سالفة الدكاترة في المركز الصحي !!!!

[لمعة الالماس]

السلام عليكم ورحمة الله وبركاته

اليوم رحت المركز الصحي وصار شي غريب

اول شي خذت لي رقم عشان العلاج وطلبت اشيك على درجة حرارة بنتي

الا البنات اللي في الاستقبال متوهقين !!

لان الدكاترة الحريم ما يبون يستقبلون الاطفال ! عيل وين نعالجهم !!

فيضطرون الحريم اللي مع عيالهم المرضى يروحون قسم الرجال لطلب علاج للطفل حتى وحده جنبي طلبت رقم عند دكتور عشان تودي الطفل اللي معاها وقالت أنا رحت له ووافق يشوفه !!

المهم أنا اللي ف الاستقبال عطوني حق بنتي رقم واسمعهم يقولون حق بعض شنو نسوي وين يروحون المرضى خلنا نعطيها الرقم .. وبس ما احتجت الرقم لان الحرارة طبيعية

السؤال الحين هل من حق الدكتور انه يرفض استقبال الاطفال للعلاج ؟

والسؤال الثاني ليش ما يكون في دكتورة متخصصة بطب الاطفال بالمركز الصحي

يعني معقولة الدكتورة اللي تعالج الحريم نفسها اللي تعالج الاطفال ونفسها تراجع الحوامل !!

[wadha-qa]

فاشلين اصلا هالدكاتره اللي بالمراكز الصحيه
مره ثانيه اذا شفتي نفس الموقف تكرر روحي للمسؤول عن المركز و سوي لهم سالفه

[فتى الجود]

السلام عليكم

اقـــول

لو الدكاترة

يخبرون وزير يدخل عليهم ويشوف ما يحصل بوزارته

مثل :علي بن سعييد الله يذكره بالخيير

كان ما صار هذا حال وزارة الصحة والمكاتب الطبية


الله يشافي لكم البنت ويعينكم

[لمعة الالماس]

اي والله فاشلين

وانا ما اضمن الا العيادات الخاصة او طوارئ السد في الحالات الطارئة

واليوم بس حبيت اتطمن على الطفلة وأشوف حرارتها بما أني ف المركز

بس صج يبي لهم شكوى

[penguin]

المركز الصحي اكبر مصخره

[الجوهره 2012]

سلامة بنتج

والله يعين .. اذا محد بيكلمهم بيسون اكثر من جذي

[خليفـة]

بداية ما تشوف شر الصغيرة ان شاء الله

بالنسبة للدكاترة في المراكز الصحية .. احتمال اختي ان سبب رفض الدكاترة الكشف على الأطفال هو انه ليس تخصصهم
فطبيب الأطفال أكثر دراية وعلم بالكشف وووصف العلاج الصحيح والمناسب للطفل
من الطبيب العام

والله اعلى واعلم

خليفــة

[Chambray]

لازم يسوون لهم اختبار لكل الدكاتره وتقييم لمستواهم
انا متأكد ان بنصفى على 25% بس من الدكاتره الموجودين ( اقصد الاجانب )

[المفترسه]

ماتشوف شر بنتج والله يحفظها ويخليها لج
الدكاتره معاهم حق يرفضون لانه تخصصهم مب طب اطفال بيدياتريك
والعتب على المركز لانه لم يوفر طبيب اطفال اختصاصي او استشاري

ممكن تذكرينلي اسم المركز لاني اشك انه يكون من المراكز الصحيه الحديثه
شفت مركز الريان وانبهرت بالطاقم المتكامل وعندهم اخصائية توليد للحالات الطارئه

[بوحارب]

سلامة بنتج اختي

اصلا المراكز الصحية مامنها فايدة

الدكتور يسوي كل شي ويعالج الكل في وقت واحد

متى اكتسب هالخبرة وعمره ماتعدى ال 35 :)

[غير عنهم]

السلام عليكم

اقـــول

لو الدكاترة

يخبرون وزير يدخل عليهم ويشوف ما يحصل بوزارته

مثل :علي بن سعييد الله يذكره بالخيير

كان ما صار هذا حال وزارة الصحة والمكاتب الطبية


الله يشافي لكم البنت ويعينكم

الله يذكره بالخير رجل كان خدمي للجميع في كل موقع عمل به ابوسعيد

[فتى الجود]

الله يذكره بالخير رجل كان خدمي للجميع في كل موقع عمل به ابوسعيد

انا اشهد

كفاية تواضعه ووجهة البشوش