معليش احنا طالعين ...........

[فيزيائية]

السلام عليكم ورحمة الله وبركاته

كبرت بيوتنا وضاقت انفسنا
هل هذا حقاً ماحدث بالضبط ؟؟
كنت ولازلت أحب العلاقات الاجتماعية واسعى لها
وفكرت يوما لماذا لا اقوم بزيارة خفيفة لهم بمناسبة العيد
فهم اقرب جيرة وقرابة ...
اتصلت بها فردت علي : معليش احنا طالعين...
ولم اطلب منها الزيارة من ذلك اليوم!!!
وفكرت حينها كم منا من قضى سنين حياته في بناء بيت العمر
ثم سكن فيه وقفله ورمى المفتاح؟؟
وكم منا جدد البيت (الجديد اصلاً) ...
ولم ير احدهم الجديد والا المُجدَّد ؟؟
مشغولين نحن وماعندنا وقت للآخرين
(شلنا بعوار الراس) وماذا عن احبابنا الذين نعرفهم؟!
مشغولين ...وماعندنا سنع
لا عشا بيت ولا ريوق عيد ولاغدا ضيف
البيوت كبيرة والقلوب صغيرة
(معليش طالعين )
ماقالت : شوفي وقت ثاني
ولا اعتذرت...
ولساننا نسى الخلق الاسلامي وسنع أهلنا..
....





فهل انتم معي ؟؟أو أنا عايشة بالمرّيخ !!!

[khaldoon]

صحيح كلامج اختي...الحين ما احد فاضي لاحد و الناس ما تبي تقابل احد و ما يبون التواصل الا عن طريق التليفون و النت

بس بعد انا بجرب مرة ثانية و لو تفشلت ما اعيدها ...يعني اعطيهم فرصة ثانية

[ملاك]

في رد ألطف من هالرد ( معليش احنا طالعين )..

انا لو مكانج راح ينكسر خاطري من خشونه وجفاف الرد..

( الملافظ سعد ) على قوله المصريين

وللاسف في ناس ما تعرف السنع ولا مر صوبها من اساسه..

[penguin]

قووووووووويه احنا طالعين ><

حتى لو صج طالعين يجاملون شوي

[doha2012]

عادي


تحصل معي واجد والدنيا تمشي

لو نويت اوصلها اقدر اوصلها بدون ماخذ الامر بحساسية زايده

ردت بكل صراحه انهم طالعين واكيد متوسمه فيك انك بتعذرينها

لو احد كلمني وانا بطلع بعتذر صراحه والمرات جايه ان شاء الله


لازلنا نتزاور مع الاخرين من ترك نفسه للحداثه جرفته معها

[ريتويت]

من اول مره مابفشل نفسي وبقول مع السلامه

[moon_night]

مافيها شي يمكن صج طالعين وماعرفت ترد حزتها برد الطف

انا اشوف انه عادي جدا وتصير احيانا لنا ...مثلا بيجونا ناس واحنا مثلا معزومين او الخ عادي نعتذر ماشوف فيها شي
اهم شي الواحد يعذر ويعدي ومايتحسس

[بصمة قطرية]

يمكن صج طالعين ..
و اللي ردت ما عرفت شــلون ترد ..
لا نسيء الظــن ..
و خلنا نكــون أحسـن منهم ..
مادري تحيلي لو كنتي بتطلعين وحد اتصل فيج بيمرج ..
شــلون راح تردين عليه ..؟
أنا عن نفسي الحمـد لله دائماً أتزاور مع جاراتي
في المناسبات ومن غير ممناسبات ..
و لو كانت وحدة مشغولة او بتطلع تقول عادي ..
و نرتب موعد ثاني ..
أبداً ما بيننا هالحساسيات ..
الحيــاة حــلوة ~:)

[المهاجر]

احتمال خانها التعبير وردت بعفويه وما كانت تقصد

فدائما نعطي العذر خصوصا اذا كانت المره الأولى

فلاتقطعين الوصل وزيارة الجار

انصحج ترسلين لها هديه وان شاء الله راح تكون لها تأثير بنفسها

وبتقرب بينكم والجار له حق علينا ومنها بتاخذين الأجر

[intesar]

أتوقع خانها التعبير.. جربي زيارة ثانية.. بعدها ببين معدنها إذا كان أصيل ولا فالصو..

[غزلان]

الناس ظروفها كبرت ومرات لازم نعذرهم ونفوتها لهم دامها المره الأولى

[chillis]

هي يمكن كانت معاج صريحه وهذي اسلوبها وطريقتها ما تقصد شي جربي مره ثانيه بزياره ثانيه ويبين

[مستجدة]

معليه اختي فيزيائية يمكن الجماعه فعلا طالعين والاخت ماعرفت شلون ترد عليك
لاتاخذين الموضوع بحساسية وجربي بعدين

فيه ناس مايعرفون يتصرفون وقت الاحراج

المفروض الاخت ردت برد الطف وقالت والله يافلانه نحن اليوم مواعدين الاهل وطالعين لكن معوضه وانا اخيتك يوم كذا حاك انا عازمتك ولايصير خاطرك الا طيب

[الراقيه سبشل]

التمسيلها العذر حبوبة

وجربي مرة ثانية .. يمكن صج كان ببالها شي ثاني او هي نفسها كانت متضايقة او سمعت خبر كدرها

ترى تصير !

[جرح الزمان]

ليش ما سئلتيها متى الوقت اللي يناسبكم ؟؟

[.خالد]

بغض النظر عن الموقف نفسه كلام الكاتبه صحيح ، البيوت وسعت والقلوب ضاقت .. وصار ما عندنا وقت (كما ندعي ) لاي شي ، حتى للزيارات والسنع ..

[فيزيائية]

معليش طلعتوا من صميم الموضوع
الموقف فقط سردته لانه يخدم نقطة معينة
ان الناس قفلت بابها في وجه المعارف
وان العلاقات بهتت عن قبل....


QUOTE=khaldoon;7968837]صحيح كلامج اختي...الحين ما احد فاضي لاحد و الناس ما تبي تقابل احد و ما يبون التواصل الا عن طريق التليفون و النت
بس بعد انا بجرب مرة ثانية و لو تفشلت ما اعيدها ...يعني اعطيهم فرصة ثانية [/QUOTE]
واين كرم العرب والحفاوة بالضيف ؟
واين سنع اهلنا لي سكنوا البيت وعزموا العالم ....


في رد ألطف من هالرد ( معليش احنا طالعين )..

انا لو مكانج راح ينكسر خاطري من خشونه وجفاف الرد..
( الملافظ سعد ) على قوله المصريين
وللاسف في ناس ما تعرف السنع ولا مر صوبها من اساسه..
هذي هي (الملافظ) ...الي اتكلم عنها
الاسلوب والطريقة لهم دور كبير في علاقاتنا .



قووووووووويه احنا طالعين ><
حتى لو صج طالعين يجاملون شوي
عليهم بالعافية طلعتهم ...
حتى المجاملات واللطافة بالكلام مافي..

[تحداني]

ليش ما سئلتيها متى الوقت اللي يناسبكم ؟؟


سؤال جميل
جملك الله برضاه

[penguin]

ليش ما سئلتيها متى الوقت اللي يناسبكم ؟؟

:eek5:

وين الكراامه في البااي بااي

[جرح الزمان]

:eek5:

وين الكراامه في البااي بااي

اذا بختار الوقت اللي يناسبني لزيارتك .. وأفرض هالتوقيت عليك بغض النظر عن ارتباطاتك وضروفك .... تعتبرها انت مقبولة !!!!

ما اعرف شدخل الكرامة في الموضوع :rolleyes2:

[penguin]

اذا بختار الوقت اللي يناسبني لزيارتك .. وأفرض هالتوقيت عليك بغض النظر عن ارتباطاتك وضروفك .... تعتبرها انت مقبولة !!!!

ما اعرف شدخل الكرامة في الموضوع :rolleyes2:

عقب ماتقول لها احنا طالعين ترجع تسالها متى يناسبكم
<<< مادري ليش هذا اللي فهمته :rolleyes2:

[بنت المطر]

صح يمكن طاالعه .. بس مفروض تقولج " خليها مرة ثانية ان شاء الله "

انتي اعزميها اتصلي واعزمي ..

او اتصلي واسالي عن اخبارها وان متى مافضيتي بييج يوم مسيار خفيف واحشتنا وابي اجوفج

+ مب تحسسين من الموضوع ويصير قطاعة ..

ردي اعزميها + او ردي واتصلي وقولي بسير ف الوقت اللي تكونون فيه فاضين

واذا قالت شي ....... عاااااااااادي انتي مشي وطوفي وطرشي لها فواله او كيكة وقهوة وجاي يكفي

يمكن تحس على ويهها @@ وتتسنع


بالتوفيق يارب

[جرح الزمان]

عقب ماتقول لها احنا طالعين ترجع تسالها متى يناسبكم
<<< مادري ليش هذا اللي فهمته :rolleyes2:

هم طالعين = انهم ملتزمين بموعد ما

فكيف ازعل من انسان يحترم مواعيده مع الغير ؟؟؟؟:rolleyes2::rolleyes2:

[penguin]

هم طالعين = انهم ملتزمين بموعد ما

فكيف ازعل من انسان يحترم مواعيده مع الغير ؟؟؟؟:rolleyes2::rolleyes2:

ماندري اذا فيه موعد من الاساس ولا تصريفه
..
فيزيائية تحملي تتصلين عليها مره ثانيه هي الخسرانه
خلي طلعتها تنفعها

[جرح الزمان]

ماندري اذا فيه موعد من الاساس ولا تصريفه


..
فيزيائية تحملي تتصلين عليها مره ثانيه هي الخسرانه
خلي طلعتها تنفعها


العلاقة اللي بدايتها سوء ظن بالطرف الاخر إثمها اكبر من نفعها ... يا اخوي penguin

[wadha-qa]

انا ما احب اقول بزوركم الحين عشان ما احرج الشخص ولا احرج نفسي
اختي اذا بتروحين لاحد اتصلي قولي وقتج يسمح يا فلانه بمر عليج؟ ترى عادي يمكن صدق بتطلع المراه ولا عندها موعد ما يصير اخرب عليها او حتى ضرف في بيتهم ما تبي حد يجيها هالحزه
التمس لاخيك 70 عذرا :)

[بونو]

صدق الله ومن أصدق من الله قيلا"يَا أَيُّهَا الَّذِينَ آمَنُوا لا تَدْخُلُوا بُيُوتاً غَيْرَ بُيُوتِكُمْ حَتَّى تَسْتَأْنِسُوا وَتُسَلِّمُوا عَلَى أَهْلِهَا ذَلِكُمْ خَيْرٌ لَكُمْ لَعَلَّكُمْ تَذَكَّرُونَ فَإِنْ لَمْ تَجِدُوا فِيهَا أَحَداً فَلا تَدْخُلُوهَا حَتَّى يُؤْذَنَ لَكُمْ وَإِنْ قِيلَ لَكُمُ ارْجِعُوا فَارْجِعُوا هُوَ أَزْكَى لَكُمْ وَاللَّهُ بِمَا تَعْمَلُونَ عَلِيمٌ"
صدق الرسول الأكرم" عن أبي موسى رضي الله عنه قال: قال رسول الله صلى الله عليه وسلم : « إذا أستأذن أحدكم ثلاثا فلم يؤذن له فليرجع » متفق عليه.


كبرتي الموضوع أختي ... مع ان اللفظ القراني أقوى من اللي سمعتيه .... بالنسبة للشباب نادرا ما تسوي حساسيه هالامور .... خفوا يابنات من الحساسيه المفرطة ...

وشكرا

[بوحارب]

انا مب في الخيمة لحد يمرلي ههههه تصريفة قوية


اتفق معاج فيزيائية للأسف الحين الناس تبني البيكوت الكبيرة وتخسر عليها الملايين اخر شي محد يدخلها مسوينها زينه بس

[حراير قطر]

المفروض اختي تتصلين فيها قبل بفترة

انه بهاليوم بازورج مو تتصلين لها

واتقولين الحين بازورج كل وحده والتزامتها

مع زوجها او عيالها او اهلها ويمكن ما عندها فاله او اي شيء

واذا قالت لج حياج وقدمت لج شاي وقهوة بتعقرين فيها

اشوف الاتصال قبل الزيارة بيوم او يومين وهذا من باب الذوق

وعشان ما تتعرضين حق هالمواقف مرة ثانية ...

[chillis]

ماندري اذا فيه موعد من الاساس ولا تصريفه
..
فيزيائية تحملي تتصلين عليها مره ثانيه هي الخسرانه
خلي طلعتها تنفعها

خوش رد يمكن المره فعلا مشغوله وبتطلع المفروض الوحده تتصل قبل الزياره بيوم او يومين لان الحين الناس مهب مثل قبل اشغالها كثرت وفي ناس فعلا ماعادت تبي تستقبل احد الواحد يلتمس العذر :)

[الدمعه]

فعلا اختي فيزيائيه .. البيوت كبرت والقلوب ضاقت ..


مب مشكله بتطلع بس في اسلوب لبق ترد عليها فيه .. يعني تقول لها سامحيني اليوم

والله بطلع خليها بكره بنطرج.. يعني لو انا والله مااخليها بخاطر اللي بتجيني ..

واذا الطلعه حق سوق او شي مب مواعده فيه حد عادي ااجلها .. يمكن في

هالوقت هالمره مستضيقه تبي تغير جو البيت من غير ماتتكلف بطلعه وعزومه ..

يعني زياره خطافي قهوه وشاي عالسريع ..

واحين فيه اشياء وايد تصير بسرعه البرق .. ماتاخذ وقت .. مب شرط فواله من اول

المقعد لين اخره ..

[MAZEN37]

اشوف من حقهم
والتمسوا الاعذار للناس والدعوى ظروف
حاول مره ثانيه

[ضوى]

سبحان الله البيوت الكبيرة تضيق باهلها في بعض الاحيان

انا واحدة اجتماعية احب ازور الجارات واتواصل معاهم ونفس الشي اهل زوجي ، والحمد لله الناس يزوروني وكم وكم وكم اجلت طلعات ضرورية واحيانا مهمة عشان ناس بيسيرون علي ماقدر اقولهم لا ، ناس تبي وصلي وقربي اقول لها انا طالعة اليوم ! هي مرة قلتها لجارة من جاراتي وتحسفت قد شعر راسي مع اني اعذترت لها بطريقة لبقة جدا واسفة واسمحي لي والله ضروري اطلع ، وتفهمت الوضع ، ويوم عدا هاليوم انا اتصلت فيها وقلت لها منتظرة زيارتج باي وقت تحبين

والله وكم مرة على مرة يدشون علي جارات او خوات زوجي بدون مايتصلون فيني عادي جدا ادخل ابدل ثيابي واقعد معاهم بدون تكلف او مجاملات تعور القلب ، البساطة حلوة ياجماعة والله حلوة ، وكم مرة مايكون عندي قدوع عدل لهم ، والله اني افتح اكياس البسكوت المالح او الحلو واحطه في صحون واقدمه مع الشاي والقهوة ، واحيانا شوية مكسرات تفي بالغرض ، جذي الناس تحب مقعدي وتحب توصلني ، بس الصراحة انا ماردوح لاحد من غير لا اقول لازم ابلغ مب كل الناس مثل طبعي

[ضوى]

اشفيها الناس صارت قلوبها ضيقة يالله

[الدمعه]

سبحان الله البيوت الكبيرة تضيق باهلها في بعض الاحيان

انا واحدة اجتماعية احب ازور الجارات واتواصل معاهم ونفس الشي اهل زوجي ، والحمد لله الناس يزوروني وكم وكم وكم اجلت طلعات ضرورية واحيانا مهمة عشان ناس بيسيرون علي ماقدر اقولهم لا ، ناس تبي وصلي وقربي اقول لها انا طالعة اليوم ! هي مرة قلتها لجارة من جاراتي وتحسفت قد شعر راسي مع اني اعذترت لها بطريقة لبقة جدا واسفة واسمحي لي والله ضروري اطلع ، وتفهمت الوضع ، ويوم عدا هاليوم انا اتصلت فيها وقلت لها منتظرة زيارتج باي وقت تحبين

