سؤال ...نرجوا التكرم بالجواب ...عليه ..إن امكن

[ام ناصر1]

السلام عليكم
السؤال ...
هل تعتقد إنه الرجل الستيني ( الي عمره ) 60 سنة فما فوق ...إذا انجبت زوجته
الثانيه له ابن سيكون له خلق يربيه ...ويفرح به ...والا سيعتبر الامر زيادة لعدد ابنائه وبناته
وبيقطه على امه تربيه ؟!
لحد يقول إنه الجواب بديهي ؟! دعونا نستمع للآراء

[رآعي موآجيب]

بيكون له خلق يربيه اكثر من الثلاثيني :)

وبيكون اشد حرص عليه في دينه ودنياه إذا كان من الرجال الصالحين

[+abc]

سلام عليكم ..

والله الي نشوفه ان العيال مايمسكهم الا جدهم ولايحبون يروحون ولايقعدون الا معاه ويتحملهم اكثر من ابوهم

[الجوهره 2012]

ما شاءالله ..

اتوقع بهالعمر يبي من يعتني فيه

وهذا رائي الشخصي والله اعلم

[ودي أكون]

الا بيكون متعلق فيه وايد .. وبيكون حبوب البيت ونور البيت وريال البيت ..


واحسن مافيه .. بيكون لسانه السان شياب :nice:

[وطن]

والله يا ام ناصر يعتمد على الرجال نفسه ومزاجه

مب كل واحد وصل 60 سنه ملول

ولا كل واحد وصل 60 سنه باله طويل

وممكن بحكم كبر سنه بيدلع هالطفل دلع ويخربه بدل ما يربيه عدل

الاحتمالات كثيرة وتعتمد على شخصية الرجل نفسه

[khaldoon]

اعتقد تعتمد على عدة امور...يعني الحالة الصحية لهذا الوالد و مدى تفرغه لتربية ابنه الجديد و على شخصيته و حالته المزاجية

في اجداد ما يطيقون الازعاج و يظل يقولون لابنائهم تعالوا خذوا اولادكم ما تخلوهم عندي ما اتحمل ازعاج اطفال نهائيا و لا اطيقهم

و في اجداد يزعلون من ابنائهم لو ما جابوا الاحفاد عندهم وتلاقي الاحفاد مداومين طول اليوم عند اجدادهم

[رآعي موآجيب]

ما شاءالله ..

اتوقع بهالعمر يبي من يعتني فيه

وهذا رائي الشخصي والله اعلم

ترى 60 سنه مايعتبر طايح ويتنافض

إذا الله سلمه من الأمراض يكون نشيط


الا بيكون متعلق فيه وايد .. وبيكون حبوب البيت ونور البيت وريال البيت ..


واحسن مافيه .. بيكون لسانه السان شياب :nice:


من ابو 5 سنين بيلاسن الشيبان :victory:

[دااانة قطر]

وعليكم السلام والرحمه


اكثر الشيااب اللي مروا علي اذا رزق بعيااال يفرح فرح غير طبيعي وبالعكس تلقااه معتني فيه ويخااف عليه اكثر من خوف الأم نفسها


يسلموا على الطرح

[فيزيائية]

ممكن على حسب صحة وقدرة هالرجل

[قطريه أصيله]

هالياهل بيصير اغلى من عياله الكبار وله معزه غييييييير

[انصار جليري]

مب كل الشياب لهم بارض على اليهال

بس اكيد بيحبه لانه ولده

والله يكثر الصبيان ان شاء الله ومايكون اغلب عياله بنات لانه جذيه ماحل مشكلة كثرة البنات اللي مأزمه الناس ومتعبه نفسيتهم :secret:


جارنا متزوج اربع كل وحدة عندها 5 بنات وولد الظاهر متفقين :tease:

[doha2012]

اعتقد نعم



مع اني اشوفهم في 50 وعجازى حتى من السواقه :secret:


في الغرب 60 احلى سنوات العمر ماتشوفونهم في الافلام هم الابططال:nice:

[الحريّه]

ما سمعت المثل القائل " ولد الشايب يتيم " ؟
ما قيل من فراغ ! و التربية تحتاج للكثير من الوقت و الجهد و الجَلَدْ , خاصة في هذا الزمن . فالملهيات و المشتتات أكثر من أن يستطيع والد شاب أن يحتويها و يسيطر عليها , فما بالكَ بأبٍ قاربته المنون ؟ ! و المعروف أن الرجل و المرأة عندما يكبرون تصبح قلوبهم رقيقة-كما نرى مع الجد و الجدة - إلا أن التربية لا تقيمها رِقّة القلب و لا الحنان المتسلط على مشاعر التربية التي يكثر فيها اللاء أحياناً أكثر من النعم !
لذلك فإن زواج رجل الستين إذا كان القصد منه الإنجاب فهو على المِحَكْ !
تحياتي