مطلوب بائعة

[q6ryah]

أنا عندي جلابيات وملابس نسائية واشترك في المعارض لكن احيانا احتاج ان اتفق مع وحدة تجي تبيع بدالي يا ريت لوحد يعرف بائعة وكم تاخذ يعطيني خبر عشان اتفق معاها
ودمتم سالمين

[q6ryah]

شدعوة ولا حد رد علي
مب هذا العشم فيكم

[captin]

النصيحة حطي إعلان في الوسيط
بالمواصفات المطلوبة للبائعة مثل

الجنسيات

الخبرة

الشهادة

اللغات المطلوب اتقانها

هل تبينها تكون مقيمة على كفالة أحد من أقربائها أو تنقلينها على كفالة النشاط عندج

المهارات التسويقية المطلوبة فيها مثل مهارات الاتصال والاقناع والتفاوض

هل تبين عندها رخصة قيادة تسوق سيارة

بعد ما تجيج السير الذاتية تفرزينها وتشوفين الأقرب للمتطلبات اللي عندج وبالتالي
تبتدين تتصلين فيهم وتسوين لهم مقابلات بشكل منفرد وتحطين ملاحظات لكل مقابلة وبعد ما تلقين المرشحة المناسبة لشغل الوظيفة تسوين لها عرض وظيفي مكتوب تقدمينه لها توقع عليه قبل الانضمام وبدء العمل .

هذا أفضل حل في رأيي من واقع خبرتي في أمور التوظيف والمقابلات
وبالتوفيق إن شاء الله.

[q6ryah]

مشكور اخوي كابتن ماقصرت أنا أبيها لفترات مؤقتة حسب مشاركتي فالمعارض