قطر الخيريه والحركه الغريبه!

[مضارب دوسري]

السلام عليكم
ساءني حركات قطر الخيريه في دعوتهم للتبرع
جزاهم الله خير اولا واخيرا
ولكن
من فتره كانت حملة جمع تبرعات لفتح معاهد لتعليم الاسلام في اؤروبا
ووضعهم سعر معين
يعني السهم ب 10000 ريال تبي تتبرع حياك ماعندك هالمبلغ مب لازم تتعب نفسك
ياخوان المفروض قطر الخيريه تفتح الباب لفعل الخير اللي يبي يتبرع بريال او يتبرع ب 1000 ريال او يتبرع باللي يقدر عليه
10000 ريال هذي تمثل مبلغ كبير لبعض العوائل
الواحد يتبرع بالمبلغ اللي يبيه ابتغاء وجه الله

يعني بحركتهم كانهم يقولون اذا انت مريش وفلوسك وايد حياك بس اذا كنت متوسط الدخل تبرع في شي ثاني غير هالمشروع
هل يرضيكم اللي قاعد يصير ؟

والحين جا موضوع اليمن
ب 2000 او 1000
اقل من جذي ريح نفسك ولا تتبرع لهم
اكيد المبلغ هذا مناسب مقارنه ب 10000 ريال
ولكن المفروض يفتحون الباب للكل
كل واحد يتبرع بقدر استطاعته
مايصير يساؤن بين جميع الناس

اتمنى اعادة النظر في موضوع التبرع لليمن
لان مشروع الشيخ الحمادي اعتقد اكتمل خلاص

وشكرا

[شميرام]

بالنسبه حق الأسهم الأوربي عادي جمعيه مجموعه يشترون سهم
اما اليمن مافي رقم معين حتي المسج بالتلفون يحذون 25 ريال

[مضارب دوسري]

هلا اخوي
بخصوص الجمعيه
وليش الواحد يضطر لهالشي
الواحد يبي يتبرع ومايبي احد يدري
ف ليش يخلون الواحد لازم يروح يكلم فلان وفلان هاه تبي تتبرع ولا لا ؟
اشدعوه وين قاعدين ؟

وموضوع اليمن توه واصلني مسج مسحته من القهر
كاتبين فيه مبلغ 2000 لسنتين او شي من هالقبيل
او 1000 لسته شهور
و1000 لنزوح العائلات

[الخزرجي قطر]

جزاك الله خير على طرحك الموضوع كلامك صحيح المفروض مايحددون مبلغ التبرع
كل واحد وحسب استطاعته وقدرته الماديه القليل من البعض يجمع الكثير وشكرا

[سيف الحرية]

أساليب الرئيس التنفيذي الجديد لقطر الخيرية

[مضارب دوسري]

الله يجزاك بمثله اخوي

[مضارب دوسري]

أساليب الرئيس التنفيذي الجديد لقطر الخيرية

عن عدي بن حاتم رضي الله عنه قال: قال رسول الله ‏صلى الله عليه و سلم : "ما منكم من أحد إلا ‏سيكلمه ربه، ليس بينه وبينه تَرْجمان فينظر أيمن منه، فلا يرى إلا ما قدم. وينظر أشأم منه، ‏فلا يرى إلا ما قدم، وينظر بين يديه فلا يرى إلا النار تِلقَاءَ وجهه، فاتقوا النار ولو بِشِقِّ ‏تمرة. فمن لم يجد فبكلمة طيبة" متفق عليه

من وضع عنده ميزان الصدقات لكي يقرر مايشاء ويضع المبلغ الذي يريده

[الـقـاسـي]

والله ياخوي انا عن نفس ماتعامل مع قطر الخيريه ارتاح للتعامل مع عيد الخيريه وكلهم باذن الله خير وبركه بس عن نفسي اروح لعيد الخيريه

[غير عنهم]

من وجهة نظري مافيه مثل جمعية عيد الخيريه جزاهم الله عنا كل خير

[.خالد]

كلام سليم

[تحداني]

والله ياخوي انا عن نفس ماتعامل مع قطر الخيريه ارتاح للتعامل مع عيد الخيريه وكلهم باذن الله خير وبركه بس عن نفسي اروح لعيد الخيريه



ليش ؟؟ :(

جملك الله برضاه

[تحداني]

معاك حق يا اخوي مضارب تحديد مبلغ وقيمه معينه لعمل خيري اعتد فيه شي من الاعتراض
لان ليس من المنطق اما 10 الاف او لا اتشارك وحط في اشياء ثانيه


اذكر في رمضان لما الدكتور الحمادي يجي في المساجد
عشان مشاريع المساجد في الدول الغربيه او الفقيره
يقول السهم 15 الف او 5 الاف
جربت اعطي وحده من الي تجمع الافلوس مبلغ
قامت احسبتهم وردتهم لي قالت ما يصير
قلت لها معليه انتي خذي ولا تعطيني كوبون ولا وصل ولا تذكرين الاسم

ردت قالت ما يصير




جملك الله برضاه

[مضارب دوسري]

الله يجزاكم خير
بس المشكله عيد الخيريه انتشارها مب مثل قطر الخيريه فالمجمعات والجمعيات

بس بصراحه شي يضايق من قطر الخيريه
من متى صاروا يتحكمون بثمن الصدقات
من متى صار هناك من يقرر القيمه الاقل للصدقه
من متى صار التصدق وكانه حكرا على ناس من دون ناس اخرين

ماعمري توقعت انه بيجي اليوم اللي القى الصدقه وكانها مبلغ كبير اما ان تدفعه او لا تتصدق

يعني يا فلان ياما تدفع 10000 ولا مانبيك تتصدق او تشارك فالمشروع

معقوله صرنا ابتزازيين
وهل قطر الخيريه موسسه ربحيه لا قدر الله
ياخي افتحوا على الناس كلن يتصدق والاغنياء والاثرياء الذين وضعتم لهم السهم ب 10000 هل اذا وضعتم مثلا مبالغ زهيده ماراح يتصدقون مثلا !


والله عيب يا قطر الخيريه عيب انج تحملين اسم قطر وفي نفس الوقت تفعلين هذا الفعل

[Me&OnLy]

انا مستغرب وماحط في ذمتي بس ليش هالمبالغ الكبيره طلعت بعد الزياده في الرواتب وكأنه يجبرك تدفع مبلغ معين والا لاتسوي خير ولاتتصدق وقبل كانو راضيين وكأنه المسأله ربحيه انا ماحط في ذمتي ولكن من الموضوع واصرارهم على المبالغ المعينه يخلي اي شخص يفكر هالتفكير والله يحسن خاتمتنا

[wadha-qa]

الاسلوب هذا سخيف يعني يحرمون الناس اللي على قدهم من الاجر ليش شهالتخلف ومسوي لي فيها انهم جمعيه خيريه روحوا لعيد الخيريه ابرك منهم صراحه
حتى احمد الحمادي اسلوبه مب شي المفروض يفتحون باب التبرع بدون تشرط

[مضارب دوسري]

معاك حق يا اخوي مضارب تحديد مبلغ وقيمه معينه لعمل خيري اعتد فيه شي من الاعتراض
لان ليس من المنطق اما 10 الاف او لا اتشارك وحط في اشياء ثانيه


اذكر في رمضان لما الدكتور الحمادي يجي في المساجد
عشان مشاريع المساجد في الدول الغربيه او الفقيره
يقول السهم 15 الف او 5 الاف
جربت اعطي وحده من الي تجمع الافلوس مبلغ
قامت احسبتهم وردتهم لي قالت ما يصير
قلت لها معليه انتي خذي ولا تعطيني كوبون ولا وصل ولا تذكرين الاسم

ردت قالت ما يصير




جملك الله برضاه

بالفعل هذا اللي حصل مع الكثيرين
وخصوصا مع مشاريع الشيخ الحمادي
يحدد مبالغ معينه وكانه مايبي احد يشارك الا فئه معينه
الله يجزاه خير ولكن لا يجوز ان يمنع الاخرين من التبرع لانه يبي مبلغ معين من كل واحد
اشدعوه هل صارت الصدقه لها مبالغ معينه
وين صارت هذي

بس صج شر البلية مايضحك
علماء دين وموسسات خيريه وطنيه ؤفوق هذا يفعلون ما سبق توضيحه
والله عيب

[مضارب دوسري]

انا مستغرب وماحط في ذمتي بس ليش هالمبالغ الكبيره طلعت بعد الزياده في الرواتب وكأنه يجبرك تدفع مبلغ معين والا لاتسوي خير ولاتتصدق وقبل كانو راضيين وكأنه المسأله ربحيه انا ماحط في ذمتي ولكن من الموضوع واصرارهم على المبالغ المعينه يخلي اي شخص يفكر هالتفكير والله يحسن خاتمتنا


الاسلوب هذا سخيف يعني يحرمون الناس اللي على قدهم من الاجر ليش شهالتخلف ومسوي لي فيها انهم جمعيه خيريه روحوا لعيد الخيريه ابرك منهم صراحه
حتى احمد الحمادي اسلوبه مب شي المفروض يفتحون باب التبرع بدون تشرط


هل فيها رقابه ومحاسبه من قبل جهات مختصه على هذي الجمعيات الخيريه
سواء عيد ولا قطر ولا جمعيه دعم فلسطين
هل فيه جهه تراقب الفلوس هذي فعلا توصل لمستحقينها.؟؟؟؟؟؟؟؟؟؟؟؟؟؟؟؟؟؟؟؟؟؟؟

الله يجزاكم خير جميع

ولكن موضوع هل توصل لمستحقيها او لا
هذا موضوع مايهم اي متبرع لانه تبرع لهم امام رب العالمين وهم المسؤولين عن وصولها من عدمها عند رب العالمين

نحن نتحدث عن المبالغ الكبيره اللي يضعونها وكانهم يوزعون الاجر على من يشاؤون
استغفر الله العظيم

[الـقـاسـي]

ليش ؟؟ :(

جملك الله برضاه

والله اختي تحداني مافي شي معين اقدر اقوله ,, لكن نفسيا ما رتاح الا مع عيد الخيريه

[بدون]

الله يهديهم إلى ما فيه خير الجميع

انتو كانت لكم نية و نسأل الله سبحانه أن يجازيكم عليها

اذا ما حصلتوا من جمعية قطر الخيرية وجه قبال روحوا لجمعية ثانية و هم اللي بيخسرون الناس اللي تمول لهم المشاريع الخيرية . أنا ما أحدد أي جمعية أروح. عادة أحصل موظفين جالسين عند الجمعية و كل مرةأغير الجمعيةالخيرية و كل مرة أنوع ، مرة مساعدة مرضى أو حفر آبار أو أو أو ، و أول الشهر أطلع مبلغ أكبر في ثواب الموتى و هذا أخليه صدقة جارية و يكتبونه صدقة جارية على الورقة. يعني مش محدد و هم ممكن يضمونه لأي مشروع من مشاريع الصدقات الجارية. و كل شخص و نيته أخوي.

يمكن هم يطلبون مبالغ كبيرة علشان يقدرون يسكرون الحساب في أسرع وقت ممكن للبدء في تنفيذ المشروع مع اننا نحب أن نشارك فيه و لا يمكننا لأن المبلغ أكبر من استطاعتنا في الوقت الحالي ، فيمكنك أن تقدم لهم المبلغ المتوفر لديك لمشروع الصدقة الجارية و هم إذا قصر من فلوس المشروع ممكن يزيدونه من مبالغ الصدقات الجارية اللي تتوفر عندهم.

نسأل الله ان يتقبل منا و منكم و منهم صالح الأعمال

[عنيــــد]

اتفق معك اخوي ،، لان كثير من الناس ودها تتبرع و لا عندها هالمبلغ الكبير و لا تبي الناس تعرف عن تبرعاتهم

[النسره]

بسم الله الرحمن الرحيم
اخواني اسمحولي الموضوع تم طرحه كاستفسار او كتعجب من الموضوع واخذ مسار ثاني
منها التشكيك في قطر الخيريه واغتياب الشيخ الحمادي
جزاكم الله خير قلت كلامي للتنبيه فقط
بالفعل احيانا المشروع يكون ضخم ويحتاج الاسراع في جمع المال
والمشروعات كلها مقبوله بادن الله ماتقدر على هالمبلغ ادفع في مشروع تعاوني اقل وبما تيسر
وينتهي الحديث باجابة الاخ الساءل
بارك الله فيكم وهدانا جمبعا لما فيه الخير

[مضارب دوسري]

مافيه شيخ ولا جمعيه خيريه يكون لها الحق في انها تحدد قيمةالتبرع سواء كان يريدون الاسراع في بدا المشروع او لا

اذا كانوا يريدون الاسراع يفتحون باب التبرع من بدري
في كل الاحوال محد له الحق في انه يحدد لمت معين للصدقات
وليس من حق اي جمعيه ان تمنع شريحه كبيره من المجتمع
لان المشاريع الخيريه ليست مشاريع تجاريه حتى يكون الاستعجال عذرا لرفع قيمة الصدقه
يعني لو كانت النيه انها مشروع خيري ف لا مانع من ان يتم جمع الاموال لفتره معينه وارسال مسجات المبلغ وصل كذا وبقي كذا كتشجيع للناس على فعل الخير
وليس مثلما يحصل وحصل في قطر الخيريه
ايريدون ان يمنعوا الناس من المشاركه في الاعمال الخيريه
اذا كان كذا فالافضل ان تكون شركه تجاريه افضل من ان تكون جمعيه خيريه
جمعيه
جمعيه
جمعيه
يعني تجمع من الناس الصدقات مب تفتح بابها فقط للاثرياء

[دااانة قطر]

انا مستغرب وماحط في ذمتي بس ليش هالمبالغ الكبيره طلعت بعد الزياده في الرواتب وكأنه يجبرك تدفع مبلغ معين والا لاتسوي خير ولاتتصدق وقبل كانو راضيين وكأنه المسأله ربحيه انا ماحط في ذمتي ولكن من الموضوع واصرارهم على المبالغ المعينه يخلي اي شخص يفكر هالتفكير والله يحسن خاتمتنا


استفساارك في محله

[دااانة قطر]

الله يجزاكم خير جميع

ولكن موضوع هل توصل لمستحقيها او لا
هذا موضوع مايهم اي متبرع لانه تبرع لهم امام رب العالمين وهم المسؤولين عن وصولها من عدمها عند رب العالمين

نحن نتحدث عن المبالغ الكبيره اللي يضعونها وكانهم يوزعون الاجر على من يشاؤون
استغفر الله العظيم



والله يالطيب دور على الأسر المتعففه بنفسك وأرسل لهم مؤونه شهريه من إلى
وحاااولوا تخصصون مبلغ شهري اول ماتستلمون روااتبكم واخذوا كوبوناات الصدقاات وماشاااء الله في كوبوناات واايد ومنوعه

[بوعلي2]

الله المستعان

[sweet qatar]

جزاك الله خير على طرحك والله يبلغك أجر النية..


الحين لما تروح تتبرع تلقى كوبون بخمس و بعشر و بخمسين و بمية و ممكن بعد بخمسمية..

ايش الفرق لما يكون السهم بعشرة آلاف او أكثر..

الي اعرفه ان في هذي المشاريع يشوفون المبلغ اللازم جمعه.. ويقسمونه على اسهم..

يعني مبلغ السهم كبير.. لانك تبي توصل لسفينة بمليونين وخردة.. :shy:

لاتاخذها بحساسية وتقول مابي حد يدري.. ترى الصدقة تكون بالسر والعلانية..

او مثل امي الله يحفظها تقول مااحب اشوف وجوه الناس لما تتغير لما اطلب منهم يجمعون لفلان كني اطلب الفلوس لنفسي..

اخلص النية وتوكل على الله... وربك بييسرها..

وبقدر ثقلها على النفس بيكون الأجر باذن الله..

والي يعرف الحمادي الله يجزيه ويجزيكم خير.. يبلغه يغير من هالاسلوب ..

وقال ابن جرير في قوله : { وَاعْلَمُوا أَنَّ اللَّهَ غَنِيٌّ حَمِيدٌ } [ البقرة : 267 ] ،
واعلموا أيها الناس أن اللَّه عز وجل غنيُّ عن صدقاتكم وعن غيرها ،
وإنما أمركم بها وفَرَضَها في أموالكم رحمةً منه لكم ليُغْنِي بها عَائِلكم
ويقوي بها ضعيفكم ويجزل لكم عليها في الآخرة مثوبتكم لا من حاجة به فيها إليكم .

[qatari911]

الله يجزاكم خير جميع

ولكن موضوع هل توصل لمستحقيها او لا هذا موضوع مايهم اي متبرع لانه تبرع لهم امام رب العالمين وهم المسؤولين عن وصولها من عدمها عند رب العالمين

نحن نتحدث عن المبالغ الكبيره اللي يضعونها وكانهم يوزعون الاجر على من يشاؤون
استغفر الله العظيم

ياخون مانبي تشكيك الله يرضى عليكم
اخوي مضارب دوسري ايه توصل لمستحقينها في خارج قطر او داخل قطر
والجمعيه ماتجبر على شي كل واحد على الي يقدر عليه
لكن فيه اسهم لازم تدفع كامل او تقسط اذا تبيها على دفعات
ترى من الرئيس التنفيذي الى اصغر موظف يخافون الله والاموال توصل لمستحقينها
وسؤالي لك هل انت تشكك في الجمعيه والا تستفسر لاني اشوف الموضوع اخذ مسار ثاني وكلن يتكلم على كيفه ؟؟
اعذرني اخوي على ردي
في حفظ الرحمن

[شبح الصمت]

اخوي مضارب الله يجزاك خير

ابي اوضح لك نقطة وللموجودين

قيمة الاسهم لصالح اليمن او غيرها من الدول المحتاجه

في تحديد صحيح وهالشيء للي يبي يدفع ويساهم والي ما يقدر

ترى يقدر يساهم لو بريال واحد فقط وتنحط مساهمته ودعمه تحت مسمى غير مشروط

يعني انا تبرعت بـ 500 ريال

وانت بـ 800 ريال

وجاء واحد ثاني تبرع بـ 200 ريال

وجاء واحد ثالث تبرع بـ 500 ريال

والسهم قيمته 2000 ريال

يجمعون فلوسنا ويحطونها في سهم واحد !!

اتمنى اوصلتك الفكره مهب شرط ولو رحت وسالتهم كانوا راح يقولون لك ادفع الي تقدر عليه وفي صناديق جمع تبرعات

وجزاكم الله الف خير

[qatari911]

اخوي مضارب الله يجزاك خير

ابي اوضح لك نقطة وللموجودين

قيمة الاسهم لصالح اليمن او غيرها من الدول المحتاجه

في تحديد صحيح وهالشيء للي يبي يدفع ويساهم والي ما يقدر

ترى يقدر يساهم لو بريال واحد فقط وتنحط مساهمته ودعمه تحت مسمى غير مشروط

يعني انا تبرعت بـ 500 ريال

وانت بـ 800 ريال

وجاء واحد ثاني تبرع بـ 200 ريال

وجاء واحد ثالث تبرع بـ 500 ريال

والسهم قيمته 2000 ريال

يجمعون فلوسنا ويحطونها في سهم واحد !!

اتمنى اوصلتك الفكره مهب شرط ولو رحت وسالتهم كانوا راح يقولون لك ادفع الي تقدر عليه وفي صناديق جمع تبرعات

وجزاكم الله الف خير

هذا الي كنت ابي اوصله لان مو شرط تدفع المبلغ كامل بس فلوسك على فلوسي على فلوس غيرك يصير قيمة السهم وفعلا مو شرط لازم تدفع المبلغ واي حد يقولك مايصير روح لمقر الجمعيه واشتكى عليه ؟؟؟
في حفظ الرحمن

[بوخالد911]

الخير أبوابه متعددة وكثيرة

والله يتقبل

[شبح الصمت]

ولدي معلومه جديده حبيت أضيف لك وللحاضرين من باب الأمانه

لأنه الموضوع يهم الكل

انا أتصلت وسألت الأخوان في قطر الخيرية عن السهم وردو علي بالتالي ..

أنه الحد الأدنى لتوفير حياة كريمه لشخص لا بد أن يكون مربوط بمدة زمنيه

يعني مهب لازم يوقف الرجال في الطابور في ذل وهون يومياً عشان يحصل لقمه العيش يعني لو ساعدته لمدة 6 شهور ما يحتاج أنه يمد يده خلال هذه الفتره .

ويشوفون غيره عشان يساعدونه وهكذا ..

وهي طريقة جديده صح وما تعجب البعض لكنها أثبتت فعاليتها ،

وآخيراً أقول تبرع بريال وإذا ردوك فلك الحق ولغيرك من الأخوان أنكم تنتقدهم ..

..

[تحداني]

انا اول من جبت طاري " شيخنا الفاضل " الحمادي " .. وحقيقه ماهي قصه اني اغتابه
او انتقده انتقاد يسئ لشخصه .. او اشكك في مصداقيته .. او مصداقيه هالجمعيات الخيريه
انا قلت مثل ما يقول اخوي مضارب تحديد قيمه معينه والا لا يقبل اي مبلغ هذا ما يصير


حطيت مثال حقيقي صار معاي .. وهالمثال لو مر على شخص ان شاء الله راح يأكد عليه
انا كان ودي اشارك في بناء احد الاعمال الخيريه الضخمه
الحمادي كونه المشرف على المشروع او المسؤول او الي راح يزودهم بالمبلغ " المهم "
رفضت الاخت تستلم من عندي مبلغ اقل من 5000 الاف

قلت لها اختي الفاضله .. خذي مني هالمبلغ
ومن فاطمه هالمبلغ
ومن مريم هالمبلغ

وحطوه في سهم

قالت لا

اعتراضنا الان " هو ليش لا .. "

صح اعمال الخير كثيره .. والكوبونات كثيره .. لكن فكره مرور موقف ولا موقفين ولا ثلاث .. وفيه قيمه معينه وعاليه يتضايق منها المتبرع ومن حقه

الحين هم عندهم سياسه .. او اجراء او هدف من تحديد قيمه عاليه لامانع من ذكر اسباب عدم قبول اي مبلغ اقل من ذلك ..

والله يا متبرعين ما نقدر نستلم مبلغ اقل من المذكور لان 1...... و 2 .... و 3 .....
هنا الكل راح يكون على بينه ..



جملكم الله برضاه

[قلم صادق]

والله ياخوي انا عن نفس ماتعامل مع قطر الخيريه ارتاح للتعامل مع عيد الخيريه وكلهم باذن الله خير وبركه بس عن نفسي اروح لعيد الخيريه

نفس الشي عيد الخيريه ونعم فيهم

[مبتدئة]

مجرد توضيح

الحمادي كان عنده مشروع مجمع اسلامي في سويسرا "جامع/ تحفيظ قرآن/ مدرسة اسلامية ... الخ
وقيمة هالمشروع وايد كبيرة "الأرض+البنيان والضاريب
لتجميع المبلغ.. أسهل شي هو توزيعه على أسهم
وهذه الأسهم وقفية: يعني اجرها مستمر ليوم الدين

وصار السهم بـ10.000 ريال ،، ممكن يندفع دفعة وحدة وممكن يتقسط على كذا شهر (على حسب القدرة)
وممكن تدفع جزء من السهم كـ مساهمه فقط ،،

يعني،،

انا سجلت اسمي خلال فترة الحج اني ادفع حق سهم بـ10.000
ولما رجعت، رحت لهم ودفعت 4000
قلت له: بعدين شلون تعرفون اني كملت المبلغ والا لا؟؟

قال لي: انتي كيفج اذا تبين تكملين المبلغ،، احنا ما راح نطالبج تدفعين العشرة كاملة
يمكن تصيبك ظروف تمنعج .. بس اللي دفعتيه يعتبر مساهمة في المشروع
ومتى ما توفر عندج وحبيتي تكملين المبلغ تجين وتدفعين

[شبح الصمت]

انا اول من جبت طاري " شيخنا الفاضل " الحمادي " .. وحقيقه ماهي قصه اني اغتابه
او انتقده انتقاد يسئ لشخصه .. او اشكك في مصداقيته .. او مصداقيه هالجمعيات الخيريه
انا قلت مثل ما يقول اخوي مضارب تحديد قيمه معينه والا لا يقبل اي مبلغ هذا ما يصير


حطيت مثال حقيقي صار معاي .. وهالمثال لو مر على شخص ان شاء الله راح يأكد عليه
انا كان ودي اشارك في بناء احد الاعمال الخيريه الضخمه
الحمادي كونه المشرف على المشروع او المسؤول او الي راح يزودهم بالمبلغ " المهم "
رفضت الاخت تستلم من عندي مبلغ اقل من 5000 الاف

قلت لها اختي الفاضله .. خذي مني هالمبلغ
ومن فاطمه هالمبلغ
ومن مريم هالمبلغ

وحطوه في سهم

قالت لا

اعتراضنا الان " هو ليش لا .. "

صح اعمال الخير كثيره .. والكوبونات كثيره .. لكن فكره مرور موقف ولا موقفين ولا ثلاث .. وفيه قيمه معينه وعاليه يتضايق منها المتبرع ومن حقه

الحين هم عندهم سياسه .. او اجراء او هدف من تحديد قيمه عاليه لامانع من ذكر اسباب عدم قبول اي مبلغ اقل من ذلك ..

والله يا متبرعين ما نقدر نستلم مبلغ اقل من المذكور لان 1...... و 2 .... و 3 .....
هنا الكل راح يكون على بينه ..



جملكم الله برضاه




اختي تحداني

لازم تفرقين بين مشروع ماسكه شخص مثل الشيخ احمد الحمادي ( جزاه الله الف خير ) على جهده

وأنه ينفذ مشروع دون أي مقابل أو أجر وكله احتساب الأجر عند الله

وبين حمله تنظمها جمعية خيرية وأنه قطر الخيرية يقولون يأخذون أي مبلغ وهالكلام متاكد منه وعلى ذمتي ..

وتعالي اليوم عند قطر الخيرية عند أي محصل أو فرع من فروعهم بيأخذون منج أي مبلغ مهما كانت قيمته لو نص ريال

وابي اقولج اني امس رحت الحمله وشفت بعيني رجال متبرع بخمسة ريالات وخذوها منه وعطوه وصل وهالشيء صار امام عيني

والله على ما أقول شهيد

[مبتدئة]

حطيت مثال حقيقي صار معاي .. وهالمثال لو مر على شخص ان شاء الله راح يأكد عليه
انا كان ودي اشارك في بناء احد الاعمال الخيريه الضخمه
الحمادي كونه المشرف على المشروع او المسؤول او الي راح يزودهم بالمبلغ " المهم "
رفضت الاخت تستلم من عندي مبلغ اقل من 5000 الاف

قلت لها اختي الفاضله .. خذي مني هالمبلغ
ومن فاطمه هالمبلغ
ومن مريم هالمبلغ

وحطوه في سهم

قالت لا

اعتراضنا الان " هو ليش لا .. "



هذا يعتبر "جهل او قلة فهم" من اللي تجمع التبرعات

في النهاية يكتب التبرع بـ اسم فاعل خير

ليش ترفضين ان مجموعة يتشاركون في شراء سهم واحد!

[المقاول]

ياجماعة الخير .. بالنسبة لقطر الخيرية انا تعاملت معهم قبل 3 سنوات
وحاليا اتعامل مع عيد الخيرية وكثر الكلام حول قطر الخيرية ومافية
دخان من غير نار... هناك عندي بعص الملاحظات لا اريد ذكرها ..لكن
ابواب الخير مفتوحة .. ممكن الواحد يفعل الخير بنفسة من غير اي وسيط
وتحديد سهم التبرع 10000 ريال مرفوض من كل النواحي .

