الشركات المساهمه ببورصه قطر لهذا المستوى وسلبية الشريك الاستراتيجي
فبورصه قطر ليس روضة للاطفال حتى يتم التنازع على توزيعات وخلافة ..
اذا كان الكبار بهذا المستوى من التفكير فلا نلوم الصغار ما يفعلونه وما سيفعلونة مستقبلا

عذر اقبح من ذنب وضحك على الذقون للاسف لو تم اختلاق عذر مقنع يحترم عقول
المساهمين لان افضل وحفظ ماء وجة الطرفن المتنازعين على توزيعات

ولا حول ولا قوة الا بالله

[بوجبر]

صندوق التقاعد اذا يبي توزيع السهم قدامة في السوق يشتري وبيستحقون التوزيع ...بس الظاهر الجماعة صرفو !!!

[داااايم السيف]

ناسف لان يصل الحال عن احدى الشركات المساهمه ببورصه قطر لهذا المستوى وسلبية الشريك الاستراتيجي
فبورصه قطر ليس روضة للاطفال حتى يتم التنازع على توزيعات وخلافة ..
اذا كان الكبار بهذا المستوى من التفكير فلا نلوم الصغار ما يفعلونه وما سيفعلونة مستقبلا

عذر اقبح من ذنب وضحك على الذقون للاسف لو تم اختلاق عذر مقنع يحترم عقول
المساهمين لان افضل وحفظ ماء وجة الطرفن المتنازعين على توزيعات

ولا حول ولا قوة الا بالله

كان المفروض يتم الغاء كل الصفقات ووقف التداول على السهم حتى اشعارا اخر
لاحول ولاقوة الا بالله

[عنيــــد]

هالسهم مضروب و ادارته سيئة ،، لا يكون لعب عيال هو مره اتفقنا و مره غيرنا

[Hassoun]

تفاعل طبيعي.
أظن وعلى الارجح أن تطرح إكتتاب 50% والافضلية لملاك الاسهم بسعر 20 ريال. وشوف السهم كيف بيطلع لمت أب ليومين.

[Hassoun]

هو بلا إكتتاب السهم ممتاز مع توزيع 40% أسهم مجانية وسوف يتفاعل صعودا

[مقيم]

مع الاسف
ان اموال المساهمين اصبحت تدار بطريقة غير محترمة من الشركات المساهمة

والسؤال الذي يفرض نفسه
ماذا يحدث في المتحدة ؟؟
من استقالات وانسحاب الشريك الاستراتيجي
الى شح في السيولة
الى تقييم عقارات بشكل استثنائي

مادور هيئة السوق في كل هذا التخبط

اصبح المساهم لايعرف هل يشتري او يبيع
لان عدم الوضوح هو الغالب

بعد رفض الشريك الاستراتيجي
ماهو القرار القادم لادارة المتحدة
هل العودة الى الاكتتاب
ام البحث عن شريك استراتيجي اخر

القرار الجيد للمساهم في الايام الحالية
هو المضاربة بالسهم بانتظار القرارات الجديدة

[بوجاااااسم]

لا زلت عند رأيي
السهم ممتاز
ومن باع اليوم من الخوف ( والله ما ألومه )
ينتظر حتى يستقر السهم ثم يدخل من جديد
وماحدث اليوم جريمة لاتغتفر
والمسؤول هو إدارة السوق فقط
خبر مثل هذا لابد فيه
أن يتم إيقاف السهم عن التداول
ومعرفة الأسباب الحقيقية للإنسحاب
ومعاقبة من يحاول أن يتلاعب بالسهم
ثم إعادة السهم للتداول مرة أخرى ...

[أسير الاسهم]

عسى الله يعين بس .. ما عرفنا نبيع والا نشتري والا ننثبر ننطر

[كيلو حديد]

السؤال
هل المطلعين على هذه الأخبار اشتروا ايام ال ٢٠ وباعو في ال ٢٨
ثم اشتروا في ٢٣ وباعوا في ٢٦ و ٢٥

واحنا ضايعين ولا عندنا خبر ولا في حد يحمي اموالنا .

من المسؤؤل عن حماية اموال المساهمين في شركات البورصه ؟
واذا لم يفعل شيئاً ماذا علينا ان نفعل كي نحفظ اموالنا ؟




الله المستعان

[burjalburoj]

مطلوب نشر نسخة كتاب الشريك الاستراتيجي وفي كل الاحوال حتى لو كان تاريخ نشر الخبر بعد الاعلان مباشرة صدفة فيجب محاسبة الشريك الاستراتيجي على مافعل بالمساهمين حيث أنه وبفرض رغبته بالدخول قبل التوزيع فلم يقل ذلك صراحة وفي كل الاحوال يجب على ادارة المتحدة كاملة ان تحترم نفسها وان تحترم المساهمين وتستقيل حالا وبالتوفيق للجميع ان شاء الله والحمد لله على كل حال

[qews]

واحد يهدد مجلس الاداره وواحد يشكر
والثاني يقول شكله الصانع يتابع وواحد يطلع بعد التداول ويقول سكر فجوه
كلام فاضي
وان تعلق قال وين اداره السوق
الله يعينكم ياجماعه الخير انا من اشوف سهم عليه بلبه في المنتدى ابتعد عنه

وكل التوفيق لملاك السهم في 40% اسهم

[أسير الاسهم]

مالكم الا الصبـر

[imar]

ما يحدث في المتحدة : تهريج في النوريج:anger1:

[العابــرQAT]

الصانع المجرم راسم شمعة الخميس يوحي بالانخفاض المجرم هذا ليش راسمة
وفية اخبار ايجابية علية
توزيع 4% وانسحاب الشريك اللي كان السبب في تعاسة السهم

هو فلوس الناس لعبة عندة يدمرها احنا داشين علي اساس بيانات مالية مشجعة للغاية
هو مزاجة ينزل بلا اساس لا مالي ولا فني يحق لة

ياشباب مافي فائدة في ادارة السوق

محد دمرنا الا هذا المعتوة الصانع حد يقول اسمة او الجهة اللي حارق فلوس خلق الله

بنتصرف معاة معاد يفيد مناشدات واماني مع هذا الحقير

[rashid_qatar]

بعد الانسحاب نبي كاش 4 ريال واكتتاب 40%

[مضارب عراقي]

بعد الانسحاب نبي كاش 4 ريال واكتتاب 40%

كلام جميل جدا

[النابلسي]

أعتقد ان الشريك الإستراتيجي لديه الحق في الأنسحاب من الصفقة، فقد كان الأتفاق على تملك نسبة 33% ولكن مجلس الإدارة بتوزيعه قلص نسبة تملك الشريك الإستراتيجي، بالإضافة، لو كان التوزيع نقدي ما اعتقد بأن الشريك قد يعترض.



بعد الانسحاب نبي كاش 4 ريال واكتتاب 40%

هل سيكون هناك من يعترض كما حدث مع بروة السنة الماضية و اجبروا مجلس الإدارة على توزيع ريال بدل ترحيل الأرباح؟

[ابن البيطار]

بعد الانسحاب نبي كاش 4 ريال واكتتاب 40%

اخوي بوراشد من وين الكاش والشركه محتاجه كل فلس .

انتظروا اكتتاب بسعر 20ريال وشدوا حيلكم وكتتبوا خصوصا الي يتوقع السهم يوصل 50ريال لايفوت هالفرصه .

[msz]

قلتها في موضوع سابق.. دخول الشريك ما كان مؤكد 100٪ وبالتالي له الحق انه ينسحب في اي وقت قبل إبرام الصفقه بشكل رسمي ونهائي.

المشكله والاعتراض عندي على السبب الي استخدموه!!!!! بكل وقاحه يطلبون إتمام الصفقه قبل الجمعيه العموميه!!!!!!!

اي انسان يتعامل في اسواق المال او في التجاره وعنده معرفه ولو بسيطه يعرف ان موافقة المساهمين (ملاك الشركه) شرط اسااااااسييي في اي تغيير جذري او له وزنه في تركيبة الشركه.

فكيف تطلب هيئة التقاعد الموقره طلب مثل هذا وفيه استخفاف وتهميش لمساهمين الشركه الي تبي تدخل فيها كشريك.....

طمعوا في ال40٪ من الأسهم المجانيه بالاضافه الى ال50٪ الي بياخذونها برخص التراب وللأسف كشروا عن أنيابهم حتى قبل لا يدخلون وحسسوني انهم داخلين على طمع مثل ما يقولون إخوانا المصريين!

مع كل اعتراضاتي على إدارة المتحده وعدم الشفافيه في بعض الاحيان الا أني اشكرهم على عدم الموافقه على شرط الهيئه لان لو وافقوا بتكون رساله من إدارة المتحده الى المساهمين مفادها أنكم لا تسوون عندنا اي شيئ.

وانشالله يكون فض الشراكه فال خير على الشركه لان من بداية الموضوع ووجه الهيئه شؤم على السهم وملاكه والسهم ما شاف الخير من اول الاعلان عن دخول الهيئه كشريك وحتى اعلان فض الشراكه مع أني من الذين استبشروا خير بإدخال الهيئه كشريك.

بطريقه غير مباشره اعاد رفض الاداره لشرط الهيئه بعض الثقه عندي وانشالله تكون فاتحة خير على السهم وعلى علاقة الاداره مع المساهمين.

الكثير من التجاوزات تحصل في سوق قطر المالي ولكن ما تصورت ان يحدث شيئ من هذا القبيل والحمدلله ان إدارة المتحده ما مشوا مع الهيئه لان كانت هالخطوه بتحول سوق المال الى سوق خضار رسميا.

مستمرين معاك يا سهم المتحده باذن الله ونشوف وين بنوصل.

*

[داااايم السيف]

فعلا !!
اعتقد ان الجماعة (هيئة المعاشات) افهموا الطبخة فلابد من اعادة النظر في توزيعات الشركة الـ(40%) مجاني
اعتقد لو الشركة اعلنت عن توزيعات نقدية ما حصلنا اعتراض من الهيئة:)

[msz]

اخوي بوراشد من وين الكاش والشركه محتاجه كل فلس .

انتظروا اكتتاب بسعر 20ريال وشدوا حيلكم وكتتبوا خصوصا الي يتوقع السهم يوصل 50ريال لايفوت هالفرصه .


الكاش ياخوي من ال960 مليون ريال الي حققوها خلال 2011 الموجوده في بيانات الشركه الماليه (الكاش فلو). مقارنه ب 327 مليون ريال لعام 2010!!!!!!

وعندهم مليار ونص تقريبا عمل قيد التنفيذ و860 مليون في الانفنتوري. وهذي بنود المفروض اتدخل كاش على الشركه في السنه المقبله.

بس المشكله انهم تعودوا يعطون المستثمرين اسهم مجانيه.*

[النابلسي]

فعلا !!
اعتقد ان الجماعة (هيئة المعاشات) افهموا الطبخة فلابد من اعادة النظر في توزيعات الشركة الـ(40%) مجاني
اعتقد لو الشركة اعلنت عن توزيعات نقدية ما حصلنا اعتراض من الهيئة:)

:nice::nice:

[السد العالمي]

بدخول الشريك او الانسحاب السهم بتوزيعه 40% اسهم مجانية وسعره الحالي في 24 و25 ممتاز جداً وبهذا التوزيع السهم يجب أن يكون في الثلاثينات وهذا الصحيح وما يصح الا الصحيح والأيام القادمة راح تثبت ذلك نقطة أخرى اذا الشركة محتاج للسيولة الاكتتاب هو أنسب حل وعلى سعر 20 ريال مستعدين نكتتب والكاش موجود ما في أي مشاكل

بسنة لإدارة السوق ما اعتقد بان هناك ادارة تدير السوق

[alshobaki7]

سيناريو اليوم هو نفس سيناريو يوم الاعلان عن صفقة الشريك الاستراتيجي
بمعنى أن من رأى سلبية في الخبر قام بالبيع
وسيعاود السهم النهوض مجددا
هذا والله وحده أعلم

[أسير الاسهم]

لنتفائل يا جماعه السهم فيه خير ان شاء الله

[العابــرQAT]

لنتفائل يا جماعه السهم فيه خير ان شاء الله


لنتفائـــــل

[السد العالمي]

اللي باع السهم اليوم معروفين يعني صغار المستثمرين عندهم كل هاي سهم علشان كل دقيقه نزل امر بيع ب10000 سهم وب5000 سهم

[السد العالمي]

صحيح هناك بعض الإخوان من الصغار المستثمرين اللي خافوا وقاموا ببيع السهم واليام الجاي راح يندومون على هالشي

[rashid_qatar]

qnb استلمو ارباحهم اليوم وبكرة بيدخلون في المتحدة لحد يستعجل ويبيع

[كبير المتداولين]

الي يقول تحقيق والي يقول صانع السهم وكل واحد يدلو بدلوه وناسين انه سوق شخصين بائع ومشتري

[العابــرQAT]

الي يقول تحقيق والي يقول صانع السهم وكل واحد يدلو بدلوه وناسين انه سوق شخصين بائع ومشتري


ياخي عرفنا انك تكرة المتحدة

مادام مالك فالمتحدة شوف لك موضوع ثاني كل اشوي طايح تشوية

تري ملينا

وبعدين اشلون اعلان دخول الشريك لمت داون وانسحاب الشريك لمت داون

هذي مؤامرة علي اموال المساهمين يستدعي تدخل ادارة السوق التي تبيع حقوقنا

وين ادارة البورصة السعودية كان وقفتهم عن التدوال وغرمتهم

[بوجبر]

احترنا يا كبير المتداولين معاك..اقترح علينااااا ايش نشتري سهم وتوزيعة يكون احسن من المتحدة:secret:

[أسير الاسهم]

الظاهر جلسة اليوم بيبين السهم طالع والا نازل

[بوجبر]

الظاهر جلسة اليوم بيبين السهم طالع والا نازل


حتى لو نزل كااااااش الحالات الطارئة بيكون جااااااهز خلال هاليومين ولا تنسى احنا اول الشهر:victory:

[أسير الاسهم]

الله يزيدك ولا ينقصك

[بوجبر]

الله يزيدك ولا ينقصك


ويزيدك بمثلة ان شاء الله’’’

[V I P ALWAYS]

أنا موجود !!!!! واضحك على السوالف الي قاعدة تصير

[اكتتاب خاص]

موضوع انسحاب الشريك الاستراتيجي من المتحده

يعيد الى الواجهه مسالة نقص السيوله لدى الشركه

حيث ان هذا الشريك كان سيوفر للشركه السيوله والكاش للتحرك في المشاريع

وهنا يطرح سؤال مره اخرى وهو ماذا ستعمل الشركه لحل المشكله
هل سيتم طرح اكتتاب ام ماذا

وخاصه اذا عرفنا ان الشركه فعلا محتاجه للسيوله ولذلك حرصت وتحرص على توزيع المجاني

والاحتفاظ بالكاش في السنوات الاخيره

[V I P ALWAYS]

قالوا حق الشريك ليش ما نغير سعر الشراء الى30 مثلآ عشان موافقة المساهمين ,,,, لن السهم يسوى أكثر من20 !!!!! راح انسحب الشريك ,,, مب عشان التوزيع !هذي تمثيلية عشان ما يرتفع سعر السهم في السوق ,,,, أمممممممممممممممممممممممسسسسسسسسسسسسسسسسسسسسسسسسسس سسسسسككككككككككك
سسسسسسسسسسسسسسسسسسسهههههههههههههههههههمممممممممممم مممممممممممككككككككك

[أسير الاسهم]

أستقرار اليوم فالمتحده على 24.7 .. شرايكم فالجلسات القادمه ... لحد اجتماع الجمعية

[مضارب عراقي]

حتى لو نزل كااااااش الحالات الطارئة بيكون جااااااهز خلال هاليومين ولا تنسى احنا اول الشهر:victory:


الي حصلناه من الدولي حطيناه في المتحدة .. وجهزنا اضافي .. ونحن بالنتظار :victory::victory:

[عنيــــد]

تم الدخول اليوم ع المتحدة

و الاجر على الله

[جرح الزمان]

ناسف لان يصل الحال عن احدى الشركات المساهمه ببورصه قطر لهذا المستوى وسلبية الشريك الاستراتيجي
فبورصه قطر ليس روضة للاطفال حتى يتم التنازع على توزيعات وخلافة ..
اذا كان الكبار بهذا المستوى من التفكير فلا نلوم الصغار ما يفعلونه وما سيفعلونة مستقبلا

عذر اقبح من ذنب وضحك على الذقون للاسف لو تم اختلاق عذر مقنع يحترم عقول
المساهمين لان افضل وحفظ ماء وجة الطرفن المتنازعين على توزيعات

ولا حول ولا قوة الا بالله

صدقت يا اخوي عزوز

للاسف كثير من الشركات المساهمه صارت تستغبي المساهمين

مطلوب تدخل من وزارة الاقتصاد لحماية صغار المساهمين

حسبنا الله ونعم الوكيل

[بوجبر]

الظاهر المتحدة مالها الا عمل اكتتاب للمساهمين بسعر معقول !!!

[لقمان]

بنسبة الأسهم المجانية اتوماتيك تنزل فى الحساب بعد انعقاد الجمعية والا فى تسجيل ممكن احد يرد علينا و
شكرا للجميع وممكن ابيع يوم الثانى كل الأسهم الى عندى

[رمــــــاح]

بنسبة الأسهم المجانية اتوماتيك تنزل فى الحساب بعد انعقاد الجمعية والا فى تسجيل ممكن احد يرد علينا و
شكرا للجميع وممكن ابيع يوم الثانى كل الأسهم الى عندى

ما يحتاج تسجيل تنزل على طول لحسابك وتستطيع البيع اليوم الثاني من انعقاد الجمعيه

[لقمان]

مشكور الاخ رماح جزاك الله خير الدنيا والأخرة عسى الله يرحم والديك ويرزقهم جنات الفردوس

[V I P ALWAYS]

صار لي 15 سنة في البورصة واول مرة أشوف عائد سهم 23 ومحقق فوق ال3 مليار حتى لو أنها أرباح تشغيلية وسعر السهم 24,70 !!!!!!!! شيء غير طبيعي ,,,,, يله الصبر زين وشنسوي بعد ,,,, انشاءالله الارتفاع قادم في هذا الشهر

[العابــرQAT]

اعجابي لادارة الريان والمخازن ومواشي والرعاية

الذين يمتلكون الضمير وقوة الارادة واسعاد ملاك اسهمهم ويحافظون ويرفعون اسعارهم

اما روضة الاطفال ادارة المتحدة (تصريح عزوز المضارب ) تفكر كيف تقتل تنزل السهم

تفكر كيف تغدر تفكر ان كان فية خبر ايجابي بنفس اللحظة تجهز السكين لقتل الفارحين

لكي يجمع الضايع ما يكفية سنة يجمع الله ياخذة

[hot2000]

صار لي 15 سنة في البورصة واول مرة أشوف عائد سهم 23 ومحقق فوق ال3 مليار حتى لو أنها أرباح تشغيلية وسعر السهم 24,70 !!!!!!!! شيء غير طبيعي ,,,,, يله الصبر زين وشنسوي بعد ,,,, انشاءالله الارتفاع قادم في هذا الشهر

صدقت والله

الله المستعان ومنتظرين الايام الجايه

[V I P ALWAYS]

سعر سهم المتحدة في البورصة غلط 1000000% !!! والي مب معاي الظاهر هو مريض نفسي مثل الصانع الضايع الي قاعد يجمع من سنتين ,,,,,,, أقل شيء 35-40

[العابــرQAT]

سعر سهم المتحدة في البورصة غلط 1000000% !!! والي مب معاي الظاهر هو مريض نفسي مثل الصانع الضايع الي قاعد يجمع من سنتين

وين ادارة السوق المتواطـــئـة الخانعة لادارة المتحدة عن المهزلة

المفروض ادارة السوق توقف مضارب المتحدة وتحقق معاة اشلون عند اعلان الشريك
السهم ينزل لمت داون وانسحاب الشريك لمت داون ما يصير ادارة السوق تتفرج علي شركة
المتحدة وهي تدمر استثمارتنا

وين ادارة السوق اتحقق مع شركة المتحدة اشلون سهم توزيعة 40% وسعرة 24
لو نقارنها بشركات بتكون صدمة
الريان نص ريال وسعرة اليوم اعلي من المتحدة الدوحة للتامين 30% مجاني وسعرة 33 ريال

سبب سعر المتحدة العقلية القديمة المتسلطة الفردية شركة غير محترمة ولا تحترم ملاك اسهمها

خاطري مضارب عود يدش ويربيهم

[كبير المتداولين]

اخوي العابر لاتدع العاطفه المخفيه تغلب على الصوره الطافيه واذا كنت اكره السهم فلامصلحه تبني على الكراهيه وانما تبني على المحبه في سوق الاسهم

[العابــرQAT]

اخوي العابر لاتدع العاطفه المخفيه تغلب على الصوره الطافيه واذا كنت اكره السهم فلامصلحه تبني على الكراهيه وانما تبني على المحبه في سوق الاسهم

اخوي كبير المتدوالين امامنا حقائق مالية وتوزيع 40%وسعر 24

وانا متأكد انك غير مقتنع بسعر المتحدة قياسا لتوزيعة السخي

خلنا من سالفة عندها سيولة او ما عندها لانة قياس السهم الان بتوزيعة

لو قلنا الشركة خسرانة او توزيع سئ بنقول معلية اما بكل وقاحة تعمل علي تدمير السهم
لا صارت ولا استوت من يوم انشأت البورصة

[كبير المتداولين]

العضو اكتتاب خاص كلامك عين العقل والحكمه وفقك الله لما تحب وترضى

[كبير المتداولين]

سعر المتحده نعم ليس سعرها الحقيقي وتستاهل اكثر وهنالك الكثير من الشركات ليست عند اسعارها الحقيقيه ولاكن عندما تجد ان الشركه تعاني من مشاكل لم تستطع حلها فهذه علامه استفهام ونحن نحاول فك هذه العلامه من خلال المعطيات المتوفره وماتوفره لنا المتحده من معطيات دليل على بقاء سعر السهم بهذه المستويات انا مافلت السهم ينزل قلت يستقر وهذا الي صار السهم يبي يستقر الى اتضاح المشكله الي تواجهها المتحده العائد كل سنه يرتفع وسعر السهم ينزل في نظرك هل هذا تجميع هي مضاربات بحته لان الصوره غير واضحه

[V I P ALWAYS]

الأرباح موجودة وسعر العائد موجود والاستثمارات بسم الله ماشاءالله لا تعد ولا تحصى ,,,,,
العائد:23
الأرباح: فوق ال500%
توزيع 40% أسهم مجانية
سعر السهم : 24,70 لا حول ولا قوة الا بالله ,,,,, هل يعقل ما يجري في السهم !!!!! يا جماعة في سر غامض محد يعرفه الا الصانع الي قاعد يجمع ,,,,,,,,, ترى حاسبوا يمكن يصير ارتفاع قوي في أي لحظة ,,,, أعتقد الجلوس في السهم أفضل شيء ولو سنتين جدام ل2014 اذا الله أراد

[عنيــــد]

التوزيعات المجانية ما منها فايده توزع من هنا و وقت التوزيع ينقسم السعر على عدد الاسهم يعني نفس الحاجه ،،

واضح ان مشكلة الشريك و الحاجة للسيولة هي السبب ،، اظن مالهم غير طرح اكتتاب للمساهمين و هذا المخرج المعقول لمصيبتهم ،،

اللعبة اللي صارت الشريك بيدخل لا غير رايه ،، هذا كلام فاضي و كان واجب ايقاف التداول عالسهم يومها و فتح تحقيق في هالجريمه ،، اللي حصل ان كثير من المساهمين تلقوا خسائر فادحة بسبب هالتخبط اللي صار ..

عالاقل احترموا عقول الناس

[super123]

انا رايي لا احد يتعب عمره في البورصة والاسهم ويصير عنده الضغط والسكر والقلب وفي الاخير على الفاضي
وبعد يقصون علينا ويقولون ان الشركات حققت ارباح ممتازة 17349807 مليار
وفي الاخير ما يوزوعون ارباح على المساهمين مننتظر نطر منهم نص ولا ريال ولا ريالين
اشوف والله الواحد يشوفله اي شي ثاني غير البورصة والخرابيط على الاقل ما تهبط روحه كل ما يهبط السهم وانا اولكم بس عطونا اقتراحات
ومشكورين

[V I P ALWAYS]

انا رايي لا احد يتعب عمره في البورصة والاسهم ويصير عنده الضغط والسكر والقلب وفي الاخير على الفاضي
وبعد يقصون علينا ويقولون ان الشركات حققت ارباح ممتازة 17349807 مليار
وفي الاخير ما يوزوعون ارباح على المساهمين مننتظر نطر منهم نص ولا ريال ولا ريالين
اشوف والله الواحد يشوفله اي شي ثاني غير البورصة والخرابيط على الاقل ما تهبط روحه كل ما يهبط السهم وانا اولكم بس عطونا اقتراحات
ومشكورين

وصدق الشاعر عندما قال : حبة فوق وحبة تحت:eek5::eek5:

[adell]

صح كلامك البورصه صارت تكسب كم الاف وترجع تخسرهم وترجع تكسب نصف الي خسرته وترجع تخسر ضعف اليس كسبته وترجع تكسب وترجع تخسر لا بتزيد والابتقل

[المتنبي]

المتحدة ليست للبيع

[hot2000]

المتحدة ليست للبيع



أوافقك الرأي

وبأعلى صوت
ليست للبيع :victory:

[مكنتوش]

مستثمرين المتحدة السهم مب للبيع

العام20% مجاني
هذا العام40%
من كان يملك العام10000 سهم
سيمتلك بعد توزيع16000
لو باع6000 ع سعر20
ربحة1200000 ع حسب سعر شراءه

السيولة رجعت للسهم بقوة بعد اعلان خبر الانسحاب ونزول
السهم للمت داون
اتوقع يبدا السهم بالارتفاع ولفت انتباه المضاربين والمستثمرين
27 ان شاء الله:deal:

[بوجاااااسم]

مستثمرين المتحدة السهم مب للبيع

العام20% مجاني
هذا العام40%
من كان يملك العام10000 سهم
سيمتلك بعد توزيع16000
لو باع6000 ع سعر20
ربحة1200000 ع حسب سعر شراءه

السيولة رجعت للسهم بقوة بعد اعلان خبر الانسحاب ونزول
السهم للمت داون
اتوقع يبدا السهم بالارتفاع ولفت انتباه المضاربين والمستثمرين
27 ان شاء الله:deal:




فيه 800 سهم طاروا من حسبتك يالغالي
10000 صارت 12000 بعد توزيع 20%
12000 صارت 16800 بعد توزيع 40 %
رأيك أنت بالذات مهم للجميع
تقبل تحياتي يالغالي

[V I P ALWAYS]

مشكورين على الصمود والتفاؤل ,,,,,,,,السهم رايح فوق ال30 بأذن الله ,,,,,,

[V I P ALWAYS]

أحس ان الصانع سكت شوي هاليومين في تحركاته المزعجة !!!!!!!! والله خوفي يرجع لما السهم يروح 28 ويرجع السهم مرة ثانية ,,,,,,,,, ترى يبط الجبد دائمآ ويبيلة ضرب

[العابــرQAT]

تدوال مميز اليوم بخطواتة التصاعدية الثابتة من اليوم

ان شالله شهر فبراير بيكون مميز للمتحدة

الي الصانع اقعد مع نفسك اشوي ما تخجل من نفسك سهمك المتحدة 25 وبونص ريال الريان اعلي منك اليوم
والمخازن بوريال 38 ماعندك غيرة علي سهمك انت مصنوع من شنو كل تفكيرك شر من 2009
ليش ما يكون المتحدة فوق 40 باقي الشركات احسن منك !

هذا اللي يبيع 40% وقاعد تبيع وبو نص ريال تشترية عجبي من هذا الزمان

[(بوطلال)]

العام شريت المتحده1000سهم ب30ريال قبل التوزيعات

عطوني 20% صارو 1200 وهالسنه 40% صارو 1680 بعد التوزيع لو فترضنا بيرجع 18ريال مثل العام هذا مع التفائل يعني 1680*18=30000 ريال

يعني خلال سنتين كأنك يابوزيد ماغزيت .

لو موزعين كاش كان ابرك لكن المجاني اكبر مثال له الوطني اليوم نزل بنفس قيمة المجاني ويافرحتي بالمجاني

[العابــرQAT]

العام شريت المتحده1000سهم ب30ريال قبل التوزيعات

عطوني 20% صارو 1200 وهالسنه 40% صارو 1680 بعد التوزيع لو فترضنا بيرجع 18ريال مثل العام هذا مع التفائل يعني 1680*18=30000 ريال

يعني خلال سنتين كأنك يابوزيد ماغزيت .

لو موزعين كاش كان ابرك لكن المجاني اكبر مثال له الوطني اليوم نزل بنفس قيمة المجاني ويافرحتي بالمجاني




مشاركة سخيفة

اعوذ باللة من قلبك الاسود تظهر حقدك علي المتحدة وملاكها انت ما تستحي علي ويهك

انت كذاب شريت المتحدة شاري 30 وهو راح 30 يوم واحد بس عاد انت لحقت تشتري!

الادارة لازم تتخذ معاك اجراء

[imar]

سهم ممتاز يبيله صببببببببببببببببببرررررررررررررررررر

[داااايم السيف]

مشاركة سخيفة

اعوذ باللة من قلبك الاسود تظهر حقدك علي المتحدة وملاكها انت ما تستحي علي ويهك

انت كذاب شريت المتحدة شاري 30 وهو راح 30 يوم واحد بس عاد انت لحقت تشتري!

الادارة لازم تتخذ معاك اجراء
اخوي العابر ما هكذا يكون النقاش بارك الله فيك
لكل منا وجهة نظر خاصة وهي جديره بالاحترام منا جميعا اذا كانت في حدود المنطق
الاخ العزيز بوطلال ذكر موقف حصل معاه في سهم شركة من ضمن قطاعات السوق ولا ارى مانع من ذلك
فيجب عليك اخي الكريم التحلي بالصبر واحسان الظن بالآخرين
وبالنسبة لسهمك فيه خير كثير وماعليك الا الاحتفاظ به وحتى الجمعية العمومية وستجد مايسرك باذن الله
ولاتنسى نسبة التطهير بارك الله فيك:nice:
تقبل مروري:)

[(بوطلال)]

مشاركة سخيفة

اعوذ باللة من قلبك الاسود تظهر حقدك علي المتحدة وملاكها انت ما تستحي علي ويهك

انت كذاب شريت المتحدة شاري 30 وهو راح 30 يوم واحد بس عاد انت لحقت تشتري!

الادارة لازم تتخذ معاك اجراء


بل بل الي يشوف ردك يقول كني غالط على حد من هلك.


نعم شريت ب30 من سنه تقريبا وبعته قبل كم يوم ب26 بعد مالاعت جبدي منه سنه كامله ومستحيل ارجعله مره ثانيه .

وبعدين انت شتبي اذا وصل 26 بتبيعه وبتقول حق الناس الي ورطهم فيه (سي يو مان) ولا نسيت !!

وبعدين تعال واقنعني خلك مني انا قولي الي شرا السهم قبل كم اسبوع ب28 شنهي فايدته من الاسهم المجانيه بعد التوزيع اذا رجع السهم بنفس نسبة توزيع المجانيه وغرقوا السوق بأكثر من 60مليون سهم مجاني ورجع السهم لل18ريال . متى راح اتجمع هالاسهم .ولاتنسى للحين الشركه محتاجه ومتوهقه بالسيوله وهذا موضوع ثاني.

الاسهم المجانيه كلام فاضي وضحك على الذقون والي مب عاجبه كلامي يرد علي بالارقام والمقارانت مب بالغلط .

[Hassoun]

اعتقد السعر يتخطى 28 قبل الجمعية العمومية

[Nahool]

العام شريت المتحده1000سهم ب30ريال قبل التوزيعات

عطوني 20% صارو 1200 وهالسنه 40% صارو 1680 بعد التوزيع لو فترضنا بيرجع 18ريال مثل العام هذا مع التفائل يعني 1680*18=30000 ريال

يعني خلال سنتين كأنك يابوزيد ماغزيت .

لو موزعين كاش كان ابرك لكن المجاني اكبر مثال له الوطني اليوم نزل بنفس قيمة المجاني ويافرحتي بالمجاني

بعد ربحان لو تعرف تحسب

[الوسيط العقاري]

بإختصار شديد

الخسران هو بائع المتحدة للتنمية

[مكنتوش]

العام شريت المتحده1000سهم ب30ريال قبل التوزيعات

عطوني 20% صارو 1200 وهالسنه 40% صارو 1680 بعد التوزيع لو فترضنا بيرجع 18ريال مثل العام هذا مع التفائل يعني 1680*18=30000 ريال

يعني خلال سنتين كأنك يابوزيد ماغزيت .

لو موزعين كاش كان ابرك لكن المجاني اكبر مثال له الوطني اليوم نزل بنفس قيمة المجاني ويافرحتي بالمجاني

لان توقيت دخولك كان خطأ

اللي دخل ع 24 و25 ربحان وبيربح زود
لو خذا المجاني هذا العام
اما بخصوص الوطني ملاكة متشيخين بالمجاني
طول السنوات الفائته
اما المجاني في المصرف والدولي أسال شيبان البنكين وشوف شكثر استفادو من المجاني والنقدي اللي جا بعد المجاني
اذآ توقيت الدخول وسعر الشراء وعقلية المستثمر
هم اللي يحددو المستثمر ربحان او خسران*

[V I P ALWAYS]

أنا أشوف لو تسكتون أفضل !!!!!!!!!!! والله ما عندكم سالفة ,,,,,, ياخي باختصار يا تبيع وانت ربحان أو خسران !!!!!! لو جريت جري الوحوش غير رزقك ما تحوش ,,,, المتحدة ليست للبيع في الوقت الحالي لأن يمكن يوصل 33 قبل الاجتماع وينزل 21 بعد الاجتماع ,,,,, يعني على المدى القصير ممتاز وعلى المدى البعيد ممتاز !!! الرجاء من السادة الفاشلين عدم اعطاء معلومات مستقبلية خاطئة للمساهمين بخصوص المتحدة ,,,, الي يصبر بيفلح وبتقولون ال v i p قال ,,,,,,

[محيوس]

لان توقيت دخولك كان خطأ

اللي دخل ع 24 و25 ربحان وبيربح زود
لو خذا المجاني هذا العام
اما بخصوص الوطني ملاكة متشيخين بالمجاني
طول السنوات الفائته
اما المجاني في المصرف والدولي أسال شيبان البنكين وشوف شكثر استفادو من المجاني والنقدي اللي جا بعد المجاني
اذآ توقيت الدخول وسعر الشراء وعقلية المستثمر
هم اللي يحددو المستثمر ربحان او خسران*

ودي اشتري السهم بس المشكله قاعد أفكر من راح يشتري أسهم المتحده من بعد ما توزع ال 40% أسهم مجانيه؟

[alshobaki7]

ودي اشتري السهم بس المشكله قاعد أفكر من راح يشتري أسهم المتحده من بعد ما توزع ال 40% أسهم مجانيه؟

بعد افصاحات الربع الأول راح الكل يتفاجأ لم تحقق الشركة نمو في الأرباح وساعتها بتعرف مين بشتريه.

