ممكن معلومات عن لندن

[راية الفخر]

السلام عليكم

نويت ان شاءالله اسافر لندن مع عايلتي وبغيت معلومات وافيه عن كل شي يخص لندن اهمها

- تاجير السياره من والى المطار اذا عندكم ارقام سواقين ثقه
الاماكن السياحية فيها
- الشقق الفندقيه اللي تنصحون فيها
الاسواق
- المطاعم العربيه وشلون اسعارها
-بخصوص برايتون كم ساعه تاخذ الرحله لها بالسيارة
واذا ممكن تعطوني جدول امشي عليه لسفرة مدتها اسبوع
ومشكورين ماقصرتوا

[ماجد البدر]

شوفي هذا التقرير ان شاء الله يساعدج
http://www.qatarshares.com/vb/showthread.php?t=490710

[راية الفخر]

ماقصرت اخوي ماجد ارحم الله والديك انا شفت التقرير بس بعد بغيت معلومات اكثر عن السكن وعن الاماكن السياحية .. اللي عنده معلومات ياريت مايبخل علي وجزاكم الله خير

[Class]

أنصحج لا تسافرون لأن بريطانيا بصفة خاصة

وأوروبا بصفة عامة تجتاحها موجة صقيع بادرة جداً

[خيالة قطر]

الله يحفـظج غلاي

ان شاءالله الاعضاء مابيقصرون معــاج =)

[fahadq]

والله لندن حاوة فى الشتاء واحلى فى الصيف عن واقع تجربة


والله يا ذكرى لندن اموفقة اختى

[doha2012]

توكل على الله


لندن بارده صح لكنها حلوه وبرايتون نص ساعه بالقطار ومنطقه هاديه وصغيره واكثرها طلبه

[يحفظك ربي]

اختي شوفي هالموقع وايد حلو للمواصلات من والى المطار انا تعاملت معهم كذا مرة واسعارهم حلوة
وبعد الحلو ان تدفعين كاش للسواق او اذا تحبين يصير بالفيزا بعد

http://www.hummingbirdcars.co.uk/

احسن من السواقين العرب والله يضربون ضربتهم خاصة لو السيارة كبيرة !!

[faisalqatar]

الصراحه لندن حلوة و ان شاء الله بتستانسين
بس انا عن نفسي اشوف اسبوع كفاية عليها لا اتطولين اكثر

بعطيج كم مكان و كم مطعم لازم اتروحين لهم اذا قدرتي


اول شي مطعم
Joe's

او جوزف

مكانه في سيلون ستريت ورى هارودز

مطعم ايطالي و اكله لذيذ .. اطلبي من عندهم روزيتو دياي ولازم اتجربين سلطة السيزر عندهم

خوووش شي

و عنج بعد الله يسلمج مطعم مسكوف العراقي
مكانه في شارع نايتس بريدج

اتخلين هارودز على يمينج و اتكملين سييييده و بتحصلينه على اليمين عقب الكازينو اللي هناك بـ شوي

عندهم خوش سمج مسكوف لا يفوتج

وعندج بعد الجيز كيك اللي في فندق جميرا في سلون ستريت بعد
جيز كيك لذيذ جدا

وبالنسبة للاماكن السياحية

اذا اول مرة اتروحين لازم اتشوفين البيج بن و لندن آي

طبعا هايد بارك

وووو

اذا معاكم ييهال روحوا حديقة الحيوان

و متحف الشمع (بس نصيحة مني احجزوا من النت عشان ما اتطيحون في زحمة)

واذا عندج اي استفسار انا حاظر :)