هل ترضى تتزوج فتاة بدون ان تراها

[سلطان23]

عندي في الشغل واحد بيتزوج بدون مايشوف زوجته الا يوم العرس

وهو متوهق وخايف

وش الحل

ا

[روح الاطلس]

ليه مايطلب نظره شرعية؟ ولا عيب عندهم؟

[stand-by]

حقه الشرعي انه يشوفها،، بس للاسف عادتنا وتقالدينا مرات تحكم الدين،،

اتمنى كل التوفيق لصاحبك،،

[penguin]

اذا يكلمها خله يتفق معاها

واذا مايكلمها ينطر يوم العرس واذا ماعجبته

صبراً جميل

[كلاسيك قطر]

لازم يالغالي النظره الشرعيه ع الاقل مره وحده

[سلطان23]

النظرة الشرعية عيب عندهم

[الراقيه سبشل]

خله يتفق مع اخته تدبر صورة العروس .. او تدبر طلعه اهل او انها تزور بيته وهو يشوفها بالخش

مع اني ارفض رفض قاطع لهالمبدأ ان مايشوفها الا يوم العرس !

[penguin]

النظرة الشرعية عيب عندهم


يعني بيتزوج وحده مايعرفهاااا كللللللللللش :anger1:
في ذمتهم اهلها اذا ماعجبته

[رآعي موآجيب]

ماعليك من السوالف اكيد انه شافها ، لو صوره على الأقل !

والنظره الشرعيه حق ولازم يشوفها حتى لو من ورى الشيبان مع اني ماودي ان هالأمر يكون من وراهم ، لكن بعض الشيبان الله يهديهم ماخذين على سنع اول ومتمسكين به

تذكرت قصة الشيخ العريفي وخطتة علشان يشوف زوجته :)

ماله حل الله يحفظه :nice:

[Al-Kuwari]

محد جبره وقاله تملك قبل لا تشوفها

وتراه حقك الشرعي


بالنسبه لي ضد مبدأ الزواج بدون نظرة شرعية وبناء على ذلك جوابي على سؤالك هو

" لا "

[سلطان23]

يعني بيتزوج وحده مايعرفهاااا كللللللللللش :anger1:
في ذمتهم اهلها اذا ماعجبته

هذي الظاهرة معروفة ومش جديدة

[intesar]

النظرة الشرعية.. يهددهم ترى بترك بنتكم إذا ما شفتها.. وإذا ارفضوا يتركها وخله بضاعتهم تبور..

[الراقيه سبشل]

ماعليك من السوالف اكيد انه شافها ، لو صوره على الأقل !

والنظره الشرعيه حق ولازم يشوفها حتى لو من ورى الشيبان مع اني ماودي ان هالأمر يكون من وراهم ، لكن بعض الشيبان الله يهديهم ماخذين على سنع اول ومتمسكين به

تذكرت قصة الشيخ العريفي وخطتة علشان يشوف زوجته :)

ماله حل الله يحفظه :nice:

اييييي وانا اقرأ الموضووع تذكرت قصة الشيخ العريفي:nice: تحياتي له

[فتى الجود]

السلام عليكم

نعم اوافق

اتزوج بدون لا اشوفوها

الحمدالله

عندما تكون لدينا الثقة بأمهاتنا

في حسن الاختيار

قولة يصلي على النبي اذا اهله شافوها وهذي ليست الا وساوس الشيطان

وان شاءالله تكون زينه معاه هذا الاهم من الجمال

[wadha-qa]

مسكين الله يعينه على هالعقليات احسب انها نقرضت

لازم حاول مع اخته ولا امه تتفاهم مع الحريم مب لازم يقول لابوها

انه بيشوفها صراحه من حقه يشوفها قبل العرس عشان يتطمن

انا اخوي خليته يشوف البنت مرتين بعد مب مره وحده وقبل الملكه عشان يكون كل شي عن قناعه مب يجي بعدين يقول قلتوا لي شي و طلعت البنت شي ثاني

[خليفـة]

اذا كان الشرع أحل له النظرة الشرعية
ليش يحرم على نفسه ذلك ؟

سبحان الله في أمر بعض المسلمين
عادات وتقاليد .. ما أنزل الله بها من سلطان


خليفــة

[qatari 111]

وهو ليش وافق من البدابه دام انه ماشافها .. خله يتوكل على الله .. وان شاءالله خير

[الخـود]

بالنسبة ل رفيجك .. من رايي يتوكل على الله ،، ويتفائل خير :d

وبالنسبة للموضوع كــكل .. اعتقد في هالزمن .. البنات نفسهم ما بيرضون يتزوجون بدون النظرة العجيبة .. اقصد الشرعية ^^

[بوحارب]

بالنسبة ل رفيجك .. من رايي يتوكل على الله ،، ويتفائل خير :d

وبالنسبة للموضوع كــكل .. اعتقد في هالزمن .. البنات نفسهم ما بيرضون يتزوجون بدون النظرة العجيبة .. اقصد الشرعية ^^

اختي شلون يتفائل خير

تراه ماخذ زوجة مب سيكل

والله بعض الناس عليهم عادات مالها داعي بأي حق يمنعون النظرة الشرعية :omen2:

[الخـود]

اختي شلون يتفائل خير

تراه ماخذ زوجة مب سيكل

والله بعض الناس عليهم عادات مالها داعي بأي حق يمنعون النظرة الشرعية :omen2:

أنا ما أأيد هالفكرة .. بس بما أن صار الأمر وتم ،، متوقعة أن الأهل أكيد أحسنوا الاختيار ... واكيد البنت ذات خلق لان الاهل يحبون الزين حق ولدهم .. والمعايير الاخلاقية المفروض انها ما تتغير ،، وباقي الأمور بتمشي ان شالله ...

وبالنسبة للشكل ،، شنو متوقعين مثلا :d

لكن محد ينكر ان النظرة الشرعية قال الرسول ( ص ) عنها .. فإنه أحرى أن يؤدم بينهما ...

[fahad123]

انا تزوجة بدون نظرة شرعيه ولو قلت نظررررة شرعيه كان ما زوجوني اصلا هههههههههههههههههههههههه

وانا معاااارض وبقوووة للنظرة الشرعيه حتى لو انها حلال

لان بعض الناس ضعيف نفس همه الوحيد انه يشوفها بس اعجبته خذاها ما اعجبته قال ما ابيها خيييييييييييييير ان شاءلله شنو البنات بضاعه عندكم على كيفكم انتو
ابي اشوفها بالشرع يمكن ماتعجبني << ماحبيتها ابددددددد

ولا حتى حبيت الاهل اللي يخلون بناتهم بضايع كل من هب ودب يدق الباب خطاب
ويقول ابي اشوفها (النظره الشرعيه)


الاهل ماراح يختارون لك وحده ماتعجبك لا خلق ولا سمعه ولا جمال
وانت اذا ف بالك حد معين قولهم روحو حق بيت فلان واخطبو لي فلانه
او قولهم ابي وحده تكون بالمواصفات ذي واهلك راح يختارون لك احسن وحده
وراح يوصفونها لك بالتفصيل وانت عاد عليك انك تروح للغرفه وتقفل ع نفسك
وتتخيلها ههههههههه
وتأكد نظر امك واهلك احسن مليون مره عن نظرك انت لان اهم حريم ويعرفون بعض اكثر منك
انت بس خلك على الرياجيل واختار خير عائله واصلين الرحم ودينهم قوي ويكون خوالك عيالك فيهم الخير والبركه
وصل لك ركعتين استخاره وربك راح يسسر الامور وخل منك وسواس الشيطان والسوالف ذي

[Aaziz]

السلام عليكم


لا اقلل ابدا من اهميه النظره الشرعيه الي اغلب الردود تطرقو لها ولكن فيه غير هالكلام .


الام و الاخت قبل لا يخطبون لولدهم قعدو معاه و سئلوه عن مبتغاه و شروطه في زوجه المستقبل والام و الاخت هم محل ثقه كبيره استحاله انهم يرضون لابنهم زوجه لاتناسبه حتى و ان اصر الزوج نفسه .

للعلم اغلب الازواج الي يتزوجون بدون لا يشوفون العروس وانا واحد منهم يستحون لا يطلوب هذا الطلب و ايضا الزوج ما تزوج الزوجه لحالها ولكن هو بهذا الزواج تقرب من عائله باكملها (عائله الزوجه) وهم محل ثقه و تقدير و مطمع بالنسبه له انهم قربوه .

البنات كثير ما ينخطبون مره و ثنتين و ثلالث .. تخيل كم شخص راح يشوف هذي البنت و كم عدد الاشخاص الي بيعرفون ان هذي العروس انخطبت و الزوج شاف العروس ولكن ما عجبته بعد ماشافها ؟ ناهيك عن ما اذا كان الزوج غير امين و ذكر انه شاف البنت و لاسمح الله وصفها لغيره حتى لو بحسن نيه .

الزواج امر طيب و اول و اهم الشروط هي الدين و الاخلاق و الجمال ثالثا .

هذه وجهه نظري الشخصيه و اعلم ان كثير من الاشخاص يعارضون هذه الفكره .

لله الحمد و المنه على كل شيء

[قهوة الضحى]

الحين البنات بكل مكان ومافي حد ماشافهم يات على النظرة الشرعية يحرمونه منها


وبعدين من قالك نخلي كل من هب ودب يشوف

عقب مايتقدم الريال ويتم الموافقة عليه وهو يكون جاد خلاص هني تصير النظرة الشرعية

[Aaziz]

الحين البنات بكل مكان ومافي حد ماشافهم يات على النظرة الشرعية يحرمونه منها


وبعدين من قالك نخلي كل من هب ودب يشوف

عقب مايتقدم الريال ويتم الموافقة عليه وهو يكون جاد خلاص هني تصير النظرة الشرعية

لاتعليق

[قهوة الضحى]

لاتعليق


ليش لاتعليق اخوي

اي مافي حد ماشافهم

سواءا كانت محجبة فقط او منقبة

اكيد لها طلعات خارج البيت السوق او دوامها

الحين هاذيلا يشوفونها ويشوفون هيئتها وطولها وعرضها

واللي جاي يخطبها ويبي نظرة شرعية صارت حرام له

[امـ حمد]

النظره الشرعيه لازمه

وشلون يتزوج بدون مايشوف زوجته

[Aaziz]

ليش لاتعليق اخوي

اي مافي حد ماشافهم

سواءا كانت محجبة فقط او منقبة

اكيد لها طلعات خارج البيت السوق او دوامها

الحين هاذيلا يشوفونها ويشوفون هيئتها وطولها وعرضها

واللي جاي يخطبها ويبي نظرة شرعية صارت حرام له

اخوي بارك الله فيك .. متى انا قلت حرام عن النظره الشرعيه ؟
هل ماوصفت في ردك الاخير هو ماكنت تعنيه بكلمه البنات في كل مكان مافيه حد ماشافها ؟
تعلم ان الحديث هنا عن النظره الشرعية يقصد به رؤيه الوجه الذي يمثل غالب جمال المرأة .

[الفهد1]

من حقها ان تراة ويراها والا الي جحيم الطلاق

[المسك1969]

قول لزميلك اللي في الشغل إن ماخلوه ينظر للمرأة النظرة الشرعيه فلينسحب من الزواج

حلووه الواحد يتزوج على عمااااه... إن كان رسول الله صلى الله عليه وسلم أوصى أن ينظر الرجل للمرأة حتى يؤدم بينهما فمن هم هؤلاء البشر الذين يمنعون النظرة الشرعيه... هل هم أفضل من رسول الله أم أن ابنتهم بها شيء والله المستعان

لو أخوي والله ما أرضى له إلا أن يرى عروسه... فقد أرى البنت ملكة جمال وقد تكون كذلك ولكن يراها هو قبيحه أو عادية أو لم يرتاح لها وإن كانت جميله

والسوق مليان حفظك الله...

[هسلان]

هذا الكلام مستحيل في وقتنا الحالي وإذا اصر الشاب في طلبه للنظرة الشرعية سوف يحصل عليها
والناس تفتحت وتعرف الحلال والحرام بدو وحضر على حدً سواء
لكن شكل رفيجنا قليل حيلة أو إنه سلبي
تحياتي للجميع

[qatarman8008]

اعتقد ان النظرة الشرعية من حقه ... بس شكله هو اللي ما طلب هذا الحق ... ليس بممنوع ولا بعيب ... والحين الحبيب متاخر جدا ... بس .. انشالله تطلع بنت ناس ولا يهم الجمال ...

[fhd4]

اذا كان رفيجك من النوع الموسوس … ومب عاجبه يتزوج بدون النظرة الشرعية …

إما انه يطالب بالنظرة أو يهون عن الزواج …

ولا يظلم البنت اذا ما عجبته بعد الزواج …

أما إذا ماعنده مشكلة انه مايشوفها … فما اعتقد ان هالموضوع كان انحط من الاساس …

[مرتبش]

من له حيلة فليحتال

[المستشاأإأر]

هذه ليست مشكلة إذا كان هو لا يريد ذلك..
وإذا كان الأمر من حيث أهل البنت ولكن هو يريد أن يتزوج من هذه العائلة فليجعل والدته أو أخواته يزورون البنت في بيتها ويشوفون البنت وبعدين ينقلون له صفات البنت وأدبها...
ولكن ننصح بأن يراها هو بنفسه مع وجود محرم وبإقناع أهل البنت إذا كان عندهم تعصب في ذلك وبدخول أهل الصلاح والخير في هذا الموضوع الشرعي الذي أوصى به الحبيب المصطفى صلى الله عليه وسلم..
،،،ودي،،،

[MAZEN37]

الله يعينه

[سلطان23]

انا تزوجة بدون نظرة شرعيه ولو قلت نظررررة شرعيه كان ما زوجوني اصلا هههههههههههههههههههههههه
وانا معاااارض وبقوووة للنظرة الشرعيه حتى لو انها حلال

لان بعض الناس ضعيف نفس همه الوحيد انه يشوفها بس اعجبته خذاها ما اعجبته قال ما ابيها خيييييييييييييير ان شاءلله شنو البنات بضاعه عندكم على كيفكم انتو
ابي اشوفها بالشرع يمكن ماتعجبني << ماحبيتها ابددددددد

ولا حتى حبيت الاهل اللي يخلون بناتهم بضايع كل من هب ودب يدق الباب خطاب
ويقول ابي اشوفها (النظره الشرعيه)


الاهل ماراح يختارون لك وحده ماتعجبك لا خلق ولا سمعه ولا جمال
وانت اذا ف بالك حد معين قولهم روحو حق بيت فلان واخطبو لي فلانه
او قولهم ابي وحده تكون بالمواصفات ذي واهلك راح يختارون لك احسن وحده
وراح يوصفونها لك بالتفصيل وانت عاد عليك انك تروح للغرفه وتقفل ع نفسك
وتتخيلها ههههههههه
وتأكد نظر امك واهلك احسن مليون مره عن نظرك انت لان اهم حريم ويعرفون بعض اكثر منك
انت بس خلك على الرياجيل واختار خير عائله واصلين الرحم ودينهم قوي ويكون خوالك عيالك فيهم الخير والبركه
وصل لك ركعتين استخاره وربك راح يسسر الامور وخل منك وسواس الشيطان والسوالف ذي


السلام عليكم


لا اقلل ابدا من اهميه النظره الشرعيه الي اغلب الردود تطرقو لها ولكن فيه غير هالكلام .


الام و الاخت قبل لا يخطبون لولدهم قعدو معاه و سئلوه عن مبتغاه و شروطه في زوجه المستقبل والام و الاخت هم محل ثقه كبيره استحاله انهم يرضون لابنهم زوجه لاتناسبه حتى و ان اصر الزوج نفسه .

للعلم اغلب الازواج الي يتزوجون بدون لا يشوفون العروس وانا واحد منهم يستحون لا يطلوب هذا الطلب و ايضا الزوج ما تزوج الزوجه لحالها ولكن هو بهذا الزواج تقرب من عائله باكملها (عائله الزوجه) وهم محل ثقه و تقدير و مطمع بالنسبه له انهم قربوه .

البنات كثير ما ينخطبون مره و ثنتين و ثلالث .. تخيل كم شخص راح يشوف هذي البنت و كم عدد الاشخاص الي بيعرفون ان هذي العروس انخطبت و الزوج شاف العروس ولكن ما عجبته بعد ماشافها ؟ ناهيك عن ما اذا كان الزوج غير امين و ذكر انه شاف البنت و لاسمح الله وصفها لغيره حتى لو بحسن نيه .

الزواج امر طيب و اول و اهم الشروط هي الدين و الاخلاق و الجمال ثالثا .

هذه وجهه نظري الشخصيه و اعلم ان كثير من الاشخاص يعارضون هذه الفكره .

لله الحمد و المنه على كل شيء

الي يقول ان مافيه هذ الكلام او ان الرجال موسوس

عندنا مثالين على نفس القصة موجودة بالاحمر بالاعلى

في شباب الى الان يتزوج بدون مايشوف زوجته

صحيح انهم قلة ولكن موجودين

والرجال حاليا مايقدر يكسر كلام اهله ولو انه رافض لهذي الطريقة

[fhd4]

الي يقول ان مافيه هذ الكلام او ان الرجال موسوس

عندنا مثالين على نفس القصة موجودة بالاحمر بالاعلى

في شباب الى الان يتزوج بدون مايشوف زوجته

صحيح انهم قلة ولكن موجودين

والرجال حاليا مايقدر يكسر كلام اهله ولو انه رافض لهذي الطريقة

كلامك صح يالغالي ...

بالعكس فيه ناس شكثر تزوجوا بدون ما يشوفون زوجاتهم وعايشين آخر سعادة والله يهنيهم ...

لكن الموضوع يرجع للشخص نفسه ... هل هو متقبل الفكرة أو لا ... أو هل هو قنوع وراضي بالنصيب مهما يكون ؟؟!! هذا هو السؤال ...



من كلامك إن الرجال رافض هالطريقة ... وهذي هي المشكلة ...

الزواج مب لعبة ... هذي وحدة تسلمه نفسها طول حياتها ...

والقناعة والرضا هو أساس الحياة الزوجية لأنه محد كامل في هالدنيا ...

والزواج المفروض ما يكون إلا عن قناعة كاملة ... من الطرفين ...

وما يجيك بعد الزواج يقول إنتوا اللي زوجتوني وما خليتوني أشوفها ... لو أدري ما تزوجت ...!!



لكن إذا كان بيرضى رضا تام "داخلــــي" باللي كتبه الله له ... بدون النظرة الشرعية ...

بالعكس الله يوفقه ويبارك له ويجمعهم بالخير ...

[Fendi]

بالنسبه لي لا اوافق وبشده

ديننا الحنيف سمح لنا بالنظره (النظره الشرعيه )

[cristal]

ماشاء الله
صار سوق وبضاعه
وخلها تبور .. والسوق مليان شنو هالالفاظ

رايح سوق الخميس واليمعه مب كانه رايح يخطب بنت ناس
ارتقوا ياجماعه فى ردودكم

:nice:

[وطن]

وش جابره ؟؟؟؟

[هسلان]

وش جابره ؟؟؟؟

يحبهاااااااا:nice:

[وطن]

يحبهاااااااا:nice:

كلام ما يوكل عيش على قولتهم

:)

[سان سيمون]

احنا قبيلتنا عيب وممنوع الرؤية وما فيه مكالمات نهائيا ,,,, حتى مره اضحك على اخوي وانا كنت اكلم وحدة من الاهل قلت له فلانه " مرته ملك عليها ولسى ما دخل " على التلفون كلمها عطاني ذيك النظرة الي تذبح وتنرفز من الموقف وهو مجرد ضحك .

بس صراحة من الي شفته من ردت فعل بناتنا بالاخص الشهر الاول من الزواج قررت وان شاء الله انفذ ان بناتي راح اسمح لهم اشوفون رياجيلهم مرات قليلة جدا حتى اشوي تتعود عليه وتألفه غيره ما فيه طبعا في وجودي بكون كاتمه على انفاسهم

[مهرة]

على كيفهم؟؟ يوم راح للملاج كان مفروووض يقول ياشيخ أبغى النظرة الشرعية وبيخليه يشوفها..

والله يوفقهم ويتمم عليهم بكل خير ..

ذكرتووني بقصة طريفة ومشابهة جداً للدكتور الشيخ عبدالرحمن العريفي .. (يحليله طلع مب هين) ماشاءالله عليه ..

[تحداني]

يحبهاااااااا:nice:


كلام ما يوكل عيش على قولتهم

:)




:) .. :) .. في تعليقات تختصر المواقف الكبيره والمهمه بطريقه جميله
صح وطن يمكن يحبها اشدراج انتي :)


جملك الله برضاه

[وطن]

:) .. :) .. في تعليقات تختصر المواقف الكبيره والمهمه بطريقه جميله
صح وطن يمكن يحبها اشدراج انتي :)


جملك الله برضاه

واللي يحب صج بيحتار ولا بيخاف ؟؟

:)

[jojo]

ياجماعه انا تزوجت من دون مااشوف زوجتي لا صورة ولا حتى وهي صغيره

والله العظيم لاكن لي عيون وهم خواتي اللي هم عيوني اللي اشوف فيها

وامي وخواتي ماراح يختارون لي بنت حيالله لانهم يعرفون ذوقي واختياري

ويعرفوني شنو ابي ويعرفون اخلاق البنت اكثر مني

والحمد لله عايش في احلى ايام حياتي صارلي خمس سنوات

وعلي ولدين وفي سعاده الله لايغير علينا

فاللي بيشوف على مزاجه لاكن انا بالنسبه لي اوافق اتزوج اذا كان من طرف اهلي ومواصفاتهم

[ريتويت]

الله يعينه ... هو وحظه عاد

[تحداني]

واللي يحب صج بيحتار ولا بيخاف ؟؟

:)



يمكن وطن حبها من سوالف اهله عنها
او يمكن حبها يوم كانت اصغيره معاه ولما اكبرت ما قدر يلعب معاها ويشوفها
فألحين هو خايف انها تغيرت في طبايعها او ملامحها

انتي ماتدرين

اشرايج في تحليلي ؟؟
:)


جملك الله برضاه

[وطن]

يمكن وطن حبها من سوالف اهله عنها
او يمكن حبها يوم كانت اصغيره معاه ولما اكبرت ما قدر يلعب معاها ويشوفها
فألحين هو خايف انها تغيرت في طبايعها او ملامحها

انتي ماتدرين

اشرايج في تحليلي ؟؟
:)


جملك الله برضاه

ما يقنعني

:)

[تحداني]

ما يقنعني

:)



انا كنت مثلج زمان ما اقتنع ابسرعه
بس الحين اقدر اقتنع .. انت فكري فيها ترى ممكن تقتنعين :)

جملك الله برضاه

[ريتويت]

لو كان على ايام قبل ( جداتنا ) ماينلامون لان ماكان في شي اسمه مكياج وعمليات تجميل بس الحين المصيبه ان البنات قامو يلعبون فوجههم ماتعرف لهم اذا هذي طبيعيه ولا صناعيه؟؟؟؟

يعني المفروض عقب الفحص الطبي يودونها عند عياده تجميل يكشفون اذا طبيعي ولا عمليات؟؟؟

[مهرة]

ليش لاتعليق اخوي

اي مافي حد ماشافهم

سواءا كانت محجبة فقط او منقبة

اكيد لها طلعات خارج البيت السوق او دوامها

الحين هاذيلا يشوفونها ويشوفون هيئتها وطولها وعرضها

واللي جاي يخطبها ويبي نظرة شرعية صارت حرام له



ويه اوخيتي صادقة ماقالت شي غلط ولا عيب ولا مخالف للشرع لا سمح الله.. يعني المرأة او عروسة المستقبل ماتروح الجامعة مافيها دكاترة!! ماترووح المستشفيات وتتعالج !! ماترووح الجوازات وتخلص أشغالها !! ماترووح تتسوق وتاخذ مستلزماتها!! ماترووح دوامها وتستأذن من المدير!! جــــــــــــــــــات على هالمسكين الي يطالب بحق من أبسط الحقووق التشريعية شوفها بعبايتها وشيلتها وأهلها موجودين وكلهم 5 دقايق .. الله المستعان

[بيتي بوب 23]

ع حسب الرجال بعضهم فضوولي يبي يشوف وبعضهم لا انسان سمح والي يجي من الله حيااه الله

[وطن]

انا كنت مثلج زمان ما اقتنع ابسرعه
بس الحين اقدر اقتنع .. انت فكري فيها ترى ممكن تقتنعين :)

جملك الله برضاه

شوفي تحداني
انتي تحطين له اعذار
وان يمكن حبها ويمكن ويمكن

سالفة حب الطفوله والمراهقه ما تقنعني
الا اذا هو تم يشوفها ويتواصل معاها في نطاق العائلة
لكن تقولين يوم يهال وبعدين افترقوا سوري مب مقنع


والرجال لين حب وحده بياخذها ماراح يحتار لان ما شافها
ولا بيخاف



بعدين بالنسبة لي حب بدون شوف من بعيد وعلى الوصف هذا مب حب كامل
باجر يهتز من اقل شي
لا تنسين القبول النفسي بين الطرفين
يعني الشرع حلل الرؤية مب عبث


و الحب بيجي لين عرفها وعرفته بعد الملجه والزواج
مو من وصف راح يحبها
هذا اسمه اعجاب بالصفات مب حب

:)

طلعنا بره الموضوع تماما هاهاهاهاهاها

[الجوهره 2012]

عادي خل يقز اخوها وابوها عدل ويتخيلهم بدون شنب :tease: ههههههههآي

والله عيب ان هالناس تكون موجوده عسى ماشر ترا احنا في 2012 يعني الحرام بين والحلال بين وهالشي ربي حلله من تكونون عشان تحرمون شرع الله :)


للاسف للي قالوا ان هالشي اندثر والله العظيم ان لليوم هذا في ناس يتزوجون بدون مايشوفون وانا اعرفهم شخصيا ..



بس انا اقول



عسى ماشر لو انا رجل اخذ وحده ماشفتها والله ثم والله ما اخذها هذي بتقعد طول العمر وياي او عادي خل اخذها وبكره لين بتشوفني مع اللي اتمناها لايقولون لي اهلها ليش سويت هالشي :anger1:

يمكن في اشياء الرجال يحبها فاللي بيرتبط فيها ويستحي يقولها لامه او خواته يبي يشوف بروحه والله من حقه ...


اللحين بعض الرجاجيل ياخذ وحده مافيها قصور ويشوف يمين ويسار :tease:
وبعد مايشوفها خير شر وتطلع دبه وقصيره وجيكره واسنانها صفر يععععععععع

لا والف لا لهذا الزواج المتخلف بصراحه مع احترامي لهذي القبائل ..!!

[تحداني]

شوفي تحداني
انتي تحطين له اعذار
وان يمكن حبها ويمكن ويمكن

سالفة حب الطفوله والمراهقه ما تقنعني
الا اذا هو تم يشوفها ويتواصل معاها في نطاق العائلة
لكن تقولين يوم يهال وبعدين افترقوا سوري مب مقنع


والرجال لين حب وحده بياخذها ماراح يحتار لان ما شافها
ولا بيخاف



بعدين بالنسبة لي حب بدون شوف من بعيد وعلى الوصف هذا مب حب كامل
باجر يهتز من اقل شي
لا تنسين القبول النفسي بين الطرفين
يعني الشرع حلل الرؤية مب عبث


و الحب بيجي لين عرفها وعرفته بعد الملجه والزواج
مو من وصف راح يحبها
هذا اسمه اعجاب بالصفات مب حب

:)

طلعنا بره الموضوع تماما هاهاهاهاهاها




شاسوي فيها " هالوطن "
مضطره اقول لج " حاضر وتحت امرج " .. بس عشان ما نطلع خارج صلب الموضوع




لا تتكلمين عن الحب وايد مب زين .. عشان ما اتكلم عنه :)



جملك الله برضاه

[رآعي موآجيب]

عادي خل يقز اخوها وابوها عدل ويتخيلهم بدون شنب :tease: ههههههههآي


امحق شيفه :omen2:




عسى ماشر لو انا رجل اخذ وحده ماشفتها والله ثم والله ما اخذها هذي بتقعد طول العمر وياي او عادي خل اخذها وبكره لين بتشوفني مع اللي اتمناها لايقولون لي اهلها ليش سويت هالشي :anger1:




لا تحلفين :)

بعض الرياجيل يتزوج بدون مايشوف زوجته لأنه شاري نسبها وتدين اهلها وطيبهم

فيكفيه وصف النسوان لها و سمعتها الزينه :nice:

[chillis]

النظره الشرعيه مطلوبه ياما صار طلاق لان ماشافها قبل وما عجبته عقب وثانيا مافي شي اسمه حب قبل الزواج :) الا نادر اغلبه لعب وضحك على الذقون الحب يجي بعد الزواج

[وطن]

شاسوي فيها " هالوطن "
مضطره اقول لج " حاضر وتحت امرج " .. بس عشان ما نطلع خارج صلب الموضوع




لا تتكلمين عن الحب وايد مب زين .. عشان ما اتكلم عنه :)



جملك الله برضاه

هاهاهاهاها

انا ما جبت طاري الحب

انا قلت ما يوكل عيش بس

:secret:

[بنت امي]

يتفق مع اخته او امه

[رآعي موآجيب]

يتفق مع اخته او امه

انتي اطلعي منها :anger1:

هو اللي بيضبط اموره وبيتفق مع امه وأخته وامش وأختش :victory:

[الجوهره 2012]

امحق شيفه :omen2:




لا تحلفين :)

بعض الرياجيل يتزوج بدون مايشوف زوجته لأنه شاري نسبها وتدين اهلها وطيبهم

فيكفيه وصف النسوان لها و سمعتها الزينه :nice:



انا اتكلم عن نفسي واحلف لاني صج لو رجال والله لو تكون بنت مين والا ايش اخلاقها بالنسبه لي انا واكرر بالنسبه لي انا لازم اشوفها ترا بتكون وياي للابد مش يوم او يومين .. يمكن في تفاصيل صغيره تضايقني ومحد يدري بها ليش ارتبط واخذها شهر او شهرين وبالاخير اطلق ..

انا عندي اكثر من وحده تطلقوا اللي تقول مجبوره وتحس مافي مشاعر غير انه اخ ..!! واللي ماتقبلته وماقدرت تبلعه .. والله محد مجبور يعيش للابد في سجن بس عشان خاطر الاهل :)

و ما اختلفنا اكيد ابي وحده اسمع عن طيبة اهلها وتدينهم لكن مايكفيني عن شوفت وجهها اللي بقابله 24 ساعه :victory:

[رآعي موآجيب]

انا اتكلم عن نفسي واحلف لاني صج لو رجال :victory:

علشان كذا اقولش لا تحلفين :)

انتي الحين تحلفين وتتكلمين على هيئتش وعاطفتش الأنثويه فقطططط

بعض الرياجيل لهم حسبه ثانيه مغايره عن اللي تفكرين به الحين

وممكن لو انش رجال تكونين منهم :rolleyes2:

[تحداني]

هاهاهاهاها

انا ما جبت طاري الحب

انا قلت ما يوكل عيش بس

:secret:



جاك الموت يا تارك الصلاه كاهي اختي شيليز اوصلت
عاد اختي شيليز ما اتجامل مافي يمين ولا يسار


صح انتي ما جبتي طاري .. بس انتي قلتي ما يوكل عيش " ما يوكل عيش تعود على الحب "
خل اشوف شيليز

وثانيا مافي شي اسمه حب قبل الزواج :) الا نادر اغلبه لعب وضحك على الذقون الحب يجي بعد الزواج




معاج حق .. والنسبه البسيطه الي ذكرناها عن الحب مب مهمه ومب معترف يها
اهم شي الي بعد الزواج لان هو الصح والاكيد


انا اقول لهم ما نبي نتكلم عن الحب
بس ما يرتاحون الا يجيبون طاري

انتي تامرين شيليز اهم شي اتكونين مبتسمه
احاتي من ردودج .. :(


جملك الله برضاه

[الجوهره 2012]

علشان كذا اقولش لا تحلفين :)

انتي الحين تحلفين وتتكلمين على هيئتش وعاطفتش الأنثويه فقطططط

بعض الرياجيل لهم حسبه ثانيه مغايره عن اللي تفكرين به الحين

وممكن لو انش رجال تكونين منهم :rolleyes2:



ههههههههههههههههآي

اتهقى يعني بطلع منهم :tease: .. بس احس صعبه .. عموما الله يعين اللي بيتزوج بهالطريقه :nice: لاني ماتخيل في ليلة العرس انصدم صدقني عادي اعض البشت وامسك العقال واركض برااا الصاله ههههههههههههههههههآي

[رآعي موآجيب]

ههههههههههههههههآي

اتهقى يعني بطلع منهم :tease: .. بس احس صعبه .. عموما الله يعين اللي بيتزوج بهالطريقه :nice: لاني ماتخيل في ليلة العرس انصدم صدقني عادي اعض البشت وامسك العقال واركض برااا الصاله ههههههههههههههههههآي


بيحطون العيب فيك وبيقولون مشموخ وإلا مسكون :omen2:

ودام الله خلقش بنت احرصي على المعرس لا يسوي مثل اللي قلتيه فوق :tease:

[عديـل الـروح]

جمله : ما في حب قبل الزواج وكله ضحك عالذقون ترى جمله سليمه واؤيدها تماما ..


لاني في فتره الخطوبه ايااااااااااام الشباب وعنفوانه وسوالفنا اللي ما تسوى بيزه

قلت حق زوجتي : اني دكتور ... هههههه وهي صدقت ..


بس الحين لا قدر الله لما يمرض احد من اهلنا / تجي وتستشيرني ..

ولما اقولها : ما عرف .... تطالعين بنظره شيسمونه وتقول لي :


مب انت دكتور ؟؟؟؟


وفي النقطه الاخرى :

ارى ضروره النظر الى الزوجه من ناحيتها الشرعيه على حسب ما قرأنا وسمعنا من شيوخنا الافاضل اطمئنانا للقلب للطرفين ..

[أنثى]

ابوي الله يرحمه كان ما يوافق يزوج اي وحده منا الا اذا شافها الخاطب لانه يقول لو بعد فترة ما اعجبه اي شي بيقول انا ما شفتها ومحد قال لي ان فيها كذا وكذا

[غايه الطواش]

بيحطون العيب فيك وبيقولون مشموخ وإلا مسكون :omen2:

ودام الله خلقش بنت احرصي على المعرس لا يسوي مثل اللي قلتيه فوق :tease:

هههههههههههههههههههههههههههههه

ضحكتني يا راعي المواجيب :shy:

بصراحه بنت ولد جيرانه ماشافها زوجها الا يوم العرس تمت عنده 20 يوم وطلقها
والولد عمره 22 والبنت 19
الصراحه بذمه الوالدين
يعني اغلب شباب هالايام يشوفون البنات في كل مكان الي متعدله والي متزينه والي متحجبه عدل والحلوه والشينه
يعني شباب مفتح عيونه ...
على الاقل يشوفه ترتاح النفس ...
عادات وتقاليد ..تهدم بيوت صراحه ...
وانا مانكر ان عندي من خواني من تزوج بهالطريقه ......بس بصراحه لو انا ريال
لن ولن ارضى>>>>>اشتري سمج في الماي :shy:
عرس ومهر ومصاريف ومخاسير وفالاخير
مهب عاجبتني ....بس بعد الريال غلطان ليش يرضى من البدايه بالامكان يقول ابي اشوف الشوفه الشرعيه ...