[تحداني]

اختي تحداني

لازم تفرقين بين مشروع ماسكه شخص مثل الشيخ احمد الحمادي ( جزاه الله الف خير ) على جهده

وأنه ينفذ مشروع دون أي مقابل أو أجر وكله احتساب الأجر عند الله

وبين حمله تنظمها جمعية خيرية وأنه قطر الخيرية يقولون يأخذون أي مبلغ وهالكلام متاكد منه وعلى ذمتي ..

وتعالي اليوم عند قطر الخيرية عند أي محصل أو فرع من فروعهم بيأخذون منج أي مبلغ مهما كانت قيمته لو نص ريال

وابي اقولج اني امس رحت الحمله وشفت بعيني رجال متبرع بخمسة ريالات وخذوها منه وعطوه وصل وهالشيء صار امام عيني

والله على ما أقول شهيد




صح معاك حق ما انتبهت لهالنقطه .. يعني تتوقع ان لو الشيخ الحمادي كان متبني هالفكره
راح يتبناها بدون شروط ومتابعه الجمعيات الخيريه .. ؟؟ لو كان الجواب نعم
فيمكن هاذي شروطه مب شروط الجمعيه ..


وعلى كلامك ان لو تبرعنا للجمعيه راح يقبلون حتى لو المبلغ اقل
في هاذي يا اخوي انا اعتذر .. لان فكرت عملهم واحد وتواصلهم واحد


جملك الله برضاه

[تحداني]

هذا يعتبر "جهل او قلة فهم" من اللي تجمع التبرعات

في النهاية يكتب التبرع بـ اسم فاعل خير

ليش ترفضين ان مجموعة يتشاركون في شراء سهم واحد!




نفس الشي قلت لها .. ليش ترفضين
شفتها في مسجد آل سعد .. وبعد شفتها في الجامع الكبير
ولاهي ابراضيه اتحط اكثر من سهم في سهم
اتقول ما يصير




الله يسامحها بس يمكن هاذي شروط صاحب الفكره
مثل ما وضح اخوي شبح الصمت


جملك الله برضاه

[تحداني]

ثاني ما ادري ثالث مشاركه
اتقول عيد الخيريه وقطر الخيريه .. ومافي دخان من غير نار
بديت اشك ان في قصه .. مع العلم الجمعيات الخيريه هي جمعيات خيريه
مهما اختلفت اسمائها


جملكم الله برضاه

[qatari911]

ثاني ما ادري ثالث مشاركه
اتقول عيد الخيريه وقطر الخيريه .. ومافي دخان من غير نار
بديت اشك ان في قصه .. مع العلم الجمعيات الخيريه هي جمعيات خيريه
مهما اختلفت اسمائها


جملكم الله برضاه

قطر الخيرية او عيد الخيريه
كلهم خير وبركه
ومافيه شي لا دخان ولا نار
ما اعرف ليه حتى بالجمعيات الخيريه الناس بتخليهم احزاب؟؟
اكثر من متبرع لما يتبرعون يطلبون تبرعاته تكون للخارج
ولما يشرحون له ان فيه اسر متعففه ونساعده يرد ويقول اهل قطر مش محتاجين مساعدات
اذا هذا كلام المتبرع شتبين الواحد يرد عليه
ولفت انتباهي شي
انا رحت لقطر الخيرية ورحت لعيد الخيرية
قطر الخيرية حصلت فيها موظفين قطرين
بس مؤسسة الشيخ عيد لما رحت عندي ورشة عمل ولا قطري كلهم من الجنسية العربية؟؟؟
واتمنى من كل قلبي اي احد يبي يتكلام على اي جمعيه يذكر الي شافه مو يقول خلني ساكت ولا مابي اتكلم لان هذه جمعيات خيريه ونتبرع لهم فامانبي نظلمهم ونشكك فيهم الله يجزاكم خير

[الحاقول]

جمعية قطر الخيريه تذكرني بالمثل اللي يقول

طرار ويتشرط

[شبح الصمت]

يحليل بعض العقول

إذا

اتعبت مثل

مع الخيل يا شقرا

[اليحصبي]

في تبرعات للمشاريع وفي تبرعات عامه
وتقدر تروح للجمعيه نفسها وتتبرع يعني مب سالفه

[الحاقول]

يحليل بعض العقول

إذا

اتعبت مثل

مع الخيل يا شقرا


يقول الرسول الله صلى الله عليه وسلم :"اتقوا النار ولو بشق تمره

[بـومحمد]

قـطـر الـخـيـريـه وخيرها لبرع صفوا الي في البلاد وبعدين الي برع ولا اهو شوو وبس

[qatar25]

إخواني الكرام لقد تأكدت من الشيخ عن الموضوع


بالنسبه للأسهم فيجدها سهل لتجميع المبلغ وفاعله اكثر

وبالنسبة لمن يدفع اقل فالشيخ لا يرده.


بالعكس. الشيخ لو اتصلت له وعندك حتى اربعة الاف ريال ستجده ياتيك بسيارته الشخصيه او يرسل احد ابناءه لياخذ التبرع.



وماحصل من الاخت في عدم أخذ المبالغ يعتبر خطأ شخصي منها.
والشيخ يشكركم جزيل الشكر على تنبيهه على هذا الامر


وجزاكم الله خيرا

*

[اليحصبي]

قـطـر الـخـيـريـه وخيرها لبرع صفوا الي في البلاد وبعدين الي برع ولا اهو شوو وبس



ممكن توضيح !؟

[qatari911]

قـطـر الـخـيـريـه وخيرها لبرع صفوا الي في البلاد وبعدين الي برع ولا اهو شوو وبس

:eek5:
تحطها في ذمتك انها شوو؟؟
قطر الخيرية طبقت فكرة تستديد الدين عن المديونين القطرين
وفيه حالات درسو حالتها وساعدوه وفيه الي ساعدته من الحبس وفيه الي الي قدمتلهم سياره جديده
وكل واحد على حسب حالته
وفي الاسر المتعففه
الظاهر ذمتك وسيعه ياخوي
وفيه بعض المتبرعين يشترط تبرعه يكون في الخارج
مع ان الموظف يشرحه له عن الاسر المتعففه والارامل والايتام الي في قطر
والغارمين الي في السجون بسبب دين
بس هو يطلب ان يرسله تبرعه الى الخارج
في هالحال الموظف شتبيه يسوي؟؟؟
للمره المليون لاتحطون في ذمتكم على جمعيه خيريه

[سما الوطن]

السلام عليكم


ما ادري ليه مسوينها سالفه

حتى لو عندك 50 ريال روح تبرع بها هم بيعتبرونها جزء من سهم ولن يطالبونك انك تكمل السهم ولن يقول لك شي

انتم فاهمين خطا هم لم يقولوا اما تتبرع ب عشره الألاف او ما تقدر تتبرع
هم قالوا السهم بعشره الالاف
حتى لو عشره ريال رحت وتبرعت بها بيقبلونها منك
الله يهديكم بس

حرام ناس تعلم بالخير نتكلم عليهم بهذه الطريقه

حرام وعيب والله


عيب

عيب

عيب

[شبح الصمت]

السلام عليكم


ما ادري ليه مسوينها سالفه

حتى لو عندك 50 ريال روح تبرع بها هم بيعتبرونها جزء من سهم ولن يطالبونك انك تكمل السهم ولن يقول لك شي

حرام ناس تعلم بالخير نتكلم عليهم بهذه الطريقه

حرام وعيب والله


الله يجزاج خير


حتى في الأجر وعمل الخير ينقدون على الجمعيات الخيريه ..

النيه محلها القلب يا أخواني وخواتي

الانسان ينوي ويتوكل على الله والأجر من رب العالمين ..

الناس برى في حاجتنا بحاجه لمساعداتنا لانه بفضل من الله ونعمته نحن بخير فيجب على المسلم ان يساعد اخاه المسلم ..

ولو تركنا المحتاجين برى نحن نعلم انهم مستهدفين من قبل ناس يريدون ان ينصرونهم ويغيرون دياناتهم وهالشيء حاصل وسمعنا قصص ..


فأخواني وخواتي عن المساعدات أأأأي نعم توصل توصل توصل للمحتاجين

وعن المساعدات داخل قطر اتمنى تروحون المحاكم وتطلعون هل الجمعيات الخيرية تقوم بمساعدة وفك كربت المحتاجين من اهل قطر وغير اهل قطر ..

نرجو انه ما يكون في تجريح او توجيه اصابع الاتهام نحو الجمعيات الخيرية ولي شايف عليهم خطأ فهذا الشيء موجود والجمعيات ومؤسسيها ليسوا معصومين من الخطأ ..

فتقبلوا مروري

وصفوا النيه

صفوا النيه

صفوا النيه

[R 7 A L]

مانقص مال من صدقه
،
،
،
كم هو جميل ومريح للنفس عند التصدق للمحتاجين والضعفاء
،
،
،
انما الاعمال بالنيات
توجهوا الى صناديق التبرع والصدقات وبداخلكم نيه التصدق الصادق لوجه الله عزوجل
واتركوا الامور الاخرى للمخولين بهذه الأعمال بينهم وبين الله

[chillis]

الحين خلصت المواضيع وما حصلت موضوع تطرحه الا انك تضرب بالجمعيات الخيريه :) لاحول ولا قوة الا بالله تبرع لجهات اخرى مهب لازم هالجهه بس عيب ان احنا نتكلم عن جمعيه خيريه بهذا الاسلوب

[تحداني]

إخواني الكرام لقد تأكدت من الشيخ عن الموضوع


بالنسبه للأسهم فيجدها سهل لتجميع المبلغ وفاعله اكثر

وبالنسبة لمن يدفع اقل فالشيخ لا يرده.


بالعكس. الشيخ لو اتصلت له وعندك حتى اربعة الاف ريال ستجده ياتيك بسيارته الشخصيه او يرسل احد ابناءه لياخذ التبرع.



وماحصل من الاخت في عدم أخذ المبالغ يعتبر خطأ شخصي منها.
والشيخ يشكركم جزيل الشكر على تنبيهه على هذا الامر


وجزاكم الله خيرا

*




سلم على الشيخ الحمادي سلام كثير .. وقول له بارك الله فيك
وبارك الله في ابنائك .. وفيمن زوجته قبل اسبوعين لاني حضرت زواجه ..
والحمادي الله يطول ابعمره .. شخص له معزه خاصه في العائله وفيمن يعرفه من بعيد ومن قريب

لم تكن مداخلاتي عن الشيخ الحمادي كعتب شخصي له وتشكيك في امره
ولكن العتب الاكبر على تحديد وتخصيص مبلغ معين بمعنى السهم 15 الف .. السهم 5 الاف
السهم 10 الاف .. لو تركناها مفتوحه لطابت نفوس الفقراء في تقديم المساعده
ونفوس الاغنياء في اعطاء المزيد

العتب كان ايضا على ان الاخت هي حلقه الوصل بيننا وبين الشيخ
فإذا عكست صوره مغايره للحقيقه .. او فهمتها بطريقه خاطئه ونقلتها لنا بطريقه خاطئه
فهنا نسأل الشيخ الحمادي ان يسامحنا على ذلك .. ولكن بالفعل تضايقت عندما لم تستلم مني المبلغ

لو اردت مكان المسجد .. وزمان الحدث .. ومتى .. انا تحت امرك
سأزودك بكل التفاصيل لكي فقط تتأكد


شيوخنا وجمعياتنا الخيريه على العين والراس
عندما نبسط اليد بالعطاء فهي لله سبحانه وتعالى فقط ان كان ريال واحد ولا ريالان ولا ثلاث ريالات وليس للعمل الخيري نفسه ان كان قصرا او مسجدا او بئرا او رغيف خبز



بلغه تحياتنا واعتذاري الشديد


جملك وجمل شيخنا الفاضل برضاه

[qatar25]

سلم على الشيخ الحمادي سلام كثير .. وقول له بارك الله فيك
وبارك الله في ابنائك .. وفيمن زوجته قبل اسبوعين لاني حضرت زواجه ..
والحمادي الله يطول ابعمره .. شخص له معزه خاصه في العائله وفيمن يعرفه من بعيد ومن قريب

لم تكن مداخلاتي عن الشيخ الحمادي كعتب شخصي له وتشكيك في امره
ولكن العتب الاكبر على تحديد وتخصيص مبلغ معين بمعنى السهم 15 الف .. السهم 5 الاف
السهم 10 الاف .. لو تركناها مفتوحه لطابت نفوس الفقراء في تقديم المساعده
ونفوس الاغنياء في اعطاء المزيد

العتب كان ايضا على ان الاخت هي حلقه الوصل بيننا وبين الشيخ
فإذا عكست صوره مغايره للحقيقه .. او فهمتها بطريقه خاطئه ونقلتها لنا بطريقه خاطئه
فهنا نسأل الشيخ الحمادي ان يسامحنا على ذلك .. ولكن بالفعل تضايقت عندما لم تستلم مني المبلغ

لو اردت مكان المسجد .. وزمان الحدث .. ومتى .. انا تحت امرك
سأزودك بكل التفاصيل لكي فقط تتأكد


شيوخنا وجمعياتنا الخيريه على العين والراس
عندما نبسط اليد بالعطاء فهي لله سبحانه وتعالى فقط ان كان ريال واحد ولا ريالان ولا ثلاث ريالات وليس للعمل الخيري نفسه ان كان قصرا او مسجدا او بئرا او رغيف خبز



بلغه تحياتنا واعتذاري الشديد


جملك وجمل شيخنا الفاضل برضاه



لكي الشكر على الرد الطيب,, وعلى التنبية بالنسبه لهذه النقطه

لو تعطينا التفاصيل بيكون شي طيب حتى نوصل الامر بطريقة لائقة, حتى لا يتكرر الموضوع

ممكن تكتبين لي على الخاص, او ان يتم التواصل مع الشيخ مباشرة 55847000

الان هو يعمل جاهدا على نصرة اهل اليمن

وهذه دعوة اوجهها من هذا المنبر لمن اراد المشاركة, يمكنه التواصل مباشرة مع الشيخ,, سواءا لتوجيه العتب على مايصدر من جمعية قطر الخيرية,, او منه شخصيا

فلن يتضايق,, فهو يهتم بان لا يتاثر او يتضرر العمل الخيري, فسيكون شاكر لاي اتصال

وايضا لمن اراد التبرع اشجعه على التواصل حتى لا يفوته الخير الكثير

[ع.م]

أنا أقول ربما تم تخصيص مبلغ كبير اختصاراً للوقت.. كي يتم جمع المبلغ بسرعة لاسيما في الأمور العاجلة وأمور الأسهم الخيرية.. وبإمكان من تعذر عليه دفع المبلغ أن يجمعه ممن حوله ثم يدفعه مرة واحدة..

أبواب الخير كثيرة و واسعة.. ولست ملزماً بصدقة بعينها.. هناك الكثير من الصدقات التي فتحت بابها قطر الخيرية بدون قيود.. التمسوا لهم العذر في الأمور الأخرى فلاشك أنهم يهدفون إلى تجميع مبالغ أكبر لنصر الأمة ليس إلا..

[احلى دنيا]

ذكر السهم ( 10000) و لكن كنت اروح للمطاوعة عند الجمعيات و احط مبلغ اقل بواااااايد و يعطوني عليه ورقة بها المبلغ و انه للمشروع الي في ايطاليا ...


ما في تحديد.

انا و غيري مب بس انا

[ahmedj]

الرئيس التنفيذي الجديد لقطر الخيرية كل يوم في الجريده

[ابوعلي اليافعي]

نكتفي بهذا الرد ويغلق الموضوع لانه اخذ منحنى اخر للتشكيك في ذمم اناس يفعلون الخير ولو كان هناك اخطاء فالتوجه اليهم وسؤالهم والاستفسار منهم افضل من الكلام عليهم والتشكيك في ذممهم .






السلام عليكم


ما ادري ليه مسوينها سالفه

حتى لو عندك 50 ريال روح تبرع بها هم بيعتبرونها جزء من سهم ولن يطالبونك انك تكمل السهم ولن يقول لك شي

انتم فاهمين خطا هم لم يقولوا اما تتبرع ب عشره الألاف او ما تقدر تتبرع
هم قالوا السهم بعشره الالاف
حتى لو عشره ريال رحت وتبرعت بها بيقبلونها منك
الله يهديكم بس

حرام ناس تعلم بالخير نتكلم عليهم بهذه الطريقه

حرام وعيب والله


عيب

عيب

عيب