ارقى الفنادق يتايلاند تكفون مابقى شي على السفر

[بوعبود]

السلام عليكم ورحمة الله وبركاته

ان شالله على الاسبوع الجاي بسافر تايلاند

وبغيت اعرف ارقى الفنادق مش مهم السعر

اهم شي راقي ونظيف

الانتر حلو بس مافيه حجوزات:(

وبغيته قريب المستشفى الملكي

وجزاكم الله خير

[العقل الحر]

مرحبا اخوي

ماذكرت وين في تايلاند مجرد ذكرت قريب المستشفى الملكي

يعني قصدك بانكوك

اولا الفنادق في تايلاند ممتازة بوجه عام

ثانيا الفنادق المشهورة والمعروفه عند العرب هي الماريوت والاند مارك والشيراتون

واغلب هذي الفنادق في منطقه نانا سكومفيت سوي 1 و 2 و3 و4 و5 و6 و7

اما جمب المستشفى فندق اسمه اي ون A-one

وهذا رابط الفنادق وانا حاط لك خيار الخمس نجوم ومنطقه نانا وبالعربي

http://www.hotelscombined.ae/City/Bangkok.htm#languageCode=AR&currencyCode=USD&fileName=Bangkok&fileNameType=0&pageSize=25&pageIndex=0&sort=Distance-asc&showSoldOut=true&locationId=12682&highRate=910&lowRate=10&star5=true&view=hc_sr_summary&scroll=732&open=3,1,4,7,6&mapstate=contracted


وهذا رابط ثاني تعريفي للفنادق لمنتدى تايلاند بالعربي

http://www.thai-trips.net/newboard/forumdisplay.php?f=52

[Right]

أخوي " بوعبود " تروح وترجع بالسلامة إن شاء الله



أنصحك بالدخول لهذا الموقع ... وإن شاء الله بتلقى إلي بيفيدك عن تايلاند



أضغط هنا
(http://travel.maktoob.com/vb/travelarab83/)

[AL-MAYSTRO]

في بانكوك

الماريوت ,, الدبليو ماريوت ,, الشيرتون

هاي اللي انا اعرفهم

[ماجد البدر]

جي دبلو ماريوت
JW Marriott Hotel Bangkok
خمس نجوم وهادي ونظيف وقريب

[راسيه]

الدبليو راقي وايد

و5 نجوم

بالتوفيق

[مهره]

في فندق الماريوت راقي ونظيف

[عذبة الأطباع]

في فندق حبتور وراء الملكي حكم

ترجع بالسلامة

[آنا غيــر]

اللي اعرفه الماريوت اللي يزعم راقي وحلو بس اتوقع الغرف صغيره شوي

[A l i]

انتركونتيننتال ..
و كمبنسكي والدبليو ماريوت ...

[آنــه]

الملكي مب الامريكي

اذا الامريكي ألجي دلبين ماريت الافضل والغرف ابد مؤ صغيره
اما إذ الملكي التايلندي الافضل جنبه اماري وايد حلو
اما اذا تدورون على شقق ف في شقق واجد نظيفه وحلوه اسمها ستقترب ينت مافيها واجد عرب

واذا تبي قريب السوق في فندق جنب السنترال و سيام براغون

[عذب الكلام 1]

في عندك الماريوت في شقق فندقيه وفي فندق غرف وعندك زينت قريب من المستشفي الامريكي بس الملكي مادري بس قريب مب بعيد عليك بالتكتك

[آنــه]

الملكي مب الامريكي

اذا الامريكي ألجي دلبين ماريت الافضل والغرف ابد مؤ صغيره
اما إذ الملكي التايلندي الافضل جنبه اماري وايد حلو
اما اذا تدورون على شقق ف في شقق واجد نظيفه وحلوه اسمها ستقترب ينت مافيها واجد عرب

واذا تبي قريب السوق في فندق جنب السنترال و سيام براغون



توني اقرا الرد هههههههههههه

ترى السبلنق مستيك من الاي باد

الجي دبليو ماريوت افضل وانظف مكان من حيث الافطار ومن حيث وسع الغرف ومن حيث قربه لشارع العرب والمطاعم وايضا جنب المستشفى الامريكي ومب بعيد توصله في 10 دقايق مشي

اما الفندق اللي جنب الملكي فهو " اماري " 10 ثواني مشي الا انت في الملكي

اما عن الشقق الفندقيه فهي السنتر بوينت ترى وايد حلوه ونظيفه ومافيها عرب
المكان اللي مافيه عرب تستمتع فيه بس يعيبه الافطار واللي فيه مب وايد مثقفين نفس الماريوت يفهمونك

[بوعبود]

سوري على التاخير

الحمدلله حصلت حجز
بالانتركونتيننتال

وكان من اروع مايكون

والحمدلله

ويعطيكم العافيه وماقصرتوا والله

[السهم الملتهب]

سوري على التاخير

الحمدلله حصلت حجز
بالانتركونتيننتال

وكان من اروع مايكون

والحمدلله

ويعطيكم العافيه وماقصرتوا والله


InterContinental Bangkok

من افضل الفنادق في بانكوك زين ماخترت فوق الممتاز وفخم جدااااااا

:nice::nice:

[Qatar Knight]

بالتوفيق

[بصمة قطرية]

جـراند سوكومفيت
Grand Sukhumvite
رائع بمعنى الكلمــة .. :victory:
من أفضل فنادق تايلند ..
اللي بيسكن في هالفندق ما راح يندم ..
أهل قطر ما يعرفونه وايد ..
بس هل الخليج وايد يسكنونه ..
و الأجانب وايد ..
حجزنا عن طريق النت ..
يوم وصلنا هناك و سألنا اذا في حجز لغرفة إضافية قالوا لنا لمدة شهرين
غرف الفندق محجوزة بالكامل ..
موقعه بعد حلو ..

[Abdullah_89]

الفناجق القريبه من المستشفى الملكي :

A one

اماري ريزيدنس

دار زايد (charavilla

اما الفنادق النظيفه في بانكوك وقريبه من شارع العرب وياخذ التاكسي 100 بات تقريبا 10 ريالات للتوصيل الى المستشفى

فندق ستي نانا بلازا

فندق زينيث ( 5 نجوم )

فندق اماري بوليفارد ( 4 نجوم )

[بوجاسم566]

جي دبلو ماريوت
JW Marriott Hotel Bangkok
خمس نجوم وهادي ونظيف وقريب


:nice::nice::nice::nice::nice: