لماذا تلجأ النساء للزواج السري

[أسد الجزيرة]

موضوع نهاية الاسبوع

الرجل خوفاً من زوجته يتزوج بالسر و لكن وجه الاستغراب لماذا تلجأ النساء للموافقة على قبول سرية الزواج

[اليحصبي]

مشكلتهم
دام كل واحد يدري .. يعني مافي شي سري

[دااانة قطر]

ليمتى بيتم سري؟ هل بيكون في شرط بدون خلفة مثلا؟؟

[غايه الطواش]

يمكن مطلقه او ارمله وتخاف طليقها او اهل زوجها ياخذون عيالها فتتزوج زواج سري عشان تعف نفسها من الحرام ...
وفيالاخير كل زواط له احكامه وشروطه وظروفه وصعب ان احنا نحط المسببات والشروط ونناقشها هنيه ...

[سان سيمون]

الحمد لله و لا حول ولا قوة الا بالله

ما اعرف ايش هي الاسباب وممكن تكون منطقية بالنسبة لها وبالنسبة للغير العكس الله اعلم

[لاجل QT]

يمكن مطلقه او ارمله وتخاف طليقها او اهل زوجها ياخذون عيالها فتتزوج زواج سري عشان تعف نفسها من الحرام ...
وفيالاخير كل زواط له احكامه وشروطه وظروفه وصعب ان احنا نحط المسببات والشروط ونناقشها هنيه ...

هذا كلام صحيح تلجأ الممطلقة او الارملة للزواج السري خوفا من اخذ عيالها من حضانتها او خوفا من كلامك الناس ..لية تتزوج اذا عندها عيال او بسبب انها كبيرة ماتبي حد ينقد عليها..بس في النهاية غلط
لان لو انكشف بيكون لة اثر سلبي على نفسيتها من اللى بتشوفة وتسمعة

[حقيقه]

أنا من المؤيدين للزواج السري
إذا كانت مطلقه أو أرمله

وطبعاً لازم يكون بعلم أهلها

وهي أكيد لھ? أسباب تجبرها على هالنوع من الزواج

عندي صديقه لي تزوجت بالسر خوف على عيالها من طليقها

[doha2012]

دامه بالحلال خلاص


اهم شي زواج يصونهم ويحفظ حقوقهم كذلك


الله يوفقهم

[شبح الصمت]

أأهم شيء عند المطلقه عيالها

وثاني شيء

أنها تستر على نفسها وما تلجأ للحرام

لأنه مسمى ( مطلقه ) في بعض المجتمعات الله يعينهم

انها امرأة خلاص تجردت من الرومنسيه تجردت من الجمال تجردت من أشياء كثيرة ( تظلم فيها ) فهذا الشيء غلط غلط

الله يستر عليهم والله يرزق كل مطلقه بولد الحلال الي يستر عليها ويصونها ويعوضها عن زوجها السابق

[الزيبق]

صباح الخير
الحين يوم تطلقت واخذت كل احقوقها بالشرع محد قال شي ولين تزوجت بعد تبي احقوق غير اترجع العيال عند ابوهم ولا تحايل حسبي الله عليهم من حريم

[juma]

يجب ان نقارن بين السبب والنتيجه

نتيجة الحاله الاجتماعيه وفي ظل الفتن الكثيره والمغريات وحفاظ على على نفسها من الوقوع في الحرام في رأي الزواج السري حل مقبول لا تنسون ان الانسان مفطور على هذه الرغبه ولا احد يلوم الرجل او المرأه بصراحه المجتمع انقلب ضد التعدد والناس جرمت زاوج المراءه المطلقه الي عندها عيال ( ونسمع داماً ليش تبي تعرس هذي ليش ماتربي عيالها احسن لها ونسو انها انسانه ) وقس هذا على الرجل الذي رايح يتبهدل لو عدد من المجتمع والزوجه والعيال فايهما افضل الزنى ام الزواج السري؟

[سيار]

إذا وجدة الكفاءة والقدرة على الزواج بين الإثنين واستوفيا شروط الزواج
فلا داعي للسرية والوجوب الإعلان عن الزواج حتى يتكمن كل من الطرفين
العيش بحياة مطمئنة سالمة مبنية على العدل والمساواة الذي هو قوام الحياة
الكريمة

[elders]

:(

سبحان الله ...اول ما قرأت اول مشاركة اغتظت من هدول النساء !!! لما قرأت الردود شفقت عليهم واعتبرتو حل منطقي

:(

الله يسترعلى الجميع يارب

[عميد الريان]

هذا مثل بيض الصعوا نسمع فيه ولا عمرنا شفناه

[الحبتور]

ضلع اعوج ..

وتفكير عقيم ..

[واثق بالله]

واذا شافها حد او وحده تعرفها وياه في اي

مكان من غير ماتدري !!! ايش رح يتبادر

الى ذهنها تلقائيا ؟؟؟


المشرع الحكيم امر بأعلان الزواج لتنتفي مثل

تلك المواقف التي تؤدي للشك والريبه .....



وجهة نظر

[elders]

هذا مثل بيض الصعوا نسمع فيه ولا عمرنا شفناه
ما هو سري كيف بدك تشوفو الله يهداك :rolleyes2:

شو بيض الصعوا؟:shy:

[chillis]

مادري ليش الوحده تزوج سري اذا محلله لها حتى لو تطلقت مهب حرام لو تزوجت من جديد ومثل ماقالوا لو احد شافها شنو وضعها بيكون ؟ مافي احسن من النور

[بوعلى 1]

لماذا

لان زواجها بسرية هو ايضا كان قبل ذلك بسرية !!!