والله وكم مرة على مرة يدشون علي جارات او خوات زوجي بدون مايتصلون فيني عادي جدا ادخل ابدل ثيابي واقعد معاهم بدون تكلف او مجاملات تعور القلب ، البساطة حلوة ياجماعة والله حلوة ، وكم مرة مايكون عندي قدوع عدل لهم ، والله اني افتح اكياس البسكوت المالح او الحلو واحطه في صحون واقدمه مع الشاي والقهوة ، واحيانا شوية مكسرات تفي بالغرض ، جذي الناس تحب مقعدي وتحب توصلني ، بس الصراحة انا ماردوح لاحد من غير لا اقول لازم ابلغ مب كل الناس مثل طبعي


وين بيتكم خل امر عليج :nice:

[ضوى]

وين بيتكم خل امر عليج :nice:

حياج الله باي وقت العين اوسع لج من صالة بيتنا :)

[ضوى]

للعلم سوتها واحدة في المنتدى وفاجيئتني بزيارة لطيفة جدا هي وبنتها ، يالله اشكثر استانست على قعدتها وايد استانست وكانت عندي صديقتي بعد يا الله ياحلوها هالمفاجاة ، وهالمفاجاة كانت رووعة مع انها ماطولت شربت عصير وبس ووعدتني بزيارة طويلة للحين انتظرها مع واحدة ثانية بعد من المنتدى :)

[دااانة قطر]

وعليكم السلااام والرحمه

الكلمه اشوفها عااديه خااصة اذا جا اتصاالي قبل موعد الزيااره بووقت قصير فكأني أقحم نفسي عالنااس وهم مب مستعدين
داايما زيااراتنا تكون بتحديد موعد مسبق حتى مانحرج النااس اللي بنزورهم
واذا أحد بيجيني حيااه الله بس مو يوصل للبااب ويقول احنا عند البااب وانا لااهيه بتنظيف البيت او تدريس العياال او توني وااصله من الدواام قريب 3.30 ويجيني اتصاال شتسوين انا متملله وبمرج بعد شوي


عااد صديقااتي يقطعوني ومايذكروني الا وقت اختباارات عياالي خااصة ان جلستااهم تطول وانا احب ارااجع معااهم واختاار لهم اسئلة عشواائيه وامشي على جدول معين

المشكله في الزاائر لو يتبع آدااب الزيااره الصحيحه مارااح يتعرض لأي نوع من الإحراااج

نقطه ثاانيه اذا تكرر لفظ ( احنا طاالعين ) من نفس الأشخااص وماقترحوا على الطرف الآخر موعد ثااني من نفسهم هني رااح أعتبرها طرده والحمدلله مامرينا بهالموقف

الله يديم الموده والعشره الطيبه بين النااس

[غــرشة عطــر]

كلامج صحيح كبرت البيوت وضاقت النفووووس....سبحان الله...لان التركيز على الكماليات بعيد عن الاساسيات التركيز على الفرع ونسيان او تجاهل الاصل وهذا في كل امور حياتنا حتى وصل الى تعاليم ديننا الحنيف اصبح معظم الناس ياخذ مايريد ومايرضي هواه ويترك اللذي لايعجبه...نسال الله العافيه

* بالرغم من هذا نلتمس للناس العذر بغض النظر عن قرابتهم
* لانزعل منهم او عليهم .....علشان راحتنا النفسيه اولا وعلشان ماندخل في سؤ الظن ثانيا
* بعد فتره تواصلي معاها ومن خلال الكلام بتفهمين اذا فيه مجال للزياره او لا واذا امكن تحديد موعد مسبق وهو الافضل للطرفين
* طولي بالج ووسعي خاطرج لابعد الحدود ومنتي ملزومه باحد في الاخير الا والديج وارحامج الاقرب فالاقرب......يعني حاولي تطبيق الحد الادنى من التكليف الشرعي في هذي الامور....الاتصال بالتلفون يعتبر صلة رحم
* الاحتساب على الله في اعمالنا وافعالنا لكي نؤجر عليها ((وهذا هو الهدف)) سواء قمنا بها او لا لاي ظرف من الظروف

اخيرا

السعادة تكون في العطاء بدون انتظار مقابل وليس الاخذ


بالتوفيق للجميع

[الزعفراني]

فهل انتم معي ؟؟أو أنا عايشة بالمرّيخ !!!

