رجال المرور - نفق اللاند مارك

[عديـل الـروح]

السلام عليكم ورحمه الله وبركاته ..

كثيرا ما استوقفني طرح الموضوع لما فيه من تشعبات كثيره ..

ولكن في البدايه أبغي اشكر رجال وزارة الداخليه على جهودهم ..

وعندي ملاحظه صغيره .. وهي :


هذا اليوم الثالث وأنا ارى على نفق جسر اللاند مارك رجال مرور ذو رتب ..

( لا اعرف الرتب العسكريه )

ولكني انتبهت انهم نجمتين او ثلاث ..

المهم : رأيتهم خلال اليومين الماضيين وأيضا اليوم ماسكين قلم وورقه ويسجلون ارقام ..

وأضنني واحد من الاشخاص اللي تسجلت ارقام سيارتهم ..

الاسئلة المطروحه الان :

ما الغرض من وجودهم تحت الجسر علما ان زحمه السيارات في خط الشمال من محطه طيبه مرور بجسر الجامعه مرورا بجسر الجوازات الى ما له نهايه لعيني المجرده ؟

ثانيا :

هل هذه الدفاتر لغرض المخالفات ؟

ثالثا :

هل اصبحت ادارة المرور اداره ربحيه تنتظر بدايه كل شهر ونشوفهم مشتطين على الدوارات وفي الاسواق ؟؟

رابعا :

هل انتهينا من مخالفات الرادار المتحرك اللي ما خلو شارع ما حطوه فيه ويقولون احنا ما نبحث عن الربحيه ؟؟

خامسا :

هل قضت اداره المرور على زحمه السيارات طوال اليوم وليس فقط اوقات الذروة ؟

سادسا :

هل يحق لأي ضابط في ادارة المرور مسح مخالفات لشخص ما ، وارسال شخص أخر عنده ضرورف صحيه ادت الى قطع اشاره ضوئية ومرفق له شهادات طبيه ان بنته اغمى عليها لاصابتها بمرض الكلى الى لجنه مختصه برفع ومسح المخالفه ؟

سابعا :

هل تم القضاء على جميـــــــــــــــــــــــــــــــــــــــــــــــ ـــــــــــــــــــــــــع الجرائم اللي نشوفها ونسمعها بالدوحه من قبل رجال وزارة الداخليه حتى اصبح همهم المهم كيفيه مخالفه المواطن والمقيم ؟؟

ثامنا :

هل يرى مسؤولي المرور التجاوزات الصباحيه في كل شوارع الدوحه من ناحيه اقصى اليمين ؟؟
حتى ان وصل بسيارات اللخويا وادارة المرور على هذا التجاوز ؟؟

وان كان عادي : فيا ريت يشيلون لي مخالفاتي اللي وصلت 14000 ريال ..


تاسعا : ويرمز له بالرمز : 999

هل يحق لعامه الشعب :

الغــــــــــــاء ادارة المرور ؟؟؟

-----------


مجرد همســـــــــــــه :


ما تسوى علينا هالزيادات ....

[عديـل الـروح]

عفوا ... عفوا ... عفوا ..


أخر سؤال نسيته ..


هل سيتم مسح الموضوع ؟؟


يعني علشان لا نتعنى ونكتب ..

[fhd4]

سمعت ان هاليومين عندهم حملة مخالفات ... على الحزام والمخفي واستخدام الجوال ...

[حراير قطر]

:nop::nop::nop:

والله يا اخوي عديل الروح اللي بيلتزم بالقوانين

ما راح يتخالف امش سيده يحتار عدوك فيك :secret:

امس في سوق الغرافة اللي صوب معصرة الحار والبارد

موجودين الشرطة وكتبوا بعض الارقام

ووصلني على البلاك بيري في تفتيش لمدة 5 ايام :rolleyes2:

[مرتبش]

للاسف المرور يدورون الراحة
مايحبون يعورون راسهم بالمتهورين في الشارع ولا المتجاوزين ولا اللي يعيقون حركة الدوار او الاشارة..كلها تحدث امامهم لكنهم مهتمين بشي واحد..القطري اللي مو لابس الحزام

ليش؟
لانه اسهل هدف ..غترة وكروزر ويبين من بعيد..راحات وسهالات

[MAZEN37]

اووف كل هذا
الله يعينك يا عديل الروح
14000 مخالفات وشو مجموعهم وله مخالفه وحده

[بنت امي]

الصراحه لازم يشددون على الشباب المتهورين وخاصه فئة المراهقين

مايخلونا نرقد فليل من التفحيصات @@

[الزعفراني]

السؤال اللي يطرح نفسه لماذا نرى مثل هذه الحملات مع نهاية كل شهر وبعد نزول الرواتب ؟

ولماذا لا تستمر هذه الحملات على مدار الشهر حتى يعتاد عليها الناس ويتحقق الالتزام الذي تنشده إدارة المرور ؟

[المواطن]

جزاك الله خير أخوي مرتبش وصدقت يدورون ابداً الغتره وعلى طول شوي والا يايك المسج كأن ما يسوي المخالفات الا القطري

[الجوهره 2012]

خاطري اعرف صج اللي يكمل دفتر يلقى اجازه :nice:

و بصراحه اخوي تعجبني الحركه اللي ما ادري مين اخترعها .. يوم يخش لك الرادار ورا شجره او سياره عاد ان يصلحها هههههههههههههههههههههآي


في شي عجبتني من اللي ذكرته .. لان صج .. ان الاهتمام يزيد في بداية كل شهر ^_*


ياليت لو يكبرون عن سالفة الرادار اللي خاشينه ورا الشجر و رجل المرور اللي يطلع لك فجأه من تحت سيارتك ويسجل مخالفه ويهتمون في الشوارع اللي خذت ارواح ناس ابرياء .... لان صج ما تسوى على الواحد الزياده ..

ودام فتحت الموضوع .. ابي اقول للمسؤولين شي واحد بس .. وفروا لنا مواقف عدله عشان مانخاف ..


اتوقع الخرجي يدخل الموقع ياليته يشوف كلامي بس :nice:

[Riku3]

ما الغرض من وجودهم تحت الجسر علما ان زحمه السيارات في خط الشمال من محطه طيبه مرور بجسر الجامعه مرورا بجسر الجوازات الى ما له نهايه لعيني المجرده ؟
الهدف مادي .. والا كان انحل من زمان لان لو يحطون نص مجهودهم الي يبذلونه بالمخالفات في رفع التوعيه وايجاد طرق للحد من المخالفات وفتح الحوار مع جهات اخرى لايجاد حلول وخطط لحل الاختناقات المرورية ماكان شفت كل هالامور .

هل هذه الدفاتر لغرض المخالفات ؟
ما اتوقع شايله زينه :] .

هل اصبحت ادارة المرور اداره ربحيه تنتظر بدايه كل شهر ونشوفهم مشتطين على الدوارات وفي الاسواق ؟؟
شهر 3 او 4 او 5 مب متذكر .. يشتطون بهالفترة بشكل كبير .. والهدف مادي وربحي اكيد .

هل انتهينا من مخالفات الرادار المتحرك اللي ما خلو شارع ما حطوه فيه ويقولون احنا ما نبحث عن الربحيه ؟؟
هذا شي وهذا شي ثاني .. الرادار هدفه الحد من السرعه حتى لو كان مخفي وانا ما اشجع هالشي لان ممكن تصير حوادث بسببه ويخلي السائق يبحث يمين ويسار عن الرادار وينسى الشارع، بس اهون من تصيد الحزام والجوال في الاسواق والشوارع التجارية وعلى الاشارات :] .

هل قضت اداره المرور على زحمه السيارات طوال اليوم وليس فقط اوقات الذروة ؟
بالعكس .. واحلى شي لو توهقوا يحولون السير لجهة اخرى مثل دوار وقود وقت الزحمة يحولونك الصناعية ما ادري ليش >_< .

هل يحق لأي ضابط في ادارة المرور مسح مخالفات لشخص ما ، وارسال شخص أخر عنده ضرورف صحيه ادت الى قطع اشاره ضوئية ومرفق له شهادات طبيه ان بنته اغمى عليها لاصابتها بمرض الكلى الى لجنه مختصه برفع ومسح المخالفه ؟
نعم >_> .. الكل عارف ومتأكد بس محد راضي يقر ويعترف.

هل تم القضاء على جميـــــــــــــــــــــــــــــــــــــــــــــــ ـــــــــــــــــــــــــع الجرائم اللي نشوفها ونسمعها بالدوحه من قبل رجال وزارة الداخليه حتى اصبح همهم المهم كيفيه مخالفه المواطن والمقيم ؟؟
هذا شي ثاني .. في دوائر اخرى مب مقصره فما نقدر نعمم .

وان كان عادي : فيا ريت يشيلون لي مخالفاتي اللي وصلت 14000 ريال ..
مبلغ ما يساعدك في طرح الموضوع ..

اخوي انا مثلك اسوق بس اخر مخالفة "مسجله" ضدي من تقريباً سنه ونص .. ووضعك لقيمة مخالفاتك تعكس انك تخالف كثير وهذا مايدعم طرحك ابداً .

[قلب صادق]

الله اعلم بس أنا قرات لهم اعلان بالجريدة انهم سيقومون بعمل استبيان عن الخدمات التي يقومون بها
والله اعلم

[احب قطر]

علئ حد علمي بان مدير المرور قام باستدعاء ٥٠ ضابط ووزعهم على مناطق الدولة وتم مطالبتهم بضبط السلوك المروري ، وانا شخصيا من المؤيدين لهذه الخطوة ، بصراحة اصبحنا مثل الدول المتخلفة في عدم احترام قوانين السير ، وكأنا في غابة ، اللي يدش عليك من اليمين واللي يكبس لك ويلزق فيك ، واللي يضرب رصيف ، هذا بصراحة بالنسبة لي كان من عدم الضبط للسلوك المروري ، واتمنى ان ادارة المرور تستمر بهذا الاداء ولا تربطها بحملة او بفترة مؤقتة.

[بو الجوري]

و الله ماننكـر إن في فالمرور رجال يعطيهم العافيه ،،
خاصةً اللي يوقفون عالدواوير الصبح :(

لكـن في رجال مرور ،، :anger1: يبطون الجبد الصراحـه

يعني مثلا اللاند مارك حزات إذا أروح ألاقي دوريه واقفه تخالف عالحزام

زين والسيارات اللي توقف عند البوابات عشان تنزل حريم !!! ومعطلين السيد
ليش ماتخالفونهم أو تمشونهم !!!

