مقابله مع الشيخه موزا !

[law girl]

السلام عليكم ورحمة الله وبركاته

كيف الحال ؟؟

انا عندي استفسار
انا عندي مشروع وحابه اعرضه على الشيخ حمد
بس قالوا لي انه مايقابل الحريم
وان الشيخه موزا هي اللي تقابلهم
فحابه اقابلها واعرض عليها المشروع
وطبعاً المشروع يخص الدولة
حد عنده فكره شلون اقدر اقابلها !!
انا قالوا انها متواجده في كليه الدراسات الاسلاميه بعض ايام الاسبوع
وقالوا لي ان مكتبها بمنى جذع الشجرة اللي بقطر فونديشن
انا شوي وراح اخلص من ترتيبه
بس ياريت اللي عنده فكره يقول لي كيف اقدر اقابلها


وسلامتكم :shy:

[دااانة قطر]

ياليت حد يفيدنا
تعبت وانا ارسل ايميلات وماعندهم غير يشكروني وان رسالتي وصلت


والسموحه لاني رزيت ردي في موضوعك

[المليونير الفقير]

أختي لو كان مشروعج مهم ومفيد للدوله ممكن أساعدك ولو كان عادي مانصحج

[doha2012]

الله يوفقكم ويسخر لكم من ينفعكم

[منارة الدوحة]

بالتوفيق اختي بس ممكن تحاولين توصلين حق لولوة المسند أو النوار الخليفي اللي في مكتب حرم سمو الأمير و تقدرين تروحين لهم في مقرهم في قطر فاونديشن و تطلبين مقابلتهم و هم اللي راح يوصلونج للي تبينه و أموفقة اختي

[law girl]

المليونير
اي والله المشروع وايد مفيد للدوله
ومب مشروع شخصي
فياريت تعطيني فكره شلون اقدر اوصل لها

doha2012
اي والله ترى محتاجه دعواتكم
لاتبخلون علي

مناره
اوكي بأي مبنى عشان اقدر اوصل لهم !!

[الدوحه1]

أختي لو كان مشروعج مهم ومفيد للدوله ممكن أساعدك ولو كان عادي مانصحج
انا عندي مشروع مهم جدا بالنسبه للدوله .. المشروع يتعلق بالحفاظ على الارشيف الوطني للدوله..... وتكلفة المشروع مبلغ يعتبر "تافه" مقارنة مع اهمية المشروع!!!

[سارق الكحل]

ماشاء الله الله يوفقكم ان شاء الله

[Qtr95]

الله يوفقج :)

الحمدالله مدرستي ادعمتني على مشروع مبادرة , ستطرح قريبا في وسائل
الإعلام :shy:

[law girl]

الله يوفق الجميع يااارب

ابن الكواري
بانتظار مشروعك :)

[منارة الدوحة]

في قطر فاونديشن البوابة b في مبنى عليه اشكال هندسية زي الورد ممكن تسألين اي حد من السكيورتي و تطلبين مقابلتهم

[law girl]

مبنى عليه اشكال هندسية ؟
تقصدين الجسر ؟؟

[ابوالكلام]

يوجد لديها موقع بإمكانك التواصل معها

[الخزرجي قطر]

الله يوفقكم ان شاالله

[بنت امي]

أنا سعيده جداً بان الشعب يفكر في دولته وفي تطويرها

بالتوفيق والى الامام

[law girl]

أشكر كل من تواصل معاي :)
وكل من دعا لي

بس للأسف لحد الحين ماعرفت كيف اتواصل معاها
فيه وحده خدمتني بس قالت الرقم يخص التعليم
وانا مشروعي مايخص التعليم للأسف

بإنتظار البقيه :)

[روح الاطلس]

لها مكتب في قطر فاونديشن انتي لو وصلتي هناك بتدلين قريب من مبنى الـ las

[الأصيلة]

لها مكتب في قطر فاونديشن انتي لو وصلتي هناك بتدلين قريب من مبنى الـ las

يعني لو راحت هناك ودلت المكان بتدخل على طول...

[روح الاطلس]

يعني لو راحت هناك ودلت المكان بتدخل على طول...

:secret:

[الـقـاسـي]

هي لها مكتب في قطر فاونديشن قريب من الجسر الاكاديمي جذع الشجره مكتبها مب هناك هذا مركز قطر الوطني للمؤتمرات ..

لكن المشروع من أي جانب ممكن يخدم ,, واذا ماتبين تقولين تعالي بكره لمؤسسه قطر في سكرتاريه خاصين بالشيخه موزا ..

[law girl]

قطر فونديشن مب مكان صغير
ابي اعرف بليز بالضبط وين

القاسي
انا كنت حاضرة مؤتمر يوم الخميس
وفيه شخص هناك قال لي هي عندها مكتب بهالمبنى
تداوم فيه بعض الأيام
ووصف لي المكان بس ماعرفت وين بالضبط
لان المكان كبير :$

[قطـــر 2009]

اختي

المشروع عن ايش اذا ممكن تفيدينا لان مكتب الشيخه مب مختص في اي مشروع يوصل له وراح يتحول للجهات المختصه مباشره

[law girl]

موضوع يخص القانون والقانونيين فالدولة

[مخطط قطري]

صعب الوصول والاسوار عاليه:)

[law girl]

8
8
ماكو شي صعب ان شاء الله :)