[al-marri]

الزواج السري ..... مهب حل لمشكله .... الا بالعكس يخلق مشكله والف مشكله ....

في الزواج السري المراءه تنحرم من حقوق كثيره ... ولاتقدر تطالب بها نظرا ( لسريه ) هذا الزواج
ويمكن يخلي الرجل يستغل سريه هالزواج في امور كثيره ضدها ....
وكذلك الرجل .... ينحرم من اشياء كثيره ....... كثيره

وفي النهايه مثل هذي الزيجات يؤدي الى مشاكل كثيره وينتهي بالطلاق ..... وبسرعه بعد ... وفي ها الحاله خسرت المرأة زواجها للمره الثانيه ولا الثالثه ...

وايش بتكون نفسيتها او وضعها او كلام اقاربها او كلام الناس ....

بعدين ... ليش تلجا للسريه بعض المطلقات .... ,,, علشان طليقها ما ياخذ عيالها ... ويوقف مصروفهم ... !!!
اذا هي قررت الزواج ليش ما تتنازل عن حظانه الاطفال لوالدهم وتتزوج ..... مايجتمع امرين ... زواج وحظانه اطفال..
يمكن الاطفال يتعقدون من بعض الامور في حاله زواجها ..... وفي حاله تواجد رجل غريب عليهم في بيتهم
( زوج امهم ) .

من منطلق تفكير الرجال : يمكن هالرجل ( زوج امهم ) يسيئ لعياله .... بأي شكل من الاشكال

مهما كانت الظروف والاسباب ......... الزواج السري حل غير مقبول ...... بعض الاسباب ذكرتها ولي رجعه لابين بعض الاسباب الاخرى ...... اذا اتسع النقاش

تقبلوا تحياتي

[الرويـس]

كلن له ظروفه

الاهم وصول الجميع لحل وفق شروط الزواج
والسرية مش عيب

لكن انا مؤمن بنقطة انه لا يوجد اليوم شيء اسمه ( سر ) ..

[الراقيه سبشل]

اكيد لازم يكون عندهم اسبابهم للزواج

الامر مب مقتصر على المطلقة او الارملة , ياما سمعنا انه في بكر تزوجت بالسر !!

الظروف تحكم عليهم

وبالنهاية بما انه بالحلال فالامر يهون

[عنيــــد]

صباح الخير
الحين يوم تطلقت واخذت كل احقوقها بالشرع محد قال شي ولين تزوجت بعد تبي احقوق غير اترجع العيال عند ابوهم ولا تحايل حسبي الله عليهم من حريم

ابوك في الجنه ،،

دام هالشي مخالف للشرع شلون تبي ربي يوفقها و يبارك لها ،، دام تزوجت ترجع العيال لطليقها فهذا حقه و لا يجوز تخلي عياله عند رجال ثاني

[qatara]

بعضهم اهم شي عندهم الامتيازات الماليه على حساب الطرف الاخر

والحضانه تعطيها هل الامتيازات ففي نضرتهم ليش تتخلا عن شي جاها بكل سهوله

ولاتعبت فيه ما يفكرون مبالغ في هل الشي ام غير مبالغ
فيه ضرر للزوج والاولاد ما همهم الا كسب كل شي


واعتقد الزواج الصحيح له عدة شروط احدها :

الاشهار اي الاعلان

[جراح]

بعضهم اهم شي الامتيازات الماليه

والحضانه تعطيها هل الامتيازات ففي نضرتهم ليش تتخلا عن شي جاها بكل سهوله

ولاتعبت فيه ما يفكرون مبالغ في هل الشي ام غير مبالغ
فيه ضرر للزوج والاولاد ما همهم الا كسب كل شي


واعتقد الزواج الصحيح له عدة شروط احدها :

الاشهار اي الاعلان


المطلقه انسانه قبل الفلوس والحضانه اذا تتفق معاي بهالشي

لاتنظر للأمور من زاويه وحده حتى ماتعيش بهالسوداويه الي ساجن نفسك فيها

الزواج من حقها

وأذا تعارض الأشهار مع أمومتها ...... تقع في الحرام ولا تتزوج بالسر ؟

لكل منا وجهة نظر من ناحيتي تتزوج سرآ وتعف نفسها وتحتفظ بابنائها

[سهم طايح]

عدة اسباب وامتيازات تحفز المطلقة للزواج السري

العيال
السكن اللي بيوفره الطليق للمطلقة
النفقة اللي يكعها المغدور فيه كل شهر

بالعربي حتى الطلاق صار فيه نصب واحتيال وللأسف المحاكم ( لا تعليق عشان الرقابة )

[ANONYMOUS]

عدة اسباب وامتيازات تحفز المطلقة للزواج السري

العيال
السكن اللي بيوفره الطليق للمطلقة
النفقة اللي يكعها المغدور فيه كل شهر

بالعربي حتى الطلاق صار فيه نصب واحتيال وللأسف المحاكم ( لا تعليق عشان الرقابة )


الحين لعيال عندها

ويمشي لهم راتب


ويوفر بيت

ويوفر خادمه

و كولوه علا حساب صاحبنا


وفوق هذا تجيب واحد ينعم في هالحياه السرمديه
وبالسر


مايصيير مايصييير



عيل ماتنلام تتزوج بالسر

لانها لو اعلنت

بتلاقي نفسها بالشارع هي والزوج خفيف الظل جعني ابكيهم الاثنين

المطلقه عرفنا امتيازاتها

الارمله اش حادها

[qatara]