[وطن]

هههههههههههههههههههههههههههههه

ضحكتني يا راعي المواجيب :shy:

بصراحه بنت ولد جيرانه ماشافها زوجها الا يوم العرس تمت عنده 20 يوم وطلقها
والولد عمره 22 والبنت 19
الصراحه بذمه الوالدين
يعني اغلب شباب هالايام يشوفون البنات في كل مكان الي متعدله والي متزينه والي متحجبه عدل والحلوه والشينه
يعني شباب مفتح عيونه ...
على الاقل يشوفه ترتاح النفس ...
عادات وتقاليد ..تهدم بيوت صراحه ...
وانا مانكر ان عندي من خواني من تزوج بهالطريقه ......بس بصراحه لو انا ريال
لن ولن ارضى>>>>>اشتري سمج في الماي :shy:
عرس ومهر ومصاريف ومخاسير وفالاخير
مهب عاجبتني ....بس بعد الريال غلطان ليش يرضى من البدايه بالامكان يقول ابي اشوف الشوفه الشرعيه ...



ايه والله انج جبتيها

يشتري سمج في الماي

وش جااااابره !!!

[الجوهره 2012]

بيحطون العيب فيك وبيقولون مشموخ وإلا مسكون :omen2:

ودام الله خلقش بنت احرصي على المعرس لا يسوي مثل اللي قلتيه فوق :tease:


هههههههههههههههههههههههههههههههههآي

[الجوهره 2012]

ابوي الله يرحمه كان ما يوافق يزوج اي وحده منا الا اذا شافها الخاطب لانه يقول لو بعد فترة ما اعجبه اي شي بيقول انا ما شفتها ومحد قال لي ان فيها كذا وكذا



وهذا عين العقل

الله يرحمه ويغفرله ويجعل مثواه الجنه ان شاءالله


وابوي ربي يحفظه لازم يخلي الوحده تشوفه و يشوفها :victory:

عشان محد يتعذر بعدين ^__^

حتى انا ابغي اشوفه طويل جسمه حلو مب يطرشون لي راسه بالصوره وبالاخير لما اشوفه ليلة العرس تطلع كرشته لين ركبته واصله :tease:

[قطريه ماركه]

لازم يطلب النظرة الشرعية ....

[AL-MAYSTRO]

حتى انا ابغي اشوفه طويل جسمه حلو مب يطرشون لي راسه بالصوره وبالاخير لما اشوفه ليلة العرس تطلع كرشته لين ركبته واصله :tease:

ههههههههههههههههههههههههههههههه

اما صورة لراسه بس شحلاته والباقي يخلف الله لووووووووووووووول

[المتحدث الرسمي]

.....

لا طبعا ما أرضى

انا قبل لا املج طلبت اني اشوف زوجتي

شي ربي محلله لي من فوق سابع سما ، ليش أحرمه على نفسي ؟؟

و لو حد تقدم حق اختي بخليه يشوفها النظره الشرعيه ما فيها شي


بس خاطري أعرف شي واحد :

شنو الاهم و اللي لازم نتقيد فيه

هل هو الشرع او العادات والتقاليد ؟؟
.....

[chillis]

.....

لا طبعا ما أرضى

انا قبل لا املج طلبت اني اشوف زوجتي

شي ربي محلله لي من فوق سابع سما ، ليش أحرمه على نفسي ؟؟

و لو حد تقدم حق اختي بخليه يشوفها النظره الشرعيه ما فيها شي


بس خاطري أعرف شي واحد :

شنو الاهم و اللي لازم نتقيد فيه

هل هو الشرع او العادات والتقاليد ؟؟
.....

الشرع بدون نقاش لكن بعض البشر همهم العادات والتقاليد من كثر تمسكهم فيه ينسون شرع الله

[بصمة قطرية]

لا شافني و لا شفته :rolleyes2:
و يوم سألته ليش ما طلبت النظرة الشرعية
قال : خفت من أبوج ..:secret:
فديت أبوي .. :shy:
بصراحة أنا ضد هالمبدأ ..
و المفروض يشوفها و من حقه هالشي
الشرع محلل له انه يشوفها ..
حرام عليهم هاذي عشرة عمر ..

[مهرة]

بازيد نقطة على خواتي وطن والجوهرة وبصمة ومافيهن قصور وكلامهن عدل.. ترى النظرة الشرعية مو مخصصة ولا حكراً للمعرس فقط حتى العروس لازم اتشوفه وكلن يرتاح نفسياً للوهلة الأولى ويشبعووون فضولهم وتراها مطلب ضروري عشات اتقر عيووونهم ولا يفكرووون ويحاتوون ويحوسون هي عند باب الصالة (اتطلطل) وهو عند باب الحووش:no:..

[qatara]

النضره حق شرعي
للطرفين

وما بعد ذالك توافيق

[doha2012]

النسوان يدبرونه

ماله الا اهله واكيد فيه طريقه وطريقه دامه خطبها

اما صوره او نظره شرعيه ولا من ورى دريشه :secret:

[penguin]

بللللللل في ناس للحين ممنوع

حتى من بعيد او حتى بالغلط :anger1:

او من فوق برج<<< شدعوا خاطب ربانزل

[النصف]

لا تصدقون هالسوالف ناس فاضية ما عندهم سالفة . وين عايشين اى عادات وتقاليد . فى شرع