ســفر المراة مع عائلتها بالسيارة

[عيون Qatar]

هل هناك موانع أمنية من سفر المرأة مع عائلتها بالسيارة حيث تكون هي السائقة متوجهة للأمارات ،،
هل تسمح لها السلطات السعودية بالعبور.؟؟ ما هي الموانع.؟؟

أرجو الإفادة و تقبلوا شكري‏


ارجو من الاخوة المشرفين ترك موضوعي للحوار العام قبل نقله قسم الاستفسارات

[أنا أحبكم]

أعتقد مسموح ولكن لا يوجد اعلان رسمي بذلك

[بصمة قطرية]

مرحبا حبيبتي عيون ..

ممنوع ..
السعودية ما تسمح نهائياً بسفر المرأة من غير محرم ..

[روح الاطلس]

مالمقصود بسفرها مع عائلتها يعني فقط نساء؟؟ بدون محرم؟

[المفترسه]

بل شلون المراءه تتحمل تسوق كل هالمسافات

الصراحه ماعندي علم اتمنى الاعضاء يفيدونج

[penguin]

خلها تسوق قبل لايوصلون
السعوديه تبدل مع شخص من اهلها

[wadha-qa]

ممنووع متاكده من الموضوع لان السالفه صارت لوحده من فتره ردوها هي وعيالها

[المهاجر]

اختي عيون الوكره

غير مسموح لها قيادة المركبه بالأراضي السعوديه

واحد كان رايح مع بنته وكانت هي اللي تسوق

ومنعوها عند دخولها الأراض السعوديه

فإذا كان برفقة العائله المسافره رجل فليقود السياره بنفسه

لحين العبور من الأراضي السعوديه وبعد الدخول للأراضي الإماراتيه

مب مشكله اذا هي قادة السياره

اما اذا ما معاهم رجل فانصح بعدم المخاطره والذهاب بمفردهم

حتى لايتعرضون لأي مشكله بالطريق

[الســـهم]

ممنوع منعا باتا قيادة المرأة للسياره في اراضي المملكة العربية السعودية , ومستحيل انها تعدي مركز بوسمرة حتى , وبالامكان انها تسوق داخل حدود قطر واذا دخلت حدود الامارات ..

[ع.م]

ممنوع المرة تسوق في السعودية..

الله يعينكم ويسمح دربكم..

[عيون Qatar]

شكرا على الرد

و اعتقد أنها بتكنسل لأن الطريق فعلا صعب و هي في عائلة كبيرة لكن بدون محرم
السعودية ما ترضى بسواقة المرأة لكنها ذاهبة للإمارات
هل وجود السائق يعتبر محرم ..؟؟

[دااانة قطر]

الحين دااخل الدوحه مب ساالمين من السرعه وغيره
الله يستر عليهم
وان شااء الله يكون معااهم محرم

[طماطه]

الطريج طويل ويخرع :(

المحرم افضللل

[بوخالد2]

ممنوع عند الحكومه السعوديه

وبعدين ليش اتسافر مع اعيال الخطوط مب زينه للسفر بدون محرم لكثر المخاطر

وهذه مره و شلون بتتصرف الله يصلحها وين رجلها يوديها

[بوحمد1]

انا انصح بمطار الدوحة احسن بكثير

وطريق البر مليان مخاطر وكم من عائلة راحت في لمح البصر

الله يحفظ المسلمين

[أم مشعل]

شكرا على الرد

و اعتقد أنها بتكنسل لأن الطريق فعلا صعب و هي في عائلة كبيرة لكن بدون محرم
السعودية ما ترضى بسواقة المرأة لكنها ذاهبة للإمارات
هل وجود السائق يعتبر محرم ..؟؟


الله يهديك يا عيون الوكرة ...... الطريق صعب وخطر اشلون فكرتي هالتفكير بس

تقصدين بالسائق الهندي يعني صح ........ متى كان الهندي محرم للمرآة في يوم

المحرم معروف من هو الزوج الولد الأخ ابن الأخ أو الأخت

[روح الاطلس]

فعلا الطريق صعب وشاحنات ماتقدر الوحده تسوق خط سفر وبدون رجل معها غير هذا ممنوع تدخل الاراضي السعودية

السعودية محكرة لكل دول الخليج مافي حرمه تفكر تسافر بر بالسياره ^_^ غير اللهم بين عمان والامارات

[أم مشعل]

ونسيت العم والخال ........

[بنـ الدحيل ـت]

شكرا على الرد

و اعتقد أنها بتكنسل لأن الطريق فعلا صعب و هي في عائلة كبيرة لكن بدون محرم
السعودية ما ترضى بسواقة المرأة لكنها ذاهبة للإمارات
هل وجود السائق يعتبر محرم ..؟؟


الله يهديج يا عيون
حتى لو عايلة كبيرة .. ونسوان بس .. !!
ما يصلح يسافرون بالسيارة ابروحهم ..

[باراكودا]

ممنوع منعا باتا .

[بومحمد911]

ضد وبكل قوة





ااااشدخل هههههههههههه

ممنوع الشيخة قيادة المرأة في الاراضي السعودية

[ماجد البدر]

هناك مانع شرعي ومانع قانوني حيث يمنع قيادة المراءة في السعوديه ولايوجد خط مباشر الى الامارات وخطر السفر المراءة بدون رجل كبير مرافق معهم

انتظري حتى اكتمال جسر قطر و البحرين لمشاهدة طوابير السفر لنساء بين البلدين

[بوخالد2]

الله يستر ياماجد البدر من الجسر هذا

[قطري متواضع]

اذا كان معها سائق عادي تسسافر
اهم شي اللي يسوق رجل

قبل سنتين لقينا حريم ثنتين عند المركز السعودي رادينهم وقالوا نبي واحد فيكم يعدينا المركز مسافرين للامارات وركب معهم واحد من الشباب للين الغويفات

[أحلى وسيطه]

اسعد الله مساكم


أختي بخصوص سؤالج الحدود القطرية تمررج ومافيه اي مشاكل نهايئا ,

بس المشكلة بتواجهج في الحدود السعودية هم اللي يرفضون مرور المرأة حتى لو متجهه للامارات

أتمنى ربي يسخر لكم ويسمح دروبكم :)

[نــويصــر]

اذا كان معها سائق عادي تسسافر
اهم شي اللي يسوق رجل

قبل سنتين لقينا حريم ثنتين عند المركز السعودي رادينهم وقالوا نبي واحد فيكم يعدينا المركز مسافرين للامارات وركب معهم واحد من الشباب للين الغويفات

شلون يعني ركب معاهم هو مب محرم :omg:

[الـقـاسـي]

شلون يعني ركب معاهم هو مب محرم :omg:

عادي يعني حريم ثنتين مسافرين بر بتفرق معاهم يعني لو ركب معاهم واحد ..

ونفس الحركه فالرده اقرب واحد يركب وياهم عادي ..

[الـقـاسـي]

الله يجزاهم خير السعوديه على منعهم ,, قمه المصخره بعد حريم يسافرون لحالهم لا وبر بعد ..

[نــويصــر]

اول مرة ادري انه عادي يسافرون الحريم مع واحد غريب

[بوصالح 92]

اذا كان معها سائق عادي تسسافر
اهم شي اللي يسوق رجل

قبل سنتين لقينا حريم ثنتين عند المركز السعودي رادينهم وقالوا نبي واحد فيكم يعدينا المركز مسافرين للامارات وركب معهم واحد من الشباب للين الغويفات


اشلون اخوي :rolleyes2:

الرجال اصلن لما يسافر مع زوجته ياخذ عقد الزواج

قوية :secret::eek5:

[V.I.P_QATAR]

ياخوي يصير الحين الدنيا ماهيب بنفس اول يالغالي اذا عندها اورقه انها اتسافر اتسافر ويا كم وحده كانت اتمر علينا اتقول واحد منكم يطلعني من المركز السعودي عالم عجيبه غريبه يالغالي يعني الله يستر علينا وعلى بنات المسلمين بعد الجسر بتعينهن يتقهون وغداهن في السيف وعشاهن في فيلاجيو ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[مرت محمد]

ممنوع حبيبتي المرأه تدخل الارضي السعوديه وهي تسوق وبعدين المرأه لو تدخل السعوديه اصلا خطر عليها بدون محرم لاتجازفين حتى لو سافرتي بالطائره حتى بالتكاسي خطر المرأه تركب بروحها ولا حتى ويا اطفالها مافي امان بالشارع

[سطح القمر]

اكيد بيسمحون قريب انا سمعت اكثر من مره انهم بيسمحون للمراه تسوق بالسعودية واول ما يسموحون كل وحده تقدر اتسافر بالسياره

[ابوحمد1]

لا عندنا ممنوع المراة تسوق يكفي الزحمة الي عندنا هههه

[qatara]

((اللهم لاتواخذنا بما فعل السفهاء منا))

الحيا نقطه