وش سالفة ام ركبة سودة !!؟؟وبو صروال وفانيلة!!؟؟

[لاجل QT]

انتشرت في الاونة الاخيرة في البرود كاست مصطلحات اقل مايقال عنها انها سوقية رخيصة ومبتذلة وتخلو من الذوق العام

مثل ام ركبة سودةوصف لساق البنت الخليجية

او بو صروال وفانيلة ويقصد بها الرجل الخليجي

كانوع من الاستهزاء والتقليل منهما

كيف تصف عورة البنت الخليجية وهي ساقها ووصفها بالسوداء لهذي الدرجة وصلنا للتنابز بالعورات ..وكيف عرفتو انها سودة؟؟؟؟

وحتى الملابس الداخلية للرجل الخليجي بعد مااسلمت من الاستهزاء كانة يطلع للشارع بالملابس الداخلية ....اشتبونة يلبس تحت الثوب انشالله؟؟

اتمنى يوقف البرود كاست الرخيص هذا

وعيب واكبر عيب على اللى يساعد في انتشارة حتى لو كان من باب المداعبة...ماتوصل لوصف العورات بهالطريقة المقززة والمهينة



لان يعتبر من التنابز بالالقاب ..غير الوصف المشين لجسد البنت الخليجية

عـــــيب اتقو الله فيما تنقلونة

[ريتويت]

الحمدلله رافعه شعار لا للبلاك بيري

[لاجل QT]

الحمدلله رافعه شعار لا للبلاك بيري

الهدف من البلاك بري هو التواصل البناء ومعرفة اخر الاخبار وليس نقل مايسئ والتفاخر بة

بالنسبة لي مو كل مايوصلي اطرشة برود كاست بالذات السخافات والاشياء اللتى لاتروق لي

مشكورة سكر نبات على مرورج الطيب

[رآعي موآجيب]

شوية اطفال على شوية سفهاء يحاولون يستظرفون انفسهم بهالعبارات اللي تمثل تربيتهم

نوعين من هؤلاء اعطيهم ديليت على طووووول

هذا نوع والنوع الثاني اللي يحط رابط يتصل بالشرطه

حتى ما اتعب نفسي بالأخذ والعطى معه

حذف جهة الأتصال على طوووووول :)

[Right]

سوالف البلاك بيري السخيفة



إذا للسخافة أم ... فهو البلاك بيري :nice:

[لاجل QT]

شوية اطفال على شوية سفهاء يحاولون يستظرفون انفسهم بهالعبارات اللي تمثل تربيتهم

نوعين من هؤلاء اعطيهم ديليت على طووووول

هذا نوع والنوع الثاني اللي يحط رابط يتصل بالشرطه

حتى ما اتعب نفسي بالأخذ والعطى معه

حذف جهة الأتصال على طوووووول :)

اف هذي جديدة بعد رابط الشرطة ..فعلا سخافة..ولين جاتك هالسخافة من شخص كبير مأساة بصراحة..

السؤال شنهو الهدف من هالسخافات اللتى اصبحت لاتطاق ووصلت للوصف العورات..بطريقة مغززة

شاكرة لك مرورك اخوي راعي مواجيب

[بوعلي2]

صدقتي لاجل قطر

ناس مادري بصراحه شلون تفكر


ان كانت ركببتها سوده فمن السجود وفخر لها

ولكن عيب يوصفونها بهالوصف او يتكلمون عن جسمها عيب

الله المستعان وشكرا على الموضوع المهم وياليت يستفيدون منه اخونا

[لاجل QT]

سوالف البلاك بيري السخيفة



إذا للسخافة أم ... فهو البلاك بيري :nice:





مااختلف معك ان في مواضيع سخيفة وسطحية...بس ان توصل لوصف ساق البنت الخليجية بالهوصف الحقير والتشهير والتاكيد من هذا الشي..طيب لية..اعتقد الموضوع وصل اخرة:(

قالو البنت الخليجية مهب حلوة مشيناها..بس توصل لوصف الركبة اعتقد في الكثير من قلة الادب

شاكرة لك مشاركتك الطيبة اخي سنيدر

[ريتويت]

شوية اطفال على شوية سفهاء يحاولون يستظرفون انفسهم بهالعبارات اللي تمثل تربيتهم

نوعين من هؤلاء اعطيهم ديليت على طووووول

هذا نوع والنوع الثاني اللي يحط رابط يتصل بالشرطه

حتى ما اتعب نفسي بالأخذ والعطى معه

حذف جهة الأتصال على طوووووول :)

شنو معناته؟؟

[رآعي موآجيب]

اف هذي جديدة بعد رابط الشرطة ..فعلا سخافة..ولين جاتك هالسخافة من شخص كبير مأساة بصراحة..


