استفسار : شتاء لندن واماكن سياحيه جديده

[كايد الوكره]

السلام عليكم ورحمه الله وبركاته

بإذن الله بعد اسبوعين متجه لــ مدينه الضباب وهذه المره سفره عائليه زوجتي - بنتي الصغيره
محتار بين فندقين ( ثسشتل ماربل آرش او كمبرلاند )
ماربل ارش سكنت فيه 3 مرات , موقع ممتاز - خدمه ممتاز - بس يعيبه غرفه قديمه وشوي صغيره

( كمبرلاند ) ولا مره سكنت فيه , كيف الغرفه هل اكبر من ماربل آرش ؟

.
.

شنو افضل الاماكن السياحيه ؟ وقريبه من لندن ؟
غير بستر فيلج - المجمعات - مدام توسو - لندن اي

انتظر ردكم !!!

[قطري فلته]

يا هل الوكره نصيحه اخوك اترك عنك كمبرلاند ترا الغرف الله بلخير اتقول سرداب
ثيثتل ابرك لك مليون مره ترا بين شارع لعلمك

روح شيرشل ابرك لك صج اغلا اشوي بس موب وايد والله اهم شي راحتي يا كايد

ولا قرونفر هاوس بعد راقي وقوله ديلكس بس وتدعيني

ماقصرت درت لندن روح برايتن

روح باث عاد ساعتين ونص بلقطار

ترا حلاتها لندن تطلع برا

[كايد الوكره]

شكراً على المرور

اخبر مكان كمبرلاند , لكن ماسكنت فيه والكل يمدحه من اقاربي
انا سكنت في ماربل آرش ومرتاح له واعتقد راح اسكن فيه

باث ؟!!!

[qatar6]

فندق كمبرلاند فيه غرف كثيرة جدا وباحجام مختلفة
الشي الثاني انا هذه السنه ولاول مرة اشوف تغير الحرس شي ممتع اول مرة تشوفه
ومب بعيد كثير
احنا رحنا مشي علما انه منا ساكنين في الماريوت كروفنر
برايتون على البحر وفيها مدينه ملاهي لاباس فيها بس اعتقد انها باردة بحكم انها بحريه
وعندك القريه الاولمبية فيها اكبر مول في اوروبا وست فيد توى فاتح فالصيف بعد المول الاول في منطقة شبربش
عندك منطقة كوفنت قاردن واللي فيها ابل ستور
وممكن تاخذون لكم البطاطا وتضيفون لها الاضافات المعروضة جدامكم و اللي راح تشوفونها في اكشاك هناك
ومنطقة ليستر سكوير وفيها اكبر محلات m&m وهوايضا توى فاتح

*

[كايد الوكره]

باقي عل السفر اسبوع
وتم الحجز في ماربل آرش
.
.

بالنسبه اللي متواجدين في لندن حالياً
هل فيه مهرجانات ؟

كم المده بالقطار لـ مانشستر ؟

[عذبة الأطباع]

دش موقع المسافرون العرب فيه كل استفساراتك
فيه تقارير في قسم لندن

سلم لي على لندن شارع شارع

[آنا غيــر]

كايد الوكره ادري تبي تعرف الاماكن السياحيه بس انا داشه اكتب لك عن الاكل هههههههههه

بقول لك عن كم مكان ويمكن تعرفهم بعد.

روح مطعم اسمه اوبرا ... هو مطعم وبعد فيه كرك وقهوه وجذي يعني .. في شارع النايتس بريدج ... عنده احلى برياني ذقته فحياتي ... انا لو سافرت ابتعد كل البعد عن الاكل الهندي واللبناني والايراني احب اجرب مطاعم غير ... بس برياني الاوبرا مايتفوووت ... اطلب وياه سلطة روب عالجنب :)

الكرك عنده وايد حلوو بعد

ومطعم مغربي اسمه momo في ريجينت ... اذا تبي رقمه بعطيك اياه هاي لازم لازم حجز
هالمطعم خطيررررررررر والاغاني اللي فيه مغربيه وحاله حده عجيب

ومطعم اسمه ذي كولكشن لما تدشه صج حلو وغريب

و قران كافيه مجابل هارودز بس مب مجابله من الشارع الرئيسي .. مجابله من الجمب اليسار ... وايد حلو الاومليت عندهم خطير وحتى ال chicken skewers

و m & m's world في بيكاديلي

ومطعم سنيور ساسي مطعم ايطالي حلو عندهم اللوبستر سباقيتي عجيبه ... مكانه هممم احذا بيربري اللي تقريبا مجابل هارودز

مكتبة دار الساقي جانك تحب الكتب

هممممم وبس يعني الباقي معروف ... يمكن اكون كاتبة لك اشيا تعرفها شكلك مب اول مره تروح لندن بس يالله زيادة الخير خيرين : )

ومن لندن لين مانشستر بالقطار ساعتين بالضبط ... من محطة يوستن لندن لين محطة بيكاديلي مانشستر ... مانشستر تجنن لاتطوفها ولازم تروحون ترافورد سنتر هاي بروحه يبي له اكثر من يوم ... انصحك تاخذ قطار فيرجن اذا بتروح مانشستر لان المحطات اللي يمر عليها اقل

[كايد الوكره]

^
^

اصلاً انا ناوي اجرب مطاعم جديده
لاني تمللت من مطاعم إجوارود فقط مطعم فتوش الافضل عندي

كوفي دي آوبرا من افضل الكوفيهات والحمد الله للحين ماعرفوه ربعنا ولا كان زحمه
والشيء الحلو انه بعيد عن الاجواررود , انا جربت حلويات التركيه لذيذه بس مابعد تغديت فيه

شكلي بجرب المطعم الايطالي

فيه مطعم ايطالي في الباكاديلي اعقد خلف البربري المطعم من داخل صور اللاعبين المشهورين

[آنا غيــر]

كايد ابشرك ترى ربعنا اكتشفوه وصار متروس منهم فلاتروحه فليل ايام الويك ايند خاصه

روحه في يوم من ايام الاسبوع والعصر او الظهر وبتلقاه فااااضي وبتخمس فالبرياني العجيب على راحتك بس لاتطوفه ؛)

ومطعم مومو بعد اجواءه ونيييسه من قلب