الاشهار شرط من شروط الزواج الشرعي

الا اذا كان هذا الشرط غير شرعي بهل الزمن كل شي جايز

بس الي نعرفه انه احد شروط الزواج الشرعي الصحيح

الاشهار الولي
الشهود
القبول والايجاب
المهر
الخ

هذا ما اعرفه عن الزواج الشرعي والله اعلم اذا فيه تغيير

فليفيدنا من يعرف الصح ان كنا مخطئين

بس مشكتنا الي يبون كل شي لهم من حضانه واولاد والمصرف وزوج اخر وووو

ويحرمون الزوج السابق من كل شي من ماله وعياله
وحتى ان يستطيع ان يتزوج باخرى
لانه منهري بلتزاماته التي الزم بها كرها للاولى

وهذا الراي الشرعي في كل انواع الزواج السر
http://www.yabeyrouth.com/pages/index3160.htm

[nadeemy]

عندي صديقه لي تزوجت بالسر خوف على عيالها من طليقها

حسبي الله ونعم الوكيل
طيب ايش ذنب الرجال اللي اءتمنها على اولاده ,
وما دام الزواج في السر بالتاكيد بيولد شعور لدى الابناء ان فيه شي غلط

[ريتويت]

ماعتقد ان في وحده ترضي علي نفسها تتزوج بالسر

[qatara]

الي ماخافت الله بابي اولادها

ولا رحمت اولادها بحرمانهم من ابيهم وحرمان ابيهم منهم
الا في الاسبوع مره ولا مراتين كانه رايح يزور مرضى

فكيف يثق فيها اي رجل اخر ويامن جانبها

ناس عجيبه ام زمن غريب؟؟

واين تخفى من الله

حسبي الله ونعم الوكيل

[elders]

الي ماخافت الله بابي اولادها

ولا رحمت اولادها بحرمانهم من ابيهم وحرمان ابيهم منهم
الا في الاسبوع مره ولا مراتين كانه رايح يزور مرضى

فكيف يثق فيها اي رجل اخر ويامن جانبها

ناس عجيبه ام زمن غريب؟؟

واين تخفى من الله

حسبي الله ونعم الوكيل

:eek5::eek5::eek5:

[عميد الريان]

ما هو سري كيف بدك تشوفو الله يهداك :rolleyes2:

شو بيض الصعوا؟:shy:

بيض الصعوا هو بيض العنقاء بالقطري :nice:

[qatar2090]

انا ابي اتزوج الثانية بالسر

بس مو محصل وينهم


؟ ؟

[قناص 787]

انا ابي اتزوج الثانية بالسر

بس مو محصل وينهم


؟ ؟

الله يرزقنا وياك

[chillis]

الله يرزقنا وياك

:omg::rolleyes2:

[الجوهره 2012]

يمكن مطلقه او ارمله وتخاف طليقها او اهل زوجها ياخذون عيالها فتتزوج زواج سري عشان تعف نفسها من الحرام ...
وفيالاخير كل زواط له احكامه وشروطه وظروفه وصعب ان احنا نحط المسببات والشروط ونناقشها هنيه ...



اوافقها الراي

يعطيك العافيه عالموضوع

[قناص 787]

:omg::rolleyes2:
نبغيه على العام مش على الخاص

يعني الكل يدري يكون افضل :nice:

[الجوهره 2012]

انا ابي اتزوج الثانية بالسر

بس مو محصل وينهم


؟ ؟




الله يرزقنا وياك



:sneaky::sneaky::sneaky:

[chillis]

نبغيه على العام مش على الخاص

يعني الكل يدري يكون افضل :nice:

اشلون على العام :secret: يعني تبيه مهب سري

[قناص 787]

:sneaky::sneaky::sneaky:

والله ما ابغيه بالسر ابغي الكل يدري دام انه حلال ليش بالسر

[chillis]

والله ما ابغيه بالسر ابغي الكل يدري دام انه حلال ليش بالسر

وانا اقول بعد مافي احسن من العلن دام ما سويت شي غلط :nice:

[قناص 787]

وانا اقول بعد مافي احسن من العلن دام ما سويت شي غلط :nice:

:nice:

[juma]

:nice:

كلام منديات جني بكم الحين اتلفتون لا يدرون حريمكم خخخخخخخخخخخخخ الشجاعه الاكترونيه هههههههه

[الإكسير]

يمكن مطلقه او ارمله وتخاف طليقها او اهل زوجها ياخذون عيالها فتتزوج زواج سري عشان تعف نفسها من الحرام ...
وفيالاخير كل زواط له احكامه وشروطه وظروفه وصعب ان احنا نحط المسببات والشروط ونناقشها هنيه ...

عيالها بيشوفون ريال رايح وراد عليهم وبيقولون حق ابوهم ....

[الإكسير]

صباح الخير
الحين يوم تطلقت واخذت كل احقوقها بالشرع محد قال شي ولين تزوجت بعد تبي احقوق غير اترجع العيال عند ابوهم ولا تحايل حسبي الله عليهم من حريم

يبون كل شي لهم ...

[elders]

عيالها بيشوفون ريال رايح وراد عليهم وبيقولون حق ابوهم ....

فتـــّـانين

[ريتويت]

الله المستعان

[الإكسير]

فتـــّـانين

من قلب مايخشون شي :(

[qatari 111]

دااامهم راضيين ومتزوجين على سنة الله ورسوله وين المشكله فالموضوع ..

يعني لازم الواحد يسيئ الظن بالناس

[elders]

من قلب مايخشون شي :(

عاد هي مخبية عالناس مشانهم !! احكيلك يروحوو يولوا وتعلن وتنبسط واللي لسانو طويل يتربى مع مرت الاب
:vampire:

[intesar]

تبي زوج..
أو تحت مسمى الحب والعشق

ودمتم بحفظ الرحمن..

[اسعاف]

انا ابي اتزوج الثانية بالسر

بس مو محصل وينهم


؟ ؟

في وايد

بس لو تتحرك اشوي بتلقه

[qatar911]

انا ابي اتزوج الثانية بالسر

بس مو محصل وينهم


؟ ؟

انا نفسك ابي بس ماني محصل كله كلام و بس في صج مافيه شي بس ستهلك يوم حق الموضيع

[اسعاف]

في في قطر
زيجات تتم بالسر ولكن بحضور شاهدين وكتب اكتاب وولي شرعي

بس بدون اشهار ولا حفلة ولا بيت مستقل

ليشششششششششششششش

الزوجة تخاف من زوجهه الاولي ياخذ الاولاد (وقد اخذهم في مرات سابقة لما علم بزواجها السري )ثم تطلقت من اجل استرداد الاولاد

والزوج خايف من المدام
او قل خايف من ضياع اسرته ان علمت زوجته،لأنها ستخلعه وتطرده من الباب الخلفي وتلزمه بالنفقه وبيتها التي هي ساكنة فيه
ويطلع الزوج فالصوا من عياله وزوجته الأولى

هذا باختصار شديد الجواب

[chillis]

في وايد

بس لو تتحرك اشوي بتلقه

ما تستحمل :secret: بس سؤال الشرع يجيز زواج السر ؟ مهب لازم اشهار ؟

[**هـتــــــان**]

عاد هي مخبية عالناس مشانهم !! احكيلك يروحوو يولوا وتعلن وتنبسط واللي لسانو طويل يتربى مع مرت الاب
:vampire:
هههههههههههه اتفق العرب على اللا يتفقو

[عميد الريان]

الله يرزقنا وياك

وانا معاكم

[captin]

I am Interested Too :secret:

[Dana’1]

ضلع اعوج ..

وتفكير عقيم ..
*

*

طيب والرجال الي شاركها ايش يطلع .... ....أتجنب قد ما اقدر الكلام العقيم السقيم

نادر مانلاقي نساء يتزوجون بالسر بكل معنى السرية على الاقل اهلهم وجيرانهم يدرون وماهم ملزمين البلاد كلها تعرف شي عائلي وخلاص
لكن الرجال الي يعرس بالسر ممكن حتى أمة ما تدري يا ترى لية؟
ولو كان المجتمع منصف المرأة مثل ما انصفها الدين ما كان لجأت لتكتم وكانها فعلت حرام مؤ حق من حقوقها

[qatara]

^
^
يطلع بزر كبر حدا عيالها وبعضهم عيوز مراهقه كبر امه
لو تزوجت بعمر الزواج الحقيقي كان جابت عيال كبره
هي مراهقه على كبر وهو يجاريها يقص
عشان تكد عليه وتكشخه
مايبيلها تفكير

والي ماكلين تبن وتعبانين ومتبهدلين
الزوج الاول الاب والاولاد

وهي كسبانه كل شي
كسب دنيوي دني

[Dana’1]

^^^^
لو تشوف المطلقات الحين اغلبهم صغااار بالعمر سواء بينهم اطفال او لا يعني خلاص يتحكم عليها حبس ببيت اهلها مؤبد عشان تداري ما يأخذون عيالها والا عشان يقولون تطلق وأعرست اكيد ...فيها وفيها ....والمشكلة اذا تقدم لها شايب وقال ترى هلي ما يدرون فشرايكككم نخليها عائلية لين تدريجي اعلم الاهل طبعا اذا تشجع
لكن على النساء ان يكسرون هالحاجز ويضربون بالمتجمع عرض الحائط دام هي ماا غلطت وراحت للحرام ماعليها والمفروض الأهل يساهمون بهذا الشي ويعنون بناتهم عالحلال والستر

[qatara]

شلون مهب حرام

ومن اساسيات الزواج الشرعي الاشهار والشهود ووو الخ

وشلون مهب حرام وهي مجعت العيال من جبد ابوهم
على شرط ان ترجعهم اليه اذا تزوجت والمومنين عن عهودهم ؟

ولم تعمله سري الا يقينها انه فيه خلل وخطاء فادح تحب ان تخفيه
؟

[Dana’1]

انت يمكن مافهمت قصدي بالي كتبتة
انا ضدة طبعا بس اقول شالي حادهم للجؤ للزواج السري الي هو نظرة المجتمع لهم سواء عندهم اطفال او ما عندهم سواء مطلقات او ارامل او حتى ماسبق لهم الزواج
لو كان المجتمع منصف والنساء والرجال منصفين ومتفاهمين كان الكل ارتاح