[محيوس]

بعد افصاحات الربع الأول راح الكل يتفاجأ لم تحقق الشركة نمو في الأرباح وساعتها بتعرف مين بشتريه.


:omg:

يعني السالفه خربانه خربانه
تسلم يا الطيب ما قصرت

[mrloverman]

مستثمرين المتحدة السهم مب للبيع

العام20% مجاني
هذا العام40%
من كان يملك العام10000 سهم
سيمتلك بعد توزيع16000
لو باع6000 ع سعر20
ربحة1200000 ع حسب سعر شراءه

السيولة رجعت للسهم بقوة بعد اعلان خبر الانسحاب ونزول
السهم للمت داون
اتوقع يبدا السهم بالارتفاع ولفت انتباه المضاربين والمستثمرين
27 ان شاء الله:deal:
انزين لو شريت السهم في اليوم الي عقب الجمعيه
16000 سهم بتكون بنفس سعر الي مل 16000
ولو شريت 10000 سهم بيكون باقي عندي بالمحفظه 1200000

وين الربح ما اشوفه بصراحه بهالحسبه

[<اضرب واشرد>]

مشاركة سخيفة

اعوذ باللة من قلبك الاسود تظهر حقدك علي المتحدة وملاكها انت ما تستحي علي ويهك

انت كذاب شريت المتحدة شاري 30 وهو راح 30 يوم واحد بس عاد انت لحقت تشتري!

الادارة لازم تتخذ معاك اجراء

هههههههههههههه

عيل قلت الرعاية رايحة 15 والريان 14 ( لمت أب اسبوع كامل ) والمتحدة 54

:tease:

[مضارب عراقي]

مستثمرين المتحدة السهم مب للبيع

العام20% مجاني
هذا العام40%
من كان يملك العام10000 سهم
سيمتلك بعد توزيع16000
لو باع6000 ع سعر20
ربحة1200000 ع حسب سعر شراءه

السيولة رجعت للسهم بقوة بعد اعلان خبر الانسحاب ونزول
السهم للمت داون
اتوقع يبدا السهم بالارتفاع ولفت انتباه المضاربين والمستثمرين
27 ان شاء الله:deal:

كلام من ذهب .. من شخص مميز جدا ... بارك الله فيك

[msz]

مستثمرين المتحدة السهم مب للبيع

العام20% مجاني
هذا العام40%
من كان يملك العام10000 سهم
سيمتلك بعد توزيع16000
لو باع6000 ع سعر20
ربحة1200000 ع حسب سعر شراءه

السيولة رجعت للسهم بقوة بعد اعلان خبر الانسحاب ونزول
السهم للمت داون
اتوقع يبدا السهم بالارتفاع ولفت انتباه المضاربين والمستثمرين
27 ان شاء الله:deal:

اي سيوله الي رجعت اخوي العزيز! المحافظ القطريه والأجنبية تبيع السهم بكل قوه والأفراد الأجانب بعد. الافراد القطريين هم من ساند السهم في وقت عسرته وبالمقابل تتم مكافأتنا من مجلس الاداره بان يوزعون على بعض 24 مليو ريال مكافات ويستخسرون فينا حتى لو نص ريال كاش!!!!!

اتمنى يا شباب ان لا يتم تضليل الناس ويفضل ذكر الواقع كما هو بدون تلميع علما أني من ملاك السهم ولكن لا تعشمون العالم بشي قد لا يحصلونه.

علما ان السهم فيه خير انشالله ولكن ليس على المدى القريب (الا في حال تم رفع سعر السهم من قبل الصانع قبل الجمعيه العموميع) ولكن ما ان يتم توزيع الاسهم المجانيه ستخمد نيران السهم وسيلمع نجمه (ان لمع) في اول ربع من 2013 على اقل تقدير.

لازم إدارة المتحده تتعلم من ادارات بعض البنوك ولن اذكر اسماء لان الموضوع هذا عن المتحده ولكن بسبب شفافية السهم الي في بالي الكل يتدافع للاستثمار فيه والمضاربه عليه أيضاً عكس المتحده التي تفقد ثقة المستثمرين شيئا فشيئا...........

[alshobaki7]

اي سيوله الي رجعت اخوي العزيز! المحافظ القطريه والأجنبية تبيع السهم بكل قوه والأفراد الأجانب بعد. الافراد القطريين هم من ساند السهم في وقت عسرته وبالمقابل تتم مكافأتنا من مجلس الاداره بان يوزعون على بعض 24 مليو ريال مكافات ويستخسرون فينا حتى لو نص ريال كاش!!!!!

اتمنى يا شباب ان لا يتم تضليل الناس ويفضل ذكر الواقع كما هو بدون تلميع علما أني من ملاك السهم ولكن لا تعشمون العالم بشي قد لا يحصلونه.

علما ان السهم فيه خير انشالله ولكن ليس على المدى القريب (الا في حال تم رفع سعر السهم من قبل الصانع قبل الجمعيه العموميع) ولكن ما ان يتم توزيع الاسهم المجانيه ستخمد نيران السهم وسيلمع نجمه (ان لمع) في اول ربع من 2013 على اقل تقدير.

لازم إدارة المتحده تتعلم من ادارات بعض البنوك ولن اذكر اسماء لان الموضوع هذا عن المتحده ولكن بسبب شفافية السهم الي في بالي الكل يتدافع للاستثمار فيه والمضاربه عليه أيضاً عكس المتحده التي تفقد ثقة المستثمرين شيئا فشيئا...........

اصلا أخوي لو الشركة عندها شفافية وعندها سيولة وعندها....وعندها...... كان محد يحلم يشوف السهم بأسعاره الحالية، لذلك الكل شايفه فرصة لن تعوض.. أعطيك مثال للتوضيح .... سهم الرعاية كان على 9 ريال والكل يقولك شركة خسرانة وفاشلة حتى في هذا المنتدى الكل كان يهاجمها.. لكن الحقيقة أن الشركة طوال هذي الفترة وهي تبني في المستشفى وتجهز المعدات الطبية والكوادر، لو أي واحد تابعها على أرض الواقع بالاضافة لبياناتها المالية، كان عرف أن السهم فرصة استثمارية لن تعوض ...... وهذا هو الحال مع المتحدة الكل يقولك محتاجة سيولة...وسيولة.... السؤال حد راح شاف انجازات الشركة، مع العلم الكثير يعتقد أن الشركة المتحدة هي شركة عقارية بحته..... لا يعلمون أنها مطور لجزيرة اللؤلؤة بالاضافة أن لديها 19 شركة تابعة منها شراكات مع قطر للبترول وحكومة قطر وبنوك قطرية والتحويلية وشركات كثيرة عملاقة..... وكل السيولة التي تحتاجها الشركة هي فقط لافتتاح محلات بماركات عالمية ومطاعم وسينمات ومنتجعات ترفيهية.... ومرحلة اتمام بناء الجزيرة قاربت على الانتهاء وكلها بتمويلات بنكية (راجع البيانات المالية للشركة) يعني السيولة محتاجاها لفترة وجيزة وبعدين انسى تسمع سالفة السيولة بعد كذا.... وشوف العائد والتوزيعات النقدية الي راح يتفاجأ بها الجميع...... وما تنسى أن الشركة تحاول الحصول على السيولة من 3 سنوات وفي نفس الوقت تبهر الجميع بعوائد خيالية...كيف؟؟! .... هذا السهم بالمختصر بتمر عليه فترة بحقق عوائد فلكية...... هذا والله وحده أعلم.

[V I P ALWAYS]

الي عنده مليون يشتري الحين ,,,, لأن مع الأسهم المجانية والأرباح النقدية في السنوات القادمة ترى راح يرتفع السهم !!!!!! سياسة التجميع في الأسهم المجانية سنويآ ممتازة في المتحدة وبعد خمس سنوات اذا الله أراد وكنا عايشين ترى المليون بيصير 4 أو5 مليون ,,,, اللهم بلغت , اللهم فاشهد

[V I P ALWAYS]

لو عندك 40 ألف سهم الحين راح يصير 56 ألف سهم ok << وبعد خذ أسهم مجانية في 2013 و 2014 لين توصل 90 ألف سهم أو أكثر !!!! الشركة بتعطي أرباح نقدية باذن الله بعد سنتين مثلا وراح يوصل سعر السهم 40-50 ,,,,,,, يعني 1,000000 صاروا 4 الى 5,000000 والله أعلم ,,,, أنا شغال بهذه الطريقة في المتحدة وكل واحد له طريقة في الاستثمار ولكن حبيت أوضح يمكن حد يبي يسوي مثل طريقتي وعنده سيولة للشركة العظيمة المتحدة للتنمية ,,,, ولا تنسون ترى هذا الفردان مب شخص بسيط يا مساهمين !!!!!! نأسف على الاطالة

[V I P ALWAYS]

الرجاء من جميع السادة في المنتدى عدم التقليل من شأن الشركة ومجلس الادارة وعدم اعطاء معلومات مستقبلية خاطئة للمستثمرين بخصوص السهم واستثمارات الشركة ,,,, في شيء اسمه استثمار على المدى البعيد ومحد طقك على يدك وقالك ادخل عشان تحصل عوائد كبيرة في شهر أو سنة

[qews]

اهداء لخوي V I P وروق البال
http://www.************/watch?v=CZJtkAvrT0k


لاتنسى تكتب youtube .com
بدل النجوم

[لقمان]

يا جماعت الخير ذبحتوا السهم خلو يتنفس خلو يلتقط انفاسة لو لة اللسان ممكن راح يدافع عن نفسة ويتعاد مع الجميع

[(بوطلال)]

ههههههههههههههههههههههه

[بوجبر]

ههههههههههههههههههههههه


قول اللي عندك يا بوطلال :secret:

[V I P ALWAYS]

الي ما يعرف شيء خلة ساكت احسن لة ,,,,,,,,,كل شيء الا المتحدة والملايين جاية في السنوات القادمة ,,,, ناس ما تفهم الا البيع في اللمت آب وما يتشكون الا في اللمت داون !!! آل ايه آل مستسمر آل ,,,, ما أقول الي ؟؟؟؟؟

[V I P ALWAYS]

الي يكلمني يعني شاك في نفسه

[V I P ALWAYS]

الي عنده 1000 سهم خلي يخشه حق ايجار مطعم أحسن لة ولا يدخل ولا يشبر سوق الدوحة ,,,,,, شر البلية ما يضحك

[العابــرQAT]

ههههههههههههههههههههههه


استانس يالصانع

[العابــرQAT]

لا والصانع اللي ما يستحي ينزل السهم تحت 25 لا وعارض 60000 عاد انة يبي يخرع

الريان بو نص بكل قوة 26 وهذا المعتوة لا يسمح بصعودة هذا مريض نفسي صدقوني

[بوجاااااسم]

أنا من ملاك السهم
ومقتنع بالسهم 100%
ولكن بديت أكره السهم بسبب مشاركات بعض الأخوة
اللي يبي يطلع السهم السماء
واللي يبي يخسف فيه الأرض
والحقيقه أن السهم لاهو طايل السماء مثلما يتوقع البعض
ولن يخسف به الأرض مثل مايدعي الطرف الآخر
أرحمونا شوي
ماصارت نصيحة
هذي إكراه بالرأي
يكفي أن تقول وجهة نظرك مره واحده
وتكررها إذا نزل خبر أو لزم الأمر
أرحمونا الله يرحمكم
طبعا كلامي موجه للجميع
وأولهم بوجاااااسم

[RSI]

ياليت من المشرفين اغلاق الموضوع بعض الاعضاء سندرونا من كثر مايتكلمون وهو معروفين مسوين الصفحة جات

[msz]

الرجاء من جميع السادة في المنتدى عدم التقليل من شأن الشركة ومجلس الادارة وعدم اعطاء معلومات مستقبلية خاطئة للمستثمرين بخصوص السهم واستثمارات الشركة ,,,, في شيء اسمه استثمار على المدى البعيد ومحد طقك على يدك وقالك ادخل عشان تحصل عوائد كبيرة في شهر أو سنة

ياخوي ليكون انت من مجلس إدارة المتحده!!!!!!! ترا انت الي قاعد تعطي معلومات مغلوطه والا تبي الكل يسمعك ويبصملك ولا يكون عنده اي راي ثاني!!!!!!

