ايام تمدرس

[بوالبيض]

السلام عليكم ورحمة الله وبركاته
يالمجلس الاعلي مادري حطينكم تصلحون في التعليم ولا تدمرون التعليم والله ذبحونا
كل ما تسئل المدير ولا الاعيال في المدرسه قالوا هذا نظام تمدرس من المجلس الاعلي
زين شنو هل النظام قالوا لزم يخلصون عدد ساعات معينه في الدراسه اجباري طول
السنه حصص معينه والله حاله ......
انزين يالمجلس تمدرس علي الفاضي لا منهج مدرسي ملازم وكتب تجريبيه شنو هل
الخربطه مدارس صار لها 7 او 8 سنوات ما فيها منهج متكامل قاعدين بس ايام تمدرس
والله زهقوا المدرسين بالقوانين التعبانه ولا ايام الامتحانات حصه اول مراجعه للامتحان
الثانيه والثالثه امتحان الرابعه والخامسه مراجعه حق اليوم الثاني شنو هل الحاله يالمجلس
تبون تزهقون المدرسين الي يقول في منهج عدل عشان يدرسونهم والله محد مهتم من الطلاب
للامتحانات ناجحين ناجحين خلاص امتحان ويرجع البيت يرقد ويقوم ويراجع حق بكره يعني
الحين هل اليومين مراجعه بتنجح الطالب اصلا المدرسين صار لهم 10 ايام او اكثر يراجعون
للطلاب قب الامتحان يعني ما في شي تم عشان يراجعونه للطلاب خلاص اي والله ايام
تمدرس قالك المدير يعني مش هل الحصص شسوي المجلس طالب جي ذبحونا وزهقونا
بالقرارات التعسفيه والخاطئه والله .. الله المستعان

[R 7 A L]

الأستاذ القدير بو البيض
تحية صباحية يعطرها شذى الجوري
لا تتذمر أستاذي مع الصباح فتفسد بقيه يومك

[elders]

اسخف قرار ..على الفاضي بس تعب بال للطالب واهلو والمعلم

[love1972]

التعليم ،،،،، ما يجي من النوم ولا بالجلوس في البيت

لازم تعب وعناء ومشقه

[elders]

التعليم ،،،،، ما يجي من النوم ولا بالجلوس في البيت

لازم تعب وعناء ومشقه

بنحكيلك ما في تعليم ....بس قعدوا بالمدرسة يعني الطالب يكون مقدم امتحان المادة ويقعد مع المدرس ..من باب تقوية العلاقات الاجتماعية :nice:

[جرح الزمان]

الله يرحم أيامنا

نقدم إمتحان ونتمدرس في البيت

[بلوتنيوم]

حتتمدرسو يعني حتتمدرسو :)

[ANONYMOUS]

انزين ليش مايدشون في منهج الفصل الثاني طالما الطلاب بيتمدرسون في المدرسه تمدرسا غير مبرحا

[جرح الزمان]

من جّدَ وجّد

ومن زَرَعَ حصد

فاهمين الدرس ولا أعيد

[انا حره]

اسخف قرار صراحه قبل كان نروح المدرسه نمتحن على طول ندخل اللجان الحين حصتين قبل يبالفيت مراجعه الا يشتتون الطالب ويضيع كل الي ادرسه وعقب يمتحن وعقب حصتين حق امتحان ثاني يوم على الفاضي اليوم راح ليه عقب الامتحان مايرجعون البيت يرتاحون يرقدون عشان يقومون ويذاكرون ولا يبون كل اليوم لهم

[الموضوعي]

تذكرت ناصر القصبي في طاش ماطاش تمقنص ، اكيد ورى هالقرار حرمه دايم الحريم يحبون العقد

[انا حره]

وفي مدارس فاهمين الموضوع غلط يمتحنون الطلاب اخر حصتين اولا قد الطالب تعب وزهق من يومه وثانيا مافي وقت يستعجلونهم

[دااانة قطر]

فديت بنتي دواامها من امس نفس الدواام العاادي
يعني تطلع 1.15
وللأسف من بدوا نظاام المستقله وهم اغلب الحصص عندهم احتياااط المدرسه عندها ورشه زهقت البنت

[elders]

حتتمدرسو يعني حتتمدرسو :)

:taunt:

انزين ليش مايدشون في منهج الفصل الثاني طالما الطلاب بيتمدرسون في المدرسه تمدرسا غير مبرحا

قول والله ؟؟
:shy:

[بدوور]

تذكرت ناصر القصبي في طاش ماطاش تمقنص ، اكيد ورى هالقرار حرمه دايم الحريم يحبون العقد

والله الي اسمعه من عيالنا اكثر من طاش ما طاش
معلم ما يعرف شي في المادة الى يدرسها والعيال يصلحون له اخطاءه
واخر يجيب لهم الامتحان بالنص لدرجة ان ولدي بقولي ليش ادرس راجعنا الامتحان مع الاستاذ .................... اي تمدرس قال ايش حادك على المر

[الدمعه]

فديت بنتي دواامها من امس نفس الدواام العاادي
يعني تطلع 1.15
وللأسف من بدوا نظاام المستقله وهم اغلب الحصص عندهم احتياااط المدرسه عندها ورشه زهقت البنت


حتى بنتي .. بس لا احنا غير لازم مدرستنا تتميز عن غيرها .. يطلعون 1,30

عشان المجلس الاعلى امر بدوام كامل ..

استغفر الله كنت بدعي عليهم ..

[هسلان]

أنا بمدرسهم في الفراش وخل عنك المجلس صاحب الشعارات الكذابة

[تحداني]

هالمجلس الاعلى ما يمر عليه يوم الا وامشرشحينه عدل
ويلومون السليطي .. ويح قلبي


جملكم الله برضاه

[بوالبيض]

الأستاذ القدير بو البيض
تحية صباحية يعطرها شذى الجوري
لا تتذمر أستاذي مع الصباح فتفسد بقيه يومك

حبيبي التذمر يجي من الهم والغم في المدارس تعال وشوف عشان ما تلومني
موفق حبيبي

[بوالبيض]

والله الي اسمعه من عيالنا اكثر من طاش ما طاش
معلم ما يعرف شي في المادة الى يدرسها والعيال يصلحون له اخطاءه
واخر يجيب لهم الامتحان بالنص لدرجة ان ولدي بقولي ليش ادرس راجعنا الامتحان مع الاستاذ .................... اي تمدرس قال ايش حادك على المر

الله يعينا والله

[بوالبيض]

مشكورين علي الرد والله يعينا علي التمدرس هي ما فيه غير الشقا والتعب علي الفاضي
لا يقولك يدرس اخر حصتين حق الامتحان الثاني زين يا مدير الامتحان بكره علوم وشدخل
مدرس الفنيه او العربي في السالفه ههههه يقول لك وبكل سهوله راجع حق الطلاب ههه
اصلا الطالب زهق حده حصه اولي مراجعه الثانيه والثالثه امتحان خلاص انتهي يبي يرجع
البيت يرقد ويقوم يذكر لحد يولوم الطلاب لين يسون مشاكل كله من المجلس التعبان وقراراته
الخاطئه

[دااانة قطر]

نسيت اقول التمدرس في مدرسة بنتي الابتداائيه
الاعدااديه بس تخلص الاختباار وتطلع

امس 10
اليوم الصبح النااطور بلغني 11
والحين متصله تقول طلعونا كلنا عند البااب

يبون من يزفهم الحين

[شمس2]

انزين عطوهم فرصه يمكن التمدرس يجيب نتيجه زينه احنا صحيح على ايامنا ماكنا انتمدرس بس هالايام الطلاب محتاجين تمدرس وكل ماكان التمدرس اطول كل ما استفادوا اكثر
وانا عندي اقتراح انه يسوون النظام في الروض بعد يعني على قولة اختي الحياة الخالده تروضض خل اليهال يتروضضون والكبار يتمدرسون واللي يشتغلون يتشغللون :nice:
واخيرا
تقدرون تقولون ثلاث مرات
مدرسه تمدرسنا بها ومدرسه ما تمدرسنابها تعال يا راعي المدرسه مدرسنا بالمدرسه اللي ما تمدرسنابها :tease:

[بصمة قطرية]

:weeping::weeping::weeping:
هرمنـــا يالمجلس الأعلى هرمنــــا ~ :weeping:

[ام السعف]

الله يرحم أيامنا

نقدم إمتحان ونتمدرس في البيت

نفسنا تمدرسنا في البيت ووناسة ما عقبها وناسة عقب الامتحانات
اصلا كانت فترة الامتحانات محببة لأننا كنا انرد البيت ونفتك من المدرسة :shy:

[سارق الكحل]

الاطفال سابقا اذكى من الذين يتمدرسون الآن يوصل لين الصف الخامس مايعرف يقرء

[حليتان*]

حتى بنتي .. بس لا احنا غير لازم مدرستنا تتميز عن غيرها .. يطلعون 1,30

عشان المجلس الاعلى امر بدوام كامل ..

