شرايكم في محل جلفار؟؟

[PGR]

السلام عليكم ,,, حبيت اسال شرايكم في محل جلفار ,,, هل يسوى البورسلان اللي عنده هالاسعار بين 280 و 400 ريال ؟؟ وهل في محلات منافسه له في الكواليتي ؟؟؟واذا فيه عطوني اسامي هالمحلات لاني محتار ابي شي فخم بس بغيت اعرف اذا يسوى ويعطيكم العافيه مقدما

[PGR]

يا شباب حد منكم يفيدني جزاكم الله خير

[ZURICH]

الشركات الأسبانية عندها اللحين عرض كبير لأشكال جديدة من بورسلان وبلاط ( 2012 )

شهر 4 بتكون متوفرة في محلات الدوحة

كل تأخيرة .. فيها خيرة

:)

[ولد المنصور]

جلفار زين بس غالي اشوي ...... .. شوف نابينا عندهم اشكال وااايد وحلوه وعندك الضحى وكنتوار بعد دوار مدماك بتجاه سلوى على اليمين .

[PGR]

مشكورين على الردود وارجوا مزيد من الاقتراحات بالنسبه للاماكن اللي اقدر احصل عندها اشياء فخمه وحلوه

[قطري واصيل]

اقترح عليك تروح للسعودية 3 ايام تروح طريق الملك اللى يوديك للرياض فيه اشكال واحدث الموديلات ارخص بوايد ترا والله الموضوع سهل مايبيله شي ولا احد يصعبها ترا التجار اللي بقطر لعبين لعبتهم اسعارهم وحده مرتبينها مع بعض جشع تجار

[*¤ بن قطر¤*]

جلفار بضاعته حلوه و عنده خيارات كثيره .. ولكن كل ما تسأله عن شي يقول لك (مش متوفر) أو بالطلب و احنا دايما شغلنا مع المشاريع !!! هذا عذرهم و عذر غيرهم

اتعب شوي و لف كل محلات الدوحه ... وبعدها حدد حسب ذوقك وحسب الالوان اللي تبيها ... ترى قطر فيها اشياء جميلة جدا بس لازم تدور لي تحصل مطلبك

المهمة ليست بسهلة ولا بصعبة ... لكن تحتاج وقت و تأني ولازم تاخذ الشي عن قناعتك الشخصية فقط!!

و الله يوفقك ان شاء الله ...

[احساس شايب]

جلفار ممتاز بس مثل ما اذكروه الاخوان غالي وايد

كافود عنده بضاعه حلوة واسعارها متفاوتة

ومافيه افخم من الرخام الاسباني والايطالي والتركي

[PGR]

يعطيكم العافيه الجميع ,, بس تعقيب على اخوي احساس شايب الرخام مع الوقت يبيله بولش ويشرب السوائل لكن البورسلان يعطيك منظر راقي ومايحتاج صيانه ولا يشرب السوائل

[بوفهد 5555]

توني جاي من الرياض والله شفت العجب من دزاين الحمامات اي جلفار روح شوف العجب واسعارهم 150 ـــ250 المتر بحاول الليله انزل لكم بعض الصور

[سهم طايح]

معظم المعروض عنده بالطلب
والأسعار مبالغ فيها

لكن بشكل عام بضاعته مميزة