قد يكون السهم فيه خير وانشالله يكون اداءه قوي ولكن المستقبل لا يعلمه الا الله وهو من الغيب.... لا تتكلم وانت متأكد بهالاسلوب لان قد تكون الشركه من انجح الشركات في المستقبل ولكن هناك أيضاً احتمال ان ينزل السهم زياده.

سواء عجبك ام لم يعجبك الكلام مجلس إدارة المتحده أخفى الكثير من المعلومات عن المساهمين وفوق هذا وزعوا على بعض مبالغ خياليه وفي الوقت ذاته يقولون نبي كل ريال وما نقدر نوزع كاش!!!!!! باي منطق هذا؟؟ انزين خلو المبالغ الي وزعتوها بتفيدكم في المشاريع.*

وقاموا وأعادوا تقييم اصولهم وارتفعت الأرباح 500٪ في الوقت الي أرباحهم التشغيلية ارتفعت 20 او 25٪ فقط!!!! ومع ان الأرباح ارتفعت 500٪ الا انهم منعوا السهم من الارتفاع بسبب سياساتكم الغريبه. وحتى وقت الاعلان عن الأرباح اولا ذلونا لين اعلنوا عن الأرباح كنا نطر من مخابيهم ولما اعلنوا صار بيع غير طبيعي من المحافظ لانهم عارفين شالطبخه. الاهلي يوم اعلنوا عن توزيع المجاني صك اللمت اب واليوم الثاني 6 مادري 7٪ وقرب من اللمت اب وعقب نزل اما المتحده من اول يوم ولا حتى وصل اللمت اب.

اعلنوا عن الشريك الاستراتيجي نزل السهم اعلنوا عن انسحاب الشريك الاستراتيجي بعد نزل السهم!!!!!!!!!!!

السهم لما توفرتله سيوله غير محدوده طلع لين 28 وعقب نزلوه لين 23 و24 والحين السيوله جفت من نبع المتحده في الوقت الحاظر على الاقل فماذا تظن النتيجه؟؟ الى متى سيتماسك السهم؟؟؟؟ تابعت التداول انت اليوم على السهم اخوي العزيز ولا لا؟؟؟؟؟؟*

سهم المتحده تحدى العلم والمنطق والعقل والتحليلات وكل قوانين الطبيعه وانا اخوك وآخرتها جاي تقولنا*الرجاء من جميع السادة في المنتدى عدم التقليل من شأن الشركة ومجلس الادارة وعدم اعطاء معلومات مستقبلية خاطئة للمستثمرين!!!!!!! السهم كسر كل حدود المنطق وبالتالي وخصوصا في ظل اللاشفافيه الحاصله توقع كل شي من هالسهم.

وكل تمجيدك للسهم في صوب ودفاعك عن مجلس الاداره في صوب هذا المجلس الذي لم يفوت فرصه في التخريب على اعضاء الشركه ومساهمينها.

جزء من كلامك صحيح وهو ان الشركه في المستقبل قد يكون لها نمو وارتفاع طيب ولكن المشكله انك تحسس الواحد من كلامك ان السهم مضمون 100٪ ومافي شي مضمون بهالطريقه. الواحد ما يضمن يعيش لين بأجر وانت جاي تقولي 2 و 3 و 4 سنين!!!!!

اتمنى اخوي انك تقدم تحليل منطقي لا ان تفرض رايك على الاعضاء والقراء وان تعطيهم الخيارات لا ان تختار عنهم وتحاول أقنعهم بشي انت مقتنع فيه.

قول حق الاعضاء عندكم خيارات متعدده منها ان تقومون بتصريف الأسهم قبل التوزيع او قبل الربع الاول من السنه القادمه على ابعد تقدير لان اداء السهم سيكون ضعيف معظم الظن خلال السنه الجايه عالاقل او تقدرون تحافظون بالسهم للسنوات الجايه مع احتمال ان يرتفع السهم او ان لا يرتفع. هنا بقولك كلامك على العين والراس اما انك تمجد في السهم وإدارة شركته وهم الصراحه لا يستحقون هذا التمجيد فاعذرني ان أقولك ان كلامك فيه تحيز ولا واقعيه.

كنا ساكتين وما نبي نزيد في الكلام والهرج الي حاصل ولكن الساكت عن الحق شيطان اخرس وهذا ما املاه علي ظميري وقلته.

وارجع وأقول قد يرتفع السهم بأجر الى 28 ولكن الكلام سهل والواقع يفرض نفسه والمعطيات تتكلم بغير الي نتمناه.

اسمحولي على الاطاله والله يوفق الجميع مهما كانت خياراتهم.
*

[V I P ALWAYS]

أخوي msz ماشاءالله كتبت 23 سطر وهذا يدل على قوة كلامي في المنتدى وأنا أشوف انك تعبت نفسك وايد وترى انت اكتسبت خبرة مني وقاعد تعيد الكلام الي قاعد أقوله حق المساهمين والأعضاء ,,, وانشاءالله بعد سنين بس جمع أسهمك المجانية وبتتذكرني !!!! فرصة سعيدة وما قلت شيء جديد سوى التأني في الحكم على السهم ؟؟؟:nice::nice::nice: وبعد ما فهمت عدل ممكن تكتب 40 سطر عشان الكل في المنتدى يسمعك ويقطون كلامي في البحر ,,,,,

[msz]

أخوي msz ماشاءالله كتبت 23 سطر وهذا يدل على قوة كلامي في المنتدى وأنا أشوف انك تعبت نفسك وايد وترى انت اكتسبت خبرة مني وقاعد تعيد الكلام الي قاعد أقوله حق المساهمين والأعضاء ,,, وانشاءالله بعد سنين بس جمع أسهمك المجانية وبتتذكرني !!!! فرصة سعيدة وما قلت شيء جديد سوى التأني في الحكم على السهم ؟؟؟:nice::nice::nice:

المصيبه انك ركزت في عد الاسطر اكثر من التركيز في فهمهم وهمك تقنع الناس انك اكثر واحد فاهم في التاريخ كالعاده.
الي ابي اوصلك اياه هو التالي (((خف شوي على الاعضاء وخلهم يفكرون بحياديه ولا تعطي الناس ضمانات انت مب قدها الا اذا بتعطيهم معلومات شخصيه عنك علشان يحاسبونك اذا خسروا حلالهم لا قدر الله.)))........
الأرباح معظمها اعادة تقييم لا معنى مادي لها والسنه الجايه بيكون العائد على السهم بالسالب مقارنه بهالسنه والسهم بيكون وضعه حرج واحتمال يتعافى السنه الي عقبها واحتمال لا فلا توهق الاعضاء برسم صوره مشرقه لهم وخيرتهم يشيرون مع السهم سنتين او ثلاث او اكثر والله اعلم.
وعلى قولتك يا أستاذنا اللهم أني بلغت اللهم فاشهد.

[الفرج قريب]

السلام عليكم ورحمه الله
للاسف ان النقاش فى احوال السهم وصل للدرجه دى بين الاعضاء ؟؟؟؟ ليه كل الضجه دى على السهم وللاسف ان اراء الاعضاء اغلبها صحيحه الشركه والاداره الغير محققه لامال المستثمرين والصانع الى ما يراعى الله فى المستثمرين هو السبب لو الشركه وزعت نصف ريال فقط للمستثمرين كان حال السهم افضل من كده كتير نصف ريال فقط لاغير ؟ مع العلم ان اعضاء مجلس الاداره هيستفيدوا بالتوزيع دا لان اقل عضوا يملك مليون سهم طبقا للوائح الشركه بدل توزيع مكافات سخيه وباقى المسثمرين يكلوا زلط ؟ والسيد العضوا vip الى بيستثمر فى البورصه من حقه انوا يلاقى مردود على استثماره بعد سنه فقط من دخوله لاى سهم سواء بزياده قيمه السهم او التوزيعات دا حقه ومش علشان انت ربنا ميسر لك الاحوال الماديه ( ربنا يزيدك ) معنا كدا انك تطلب ان الناس كلها تبقى زيك ؟ انت ماتعرفش ظروف الناس ايه ؟ النهارده الصبح فى الجلسه كان فى واحد بيسال عن اى طريقه لبيع اسهم شركه السلام لانه فى ضائقه ماليه ؟ ظروف الناس محدش يعرف هى ايه ومتبقاش الشركه محققه المكاسب دى وبتوزع المكافات دى على اعضاء مجلس الاداره وبقيه المساهمين يولعوا بجاز مش مهم عندهم ؟ ويا ريت الصانع يتقى الله فى المساهمين

[العابــرQAT]

اشرايكم في هجرة جماعية للسهم احنا مستثمرين في سهم الضايع ما يبية يرتفع

فليش معذبين حالنا مع ضايع سياستة غبية غادرة

[الفرج قريب]

وليه نسيب اسهمنا بخساره ؟ حضور الجمعيه العموميه للشركه والضغط على اداره الشركه لتوزيع نقدى عو الحل :nice:

[العابــرQAT]

الخسارة اشرف من القعدة مع متسلط مدمر للسهم بدون وجة حق

[الفرج قريب]

هههههه الشرف فى المواجهه واخذ الحق مش فى الهروب احنا بنستثمر فلوسنا مش بنضارب فى صاله قمار

[mrloverman]

لا والصانع اللي ما يستحي ينزل السهم تحت 25 لا وعارض 60000 عاد انة يبي يخرع

الريان بو نص بكل قوة 26 وهذا المعتوة لا يسمح بصعودة هذا مريض نفسي صدقوني

شكله ناطرك تبيع

[V I P ALWAYS]

من اليوم ورايح ما راح اتكلم والأيام بتثبت ,,,,,, والله كيفكم

[(بوطلال)]

قول اللي عندك يا بوطلال :secret:

شاقولك يابوجبر مافي الا كل خير لكن بعض التعليقات تجبرك على الضحك وكأن الي يداولون في السوق مايفهمون .

[بوجبر]

شاقولك يابوجبر مافي الا كل خير لكن بعض التعليقات تجبرك على الضحك وكأن الي يداولون في السوق مايفهمون .


