افضل دكتور تقويم اسنان في قطر ؟

[saddawi4ever]

السلام عليكم

حبيت اسألكم عن افضل دكتور متخصص لتقويم الاسنان والفكين

زميلي عنده مشكلة في الفك والاسنان والناس انصحوه بالدكتور محمد السعيد

يوم راحله قاله عندي علاج جديد للتقويم ويعدله الفك ومب موجود في قطر الا عنده

المهم قاله بيسويله التقويم ب 30 ألف !

سألني عن هالدكتور او اذا في دكتور خاص افضل منه وقلت أسألكم وياليت تفيدونا من خبرتكم

وجزاكم الله خير

[ودي أكون]

يمدحون عيادة الدكتور فهد العبدالله .. اللي فيها سناء

خله يروح الطابق الثاني بيحصل دكاترة الاسنان ..

انا ماجربتهم للامانه بس حسب اللي سمعته من البنات ان الدكاترة زينيين ..


بس بعد غالي ترا :taunt:

[ahmed jasim]

مروان الغلا فى السد

[قطريه أصيله]

اوووف ثلاثين الف للتقويم ؟؟؟

انا سويته على 5000 :)

[elders]

دكتور محمد نبيه ..بمجمع الكندي بالسد

[penguin]

تقويم بـ ٣٠ مركب ذهب ولا حديد

تميم ملص زين بس اسعااره مبالغ فيها و يقولون سكر عيادته

اتذكر ان عنده فرع بـ لبنان و فرق السعر فالعياده اللي هني و هناك

في لبنان تسوي كل اسنانك بسعر ضرس واحد في قطر

[عين السيح 75]

يمدحون دكتوره ساميه النتشه في مستشفى الرميله بس الله يعينك على مواعيدهم وايد متاخره !!!

[كبير المتداولين]

اخي الكريم نعم قد يصل التقويم الى هذا المبلغ حسب مشاكل الاسنان انا سويت تقويم على ٥٠٠٠ وبعد تعديل الاسنان حليت مشكله الاسنان الناقصه بوضع جسور وعمليه الجسور تتطلب نزع العصب وتنظيف الاسنان في الاخير اجمالي التكلفه ٢٠ الف في البدايه اسال الدكتور عن جميع المشاكل والحلول انصحك تروح عياده الريان شارع ال شافي الدكتور عبدالصمد هندي اسعاره معقوله وشغلك برفشنل التقويم بحدود ٥ الى ٨ حسب طبيعه الاسنان نزع العصب للسن ٤٠٠ جسر سن واحد ٢٠٠٠ وكل هذه الاشياء قد تحتاجها عند وضع التقويم والله يوفقك

[Dana’1]

الله يعينك إسمحلي اسأل احسن طبيب للعصب
وايش رأيكم بالدكتور غازي جوهر بالملكة الطبية من جربة ?
ارجو أنة يفيدنا وشكرا

[miss.so0s0o]

عياده الرازي

[AL-MAYSTRO]

بالنسبه للفك ماعندي اي معلومه

اما بالنسبه للاسنان والتقويم , تعاملت مع دكتور من سنه 2006
وكل خواني وبعض ربعي وبعض موظفين فالدوام معاي تعاملوا معاه
والصراحه شغله ما شاء الله حلو , ويده خفيفه وسعره مناسب

عياده اللولوة .. الدكتور / احمد عزام ..

[حكآية آحسآس]

أخووي آإنآ اليوم رحت للدكتور محمد السعيد وقالي نفس الكلام الي قال حق صديقكك وقالي بيسوي لي التقويم 30 وانا اسناني مافيها ذيك المشاكل القوية :secret:

وانا ررحت كذا عياده قبل وكذا دكتور وكلا يقولون لي ما احتاج تقويم وانا اابي ارتب ابتسامتي :shy:

وهو الدكتور الي قالي بسوي لك وريحني بس انا اشوف اسعاره وااجد غاليه وللحين مو مرتاحه..


وياليت الي عنده خبره يساعدنآ او قد سسمع عنه:discuss:

[Aaziz]

بدون تردد ... دكتور علي في عياده اسنان الملكه الي في الستي سنتر تحت .

طبعا فقط الدكتور علي ولا انصح باي دكتور اخر في هذه العياده .

دكتور علي شاب باكستاني خلوق و نصووووح جدا جدا يعمل دائما بمساعده دكتور تركي زائر (كل اسبوعين تقريبا يزور العياده ويتابع الحالات) اسم الدكتور التركي تافاز هذا للعلم فقط ولكن اذا اردت ان تطلب زياره الدكتور فا اختار دكتور علي و انت اوتوماتيكيا ستقابل الدكتورين معا (علي + تافاز)
طبعا هذي النصيحه من تجربه شخصيه استمرت 5 سنوات .

[حكآية آحسآس]

مشكووور وجزآك لله خيررر... بس حبيت اووضح لكم ان في فررق بين التوقيم العلاجي والتقويم التجميلي..


في بعض الحلاات طبياً محتاجة يعملون لها توقيم وبعض الحلات تعمل تقويم عشاان تجمل من اسنانها..

عشاان كذا نلاقي فروق في عيادات الاسناان ..

والذالك بعض الدكاترة الاسنان يعلون بالاسعار عشان اغلب الي يجونهم لغرض تجميلي


والله يكون بالعوون ...


بس الي تعامل مع محمد السسعيد ياليت يفيدناا..

[إكليل الزهور]

اوووف ثلاثين الف للتقويم ؟؟؟

انا سويته على 5000 :)

ممكن تذكرين لنا وين؟ و شلون تقيمين مشكلتج يعني كانت بسيطة متوسطة والا محتاجة شغل وايد؟

كم كانت مدة تركيب التقويم؟ وعقب ماشليتيه هل النتيجة تمت ثابتة والا تحركت الاسنان مرة ثانية؟

وشكراً

[كازانوفا]

حاليا انا سويت تقويم للفك السفلي وطلب منى 7000 ريال
طبعا مقدما 2000 والباقي على اقساط واخدت النوع القديم لانه بصراحه هاي كانت نصيحة الدكتور
واللى شجعني اني اسوي عنده بصراحه عنده ذمة وضمير وعلى كلامه دايما القديم بيكون احسن من اي اكتشافات واختراعات جديده

[قطريه أصيله]

اكليل الزهور

انا عندي مشكله بسيطه في الفك العلوي شوي على برع .. وماكنت احتاج اركب تقويم لكن زوجي شجعني ركبته تاريخ 31-7-2011قبل ارمضان بيوم وعلى كلام الدكتوره بشيله بعد ثمان شهور لانه مشكلتي خفيفه يصراحه العياده اسعارها وايد زينه وكل اهل زوجي وهلي يتعالجون هناك

العياده فالخور جنب نادي الخور الرياضي بالضبط

اول جلسه للتقويم تدفعين 1000 ريال وفتح ملف 25 ريال وكل شهر 500 موعد كل جلسه

والتقويم كامل فوق وتحت على 5000 ريال

[إكليل الزهور]

مشكورة وجزاج الله خير ع الإجابة:nice: