المرحلة الأخيره:افضل محل يركب سقف جبس وانظف تركيب سيراميك

[ليل وتعاليل]

السلام عليكم ورحمة الله وبركاته ..

معليش اسمحوا لي .. كثرت مواضيعي هني هاليومين. .



نفس العنوان ..

أبي اركب سقف جبس مودرن ستايل ,, عندي كم سؤال :

* تنصحون في حد او محل معين عن تجربه ؟
* هل فيه نوع من اضاءة السبوت لايت لازم انتبه له .. أبي جودة مو كل يومين تحترق ..

السؤال الثاني :
تركيب سيراميك الحمام .. انا ابي شغل نظظيييف مثل الفنادق .. .



ومشكوووووووووورين :shy:

[shaheen-915]

اخوي شيك الخاص

[ولد المنصور]

رافكو شغلهم نظيف ومرتب ... اما تركيب السراميك جبتلي ناس بس انا معاهم بلاطه بلاطه لازم

[ليل وتعاليل]

رافكو شغلهم نظيف ومرتب ... اما تركيب السراميك جبتلي ناس بس انا معاهم بلاطه بلاطه لازم

رافكو يسوون اسقف بعد ؟؟

[ليل وتعاليل]

اخوي شيك الخاص

لاهنت ولي معاك اتصال ان شاء الله

[كبير المتداولين]

نصيحه ابدى في اسقف الجبس ثم البلاط الارضيات انتبه للوصلات بين الواح الجبس من تشققات مستقبيله البعض لايجيد معالجتها حدد نوع سبوت واماكن الفتحات قبل البدئ في التركيب

[ولد المنصور]

رافكو يسوون اسقف بعد ؟؟

نعم وشغلهم حلو وفنانين
من المدخل على طول يسار او بابهم الغربي ...

[بو الجوري]

هلا أخوي :.. و لاتحاتي من كثرة المواضيع

خذ راحت ،، حنا إحنا نفيد و نستفيد من تجارب الغيـر :)


المهم بخصوص السيراميك ماعندي فكـره ، لكـن يستحسن تكون متواجـد وقت التركيب


و بخصوص الجبس

* تنصحون في حد او محل معين عن تجربه ؟

بطرشلك رقم اللي إشتغل في فلتي :..


* هل فيه نوع من اضاءة السبوت لايت لازم انتبه له .. أبي جودة مو كل يومين تحترق ..

السبوت أهم شي يكون ألماني و الترانس ألماني مع الضمان
أما الفريم مايهم لو كان صيني :..

طبعاً عندك أحجام مختلفه ،، لما يركب السقف ، شوف وحدد كـم وحده تبي وشنهي الأحجام
وعلى إختيارك هو بيفتح أماكـن للسبوت

وقبل لايشطب السقف لازم كهربائي يمـر ويطلع النقاط و نقولـه اللي تبيه
مثل كم سويتج وهل بتحط إضاءه مخفيـه ، ومن هالكلام

:)

[ZURICH]

رافكو شغلهم في الجبس ممتاز لكن اسعارهم مرتفعة جداً جداً

قبل أسبوعين رحت لهم

قالي المهندس نسوي لك تصميم كامل لديكورات البيت

واذا تم الاتفاق معاك على السعر يكون التصميم مجاني لك

واذا ماعجبك السعر نحتفظ في التصميم

وإذا تبي تاخذ التصميم ممكن تشترية بـ 10 الاف ريال

عطيتهم الخرائط والسي دي وبشوف سعرهم يناسبني أو لا

إذا ماناسبني السعر بحاول آخذ من أفكارهم في التصميم

مايحتاج أدفع كل هذا المبلغ على تصميم .. السالفة سهلة :)

بالتوفيق والله يعينك على التشطيب

[قطري واصيل]

الله يوفقكل واحد يبني ويشطب

[ليل وتعاليل]

امين يارب ..

ومشكورررين يعطيكم العافيه ..

[بوفهد555]

وين مكانه رافكو للجبس ؟؟؟؟

[ليل وتعاليل]

الريان القديم ..

اذا جاي على الطريق السريع وانت نازل من جسر الشمال مخرج الريان تاخذ الدوار يمين و على طول اول لفه يمين بتشوفه ع الزاوية ...

[ali22]

جمب تيك اوية؟؟

[i.qatar]

توقعت ان حد بيجيب طاري السعدي
يقولون انه افضل محل جبس في قطر والله العالم

[كبير المتداولين]

السعدي ماعنده ديزاينات حديثه اذا تبي ديزاينات وشغل ماشفته في الدوحه روح مؤسسه العنودي مجمع اسواق الغرافه احذى الخيام اسعار معقوله وشغل عدل

[مبتدئة]

المسامحة من صاحب الموضوع

انا بعد أدور واحد يشتغل لي على الجبس

فيه جبس في الغرفة بس ابي اشيله واركب بس جبس بوردر

وأبيه يشتغل شوي في السقف .. يعدل لي الجبس اللي على الليتات

ويا ريت تنصحوني بـ واحد شغله نظيف ومواعيده مضبوطة وسريعة

واكيد سعره زين

[Chambray]

السعدي اسعارهم مبالغ فيها

انا رحت محل في الغرافه وعطاني عرض اسعار ممتاز .. وشغلهم شفته ونظيف وحلو .. ومقرر اذا رجعت ان شاء الله اخلص معاهم ان شاء الله ..

[ليل وتعاليل]

مبتدئة خذي راااحتج .. الكل يفيد و يستفيد ..

[buhendi 12]

اخوي بالنسبه للجبس والاسقف والديكور تقدر تشرفنا المكتب واخلي المهندس يقعد معاك ويراويك الي تبيه وباسعار ترضيك انشاءالله