المساعد الشخصي الرقمي

مشاهدة النسخة كاملة : موظفين البنوك ممكن اجابه


Mo7mmad
04-02-2012, 07:35 PM
احد الاصدقاء كان عنده شيك راجع قبل 3 او 4 شهور بسبب ضروفه خارج البلاد رجع وسدده

المهم راح لبنكه طلب قرض تم رفض طلبه

طلب زيادة الفيزا تم رفض طلبه

كلمهم ليش يا بنك xxxx قالوا له عليك شيك راجع ولازم تلتزم في السداد لمدة 6 شهور وبنشوف عقب نعطيك او ما نعطيك الي تبي


الحبيب عرف متاخر بعرض مصرف قطر الاسلامي لنقل المديونيه

فطلب شهادة مديونيه من بنكه فتاخروا عليه حتى انتهي عرض المصرف

المهم ارائكم هل كلام البنك صحيح بخصوص الي عليه شيك راجع لابد من الالتزامه 6 شهور ؟

هو خايف انه يتم مع البنك وما ينقل مديونيه ويطلع البنك xxx يكذب عليه ؟

وهل يستطيع نقل مديونيته ام بسبب هذا الشيك لازم ينتظر 6 شهور ؟

ارائكم ؟
SOUD.QA
04-02-2012, 07:48 PM
السلا عليكم

اخوي من قوانين البنك المركزي انهم ما يسمحون لاي بنك يمشي معاملات الناس من حيث القروض او البطاقات الائتمانيه الا لما يكون ملفه نظيف خلال آخر 6 شهور لان اللي يكون عليه شيك مرتجع يكون فالبلاك لست
Mo7mmad
04-02-2012, 07:50 PM
طيب يا اخوي جزاك الله خير

متى تنحسب المدة 6 شهور بعد الدفع او من تاريخ الشيك الراجع ؟
SOUD.QA
04-02-2012, 07:52 PM
طيب يا اخوي جزاك الله خير

متى تنحسب المدة 6 شهور بعد الدفع او من تاريخ الشيك الراجع ؟

ربي يجزاك الجنه إن شاء الله

تنحسب له من اول دفعه بعد الشيك الراجع يعني آخر 6 شيكات مدفوعه بإنتظام
Mo7mmad
04-02-2012, 07:56 PM
ربي يجزاك الجنه إن شاء الله

تنحسب له من اول دفعه بعد الشيك الراجع يعني آخر 6 شيكات مدفوعه بإنتظام


بارك الله فيك يالغالي وضحت الصورة الان

هو منتظم ولاكن تاتي الرياح بما لا تشتهي السفن



اتمنى من المشرف اغلاق الموضوع
Banker079
05-02-2012, 11:55 PM
اقترح ان تراجع البنك ، لا أعتقد ان تكون سياسة الاقراض صارمة جدا لتلك الدرجة ، شيك مرتجع واحد فقط عادة لا يؤثر بقرار البنك لانها غالبا ما تكون لظروف ما ، أما تكرار ارتجاع الشيكات (3 مرات فأكثر) خلال مدة قصيرة سيمنع البنك من اقراضه مستقبلا و يصنف ضمن اللائحة السوداء للبنك.
ابوالكلام
06-02-2012, 06:06 AM
البنوك اخر همها المواطن اهم شي الأرباح ومصرف قطر المركزي يدعمهم على بلاويهم كأنك تشحت منهم وهم لو قسط متأخر واحد معاملاتك توقف مااقول الا ( ياز الباب على الخراب )
وتبقى الدنيا حلوه
06-02-2012, 08:38 AM
اخوي من واقع تجربه و خبره

اذا كان عليه بس شيك واحد راجع عادي تمشي اموره اذا كنت تتكلم عن البنك اللي في بالي

بس عالشي يعتمد على الموظف اذا كان يبي يساعد العميل والا يطفشه لان مايبي يسوي معاملته

وشفت بعيوني وايد موظفين يطفشون العملاء و يخلونهم يجيبون اشياء هم اساسا ما يحتاجونها بس عشان يطفشه

ممكن اسم البنك عالخاص وانشالله بفيدك