الارضيات والجبس والصبغ

[العنيد000]

السلام عليكم

سؤال

ابداء في تركيب الارضيات ولا اركب الجبس قبل والصبغ

وشكرا

[ZURICH]

وعليكم السلام

ابدأ في الجبس والصبغ وخل الأرضيات أخر خطوة .. أفضل لك

أعرف ناس ندموا على تركيب الرخام قبل الجبس بسبب خدوش السقالات والسلالم .. وبقايا لحام الحديد اللي ماتطلع أبداً

[المنسى]

تعرف افضل شى الجبس وبعدين الارضيات وبعدين الصبغ بس قبل الصبغ خلهم يفرشون على الارضيه نايلون مقوى

[سيف مهند]

الجبس قبل وبأمكانك تأسيس جدران بلمعجون والبرايمر وثم سرميك وبعد تركيب الابواب ونوافذ اصبغ

[كنونة]

انتبة اذا الارض مدودة بالبيبات الكهربة حاول تدفنها عشان السقالات ما تكسرها

[قطر الشموخ]

السلام عليكم اخوي مع خبرة واسعة انصح كل صديق واخ بان يبدا بالجبص اولا ويعطيه وجه معجون مبدئيا من ثم يبدا بالرخام او الكرانيت حسب طلبه من ثم واخر خطوة يبدا بصبع الجبص ومن ثم الحوائط او خطوة واحدة متوازية وبالنسبة للرخام ولكي لا يتاثر من السقالات نخلي الصباغ يربط ارضيات الصقالات باكيات اسمنت فارغة دبل ويمدو الاضيات كاملة بنايلون دبل لكي لا يصل بقايا الصبغ عليه وطبعا اخر مرحلة تلميع الرخام وسلامتكم

[مرحوم قطر]

هلا اخوي العنيد

ابتدي بالجبس قبل

لان الجبس بيوصخ الارضيه و بعدين بلش في السيراميك ابرك لك


و ان احتجت شي ارسلي رساله و ابشر بسعدك

[daekan]

اول ابتدي بالبريمر والمعجون معجود بعدين الجبس بعد ذلك الارضيات

[العنيد000]

ارحم الله والديكم

وجزاكم الله خير

[بو المياسه]

السلام عليكم

سؤال

ابداء في تركيب الارضيات ولا اركب الجبس قبل والصبغ

وشكرا

الشيخ ابداء اول شي بالجبس وحاسب من بيبات الكهرباء لايكسرونها وبعدين اشتغل في الارضيات خلهم يشتغلون من الدور العلوي الى الاسفل وبعدين اصبغ برايمر اولي خل الكهربائي وكيوتل يمدون الوايرات للتاكد انهم ماتكسور بعد تركيب السراميك افرش بلاستيك
وصب عليه جبس حتى لايتكسر السراميك اويتجرح

اذا بتركب نوافذ او ابواب ركب من النوع اليوبي في سي عازله الحراره والصوت والماء
في شركه اسمها معماري قطر يو بي في سي بضاعتهم من المانيا شغلهم جيد وماعيدهم ممتازه

مدير المبيعات اسمه ابو نهاد 55857334

[Al Qurashi]

السلام عليكم

سؤال

ابداء في تركيب الارضيات ولا اركب الجبس قبل والصبغ

وشكرا

ابدئي بالجبس اولا وبعدين الصبغ او اذا ركبتي الأرضيات خليهم يسون طبقه سميكه من الجبس على الارض وذلك بوضع البلاستك وبعدين يصب عليه ويخليه لين ما ينشف وبعدين عادي يدخل السقالات ويسويلج الجبس لان الارض محمية بس علشان احتياط اكثر خليهم يلفون سيقان السقالان بأكياس الاسمنت يعني كل كيسين فاضين مع بعض
وبالتوفيق من الله سبحانه وتعالى والله يهنيكم ويبارك لكم

[قطري واصيل]

بالتوفيق ان شاء الله

[مبتدئة]

المسامحة من صاحب الموضوع

انا بعد أدور واحد يشتغل لي على الجبس

فيه جبس في الغرفة بس ابي اشيله واركب بس جبس بوردر

وأبيه يشتغل شوي في السقف .. يعدل لي الجبس اللي على الليتات

ويا ريت تنصحوني بـ واحد شغله نظيف ومواعيده مضبوطة وسريعة

واكيد سعره زين