إذا الحرمه عيزانه تمشي من المواقف لين البوابه ،،
خل الدريول ينزلها عند كارفور تحت :shy:


و بخصوص المخالفات صراحـه شوف عيني بما إني أمر من دوار الجوازات يومياً
قبل الإشارات اللي حطوهـا
كان الشرطي يطنش حق الزحمه ويمسك الجهاز ويقز المواتر ويسجل مخالفات :anger1:


و الرادارات المخفيه :anger1:
مالها داعي ،، خطرها أكبر من نفعهـا
لأنه كم مره أشوف اللي قدامي مسرع و فجأه ينتبه على الرادار يقوم يمسك بريك قوي
كنت بدعمه :anger1:

لكن لو كان الشارع عليه 20 رادار و باينيين
الواحد خلاص بيحاسب وبيخفف :.. :anger1:



صج ترا حزات المرور يهتمون في أشياء تافهه على حساب اشياء مهمه :..


مثل أخبر قبل في سوق الجبر ،، تدرون شلون زحمه المواقف و الواحد يلف 20 لفه

تلاقون شرطي واقف يخالف عالحزام !!!
يعني أنا في شارع داخلي وماشي 30 يمكن ،
وين يعورك إذا مالبست الإحزام :anger1:



وبس :shy:

[عديـل الـروح]

سأبدا بسم الله أرد على من شرفني بالمشاركه ..

واستسمح ممن لن أرد عليهم بسبب طبيعه عملي وقلة دخولي للمنتديات ...

بسم الله ..

[عديـل الـروح]

سمعت ان هاليومين عندهم حملة مخالفات ... على الحزام والمخفي واستخدام الجوال ...


نعم .. لاحظتها ..

ولكن ارى قيمه المخالفه كبيره ...

خاصه اذا انت في احياء الدوحه ومب مستسخدم الحزام :

مخالفه 500 ريال ..

[عديـل الـروح]

:nop::nop::nop:

والله يا اخوي عديل الروح اللي بيلتزم بالقوانين

ما راح يتخالف امش سيده يحتار عدوك فيك :secret:

امس في سوق الغرافة اللي صوب معصرة الحار والبارد

موجودين الشرطة وكتبوا بعض الارقام

ووصلني على البلاك بيري في تفتيش لمدة 5 ايام :rolleyes2:


ابشرج اختي ..

أمشي سيده : بتجيج المخالفات ..

واغلب اللي يسوقون من الحريم : ما يحطون الحزام

وعند ما يوقفها الشرطي :

ألتزم الصمت احســــــــــــــــــن ..


واقول البعض وليس الكل ..

[عديـل الـروح]

:nop::nop::nop:

والله يا اخوي عديل الروح اللي بيلتزم بالقوانين

ما راح يتخالف امش سيده يحتار عدوك فيك :secret:

امس في سوق الغرافة اللي صوب معصرة الحار والبارد

موجودين الشرطة وكتبوا بعض الارقام

ووصلني على البلاك بيري في تفتيش لمدة 5 ايام :rolleyes2:


ابشرج اختي ..

أمشي سيده : بتجيج المخالفات ..

واغلب اللي يسوقون من الحريم : ما يحطون الحزام

وعند ما يوقفها الشرطي :

ألتزم الصمت احســــــــــــــــــن ..


واقول البعض وليس الكل ..



اما بالنسبه لسوق الغرافه :

فهذا تعطيل للسير .. ويستحق المخالفه ..

او ايقاف سيارات بمواقف ليست للوقوف المؤقت ويستحقون المخالفه ..

لكــــــــــــــــن ... خلنا نكون واقعيين شويه ..

هل يتساوي من وقف لمده دقيقه يأخذ جواله او كمبيوتره من التصليح بمن تجاوز ووقف اكثر من ساعه بالمخالفه ؟

[عديـل الـروح]

للاسف المرور يدورون الراحة
مايحبون يعورون راسهم بالمتهورين في الشارع ولا المتجاوزين ولا اللي يعيقون حركة الدوار او الاشارة..كلها تحدث امامهم لكنهم مهتمين بشي واحد..القطري اللي مو لابس الحزام

ليش؟
لانه اسهل هدف ..غترة وكروزر ويبين من بعيد..راحات وسهالات


هههههههههه
ليس للتعميم ..
ففي اشخاص ما يخالف الا ابو بنطلون وقميص ..


واذا كان الوضع كذا :

انا من اليوم بطلع بسروال وفانيله ..

[عديـل الـروح]

اووف كل هذا
الله يعينك يا عديل الروح
14000 مخالفات وشو مجموعهم وله مخالفه وحده


قطع اشاره غير متعمد .. ولظرف اسري خاص وطبي ..

ورادارات متحركه بشوارع بسرعه 80 و 100


اللي يقهرك انك تكون غير قاصد السرعه ويصيدك الرادار ..

وان كنت مسرع : ما يصيدك !!

نحاســه ..

[عديـل الـروح]

الصراحه لازم يشددون على الشباب المتهورين وخاصه فئة المراهقين

مايخلونا نرقد فليل من التفحيصات @@


المتسابقين وفئة المحفصين : لهم وضعيه اخرى ..

ولا بد من قوانين صارمه لهم ..

وطرحج عجبني .. وشدني لسؤال :

هل يتساوى المحفص والمزعج الناس أو المتسابقين بشخص متجاوز السرعه القانونيه كسرعه الشارع 80 ومتجاوزها الى ال 90 ؟؟

[عديـل الـروح]

السؤال اللي يطرح نفسه لماذا نرى مثل هذه الحملات مع نهاية كل شهر وبعد نزول الرواتب ؟

ولماذا لا تستمر هذه الحملات على مدار الشهر حتى يعتاد عليها الناس ويتحقق الالتزام الذي تنشده إدارة المرور ؟




عشان الميزانيه اخوي ..

لانه مساكين ميزانيتهم مب ضخمه ..

:secret::secret:

واذا كان القصد منها الالتزام :

فيا مرحبا ويا مسهلا ..

وعلى العين والرأس ..

واللي يتخالف : خله يدفع مخالفته وهو يضحك ..

اما اللي ينخشون وراء الشجر والحجر :

فنقول :

لا حول ولا قوة الا بالله ..

[عديـل الـروح]

جزاك الله خير أخوي مرتبش وصدقت يدورون ابداً الغتره وعلى طول شوي والا يايك المسج كأن ما يسوي المخالفات الا القطري

اوسخ خخخخخخخخ حركه ..

يجيك مسج الساعه 6 ونصف صباحا اان عليك مخالفه ..

يحسسك هالمسج انك حقير ..

عفوا اخوي ..

ما قصدت انك كشخصك ... ولكن اقصده الحركه نفسها ..


يعني ما ينفع يصبرون للظهر مثلا ويرسلونها !!

[مرتبش]

الصراحه لازم يشددون على الشباب المتهورين وخاصه فئة المراهقين

مايخلونا نرقد فليل من التفحيصات @@

نفس حالتنا :( ..لكن الشرطة شادين حيلهم بس على الحزام.. ولا عليهم من اللي يحفصون انصاف الليالي.
يوقف الصبح ساعة على الدوار وبيملي الدفتر مخالفات واذا حد تكلم..بيقولون احنا شغالين في الشمس.. يعني باقي الناس راقدة في دواماتهم مثلا




السؤال اللي يطرح نفسه لماذا نرى مثل هذه الحملات مع نهاية كل شهر وبعد نزول الرواتب ؟

ولماذا لا تستمر هذه الحملات على مدار الشهر حتى يعتاد عليها الناس ويتحقق الالتزام الذي تنشده إدارة المرور ؟



تعتقد اعداد شرطة المرور كافية لتحقيق هالامنية الغالية علينا؟ هل عندهم اولوية تحقيق النظام في الشارع؟


جزاك الله خير أخوي مرتبش وصدقت يدورون ابداً الغتره وعلى طول شوي والا يايك المسج كأن ما يسوي المخالفات الا القطري

90% من السائقين غير قطريين " حسب تعداد السكان ماجبت شي من عندي" ولكنهم مركزين على الغترة..الشارع مافيه شاحنات وباصات وريديمكس ولا سياكل.



علئ حد علمي بان مدير المرور قام باستدعاء ٥٠ ضابط ووزعهم على مناطق الدولة وتم مطالبتهم بضبط السلوك المروري ، وانا شخصيا من المؤيدين لهذه الخطوة ، بصراحة اصبحنا مثل الدول المتخلفة في عدم احترام قوانين السير ، وكأنا في غابة ، اللي يدش عليك من اليمين واللي يكبس لك ويلزق فيك ، واللي يضرب رصيف ، هذا بصراحة بالنسبة لي كان من عدم الضبط للسلوك المروري ، واتمنى ان ادارة المرور تستمر بهذا الاداء ولا تربطها بحملة او بفترة مؤقتة.

ياريت يضبطون النظام في الشوارع.. ما اشوفهم مهتمين لأي نقطة من اللي ذكرتهم.. مشغولين بالامور الاخرى .

تعليق اخير.. دايما نسمع ان المطار هو واجهة البلد..والزائر يتكون عنده انطباع عن الدولة ومكانتها من اللي يشوفه في المطار.. نفرض الزائر ارتاح في تعامل الموظفين والنظام والاحترام .. عقبها ركب جاغوار كروة وانطلق لأرقى فندق وخلال المدة اللي قضاها في السيارة للفندق شاهد 3 حوادث و5 مرات لفوا عليه و مرتين الاشارة تولع خضره واللي قدامه يوقفون ومرتين الاشارة خضرة ومايقدر يمشي لان السيد معطل الاشارة.. وشاف السيارات تتجاوز من اليمين وتدخل شارع الخدمات عشان يوصلون الدوار قبل باقي الناس..

هذا الشي مايستحق الانتباه له؟ رغم ان الكل يعاني منه وليس الزوار فقط

[fhd4]

قطع اشاره غير متعمد .. ولظرف اسري خاص وطبي ..

ورادارات متحركه بشوارع بسرعه 80 و 100


اللي يقهرك انك تكون غير قاصد السرعه ويصيدك الرادار ..

وان كنت مسرع : ما يصيدك !!

نحاســه ..

مب متأكد بس اللي سمعته إذا جبت لهم ورقة من المستشفى انه بسبب طبي ... راح ينزلون لك المخالفة ...

[بوحمد111]

يعطيكم العافيه وموظفين المرور ملزومين بإعطاء المخالفات للمتهورين والمستهزين بالقوانين مع انهم يعرفونها صح والمشكلة مع المراقبة والمخالفات وفوق هذا الشباب يخالفون ولا يبالون بالمخالفات ومره من المرات بلغت عن شخص قطع اشارة حمره ولا كان فيه كيمره ورحت ابحت في موقع الداخلية وحصلت ان الشخص عليه اكثر من عشرين مخالفه وبمبلغ تقريبا 25 الف ريال انزين وين الداخليه عنه وهذا النوع من المتهورين يستاهل سجن مو مخالفات وبس لانه قطع الاشاره الحمراء تعمدا يعتبر الشروع في القتل واقول للمرور الله يعطيكم العافيه ويقويكم على الجهد اللي تقومون به

[تحداني]

مرتبش

قلت معظم الي في خاطري
وقلبي مليان على بعض الانواع من رجال المرور :(
الله يسامحهم دنيا وآخره

بسكت وبترك للشباب الحوار في هالمواضيع
لانهم قادرين على تحليلها بصوره اقرب واوضح
:(



جملكم الله برضاه

[تحداني]

ابشرج اختي ..

