ما خاب من استشار: افضل مستشفى لعلاج السرطان

[shadad]

بسم الله الرحمن الرحيم


اخواني بالمنتدى : السلام عليكم ورحمة الله وبركاته .

ياليت تدلوني على احسن مستشفى بما يخص علاجه للسرطان - بعيد الشر عنا وعنكم - في المنطقه او حتى باي مكان .
الوالده عندي تعبانه وانا ودي اسوي اي شي عشانها. وتعرفون قدر الام عندنا وغلاتها ابي ربي يسامحني ويغفر لي . ما يهمني المبلغ او الفلوس انا ابي مكان يشتهر باعلاج لمثل هذه الامراض. الله المعالج والشافي وعلى الله توكلت فنعم الوكيل.

انا حاليا اللي قدرت اعرفه ان المستشفى الامريكي بتايلند مشهور, وايضا مستشفى بسنغافورة ما اذكره عدل. ياليت من عنده خبره بهاي الموضوع يدلني على المستشفى ومكانه ولو عنده معلومات ثانيه بكون له مشكور. جزاكم الله خير وحفظ لكم الوالدين يا رب .

[أسير الاسهم]

الله يشافيها ويعافيها

فيه مستشفى معرووف جدا .. في هيوستن أمريكا .. بالضبط أسمه ما أعرفه ولكن الكثير راحوا له .. منهم من شافاه الله وعافاه ..

أسالواا عنه بالتفصيل بتلقون المعلومات أكيد من أهل التجربه

الله يييسر لكم ويسهل عليكم .. ويشافي مريضكم

[Right]

اسأل الله العظيم رب العرش العظيم أن يشفيها


اللهم رب الناس مذهب البأس اشف أنت الشافي لا شافي إلا أنت




أنصحج بــ ألمانيا في علاج السرطان


ويمكن تسألين عن المستشفيات عن طريق المكتب الطبي في بون بالإتصال لهم


وهذا عنوانهم وأرقامهم:

Medical section
Godesberger Allee 77–81
53175 Bonn

Telefon: +49.228.36 7850
Telefax: +49.228.36 3006



وأنصحج بــ أمريكا في علاج السرطان


مستشفى MD Anderson Cancer في تكساس


ويمكن تسألين عن المستشفيات عن طريق المكتب الطبي في أمريكا بالإتصال لهم


وهذا عنوانهم وأرقامهم:


Mr. Nasser Ali Al-Saadi
email: nalsaadi@qatarmedical.com
Main Contact # (202) 274-1648
Fax # (202) 237-8393
Tel: (202) 274-1648

[@الأدعم@]

اسأل الله العظيم رب العرش العظيم أن يشفيها
اللهم رب الناس مذهب البأس اشف أنت الشافي لا شافي إلا أنت
الله يشفيها ويعافيها

[feva qatar]

الله يشافيهاا

عندك هيووستن ماعرف اسم المستشفى بس هو تابع لمايو كلنك ..
وفيه اختصاص لكل ولاية بنوع معين من السرطان ..راجع المكتب الطبي والله يكتب لكم الخير

[المفترسه]

عسى الله يشافيها ويعافيها

حبوبه حطي في بالج انه مب كل امراض السرطان بعيد الشر عنكم لها علاج نهائي
وياليت تقولين نوع المرض اللي فيها هل هو ورم والا سرطان لمفاوي لانه في مستشفيات
عالميه متخصصه لعلاج انواع معينه من السرطان

[فتى الجود]

أنصحج بــ ألمانيا في علاج السرطان


ويمكن تسألين عن المستشفيات عن طريق المكتب الطبي في بون بالإتصال لهم


وهذا عنوانهم وأرقامهم:

Medical section
Godesberger Allee 77–81
53175 Bonn

Telefon: +49.228.36 7850
Telefax: +49.228.36 3006


السلام عليكم

ما ازيد عل كلام اخونا / Snyder

عن تجربة عن المركز هو مستشفى وجامعه للابحاث

عندنا واحد اعيالنا (( طفل )) تعالج هناك العام

وهو الحين بفضل الله تحسنت حالته

وأسأل الله العظييم رب العرش العظيم ان يشفيها ...

[روح الاطلس]

حاولوا باللجنة الطبية يطرشون بعض الحالات للخارج واسألوا اطباء مستشفى الامل عن افضل مستشفى وطبيب للحالة لان كل ورم يختلف عن الثاني من ناحية الدرجة والانتشار

[إينشتاين]

الله يشفي والدتك ويقومها بالسلامة ويرفع عنها الضر يارب العالمين

هناك مستشفى هايدلبرغ في المانيا من اشهر المستشفيات التي تعالج الأورام

[00soma00]

اسأل الله العظيم رب العرش العظيم أن يشفيها

[شهد]

هيوستن

ام دي اندرسون

8 سنيين تاخذ اولى على العالم

انا تعالجت فيها ياخوي والله شفاني الف حمد وشكر لله

الله يشفيها

بس اخوي لو توديها عن طريق الدوله احسن تراها وايد غاليه

والله يسهل كل اموركم ويشفيها

[الـقـاسـي]

اول شيء نتمنى من الله انه يشفيها ويصبرها على مابتلاها ..

من ناحيه المستشفيات من واقع تجربه افضل المستشفيات في امريكا مثل ماقالوا الاخوان ..

حالات كثيره شفتها بنفسي راحوا المانيا وراحوا لندن وتايلند ماخلوا مكان ورب العالمين جعل الشفاء على ايدي أطباء أمريكا ..

في مستشفى إم دي اندرسون اللي في هيوستن ,, والثاني جونز هوبكنز واعرف اكثر من شخص حاليا يتعالجون في هالمستشفيات حاليا ..

وعلى فكره انا عمي قالوا له في قطر وفي تايلاند ان عندك ورم خبيث وهو حاليا في هيوستن وبعد الفحوصات وماخذوا عينه طلع مافيه شيء الحمد لله ..

قدم على اللجنه مره ومرتين واذا ماوافقوا احجز لها تذكره وروح انت وياها هناك ..
انا مادري كيف وضعك لكن تكاليف العلاج غاليه هناك بس ماعليك في اكثر من طريقه انك ماتدفع الا مبلغ بسيط جدا اهما ناس يتعاملون بالعاطفه وبالثقه حتى لو ماعندك فلوس تحسب بيجرجرونك بتترتب امورك ماعليك توكل على الله بس ..

[GCC]

اسأل المولى جلت قدرته أن يشفيها ويعافيها ، وجميع مرضى المسلمين والمسلمات

اللهم آمين

[Dana’1]

الله يشفيها يارب آمين
الاخوان ما قصرو معك .. اعرف وحدة سعودية كان فيها سرطان والحمدلله تعالجت بالسعودية بالعلاج الاشعاعي وتشافت الحمدلله
بس العلاج الاشعاعي اظن ينفع للي سرطانهم باحد الاعضاد اما اذا الدم لا والله اعلم والله يشفي ام آميم يارب العالمين

[Locale]

حماي تعالج في هيوستن امريكا
مستشفى ام دي اندرسون
من احسن المستشفيات للسرطان

[بوخالد88]

الله يشافي الوالدة ويخليها لكم يارب وجميع مرضى المسلمين إن شاء الله

نفس ماتفضلوا معضم الأعضاء مركز m.d anderson cancer center

من افضل مراكز السرطان في العالم وموجود في امريكا ، هيوستن

واذا حابه اى رقم سواء للقنصلية القطرية في هيوستن او المكتب الطبي او مكتب المرضي

الدولين في المركز كل الارقام متوفره إن شاء الله .

للعلم الدولة موفرة مواصلات من السكن الى المستشفي

والله يسر ويسهل لكم إن شاء الله

بالتوووووووووفيق

[الجوهره 2012]

بدون اي منازع


ولاية تكساس
(هيوستن)

ياما ناس راحت تايلند و المانيا و لندن وارجعوا لامريكا


أسأل الله العظيم ان يشفيها ويفرح قلوبكم بشوفتها وهي بكامل صحتها يارب


انا موجوده في امريكا اذا حاب تعرف اي شي ان شاءالله بخلي اتصالك بالسفاره مباشر

[shadad]

جزاكم الله خير على الردود الطيبه. وجعلها لكم يا رب في ميزان اعمالكم وحفظ لكم الوالدين .. انا قاعد اسوي بحث عن هاي المستشفيات وان شاء الله خير .

[حقيقه]

الله يشفيها

[كازانوفا]

لا حول ولاقوة الا بالله

اخر شي سمعته ان الليمون هو اقوى علااج لهذا المرض عافانا الله واياكم
ولما عرفت الشركات المصنعه لادوية هذا المرض صارو ينزلو من قيمته عشان ما يخسروو ادويتهم
لذلك انصحك وعن تجارب شخصيه الليمون ووبذرة الكتان في مقاومه قويه لهذا المرض

ربي يكتبها الاجر بكل ما تعانيه ويصبركم ان شالله ويشفيهااا

[الزجاجي]

http://health.usnews.com/best-hospitals/rankings/cancer

هذا جوابي
الله يشافي كل مريض ابتلا بهاذا المرض