وهذا اللي قاعد اقولة لهم ..كأننا لا نفهم ولا نعرف وليس لدينا اعين تشاهد الشاشة واذان تسمع:)

[أسير الاسهم]

الصبـر

[قطــ86ــر]

دام ان الشفافية معدومة عند مجلس الادارة
والاستخفاف بالمساهمين و حقوقهم لحد الان في المتحدة

فــ انا اشوف اسهم كثيرة غيره مغرية مثل الريان و المواشي و الدولي و غيرها من الاسهم ذات العوائد القوية او المستقبلية منها

الشي الوحيد اللي اشوف حلو في المتحدة هو قيمتها الدفترية... اللي محد راح يستفيد منها الا في حال افلست الشركة..!!
صحيح ان لغة الارقام تبشر بالخير و لكن تسريبات للاخبار و الصانع اللي محكم السيطرة على السهم يجعلون السهم كـــ لعبة يسهل التحكم بها

انا عن نفسي لست متشجعا لسهم المتحدة و افضل غيره من الاسهم.. هذا مجرد راي شخصي يمكن يصيب و يمكن يخطي
ومحد ملزوم ياخذ برايي :)



موفقين جميعا

[السد العالمي]

والله اللي يبي يضحك يجي ويقرأ تعليقات البعض ، الصبر مفتاح الفرج والسهم على توزيعه يستحق أكثر من هذا السعر وعلى الشاطر أن يتمسك بالسهم

[المتنبي]

والله اللي يبي يضحك يجي ويقرأ تعليقات البعض ، الصبر مفتاح الفرج والسهم على توزيعه يستحق أكثر من هذا السعر وعلى الشاطر أن يتمسك بالسهم

يلي يبي يبيع ويطلع من السهم الله معه هوي بيرتاح ونحن من منرتاح من تعليقاته

[السد العالمي]

تبون السهم يرتفع

شكلي أنا النحس على السهم

عندي 15000 سهم شاريهم على 25


اعطوني في كل سهم 4 ريال وباطلع على شرط أنه يرتفع

[أسير الاسهم]

بيرتفع ان شاء الله الجمعية للحين باقي لها وقت طويل والسهم معرض للنزول والارتفاع حركة مضاربات .. بس ان شاء الله الـ4 ريال اللي تبيهم بتحصلهم قبل الاجتماع واكثر ان شاء الله

تفائل بالخيـر وانا اخوك .. ستجده

[أسير الاسهم]

يا ليت حد يعطينا تحليل وشارت للسهم .. خل نفهم ؟

[msz]

يا ليت حد يعطينا تحليل وشارت للسهم .. خل نفهم ؟

السيوله مركزه على اسهم غير المتحده حاليا. هذا الموضوع ببساطه وانشالله الاخوه ذوي الخبرات الأوسع يفيدونا ويصححوني اذا كنت غلطان.*

[V I P ALWAYS]

أنا قدمت استقالتي من المنتدى الى اشعار آخر بسبب سهم المتحدة !!!! ونأسف على الازعاج والله يوفق الجميع ويرزقكم الرزق الحلال ,,,,,,,,,,, في أمان الله

[عقاب]

باقي 27 يوم على الجمعية العمومية 40% اسهم مجانية مغرية.........نهاية اسبوع جميلة للجميع

[hot2000]

باقي 27 يوم على الجمعية العمومية 40% اسهم مجانية مغرية.........نهاية اسبوع جميلة للجميع

أحسنت اخوي

إجازة سعيدة للجميع:victory:

[العابــرQAT]

لازم نعرف ان الصانع يتبع ادارة المتحدة

السر انة الصانع حاب يختبر رجالة يتحملون الضغوط او لا واللي يتحمل مصيرة الفوز

يريد ملاك حقيقين وليس ملاك ملاهي

[العابــرQAT]

باقي 27 يوم على الجمعية العمومية 40% اسهم مجانية مغرية.........نهاية اسبوع جميلة للجميع


لما اشوفك أتفائل

[العابــرQAT]

السيوله مركزه على اسهم غير المتحده حاليا. هذا الموضوع ببساطه وانشالله الاخوه ذوي الخبرات الأوسع يفيدونا ويصححوني اذا كنت غلطان.*

لما ينتهون من الريان وصناعات بترد السيولة للمتحدة لذلك ضاغطين علي المتحدة

لانة المتحدة اي ارتفاع سيخطف الاضواء عنهم

[أسير الاسهم]

لاحول ولا قوة إلا بالله

[Hassoun]

بدأ التجميع على السهم وهذه إشارة لانطلاقة قريبة على ما أعتقد.
على الاقل السهم رايح الى 28. إنشاء الله

[V I P ALWAYS]

بدأ التجميع على السهم وهذه إشارة لانطلاقة قريبة على ما أعتقد.
على الاقل السهم رايح الى 28. إنشاء الله

انشاءالله ,,,, اذا وصل 28 يعتبر انجاز عالمي

[V I P ALWAYS]

السهم ميت وبيموت لين الاجتماع ,,,, هذا الي أشوفة كل يوم وبيرجع 16-17 بعد الاجتماع ,,,, لا تنسى ترى الصانع قاعد يحسب 85% أسهم مجانية 2010-2011-2012 ,,, يعني ما يبي حد يستفيد خصوصا الي جمد الأسهم المجانية 3 سنوات وأولهم أنا _________ البركة في سهم صناعات قطر وعقبال ال 165

[بوجاااااسم]

السهم ميت وبيموت لين الاجتماع ,,,, هذا الي أشوفة كل يوم وبيرجع 16-17 بعد الاجتماع ,,,, لا تنسى ترى الصانع قاعد يحسب 85% أسهم مجانية 2010-2011-2012 ,,, يعني ما يبي حد يستفيد خصوصا الي جمد الأسهم المجانية 3 سنوات وأولهم أنا




الغالي vip
إنت تتكلم من صجك ولا تمزح
عشان نعرف نعقب على كلامك

[V I P ALWAYS]

الغالي vip
إنت تتكلم من صجك ولا تمزح
عشان نعرف نعقب على كلامك

الله اعلم !!!!!!!!! بس هذا اعتقادي الشخصي بالنسبة للصانع ,,, شوف ترى الي جمع أسهم مجانية من 2010 بيطلع السهم عليه 16 تقريبا فهو ما يبي يرفع السهم لين 30 لأن بينزل 21-22 ,,,,,,,,,, أعوذ بالله من صانع المتحدة مجرم مجرم مجرم بمعنى الكلمة ويحسبها صح الملعون ,,,,,,,, قاعد يحسب 85%
2010: 25%
2011 : 20%
2012 : 40%
لاحول ولا قوة الا بالله
السهم بعد سنين بيطلع طلعة قوية لمل يبتدي يعطينا أرباح نقدية وانا مل غيرت كلامي بخصوص السنين القادمة يا جماعة ,,,, لكن هذا تحليلي للسهم في هذا الشهر ويمكن أكون غلطان والله أعلم

[msz]

لما ينتهون من الريان وصناعات بترد السيولة للمتحدة لذلك ضاغطين علي المتحدة

لانة المتحدة اي ارتفاع سيخطف الاضواء عنهم

ما اختلفنا عزيزي العابر. المحصله ان السهم ما فيه سيوله والسيوله متجهه الى اسهم اخرى. انشالله ترجع السيوله الى سهم المتحده قريبا.

[V I P ALWAYS]

ما اختلفنا عزيزي العابر. المحصله ان السهم ما فيه سيوله والسيوله متجهه الى اسهم اخرى. انشالله ترجع السيوله الى سهم المتحده قريبا.

كل شيء جايز يا msz واسمحلي دزيت ويهي ,,,,, ابي تعقيب على كلامي في هذه الصفحة ما عليك أمر ____ شوف الكلام في بداية الصفحة ,,,, اذا ارتفع السهم راح تكون الفائدة كبيرة بالنسبة للمساهمين الي احتفظوا بالأسهم المجانية وعندهم 85% حاليآ مع 2012 ,,,,,,الصانع مجرم والله يعين الكل ,,,,,,,

[msz]

يعطيك العافيه اخوي vip.

تحول مفاجئ في رايك لدرجة انك أثرت تسائل اخوي بوجااااااسم وتساؤلي أيضاً عن ما اذا كانت مشاركاتك الاخيره من باب السخرية او الجد.

قبل لا اعلق على كلامك ابي اسأل سوال محيرني. الكل يقول الصانع والصانع. وكل اللوم على الصانع. من هو صانع المتحده؟؟؟؟

الموضوع يتلخص في ان إدارة السهم بقراراتها وعدم شفافيتها حولت السهم الى سهم مضاربي بحت وبالتالي المحافظ والأفراد قاعدين يتداولون عليه بهذا الهدف وبهذه الاستراتيجية.

والموضوع يتلخص في العرض والطلب. لسهم جاته سيوله كبيره جداً بعد الاعلان عن أرباح الربع الثالث والنمو + اعادة تقييم الاصول الحاصل والمضاربين استغلو هذي الفرصه. استفادوا واطلعوا والي بقى منهم طلع بعد الاعلان عن الأسهم المجانيه لدرجة ان العرض على اللمت اب في جلسة التداول الي بعد الاعلان عن الأرباح وصل الى نص مليون سهم في بعض الاحيان وكان بيع جائر على السهم.

والغريب ان ان الافراد القطريين طاحنوا في السهم وجمعوا لين يوم التجميع والى اول امس وهم يجمعون ووصل شرائهم اول امس فقط الى 225 الف سهم ولما استنزفوا مواردهم وفي نفس الوقت شافوا ان الفرصة مع اسهم اخرى أبرك باعوا اليوم 128 الف سهم متأكد ان معظمهم بخساره.

وبهذا تكون تكتيكاتنا غريبه عجيبه مما يجعلنا لقمه سائغه للمحافظ وبعدها نلوم الصانع الوهمي مع ان الموضوع كله موضوع مضاربات.

حاليا الصراحه سيلت نص الكميه الي عندي بخساره طفيفه ولله الحمد (((اقول الحمدلله على الخساره الطفيفه لأني كابرت وعاندت الواقع وجاني الي استاهله))) والتسييل هو لتوفير الكاش وبخلي الباقي للاستثمار بعييييد الامد انشالله الا اذا توفرت فرصه مناسبه للخروج لان الشركه بإدارتها الحاليه خيرها ضائع.

اذا بيانات الشركه الماليه صحيحه ففي الشركه خير انشالله ولكن ليس للمدى القصير ولكن هذا لا يمنع ان يرتفع السهم ارتفاع مضاربي اي متذبذب وليس ارتفاع واستقرار.

والسموحه على الاطاله والأسطر الكثيره :)
*

[الوسيط العقاري]

بدا التجميع ع السهم من قبل المحافط

لحد يبيع اسهمه ياصغار المستثمرين ..

بيظطرون يشترون اسهمنا من فووق ..

[بوجاااااسم]

الأخ الغالي vip
الشهر الماضي طيرت السهم السماء
والحين تبي تخسف فيه الأرض
إنتبه ياعزيزي
ترى الكلمة أمانة ومسؤليه أمام رب العالمين
وبأي وجه تقابل أو ترد على من إشترى بناء على كلامك إن السهم راح يوصل 40
نصيحة لك
دائما تذكر أن (خير الأمور أوسطها)
وإترك لنفسك خط رجعة في كل أمور حياتك
أعتقد الآن ليس لديك خط رجعة في موضوع سهم المتحدة
أتمنى أن الرسالة وصلتك ...

[msz]

الله اعلم !!!!!!!!! بس هذا اعتقادي الشخصي بالنسبة للصانع ,,, شوف ترى الي جمع أسهم مجانية من 2010 بيطلع السهم عليه 16 تقريبا فهو ما يبي يرفع السهم لين 30 لأن بينزل 21-22 ,,,,,,,,,, أعوذ بالله من صانع المتحدة مجرم مجرم مجرم بمعنى الكلمة ويحسبها صح الملعون ,,,,,,,, قاعد يحسب 85%
2010: 25%
2011 : 20%
2012 : 40%
لاحول ولا قوة الا بالله
السهم بعد سنين بيطلع طلعة قوية لمل يبتدي يعطينا أرباح نقدية وانا مل غيرت كلامي بخصوص السنين القادمة يا جماعة ,,,, لكن هذا تحليلي للسهم في هذا الشهر ويمكن أكون غلطان والله أعلم

ونسيت اعلق على كمن نقطه في ردك هذا ياخوي.
اولا التوزيعات 25٪ و 20٪ و40٪ ماتساوي 85٪ بل تساوي 110٪ . للتوضيح لو كان عندك 1000 سهم في 2010 مع التوزيع يصيرون 1250 ومع توزيع 2011 يصيرون 1500 سهم ومع توزيعات السنه يصيرون 2100.....

ثانيا.. متوسط السعر يعتمد على سعر الشراء ولا علم لي كيف حددت ان السهم يطلع عليه ب16!!!! *السهم في 2010 في شهر 7 تقريبا كان ب24 ريال اذا ما خاب ظني. وبالتالي لو تم تجميع السهم في وقتها بمتوسط 24 ريال يكون متوسط السعر مع الأسهم المجانيه هو 11.43 ريال وليس 16 ريال.
يعني اعتقد الي ماسك السهم من 2010 بيطلع ربحان في كل الأحوال انشالله.

لكن إحنا نتكلم عن المساهمين بشكل عام وليس من شرا قبل سنتين او من اشترى الان وناوي يخلي الأسهم الى اجل غير مسمى.