بعدين ايش مجعت العيال من جبد ابوهم! اذا كان بالاساس الام هي الي تربي والي مقابلتهم بالبيت اكثر من الرجال هذا غير انها هي احملت فيهم ٩ شهور وعانت ما عانت بالولادة فعلا حشاشة جوفها وحتى بالدين صحبة الام ٣ والاب ١ يعني عادي هو يمجع على قولتك كبدها؟! ويروح يجيب مرت ابو تتولاهم؟!!
الاب صح يهتم بعيالة بس بحكم شغلة ولساعات طويلة برا البيت بيضطر يسلمهم لمرت الابو الي ممكن تتحملهم او ممكن لااا والحالة الثانية تصير مصايب
في شي اسمة انصاف حتى لو تم الطلاق بينهم هي لها حق هو لة حق ويتفاهمون على شي وسط ويريح الطرفين لان هذول عيالهم ال٢ ومافي يقدر يمنع ويحرم الثاني من انة يحتويهم بس في شي اسمة ترتيب امور بينهم مو عشانهم لان هم ماحبو بعض وتطلقو عشان هالعيال الي بينهم يرتبون الوضع يخيرون الاطفال اذا كبرو وافهمو مافي شي بالاكرااة
ويوم قلت يضربون بالمجتمع بعرض الحائط اقصد الزواج بسرية انهم ما يلجؤن لة عشان نظرة المجتمع لهم
يسون الي يبغون وبالحلال ولا عليهم من هالمجتمعع الي بكل الحالات راحح ينتقد ويتكلم
ولنا بالمنتدات اكبر مثال اغلب الامور والمواضيع الا ماتلاقي المنتقدين ...!

[chillis]

شلون مهب حرام

ومن اساسيات الزواج الشرعي الاشهار والشهود ووو الخ

وشلون مهب حرام وهي مجعت العيال من جبد ابوهم
على شرط ان ترجعهم اليه اذا تزوجت والمومنين عن عهودهم ؟

ولم تعمله سري الا يقينها انه فيه خلل وخطاء فادح تحب ان تخفيه
؟

واذا كان الابو ما يستاهل يأذي العيال ومهب كفو وهي كفو ومافيها اي شي :) انت ليش دائما تجمع بالحريم هالكثر متعقد منهم :) خاطري مره تكتب اي االمراه لها بعض الحقوق ترى ربك يقول انها لها حقوق وادميه المره امك واختك ونص المجتمع لا تنسى

[الزيبق]

لظاهر نسيتي ان احين المره في الدوام مثل الريال واللي اتربي الخدامه

انت يمكن مافهمت قصدي بالي كتبتة
انا ضدة طبعا بس اقول شالي حادهم للجؤ للزواج السري الي هو نظرة المجتمع لهم سواء عندهم اطفال او ما عندهم سواء مطلقات او ارامل او حتى ماسبق لهم الزواج
لو كان المجتمع منصف والنساء والرجال منصفين ومتفاهمين كان الكل ارتاح

بعدين ايش مجعت العيال من جبد ابوهم! اذا كان بالاساس الام هي الي تربي والي مقابلتهم بالبيت اكثر من الرجال هذا غير انها هي احملت فيهم 9 شهور وعانت ما عانت بالولادة فعلا حشاشة جوفها وحتى بالدين صحبة الام 3 والاب 1 يعني عادي هو يمجع على قولتك كبدها؟! ويروح يجيب مرت ابو تتولاهم؟!!
الاب صح يهتم بعيالة بس بحكم شغلة ولساعات طويلة برا البيت بيضطر يسلمهم لمرت الابو الي ممكن تتحملهم او ممكن لااا والحالة الثانية تصير مصايب
في شي اسمة انصاف حتى لو تم الطلاق بينهم هي لها حق هو لة حق ويتفاهمون على شي وسط ويريح الطرفين لان هذول عيالهم ال2 ومافي يقدر يمنع ويحرم الثاني من انة يحتويهم بس في شي اسمة ترتيب امور بينهم مو عشانهم لان هم ماحبو بعض وتطلقو عشان هالعيال الي بينهم يرتبون الوضع يخيرون الاطفال اذا كبرو وافهمو مافي شي بالاكرااة
ويوم قلت يضربون بالمجتمع بعرض الحائط اقصد الزواج بسرية انهم ما يلجؤن لة عشان نظرة المجتمع لهم
يسون الي يبغون وبالحلال ولا عليهم من هالمجتمعع الي بكل الحالات راحح ينتقد ويتكلم
ولنا بالمنتدات اكبر مثال اغلب الامور والمواضيع الا ماتلاقي المنتقدين ...!

[Dana’1]

لظاهر نسيتي ان احين المره في الدوام مثل الريال واللي اتربي الخدامه
انت كتبت شي يدين الرجال اكثر من انة ممسك على المرآة..مو كل الحريم مثل ما كتبت ووصفتهم اذا القريبين منك تشوفهم كذا هذا شي ثاني
المرآة الحين صارت ام واب عادها تكد ومع ذالك تربي حتى لو في خدم فهم بس وقت خروجها للعمل هذا اذا ما حطتهم بحضانة على حسابها والحمد لله ان في رجال يقدرون هالشي ويكونون عون لها وفية رجال ما يعجبهم العجب ولا الصيام برجب

[chillis]

انت كتبت شي يدين الرجال اكثر من انة ممسك على المرآة..مو كل الحريم مثل ما كتبت ووصفتهم اذا القريبين منك تشوفهم كذا هذا شي ثاني
المرآة الحين صارت ام واب عادها تكد ومع ذالك تربي حتى لو في خدم فهم بس وقت خروجها للعمل هذا اذا ما حطتهم بحضانة على حسابها والحمد لله ان في رجال يقدرون هالشي ويكونون عون لها وفية رجال ما يعجبهم العجب ولا الصيام برجب

:nice::victory: بالاحمر هذا الي كنت بقوله

[qatara]

