إستفسار عن الايباد

[بوحارب]

السلام عليكم


بغيت اشتري ايباد حق بنوتي وضحه. بس ماعرف أي نوع وأي حجم أخذ وأي ماركة!!!

ملاحظة العمر 4 سنين


ياليت تفيدوني. واكون شاكر لكم :=)

[البحار00]

هلا بوحروووب

خذ لها ايباد ٢ وأي فاي لانها يأهل وما تحتاج الثري جي

وبعدين لو قدرت تسوي له جلبريك انت بترتاح لانها كل ما تمللت من الالعاب

بتقولك ابي العاب جديده وبحكم انك مسوي جلبريك على طول تمسح وتنزل العاب غيرها

وبلاااش

[إنّ]

صبــح الله بالخيــر بو حارب ..

هذا الرابط .. وبيفيدك ..


http://www.qatarshares.com/vb/showthread.php?t=476096

[للصبر اخر]

بوحارب
خذ ايباد 2
16 جي بي بس
لانها مابتحتاج اكثر
واذا تحتااج مسلسلات وافلام كارتون ومسرحيات
حاضرره انا
وموجودين لاي خدمه
عندك بوعلي

[بو الجوري]

لا تنسى تشتري حق خواتها بعد :shy: تعرفهـم طبعاً :secret:


أنا أشوف حرام تاخذ آيباد لـ 4 سنين :..

ترا و الله بتخربـه بسرعـه ،، إسالني أنا :weeping:


شوفلهـا آيباد صيني :nice:

[تاجر]

نعم بوحارب مع رأي اخوي "بو الجوري"
ولدي عمره 4 سنين .. تم يحن علي تقول عراوي حاكر في 2 .. لانه ما راح يحافظ عليه وعادي يهمله (مجرب)

باخذ له ايبود احسن
وابعد عن الصيني لانه خذته ومانفع الصراحه

[Galbi]

انصحك تنتظر شوي لان احتمال كبير جداً يتم الاعلان عن ايباد 3 خلال الشهرين القادمين

[للصبر اخر]

بو حارب شوف مستعمل
احسن

[المــزن*]

بنتي عمرها سنتين وخذت لها
لان كل ماتشوف ايبود وايباد عند الياهال تصيح

خذت لها ايباد 2
16 جي بي ب 2000 ريال من المخازن الكبرى الي بحياة بلازا


ونزلت لها برامج تعليم حيوانات وحروف وارقام وماشاءالله عليها تتعلم

ملاحظة :

الكل عارضني اني شاريه لها وتوها صغيرة بس اخشه طول الاسبوع واطلعه في الويكند تلعب فيه
وبس في بيت هلي اعطيها لان يوم ارجع بيتي ماتدري ان الايباد خاص فيها
تحسب انه حق اخواني ،، وتنسى الموضوع :nice:

:

[شمس2]

اي باد 2 واي فاي مره هي تستعمله ولين ارقدت انت تاخذه :nice:
بس قول لها القوانين
لا تاكلين عليه ولا تشربين ولا تلعوزينه بالبصمات النظيفه :tease:

[فيزيائية]

لو تبعد الالكترونيات عنها افضل لاتخرب عيونها واعصابها
واذا ماقدرت عليها (اعرف حنة البنات) ...خذ لها ايبود
وحدد لها بالويكند فقط ....

[MAZEN37]

اي بود افضل لهلعمر

[بوحارب]

مشكورين وماقصرتوا وجزاكم الله خير جميييييييييعا :)

جاري شراء ايباد2 واي فاي

بس مب الحين ههههه