أمشي سيده : بتجيج المخالفات ..

واغلب اللي يسوقون من الحريم : ما يحطون الحزام

وعند ما يوقفها الشرطي :

ألتزم الصمت احســــــــــــــــــن ..


واقول البعض وليس الكل ..




:(
:(
الحمد لله قلت البعض .. لان البعض بعد يخالفونهم وهم لابسين هالحزام الله ياخذ الاحزام واسنينه .. ما اقدر اسامحهم .. ليش ادفع 500 ريال على شي انا ما سويته
ليش

جان زين في لجنه حقوق السائق

جملك الله برضاه

[عديـل الـروح]

خاطري اعرف صج اللي يكمل دفتر يلقى اجازه :nice::secret:

و بصراحه اخوي تعجبني الحركه اللي ما ادري مين اخترعها .. يوم يخش لك الرادار ورا شجره او سياره عاد ان يصلحها هههههههههههههههههههههآي

ويقولون انهم مب ربحيين ...

الا استغفر الله : صاروا ربويــن ..


في شي عجبتني من اللي ذكرته .. لان صج .. ان الاهتمام يزيد في بداية كل شهر ^_*


ياليت لو يكبرون عن سالفة الرادار اللي خاشينه ورا الشجر و رجل المرور اللي يطلع لك فجأه من تحت سيارتك ويسجل مخالفه ويهتمون في الشوارع اللي خذت ارواح ناس ابرياء .... لان صج ما تسوى على الواحد الزياده ..

اي والله ما تسوى الزياده ..

وحركه اللي وراء الشجر حركه مب حلوة ..ودام فتحت الموضوع .. ابي اقول للمسؤولين شي واحد بس .. وفروا لنا مواقف عدله عشان مانخاف ..


اتوقع الخرجي يدخل الموقع ياليته يشوف كلامي بس :nice:


رديت اعلاه ..

ويا ريت صدق الخرجي مع احترامي للرتبه العسكريه ان يتخذ اجراءات للحد من ارتفاع قيمه المخالفات ..

[عديـل الـروح]

الهدف مادي .. والا كان انحل من زمان لان لو يحطون نص مجهودهم الي يبذلونه بالمخالفات في رفع التوعيه وايجاد طرق للحد من المخالفات وفتح الحوار مع جهات اخرى لايجاد حلول وخطط لحل الاختناقات المرورية ماكان شفت كل هالامور .

ما اتوقع شايله زينه :] .

شهر 3 او 4 او 5 مب متذكر .. يشتطون بهالفترة بشكل كبير .. والهدف مادي وربحي اكيد .

هذا شي وهذا شي ثاني .. الرادار هدفه الحد من السرعه حتى لو كان مخفي وانا ما اشجع هالشي لان ممكن تصير حوادث بسببه ويخلي السائق يبحث يمين ويسار عن الرادار وينسى الشارع، بس اهون من تصيد الحزام والجوال في الاسواق والشوارع التجارية وعلى الاشارات :] .

بالعكس .. واحلى شي لو توهقوا يحولون السير لجهة اخرى مثل دوار وقود وقت الزحمة يحولونك الصناعية ما ادري ليش >_< .

نعم >_> .. الكل عارف ومتأكد بس محد راضي يقر ويعترف.

هذا شي ثاني .. في دوائر اخرى مب مقصره فما نقدر نعمم .

مبلغ ما يساعدك في طرح الموضوع ..

اخوي انا مثلك اسوق بس اخر مخالفة "مسجله" ضدي من تقريباً سنه ونص .. ووضعك لقيمة مخالفاتك تعكس انك تخالف كثير وهذا مايدعم طرحك ابداً .


لا هنت على ردودك وأقتباسك اعلاه ..

بس كلامك اني اخالف كثير :

فبالعكس انا من النوع الملتزم ..

الا من حزام الامان ..

اما سرعه : فالحمد لله : ما أسرع ..

لكن تحدك بعض الضروف تخليك غصب عنك تخالف ..

وبعطيك مثال بسيط جدا ..

أصل الى دوار القوس قادما من دوار قاعه المعارض الساعه 7 صباحا ..

( مب مشكله اذا زادت او نقصت دقيقتين ثلاث ) ..

واطلع منه الساعه 8 الا 5 اذا كنت ماشي قانوني ..

وايضا اكون مرات واقف اقصى اليسار ..

والمثال الاخــر :

الدوار القادم من دحل الحمام بأتجاه دوار نادي قطر ..

ايضا هذا الدوار : زحمه وشرطه ولخويا ..

وأخر شي هم اللي موقفين السير ويخالفون الناس ..

انزين سؤالي :

الحين هذا الشارع اللي من دحل الحمام على يدي اليمين ارض خلا ..

وأنا ابي امشي عليها وادمر سيارتي ..

وبعيد عن الشارع العام بمسافه لا تقل عن 100 الى 200 متر ..

ليش يخالفوني ؟؟؟؟؟؟؟

[عديـل الـروح]

الله اعلم بس أنا قرات لهم اعلان بالجريدة انهم سيقومون بعمل استبيان عن الخدمات التي يقومون بها
والله اعلم


الخدمات ممتازة .. والمباني ما عليها كلام ..

والشباب والبنات : بالتعامل وبالعمل متميزات ..

لكن احنا نبي تغيير بقوانين المخالفات ..

ومقدار المخالفه ..

ونقاط المخالفه ..

اللي حتى النقاط بها تزوير ..

يعني انا اتخالف ... واروح اقط المخالفه والنقاط على الدريول ..

هههههههههه يا للسخريــه ..

[عديـل الـروح]

علئ حد علمي بان مدير المرور قام باستدعاء ٥٠ ضابط ووزعهم على مناطق الدولة وتم مطالبتهم بضبط السلوك المروري ، وانا شخصيا من المؤيدين لهذه الخطوة ، بصراحة اصبحنا مثل الدول المتخلفة في عدم احترام قوانين السير ، وكأنا في غابة ، اللي يدش عليك من اليمين واللي يكبس لك ويلزق فيك ، واللي يضرب رصيف ، هذا بصراحة بالنسبة لي كان من عدم الضبط للسلوك المروري ، واتمنى ان ادارة المرور تستمر بهذا الاداء ولا تربطها بحملة او بفترة مؤقتة.


اي والله يا ريت ..

وبالعكس هذه خطوه فعاله جدا ..

واؤيد نزول الضباط ذو الرتب لأرض الواقع لما لهم من خلفيه وحسن تعامل ..

وايضا يحترمهم المخالف من باب الحياء ..


يعني يجيك شاب شرطي يخالفك ..
ولو بحثت عن رقم سيارته : بتحصل عليه مخالفات الدنيا ...


وخلنا نكون واقعيين ..

[عديـل الـروح]

و الله ماننكـر إن في فالمرور رجال يعطيهم العافيه ،،
خاصةً اللي يوقفون عالدواوير الصبح :(

لكـن في رجال مرور ،، :anger1: يبطون الجبد الصراحـه

يعني مثلا اللاند مارك حزات إذا أروح ألاقي دوريه واقفه تخالف عالحزام

زين والسيارات اللي توقف عند البوابات عشان تنزل حريم !!! ومعطلين السيد
ليش ماتخالفونهم أو تمشونهم !!!

إذا الحرمه عيزانه تمشي من المواقف لين البوابه ،،
خل الدريول ينزلها عند كارفور تحت :shy:


و بخصوص المخالفات صراحـه شوف عيني بما إني أمر من دوار الجوازات يومياً
قبل الإشارات اللي حطوهـا
كان الشرطي يطنش حق الزحمه ويمسك الجهاز ويقز المواتر ويسجل مخالفات :anger1:


و الرادارات المخفيه :anger1:
مالها داعي ،، خطرها أكبر من نفعهـا
لأنه كم مره أشوف اللي قدامي مسرع و فجأه ينتبه على الرادار يقوم يمسك بريك قوي
كنت بدعمه :anger1:

لكن لو كان الشارع عليه 20 رادار و باينيين
الواحد خلاص بيحاسب وبيخفف :.. :anger1:



صج ترا حزات المرور يهتمون في أشياء تافهه على حساب اشياء مهمه :..


مثل أخبر قبل في سوق الجبر ،، تدرون شلون زحمه المواقف و الواحد يلف 20 لفه

تلاقون شرطي واقف يخالف عالحزام !!!
يعني أنا في شارع داخلي وماشي 30 يمكن ،
وين يعورك إذا مالبست الإحزام :anger1:



وبس :shy:


والله العظيم اتكلم مع احد الاخوات وتقول لي الحين انها خالفوها 100 ريال في شارع العزيزيه التجاري وما درت فيها الا لما جاءت تجدد الاستماره ..

مشكلتهم ذيلا - البعض - يطلع لك مثل الفقع ما تدري من وين !!

ذكرتني بأول ما نزل قانون الحزام :

وانا واقف عند اشارات بن عمران ..


نقز لي من تحت الارض شرطي في ويهي وانا مع هلي ..

لولا اني مع هلي : كان نزلت وضربته ..

مب اضربه على المخالفه .. انما اضربه على الخرعه اللي خرعنا بها ..

وكأنه صايد كنــز أو لاقي مصباح علاء الدين !!

[Xx QATARI xX]

ياجماعة الخير ،، اي شرطي واقف على الدوار همه الاساسي القطري
يخلي كل السيارات واذا شاف غترة وعقال على طول يركز عليه

انا واحد ما اخالف لكن الهنود والاجانب ماخذين راحتهم ،، مخالفات* مخالفات ولاحد يجي صوبهم
لو هالاشكال عليهم مخالفات كان ماشفتهم يخالفون ، وانا الحين صرت مثلهم ( فلعنه )

لكن واعزتي لادارة المرور على ايام قبل والحين ،،
حطو رادارات وشددو بقوانينكم ،، بس نبي الكل يتخالف ،، مب اذا جاكم دريول ولا اجنبي قلتو مسكين
واذا جاكم القطري حطيتو الحره فيه

الضباط شفتهم اليوم في نفق اللاند مارك ،، صح النوم ياضباط
خلكم راقدين احسن لكم ،، الناس يوميا اتعذب على خط 22 فبراير
وانتو راقدين في العسل

[عديـل الـروح]

تعليق اخير.. دايما نسمع ان المطار هو واجهة البلد..والزائر يتكون عنده انطباع عن الدولة ومكانتها من اللي يشوفه في المطار.. نفرض الزائر ارتاح في تعامل الموظفين والنظام والاحترام .. عقبها ركب جاغوار كروة وانطلق لأرقى فندق وخلال المدة اللي قضاها في السيارة للفندق شاهد 3 حوادث و5 مرات لفوا عليه و مرتين الاشارة تولع خضره واللي قدامه يوقفون ومرتين الاشارة خضرة ومايقدر يمشي لان السيد معطل الاشارة.. وشاف السيارات تتجاوز من اليمين وتدخل شارع الخدمات عشان يوصلون الدوار قبل باقي الناس..

هذا الشي مايستحق الانتباه له؟ رغم ان الكل يعاني منه وليس الزوار فقط


كلامك عين العقل ..

واشيد به ..

يعني عندك تسافر لك الحساء أقرب لك انك تقضي لك مشوار ..

خاصــــــــــه عقب المغرب ..

الناس ما شاء الله زادت .. وللحين شوارعنا مسارين ..

كأنهم مسارات المجلس الأعلى ..

:secret:

[عديـل الـروح]

مب متأكد بس اللي سمعته إذا جبت لهم ورقة من المستشفى انه بسبب طبي ... راح ينزلون لك المخالفة ...


يعني اذا 6000 ريال ... كم بتصير مثلا ؟


وهل تسوى عليك ان تروح تسوم ويهك على فلان وعلان ..

ولو ان بعضهم : والنعم والسبع أنعام .. ما عندهم تفرقه ..

لكن والله اني منت عند ضابط بمركز مدينه خليفه .. ومشى اربع اشخاص بأربع مخالفات قدامي .. وجاء واحد فلسطيني عندخ شهاده طبيه حق بنته انها اغمى عليها بالسياره وهالشئ حده انه يقطع الاشاره ..

قاله بكل برود :

اعرض موضوعك عاللجنه ..

والله ثم والله انه كسر قلبي .. ولو انه عندي رقمه كان تواصلت معاه ..


ترى يالربع : الظلم ظلمات يوم القيمه والكرسي مهب دايم لأحد ..

خاصه اذا كان بيدك تساعد ..

وهالكلام تقريبا قبل سنه ومستعد اقول اسم هالضابط وما عندي اي مشاكل عالعام ..

[AL-MAYSTRO]

وامس بعد كانوا عند محلات الجوالات في الغرافه والزحمه واصله لين برع

[عديـل الـروح]

ياجماعة الخير ،، اي شرطي واقف على الدوار همه الاساسي القطري
يخلي كل السيارات واذا شاف غترة وعقال على طول يركز عليه

انا واحد ما اخالف لكن الهنود والاجانب ماخذين راحتهم ،، مخالفات* مخالفات ولاحد يجي صوبهم
لو هالاشكال عليهم مخالفات كان ماشفتهم يخالفون ، وانا الحين صرت مثلهم ( فلعنه )

لكن واعزتي لادارة المرور على ايام قبل والحين ،،
حطو رادارات وشددو بقوانينكم ،، بس نبي الكل يتخالف ،، مب اذا جاكم دريول ولا اجنبي قلتو مسكين
واذا جاكم القطري حطيتو الحره فيه

الضباط شفتهم اليوم في نفق اللاند مارك ،، صح النوم ياضباط
خلكم راقدين احسن لكم ،، الناس يوميا اتعذب على خط 22 فبرايروانتو راقدين في العسل


والله انك صادق ..

تدري جديا صرت افكر اروح لدوامي ببطبطه ..

بوصل اسرع بواجد ..

بس يا خوي ما تنفع مع الكوبرا :)

[AL-MAYSTRO]

لكن احنا نبي تغيير بقوانين المخالفات ..

ومقدار المخالفه ..

ونقاط المخالفه ..

اللي حتى النقاط بها تزوير ..

يعني انا اتخالف ... واروح اقط المخالفه والنقاط على الدريول ..

هههههههههه يا للسخريــه ..


no comeent

[عديـل الـروح]

وامس بعد كانوا عند محلات الجوالات في الغرافه والزحمه واصله لين برع


وسعوا الشوارع الله يوسع علينا ..

ومشكلتنا مشكله خاصه عند الخيام ..

مادري الخلل مننا او من المرور او من اشغال !!

[عديـل الـروح]

يعطيكم العافيه وموظفين المرور ملزومين بإعطاء المخالفات للمتهورين والمستهزين بالقوانين مع انهم يعرفونها صح والمشكلة مع المراقبة والمخالفات وفوق هذا الشباب يخالفون ولا يبالون بالمخالفات ومره من المرات بلغت عن شخص قطع اشارة حمره ولا كان فيه كيمره ورحت ابحت في موقع الداخلية وحصلت ان الشخص عليه اكثر من عشرين مخالفه وبمبلغ تقريبا 25 الف ريال انزين وين الداخليه عنه وهذا النوع من المتهورين يستاهل سجن مو مخالفات وبس لانه قطع الاشاره الحمراء تعمدا يعتبر الشروع في القتل واقول للمرور الله يعطيكم العافيه ويقويكم على الجهد اللي تقومون به

كلامك في محله .. ولا غبار عليه ..

بس في صعوبه مثل ما قال احد الاخوان ان يحطون كل شرطي على كل دوار ..

او يحطون كاميرات على كل دوار ..

هم خلهم يهتمون بتسيير السيارات افضل واحسن من توقيفها واعطاء المخالفات ..

انت تدري يا اخوي العزيز :

ان حتى في سيلين بعد الشاليهات : في دوريات للحد من التحفيص ويعطونهم مخالفات !!

انزين هذه صحراء ... خلهم يحفصون ويستعرضون ..

ليش يخالفونهم ؟؟

[عديـل الـروح]

no comeent


يعني اذا نبي الصراحه .. فأنا جاوبت وكتبت بكل صراحه ..

اما اذا نبي نجاملا والمجاملات ..

فالوضع طيب وما في مشاكل ..

[وليف قطر]

المخالفات كوم ..

و نفسيات الضباط كووووم ثاني :rolleyes:

حسبي الله ونعم الوكيل

[AL-MAYSTRO]

المخالفات كوم ..

و نفسيات الضباط كووووم ثاني :rolleyes:

حسبي الله ونعم الوكيل

خخخخخخخخخخخخخخخخخ

[love1972]

مافي أروع واحسن من النظام والقانون في الشارع

وجزاهم الله كل الخير الضباط والافراد ورجال المرور والفزعه ولخويا

للحفاظ على النظام والقانون من عدم مبالاة واهتمام مجموعه من الناس بالشارع وقوانينه وانظمته هداهم الله

وانا متاكد لو كنت حريص كان ما جاتك مخالفات بقيمة 14.000 الف ريال قطري حفظك الله


مشكلتنه نخالف ونسرع وما نربط الحزام ونتجاوز ونعرض ارواح الغير للخطر

ونزعل

هدانا وأياكم الله

وللامانه الدول المتطورة والمتحضرة والمتقدمه تبدأ بنظامها الفعال من الشارع

[chillis]

مساكين حتى وهم قايمين بواجبهم نعاتبهم ونتحلطم عليهم كل واحد ماشي سيده ومهب مخالف مابيهمه وجودهم ولا بيتحلطم

[تحداني]

المخالفات كوم ..

و نفسيات الضباط كووووم ثاني :rolleyes:

حسبي الله ونعم الوكيل



في هاذي صدقت
الحين انت نفسيتك مب طيبه ليش تشتغل في وظيفه يبي لها صبر
والمشكله الزي العسكري الي لابسه يخليك غصب طيب تقول حاضر





مشكلتنه نخالف ونسرع وما نربط الحزام ونتجاوز ونعرض ارواح الغير للخطر

ونزعل

هدانا وأياكم الله





:( والله العظيم اربط الحزام ويخالفوني

[القحطاني505]

رجال المرور أنواع

فيه منهم ناس أول ما يشوفك مخالف ما يصدق يصيدك ويحرر المخالفة

وبعضهم تلقاه يدور حول السيارات ولا يخالف يبي الناس يفهمون

وأنا واجهت الصنفين

[الجوهره 2012]

no comeent


no comment

[شبح الصمت]

اللهم لك الحمـد والشكر يــارب

الحمد لله لا مخالفات ولا شيءءءء

:)

[بوحارب]

ياجماعة الخير ،، اي شرطي واقف على الدوار همه الاساسي القطري
يخلي كل السيارات واذا شاف غترة وعقال على طول يركز عليه

انا واحد ما اخالف لكن الهنود والاجانب ماخذين راحتهم ،، مخالفات* مخالفات ولاحد يجي صوبهم
لو هالاشكال عليهم مخالفات كان ماشفتهم يخالفون ، وانا الحين صرت مثلهم ( فلعنه )

لكن واعزتي لادارة المرور على ايام قبل والحين ،،
حطو رادارات وشددو بقوانينكم ،، بس نبي الكل يتخالف ،، مب اذا جاكم دريول ولا اجنبي قلتو مسكين
واذا جاكم القطري حطيتو الحره فيه

الضباط شفتهم اليوم في نفق اللاند مارك ،، صح النوم ياضباط
خلكم راقدين احسن لكم ،، الناس يوميا اتعذب على خط 22 فبراير
وانتو راقدين في العسل

اتفق معاك في كل اللي قلته

وعلى ترى المرور عندهم حملة ربحية هالأيام لحد يطلع فموتره

[shaikhaaaa]

يا إخواني هم يخالفون الناس على السرعات والمخفي والحزام وهم من يخالفهم في حال عطلوا المرور ، تلاقي الشرطي واقف على الدوار والزحمة لي آخر الشارع والسيارات واقفة نص ساعة وهو يشوف الزحمة ولا يتحرك كأنه صنم ، الشاحنات تمشي في الشوارع أوقات الذروة وسرعاتهم الله بالخير وقدام الشرطة ولا حد يوقفهم ولا يخالفهم ، من إسبوع عطاني شرطي شكله في الغالب سوداني وأنا طالعة من الدوار ولابسة لحزام والدنيا زحمة وأشر لي بالدفتر والقلم اللي عنده عليج مخالفة وأنا طالعة في طريقي صح والكل طالع وراي بنفس الطريقة بس ما خالفني إلا أنا بس لو ما الحيا والزحمة كان وقفت له وسألته ليش المخالفة أنا خط سيري صح ولما فتحت مطراش استفسر عن المخالفة بصراحة ما فهمت شي من سبب المخالفة وإلا لأني قطرية خالفني واللي قدامي ووراي محد تخالف ، بس ما قول غير حسبي الله ونعم الوكيل

[وجه السعد 2]

كاتب الموضوع يقول ان مخالفاته 14 الف !!!!!!!!
معناها هو اصلا غير ملتزم بقوانين المرور .. وهو سبب تواجد رجال المرور !!!
انا اؤيد كل اجراءات المرور ويعطيهم العافية

[penguin]

مب قاهرني غير الرادار >< بس باقي رادار متحرك من طبيلة بيتنا

[مساهم عادي]

شي طبيعي انه شرطة المرور ماتحط همها في حل الزحمة

... لأنهم اكبر المستفيدين من الزحمة وانه تكون السيارات واقفة !!

.... والا شلون بيخالفون على الحزام والسيارات ماشية ؟؟!!.

الصراحة شرطة المرور هي النقطة السوادء التي مازلت في موجودة في الداخلية ... لا يهتمون في تنظيم حركة السير ولا يهتمون في حل مشكلة الزحمة ولايهتمون في اللي يضايقون السيارات ويدخلون عليهم من الجنب وطز للي واقف في الدور ........... همهم الوحيد فقط .... مخالفة الحزااام في الطرق البطيئة والواقفة.... اما الطرق السريعة فكأنها غير موجودة...
لذلك اصبح الناس لايربطون الحزام الا في التقاطعات وفي الأسواق واماكن الزحمة فقط ... اما الطرق السريعة فالغالبية لا تربط...
.

[مبتدئة]

و الله يعني مثلا اللاند مارك حزات إذا أروح ألاقي دوريه واقفه تخالف عالحزام

زين والسيارات اللي توقف عند البوابات عشان تنزل حريم !!! ومعطلين السيد
ليش ماتخالفونهم أو تمشونهم !!!

إذا الحرمه عيزانه تمشي من المواقف لين البوابه ،،
خل الدريول ينزلها عند كارفور تحت :shy:



والله محد مسوي الزحمة في مواقف اللاند الا الشباب اللي ما عندهم شغل غير القزز والاستعراض

كل واحد مرتز ويستعرض موتره

وكم مرة قدامي يوقفون يعطلون السيايير،، ليش! الشيخ يسلم على رفيجه ويسولف معاه:eek5:

والسيايير ساتوووول وراهم من الصوبين وهم ولالالا مفتكرين .. قلّة ذوق وقلّة احترام

[بو الجوري]

والله محد مسوي الزحمة في مواقف اللاند الا الشباب اللي ما عندهم شغل غير القزز والاستعراض

كل واحد مرتز ويستعرض موتره

وكم مرة قدامي يوقفون يعطلون السيايير،، ليش! الشيخ يسلم على رفيجه ويسولف معاه:eek5:

والسيايير ساتوووول وراهم من الصوبين وهم ولالالا مفتكرين .. قلّة ذوق وقلّة احترام

أنا الحمدلله مب من النوع اللي يلفلف و تافه :shy:

و صح كلامـج تلاقين بعض الهيلق اللي يوقفون ويسلمون على بعض :..

لكن الصراحـه ماننكـر إن الدريوليـه هم سبب الزحمه بعد
لما يوقفون عند البوابه الرئيسيه أو عند فرايديز
أو عند دبنهامز :.. صج يسوون زحمه وراهـم :(

[barod]

الميزانيه باقي لها شهرين فالاخوان يبون يجهزون مدخول يغطي الاداره

[airbus]

ههههههه انا في هدا المكان بذات متخالف 10 مخالفات مكس اي قانون انا متخالف فيه هدا المكان

[كلنا قطر 1981]

السلام عليكم ورحمه الله وبركاته ..

كثيرا ما استوقفني طرح الموضوع لما فيه من تشعبات كثيره ..

ولكن في البدايه أبغي اشكر رجال وزارة الداخليه على جهودهم ..

وعندي ملاحظه صغيره .. وهي :


هذا اليوم الثالث وأنا ارى على نفق جسر اللاند مارك رجال مرور ذو رتب ..

( لا اعرف الرتب العسكريه )

ولكني انتبهت انهم نجمتين او ثلاث ..

المهم : رأيتهم خلال اليومين الماضيين وأيضا اليوم ماسكين قلم وورقه ويسجلون ارقام ..

وأضنني واحد من الاشخاص اللي تسجلت ارقام سيارتهم ..

الاسئلة المطروحه الان :

ما الغرض من
وجودهم تحت الجسر علما ان زحمه السيارات في خط الشمال من محطه طيبه مرور بجسر الجامعه مرورا بجسر الجوازات الى ما له نهايه لعيني المجرده ؟

الغرض هو مخالفة الناس (مخالفة الناس غايه لا تدرك)

ثانيا :

هل هذه الدفاتر لغرض المخالفات ؟

اكيد اخوي حق المخالفات يعني على بالك انه دفتر يلعبون اكس او؟؟



ثالثا :

هل اصبحت ادارة المرور اداره ربحيه تنتظر بدايه كل شهر ونشوفهم مشتطين على الدوارات وفي الاسواق ؟؟

نعم ادارة ربحيه 100%100

رابعا :

هل انتهينا من مخالفات الرادار المتحرك اللي ما خلو شارع ما حطوه فيه ويقولون احنا ما نبحث عن الربحيه ؟؟

صح كلامهم اخوي هم ما يدورون على الربح هم بس يبون يخلصون

رواتبنا


خامسا :

هل قضت اداره المرور على زحمه السيارات طوال اليوم وليس فقط اوقات الذروة ؟

طبعا و اكيد لا لانه الزحمه مب من اختصاصاتهم هم تخصصهم

مخالفات



سادسا :

هل يحق لأي ضابط في ادارة المرور مسح مخالفات لشخص ما ، وارسال شخص أخر عنده ضرورف صحيه ادت الى قطع اشاره ضوئية ومرفق له شهادات طبيه ان بنته اغمى عليها لاصابتها بمرض الكلى الى لجنه مختصه برفع ومسح المخالفه ؟

مادري

سابعا :

هل تم القضاء على جميـــــــــــــــــــــــــــــــــــــــــــــــ ـــــــــــــــــــــــــع الجرائم اللي نشوفها ونسمعها بالدوحه من قبل رجال وزارة الداخليه حتى اصبح همهم المهم كيفيه مخالفه المواطن والمقيم ؟؟

المخالفات اهم من كل الجرايم لانه المخالفات تساعد على ا الايجازات

ثامنا :

هل يرى مسؤولي المرور التجاوزات الصباحيه في كل شوارع الدوحه من ناحيه اقصى اليمين ؟؟
حتى ان وصل بسيارات اللخويا وادارة المرور على هذا التجاوز ؟؟

لا اخوي هذي التجاوزات عوره و حرام النظر اليها

وان كان عادي : فيا ريت يشيلون لي مخالفاتي اللي وصلت 14000 ريال ..

اله يعينك على سدادها


تاسعا : ويرمز له بالرمز : 999

هل يحق لعامه الشعب :

الغــــــــــــاء ادارة المرور ؟؟؟



لا اخوي ما يصير احنا نبي المرور لكن ما نبي مرور بس للمخالفات -----------


مجرد همســـــــــــــه :


ما تسوى علينا هالزيادات ....

والله ما تسوى علينا هالزيادات لا حماية مستهلك تحمينا من طمع التجار و لا مرور يرحمنا اول الشهر :rolleyes2:

يعطيك العافيه على الطرح

[عديـل الـروح]

المخالفات كوم ..

و نفسيات الضباط كووووم ثاني :rolleyes:

حسبي الله ونعم الوكيل


ابشرك ...

اليوم ما في احد .. وتحت النفق فاضي ..

والسير ماشي احلى ما يكون ..

[عديـل الـروح]

مافي أروع واحسن من النظام والقانون في الشارع

عاد ما في احسن اذا طبق على الجميع ..
مب ناس وناس ..
وجزاهم الله كل الخير الضباط والافراد ورجال المرور والفزعه ولخويا

اي والله جزاهم الله خير ..
عسى ما يسمعون حادث وفيه مصابين : تحصل كل اجهزة الدوله موجوده ..
وللاسف بعضهم وجوده تحصيل حاصل ..
يعني حادث مروري وفيه مصابين تتوقع كم يوصل لسيارات النده واللخويا والمرور ؟
اذا مب اكثر من 20 سياره انا ما افهم ..
على شنو !!

وفي المقابل :
اذا دعمت بسيارتك لا قدر الله وسيارتك تضررت وبدون مصابين :
دورني لين يجووووووووووونك ..

وصارت معاي بعد ما اتصلت في 999 اكثر من 4 مرات جونا بعد ساعتين واكثر ..
عشان التحقيق ..
للحفاظ على النظام والقانون من عدم مبالاة واهتمام مجموعه من الناس بالشارع وقوانينه وانظمته هداهم الله

وانا متاكد لو كنت حريص كان ما جاتك مخالفات بقيمة 14.000 الف ريال قطري حفظك الله

ويحفظك يا خوي ..
لكن هذا القدر ..
مشكلتنه نخالف ونسرع وما نربط الحزام ونتجاوز ونعرض ارواح الغير للخطر

وين نسرع يا خوي الله يسامحك ..
عسى ما تطلع من دوار الا تجيك اشاره ..
وعسى ما تطلع من اشاره يجيك جسر ..
واذا اسرعت على الجسر :
يكونون حبايبنا ناصبين لك رادار بين الصبيات ..


ونزعل

هدانا وأياكم الله

وللامانه الدول المتطورة والمتحضرة والمتقدمه تبدأ بنظامها الفعال من الشارع

اي كلامك سليم ..

بس خلهم يفتتحون شوارع سنعه ..
مب كلها مطبات ورادارات ..
وزحمه ..

على طاري 22 فبراير ..
3 خطوط وكلها زحمه وتوقف سير طول اليوم ..

[عديـل الـروح]

مساكين حتى وهم قايمين بواجبهم نعاتبهم ونتحلطم عليهم كل واحد ماشي سيده ومهب مخالف مابيهمه وجودهم ولا بيتحلطم

اي واجب يبه ...

اتمنى انج تروحين تجددين استمارتج وتتفاجئن بمخالفات ..

ساعاتها برجع ارد عليج ..

والصيف جاي وابي اشوف سياراتكم الي مركبين عليها مخفي ..

بالواسطــــــــــــــــــــــــــــه ..

او جايبن تقرير : عيوننا في صديد وما نتحمل الحر ..

عسى ما شر !!

[عديـل الـروح]

في هاذي صدقت
الحين انت نفسيتك مب طيبه ليش تشتغل في وظيفه يبي لها صبر
والمشكله الزي العسكري الي لابسه يخليك غصب طيب تقول حاضر

عشان الراحه والرواتب وال 120 % والامتيازات والاجازات وبدلات الاجازات ومكافأت الاجازات ووووو ..


