استفسارات تحتاج لاجابه منكم لو تكرمتوا

[HSMK]

الســلام عليكم ورحمة الله وبركاته
كيف الحال اخواني جميعا

حبيت استفسر عن كذا شغله لاهل الخبره منكم واتمنى ان تفيدوني جزاكم الله خير

الاستفسار الاول

عن الكهرباء والماء داخل المنزل من تمديدات وايرات وسباكه والخ من يتحمل التكاليف المالك ام البنك يدفع لي ..

الاستفسار الثاني :-

تركيب المطابخ والخ وسيراميك المطابخ وسيراميك الحمامات اجلكم الله .. على المالك ام البنك ..

الاستفسار الثالث :-

ابواب الفيلا من الداخل والشبابيك تكون على المالك او البنك يدفع لي في حين اني ركبت من حسابي الخاص اي يعوضني بعدين ..

الاستفسار الرابع والاخيــر :-
تبليط الحوش الخارجي وتبليط الفيلا الداخلي .. على المالك ام البنك

اتمنى ماكون ثقلت باستفساراتي عليكم واتمنى القى منكم الاجابه الشافيه والكافيه
فانا انسان جديد على هذا المجال يمكن بعض الاسئله معروفه للكثير لكن انا حاب اعرف تفاصيل اكثر عنها ولكم جزيل الشكر مقدما

[شموخ دائم]

,

,


مرحبا

السؤال مش واضح لي ولكن ...


اذا انت على بنك التنميه وراح تبني بيت عن طريقهم

هم بيعطونك مليون ومئتين

ونت تتعاقد مع مقاول والعقد موضح فيه كل شي

البنك يدفع لك ونت تدفع للمقاول على شكل دفعات متماشيه مع مراحل البناء

حتى تستلم المفاتيح

:)

وتقدر تبني عظم بس مع مقاول ونت تشطب باقي الامور
تستلم الدفعات وتشطب بروحك تركب كل شي
الخيار لك اخوي


بالتوفيق لك

,

,

اخوك


شموخ دائم

[Chambray]

ماقصر اخونا شموخ دائم . وهو فعلاً شامخ بالردود الرائعه ..

اخوي مثلاً انت خذت عرض سعر من مقاول لعظم ب مليون
او خذت عرض سعر لبناء فيلا مع تشطيب كامل ( ديلوكس او سوبر ديلوكس ) فهذا يشمل كل شئ ( ابواب ونوافذ وكل شئ ومواصفاته موضحه في العقد ) وخلنا نفترض طلع عليك التشطيب ب ( 2 مليون )

البنك يعطيك مليون و 200 الف
وانت من جيبك الخاص تكمل 800 الف ... حتى تكتمل الفيلا عندك ..

[HSMK]

الله يجزاكم خير اخواني على اجاباتكم وعلى ردودكم الطيبه
لاخلا ولا عدم منكم عساكم على القوه
والي اقصد اخوي شموخ دائم عزيزي
يعني هل في مجال اني استلم الدفعه قبل البدء في شراء اي شي
لان حسب علمي ان اول شي تشتري المواد وعقب البنك ينزل لك الدفعه
ولكن في حين لم يتوفر المبلغ عندي للشراء .. كيف اقدر اشتري المواد وانا ماعندي سيوله مثلا
هذا الي قصدته ..

وشكرا مره ثانيه على ردكم الطيب اخواني الله يجزيكم خير

[شموخ دائم]

,

,


مرحبا

Moyen Orient

الف مبروك على الاشراف الله يعينك على هذا التكليف
ان شاء الله نستفيد ونفيد بهذا القسم المميز
الف مبروك مره ثانيه

HSMK

منور اخوي
:)

صحيح كلامك البنك راح يعطيك دفعه 120 الف على سبيل المثال
قبل ما تبتدي البيت دفعه ( مقدمه ) ونت تعطيها المقاول
وهو يشتري المواد وبعد ما يخلص الاساس للبيت يعطونه 120 الف
ويطلع بالبيت .... وهكذا
هذا شرح مبسط وسريع

بالتوفيق لك وشد حيلك نبي نشوف ( غبره ) البوكلين وهي تحفر البيت ان شاء الله
وتعزمنا على العشاء :) وريوق اذا ممكن بعد في اللؤلؤه
هههه


,

,


اخوك


شموخ دائم

[HSMK]

افا عليك تامر امر
ان شاء الله عزيمتكم
تكون حاضره بس يخلص البيت باذن الله
وابشرك انا الحين بالدور الارضي قريب الصب ان شاء الله
ومنور بوجودك ووجود الاخوان الطيبين مثلك وشرواك
واشكركم للمره الثالثه على اجاباتكم ماقصرتوا والله
عساني مانحرم منكم ولا يحرمكم ربي الاجر ان شاء الله

[ولد المنصور]

اخوي العزيز الله يباركلك ان شالله اذا بغيتني امر وشوف البيت وقولك بعض الملاحظات انا حاضر ... طرشلي على الخاص وابشر .. انا توني خالص عظم وقاعد اشطب على حسابي

[HSMK]

اخوي ولد المنصور الله يعزك ان شاء الله بالطاعه ورضاه
الغالي انا توني لحد الان ماصبيت الدور الارضي فلا شك احتاج
لشورك وبقوه بس مب الوقت الحالي ان شاء الله لقدام شوي
واكيد ماراح استغنى عن خبرتك وتسلم لي على هالخدمه الي تقدمها لي
وهذا يدل على طيب اصلك عزيزي عساك على القوه