بيبات الكهرباء + المكيفات + التليفون

[الحـ قطر ــب]

حبيبت استفسر عن كذا شغله

1-بيبات الكهرباء: اللي تحت الارض واللي فالسقف واللي فالطوف.

2- بيبات تصريف ماي مكيفات السبليت.

3- بيبات الهوا اللي تشبك مكيف السبليت الموجود فالغرفه مع المراوح والمكاين اللي موجودة فوق السطح.

4- بيبات التليفون.

5- بيبات التلفزيون.

هالشغلات اتكون على من ( مقاول العظم ولا الكهربائي ولا شركة المكيفات )

[ولد المنصور]

اللي تحت الارض على المقاول وبكون المقاول متفق مع الكهربائي وهذا كمل معاه احسن لانه بيكون ماسك الفيلا من الاساس .. 2 بيبات الصرف على السباك ... 3 بيبات المكيفات على الشركه اللي بتاخذ منها المكيفات ... ..... والتلفون والتلفزيون على الكهربائي او الشركه الي بتركب لك ........... وان شالله الاخوان يفيدونا اكثر ....
والله الموفق

[الحـ قطر ــب]

تسلملي يالغالي

[الحـ قطر ــب]

اللي يدخل لازم يرد عالموضوع واللي مايرد بينخصم من رصيده ريال

[كود نمبر]

هلا اخوي
اذا انت متفق مع المقاول عظم بلاستر مع تمديد الكهرباء وصرف صحي المفروض ها الامور عليه هو وذا مش متفق معه في العقد الامور هذي تكون على صاحب الفلا

بالتوفيق

[ZURICH]

اتفاقي كان مع الكهربائي انه يقوم بكل الخطوات اللي ذكرتها اخوي

وهو المسئول عن بيبات التكييف والصرف بتنسيق مع شركة التكييف ..

حتى ليتات الجبس وتركيب الثريات من ضمن اتفاقي معاه

[الحـ قطر ــب]

انا متفق معاه عظم بلاستر + سور + تمديدات اولية

بس مادري هل بيبات التليفون والتليفزيون شاملة هالشي ؟

[Al Qurashi]

[b]
حبيبت استفسر عن كذا شغله

1-بيبات الكهرباء: اللي تحت الارض واللي فالسقف واللي فالطوف.

2- بيبات تصريف ماي مكيفات السبليت.

3- بيبات الهوا اللي تشبك مكيف السبليت الموجود فالغرفه مع المراوح والمكاين اللي موجودة فوق السطح.

4- بيبات التليفون.

5- بيبات التلفزيون.

هالشغلات اتكون على من ( مقاول العظم ولا الكهربائي ولا شركة المكيفات )

اخوي العزيز بيبات الكهرباء ان كان في السقف وله في الأرض في السقف يشمل التمديدات حق الليتات والمكيفات والمين كابل حق الطابق الثاني وحق الدشات الوصله الي يربط بين الطابق الأرضي مع العلوي و التوزيعات في الغرف للتلفون والدشات بعد نفس الشي لازم يركب وصله بايب بين الطابق الأرضي والطابق العلوي ولين السقف وبعد اذا عندك بنت هاوس لازم بعد يمد من الأرض لين فوق وحق توصيلات المكيفات من بيبات الكهرباء حق اليونت المكيف الي يتركب علي السقف و بيبات حق بايب غاز المكيف وبعد بيبات الدشات بعد وكل هاي على مقاول الكهرباء الي انت متفق معاه او مقاول البنيان بس لازم تتاكد منه مو تخلص الصبيات وبعد مو مسوي شي فبعدين بكلفك زيادة وكسر في الخرسانات وبهدله فاخوي العزيز خلك حذر ودقيق اما بنسبة البيبات الي في الأرض فيشمل التمديدات حق السوكتات والتلفونات والدشات وبيبات صرف ماي المكيفات وتوصيلات حق الإنتركم وبيبات حق الملاحق او مطابخ خارجية .

ونفس الشي حق البيبات المياه كل خطوه بخطوة

ارجو ان لم اطول عليكم بالموضوع بس هاي لللأهميه لك ياخوي وللجميع وارجو ان يستفيد الجميع ..

[Al Qurashi]

طرشتلك رقمي على الخاص

[الحـ قطر ــب]

يا شباب ترى مافهمت

هل كل البيبات يتحملها مقاول العظم ؟

[الحـ قطر ــب]

حوران وكود نمبر

من كلامكم يعني المقاول هو اللي يتحمل ثانك يو عشرة مرة :nice:

يالقرشي ترى مافهمت شي من شرحك :omen2: بس ان شاء الله لو احتجت شي بتصلك وبسندرك بعد:telephone:

[كبير المتداولين]

اي بيبات تدخل في الخرسانه على المقاول والباقي عالكهربائي

[Al Qurashi]

حوران وكود نمبر

من كلامكم يعني المقاول هو اللي يتحمل ثانك يو عشرة مرة :nice:

يالقرشي ترى مافهمت شي من شرحك :omen2: بس ان شاء الله لو احتجت شي بتصلك وبسندرك بعد:telephone:

حاضرين واي وقت انا في الخدمه وممكن تكلمني علشان افهمك عدل وان شاء الله التوفيق من رب العالمين