:( والله العظيم اربط الحزام ويخالفوني

قولي حق الاخت :

شيلز ..

[عديـل الـروح]

رجال المرور أنواع

فيه منهم ناس أول ما يشوفك مخالف ما يصدق يصيدك ويحرر المخالفة

وبعضهم تلقاه يدور حول السيارات ولا يخالف يبي الناس يفهمون

وأنا واجهت الصنفين


في اكثر من نوعين ..

وهم في تزايد ..

النوع الثالث :

يجيك فجأه ويقز السياره ..

اذا عجبته : يبتسم ويؤشر لك اربط الحزام او شيل المخفي ..

واذا ما عجبته :

كل عام وانت بخير ..


النوع الرابع :

ينقز لك على مقدمه السياره وكأنه مكتشف اليورانيوم ..

ويسجل مخالفه مخفي ..

علما ان سيارته عليها مخفي كامل ..

[عديـل الـروح]

اللهم لك الحمـد والشكر يــارب

الحمد لله لا مخالفات ولا شيءءءء

:)


الحمد لله .. وله الفضل والمنه ..

وقول :

ما شاء الله .. ترى ما يحسد المال الا أصحابه ..

[عديـل الـروح]

اتفق معاك في كل اللي قلته

وعلى ترى المرور عندهم حملة ربحية هالأيام لحد يطلع فموتره


اي والله يا خوي .. حاسب ..

خاصه عند كرك النعيمي ..

يجيك يطلب لهم همبرجر دبل وشاي كرك ..

وعقب ما يعطل السير :

يطلع عضلاته ..

علما انه يكفي زحمه شركة الشفروليه لسيارات الصيانه ..

بس على فكره :

ترى اخوك عديل الروح رزيل .. ومرات اكون بقمه الرزاله ..

واحد الله يسلمك من رجال المرور مادري الفزعه مر قدامي بسياره مخفي كامل .. وبكلمتين مشى الموضوع ..
( افهم يا فهيم )

وجاءني يبي يخالف ..

فقلت له : خالفت هذا الموتر ؟؟

ابتسم .. وأشر لي بالمنديل وقال انا ماشي ..

مشي حالك ..

[عديـل الـروح]

يا إخواني هم يخالفون الناس على السرعات والمخفي والحزام وهم من يخالفهم في حال عطلوا المرور ، تلاقي الشرطي واقف على الدوار والزحمة لي آخر الشارع والسيارات واقفة نص ساعة وهو يشوف الزحمة ولا يتحرك كأنه صنم ، الشاحنات تمشي في الشوارع أوقات الذروة وسرعاتهم الله بالخير وقدام الشرطة ولا حد يوقفهم ولا يخالفهم ، من إسبوع عطاني شرطي شكله في الغالب سوداني وأنا طالعة من الدوار ولابسة لحزام والدنيا زحمة وأشر لي بالدفتر والقلم اللي عنده عليج مخالفة وأنا طالعة في طريقي صح والكل طالع وراي بنفس الطريقة بس ما خالفني إلا أنا بس لو ما الحيا والزحمة كان وقفت له وسألته ليش المخالفة أنا خط سيري صح ولما فتحت مطراش استفسر عن المخالفة بصراحة ما فهمت شي من سبب المخالفة وإلا لأني قطرية خالفني واللي قدامي ووراي محد تخالف ، بس ما قول غير حسبي الله ونعم الوكيل


تدرين ان اكثر ناس عندهم مخالفات : هم رجال المرور !!

اي والله :

حسبي الله ونعم الوكيل ..

[عديـل الـروح]

كاتب الموضوع يقول ان مخالفاته 14 الف !!!!!!!!
معناها هو اصلا غير ملتزم بقوانين المرور .. وهو سبب تواجد رجال المرور !!!
انا اؤيد كل اجراءات المرور ويعطيهم العافية


هههههههههه

شكلك ما عندك مخالفات او لك معارفك تشيلهم اول بأول ...

وانا اصلا اكثر قانون نعرفه : هو قانون المرور ..

شكلك واحد من رجال المرور لانه لو عندك مخالفات انصكيت بها كان ما تكلمت كذا ..

ويا ريت تؤيدها اذا كانت مطبقه عالجميع ..

وفي الدول المتحضره : يوقفون راعي السياره ويتلون عليه مخالفته ويحررونها ..

مب يتفاجأ ثاني يوم ان عليه مخالفه ..


يا رجال المرور :

مشوا السير وانتوا ما بتحصلون ولا مخالفه ..

بس عقب اشلون بتترقون !!!!!

واشلون بتأخذون مكافاه اجازات غير الرصيد ؟؟

اعرف ناس عندهم 50 يوم واكثر رصيد مكافأت غير اجازاتهم الرسميه ..

من ويـــــــــــــــــــــن ؟؟؟

[فرحة الكواري]

اذا ماشي صح وعلى القانون ليش التذمر .. وانا ضدك موضوعك
واذا ماشي صح وعلى القانون ويخالفونك .. ما الومك اذا تذمرت .. واحييك على موضوعك


مع ان ما اذكر نهائياً لا انا ولا اي حد من العائلة خالفوهم وهم على القانون

[عديـل الـروح]

مب قاهرني غير الرادار >< بس باقي رادار متحرك من طبيلة بيتنا


في الدراسه ..

ولا تستغرب اذا طبقوه ..

مب كراجك عالشارع !!

يبقى ملك للمرور ..

[عديـل الـروح]

شي طبيعي انه شرطة المرور ماتحط همها في حل الزحمة

... لأنهم اكبر المستفيدين من الزحمة وانه تكون السيارات واقفة !!

.... والا شلون بيخالفون على الحزام والسيارات ماشية ؟؟!!.

الصراحة شرطة المرور هي النقطة السوادء التي مازلت في موجودة في الداخلية ... لا يهتمون في تنظيم حركة السير ولا يهتمون في حل مشكلة الزحمة ولايهتمون في اللي يضايقون السيارات ويدخلون عليهم من الجنب وطز للي واقف في الدور ........... همهم الوحيد فقط .... مخالفة الحزااام في الطرق البطيئة والواقفة.... اما الطرق السريعة فكأنها غير موجودة...
لذلك اصبح الناس لايربطون الحزام الا في التقاطعات وفي الأسواق واماكن الزحمة فقط ... اما الطرق السريعة فالغالبية لا تربط...
.


ابدعت ..

بس سؤالي :

رجال المرور وهم في سياراتهم :

ما يربطوووووووون ..

[عديـل الـروح]

والله محد مسوي الزحمة في مواقف اللاند الا الشباب اللي ما عندهم شغل غير القزز والاستعراض
كل واحد مرتز ويستعرض موتره

وكم مرة قدامي يوقفون يعطلون السيايير،، ليش! الشيخ يسلم على رفيجه ويسولف معاه:eek5:

والسيايير ساتوووول وراهم من الصوبين وهم ولالالا مفتكرين .. قلّة ذوق وقلّة احترام


لو ما في حريم : كان ما حصلتي ولا واحد من الشباب ..

عاد هذه اذا تبين الصراحه ..

وشوفي السنتر ..

او هوم سنتر ..

او اللاند مارك من تحت ..

او محلات وايد ما يجيها بنات : ما تحصلين ولا شاب ..

وعلى فكره :

ترى حتى البنات يحبون يكشخون في سياراتهم ..

وبعضهم يطعسون في سيلين ..

وبسكت احســــــــــــن ...

[تحداني]

ابدعت ..

بس سؤالي :

رجال المرور وهم في سياراتهم :

ما يربطوووووووون ..




ويتجاوزن البعض .. ويتحجون في التلفون ..
:(


لا اتقولون لي مستعجلين وعندهم ظرف طارئ "
في اوقات يتحجون ويضحكون :) .. متسببه

لازم انخالفهم كمواطنين .. وخاصه المواطن المظلوم المفروض ما يترك مثل هالفرص الثمينه
عشان يحس بإحساسنا .. لما نكون على حق وبينه



جملك الله برضاه

[تحداني]

قولي حق الاخت :

شيلز ..




شيلز ما اتسوق .. :(
لو اتسوق بتعرف حجم المعاناه البشريه في بعض المواقف
خاصه اذا كنت ماشي .. وايد صاروا يغلطون يا الخرجي .. لعنبوه كل هذا " جل من لا يخطأ ومن لا يسهو "


اظاهر البعض من رجال المرور عندهم مشكله حقيقيه



جملك الله برضاه

[عديـل الـروح]

أنا الحمدلله مب من النوع اللي يلفلف و تافه :shy:

و صح كلامـج تلاقين بعض الهيلق اللي يوقفون ويسلمون على بعض :..

لكن الصراحـه ماننكـر إن الدريوليـه هم سبب الزحمه بعد
لما يوقفون عند البوابه الرئيسيه أو عند فرايديز
أو عند دبنهامز :.. صج يسوون زحمه وراهـم :(


لا تغلط يا خوي ..

كنت طالع مره من اللاند وسيارتين شايفهم يدورون لاكثر من ساعه ..

وفجأه :

شفت واحد نزل من موتره وأحلى تحيه عسكريه لسيارة اخرى ..

[عديـل الـروح]

الميزانيه باقي لها شهرين فالاخوان يبون يجهزون مدخول يغطي الاداره


اي والله .. شهر 4


شهر المعجزات الدوليه ..


وكذبه ابريــــــــل ..

[عديـل الـروح]

ههههههه انا في هدا المكان بذات متخالف 10 مخالفات مكس اي قانون انا متخالف فيه هدا المكان



هههههههههه


ليش ما تلتزم بالقانون هااااااه ؟؟

[لابس بشت]

بصراحه انا من كم يوم كنت صوب النفق جاي من دوار جاسم بن حمد وزحمه وتقريبا فوق ال 10 سيارات دشوا عرض جدامنا وتجاوزوا من اليمين
سواءا قطريين واجانب وكروه ومصخره في مصخره وانا بصراحه احترق دمي ولو اني عسكري كان سجلت ارقامهم كلهم

الله يعطيهم العافيه ياليتهم موجودين على طول الصبح والليل

[فـيـراري قطر]

احلى مافي الموضوع انه خاطري مره اروح المرور وماسمع هالكلمه من الموظف الي فالمرور : اخوي عليك مخالفات ادفعهم وارجعلي ... اتحدى حد يدخل المرور لاي سبب ومايسمع هالكلمه ,,

تعودنا احنا خلاص راتب الشهر ينزل تقسيماته كالتالي :
1- راتب خدامه
2- راتب دريول
3- مصاريف غير منهجيه
4- طلعات وعشى وفواتير
5-مخالفات
يعني صار شي من اساسيات الحياه مانستغني عنه

[عديـل الـروح]

والله ما تسوى علينا هالزيادات لا حماية مستهلك تحمينا من طمع التجار و لا مرور يرحمنا اول الشهر :rolleyes2:

يعطيك العافيه على الطرح


ضحكتني من قلب ...

الله يسعدك يا خوي ..

بس شكلك من العصر القديم : اكس اوه ..

الحين يلعبون لعبه : المخالفات الطائرة ..

ههههههههه

امزح ..

[عديـل الـروح]

اذا ماشي صح وعلى القانون ليش التذمر .. وانا ضدك موضوعك
واذا ماشي صح وعلى القانون ويخالفونك .. ما الومك اذا تذمرت .. واحييك على موضوعك


مع ان ما اذكر نهائياً لا انا ولا اي حد من العائلة خالفوهم وهم على القانون


في مواضيع وايد طرحت على مخالفات لناس ما يستحقون المخالفه ..

وانا تخالفت على حزام وانا ما استحقه والسبب انه لافه من الظهر ..

وايضا مخالفه وقوف بموقف مؤقت وانا اذا وقفت ما اطول ..

يعني ملتزم ..

واذا لا انتي ولا هلج خالفوكم :

فأحمدي ربج وأشكريه ..

وموضوعي ما بي منه شئ غير الفضفضه ..

ولا على الفلوس بتندفع طيب غصب بتندفع ..

لكن نبي المعامله ..

وسن القانون عالجميع ..

وعدم مسح مخالفات ناس عن ناس ..

[غايه الطواش]

والله ياخوي انا وايد اشوف تجاوزات من اليمين عند هالنفق وبشكل ينرفز ...

[تحداني]

وموضوعي ما بي منه شئ غير الفضفضه ..

ولا على الفلوس بتندفع طيب غصب بتندفع ..

لكن نبي المعامله ..

وسن القانون عالجميع ..

وعدم مسح مخالفات ناس عن ناس ..



اي والله هي فضفضه .. والفلوس رايحه وراح تندفع وهذا لسان حال المظلوم
اما مسح مخالفه ناس وناس
والله العظيم صديقتي امسحت لي مخالفتين حزام امان بدون وجهه حق .. باتصال هاتفي مدته 6 دقائق
لما رحت استعين فيها قالت اخوي الحين يشتغل في مكان ثاني
خساره :(


عشان كذا بين فتره وفتره اطرح مشكلتي .. يمكن القى احد يمسح مخالفتي ومخالفه " عديل الروح بعد "

انا فكره مخالفه مجهوله رافضتها بالاساس
امشي وانا رافعه شعار السواقه " فن وذوق واخلاق "
ارد البيت عليج مخالفه حزام امان .. ايش هالحاله .. :(


اخاف اغير قناعاتي

جملك الله برضاه

[عديـل الـروح]

اذا ماشي صح وعلى القانون ليش التذمر .. وانا ضدك موضوعك
واذا ماشي صح وعلى القانون ويخالفونك .. ما الومك اذا تذمرت .. واحييك على موضوعك


مع ان ما اذكر نهائياً لا انا ولا اي حد من العائلة خالفوهم وهم على القانون


من اسبوعين الساعه 11 ونصف ليلا راجع على خط الصخامه - ام العمد بأتجاه الدوحه


وحاطين رادار متحرك بسياره كروزر ومتخبي ..


والشارع 5 خطوط ..


ليش ؟؟

ويش بينظم ؟؟

[عديـل الـروح]

ويتجاوزن البعض .. ويتحجون في التلفون ..
:(

لا اتقولون لي مستعجلين وعندهم ظرف طارئ "
في اوقات يتحجون ويضحكون :) .. متسببه

لازم انخالفهم كمواطنين .. وخاصه المواطن المظلوم المفروض ما يترك مثل هالفرص الثمينه
عشان يحس بإحساسنا .. لما نكون على حق وبينه

جملك الله برضاه


والله انج صادقه ..

وفي منهم ربعنا ...

ترى حتى اللي حنا ننتقدهم :

تراهم اخوانا وربعنا وجيرانا ..

من بيخالفهم ؟؟

هههههههههههه اضحكي على هالسالفه ..

واحد عسكري اعرفه كان يتكلم بالجووال على طاري الجوال ..

وطلع رصيف من شهرين .. والحمد لله ان ما في احد بالشارع المقابل ..

ولما سألناه ويش فيك :

قال : الموتر ما مسك بريك !!!




بسكت ابرك ..

[قطري مفلس]

تحداني الزمن + عديل الروح

يرجى اضافة ( قطري مفلس ) ضمن قائمتكم الموقرة ،،، اذا في حد صوبكم يقدر يمسح مخالفات

:(


عندي واحد من الربع اكثر من مره ركبت معه في سيارته ، تصدقون يوقف اي مكان يبيه ، مره فوق رصيف مره قدام باب مجمع على عرض ، مره على طرف شارع يحذفها وينزل يخلص شغله ، موقف غلط في الستي ولا اللاند مارك ،،

واذا قلت له بخالفووووووووونك وقف سيارتك عدل :(

يرد علي بكل برووووووووود (((( عادي عادي بتنشال دام انها مش رادار ))))

يعني اي مخالفة غير الرادار عادي يشيل ابوها وهو مرتاح (( وش معنى الرادار ماتقدر يا بوفلان ))

رد علي وقال : انا واسطتي ماتوصل الى مستوى الرادار (( معنى كلامه ان في ناس توصل واسطتها حتى للرادار ))

اسف طولت عليكم

تحياتي ،،، خميسكم فله

^_^

[عديـل الـروح]

شيلز ما اتسوق .. :(
لو اتسوق بتعرف حجم المعاناه البشريه في بعض المواقف
خاصه اذا كنت ماشي .. وايد صاروا يغلطون يا الخرجي .. لعنبوه كل هذا " جل من لا يخطأ ومن لا يسهو "

اظاهر البعض من رجال المرور عندهم مشكله حقيقيه

جملك الله برضاه


امممممممم


سالفه المواقف سالفه ثانيه يطول شرحها ..

وبروحها يبلها موضوع ..

بس بعض رجال المرور يا حليلهم .. والله طيبين ..

كنت واقف من اسبوع الصبح عند العياده الخارجيه انتظر الاهل ..

وقالي يالشيخ هني ممنوع الانتظار ..

قلت له وين اروح ومافي مصفات ..

قال لي : افتر بموترك لين يطلعون هلك ..


حبتيــــــــــــــن والله ..

وربي يحفظج ..

[عديـل الـروح]

بصراحه انا من كم يوم كنت صوب النفق جاي من دوار جاسم بن حمد وزحمه وتقريبا فوق ال 10 سيارات دشوا عرض جدامنا وتجاوزوا من اليمين
سواءا قطريين واجانب وكروه ومصخره في مصخره وانا بصراحه احترق دمي ولو اني عسكري كان سجلت ارقامهم كلهم

الله يعطيهم العافيه ياليتهم موجودين على طول الصبح والليل


الظهر يا خوي ما يأخذون يمين ..

الا يطلعون رصيف .. ويدشون على شارع اللاند مارك ..

وانت اول واحد يقول انه ما وقف وما اخذ يمين .. حتى لو عسكري ..

[مبتدئة]

لو ما في حريم : كان ما حصلتي ولا واحد من الشباب ..
عاد هذه اذا تبين الصراحه ..

وشوفي السنتر ..

او هوم سنتر ..

او اللاند مارك من تحت ..

او محلات وايد ما يجيها بنات : ما تحصلين ولا شاب ..

وعلى فكره :

ترى حتى البنات يحبون يكشخون في سياراتهم ..

وبعضهم يطعسون في سيلين ..

وبسكت احســــــــــــن ...


عذر اقبح من الذنب:secret:

[تحداني]

قطري مفلس

دام انه رفيجك .. خل يمسح مخالفاتنا .. ايش ناطر ؟؟
ما نبي رادار لان كل مخالفه القى له محامي دفاع الا السرعه ..
انا ضد السرعه .. ضد التهور .. ضد الاستهتار .. ضد التجاوزات
ضد انك تلعب بالتلفون ..



والله هالمرور مشكله .. هم يغلطون عادي .. يتمادون عادي
يصفون بالغلط عادي .. يتجاوزون عادي .. " وعليه كله مستعجلين "
واحنه المساكين ملتزمين .. والله ملتزمين وبعد يدورون علينا الزله

ليش مب قادرين يتعاطفون معانه وايد
ويتعاطفون مع نفسهم




:(

في حلقه مفقوده يا ترى شنو ما اعرف

جملك الله برضاه

[قطري مفلس]

قطري مفلس

دام انه رفيجك .. خل يمسح مخالفاتنا .. ايش ناطر ؟؟
ما نبي رادار لان كل مخالفه القى له محامي دفاع الا السرعه ..
انا ضد السرعه .. ضد التهور .. ضد الاستهتار .. ضد التجاوزات
ضد انك تلعب بالتلفون ..



والله هالمرور مشكله .. هم يغلطون عادي .. يتمادون عادي
يصفون بالغلط عادي .. يتجاوزون عادي .. " وعليه كله مستعجلين "
واحنه المساكين ملتزمين .. والله ملتزمين وبعد يدورون علينا الزله

ليش مب قادرين يتعاطفون معانه وايد
ويتعاطفون مع نفسهم




:(

في حلقه مفقوده يا ترى شنو ما اعرف

جملك الله برضاه



في رحلة علاج خارج الوطن بمرافقة والدته ،، الله يشفيها ان شاءالله

لرجع بخليه يشل مخالفاتنا

^_^

[الخزرجي قطر]

الله يعينك ويعين الجميع على مخالفات المرور
هل ادارة المرور مهمتها جني وزيادة الايرادات او التوعيه

[عديـل الـروح]

والله ياخوي انا وايد اشوف تجاوزات من اليمين عند هالنفق وبشكل ينرفز ...


الناس زادت تبارك الرحمن .. والسيارات زادت ..

وشوارعنا ضيقه مثل ما هي ومثل ما انت شايف ..

غصب عن الناس يتجاوزون ..

ترى يا خوي ماحد عنده حس عدم الاحترام ..

لكن لما تقعد نص ساعه على اشارة اللاند مارك : مشكله ..

ولا تنسى الصيف جاي والحراره لا تطاق ..

[عديـل الـروح]

اي والله هي فضفضه .. والفلوس رايحه وراح تندفع وهذا لسان حال المظلوم
اما مسح مخالفه ناس وناس
والله العظيم صديقتي امسحت لي مخالفتين حزام امان بدون وجهه حق .. باتصال هاتفي مدته 6 دقائق
لما رحت استعين فيها قالت اخوي الحين يشتغل في مكان ثاني
خساره :(

عشان كذا بين فتره وفتره اطرح مشكلتي .. يمكن القى احد يمسح مخالفتي ومخالفه " عديل الروح بعد "

انا فكره مخالفه مجهوله رافضتها بالاساس
امشي وانا رافعه شعار السواقه " فن وذوق واخلاق "
ارد البيت عليج مخالفه حزام امان .. ايش هالحاله .. :(

اخاف اغير قناعاتي

جملك الله برضاه


بالعكس خلج في ثناعاتج لانها هي الصح ..

واذا على نقطه ان وحده من البنات شالت مخالفات لج :

فهذا تصديقا لكلامي .. وعلى ارض الواقع ..

تدرين وين المشكله اختي الفاضله :

انج تسومين وجهج عن الاخ او الاخت عشان 500 او 100 ريال ..

اشوفها مب حلوة ..

لكن ويش نقول غير :

حسبي الله ونعم الوكيل ..

يعني اذا ما تعرفين احد : يتدفعينها بكل رحابه صدر ..

نتمنى اليوم قضاء وقت سعيد وجو ممتع ..

وتكتمل سعادتنا بوجودكم ..

وجنه الاطفال منازلهم ..

[تحداني]

في رحلة علاج خارج الوطن بمرافقة والدته ،، الله يشفيها ان شاءالله

لرجع بخليه يشل مخالفاتنا

^_^



اللهم آمين وترد بالسلامه يارب
مب تنسى .. اهم شي قبل شهر 6 لان سيتم تجديد الاستماره وبلاوي السياره
واذا ما ردوا قبلها .. ما باليد حيله .. بقول في قلبي " لله ودفعه بلى " شاسوي :(




لكن لما تقعد نص ساعه على اشارة اللاند مارك : مشكله ..

ولا تنسى الصيف جاي والحراره لا تطاق ..




تعال شوف مصيبه دوار قطر للديكور .. يدفنونا المتجاوزين بالحيا
يتجاوزون ويطيرون ويغبرون الدنيا .. وامعصبين واشوي بيطيرون
ويهرنون فوق راسي ولسان حالي يقول شاسوي يعني الي يقول انا الي امسببه هالزحمه

على هذا الدوار بالتحديد احاول اكثر من الاستغفار ..
عشان بس ما يجيني انهيار عصبي وافقد السيطره ..


او اتصل في الوالد عشان اسمع سوالفه الطيبه ويمر الوقت بسلام وامان

ويح قلبي
:(

جملك الله برضاه

[عديـل الـروح]

تحداني الزمن + عديل الروح

يرجى اضافة ( قطري مفلس ) ضمن قائمتكم الموقرة ،،، اذا في حد صوبكم يقدر يمسح مخالفات

:(


عندي واحد من الربع اكثر من مره ركبت معه في سيارته ، تصدقون يوقف اي مكان يبيه ، مره فوق رصيف مره قدام باب مجمع على عرض ، مره على طرف شارع يحذفها وينزل يخلص شغله ، موقف غلط في الستي ولا اللاند مارك ،،

واذا قلت له بخالفووووووووونك وقف سيارتك عدل :(

يرد علي بكل برووووووووود (((( عادي عادي بتنشال دام انها مش رادار ))))

يعني اي مخالفة غير الرادار عادي يشيل ابوها وهو مرتاح (( وش معنى الرادار ماتقدر يا بوفلان ))

رد علي وقال : انا واسطتي ماتوصل الى مستوى الرادار (( معنى كلامه ان في ناس توصل واسطتها حتى للرادار ))

اسف طولت عليكم

تحياتي ،،، خميسكم فله

^_^



هههههههههه اذا بنفتح القائمه ما بنخلص ..

لكن استثناءئا على شانك ..

تدري لك قاعده : شواذ ..

واذا على اللي يطلعون رصيف :

اسمع لوطني الحبيب من يومين وايضا احد الاعضاء كتب عن هالنقطه التاليه :

وهي ان مرور مدينه خليفه : يوميا في ناس تطلع رصيف ..

عند محلات الطباعه ..

يعني ظنك : ولا سياره مرور تمر من ذاك الصوب !!!

ثانيا :

اعتقد صحيح كلام رفيجك ان ماحد يشيل مخالفة رادار الاشارات الا الشيخ / عبدالله بن ناصر ..

ونسمع اللي يروح له : ما يرده خائب ..

لكن باقي المخالفات :

اعتبرها انمسحت ..

واتمنى لك قضاء وقت سعيد ..

[تحداني]

بالعكس خلج في ثناعاتج لانها هي الصح ..

واذا على نقطه ان وحده من البنات شالت مخالفات لج :

فهذا تصديقا لكلامي .. وعلى ارض الواقع ..

تدرين وين المشكله اختي الفاضله :

انج تسومين وجهج عن الاخ او الاخت عشان 500 او 100 ريال ..

اشوفها مب حلوة ..

لكن ويش نقول غير :

حسبي الله ونعم الوكيل ..

يعني اذا ما تعرفين احد : يتدفعينها بكل رحابه صدر ..

نتمنى اليوم قضاء وقت سعيد وجو ممتع ..

وتكتمل سعادتنا بوجودكم ..

وجنه الاطفال منازلهم ..




انا ما اقط وجهي والله .. بس اسمعتني اقول عندي مخالفه بدون وجهه حق
وانا لما يكون فيني شي قاهرني صوتي يروح وانا اعيد وازيد كان القضيه ما صارت الا لي انا .. ومافي احد في هالعالم خذ مخالفه بدون وجهه حق الا الاخت تحداني الزمن

عاد جنه الاطفال منازلهم " جميله جدا هالعباره "
واذا هالاطفال عندهم مشوار ضروري شيسون

ارجوكم رجال المرور أطلقوا قيودنا فما عادت اعصابنا تتحمل زلاتكم واخطائكم
وتعبنا ونحن نبحث عن اعذار لتصرفاتكم


:(

احس هالموضوع عور قلبي وايد

جملك الله برضاه

[عديـل الـروح]

عذر اقبح من الذنب:secret:


الا هذه الصراحه بعينها ..

وكان ردي على كلامج بأتهام الشباب ..

واكيد لو ما فيه بنات يتمشون عفوا عفوا بعض البنات - يتمشون ويتسكعون :

ما بتحصلين ولا شاب في اللاند ..

على شنو يكشخ ... وحق من يكشخ ؟؟

وخلنا واقعين وصرحاء مع ارواحنا ..

[عديـل الـروح]

الله يعينك ويعين الجميع على مخالفات المرور
هل ادارة المرور مهمتها جني وزيادة الايرادات او التوعيه


المفروض : توعيه ..

لكن ..


لا يكاد يخلو بيت في الدوحه : من مخالفه مرور ..

حتى ابوي جاء عسكري يبي يخالفه على عدم ربط الحزام ..

فقاله ابوي : انا بروحي مكرش وما اقدر اربطه ... يعني انه يضحك معاه ..

وبعدين وين اسرع ... اذا اسرعت : اسرع عال 80 ..

ضحك الشرطي ومشاه ..

[عديـل الـروح]

اللهم آمين وترد بالسلامه يارب
مب تنسى .. اهم شي قبل شهر 6 لان سيتم تجديد الاستماره وبلاوي السياره
واذا ما ردوا قبلها .. ما باليد حيله .. بقول في قلبي " لله ودفعه بلى " شاسوي :(


نفس سيارتي شهر / 6

الظاهر مواليد نفس السنه :)




تعال شوف مصيبه دوار قطر للديكور .. يدفنونا المتجاوزين بالحيا
يتجاوزون ويطيرون ويغبرون الدنيا .. وامعصبين واشوي بيطيرون
ويهرنون فوق راسي ولسان حالي يقول شاسوي يعني الي يقول انا الي امسببه هالزحمه

على هذا الدوار بالتحديد احاول اكثر من الاستغفار ..
عشان بس ما يجيني انهيار عصبي وافقد السيطره ..


او اتصل في الوالد عشان اسمع سوالفه الطيبه ويمر الوقت بسلام وامان

ويح قلبي
:(

جملك الله برضاه


والنعم بالله ..

والله يحفظ لج الوالد وهلج ..

ويح لقلوبنا كلنا ... وويح لجيوبنا ..

[مرتبش]

اما سالفة الوقوف على الرصيف اشوفها صارت عادة..الصراحة شي يقهر..انترلوك جديد والموقف مخطط ومرتب والاخ راكب الرصيف..

ما كان هالشي يحدث والحين حتى عند المرور وانا رايح لهم من اسبوع ..السيارات واقفة على الرصيف عادي ومحد يخالفهم

اقترح على المرور والتخطيط الغاء المواقف المتوازية وتحويلها الى مواقف على جنب او بزاوية.. اسهل لايقاف السيارة واسرع بدل تعطيل السير وصعبة للي يبي يوقفون من الاتجاه المعاكس وتشيل اعداد اكبر من السيارات.

[تحداني]

والنعم بالله ..

والله يحفظ لج الوالد وهلج ..

ويح لقلوبنا كلنا ... وويح لجيوبنا ..


اللهم آمين وما يحرمك كل غالي
قلوبنا تعودت على الاهات .. ولكن حيبونا ما نبيها تتعود الله يرضى عليك
ورانا تجديد استماره وملكيه .. وفحص فني .. وعلل ثانيه من علل السيارات

يا اخوي مرتبش
الانترلوك عند باب البيت صار مواقف للاسكوترات البحريه والطرادات .. واقوم الصبح القى مخالفه على سياره اسمها مخالفه عدم الوقوف بخط موازي ما اعرف متعرج ما اعرف موازي وتاركين هالطراد :(


عجيبين غريبين بعض رجال المرور
لو قررنا نسوي مدونه اسمها " اعترافات مروريه " راح توصل ملايين الصفحات :(


جملكم الله برضاه

[Xx QATARI xX]

والله انك صادق ..

تدري جديا صرت افكر اروح لدوامي ببطبطه ..

بوصل اسرع بواجد ..

بس يا خوي ما تنفع مع الكوبرا :)


ههههه ثبتها بدبوس وتوكل على الله

[almaf1a]

لا ويوقفون لك في مكان عجيب
وانت جاي من جهة دوار دحل الحمام وتاخذ يمين عي خط الشمال
اول ماتلف يمين تلقاه ورى الصبيه يسجل الارقام
خرعني ذاك اليوم بغيت ادعم

هذا الي يسمونه مفاجأت الطريق

[abdo222]

شباب ما اتوقع قاعدين يكتبون مخالفات ! اشوف 2 واقفين وواحد منهم طول الوقت يشوف علسيارات ويكتب في الورقه ,, طول الوقت ,,

يمكن يسوون عمليه احصاء ؟ او يصيدون الشاحنات؟

[بومحمد911]

كما وصلني على البي بي

يقولك كان عيدميلاد الخرجي علشان جذيه منتشرين في كل مكان ورص مخالفات

دعوني اتشقلب هههههههههههههههههههههههه