بعض الناس شروا على 28 وبعضهم على 28.9 ريال في اعلى ارتفاع للسهم في الفتره السابقه. وبعضهم قد يحتاج السيوله ويضطر يبيع السهم بخساره كبيره جداً ولا يقدر يخليه لين يتضاعف عدد اسهمه.

وبالتالي نصح الاعضاء بالشراء حاليا وإعطاء ضمانات مطلقه والكلام بثقه ان سعر السهم ذاهب الى ال30 واحيانا الى ال40 والوعيد بان السهم سيصل الى هالاسعار قبل الجمعيه العموميه فهذا يشكل خطر على المستثمرين ووعود أراها غير منصفه وقد تضع بعض الاعضاء والمستثمرين في مواقف حرجه وصعوبات ماليه.

الرجاء التاني قبل النصح وتقديم النصيحة العادله بتأني ومن دون اندفاع.*

[V I P ALWAYS]

شكرآ يا شباب وما قصرتوا وأولهم msz <<<< ولا تنسون تشترون سهم صناعات الحين ,,, ترى المتحدة شريتها ب20 وبعت 28,10 وحصلنا فيه والحمدلله قريب ال300 ألف ,,, شكرا لسهم المتحدة وصوله الى 28 في ذالك الوقت فقط وطز في الصانع والمضاربين الي بيخسرون العالم في هذا الشهر من تحركاتهم في السهم مع الأسهم المجانية ,,,,

[بووخليفة]

شكرآ يا شباب وما قصرتوا وأولهم msz <<<< ولا تنسون تشترون سهم صناعات الحين ,,, ترى المتحدة شريتها ب20 وبعت 28,10 وحصلنا فيه والحمدلله قريب ال300 ألف ,,, شكرا لسهم المتحدة وصوله الى 28 في ذالك الوقت فقط وطز في الصانع والمضاربين الي بيخسرون العالم في هذا الشهر من تحركاتهم في السهم مع الأسهم المجانية ,,,,
ماعرفنالك اخوي مره احتفظ في السهم ولا اتبيعه الحين اتقول بعته ودخلت في الصناعات واتسوي دعايه للصناعات ولا شالسالفه واذا الصناعات انزلت تحت الثلاثين بتبيعه وبتدخل في سهم ثاني انت اظاهر من النوع الي تلحق السهم لما يرتفع تشتريه وتتوهق فيه واتبيعه وسوري اذا طولت عليك :nice:

[V I P ALWAYS]

ياخي ملل وشنسوي ,,,,, قاعد العب في المنتدى وأضيع وقت والحمدلله الخسائر قليلة في البورصة !!!! أنا مستغرب ان الناس ركزوا وايد على كلامي في المنتدى سواء صح أو غلط أو يرتفع أو لا ,,,, الظاهر المساهمين كلهم فاشلين ويركزون على كلام الآخرين ,,,, ومن جذي السهم زق وقعد وبيقعد أكثر لين الاجتماع ,,,, اشتر اشتر صناعات بيرتفع الاسبوع القادم والأرباح مجزية وبتقول ال vip قال

[بوجبر]

لو عدلو التوزيع راح اشتري ولو كون التوزيع نقدي ومجاني ماشي الحال,,,لكن 40%مجاني والسنة الماضية 20%مجاني هذا يقلل العائد مستقبلا,,,
وحاليا المتحدة فرصة ومحققة ارباح ممتازة نعم.... لكن افضل اما التوزيع نقدي او نقدي ومجاني....وتاثير التوزيع المجاني ببين اثرة بعد التوزيع,,,والمستثمريين يتذكرون جيدا ايش اللي حصل بعد توزيع 20% مجاني السنة الماضية!!!

[العابــرQAT]

مشكلة المتحدة ادارة المتحدة العقلية القديمة فهي المتحكم الاول والاخير بمسار السهم
الصانع يتبع ادارة المتحدة
اعطيكم مثال : يوم اعلان التوزيع الخميس الصانع رسم شمعة سلبية ليش رسمها والخبر ايجابي
لانة فية خبر سلبي اشدراة ادارة المتحدة خبرتة وبالفعل يوم الاحد نزل خبر انسحاب الدجاجة

ليست المشكلة فالتوزيع عندكم شركات مخازن الريان الرعاية الدوحة للتامين مواشي
قارنوا عقليات ادارتهم والعقلية الغبية يتضح من خلال اسعارهم

ماالذي يحدث بالمتحدة ؟

ببساطة الصانع ماشي بالسهم بمسار تكون قمتة من جمعية2010 مرورا بقمتة من جمعية 2011 والان بمرور بقمة الجمعية 2012 والتي بتتضح في 28-2 لذلك كل ما يخترق هالمسار بكم ريال يرجع تحت المسار العلوي

اذا نحن امام عقلية قديمة متفردة بدون اخلاق

زين ليش ما تخلي السهم يتحرر انت حاط السهم بالسوق وضمن نطاق سعري مجحف
لا يستحقة علشان اتخسس بالناس !

اذا بنلوم انلوم ادارة السوق اللي مخليتك تلعب بذيلك

عيل دخول الشريك لمت داون وانسحاب الشريك لمت داون هالقد ياادرة السوق خايفين
اتحاسبون ادارة المتحدة اصلا ادارة السوق كلها جماعات متصلة اتصال خاص بالشركات

لو اللي صار بالسوق السعودي غير ادارة السوق توقفهم وتغرمهم والامثلة كثير

لكن الادارة اللي عندنا ادارة السوق للخضروات والسيارات

[مقيم]

مشكلة المتحدة ادارة المتحدة العقلية القديمة فهي المتحكم الاول والاخير بمسار السهم
الصانع يتبع ادارة المتحدة
اعطيكم مثال : يوم اعلان التوزيع الخميس الصانع رسم شمعة سلبية ليش رسمها والخبر ايجابي
لانة فية خبر سلبي اشدراة ادارة المتحدة خبرتة وبالفعل يوم الاحد نزل خبر انسحاب الدجاجة

ليست المشكلة فالتوزيع عندكم شركات مخازن الريان الرعاية الدوحة للتامين مواشي
قارنوا عقليات ادارتهم والعقلية الغبية يتضح من خلال اسعارهم

ماالذي يحدث بالمتحدة ؟

ببساطة الصانع ماشي بالسهم بمسار تكون قمتة من جمعية2010 مرورا بقمتة من جمعية 2011 والان بمرور بقمة الجمعية 2012 والتي بتتضح في 28-2 لذلك كل ما يخترق هالمسار بكم ريال يرجع تحت المسار العلوي

اذا نحن امام عقلية قديمة متفردة بدون اخلاق

زين ليش ما تخلي السهم يتحرر انت حاط السهم بالسوق وضمن نطاق سعري مجحف
لا يستحقة علشان اتخسس بالناس !

اذا بنلوم انلوم ادارة السوق اللي مخليتك تلعب بذيلك

عيل دخول الشريك لمت داون وانسحاب الشريك لمت داون هالقد ياادرة السوق خايفين
اتحاسبون ادارة المتحدة اصلا ادارة السوق كلها جماعات متصلة اتصال خاص بالشركات

لو اللي صار بالسوق السعودي غير ادارة السوق توقفهم وتغرمهم والامثلة كثير

لكن الادارة اللي عندنا ادارة السوق للخضروات والسيارات
نصيحة صغيرة
اذا انت فاهم طريقة ماتسميه الصانع
ليش ماتمشي وراه
بالعكس هذا الصانع اذا كان موجود فهو ذكي
لانه اذا فهمته راح تربح من ورائه ارباحا قياسية
اما اذا خسرت
فستقول عنه غبي

انا اعتبره ذكي ومشكور على توجيه كل هذه السيولة للسهم في الفترة الاخيرة

[بوجاااااسم]

الأخوة الأعزاء
هناك نوعيه من الأعضاء
تظهر فجأة وتختفي فجأة
تتكلم وتتكلم وتتكلم
حتى يصبح البنادول إكسترا من أحب الأشياء إلى قلبك
يمدح في السهم لين يصيب الناس بالصداع
ثم يذم السهم عندما يخيب ظنه ويبدأ بالتخويف والإتهامات
مثل طفل حب لعبه وعندما مل منها كسرها
هؤلاء الأعضاء
لايؤخذ برأيهم ولا مشورتهم
حتى لو قال السهم بيرتفع لاتصدقه
وحتى لو قال السهم بينزل لاتصدقه
لأنه لايفقه من الأمر شيء
ولمثل هذه النوعية من الأعضاء أقول
(مايلفظ من قول إلا لديه رقيب عتيد)
والله دعوة من شخص غررت به
توديك وراء الشمس
آسف على الإطالة
فالموضوع يتعلق بأرزاق وأموال الناس
وهذا الموضوع بالنسبة لي خط أحمر
وانا هنا لا ألقي بالتهمة على أحد
واللي على راسه بطحه يحسس عليها ...

[adell]

الرجل قال ع المدي الطويل صحيح اكثر من مره وبعدين ليش كل هلكلام لسه بدري ع توزيع الاسهم المجانيه ممكن يرتفع ل 35 وممكن ينزل ل 20 وممكن يثبت علي 24 ما حد قادر يتوقع التوقع الصحيح

[Bradford]

روحو زقوا أحسن ,,,, انا ما خربت على أحد ولا قلت حق أحد اشتري السهم ,,,, انها مجرد توقعات كنت أقولها بارتفاع السهم وخيب الظن مثل ما صار معاكم ,,, اش فيكم على ال vip واليوم هو الجمعة والله ما يحاسب انسان قاعد يعطي توقعات بخصوص سهم ,,,, انتوا كلكم تتوقعون شيء في يوم من الأيام بخصوص أي سهم ,,,, الأهم اني ما سويت دعوة للشراء في السهم ,,,, والله على ما أقول شهيد ,,,,, كلامكم كله غلط للأسف ,,,, ياخي أمدح أذم كيفي وأنت اش دخلك يا ؟؟؟؟؟؟

صج انك ولد ما انت برجال

[السد العالمي]

روحو زقوا أحسن ,,,, انا ما خربت على أحد ولا قلت حق أحد اشتري السهم ,,,, انها مجرد توقعات كنت أقولها بارتفاع السهم وخيب الظن مثل ما صار معاكم ,,, اش فيكم على ال vip واليوم هو الجمعة والله ما يحاسب انسان قاعد يعطي توقعات بخصوص سهم ,,,, انتوا كلكم تتوقعون شيء في يوم من الأيام بخصوص أي سهم ,,,, الأهم اني ما سويت دعوة للشراء في السهم ,,,, والله على ما أقول شهيد ,,,,, كلامكم كله غلط للأسف ,,,, ياخي أمدح أذم كيفي وأنت اش دخلك يا ؟؟؟؟؟؟

الحمدالله انا ما مشيت وراء كلامك ولكن أقول حسبي الله ونعم الوكيل على الكلام اللي خليت الكثيرون يمشون وراك حسبي الله ونعم الوكيل

سؤال واحد أتمنى إنك تكون شجاع وتجاوب

ايش راح اتقول لربك يوم القيامة يوم لا تنفع مال ولا بنون إلا من أتى الله بقلب سليم ؟؟؟؟؟؟؟؟؟؟

[msz]

روحو زقوا أحسن ,,,, انا ما خربت على أحد ولا قلت حق أحد اشتري السهم ,,,, انها مجرد توقعات كنت أقولها بارتفاع السهم وخيب الظن مثل ما صار معاكم ,,, اش فيكم على ال vip واليوم هو الجمعة والله ما يحاسب انسان قاعد يعطي توقعات بخصوص سهم ,,,, انتوا كلكم تتوقعون شيء في يوم من الأيام بخصوص أي سهم ,,,, الأهم اني ما سويت دعوة للشراء في السهم ,,,, والله على ما أقول شهيد ,,,,, كلامكم كله غلط للأسف ,,,, ياخي أمدح أذم كيفي وأنت اش دخلك يا ؟؟؟؟؟؟

الكلمه الاولى تبين أخلاقك اخوي العزيز.