واذا كان الابو ما يستاهل يأذي العيال ومهب كفو وهي كفو ومافيها اي شي :) انت ليش دائما تجمع بالحريم هالكثر متعقد منهم :) خاطري مره تكتب اي االمراه لها بعض الحقوق ترى ربك يقول انها لها حقوق وادميه المره امك واختك ونص المجتمع لا تنسى


انتي كل الرجاجيل مقصرين ومايفهومن وووو الخ
والنساء مظلمومات ومظهدات وووو
يعني مثل ما نشوف في المسلسلات والافلام
دائم المراه في دور المظلومه
وعموم الرجال بنضرج بهم قصور
والمراه لم تقصر بشي ابدا كامله مكمله طائعه ساجده راكع
فسمحي لي انج متحيزه من اول نقاش دار بيننا وضحتي لي
لهذا
فالنقاش معاج ضايع

[qatara]

انت يمكن مافهمت قصدي بالي كتبتة
انا ضدة طبعا بس اقول شالي حادهم للجؤ للزواج السري الي هو نظرة المجتمع لهم سواء عندهم اطفال او ما عندهم سواء مطلقات او ارامل او حتى ماسبق لهم الزواج
لو كان المجتمع منصف والنساء والرجال منصفين ومتفاهمين كان الكل ارتاح

بعدين ايش مجعت العيال من جبد ابوهم! اذا كان بالاساس الام هي الي تربي والي مقابلتهم بالبيت اكثر من الرجال هذا غير انها هي احملت فيهم ٩ شهور وعانت ما عانت بالولادة فعلا حشاشة جوفها وحتى بالدين صحبة الام ٣ والاب ١ يعني عادي هو يمجع على قولتك كبدها؟! ويروح يجيب مرت ابو تتولاهم؟!!
الاب صح يهتم بعيالة بس بحكم شغلة ولساعات طويلة برا البيت بيضطر يسلمهم لمرت الابو الي ممكن تتحملهم او ممكن لااا والحالة الثانية تصير مصايب
في شي اسمة انصاف حتى لو تم الطلاق بينهم هي لها حق هو لة حق ويتفاهمون على شي وسط ويريح الطرفين لان هذول عيالهم ال٢ ومافي يقدر يمنع ويحرم الثاني من انة يحتويهم بس في شي اسمة ترتيب امور بينهم مو عشانهم لان هم ماحبو بعض وتطلقو عشان هالعيال الي بينهم يرتبون الوضع يخيرون الاطفال اذا كبرو وافهمو مافي شي بالاكرااة
ويوم قلت يضربون بالمجتمع بعرض الحائط اقصد الزواج بسرية انهم ما يلجؤن لة عشان نظرة المجتمع لهم
يسون الي يبغون وبالحلال ولا عليهم من هالمجتمعع الي بكل الحالات راحح ينتقد ويتكلم
ولنا بالمنتدات اكبر مثال اغلب الامور والمواضيع الا ماتلاقي المنتقدين ...!

الاسلام من جاء انصف الرجل والمراه
لاكن العلمانيه التي هبت علينا نسائمها الخبيثه
لعبت لعبتها باسم حقوق المراه
التي ليس لها نهايه ولا هيكل معروف
فالحل الرجوع لدين الله فيه حلول كل شي
لاسرا ولا بالخش
ولك وللجميع احترامي

[chillis]

انتي كل الرجاجيل مقصرين ومايفهومن وووو الخ
والنساء مظلمومات ومظهدات وووو
يعني مثل ما نشوف في المسلسلات والافلام
دائم المراه في دور المظلومه
وعموم الرجال بنضرج بهم قصور
والمراه لم تقصر بشي ابدا كامله مكمله طائعه ساجده راكع
فسمحي لي انج متحيزه من اول نقاش دار بيننا وضحتي لي
لهذا
فالنقاش معاج ضايع

انا عمري ما قلت كل الرجال دائما اقول البعض :) او القليل منهم هذا دليل تكتب وانت مغمض مثل مافي رجال مقصرين في حريم واعتقد في امور روح شوف قلت فيها كلامك صح بس انت دائما متحامل على المراه ماجنه الي ربتك امراه :) فرفقا بهم ويوم بتطلع عيوبهم قل البعض لان في الكثير من الحريم والنعم فيهم خرجوا اجيال

[حسن]

يبون الستر الله يستر علينا وعليهم

[qatara]

كل فيه عيوب محد كامل الا وجهه
لاكن مصخت من بعضهم
ماعاد في الحجي خير مادام
الحباري توطت الشواهين

[حسن]

كل فيه عيوب محد كامل الا وجهه
لاكن مصخت من بعضهم
ماعاد في الحجي خير مادام
الحباري توطت الشواهين

الظاهر من كبرها توطت الشواهين الله يعين

[بلوتنيوم]

تزوج بالسر والا بالعلن
دام رسمي وبشهود
ليش اللقافة :)

[مرتبش]

في في قطر
زيجات تتم بالسر ولكن بحضور شاهدين وكتب اكتاب وولي شرعي

بس بدون اشهار ولا حفلة ولا بيت مستقل

ليشششششششششششششش

الزوجة تخاف من زوجهه الاولي ياخذ الاولاد (وقد اخذهم في مرات سابقة لما علم بزواجها السري )ثم تطلقت من اجل استرداد الاولاد

والزوج خايف من المدام
او قل خايف من ضياع اسرته ان علمت زوجته،لأنها ستخلعه وتطرده من الباب الخلفي وتلزمه بالنفقه وبيتها التي هي ساكنة فيه
ويطلع الزوج فالصوا من عياله وزوجته الأولى

هذا باختصار شديد الجواب

هذي تزوجت كم مرة؟!

المهم.. ليش القانون ماينتبه لنقطة زواج المطلقة واخذ عيالها ..وليش محد يبي يعدل الوضع؟
(ما شوف حد يكتب وينتقد هالشي كثر اللي ينتقدون الزواج من الثانية مثلا؟)

هل هي رغبة المتزوج من المطلقة ان ياخذها بروحها بدون عيالها وعوار الراس ؟
او هي تبي الفكة من هالمساكين وتتزوج مرة ثانية والمحكمة تتكفل بالرسميات

[فلتة زمانها]

مانعرف شنهي ظروفهم كلن ينام عالجنب الي يريحه
الله يستر عليهم

[فرقاك عيد]

بعض الردود الصراحه تخليني ابتسم باشمئزاز!

حشرتوناا بالنفقه ... اي نفقه هاذي الي تتكلمون عنها 700 او 1200 ماتجي راتب سايق !
بعدين فعلا ضحكتوني ماتميزون بين سري وعلني !!! شلون تقولون متزوجه بالسر وتقولون تجيب رجال يتمتع بخير المغدور الاول !!!
زواج بالسر معناه مستاجر لها شقه بعيد عن عيون عيالها ولايشاركها فيهم ببيت واحد
بالسر معناه مقابلات سريه ومش دائمه وبعيد عن مشاعر الاولاد ونفقه المغدور الاول الي مايدري عن عياله وعايش مثل البهيمه وربي يحاسبه على تقصيره بعياله
جايين تحاسبون على نفقه وبيت !!

اقول لكم شئ
المصيبه مش بالمطلقه او الارمله الي تتزوج بالسر المشكله اذا جاء الطرف الثاني خايف من ضله ولا يقدر يقدم لاعلى زواج بالسر ولا بالعلن ههههههههههههههه

واحب اقول ان بعض الدول تجيز هذا الزواج لانه فيه عفاف للطرفين ومافيها شئ ودام فيها شاهدين هذا بحد ذاته اشهار مو لازم قاعه وفيها 400 مدعو ياكلون ويحشوووون .. واكثر دوله فيها زواج مسيار وطبعا هذا سري السعوديه ومشايخ المساجد يعقدون عليهم لاتوثيق ولا غيره يهمهم عفاف الطرفين مو الزنا والحرام

والمذهب الحنفي يجيز للمراءة ان تزوج نفسها اذا وجدت منهو كفو وبحضور شاهدين وتقدر ترشح ولي لها اذا حبت

اتمنى محد يجي يهاجمني من الناحيه الدينيه

والله يوفق الجميع

[دااانة قطر]

عندي صديقه لي تزوجت بالسر خوف على عيالها من طليقها


طليقها تزوج؟؟
انا اعرف 2 مجنساات بحكم الزوااج وحده تزوجت بعد وفااة زوجها والثاانيه بعد ماطلقها زوجها ( بالسر ) والعياال يدرون وعاايشين بدون اي مشكله وردهم هذا حق امنا كفااية انها تزوجت الاب وهو شاايب من حقها تعيش حيااة محترمه
لكن للاسف الزوااج الثااني مع مرت عليه سنواات طويله لكن بدون عياال لانه بالسر:rolleyes2:

[هدى ورحمه]

بعض الردود الصراحه تخليني ابتسم باشمئزاز!

حشرتوناا بالنفقه ... اي نفقه هاذي الي تتكلمون عنها 700 او 1200 ماتجي راتب سايق !
بعدين فعلا ضحكتوني ماتميزون بين سري وعلني !!! شلون تقولون متزوجه بالسر وتقولون تجيب رجال يتمتع بخير المغدور الاول !!!
زواج بالسر معناه مستاجر لها شقه بعيد عن عيون عيالها ولايشاركها فيهم ببيت واحد
بالسر معناه مقابلات سريه ومش دائمه وبعيد عن مشاعر الاولاد ونفقه المغدور الاول الي مايدري عن عياله وعايش مثل البهيمه وربي يحاسبه على تقصيره بعياله
جايين تحاسبون على نفقه وبيت !!

اقول لكم شئ
المصيبه مش بالمطلقه او الارمله الي تتزوج بالسر المشكله اذا جاء الطرف الثاني خايف من ضله ولا يقدر يقدم لاعلى زواج بالسر ولا بالعلن ههههههههههههههه

واحب اقول ان بعض الدول تجيز هذا الزواج لانه فيه عفاف للطرفين ومافيها شئ ودام فيها شاهدين هذا بحد ذاته اشهار مو لازم قاعه وفيها 400 مدعو ياكلون ويحشوووون .. واكثر دوله فيها زواج مسيار وطبعا هذا سري السعوديه ومشايخ المساجد يعقدون عليهم لاتوثيق ولا غيره يهمهم عفاف الطرفين مو الزنا والحرام

والمذهب الحنفي يجيز للمراءة ان تزوج نفسها اذا وجدت منهو كفو وبحضور شاهدين وتقدر ترشح ولي لها اذا حبت

اتمنى محد يجي يهاجمني من الناحيه الدينيه

والله يوفق الجميع


عجبتيني والله هههههههه كلامج درر ، ممكن نصير صديقات :victory:

لان رايي مطابق لرايج تماما:nice:

[بوعلى 1]

زواج سري هههههههههههههه
الخيرة في ما اختارة اللة زواج المطلقة او الارملة لماذا يكون سري اصلا ! ان كان سري فهو اذا مبني على علاقة هي الاخرى سرية !
فلعلاقة السرية قبل الزواج السري لها ايجابيات وسلبيات وشروط ان لم تتحقق بطل الزواج السري وبطل معة العلاقة السرية يعني ياتتزوجني يا ادور غيرك !! رحلة بحث للمراة في ماتبقى لها من عمر لربما تتمسك بشئ من ظل وان يكن جزء من ظل رجل تمنياتي بتوفيق لمن لا ظل لة !!

[qatara]

"البر حسن الخلق، والإثم ما حاك في النفس -أو في نفسك- وكرهت أن يطلع عليه الناس"

[ANONYMOUS]

حشرتوناا بالنفقه ... اي نفقه هاذي الي تتكلمون عنها 700 او 1200 ماتجي راتب سايق !



صديقي يخصم من راتبه قبل لا ينزل البنك 9000 ريال

وهالكلام من فوق 8 سنين

الحين مع الزيادات مايندرا كم صار الخصم

[المسك1969]

أرفض السر لأن المرأة تصبح وكأنها حراميه تتخشش عشان تروح لزوجها حلالها

وحتى لو كان عندها اطفال وأخذ زوجها أطفالها مثلا عنادا فيها... فمصيرها ستراهم وسيزورونهم ولكن فرضا أثمر زواجها بالسر عن حمل؟ فماذا ستقول لصديقاتها وبقية أهلها والله المستعان

والزواج في السر فيه الكثير من ضياع حقوق المرأة فتظلم نفسها وخصوصا أن ظهر الرجل غير المتوقع
الحين الزواج العلن تطلع فيه مصائب فمابالكم بزواج السر

نسأل الله أن يديم علينا وعليكم نعمة العفاف وأن ييسر لمن يريد العفاف اللهم آمين

جزاكم الله خيرا

[بلوتنيوم]

بعض الردود الصراحه تخليني ابتسم باشمئزاز!

حشرتوناا بالنفقه ... اي نفقه هاذي الي تتكلمون عنها 700 او 1200 ماتجي راتب سايق !
بعدين فعلا ضحكتوني ماتميزون بين سري وعلني !!! شلون تقولون متزوجه بالسر وتقولون تجيب رجال يتمتع بخير المغدور الاول !!!
زواج بالسر معناه مستاجر لها شقه بعيد عن عيون عيالها ولايشاركها فيهم ببيت واحد
بالسر معناه مقابلات سريه ومش دائمه وبعيد عن مشاعر الاولاد ونفقه المغدور الاول الي مايدري عن عياله وعايش مثل البهيمه وربي يحاسبه على تقصيره بعياله
جايين تحاسبون على نفقه وبيت !!

اقول لكم شئ
المصيبه مش بالمطلقه او الارمله الي تتزوج بالسر المشكله اذا جاء الطرف الثاني خايف من ضله ولا يقدر يقدم لاعلى زواج بالسر ولا بالعلن ههههههههههههههه

واحب اقول ان بعض الدول تجيز هذا الزواج لانه فيه عفاف للطرفين ومافيها شئ ودام فيها شاهدين هذا بحد ذاته اشهار مو لازم قاعه وفيها 400 مدعو ياكلون ويحشوووون .. واكثر دوله فيها زواج مسيار وطبعا هذا سري السعوديه ومشايخ المساجد يعقدون عليهم لاتوثيق ولا غيره يهمهم عفاف الطرفين مو الزنا والحرام

والمذهب الحنفي يجيز للمراءة ان تزوج نفسها اذا وجدت منهو كفو وبحضور شاهدين وتقدر ترشح ولي لها اذا حبت

اتمنى محد يجي يهاجمني من الناحيه الدينيه

والله يوفق الجميع

هههههههههههههههههههههه
ننطر رد المغدور الاول :telephone:

[أبو يووسف]

لكي تعف نفسها عن الحرام

[captin]

المفروض ما ننظر ويكون سري بالمفهوم السلبي كأن الشخص يعمل عملا خطأءا وغير حلال وهو في الحقيقة زواج شرعي وينقصه الاعلان ودعوة المدعوين فقط .

لكن هناك أسباب لعدم إعلان الزواج ربما مثل ذكر الكثير ظروف المراة
خصوصا إذا كانت مطلقة ولديها ابناء تخاف أن تؤخذ منها الحضانة وربما أسباب لدى الرجل نفسه إذا كان متزوجا أصلا ويرغب الزواج بالثانية ولايريد أن يحدث زواجه بالثانية ضجة من البداية على أن يجد الوقت المناسب لإعلانه لاحقا.

اعرف حالة عندنا في الدوحة ظل فيها زواج رجل من إمرأة ثانية دون علم الأولى حتى أصبح عنده أبن ووصل الى الصف الرابع بالمدرسة. وهناك حالات كثيرة لها أسبابها المختلفة.

أسباب الوقوع في الحرام أصبحت ميسرة لذلك يجب علينا تيسير الحلال أكثر واكثر بأية طريقة كانت زواج سري او زواج مسيار وغيرها من المسميات التي في الأخير تدخل في إطار شرعي مقبول .

[بوحارب]

الزواج السري مريح للطرفين بعض الأحيان

انا اتوقع باخذ الثانية بالسر بس وينها كااااااااااك

[chillis]

الزواج السري مريح للطرفين بعض الأحيان

انا اتوقع باخذ الثانية بالسر بس وينها كااااااااااك

دام تخاف من الاولى وما تقدر تعلن ليش تزوج الثانيه :secret: