فيزا بريطانيا

[يحفظك ربي]

السلام عليكم
حبيت استفسر كم تاخذ من الوقت فيزا بريطانيا لين تجهز
علما ان تم التعبئة اون لاين و أخذ موعد أونلاين تاريخ7 فبراير والسفر 17 فبراير ف هل في وقت :(

و شنو المتطلبات؟
غير الجواز
تأكيد الحجز
صورة خلفيتها بيضة
المبلغ للفيزا
الموعد مطبوع
الإبليكيشن مطبوع

اذا في شي ياليت تخبروني ومشكوووورين

[R.S.C]

أقل شي 7 أيام حسب علمي لأني قدمت من فترة وطولت الفيزا

[غايه الطواش]

ماتاخذ اكثرلا من 3 ايام ...
والمبلغ لازم يكون كاش اختي

[وطن]

ما تطول ان شاء الله

يومين بالكثير
على حسب الضغط

[doha2012]

بالتوفيق ان شاء الله


بامكانك تقديم الموعد .. احجز مره ثانيه وبتلاقي مواعيد واوقات فاضيه كثيره

وخل السفريات تطبعها لك احسن .. فيه سفريات المناعي تحت عمارة الشريف على طول

بس تعال لهم من وقت قبل الموعد ومعاك رقم الطلب اللي حجزته او هم بيسوونها لك


او سفريات المتحده بيسحبون لك الموعد وبيطبعون الابلوكيشن وبيعبون بياناتك

وصورة من الجواز مو ضروري بس صوره وجه وحده خلفيتها بيضاء ومبلغ الفيزا كاش


والله الموفق

[عربسات]

امورك في السليم ومش لازم تأكيد الحجوزات

والاكيد اقل من 10 ايام التسليم

[يحفظك ربي]

تسلمون. يعطيكم العافية على الإفادة
اخوي doha2012 هذا اقرب موعد لقيته من الموقع
وانا أوردي عبيت الإبليكيشن يعني ما احتاج لسفريات :)
تسلم ويعطيك العافيه وماقصرتوا كلكم
انا كنت ابعرف هل تتاخر لان اذكر من 5 سنوات لما سويتها ف يومين اجهزت وكانت الإجراءات اسهل بس فيزتي انتهت من شهرين ويقولون الحين ان صار اصعب من اول وتتأخر لما تجهز ف حبيت أتأكد

وشكراااا جمييعاً :D