لا والله مب جديده ، لكنها حركه ماصخه ولا يسويها إلا ماصخ واللي يعيد ارسالها بالبرودكاست امصخ وامصخ

كبير وإلا صغير ، اللي مايحشم عمره غير مرغوب به ، ديليت على اذنه وخله يرسل لعمره ويستقبل من نفسه ويضحك على سذاجته




السؤال شنهو الهدف من هالسخافات اللتى اصبحت لاتطاق ووصلت للوصف العورات..بطريقة مغززة

شاكرة لك مرورك اخوي راعي مواجيب


قلت لش يحاول يستظرف عمره ويكون النكتي صاحب الظل الخفيف

العفو طال عمرش ,,,

[رآعي موآجيب]

شنو معناته؟؟

وشهو اللي شنو معناته !!؟

[خليفـة]

متابع

[لاجل QT]

صدقتي لاجل قطر

ناس مادري بصراحه شلون تفكر


ان كانت ركببتها سوده فمن السجود وفخر لها

ولكن عيب يوصفونها بهالوصف او يتكلمون عن جسمها عيب

الله المستعان وشكرا على الموضوع المهم وياليت يستفيدون منه اخونا

حتى لو ماكان السواد من السجود بعد ماينوصف جسد المرءاة حرام مايجوز...
يعنى ظرافة ان الشخص يشهر ببننت بلادك في جسدها..وين الغيرة ..

غير انتشرت صور شاب كاتب على فانيلتة هالعبارة ..وين الرجولة بس

اشعليكم ركبتها سودة بنفسجية الله يستر عليها

شاكرة لك مرورك الخنين اخوي بوعلى

[ريتويت]

وشهو اللي شنو معناته !!؟


لنك الشرطه.. شلون يعني؟؟

[فيزيائية]

اعتقد ان الساخرون والساخرات هم اناس
ماعرفوا يفشّون خلقهم في الجنس الاخر
الا بهالاوصاف ....

خذ وخل

[رآعي موآجيب]

لنك الشرطه.. شلون يعني؟؟


هذا الله يسلمش رابط يوحي من شكله انه عادي وبيكون رابط لأي مقطع صوتي او فيديو

لكن هالرابط مخصص للأتصال على 999 بالتحديد

كنت اسولف مع الربع في المجلس واتعبث في الجهاز ، فتحت رابط من البرودكاست عادي نفس كل مره ، بعد حوالي دقيقه تذكرت الرابط اللي ما اشتغل اصلا لأني ماسمعت اي صوت

ويوم ناظرت جهازي لقيت مكالمه شغاله

الو !! ، نعم ياخي معك الشرطه عسى ماشر !!!

قلت له مابه شر ، الظاهر بالغلط ، قال لا مب بالغلط وتأكدوا من الروابط قبل لا تفتحونها

اول شي احراج ، ثاني شي سمع كلامنا كله ، ثالث شي ديليت للي طرش الرابط وارسال برودكاست فيه تحذير لأخطار اشغال العمليات بهالتفاهات وفي الآخير اللي بيرسل نفس هالرابط بحذفه ، ولو فتحته بالغلط وتمت مسائلتي بقول هذا فلان الفلاني ، وإذا ماعرفه بعطيهم بن كوده

هذا امر مزعج بالفعل واذكر ان الوزاره نوهت عن هالشي من خلال المسجات

[لاجل QT]

متابع

ياريت نسمع رايك خليفة في هالموضوع ..رايك ممكن يثري الموضوع:)

هل نعتبرة مجرد عبط ونسكت..ام نصدى لهذي النوعية من البرود كاست عن طريق النصائح وعدم نشرها..لانها تهين البنت والرجل الخليجي بكلام غير لائق في حقهما

[لاجل QT]

اعتقد ان الساخرون والساخرات هم اناس
ماعرفوا يفشّون خلقهم في الجنس الاخر
الا بهالاوصاف ....

خذ وخل

هههه يعنى كذا رايج انهم شخصيات مريضة:nice:

ياخوفي يمتد المرض الى اكثر من الركبة:rolleyes2:

[لاجل QT]

هذا الله يسلمش رابط يوحي من شكله انه عادي وبيكون رابط لأي مقطع صوتي او فيديو

لكن هالرابط مخصص للأتصال على 999 بالتحديد

كنت اسولف مع الربع في المجلس واتعبث في الجهاز ، فتحت رابط من البرودكاست عادي نفس كل مره ، بعد حوالي دقيقه تذكرت الرابط اللي ما اشتغل اصلا لأني ماسمعت اي صوت

ويوم ناظرت جهازي لقيت مكالمه شغاله

الو !! ، نعم ياخي معك الشرطه عسى ماشر !!!