استغفر الله كنت بدعي عليهم ..

ههههههههههههههههههههههههه

نفس حالتنا قبل

بس للامانه اخبر الاستاذ عطانا سؤالين زياده فالمراجعه ما جو فالامتحان :anger1:

لا وكانو بروحهم في اخر ورقه ههههههههههه :tease:



ما ينلامون المدرسين تبون الصج طول السنه يعلمونه اشياء وعلى اخر شهر فالسنه كل شي يتغير فلازم يضمنون لنا كم درجه فالبدايه عشان لا تعبنا ولا تعبهم يضيع :(

[فيزيائية]

معليه ....
لو كانت المدرسة مخططة لهذي الايام بيكون الامر ممتاز
بس ان الطلاب قاعدين لاشغلة ولا مشغلة هذي القهر
واذا غيبناهم هددونا .....بعدم دخول الامتحان النهائي
يعني لو دورات رحلات ...
يجيبون لهم محاضرين ومحاضِرات ...
فعاليات وغيرها ...
عالاقل بتمر الايام بشكل ايجابي للطلاب
وبيستفيدون منها لصالحهم .....

[حـجـيـة]

الاطفال سابقا اذكى من الذين يتمدرسون الآن يوصل لين الصف الخامس مايعرف يقرء



أنا أشهد !

أذكر إن حبي للقراية بدا في ذيك المرحلة .. وإن درجة الإملاء كانت أضمن درجة في الامتحان :nice:

اليوم أختي في الصف الخامس تقرا كنها بنت ثاني ابتدائي (على أيامنا) :anger1:

والأدهى والأمر إن البنت ما تميّز بين ألف وفتحة .. ولا بين واو وضمّه :eek5:

عيل وش فايدة التمدرس يا جماعة الخير :omen2:

[بصمة قطرية]

معليه ....
لو كانت المدرسة مخططة لهذي الايام بيكون الامر ممتاز
بس ان الطلاب قاعدين لاشغلة ولا مشغلة هذي القهر
واذا غيبناهم هددونا .....بعدم دخول الامتحان النهائي
يعني لو دورات رحلات ...
يجيبون لهم محاضرين ومحاضِرات ...
فعاليات وغيرها ...
عالاقل بتمر الايام بشكل ايجابي للطلاب
وبيستفيدون منها لصالحهم .....

هاي اللي يقهر ..
يداومون على الفاضي ..
خاطــري أعرف شالحكمة من هالتمدرس ..!!!

[penguin]

الله يرحم ايامنا اللي وقت التمدرس الصجي <<< يعني الدوام الرسمي
كنا عاادي نسحب على المدرسه واذا بنتمدرس عادي جداً نتمدرس اول ثلاث حصص وعقب شاردين باقي الدوام
مساكين راااحت عليهم

[شمس]

فديت بنتي دواامها من امس نفس الدواام العاادي
يعني تطلع 1.15
وللأسف من بدوا نظاام المستقله وهم اغلب الحصص عندهم احتياااط المدرسه عندها ورشه زهقت البنت

:nice:

[أنثى]

الاحلى ان بنتي في اعدادي تداوم الى 1:40 دقيقة وما تدخل عليهم ولا مدرسة من مدرساتهم كله احتياط لآخر الدوام وترجع تعبانه ما تقدر تدرس شي واسألها راجعتوا لبكرة تقول والله ولا كلمه من بعد الامتحان ولا مراجعة قبل الامتحان

[بوالبيض]

انزين عطوهم فرصه يمكن التمدرس يجيب نتيجه زينه احنا صحيح على ايامنا ماكنا انتمدرس بس هالايام الطلاب محتاجين تمدرس وكل ماكان التمدرس اطول كل ما استفادوا اكثر
وانا عندي اقتراح انه يسوون النظام في الروض بعد يعني على قولة اختي الحياة الخالده تروضض خل اليهال يتروضضون والكبار يتمدرسون واللي يشتغلون يتشغللون :nice:
واخيرا
تقدرون تقولون ثلاث مرات
مدرسه تمدرسنا بها ومدرسه ما تمدرسنابها تعال يا راعي المدرسه مدرسنا بالمدرسه اللي ما تمدرسنابها :tease:

ههههههه والله الحاله كسفيه في المدارس معي هل التمدرس لا يقولون صباح الهيدوس ما
شاء الله الدوام لين 1 ونص بنغاليه صرنا يتمصخرون علينا اليهال اخر ايامنا ملطشه صرنا
مجلس التعليم قالوا حطوا منهج بعدين تكلموا عن التدرس ولزم شاعات تخلصونها امحق
تمدرس مسوينه

[بوالبيض]

معليه ....
لو كانت المدرسة مخططة لهذي الايام بيكون الامر ممتاز
بس ان الطلاب قاعدين لاشغلة ولا مشغلة هذي القهر
واذا غيبناهم هددونا .....بعدم دخول الامتحان النهائي
يعني لو دورات رحلات ...
يجيبون لهم محاضرين ومحاضِرات ...
فعاليات وغيرها ...
عالاقل بتمر الايام بشكل ايجابي للطلاب
وبيستفيدون منها لصالحهم .....

المشكله الكبيره ان حصص وقت الامتحان اي خطط علي خرابيط المشكله عندهم
امتحان انجليزي والصف الي عليه المراجعه مدرس اجتماعيات وين الاستفاده ابي
اعرف ولا 55 دقيقه قاعد في الصف يعني سنداره وعوار راس ولا يقول المدير
لحد يتذمر فترة الامتحانات الي في المجلس اقول لهم تعالوا دخلوا ميدان المدارس
بعدين حطوا قوانين وقرارات يا صباح صبح صبح واصحي

[بوالبيض]

أنا أشهد !

أذكر إن حبي للقراية بدا في ذيك المرحلة .. وإن درجة الإملاء كانت أضمن درجة في الامتحان :nice:

اليوم أختي في الصف الخامس تقرا كنها بنت ثاني ابتدائي (على أيامنا) :anger1:

والأدهى والأمر إن البنت ما تميّز بين ألف وفتحة .. ولا بين واو وضمّه :eek5:

عيل وش فايدة التمدرس يا جماعة الخير :omen2:
هي اكيد وين تبين تتعلم دام ما في منهج ولا تعليم صح كله شوا وصور في الجرايد

[بوالبيض]

الاحلى ان بنتي في اعدادي تداوم الى 1:40 دقيقة وما تدخل عليهم ولا مدرسة من مدرساتهم كله احتياط لآخر الدوام وترجع تعبانه ما تقدر تدرس شي واسألها راجعتوا لبكرة تقول والله ولا كلمه من بعد الامتحان ولا مراجعة قبل الامتحان

صحيح كلامها 100 بالمئه هي التمدرس الله يسلمج

[m.m.76]

بالعكس انا كمدرسة ووليه امر بنفس الوقت مرتاحة على هالنظام لاني اكون متأكده ان طلابي مللمين بالمادة قبل الامتحان وعيالي اللي ارجع هلكانه من الدوام ولاعندي وقت ادرسهم فيه من يراجع لهم قبل الاختبار والتكرار يرسخ المعلومة اكثر البلا والمصيبه من التمدرس اللي عقب الاختبارات؟؟؟؟ يعني الطالب والطالبه مخلصين اختبارات وجايين ليش؟ محسوبه ايام تمدرس ؟؟!! زين شنو يستفيدون؟ ولا شئ بس انهم يشغلون المدرس عن التصحيح والكنترول وتأخير التقارير ..هذا رأيي

[kitmat]

ماهو السخيف وما هو الاسخف تمدرس بعد انتهاء الامتحانات ههههههههههههههههههههههههههههه
شي مضحك مبكي

[ANONYMOUS]

يرررررفع للتمدرس
















المهم انا كتبت تمدرس في القوقل وسويت بحث ع الصور

طلع لي طلاب وصفوف وباصات

يعني حركات والله


















خل نرجع للتمدرس لغويا..



من القوقل طبعا




هذا السؤال









الإخوة والأخوات روّاد " واتا "، هذا الصرح العلمي الكبير:
السلام عليكم ورحمة الله وبركاته ..
هل كلمة ( تَمَدرُس ) صحيحة لغوياً؟ وما علاقتها بكلمة مدرسة؟
مع خالص التحيّة.



هذا جواب واحد









أخي العزيز أبا زيد البليمي.
تحية لك طيبة،
وأشكرك على ثقتك التي أعتز بها،
وأسأل الله تعالى أن يعينني، ويبصرني إلى الصواب في الرد على فضلك.
أخي الكريم.
نعم كلمة تمدرس صحيحة، حتى وإن لم تأت في المعاجم،
لأن لها أصلاً معجميًّا،
فالمَدرَسُ هو مكان الدراسة، ومنه مدرَسَة،
وإذا كانت لدينا مادة الفعل، فلماذا لا نشتقه مزيدًا؟
لدينا ملّ، وململ، وتململ،
ومن حق اللغة أن يكون فيها درسَ، واندرسَ، وتمدرس.
ثم إن كلمة التمدرس دالة على عملية الدراسة ومكانها معًا، وهو ما يفيد في الحقل التربوي لاستيعاب المصطلحات التربوية الوافدة،
خاصة وأننا منذ أفول عصر الإبداع الإسلامي، لا نزال نتلقى، ولا نبدع.
وأعتقد أن نشأة هذه الكلمة، وبدايات استخدامها مغاربية، ثم انتشرت في القاموس التربوي العربي في بقية العالم العربي.
نعم هذه الكلمة صحيحة أخي العزيز، كما أعتقد، والله أعلم، ولك تحيتي



هذها جواب رقم 2




تـمـَـدْرَس
الجذر ( درس ) وفيه :
الدارس ، المدرسة ، المدْرَس ، المُدَرِّس ، اندرس = انطمس ، الدرواس ، الدريس ،الدرسة ،
ولم تستعمل العرب تمدرس ، موضوع السؤال ،،،
لكن العرب استعملت هذا الوزن ، فقالوا على سبيل المثال :
تمنطق ، أي لبس المِـنْـطَـقة، كقولهم تمدْرع لمن لبس المِـدْرَعَـــة ، وتمندل اذا لبس المنديل
والمنطقة هي الحياصة والمدرعة نحوها والمنديل معروف ،
ومن الاستعمالات المعاصرة تمنطق اي تعاطى علم المنطق وهو احد فروع الفلسفة ،، وعليه أنا أُجيز هذا الاستخدام بمعنى تعاطى الدراسة أو من كان له بها صلــــــة ، هذا وأشكركم أخي الكريم على استكتابي وثقتكم بنا ، والله أعلم وعليه التكلان ...




المهم عسى وسعتوا صدوركم واستفدتوا

[خشوف]

صراحه المدارس المستقله فاشله معقدين الطلاب واولياء الامور والمدرسين

الطالب يدرس الكتاب طول اليوم ماده او مادتين في اليوم واخرتها يتم الى الساع 2 عشان يدرس للفصل الثاني بدون كتب ولا منهج المفروض يرجعونهم البيت يراجعون المادة اليوم الثاني

والقهر اخر السنه يردون يدرسون الكتابين

[بوالبيض]

بالعكس انا كمدرسة ووليه امر بنفس الوقت مرتاحة على هالنظام لاني اكون متأكده ان طلابي مللمين بالمادة قبل الامتحان وعيالي اللي ارجع هلكانه من الدوام ولاعندي وقت ادرسهم فيه من يراجع لهم قبل الاختبار والتكرار يرسخ المعلومة اكثر البلا والمصيبه من التمدرس اللي عقب الاختبارات؟؟؟؟ يعني الطالب والطالبه مخلصين اختبارات وجايين ليش؟ محسوبه ايام تمدرس ؟؟!! زين شنو يستفيدون؟ ولا شئ بس انهم يشغلون المدرس عن التصحيح والكنترول وتأخير التقارير ..هذا رأيي

اختي المشكله لما ياخذون حصه رابعه وخامسه مراجعه يدخلون عليهم مدرسين ما لهم
صله في الامتحان الجاي يعني علوم يدخل عليهم مدرس رياضه وين تبين يراجعون صح
واكثر الطلاب محد جايب كتب ولا شي بس جاين للعب يا ريت في شي يستفيدون منه
ياريت في منهج بعد صح يستفيدون منه ابد ما شي صح...

[بوالبيض]

يرررررفع للتمدرس
















المهم انا كتبت تمدرس في القوقل وسويت بحث ع الصور

طلع لي طلاب وصفوف وباصات

يعني حركات والله


















خل نرجع للتمدرس لغويا..



من القوقل طبعا




هذا السؤال





هذا جواب واحد





هذها جواب رقم 2








المهم عسى وسعتوا صدوركم واستفدتوا

وايد استفدنا وان شاء الله بنعلم عيالنا ومشكور علي الرد اخوي علي الموضوع

[الدمعه]

اليوم غيبت بنتي .. امس تقول ماعطوهم شي .. مخلينهم يلعبون ..

[مبتدئة]

مادري من وين يجيبو هالمسميات الغبية

[shaheen-915]

والله يبلي اروح اشوف وش التمدرس ......... الصباح اشوف بنت اختي اقوالها خلصتي امتحانات وين رايحها قالت عندنا تمدرس ؟؟؟؟؟؟؟؟؟؟؟؟؟؟ يعني وش تسون قالت نلعب ؟؟؟؟؟؟؟؟؟؟؟؟ والله افكار ومسميات غريبه

[m.m.76]

اختي المشكله لما ياخذون حصه رابعه وخامسه مراجعه يدخلون عليهم مدرسين ما لهم
صله في الامتحان الجاي يعني علوم يدخل عليهم مدرس رياضه وين تبين يراجعون صح
واكثر الطلاب محد جايب كتب ولا شي بس جاين للعب يا ريت في شي يستفيدون منه
ياريت في منهج بعد صح يستفيدون منه ابد ما شي صح...

هذا يعتمد على ذمة النائب الاداري والاكاديمي..لما يوزعون الحصص على مدرس ماله خص بالمادة اللي بيمتحنها الطالب بكره ويسلمون الحصه للفنية ولا الرياضه بس شغل وقت فراغ ويامجلس اعلى ترى احنا نمدرررس الطلاب هاه شوفونا مارجعناهم البيت هنااا لا طبعا غلط واكبر غلط..لأن الطالب يتعب ويرجع ماله خلق يراجع دروسه ويستنزفون طاقته عالفاضي وكثيييييييير كثييييييير من هالاشكال اللي تجي النائبه وهي مغمضه توزع الحصص ولا تدري بالدنيا ولا تشوف مصلحة الطالب وين اهم شي جمعوهم في الصف عطوهم اي شئ وهالكلام ينقال لي انا من نائبتنا عطيهم اي شئ:eek5: اعطططل شغلي واضيع وقتي ووقت الطالب واعطيه اي شي؟؟؟؟؟؟؟ اييييييييييييييييييييييه خلها على الله القلب متروسه

[بوالبيض]

والله يبلي اروح اشوف وش التمدرس ......... الصباح اشوف بنت اختي اقوالها خلصتي امتحانات وين رايحها قالت عندنا تمدرس ؟؟؟؟؟؟؟؟؟؟؟؟؟؟ يعني وش تسون قالت نلعب ؟؟؟؟؟؟؟؟؟؟؟؟ والله افكار ومسميات غريبه

رورح وشوف الخربطه والله حصص علي الفاضي يعطون الطلاب واصلا ما له داعي حصص
امتحان ويروح البيت هي الصح يبي يراجع يراجع في البيت اصلا المراجعه مخلصينها من
زمان حق الطلاب ....

[بوالبيض]

هذا يعتمد على ذمة النائب الاداري والاكاديمي..لما يوزعون الحصص على مدرس ماله خص بالمادة اللي بيمتحنها الطالب بكره ويسلمون الحصه للفنية ولا الرياضه بس شغل وقت فراغ ويامجلس اعلى ترى احنا نمدرررس الطلاب هاه شوفونا مارجعناهم البيت هنااا لا طبعا غلط واكبر غلط..لأن الطالب يتعب ويرجع ماله خلق يراجع دروسه ويستنزفون طاقته عالفاضي وكثيييييييير كثييييييير من هالاشكال اللي تجي النائبه وهي مغمضه توزع الحصص ولا تدري بالدنيا ولا تشوف مصلحة الطالب وين اهم شي جمعوهم في الصف عطوهم اي شئ وهالكلام ينقال لي انا من نائبتنا عطيهم اي شئ:eek5: اعطططل شغلي واضيع وقتي ووقت الطالب واعطيه اي شي؟؟؟؟؟؟؟ اييييييييييييييييييييييه خلها على الله القلب متروسه

المشكله ما في مدرسين كفايه يشغلون الحصص حق الامتحان الجاي عشان يجي يعطون الحصص لمدرس الرياضه او الفنيه او اي ماده ما لها خص في الماده تكلمهم يقولون لك
امر من المجلس حصص تمدرس الي في المجلس يحطون قرارات علي الفاضي خل هم يجون
ويمسكون حصص التمدرس بعدين يتكلمون عن التمدرس تمدرس قالوا طيروا بس