نحن معك :)

[البدع]

انا معك

واتفق في الي قلتيه

[تحداني]

البيت بابه مفتوح طول اليوم والوالده تستقبل كل الناس بدون مكالمات وبدون مواعيد
ان جات وحده من الحريم وما لقت الوالده في البيت .. اتقول لنا سلموا عليها وقولوا لها كان خاطري اشوفها ..

الامهات الاكبار يتعاملون ببساطه جدا في الزيارات .. بدون تكلف .. وبدون احراج ..
وبدون رسميات .. وما اطلعت فكره المواعيد وانا جايه انتي متى فاضيه وانا وانتي
الا بعد ما تمدنت الحياه .. وصار في دوامات .. والتزامات زائده


لما تفقد الحياه الاجتماعيه بساطتها
تنصك الابواب .. ويضيق المكان والمجالس ما يدخلونها الاضيوف الا من وين لوين
وهالاشياء عند الحريم اكثر من الرجال


جملكم الله برضاه

[الدمعه]

للعلم سوتها واحدة في المنتدى وفاجيئتني بزيارة لطيفة جدا هي وبنتها ، يالله اشكثر استانست على قعدتها وايد استانست وكانت عندي صديقتي بعد يا الله ياحلوها هالمفاجاة ، وهالمفاجاة كانت رووعة مع انها ماطولت شربت عصير وبس ووعدتني بزيارة طويلة للحين انتظرها مع واحدة ثانية بعد من المنتدى :)


الله يسلم عينج لغاليج

يالله شوفي متى بيجونج وانا معاهم ان شاء الله بس بلغيني وصدقيني ماردج ..

بس مايكون الخميس .. :shy:

[فيزيائية]

عادي

تحصل معي واجد والدنيا تمشي
لو نويت اوصلها اقدر اوصلها بدون ماخذ الامر بحساسية زايده
ردت بكل صراحه انهم طالعين واكيد متوسمه فيك انك بتعذرينها
لو احد كلمني وانا بطلع بعتذر صراحه والمرات جايه ان شاء الله
لازلنا نتزاور مع الاخرين من ترك نفسه للحداثه جرفته معها
صحيح انا مقدرة ان في اوقات ماتناسب الناس
واقرب مثال الي يحبون يزوروني الضحى مايناسبني واعتذر
ولكن اليس من المفروض اعطاء وقت آخر ؟


من اول مره مابفشل نفسي وبقول مع السلامه
اذا كانت ردودنا هكذا لما وصلنا احدة:(


مافيها شي يمكن صج طالعين وماعرفت ترد حزتها برد الطف

انا اشوف انه عادي جدا وتصير احيانا لنا ...مثلا بيجونا ناس واحنا مثلا معزومين او الخ عادي نعتذر ماشوف فيها شي
اهم شي الواحد يعذر ويعدي ومايتحسس
صحيح الحساسية تقسي القلوب وتبعدها
ولكن للاعتذار فن ولباقة...


يمكن صج طالعين ..
و اللي ردت ما عرفت شــلون ترد ..
لا نسيء الظــن ..
و خلنا نكــون أحسـن منهم ..
مادري تحيلي لو كنتي بتطلعين وحد اتصل فيج بيمرج ..
شــلون راح تردين عليه ..؟
أنا عن نفسي الحمـد لله دائماً أتزاور مع جاراتي
في المناسبات ومن غير ممناسبات ..
و لو كانت وحدة مشغولة او بتطلع تقول عادي ..
و نرتب موعد ثاني ..
أبداً ما بيننا هالحساسيات ..
الحيــاة حــلوة ~:)
الحياة حلوة بسنع ولباقة وذرابة ....

[فيزيائية]

احتمال خانها التعبير وردت بعفويه وما كانت تقصد

فدائما نعطي العذر خصوصا اذا كانت المره الأولى

فلاتقطعين الوصل وزيارة الجار

انصحج ترسلين لها هديه وان شاء الله راح تكون لها تأثير بنفسها

وبتقرب بينكم والجار له حق علينا ومنها بتاخذين الأجر
نصيحتك طبقتها في مناسبة ما اهديتها
حتى شكرا لم تصلني ...
ولم احس اني ارسلت شيئا عندما قابلتها ..


أتوقع خانها التعبير.. جربي زيارة ثانية.. بعدها ببين معدنها إذا كان أصيل ولا فالصو..
هي اصيلة ومن احسن الناس
والكلام ليس عنها ...
بل عن البيوت التي ضاقت لضيق نفوس اصحابها...



الناس ظروفها كبرت ومرات لازم نعذرهم ونفوتها لهم دامها المره الأولى
صحيح...


هي يمكن كانت معاج صريحه وهذي اسلوبها وطريقتها ما تقصد شي جربي مره ثانيه بزياره ثانيه ويبين
زيارات ودعوات ليست لها بل لغيرها
تخيلي ناس تعزمهم (قبل الدعوة باسبوع)
وتعمل حسابهم عالعشا
وتتفاجأ ان ولاحد يلبي الدعوة ...
لانهم قرروا فجأة ان مالهم خلق !!!


معليه اختي فيزيائية يمكن الجماعه فعلا طالعين والاخت ماعرفت شلون ترد عليك
لاتاخذين الموضوع بحساسية وجربي بعدين

فيه ناس مايعرفون يتصرفون وقت الاحراج

المفروض الاخت ردت برد الطف وقالت والله يافلانه نحن اليوم مواعدين الاهل وطالعين لكن معوضه وانا اخيتك يوم كذا حاك انا عازمتك ولايصير خاطرك الا طيب


التمسيلها العذر حبوبة

وجربي مرة ثانية .. يمكن صج كان ببالها شي ثاني او هي نفسها كانت متضايقة او سمعت خبر كدرها
ترى تصير !

اروع ما بالردود انها تحث على الوصل وحسن النية
الله يعطيكم على نواياكم الطيبة :nice:

[(بوطلال)]

اي والله صدقتي يالفيزيائيه

اكبرت لبيوت وضاقت الصدور

عكس لول

كانت البيوت ضيقه لكن القلوب وسيعه تشيل الفريج كامل

[انصار جليري]

انا قلت لكل اللي اتصلوا علي هالاسبوع


معليش عندنا امتحانات


وهم اهل مب جيران


المفروض الواحد مايزعل كلن وظروفه

[ضوى]

الله يسلم عينج لغاليج

يالله شوفي متى بيجونج وانا معاهم ان شاء الله بس بلغيني وصدقيني ماردج ..

بس مايكون الخميس .. :shy:

ابشري باقرب فرصة

[الضمين]

وعليكم السلام ورحمة الله وبركاته

اي والله صدقتي الناس تغيروا حتى اسلوبهم تغير
اول اذا كلمنا احد بالتلفون:telephone: ولا تواجهنا مع حد من زمان ماشفناه تسمع منه وينك ماتمر سير علينا تقهو عندنا
اما الحين يسولف بالساعه واذا طرا عليه شي قال شرايك يوم نتواعد نروح كافيه ولا سينما ؟؟
والمجلس اللي وشكبره لمن بانينه !! اقول لو تقلبونه ملحق وتاجرونه احسن :nice:
تشوفين مجالس اكبر من القصور وبالشهور مسكره حتى القطو مايوطوط عند الباب
غريبين هالناس المفروض هو اللي يعزم مب اقوله بسير عليك ويتعذر >>> الشرهه على اللي مكلمك يالحبيب :rolleyes2:
المووهم يالربع حياكم القهوه
قبل لا أهون واقولكم معليش أنا طالع :tease: