اسلوب اللخويا في التعامل معاي .. حد يصير له نفس الشي ؟

[شي ثاني]

السلام عليكم ورحمة الله وبركاته


الموضوع اهو مو تشكي او أني ابي اعطي احد دروس بالتعامل او الأخلاق
كل مافي الموضوع ابي أقولكم عن سالفة صارة وياي وأبي اعرف اذا يصير هالشي وياكم ولا لا ؟ وشلون تتصرفون

من شوي كان في ثبوت بالكورنيش ، كنت رايح اسوي رياضه المهم خذيت موتر اخوي وللاسف طبعا كنت ناسي البوك في موتري وفيه ليسني

لما وصلت عند الدوريه قلت له السالفه وعطيته ليسن اخوي واستمارته راح طلب مني ليسني ولا بيصكني مخالفه ، طبعا اعتذرت انه ما عندي وعادي يصكني مخالفه دام انا غلطان
المهم لزم علي اجيب ليسني ولا مابيرجع لي ليسن واستمارة اخوي :s

المهم ضربت خط ورحت بيتنا اجيب الليسن ولما رجعت واحد منهم جزاه الله خير ذرب وأسلوبه حلو قلت له السالفه قالي صف وتعال خذ المخالفة رحنا عند الي قالي اروح اجيب الليسن ولما شافني صاف جنب الدوار مثل ما الثاني قالي عصب وقالي روح صف عند مواقف البدع يمكن 500 متر تخيلو

مادري ليش كل هالسالفه والأسلوب الي كلش مو حلو
مادري الي صار شي عادي ولا لا ، بس انا أشوفه يحر بالأخير إحنا قطريين وعيال ناس وجلى من لا يسهو
القوانين كلها وضعيه من البشر حتى لو لازم تطبق المفروض هالشي مايخلو من العادات والتقاليد الي تربينا عليها. والله حسيت نفسي صاحب سوابق ولا مجرم : (


بعدين طلبت اذا اعرف اسمه قالي مايحق لك تعرف اسمي
ليش تبي تعرف ؟

:s مادري ليش رد جي يمكن عباله بسوي شي ولا خاف ادعي عليه :/

وسلامتكم

[jeep-srt8]

عاد شتسوي بس لو خذت رقم الدورية احسن كان علمته لانه بيتمادى اكثر واكثر

[Bin Hood]

فعلا في ناس اسلوبها غير محترم بالمرة
على العموم هذه فئة قليلة

[Dark_QTR]

أنا معاك بأن الضابط ما كان المفروض يعاملك بهالأسلوب حتى لو يبي يخالفك
و ردت فعلك كانت مثاليه .. ولكن لا تلموه .. الثبوت في الكورنيش غالباً ما يصير الفجر و ساعات
متأخره من الليل .. العامل النفسي يلعب دور و ضروف العمل تعلب دور .. في النهاية هالضابط
حاله حال أي إنسان .. السالفه وما فيها المود ما كان مساير الوضع
--
الأعصاب ما كانت لها داعي ، و الأمر بو 500 متر هم مالها داعي
وانك تعرف اسم الضابط حق من حقوقك كمواطن
--
بس لا تحكم على لخويا بكبرها بالخطأ .. احكم على سلوك هالضابط
وبعد ما تدري .. ممكن هاي خيره من ربك بس تدري .. مشيت 500 متر .. روحه رده
هاي رياضه بعد ^_^

[سعد]

يارجال وسع صدرك وخاطب الناس على قدر عقولهم

[ابوالكلام]

المشكلة عندنا في بعض الموظفيين عندنا إيذا قمت تتجادل معاه يقلب الموضوع شخصي ينسى نفسه انه هو ماوظفوه الا لخدمتك

[%FTM%]

البعض يفتقد للأسلوب العدل في التعامل لما تكون في يده سلطة ..
والي اعرفه لك حق تعرف اسمه ... بس يمكن هو حس بغلطته بالتعامل وخاف انك تشتكي مثل ماقلت

ممكن سوال شنو يعني ثبوت ؟؟

[منابر خالده]

اخوي مالوم لخويا ويمكن اسلوبه يخليك تنتبه وماتنسى ليسنك مره ثانيه
خل عنك الحساسيه الزايده

[الجسراوي]

الصراحه من تجربتي اللخويا 75% منهم شاييفين نفسهم وخشومهم فوق

واللي ذابحني قائدهم عكس اللي نشوفه منهم وربي رجل ذرب واخلاق عاليه وتواضع يحرجك بانك جالس ولا تسولف مع وزير ربي يحفظه ويكثر من امثاله

[الجسراوي]

البعض يفتقد للأسلوب العدل في التعامل لما تكون في يده سلطة ..
والي اعرفه لك حق تعرف اسمه ... بس يمكن هو حس بغلطته بالتعامل وخاف انك تشتكي مثل ماقلت

ممكن سوال شنو يعني ثبوت ؟؟

يعني تفتيش :eek5:

[al-sadd]

انا مكانك اطلب رقمه العسكري واقلبها محكمه
سويناها من قبل مانسويها الحين
لا وابشرك يعطونك تعويظ :)

[بوحمد111]

عادي خذ الامور بصدر رحب وهذه فئة قليله من الشباب اللي شايفين نفسهم واصابع اليد مب متساوين والله يسامح المتكبرين ويهديهم ويصلحهم

[حلم الطفولة]

يارجال وسع صدرك وخاطب الناس على قدر عقولهم




تصرف فردي ولايمكن ان نحكم من خلاله على مجموعة

اخي الكريم

وسِّع من صدرك، واحسن الظن فيه و ليكُن شعارك دائماً عندما لايعجبك تصرف اي انسان

التمس له الاعذارله : لعلَّ له عُذراً وأنتَ تلومُ.

قال الشاعر
تأنَّ ولا تعجَل بلَومِكَ صاحِبا لعلَّ له عُذراً وأنتَ تلومُ

قال الامام الشافعى: التمس لأخيك سبعين عذراً.

[دلة الرسلان]

أنت ما تعرف حجم الضغوط المفروضة عليهم من حفظ الأمن خاصة في ها المرحلة وفي

نفس الوقت المحافظة على التعامل اللائق مع الجمهور وكأفراد مابتكون هذه القدرة على

الموازنة في التعامل موجودة عند الجميع بنفس القدر .

الله يعينهم ويقويهم على اداء واجبهم .

[M O H A D]

انا مكانك اطلب رقمه العسكري واقلبها محكمه
سويناها من قبل مانسويها الحين
لا وابشرك يعطونك تعويظ :)

يحق لي كـ مواطن ان اطلب رقمه العسكري ؟

[لاجئ عاطفي]

تاكد ياخوي ان هذا تصرف فردي لان الخويا فيهم افراد والنعم فيهم انا مهب عسكري ولكن احكم عليهم من تصرف صار مع اخوي مره بنشر وموتره كروزر ويقدر يضرب جيك ويبدل تايره الا ان الخويا وقفوا جنبه وهم اللي غيروا سبير سيارته بدون مايسوي اخوي اي شي وفي الاخير حركوا مع انهم لايعرفون اخوي ولا عمرهم شافوه فالتصرفات اللي مثل ذي تاكد انها فرديه ولو حسيت ان فيها اهانه لك قدم شكوى عليه

[al-sadd]

يحق لي كـ مواطن ان اطلب رقمه العسكري ؟

نعم يحق لك اخوي
بالعكس اذا ماعطاك رقمه خذ رقم موتره العسكري او رقم السياره الي بالخط العريض موجود على بدي الموتر
وبلغ عنه
وخل بدال القظه قظيتين
اولها انه رفض يعطيك رقمه العسكري والقظيه الثانيه قضيه استفزاز والحاق الضرر النفسي :)
وخذ التعويظ طال عمرك
هم مب احسن منا
اذا هم فالحين ف تسجيل المخالفات والنفسيه التعبانه
عيل احنا طال عمرك فالحين ف رفع القظايا وناخذ تعويض منهم ^^

[وطن]

ما تحتاج اسمه

رقم الدورية والساعة
وروح بلغ عنه

نرفزني الصراحة

[ANONYMOUS]

نعم يحق لك اخوي
بالعكس اذا ماعطاك رقمه خذ رقم موتره العسكري او رقم السياره الي بالخط العريض موجود على بدي الموتر
وبلغ عنه
وخل بدال القظه قظيتين
اولها انه رفض يعطيك رقمه العسكري والقظيه الثانيه قضيه استفزاز والحاق الضرر النفسي :)
وخذ التعويظ طال عمرك
هم مب احسن منا
اذا هم فالحين ف تسجيل المخالفات والنفسيه التعبانه
عيل احنا طال عمرك فالحين ف رفع القظايا وناخذ تعويض منهم ^^


ههههههههه ياخي خلك محضر خير


مع ان ردك رهيييييب :telephone:

[ANONYMOUS]

ما تحتاج اسمه

رقم الدورية والساعة
وروح بلغ عنه

نرفزني الصراحة

مايحتاج لا اسم ولا رقم الدوريه

مكان الثبوت و التاريخ والساعه

ويمكن طابور عرض :p

[Riku3]

ما التمس له العذر صراحه .. فالعذر للي يبين عليه تعبان او يعاملك بعصبيه بسيطه ويبين عليه مهموم بس ما يضرك او يقلل من شأنك ..

اما مسالة الثبوت والاجهاد فهذا امر فارغ .. انا اشتغلت بخدمة الجمهور والناس وبأحد الفترات ولمدة سنه ونص كنت اشتغل 16 ساعة باليوم بدون اجازة حتى الجمعة كنت اداوم .. ما اذكر اني يوم عصبت وناحست حد لمجرد اني مب رايق او تعبان ..

المسألة ثقافه والافضل لو تمادى ان تشتكي عليه بشكل رسمي .. ولو تشوف المسالة عاديه وما اثرت فيك فخذه على قد عقله وخله يستانس في عالمه الخاص ..

بس حط في بالك ترى مثل هالتصرفات فرديه ولازم تخصها بصاحبها وليس بالجميع لان في شباب ما شاء الله عليهم ذوق وقمة في الاحترام.

[رآعي موآجيب]

ما التمس له العذر صراحه .. فالعذر للي يبين عليه تعبان او يعاملك بعصبيه بسيطه ويبين عليه مهموم بس ما يضرك او يقلل من شأنك ..

اما مسالة الثبوت والاجهاد فهذا امر فارغ .. انا اشتغلت بخدمة الجمهور والناس وبأحد الفترات ولمدة سنه ونص كنت اشتغل 16 ساعة باليوم بدون اجازة حتى الجمعة كنت اداوم .. ما اذكر اني يوم عصبت وناحست حد لمجرد اني مب رايق او تعبان ..

المسألة ثقافه والافضل لو تمادى ان تشتكي عليه بشكل رسمي .. ولو تشوف المسالة عاديه وما اثرت فيك فخذه على قد عقله وخله يستانس في عالمه الخاص ..

بس حط في بالك ترى مثل هالتصرفات فرديه ولازم تخصها بصاحبها وليس بالجميع لان في شباب ما شاء الله عليهم ذوق وقمة في الاحترام.

هذا الكلام السليم

أما اني اعطيه عذر على سوء تعامله وعنجهيته !!

كان من الأجدر انه يعطيك عذر انك نسيت الرخصه في السياره الثانيه وخصوصاً انك رجعت وجبتها ويعرف انك في الأخير أنسان تنسى حالك حال البشر وحاله هو بعد دامه نسى آداب التعامل مع الجمهور !!

[al-sadd]

ههههههههه ياخي خلك محضر خير


مع ان ردك رهيييييب :telephone:

ياخي والله شي ينرفز :anger1:
المصيبه اذا جاك واحد يستغل سلطته عليك
والمصيبه الي اكبر من كذا انه اصغر منك ب6-7 سنين
ولا في احترام ولا هم يحزنون كانه يكلم واحد من ربعه
ياخي تنقهر :nice:
وبيني وبينك مش غلط نلعمهم السنع يوم يوشوفون السالفه فيها محاكم بيعرفون شلون يتكلمون مع العالم ^^

[وطن]

مايحتاج لا اسم ولا رقم الدوريه

مكان الثبوت و التاريخ والساعه

ويمكن طابور عرض :p

ايه ايه ايه :victory:

لا احد منهم يجي صوبي ويناحسني بدون سبب

اذا انا ماشيه سيده ما احب حد يغلط علي ولا يستفزني

[بنت امي]

صحيح النفسيه والظروف تلعب دور

[كلنا قطر 1981]

هذا الكلام السليم

أما اني اعطيه عذر على سوء تعامله وعنجهيته !!

كان من الأجدر انه يعطيك عذر انك نسيت الرخصه في السياره الثانيه وخصوصاً انك رجعت وجبتها ويعرف انك في الأخير أنسان تنسى حالك حال البشر وحاله هو بعد دامه نسى آداب التعامل مع الجمهور !!

والله ما بعد كلامك و كلام اخوي الي رديت عليه يا راعي المواجيب كلام

الله يعطيكم العافيه

فعلا اذا هو عليه ضغط و بشر حتى الجمهور بشر و احترامهم في التعامل من ضمن وظيفته

و اذا هو مب كفو التعامل بالحسنى يقعد في بيتهم احسن

[ريتويت]

الحمدلله والشكر

[hamoor4ever]

يمكن لانك مب من نفس عائلته او حس انك مثلا ماخذ السياره من غير علم اخوك ، بعدين اغلبهم حمله ثانويه شنو تتوقع منهم مثلا ادري كلامي بيزعل كثير بس هاذه الواقع . ع فكره الايام هاذي مشددين يعني يخالفونك حتى لو ماسويت شي ، فمابالك ماعندك رخصه

[وتبقى الدنيا حلوه]

بالرغم اني هاديه ومالي حس بس امور مثل ذي تحولني انسانه ثانيه

يعني اول شي هو مب بمهمه سرية عشان مايقول لك اسمه

و انت ماغلطت لما وقفت عند الدوار لان اللي معاه قال لك

و مب من حقه يتكلمك بهل الطريق والا ينافت عليك

لو انا منك اصريت اخذ اسمه و من حقك بعد تشتكي عليه الدنيا مو فوضى !!

[وتبقى الدنيا حلوه]

يمكن لانك مب من نفس عائلته او حس انك مثلا ماخذ السياره من غير علم اخوك ، بعدين اغلبهم حمله ثانويه شنو تتوقع منهم مثلا ادري كلامي بيزعل كثير بس هاذه الواقع . ع فكره الايام هاذي مشددين يعني يخالفونك حتى لو ماسويت شي ، فمابالك ماعندك رخصه

شفيهم حملة الثانويه !!

ياما جامعيين حاطينهم بمناصب وهو مايعرف كوعه من بوعه

مايخصه الشهاده قد مهو مهم الاسلوب و التعامل

المفروض يعطونهم دورات

[كلنا قطر 1981]

شفيهم حملة الثانويه !!

ياما جامعيين حاطينهم بمناصب وهو مايعرف كوعه من بوعه

مايخصه الشهاده قد مهو مهم الاسلوب و التعامل

المفروض يعطونهم دورات

صح كلامج اختي تبقى الحياه حلوه

الاسلوب في التعامل مب مرتبط بشهاده دراسيه

الاسلوب يا انه نتعلمه في البيوت يا اما ندخل دورات علشان نتعلمه لانه البشر في وراهم

مشاغل و هم مب شغالين على حسب مزاجنا

ربي يعطيج العافيه و يقويج اختي تبقى الحياه حلوه :victory:

[khaleeji]

الخطا انك ماعرفت تتعامل معاه يحق له يطلب ليسنك ويحق لك تعرف اسمه

واذا رفض خذ رقم الدوريه وروح قدم عليه شكوى رسمية

لخويا اسلوبهم محترم في الغالب ولكن اذا كان فيه حد وقح في التعامل فهذا شي فردي ولو انك اشتكيت كان تحاسب

[مخطط قطري]

موقف صار قبل 15 سنه
سنه 1997
الحدث حديقه البدع
شباب صغار متحرشين في بنات وعندهم اقلام ليزر اشتكو البنات وجات دوريه تحريات امن العاصمه وشلت هالشباب ويتساهلون اكثر لازم يكون رادع مع انهم طلبه ثانويه بس هذا عقاب لهم عشان مايتحرشون في بنات الناس وكان اسلوب التحريات اسلوب وقح وقليل ادب وغير محترم في التعامل مع هالمراهقين
والعاصمه اصلن مش مسؤله عنهم لانهم احداث اقل من 18 بس كل الي يسونه يحولنهم على شرطه الاحداث او يسلمونهم اياهم
اخو واحد من هلاحداث صديق لي وكان موجود وسالهم شالموضوع
رد عليه واحد من افراد التحريات قاله -اقلب وجهك- وهو طبعا هذا التحري لابس ثياب مدنيه
وهالرجال الي اعرفه صديقي انسان سريع الغضب صارت مشاده سريعه ووصلت انه اضربه ضرب مبرح سحبه في الحديقه ونفخ له وجهه
وكانو التحريات يمكن 4 او 5 كل الي سوه بلغو ولا واحد فزع لخويهم العسكري
وبعد المدولات وروح وتعال طلع صديقي منهم اللهم توقف 24 ساعه بس في المركز وطلع
في حين هالعسكري جلس اسابيع يتلقى العلاج
الهدف من ذكر هالقصه الحزينه والمؤلمه كونك عسكري وعندك سلطه حاول تستغل هالسلطه باسلوب امثل
مش تسئ استخدمها وعقب تنعكس عليك

[السيف5]

اشتك عليه ولاتتردد البلد محكومة بقانون
وماعليك منه هو استغل سلطته باسلوب
خطأ ويتحمل نتيجة غلطته

ليش ياللخويا تزعلونا يبقي لجزء كبير منكم
دورات في التعامل مع الناس

[wadha-qa]

يقهرووون صراحه الاخ اللي قال اشتك عليهم معاه حق
لو ادري انهم بيحاسبون الافراد كان اشتكينا على واحد موقفنا الصبح ع الكورنيش و يستهبل علينا ليش تتجاوزون من اليمين و بسجل مخالفه ومادري شنو في الاخير يوم شاف البطاقه الشخصيه و عرف العايله قال لا دام انكم من هالعايله ما بسجل مخالفه شهالمصخره صراحه قمه الاستفزاز والسخافه ضيع وقتنا ع الفاضي

[نظرة شجاع]

يقهرووون صراحه الاخ اللي قال اشتك عليهم معاه حق
لو ادري انهم بيحاسبون الافراد كان اشتكينا على واحد موقفنا الصبح ع الكورنيش و يستهبل علينا ليش تتجاوزون من اليمين و بسجل مخالفه ومادري شنو في الاخير يوم شاف البطاقه الشخصيه و عرف العايله قال لا دام انكم من هالعايله ما بسجل مخالفه شهالمصخره صراحه قمه الاستفزاز والسخافه ضيع وقتنا ع الفاضي

ياااويه !!

لو انا منه خالفتكم وش ماكانت العائلة محدن عليه زود

[ممنوع اللمس]

زين انك قلت لي علشان الجمس ما يدرعم فالكورنيش ويشلونه الحجز


انا اللي اعرفه يعطيك مخالفه لا تجيب اليسن ولا شي وهالشي صار لي وقفوني ثبوت والليسن فالبيت وقالي هاك مخالفه وتوكل على الله وخلاص بس تروح تجيب الليسن وفوق كل هذا مخالفه هذي اول مره اسمع فيها

[(بوطلال)]

مستغرب من الردود الي متحامله على العسكري واسلوبه مع اني ماشوفه غلط واتمنى حد يوضح لي وين الغلط لما قاله روح جيب ليسنك او لما قاله لاتصف على الدوار لان الدوار مب مكان للوقف اصلا .

الغلطان انت الي مب محتفظ في الليسن معاك وهذا يعتبر اهمال حتى لو نسيت فالقانون مافيه شي اسمه نسيت . تخيل تصف في مكان مخالف تقدر تقول للشرطي نسيت او مانتبهت ,او كنت مسرع فوق السرعه القانونيه وصادك الرادار تقدر تقول سهيت .

لمراد تطبيق القانون ماينزعل منه والشرطي ماغلط في شي حتى لو قالك لاتصف عالدوار فهو يطبق القانون والشرطي الثاني الي تقول عن ذرب كان غلطان يسمحلك بالوقوف عالدوار .

[al-sadd]

مستغرب من الردود الي متحامله على العسكري واسلوبه مع اني ماشوفه غلط واتمنى حد يوضح لي وين الغلط لما قاله روح جيب ليسنك او لما قاله لاتصف على الدوار لان الدوار مب مكان للوقف اصلا .

الغلطان انت الي مب محتفظ في الليسن معاك وهذا يعتبر اهمال حتى لو نسيت فالقانون مافيه شي اسمه نسيت . تخيل تصف في مكان مخالف تقدر تقول للشرطي نسيت او مانتبهت ,او كنت مسرع فوق السرعه القانونيه وصادك الرادار تقدر تقول سهيت .

لمراد تطبيق القانون ماينزعل منه والشرطي ماغلط في شي حتى لو قالك لاتصف عالدوار فهو يطبق القانون والشرطي الثاني الي تقول عن ذرب كان غلطان يسمحلك بالوقوف عالدوار .

-------
لما وصلت عند الدوريه قلت له السالفه وعطيته ليسن اخوي واستمارته راح طلب مني ليسني ولا بيصكني مخالفه ، طبعا اعتذرت انه ما عندي وعادي يصكني مخالفه دام انا غلطان
المهم لزم علي اجيب ليسني ولا مابيرجع لي ليسن واستمارة اخوي :s
-------
وحده وحده
تعال بفصلها لك وبقولك كم غلط على العسكري !
اول شي طلب من الرجال الليسن ولا بيصكه مخالفه ! هذي حلوين فيها
تعال للثانيه قاله الرجال عادي عطني مخالفه مادام انا غلطان !!
رد عليه العسكري انه لازم يجيب لينه ولا مابيرجع الليسن مال اخوه واستارت موتر اخوه !!

وين قاعدين؟ ف اي زريبه احنا؟ على كيفه ياخذ الاستماره والليسن ولا يرجعهم ؟ من يكون هو !! في حالات استثنائية ممكن العسكري ياخذ الليسن والاستماره !! مش فكل الحالات وخاصه مثل حالاه الاخ ! وفوق هذا انا اعتبره تهديد واظح ! وفيها قظيه طال عمرك !!
-------
انجي للي بعده

المهم ضربت خط ورحت بيتنا اجيب الليسن ولما رجعت واحد منهم جزاه الله خير ذرب وأسلوبه حلو قلت له السالفه قالي صف وتعال خذ المخالفة رحنا عند الي قالي اروح اجيب الليسن ولما شافني صاف جنب الدوار مثل ما الثاني قالي عصب وقالي روح صف عند مواقف البدع يمكن 500 متر تخيلو

هنا نبدى بسوالف البزران طال عمرك والمناحس ! انه يبي الرجال يصف باخر الدنيا علشان ياخذ الليسن والاستماره والمخالفه !!!!!!!!!!!
جزاه الله الف خير انه عطاه وجه وراح البيت وجاب الليسن !!! وفوق هذا قاله الظابط صف اهني وتعال !! تناحس العسكري قاله لا صف فاخر الدنيا وتعال
وكل هذا علشان الليسن والاستماره ومخالفه 500 ريال !!
-------

فكر فيها صح اخوي بوطلال !! الحين الرجال سوى الي عليه وفوق هذا يتناحس معاه
تدري والله العظيم لو انا مكان هالرجال !
اول شي باخذ رقم العسكري !
اثنين بسحب عليه وبمشي وبخلي ليسني عنده واستمارتي!
شالمشكله؟ اطلع بدل فاقد !
وارفع القظيه عليه وابشرك اني بربحها !!!! لان بس في المركز يكون العسكري مصدق ولاكن المحكمه فهم سواسيه !

[(بوطلال)]

-------
لما وصلت عند الدوريه قلت له السالفه وعطيته ليسن اخوي واستمارته راح طلب مني ليسني ولا بيصكني مخالفه ، طبعا اعتذرت انه ما عندي وعادي يصكني مخالفه دام انا غلطان
المهم لزم علي اجيب ليسني ولا مابيرجع لي ليسن واستمارة اخوي :s
-------
وحده وحده
تعال بفصلها لك وبقولك كم غلط على العسكري !
اول شي طلب من الرجال الليسن ولا بيصكه مخالفه ! هذي حلوين فيها
تعال للثانيه قاله الرجال عادي عطني مخالفه مادام انا غلطان !!
رد عليه العسكري انه لازم يجيب لينه ولا مابيرجع الليسن مال اخوه واستارت موتر اخوه !!

وين قاعدين؟ ف اي زريبه احنا؟ على كيفه ياخذ الاستماره والليسن ولا يرجعهم ؟ من يكون هو !! في حالات استثنائية ممكن العسكري ياخذ الليسن والاستماره !! مش فكل الحالات وخاصه مثل حالاه الاخ ! وفوق هذا انا اعتبره تهديد واظح ! وفيها قظيه طال عمرك !!
-------
انجي للي بعده

المهم ضربت خط ورحت بيتنا اجيب الليسن ولما رجعت واحد منهم جزاه الله خير ذرب وأسلوبه حلو قلت له السالفه قالي صف وتعال خذ المخالفة رحنا عند الي قالي اروح اجيب الليسن ولما شافني صاف جنب الدوار مثل ما الثاني قالي عصب وقالي روح صف عند مواقف البدع يمكن 500 متر تخيلو

هنا نبدى بسوالف البزران طال عمرك والمناحس ! انه يبي الرجال يصف باخر الدنيا علشان ياخذ الليسن والاستماره والمخالفه !!!!!!!!!!!
جزاه الله الف خير انه عطاه وجه وراح البيت وجاب الليسن !!! وفوق هذا قاله الظابط صف اهني وتعال !! تناحس العسكري قاله لا صف فاخر الدنيا وتعال
وكل هذا علشان الليسن والاستماره ومخالفه 500 ريال !!
-------

فكر فيها صح اخوي بوطلال !! الحين الرجال سوى الي عليه وفوق هذا يتناحس معاه
تدري والله العظيم لو انا مكان هالرجال !
اول شي باخذ رقم العسكري !
اثنين بسحب عليه وبمشي وبخلي ليسني عنده واستمارتي!
شالمشكله؟ اطلع بدل فاقد !
وارفع القظيه عليه وابشرك اني بربحها !!!! لان بس في المركز يكون العسكري مصدق ولاكن المحكمه فهم سواسيه !


اخوي ال سعد .

ماتدري ليش الشرطي حجز الليسن والاستماره يمكن في سبب يمكن الشخص ماعنده اثبات هويه . وماتدري عن اسلوب اخونا في كلامه مع الشرطي ترى البعض مايحترمون الي قدامهم سواء عسكري او مدني ويتكلمون بأسلوب يخلونك تطبق روح القانون بدال ماتتساهل معاهم.


اخوي ال سعد خارج الموضوع

شنهي مخالفة الي مايحمل الليسن ؟

[al-sadd]

اخوي ال سعد .

ماتدري ليش الشرطي حجز الليسن والاستماره يمكن في سبب يمكن الشخص ماعنده اثبات هويه . وماتدري عن اسلوب اخونا في كلامه مع الشرطي ترى البعض مايحترمون الي قدامهم سواء عسكري او مدني ويتكلمون بأسلوب يخلونك تطبق روح القانون بدال ماتتساهل معاهم.


اخوي ال سعد خارج الموضوع

شنهي مخالفة الي مايحمل الليسن ؟

صح كلامك يا طويل العمر بخصوص اسلوب الرجال ولاكن انا كلامك كان اعتماده الاول والاخير على ان اسلوب الرجال محترم وكلام العسكري غير ذلك ^^

بخصوص المخالفه ياطويل العمر اظن اسمها
القياده بدون ليسن او ماشابه ذلك
وقيمتها قبل 300 ريال
حاليا مادري ولاكن على كلام الرجال 500 ريال

[penguin]

المفروض ماتعطيه ليسن اخوك تسكت عنه
تقوله ناسي اوراقي فالبيت
يسجلها مخالفه قياده من غير رخصه
وبعدين تجوفها بدال ماتعور راسك
واذا فخاطرك تشتكي عليه مب لازم اسمه
الوقت و المكان وانتهينا

[(بوطلال)]

صح كلامك يا طويل العمر بخصوص اسلوب الرجال ولاكن انا كلامك كان اعتماده الاول والاخير على ان اسلوب الرجال محترم وكلام العسكري غير ذلك ^^

بخصوص المخالفه ياطويل العمر اظن اسمها
القياده بدون ليسن او ماشابه ذلك
وقيمتها قبل 300 ريال
حاليا مادري ولاكن على كلام الرجال 500 ريال

بارك الله فيك يالشيخ

[ماجد البدر]

الله يسلمك ناسي ليسنك عليك مخالفة وطريقة تعامل الشرطي كيد هو غلطان ممكن ياخذ رقمك الشخصي لو كان عندك ويظهر منه البيانات الي يبيها من الكمبيوتر الي عندهم بسيارة بحسب الي اعرفه وفيه 100 اسلوب لتفاهم مع الافراد بدون تجريح ولا شحططه وبهدله واحيانا نرد على الشرطه ببرود او عبد ولا اقصدك و لكن وشكل عام وهو الي ينرفز الشرطة
الشرطة لهم احترامهم بس مثل ماذكرت انت يحر ماتعرف شلي يرضيه
يحسب اعطاء المخالفة لازم بزعاق او شحططه عطني مخالفة ولكن بحترام وممكن حتى مع الابتسامه مخالفة

[مافيا الاسهم]

الساكت عن الحق شيطان اخرس
... اللي يصير في دول عربية كثيرة من الشرطة بسبب سكوت الناس
الغلط ما ينسكت عليه ... ودام انت اخذت مخالفة ماله حق يتعامل معاك بهالاسلوب

[مافيا الاسهم]

صح كلامك يا طويل العمر بخصوص اسلوب الرجال ولاكن انا كلامك كان اعتماده الاول والاخير على ان اسلوب الرجال محترم وكلام العسكري غير ذلك ^^

بخصوص المخالفه ياطويل العمر اظن اسمها
القياده بدون ليسن او ماشابه ذلك
وقيمتها قبل 300 ريال
حاليا مادري ولاكن على كلام الرجال 500 ريال

المخالفة 500 ريال وعليها نقطة

[alhajri-100]

انا مره تهاوشت مع واحد منهم في ثبوت
وكنت ناسي ليسني ف البيت وعطيته الملكيه بس لاني احطها ف الشماسيه
قلت له في البيت قال الموتر يروح الحجز لين تجيب الليسن
تخيلوو والله قلت له بلحرف الواحد (( والله لو اتحج ماوديته الحجز والي ماتوصله بيدينك وصله برجولك (الله يعزكم
لان ماعندي شغل معاه انشالله يومين
وانا من يوم يومي مادانيهم في عيشة ربي المرور عندي اهون
المهم قالي انت اتحدانا قلت له خف علينا يا قرانديزر ههههههههه
وانا مب واحد من ربعك اكذب عليك رجال اكبر منك طول وعرض واكذب عليك
قلت والله انكم اخر همي ترا انتو مسوين حق روحكم جو
وبس والحقوني البيت وعطيتهم ليسني ودخلت ارقد هههههههههههههههههههههههههه

[hamoor4ever]

شفيهم حملة الثانويه !!

ياما جامعيين حاطينهم بمناصب وهو مايعرف كوعه من بوعه

مايخصه الشهاده قد مهو مهم الاسلوب و التعامل

المفروض يعطونهم دورات

القصد اختي او اخوي مب الشهاده حرفيا بل قصدت ان الجامعي يكون اكبر سنا واكثر رقي بالتعامل مع الناس غالبا لانه اكثر ثقافه احيانا وليس دائما طبعا وهاذه مايمنع ان هناك من هم من حمله الثانويه افضل بكثير من حاملين الشهاده الجامعيه ، المراد من الموضوع ان صاحب الثانويه بعمر صغير نسبيا فيكون هالشخص قليل خبره وتعامل مع الناس بل ومتسرع احيانا . ولم اكن اقصد حمله الثانويه تحديدا بالحرف . اتمنى وصلت المعلومه
ولاحظتي ان فيه احد الردود للاخوات قالت كان بيخالفهم الشرطي ولكنها لانها من عائله معينه تركهم وهاذه مالاحظته بنفسي يطالع الاسم ثم يبتسم او يكشر وهاذه اذا يدل ، يدل على ان الكثير يحتاجون لثقافه التعامل مع الناس وفق القانون ووفق الخطأ من الفرد وليس وفق عائله او قبيله معينه ، وللاسف صاحب الموضوع اللي باين منه انه ماكان عاجبهم تحت هذا المبدآ ، او انه استفزه بعدم مبالاته بالشرطي

[شي ثاني]

جزاكم الله خير على هالكلام الطيب

والي شاكين بأسلوبي معاه مالومهم لأنهم مايعرفوني لكن ابي اقول انا اكلم الناس مثل ماحب يكلموني حتى لو شخص غلطان ، اقل شي يكون في معامله طيبه بيني وبينه ولو اقدر اساعده مابتردد ماراح أصعب عليه الامور

لو سألني عن بطاقتي بعطيه الرقم وماعندي مشكله ارجع بيتنا مع انه كان بعيد وايد عن الكورنيش لكن يوم مديت يدي عشان أخذ بطايق اخوي منه قالي لا روح جيب بطاقتك شللي يضمني بترجع ؟ :omg:

هالاسلوب نبلعه لما نسافر امريكا او اوروبا ناس مايعرفون السنع وابسط آداب التخاطب مع الناس لكن لما يصير في بلادك والله يحز بخاطري

إحنا ماكثرنا على بعض ودايما نفتخر بوقفة القطريين مع بعض وتعاملنا مع بعض تعامل إخوان وأهل

لما تقولون انا غلطان اوقف آحذا الدوار أقولك انا ماوقفت من نفسي واحد منهم قالي وانا سمعت الكلام ، تخيل موقفك صفيت نزلت أخذ المخالفه قالي ذاك لا روح صف هناك وتعال وخذها :(

هالسوالف ماتاًدب ناس ولا بتخلي احد يحرم ينسى ، الي عنده استعداد يخالف القوانين بيخالف بس أظن هالشي يخلي الي يحترمهم ويقدرهم يبي يعاندهم او يلعوزهم

بالأخير انا خذيت المخالفه ليش كل هاي يصير يعني
صج صج عكر مزاجي وخرب يومي وحسسني أني شخص سيئ

الله يسامحه

الثبوت ( تفتيش ) كان الساعه 1 ونص صبح اليوم تاريخ 6 -2
كان ملازم اسمه محمد المسند أتوقع لانه بعد ماعصب وقالي لا مايحق لك تعرف ومادري وشو قالي عقب بس مب واضح شوي . انا مابي اشتك عليه ولا اني اضره بشي بس الي يعرفه يقوله يخاف ربه ويعامل الناس بطريقه أحسن شوي ماراح تخترب الدنيا

[Me&OnLy]

مريت في نفس موقفك بس كنت مخالف ومب رابط الحزام قال لي الضابط صف عالدوار صفيت مثل ماقال لي جاني شخص قالي حرك خذ الدوار سيده وصف وبنجيك قلت له الضابط قالي صف عالدوار قالي ماتفهم انت؟ روح صف هناك قلت له انت ماتفهم الضابط قالي اصف عالدوار عندك اجراء ضدي سوه مو تنافخ علي وتكلمني بأسلوبك التعبان قام قالي خير ان شاءالله وراح ينادي لي ضابط ثاني يبلفيت بينتقم جاني قالي خير قلت له الخير بوجهك الضابط فلان قالي صف اهني وهذا ينافخ علي وانت ماتفهم وماعرف ايش قال لي الامر بسيط وكلم الشرطي قاله روح مادري وين المهم عاقبه ولا عطاني مخالفه ولا شي

[شي ثاني]

لاحول ولإقوة الا بالله


مقدرين تعبهم والضغوطات الي يمرون فيها والشفتات لكن الحمدلله ماظن الدوله مقصره وياهم وماعتقد في شغل سهل

شلون لو مثلنا إحنا طلاب الجامعات الي كرف وضغط نفسي ٢٤ ساعه

المره الجايه بسوي الي تقولون عنه : d لكن مابي اوصلها لمشاكل وعوار راس

[أبو عبدالعزيز]

المزايا المادية لصاحب أي وظيفة مقارنة بباقي الوظائف تجعل أحيانا من بعض الاشخاص يشعرون بالعلو أو الزهو في أنفسهم.. حتى القضاة أنفسهم صار بعضهم يشتكي من سوء لباقة بعض رجال الأمن، فبعد أن كان رجل الأمن يقف احتراما عندما يمر القاضي في طريقه إلى الجلسة.. ويضرب له السلام (التحية العسكرية) أصبح بعضهم لا يبالي بل ويواصل جلوسه واضعا رجلا على رجل!!

[الرايــق]

الله يعينك ..

تعاملت مرة معاهم بصراحة قمة في الاخلاق والتساهل .. بعكس المرور الله يصلحهم :(

الله يعينك ويعين الجميع

[.خالد]

ما نقدر نعمم على كل اللخويا وفي الاخير ما سوا لك شي غلط او اهانك ... انت شكلك حساس

[qatar2090]

شف الفرق في التعامل اخوى

من كم يوم طالع للدوام الصباح وتعرف الواحد ماله خلق حق احد وزحمة دوار وشرطي لخويا واقف عل الدوار ومعاه دفتر المخالفات عاد انا مو مركز وقاعد اطالعه جاي عند سيارتي وقاعد يبتسم يقولى اخوى احترمني اربط حزام الامان وضحكة قلت له ابشر

ومره من المرات كنت طالع المغرب وشرطي لخويا يصارخ على اربط حزام الامان قلت له مالك خص اربط الحزام او لا وصكني مخالفة قلت له ترا قاعد اكلم تلفون لاتنسي تعطيني المخالفة الثانية

[ابن قطر]

يا اخي لك الحق تعرف اسم الضابط

والبلاد فيها قانون لا تخاف

[MoTeC]

صراحه اسلوبه ينرفز الواحد :)
ومثل ماقال واحد من الاخوان لو انا منك اخلي الاستماره وليسن اخوي عنده بس اسجل رقم الدوريه واشتكي عليه

طبعاً مب كلهم اخوي نفس الاسلوب
مره انا رايح لواحد من الشباب بيتهم فالناصريه
وانا جاي من خط 22 فبراير بنزل من تحت لدوار الشمال المهم ان فيه زحمه كالعاده (عشان الاشاره) وقتها ماكنت رابط الحزام وموتري بعد عليه هدرز المهم مدري شاللي خلاني اربط الحزام وانا اربطه لمحت يميني عند باب العبري موتر احمر xD اطالعه الا موتر لخويا فيه واحد لا اعرفه ولا يعرفني المهم تم يضحك ويقول لا لا لاتخاف مايحتاج تربطه ~P: طبعا وهو يضحك وبس
المهم لاتحكم عليهم كلهم ترى في بعضهم طيبين لأبعد الحدود اولهم مديرهم عبدالله بن ناصر قمه التواضع :)

[بوالبيض]

يعني كلش ما يحتاي اليسن دام انت عطيته الاستماره وليسن اخوك
بس اسلوب ما فيه هي المشكله ... وسع صدرك