بعد الانتهاء من اعمال البناء ترشيحكم لافضل شركه تنظيف

[كبير المتداولين]

الحمد لله تم الانتهاء من اعمال البناء ودوخه الراس ابي ترشيحكم لافضل شركه تنظيف ابي شركه ينظفون كل داعوس في البيت من بلاكات درايش مطابخ اجلكم الله حمامات حوش بقايا صبغ اسمنت طوف وغيرها وجزاكم الله خير

[توفني ساجدا]

بكره تجيك جريدة الوسيط لين البيت،، طرش لهم مسجات على الجوال حق 3 او 5 شركات تنظيف اعطيهم المساحه والموقع و (المطلوب) واكتب لهم ان البيت تم الانتهاء من بناءه من فترة كذا ،، واطلب منهم ارسال السعر لك على الجوال و سوف يتم الرد خلال 48 ساعه عليكم..
بتجيك عروض الاسعار وعقب افضل سعر او الي تشوفه معقول اسأل عن شغله او اتصله و اسأله وين اخر فيلا نظفها ومن أي فتره و هل في مجال اتكلم المالك للفيلا...
اتمنى قدرت افيدك..

[Chambray]

الناس تمدح تنظيفات المناعي . لكن والله مادري عن شغلهم . والله يوفقك في شركة ماتخرب تعب كل هالتشطيب .. خصوصاً ان في منهم يرشون مواد كيماويه ويخربون السانستيل وبعض الامور الي ماتتصلح ..

[khaldoon]

الناس تمدح تنظيفات المناعي . لكن والله مادري عن شغلهم . والله يوفقك في شركة ماتخرب تعب كل هالتشطيب .. خصوصاً ان في منهم يرشون مواد كيماويه ويخربون السانستيل وبعض الامور الي ماتتصلح ..

فعلا ملاحظة ذكية جدا احييك عليها يا مشرفنا العزيز

المواد الكيماوية بتخرب بعض التشطيبات و هي جديدة مثل ال sealant & grout بين بلاطات السيراميك

بعض العمال بيجي يكحت الصبغ و الجلو بمسطرين حديد و يجرح التشطيبات و يخدشها بشكل دائم ...يعني بدل ما يكحلها عماها

اقولك شي...صور كل التفاصل قبل انك تجيبهم بصور عليها تواريخ و بلغهم انك سويت هالشي للمسؤولين عن التنظيف علشان يكونوا اكثر حرصا و لو صار اي تخريب بعد التنظيف راويهم الفرق بين قبل التنظيف و بعد التنظيف

و راقب شغلهم خلال التنظيف علشان هم بالنهاية عمال و لهم اخطاء و المراقب عليهم ممكن غير متواجد على طول

يعني ممكن مثلا يحطون مواد التنظيف فوق بعض التشطيبات من بلاط و خزائن و يخربونها في سبيل تنظيف تشطيبات اخرى

ترى هالاغلاط هذه تصدر من كل شركات التنظيف مثل ما شفت قبل سواء كان اللي معينهم قطر فاونديشن و الا شركات كبيرة جدا و الا الافراد

بالتوفيق

[كبير المتداولين]

يعطيكم العافيه ماقصرتو انا بتم فوق راسهم لوشمخ واحد يعورني قلبي مب اخسن لهم بس شنهي الشركات الي تعرفونها ولها اسم في السوق