صدقني بالنسبه لي كان رايك اخر راي احطه في حساباتي عند اتخاذ القرار ياخوي لان كان الموضوع واضح انك عايش في عالم رديف بعيد عن الواقع يوم تتوعد ان السهم بيطير فوق ال30 وتقول بتقولون الvip قال وكلك ثقه وكانك عضو في مجلس الاداره.

كلنا معرضين للخطأ ولكن الواحد لما يتوقع يقول ((اتوقع)) ما يسوي الي انت تسويه ويقول ((بيرتفع)) و((بتشوفون)).... والحين قاعد تسوي في الصناعات نفس الي سويته في المتحده.

والحلو انك في اخر مشاركاتك طايح في ال((((((صانع)))))) وال((((((المضاربين)))))) وانت نفسهم وقد تكون أسوا منهم.....

وما الصانع الا شماعه تعلقون عليها المشاكل في حين ان المضاربين والناس الي يسوون نفس حركاتك في تضليل الناس اخوي العزيز بالاضافه الى اللاشفافيه في مجلس الاداره هي العوامل التي تؤدي الى تذبذب السهم وتحط المساهم في موقف حرج.

اتمنى انك تراجع نفسك قبل المشاركه وتتقي الله في الاعضاء وفي نفسك وفي من تحب لان في النهايه الناس لها حوبات.*

[V I P ALWAYS]

الحمدالله انا ما مشيت وراء كلامك ولكن أقول حسبي الله ونعم الوكيل على الكلام اللي خليت الكثيرون يمشون وراك حسبي الله ونعم الوكيل

سؤال واحد أتمنى إنك تكون شجاع وتجاوب

ايش راح اتقول لربك يوم القيامة يوم لا تنفع مال ولا بنون إلا من أتى الله بقلب سليم ؟؟؟؟؟؟؟؟؟؟

ياخي انت مب صاحي وياهم ,,,, انا ما قلت حق حد روح اشتري السهم بس كنت متفاءل بالارتفاع لا أكثر وبعدين أقابل ربي بكل ثقة يالحبيب ,,, يا أخي التوقعات موجودة في كل شيء حتى في تصويت الانتخابات وكرة القدم وكل شيء حتى في اسئلة الامتحانات لكن واقع الحياة يقولك أن لا تأخذ بكلام الآخرين سواء الvip أو غيره ,,,, توقعت يوصل 30 ليش وايد !!! وان ما راح 30-35 يعني انا السبب ,,, مب صاحيين وانا اش دخلني في الي اشترى السهم عشان يرتفع وعلى أي أساس قاعد يشتري يمكن عشان الvip كان متفائل بالارتفاع !!! والله مجانين,,,, وبعد تعال ترى في وادي عميق طوله 1000 متر بس أنا أحس ان الي بيقط روحه في الوادي ما بيصير في شيء لأن يقدر يمسك حبل ,,, هذه توقعاتي فأنت اش رايك تسمع كلامي وتجرب وعند الموت بيقولون الvip هو السبب والا انت كنت مجنون وسمعت كلامي ورحت في الوادي ,,,,, أخي العزيز : الانسان يحكمه عقله وليس عقول الآخرين في أتخاذ القرارات ,,, ،نأسف على الاطالة

[بوجبر]

,v i p always


من حقك تبيع ومن حقك تشتري ان وجدت ..ومن حقك تقول رايك كان ايجابي او سلبي لان السهم يا عزيزي كل يوم علية تداول وحركة سواء بيع او شراء..لكن الاسلوب العقيم والتضليل ومقولة صانع والكلام المعسول لا يتبعة ويصدقة الا عديم الخبرة في سوق المال او شلة القروبات’’’’والضايع المتداول العادي!!!


ونصيحة للمتداول لا تصدق الا شاشة التداول والملخص اليومي وحجم السيولة اليومية الخارجة والداخلة ومن ثم تتخذ قرارك!!!!

[V I P ALWAYS]

حبيبي msz اسكت شوي وخلني أفهم الآخرين ,,,, ياخي اقرأ كلامي بهدوء وأنت لين الحين متأكد اني انا المشكلة ,,,, متى بتفهم ؟؟؟؟ اقرأ المثل الي كتبته عن البحر والوادي يمكن تفهم أكثر ,,, هاي آخر رسالة لك وما أرد عليك مرة ثانية ,,, خلاص مللتني ترى وتحياتي لك بس ترى عاجبني في المنتدى ,,,, قاعد لي قعدة !!!!!!!!!!! فرصة سعيدة يا msz وانشاءالله نتلاقى في البورصة

[V I P ALWAYS]

,v i p always


من حقك تبيع ومن حقك تشتري ان وجدت ..ومن حقك تقول رايك كان ايجابي او سلبي لان السهم يا عزيزي كل يوم علية تداول وحركة سواء بيع او شراء..لكن الاسلوب العقيم والتضليل ومقولة صانع والكلام المعسول لا يتبعة ويصدقة الا عديم الخبرة في سوق المال او شلة القروبات’’’’والضايع المتداول العادي!!!


ونصيحة للمتداول لا تصدق الا شاشة التداول والملخص اليومي وحجم السيولة اليومية الخارجة والداخلة ومن ثم تتخذ قرارك!!!!
مضبوط الكلام 100% !!!!!! هذي الناس الي تفهم في البورصة ,,,, تحياتي ل بوجبر

[V I P ALWAYS]

الكلمه الاولى تبين أخلاقك اخوي العزيز.

صدقني بالنسبه لي كان رايك اخر راي احطه في حساباتي عند اتخاذ القرار ياخوي لان كان الموضوع واضح انك عايش في عالم رديف بعيد عن الواقع يوم تتوعد ان السهم بيطير فوق ال30 وتقول بتقولون الvip قال وكلك ثقه وكانك عضو في مجلس الاداره.

كلنا معرضين للخطأ ولكن الواحد لما يتوقع يقول ((اتوقع)) ما يسوي الي انت تسويه ويقول ((بيرتفع)) و((بتشوفون)).... والحين قاعد تسوي في الصناعات نفس الي سويته في المتحده.

والحلو انك في اخر مشاركاتك طايح في ال((((((صانع)))))) وال((((((المضاربين)))))) وانت نفسهم وقد تكون أسوا منهم.....

وما الصانع الا شماعه تعلقون عليها المشاكل في حين ان المضاربين والناس الي يسوون نفس حركاتك في تضليل الناس اخوي العزيز بالاضافه الى اللاشفافيه في مجلس الاداره هي العوامل التي تؤدي الى تذبذب السهم وتحط المساهم في موقف حرج.

اتمنى انك تراجع نفسك قبل المشاركه وتتقي الله في الاعضاء وفي نفسك وفي من تحب لان في النهايه الناس لها حوبات.*

كلامك كله غلط وبخصوص صناعات كلمني بعد اسبوعين ,,,, اوبيه أخاف الناس كلها بتشتري الحين لأني قلت بعد اسبوعين راح نتكلم

[مضارب ولهان]

روحو زقوا أحسن ,,,, انا ما خربت على أحد ولا قلت حق أحد اشتري السهم ,,,, انها مجرد توقعات كنت أقولها بارتفاع السهم وخيب الظن مثل ما صار معاكم ,,, اش فيكم على ال vip واليوم هو الجمعة والله ما يحاسب انسان قاعد يعطي توقعات بخصوص سهم ,,,, انتوا كلكم تتوقعون شيء في يوم من الأيام بخصوص أي سهم ,,,, الأهم اني ما سويت دعوة للشراء في السهم ,,,, والله على ما أقول شهيد ,,,,, كلامكم كله غلط للأسف ,,,, ياخي أمدح أذم كيفي وأنت اش دخلك يا ؟؟؟؟؟؟

السلام عليكم

الصراحه كنت احترمك واحترام كلامك لكن للأسف وأخوي اشوفك زودته وبديت تطاول على الاعضاء وتقول كلام ماتثمنه وكلام ماينقال في منتدى راقي له كل احترامه وان شاء الله تكون اخر مشاركاتك هذي لان مايشرفنه يكون عضو معانه بالأخلاق وشوف كلمتك ً( زق) وان شاء الله المراقبين مب مقصرين وراح يتأخرون اللازم

تحياتي للجميع

[msz]

كلامك كله غلط وبخصوص صناعات كلمني بعد اسبوعين ,,,, اوبيه أخاف الناس كلها بتشتري الحين لأني قلت بعد اسبوعين راح نتكلم

الحكم للأعضاء مب لك اخوي.

اهم شي يحاسبون منك ومن الي ينتهجون نهجك ولا يهمني شخصك الكريم ولا تهمني كعضو او مستثمر او غيره ولا يهمني ان التقي بك في البورصه او غيرها لان لن افضل ان تكون لي معاك علاقه شخصيه.

ولم تكن ردودي عليك للتجريح في شخصك وانما للمصلحه العامه ومصلحة الاعضاء فلا تقعد تعطيهم ضمانات انت مب قدها وكل سهم له ارتفاعاته ونزوله وقد نرا المتحده في ارتفاع قبل الجمعيه العموميه وقد يكون في نزول اكبر من السعر الحالي ولكن ما يصير تدخل وتقول اشتروا وقولوا الvip قال.

بالنسبه لك الموضوع (((((ملل وتبي شي يشغلك)))) لكن حق غيرك هذي ارزاق وانا اخوك.

وكلمة أسف انا أخطأت كان بتكفي وتوفي اكثر من كل المبررات الي عطيتنا وحطيتها.*

[V I P ALWAYS]

الحمدلله على النعمة هذه السنة والخير الكثير الي جاني
مواشي : شراء 19 وبيع 35
المتحدة : شراء 20 وبيع 28
الصناعات : شراء 130 وبيع ؟؟؟؟؟؟؟؟؟؟؟؟ قادم باذن الله
اللهم ارزق المساهمين والأعضاء في المنتدى الرزق الحلال مثل ما رزقتني (( آمين ))
وكل هاي يقولون ما أفهم في البورصة

[V I P ALWAYS]

هههههههههههههه ,,,,,,,, ترى الي يردون على كلامي بزيادة مرضى نفسيين وخسرانين في البورصة قد شعر راسهم وأولهم msz <<< ترى دارس في علم النفس والطب النفسي ,,, أتمنى من الله أن يرزقك الرزق الحلال عشان تهدأ وتنسى الخسائر بدل الحبوب والمهدئات النفسية

[عطا محمد]

نصيحة صغيرة
اذا انت فاهم طريقة ماتسميه الصانع
ليش ماتمشي وراه
بالعكس هذا الصانع اذا كان موجود فهو ذكي
لانه اذا فهمته راح تربح من ورائه ارباحا قياسية
اما اذا خسرت
فستقول عنه غبي

انا اعتبره ذكي ومشكور على توجيه كل هذه السيولة للسهم في الفترة الاخيرة

بارك الله فيك اخي مقيم ونعم الراي
:nice:

[msz]

هههههههههههههه ,,,,,,,, ترى الي يردون على كلامي بزيادة مرضى نفسيين وخسرانين في البورصة قد شعر راسهم وأولهم msz <<< ترى دارس في علم النفس والطب النفسي ,,, أتمنى من الله أن يرزقك الرزق الحلال عشان تهدأ وتنسى الخسائر بدل الحبوب والمهدئات النفسية

ماشالله عليك خاتم العلم مرتين في كل شي.

شخبار وقود عام 2000 والمتحده الي بيوصل 45 قبل الجمعيه العمومه.

إحنا مرضى نفسيين وخسرانين وكل شي. بس الله يعينك على حوبات الناس الي اسمعوا كلامك واخسروا من صج وانت حضرتك قاعد تتسلى وتضيع وقت في المنتدى.

وانتهى الكلام معاك الى هالحد والمهم ان موضوعك وحركاتك واضحه للأعضاء حاليا.*