قلت له مابه شر ، الظاهر بالغلط ، قال لا مب بالغلط وتأكدوا من الروابط قبل لا تفتحونها

اول شي احراج ، ثاني شي سمع كلامنا كله ، ثالث شي ديليت للي طرش الرابط وارسال برودكاست فيه تحذير لأخطار اشغال العمليات بهالتفاهات وفي الآخير اللي بيرسل نفس هالرابط بحذفه ، ولو فتحته بالغلط وتمت مسائلتي بقول هذا فلان الفلاني ، وإذا ماعرفه بعطيهم بن كوده

هذا امر مزعج بالفعل واذكر ان الوزاره نوهت عن هالشي من خلال المسجات


سخيف راعى هالمقلب وزين حذفتة..كان عطيت اسمة للشرطة خلهم يسجنونة على اساس ان ازعاج سلطات

الله يكفيك ويكفينا شر العقول الصغيرة:(

[sara jsm]

اشتبونة يلبس تحت الثوب انشالله؟؟


يلبس فانيله ووزار :p



ان كانت ركببتها سوده فمن السجود وفخر لها


يالله خـــذ :o
هالسالفة يرقعون فيها هاللقب للاسف ,,

:

عزيزتي لاجل ,, هالمصطلحات تطلع من اخوانا السعوديين ,,
وماشاءالله اللي حولنا تقليد اعمى وعلى طوول ياخذون الحجي ,,
يحبون يقللون من قيمه بعضهم ,, اكثر شعب يحب الاطنازه هو الشعب العربي للاسف ,, :)

[خليفـة]

ياريت نسمع رايك خليفة في هالموضوع ..رايك ممكن يثري الموضوع:)

هل نعتبرة مجرد عبط ونسكت..ام نصدى لهذي النوعية من البرود كاست عن طريق النصائح وعدم نشرها..لانها تهين البنت والرجل الخليجي بكلام غير لائق في حقهما


بسم الله الرحمن الرحيم

انا اشوفها مجرد عبط .. ويُستحب ان يتخلى عن هذا النوع من العبط الجميع
يعني ماله داعي الواحد يستقبل مثل هالسوالف ويرد يرسلها
ولكن لو أرسلها مرة ثانية .. ممكن يكون أرسلها من واقع النكته الي في البرودكاست

على سبيل المثال لا الحصر : اليوم جاني برود كاست فيه سالفة ام ركب سودا .. وكان فحوى البرودكاست عاجبني ورديت ارسلته للسته الي عندي .. كان البرود كاست يقول :

أخذها زوجها الى محل الهدايا
وقال لها : اختاري هدية لأمي
فاختارت أرخص هدية في المحل
فأخذ الزوج الهدية .. وغلفها
وقدمها لزوجته قائلاً :
لقد كنت أريد ان اثبت لك كم انتي غالية علي
نعم .. انها أم ركبه سودا الحسودة
ههههههههههههه

المعذرة .. ولكنها تستاهل الي جاها
:nice:
ههههههههه

خليفــة

[فيزيائية]

هههه يعنى كذا رايج انهم شخصيات مريضة:nice:

ياخوفي يمتد المرض الى اكثر من الركبة:rolleyes2:

لا مش مريضة ....
مظلومة يمكن وماعرفت تاخذ حقها :)

[ريتويت]

هذا الله يسلمش رابط يوحي من شكله انه عادي وبيكون رابط لأي مقطع صوتي او فيديو

لكن هالرابط مخصص للأتصال على 999 بالتحديد

كنت اسولف مع الربع في المجلس واتعبث في الجهاز ، فتحت رابط من البرودكاست عادي نفس كل مره ، بعد حوالي دقيقه تذكرت الرابط اللي ما اشتغل اصلا لأني ماسمعت اي صوت

ويوم ناظرت جهازي لقيت مكالمه شغاله

الو !! ، نعم ياخي معك الشرطه عسى ماشر !!!

قلت له مابه شر ، الظاهر بالغلط ، قال لا مب بالغلط وتأكدوا من الروابط قبل لا تفتحونها

اول شي احراج ، ثاني شي سمع كلامنا كله ، ثالث شي ديليت للي طرش الرابط وارسال برودكاست فيه تحذير لأخطار اشغال العمليات بهالتفاهات وفي الآخير اللي بيرسل نفس هالرابط بحذفه ، ولو فتحته بالغلط وتمت مسائلتي بقول هذا فلان الفلاني ، وإذا ماعرفه بعطيهم بن كوده

هذا امر مزعج بالفعل واذكر ان الوزاره نوهت عن هالشي من خلال المسجات


الله يهديهم..

[دااانة قطر]

هي وقفت على الوصفين اللي فوق
انا مدري هالنااس شلون تفكر
وصلت فيهم حتى في الصور الله يهديهم
لاحريم يحشمون نفسهم لا خواات لا أمهاات لا بنااات
كل وحده تحط صور غير شكل ونكاات عجيبه

والمشكله مبقيين عينهم في هالجهااز
وهالأصاابع اللي تطقطق طول الوقت

الله المستعااان

[لاجل QT]

يلبس فانيله ووزار :p



يالله خـــذ :o
هالسالفة يرقعون فيها هاللقب للاسف ,,

:

عزيزتي لاجل ,, هالمصطلحات تطلع من اخوانا السعوديين ,,
وماشاءالله اللي حولنا تقليد اعمى وعلى طوول ياخذون الحجي ,,
يحبون يقللون من قيمه بعضهم ,, اكثر شعب يحب الاطنازه هو الشعب العربي للاسف ,, :)

حسسونى لين قالو بو صروال وفانيلة كان الشاب القطري شكلة طرار ويفشل

ماكانة راعي الثوب والكشخة والرزة

والبنت الخليجية ركبتها سودة طيب مو هذي اختك وامك وزوجتك وعورتك كيف تتكلم عن جسدها بالهطريقة المهينة..احنا مانبي لاذم ولاتوصف كل هذا اولا حرام وعيب

والله يهدي شعوب الخليج:rolleyes2:

[رآعي موآجيب]

الله يهديهم..

اللهم آمين :)





حسسونى لين قالو بو صروال وفانيلة كان الشاب القطري شكلة طرار ويفشل

ماكانة راعي الثوب والكشخة والرزة


سبحاااااان الله :eek5:

لاجل QT تمدحنا !!!!

ابرك موضوع بلاك بيري خلانا نشوف الجانب الإيجابي آخيراً:ok:

[لاجل QT]

بسم الله الرحمن الرحيم

انا اشوفها مجرد عبط .. ويُستحب ان يتخلى عن هذا النوع من العبط الجميع
يعني ماله داعي الواحد يستقبل مثل هالسوالف ويرد يرسلها
ولكن لو أرسلها مرة ثانية .. ممكن يكون أرسلها من واقع النكته الي في البرودكاست

على سبيل المثال لا الحصر : اليوم جاني برود كاست فيه سالفة ام ركب سودا .. وكان فحوى البرودكاست عاجبني ورديت ارسلته للسته الي عندي .. كان البرود كاست يقول :

أخذها زوجها الى محل الهدايا
وقال لها : اختاري هدية لأمي
فاختارت أرخص هدية في المحل
فأخذ الزوج الهدية .. وغلفها
وقدمها لزوجته قائلاً :
لقد كنت أريد ان اثبت لك كم انتي غالية علي
نعم .. انها أم ركبه سودا الحسودة
ههههههههههههه

المعذرة .. ولكنها تستاهل الي جاها
:nice:
ههههههههه

خليفــة

نكتة:(

وهل الاستهزاء والتنابز بالالقاب على خلق الله ووصف للعورات يعتبر من العبط والضحك والغشمرة..الله قال ولاتنابزو بالالقاب بس الاسم الفسوق بعد الايمان..هذا العبط في تجريح والله مايرضى بذالك

وهالنوعية من العبط لو استمرت راح توصل لا اكثر من ذم الركبة السوداء

بالنسبة للنكتة كان ممكن يختمها بي من حفر حفرة لاخية وقع فيها مثلا:)


اتمنى تتراجع عن رايك اخى خليفة في انها نوع من انوع العبط لااكثر على حد قولك:)

[penguin]

بكتب لكم جم برودكاست من اللي واصليني

سحقاً لبنات هالجيل : يكرهون بو سروال وفانيله وكل وحده حاطه صورة واحد مدشدش ومغتر يعني اللي تحت الدشداشه بكيني مثلاً

دخل بوسروال وفانيله ممسكا بصينية الفطور فابتسمت ام ركبه سودا ولم تصدق و قالت جان خليتني انا اجيبلك الفطور فقال لها انطمي في عمال فالمطبخ

بوسروال وفانيله : حبيبتي انا ما احب اتكلم عن نفسي انتي
اكتشفيني خف علينا يالابار الجوفيه يالغز ياواجب الرياضيات
يابيضة كندر يامالت عليك


تعبت من الكتابه :rolleyes2:

[لاجل QT]

لا مش مريضة ....
مظلومة يمكن وماعرفت تاخذ حقها :)

في ايش مظلومة ؟؟ والبنت الخليجية فى نظرهم كوخة ومذمومة في كل شي ..!!حتى النعمة وهي الطعام الرسول علية افضل الصلاة والسلام وصانا عليها اذا ماعجبتك لاذمها..فاكيف بروح تعيش معاك

الله يعين من بدع هالبدعة عن البنت الخليجية على نفسة ويهدية

[لاجل QT]

هي وقفت على الوصفين اللي فوق
انا مدري هالنااس شلون تفكر
وصلت فيهم حتى في الصور الله يهديهم
لاحريم يحشمون نفسهم لا خواات لا أمهاات لا بنااات
كل وحده تحط صور غير شكل ونكاات عجيبه

والمشكله مبقيين عينهم في هالجهااز
وهالأصاابع اللي تطقطق طول الوقت

الله المستعااان

امين ويعينا عليهم:(

[لاجل QT]

اللهم آمين :)





سبحاااااان الله :eek5:

لاجل QT تمدحنا !!!!

ابرك موضوع بلاك بيري خلانا نشوف الجانب الإيجابي آخيراً:ok:

كلمة الحق تنقال اكثر شخص يهتم بهندامة الرجل الخليجي..غير انى اشوف الثوب والغترة والعقال اكشخ لبس في نظري فية رجولة ووقار

بس في امور ثانية لك علية:whistling:

ردت اقلبت:p

[خليفـة]

نكتة:(

وهل الاستهزاء والتنابز بالالقاب على خلق الله ووصف للعورات يعتبر من العبط والضحك والغشمرة..الله قال ولاتنابزو بالالقاب بس الاسم الفسوق بعد الايمان..هذا العبط في تجريح والله مايرضى بذالك

وهالنوعية من العبط لو استمرت راح توصل لا اكثر من ذم الركبة السوداء

بالنسبة للنكتة كان ممكن يختمها بي من حفر حفرة لاخية وقع فيها مثلا:)


اتمنى تتراجع عن رايك اخى خليفة في انها نوع من انوع العبط لااكثر على حد قولك:)

استغفر الله واتوب اليه

[لاجل QT]

بكتب لكم جم برودكاست من اللي واصليني

سحقاً لبنات هالجيل : يكرهون بو سروال وفانيله وكل وحده حاطه صورة واحد مدشدش ومغتر يعني اللي تحت الدشداشه بكيني مثلاً

دخل بوسروال وفانيله ممسكا بصينية الفطور فابتسمت ام ركبه سودا ولم تصدق و قالت جان خليتني انا اجيبلك الفطور فقال لها انطمي في عمال فالمطبخ

بوسروال وفانيله : حبيبتي انا ما احب اتكلم عن نفسي انتي
اكتشفيني خف علينا يالابار الجوفيه يالغز ياواجب الرياضيات
يابيضة كندر يامالت عليك


تعبت من الكتابه :rolleyes2:

مدري اضحك مدري ابجي:weeping:

لوعو جبدي بالصروال والفانيلة حسسونى كانة طرار او مينون:weeping:

اتمنى تستبدل الالقاب بالخليجي او الخليجية

[لاجل QT]

استغفر الله واتوب اليه

استغفر الله العظيم من كل ذنب عظيم

[Travel Q6r]

السالفه تالفه والعجوز مخالفه

[لاجل QT]

السالفه تالفه والعجوز مخالفه

خوش مثل:nice:

[اليحصبي]

شوية اطفال على شوية سفهاء يحاولون يستظرفون انفسهم بهالعبارات اللي تمثل تربيتهم

نوعين من هؤلاء اعطيهم ديليت على طووووول

هذا نوع والنوع الثاني اللي يحط رابط يتصل بالشرطه

حتى ما اتعب نفسي بالأخذ والعطى معه

حذف جهة الأتصال على طوووووول :)



صآرت لي نفس الحركه بس زين لحقت وسكرت قبل يردو عليّ :secret: لان محد ينتبه عباله رابط

سالفة ام ركبه وابو سروال هي نفس سالفه التماسيح والسحالي سابقاّ
بس بـ الاستايل الجديد
كل واحد يتطنز عالثاني لكن الاغلب كلام سخيف وماله داعي
:omen2::unsure:

والي عنده اعتراض يسوي بنق :strong3:

[abdo222]

مافيها شيء :)

[إنّ]

أبشرك أختي لأجل QT ..
موضوعك أثر في الجماعة إياهم :) .. آخر ما وصلني :

إلى عزيزتي الغالية البنت القطرية ..
نقدم لكم اعتذارنا على تقصيرنا معاكم .. نحب نقولك والله نعزك ونغليك وتبقين أغلى وأغلى وفوق البنات .. ولا حد يسوى جمالك ولا أخلاقك ولا طيب أصلك ..
ولا تصدقين اللي يوصلك عن حبنا ............... تراهم فئة بسيطة واختاروهم لرخصهم ..
يعني اللي ما يقدر على الألماس يلبس التقليد ويتزين به .. بس بعد فترة بسيطة يبين عيبه وبقين أنتي الألماسة ..

أخوك .. بو سروال وفنيلة .. ---------------

رد الفتيات القطريات :

عزيزي القطري ولد ديرتي ..
والله لا وليام ولا مهند يسوون خيط شماغك ..
أنت غالي وقمرهم كلهم ..
دينك وتوحيدك إلي بقلبك أهم عندي من رومانسيتك ..
وش ضيعنا إلا البحث عن الرومانسية المزعومة ..
القطري أبوي .. وأخوي .. وعمي وخالي ..
وكلهم تاج راسي ..
والغالي ما يحب إلا الغالي ..
وفي النهاية القطري مرده للقطرية ..
يا قاهرهم بسروالك وفنيلتك .. :nice:
الله لا يخلينا منك ..
أختك .. القطرية ..

شكلها الحلقة الأخيرة ..
خنقتني العبرة " :) ..


وسلامتك ..

[barod]

جهل على سخافه على تفاهه هذول هم الي يطرشون مثل هل روابط والبرودكستات والمفروض من كل واحد يعطيهم بلوك ودليت علشان يتادب

[هبوب الكوس]

بوصروال وفانيلة معروف

لكن ام ركبة سودة :rolleyes2:

هل يوجد علاج لام ركبة قصدي للتفكير السطحي :(

[الزعفراني]

مافيها شيء :)

أتفق معاك

[marsa]

عيل شيقولون اللي يستلمونهم بالاسم !!

[R 7 A L]

كلام فارغ وخرابيط

[هبوب الكوس]

كلام فارغ وخرابيط

رحال في حد يلبس صروال وفانيلة في امريكا

[R 7 A L]

رحال في حد يلبس صروال وفانيلة في امريكا

:omg:
لا طبعاً

[الأصيلة]

عيل شيقولون اللي يستلمونهم بالاسم !!

تقصد حامد شامي الله يذكره بالخير

[الإكسير]

هههههههههههههههههاي سالفة الركبة السودا ماله حل .....

[(الفيصل)]

وعيب واكبر عيب على اللى يساعد في انتشارة حتى لو كان من باب المداعبة...ماتوصل لوصف العورات بهالطريقة المقززة والمهينة
لان يعتبر من التنابز بالالقاب ..غير الوصف المشين لجسد البنت الخليجية
عـــــيب اتقو الله فيما تنقلونة




أنعيب على الناس والعيب فينا!!

:rolleyes2:

أتصور أنكم وقعتم بذات ماوقع فيه من تنتقدونهم!!

إذن لنتق الله فيما ننقل ونقول ونتلفظ حتى ولو كان من باب النصح والإرشاد

[marsa]

تقصد حامد شامي الله يذكره بالخير

كتبت اسمه ومسحته ... عشان ينسونه... الظاهر ما نسوه .. :eek5:

[إينشتاين]

Life was much easier when APPLE and BLACKBERRY were just FRUITS

[الـقـاسـي]

كل انسان يعبر عن نفسه عن فكره عن مستواه من خلال اللي يطرشه ..

عن نفسي ماتستهويني ولا قد فكرت اطرشها ..

[بوحارب]

للأسف الحوار العام صار مساحة لهذي السوالف التافهة !!!

يعني سخافة بلاكبيري احنا وش علينا منها!!

[elders]

Life was much easier when APPLE and BLACKBERRY were just FRUITS

:nice:

[elders]

اعتقد ان تداول هكذا امور سبب في نشرها ..يعني انا اول مرة اسمع فيها وغيري كثير ...
لما الغالبية يكونوا مستائين المفروض ما ينتشر هذا الكلام ..اللي ما بيعجبك على طول دليت ولا تبعتو او تحكي عنو ورح يوقف بأرضه ..

في امان الله

[السكين]

الدعابة ممكن نتقبلها مرة عابرة ..بس أنها تكون مصطلح هذا غلط ..

ذكرتني بأيام السحلية والتمساح كناية عن الشاب والفتاة .. نحن السحالي ونحن التماسيح ..إلخ

أذكر كانت منتديات محترمة تمنع تداول هالكلمتين ويحف أي موضوع فيها هالكلمة ..

وهالشي رجع لنا مع أم ركبة وبو صروال !!

بخصوص اللي يرسل لنكات الشرطة وأرقام الشباب ..ترى واضحة ويستحسن النظر للنك قبل لو كانت بدايتة http://tel وبعدها رقم الشرطة 999 او اي رقم تحب تسوي فيه المقلب .
وايضاً أرقام تحويل الرصيد اللي تبدأ بعد اللنك بنجمة وبعدها رقم الموبايل وبعدها المبلغ وعلامة المربع ..
انا واحد من الناس اخطأت كم مرة بالاتصال بالشرطة في البداية ..وكنت احذف اي شخص يسويها بعد ما ابهدله ..وهالتصرفات بالفعل قلة أدب واتوقع يصدر عنها يوم قانون يعاقب الشخص المتصل أويتعقب من يرسلها ..

[ابن البيطار]

يازين لبس الخليجي ابيض في ابيض غصب يبدل ثيابه كل يوم لان الوصاخه تبين فيها مب الي يلبس ملابس داخليه غامجه ماتعرف بوصاخته الا من ريحته وتلقاه مايغير ملابسه الا كل شهر مره .

[تغلبية]

للأسف الحوار العام صار مساحة لهذي السوالف التافهة !!!

يعني سخافة بلاكبيري احنا وش علينا منها!!

إي والله ,أنت صادق يابوحارب ..

تفاهات بلاك بيري .. تعبر عن ناقليها .. وللأسف تلقى رواج ..

وصف مقزز صراحة .. مايليق بالرجل المسلم ولا المرأة المسلمة ولاهو من شيمهم

[Dark_QTR]

هاي نوع من أنواع السخافه و العبط في مجتمع البلاكبيري الي بدت تنتشر
مجرد اطفال و ناس فاضيه تنشرها بقصد الضحك و المصخره
مافي داعي الواحد يحرق قلبه ولا أعصابه على هالموضوع و يفتح باب للنقاش لأني ما أشوف
مخاطر من وارها .. ولا شك الأن الأغلب ياخذها بمعيار فكاهي أكثر من معيار أخلاقي
الله يهدي الجميع

[السحابة]

قلة أدب يارب يمنعو البلاك بيبري في قطر والله نرتاح وبعدها الايفون يارب يارب:telephone:

[لاجل QT]

صآرت لي نفس الحركه بس زين لحقت وسكرت قبل يردو عليّ :secret: لان محد ينتبه عباله رابط

سالفة ام ركبه وابو سروال هي نفس سالفه التماسيح والسحالي سابقاّ
بس بـ الاستايل الجديد
كل واحد يتطنز عالثاني لكن الاغلب كلام سخيف وماله داعي
:omen2::unsure:

والي عنده اعتراض يسوي بنق :strong3:


ياحي السحلية مع انى مابلعتها على الاقل مافيها وصف لجسد الفتاة

والاستايل لوين بيوصل هذا اللى قصدتة ..اولا الوصف الحقير والاستهزاء مايجوز ..وثانيا التمادى في اوصاف الجسد لين وين بتوصل

وهذا بينغ ping!!!

[مهرة]

الحمدلله الذي عافانا مما ابتلئ به غيرنا ..

[شبح الصمت]

صج تم تداول مثل هالعبارات

وكانها استهزاء مباشر او كحرب بين طرفين

بس في الأول والأخير المحاسب الأنسان نفسه الي يطلع هالسوالف المصخره وينشرها

وفي منها المضحك ولكن في نفس الوقت الانسان تحز في خاطره مثل هالامور

سابقاً البنات والشباب قبل اختراع الكسارات على الركب أو قبل أي شيء كانوا الاطفال في الستينات والسبيعنات يحبون على ركبهم وكان ينتج عن ذلك السواد على الركبه

وهذا الشيء لا هو خطأ وإلا هو عيب :)

وعن المسجات المتداوله صراحه في مسج طالع طلعته الحين عن شاب بلبسه العسكري في دولة خليجية

وهالشاب ماشاء الله عليه مزيون وتم التقاط كم صوره له وحاليا المسج منتشر بين البنات الي انا اعتبرهم صراحه ( جليلات حياء ) لانهم ما يستحون :secret:

من التعليقات انه اهو مطرش لهم على التويتر مدري وين انه خواتي الي تحصل صورتي تمسحها وإلا ما راح احللها :secret:

وحده عاد تقوله عبودي اشدعوه مستخسر الصورة نكحل عيونا فيها :eek5:

والثانية اشدعوه عبودي اصير لك حراميه عشان تصيدني :eek5:

ووحده ثالثه اي مدرسه بتمسك فيها الترشيحات عشان اجي اشوفك :secret:

والثالثه .......... ( مصخرررررررررررره ) :secret:

اش رايكم اذا انتوا تنقدون على بوسروال وفانيله هذه يهون اما وحده يجيها البرودكاست نفس ذي وتنشره لرفيجتها وتحط تعليقاتها

ووآآي فديته :secret:

وووآآي يالبيه عيونه :secret:

يلا شتقولون لهم واتوقع وصل لناس ومر عليهم هالبرودكاست

والرجال مسكين قايل لهم اتمنى تمسحون ( صورتي )

مصخره

وعقبها بشوي جاء رد وحده لابسه ملابس عسكريه بنت وطبعا ما يحتاج اوصف

وحاطين الشباب

نصير لج حراميه

نصير لج مهربين مخدرات ..

!!!

وين الخطأ الي يوصله وينشر هالبرودكاست وإلا الي يشوفه ويطنش له !!

ويعطيج الف عافيه يا أختي لأجل

[دااانة قطر]

الله المستعاان

[ريان]

الموضوع كله مزح لا اكثر ولا اقل

ولافيه تنابز ولا غيره .

وممكن نعتبره نصح وارشاد للاهتمام بالمظهر :)

[ولد شرق]

هذا قمة قلة الأدب والمرض النفسي وانفصام الشخصية لأن اللي كاتب هالكلام نسى انه ينطبق عليه بالضبط او ينطبق عليها بالضبط ولا هو مايلبس صروال و فانيله يعني

اما اذا اللي امطلع هالمسج غير قطري فطبعا لا تعليق لأن القافله تيسر ... الخ

[AL-MAYSTRO]

هاي سوالف سخافه

اللي يبي السخافه يضيف سخيفيين

[بنت حواء]

وعن المسجات المتداوله صراحه في مسج طالع طلعته الحين عن شاب بلبسه العسكري في دولة خليجية

وهالشاب ماشاء الله عليه مزيون وتم التقاط كم صوره له وحاليا المسج منتشر بين البنات الي انا اعتبرهم صراحه ( جليلات حياء ) لانهم ما يستحون :secret:

من التعليقات انه اهو مطرش لهم على التويتر مدري وين انه خواتي الي تحصل صورتي تمسحها وإلا ما راح احللها :secret:

وحده عاد تقوله عبودي اشدعوه مستخسر الصورة نكحل عيونا فيها :eek5:

والثانية اشدعوه عبودي اصير لك حراميه عشان تصيدني :eek5:

ووحده ثالثه اي مدرسه بتمسك فيها الترشيحات عشان اجي اشوفك :secret:

والثالثه .......... ( مصخرررررررررررره ) :secret:

اش رايكم اذا انتوا تنقدون على بوسروال وفانيله هذه يهون اما وحده يجيها البرودكاست نفس ذي وتنشره لرفيجتها وتحط تعليقاتها

ووآآي فديته :secret:

وووآآي يالبيه عيونه :secret:

يلا شتقولون لهم واتوقع وصل لناس ومر عليهم هالبرودكاست

والرجال مسكين قايل لهم اتمنى تمسحون ( صورتي )

مصخره

وعقبها بشوي جاء رد وحده لابسه ملابس عسكريه بنت وطبعا ما يحتاج اوصف

وحاطين الشباب

نصير لج حراميه

نصير لج مهربين مخدرات ..

!!!

وين الخطأ الي يوصله وينشر هالبرودكاست وإلا الي يشوفه ويطنش له !!

ويعطيج الف عافيه يا أختي لأجل

ياربييه :eek5:

يارب تحفظ بناتنا وتكسيهم بكساء الحياء والتقوى...

الحمدلله اللي عافانا مما ابتلاهم به

[دااانة قطر]

هاي سوالف سخافه
اللي يبي السخافه يضيف سخيفيين



الحمدلله مرتااحه ومريحه عمري
ماارسل الا الأدعيه ومسجاات الصبااح والمسااا ومعلوماات عااامه

[فيصـــل]

صدقتي اختي انتشرت بشكل كبير .. ناس للاسف تافهه وماعندها سالفه

خاصه عن موضوع ام ركبة سودا

للاسف وصلنا لهالدرجة من التنابز

الله المستعان

[تعليقي]

مع كل احترامي للي نزل الموضوع

ما زاد الطين إلا بله

لأن هذا المنتدى محترم ولا يقبل مثل هذه التفاهات

وصاحب الموضوع سوق لهذا الطرح بدل نقده لأن النقد يكون في الوقت والمكان الصحيح

وفق في الوقت ولم يوفق في المكان

لأن المكان في نفس المصدر

وكوني وشريحة قد لا تكون كبيرة لانستخدم هذا الجهاز لسطحية المجتمع واستخدامهم المغلوط له

لكي لااسمع مثل هذه السخافات

ارجوا تقبل كلامي بصدر رحب