شنو اللي ما تحبه فيها .. و شنو اللي ما تحبينـــــه فيه ؟؟

[الحياة الخالدة]

موضـــــــوع خفيف لنهاية الأسبوع

لم أضعه للخلاف بقدر ما وضعته لتوضيح أمور معينة ربما تغيب عن البال .. و تسهم بشكل أو بآخر في هدم الحياة الزوجيــــــة

ماهي الصفات التي يكرهها الرجل في المرأة ( الزوجة ) بمعنى أكثر شي يطفره و يطلعه من طوره .. و يخليه يكره حياته معاها

و العكس .. ما هي الصفات التي تكرهها المرأة في الرجل ( الزوج ) .. و تزهقها حياتها

و شكراً للجميـــــــع .. :)

[شبح الصمت]

الله يعطيج العافيه

( التقليل من قدر الزوج )

[chillis]

ماحب فيه اهماله لبيته وعياله ويعيش كانه غير مسؤول ومازال عزوبي :)

[لاجئ عاطفي]

بما اني متزوج راح اجاوب ..
اكره في الزوجه عنادها لزوجها وعدم طاعته وماتسمع كلامه وماتحترمه ولا اتقدره ولا تعمل له اي حساب ودائما ماتبدي اهلها عليه ..
اكره في الزوجه لما اتحاول تتساوى مع زوجها في كل الامور مع ان المساواة بينهم مهب بس مرفوضه الا غير متوازيه ومستحيله ففي نظري مافي مساواة بين الزوج والزوجه ولكن بعض الزوجات وخصوصا زوجات هالايام يصرون على المساواة بكل شي ..!!

اكتفي بهالرد واترك الباقي للاخوان والاخوات ..ويعطيج العافيه عالموضوع ..

[Al-Kuwari]

الله يعطيج العافيه

( التقليل من قدر الزوج )
كلام سليم 10000%

[R 7 A L]

قبل لا أرد على الموضوع
ليش حطيتي الكلمتين بين قوسين

[مهرة]

طرح طيب من انسانة طيبة ..

آي ثنك :ــــ

من ناحية الزوجة (التقليل في النظافة والتنظيم والإهمال) اتجاة الزوج ..

من ناحية الزوج ( الإلحاح وإخراج الأسرار الزوجية) اتجاة الزوجة ..

وهذا منغصات بسيطة والله يعين ..

[خوي الدرب]

اللي ما حبه في الحرمة أنها كل ما تسمع شيء اسمه موضة الدرعم صوبه سواء كان سين ولا شين
أهم شيء عندها اسمه موضة

[الحياة الخالدة]

الله يعطيج العافيه

( التقليل من قدر الزوج )


الله يعافيك يا شبح

الزوجة ما تدري إنها لما تقلل من قدر زوجها فهي تقلل من قدر نفسها بالدرجة الأولى .. لأن احترامها من احترامــــه

شكراً لك أخوي :)

[الحياة الخالدة]

ماحب فيه اهماله لبيته وعياله ويعيش كانه غير مسؤول ومازال عزوبي :)


بعض الرجال ياخذون وقت على ما يتأقلمون و يتعودون على حمل المسؤولية .. بس عقب يتعدلون
و بعضهم يستمر الحال عندهــــــم للأسف

تسلمين يا تشيليز :)

[شمس2]

اختي انا باقول الاشياء اللي احبها واللي ما احبها في الزوج :nice:
احب في الزوج الغشمرة والضحك :tease:
ما احب التكشير والغم :anger1:
احب في الزوج انه يستخدم قوته في المساعده يعني الشيل والحط وتصليح الاشياء :victory:
ما احب فيه الكسل والاعتماد على الغير في قضاء اموره مثلا اخترب الليت ياب كهربجي
التاير مبنجر في البيت ياب له بنجرجي :telephone:
الباب مسكر نادى الخدامه تفتحه :rolleyes2:
احب في الزوج يكون حنون خدوم كريم :shy:
ما احب فيه القسوه والبخل :(
اففف تعبت خلاص :nice:

[OTOsan]

المفترض ان تحب زوجتك بكل مافيها .. وان تحبك بكل مافيك ،،
حتى وان وجد احدهما مالايحب في الاخر ..فيجب الا يتم التركيز عليه بقدر ما يجب التركيز على الايجابيات المتبادلة .

الحياة الزوجيه ليست للتركيز على الاخطاء او على الصفات الغير محببة ..بل يجب ان تبنى على المودة والتفاهم :)

يعطيج العافيه ،،

[الحياة الخالدة]

بما اني متزوج راح اجاوب ..
اكره في الزوجه عنادها لزوجها وعدم طاعته وماتسمع كلامه وماتحترمه ولا اتقدره ولا تعمل له اي حساب ودائما ماتبدي اهلها عليه ..
اكره في الزوجه لما اتحاول تتساوى مع زوجها في كل الامور مع ان المساواة بينهم مهب بس مرفوضه الا غير متوازيه ومستحيله ففي نظري مافي مساواة بين الزوج والزوجه ولكن بعض الزوجات وخصوصا زوجات هالايام يصرون على المساواة بكل شي ..!!

اكتفي بهالرد واترك الباقي للاخوان والاخوات ..ويعطيج العافيه عالموضوع ..


وهاذي أعتقد إنها أكثر صفة يكرهها الريال في زوجته .. و سمعتها تتكرر وايد
الزوج طبعاً له الأولويـــــــة قبل الأهل
المساواة بعض النســــــاء للأسف فاهمينها غلط

الله يعافيك أخوي .. و شكراً لك :)

[الحياة الخالدة]

كلام سليم 10000%


شكراً للمؤازرة :)

[بو خليفه 123]

احدى الاشياء التي يكرهها الرجال في بعض الزوجات

هو انها "تخر العلوم كلها لأمها"

[الحياة الخالدة]

قبل لا أرد على الموضوع
ليش حطيتي الكلمتين بين قوسين


رحال لازم تسوي لك سوالف :)
أقول لك ليش ..

لأن الرجل أو المرأة أكثر من يهمهم الطرف الآخر .. لأن حياتهم معاهم .. و مالهم بد من بعض .. عايشين أغلب وقتهم مع بعض .. فشي طبيعي نشوف شنهي الأشياء اللي ما يحبها الواحد في الثاني .. عشان يتجنبها قدر الإمكان .. لتمضي عجلة الحياة

أما المرأة أو الرجل ( غير الزوج و الزوجة ) فالوقت اللي يمضيه أحدهم مع الآخر محدود .. و ممكن يتجنبون البقاء مع بعض .. يعني مب ملزومين يجابلونهم :)

أرجو أن أكون وضحت المقصود
و بانتظار مشاركتك :)

[الحياة الخالدة]

طرح طيب من انسانة طيبة ..

آي ثنك :ــــ

من ناحية الزوجة (التقليل في النظافة والتنظيم والإهمال) اتجاة الزوج ..

من ناحية الزوج ( الإلحاح وإخراج الأسرار الزوجية) اتجاة الزوجة ..

وهذا منغصات بسيطة والله يعين ..


صحيح كلامج يا مهرة .. النظافة و التنظيم مهمين جداً .. و من الخطأ تسليم كل الأمور للخدم و ترك هذه المسائل لهم
و كذلك الإهمال .. المادي .. و المعنوي

الإلحاح ؟؟ يا ليت توضحين من أي ناحية :)

الطيب أصلج يا مهرة .. تسلمين حبيبتي

[R 7 A L]

:)



رحال لازم تسوي لك سوالف :)
أقول لك ليش ..

لأن الرجل أو المرأة أكثر من يهمهم الطرف الآخر .. لأن حياتهم معاهم .. و مالهم بد من بعض .. عايشين أغلب وقتهم مع بعض .. فشي طبيعي نشوف شنهي الأشياء اللي ما يحبها الواحد في الثاني .. عشان يتجنبها قدر الإمكان .. لتمضي عجلة الحياة

أما المرأة أو الرجل ( غير الزوج و الزوجة ) فالوقت اللي يمضيه أحدهم مع الآخر محدود .. و ممكن يتجنبون البقاء مع بعض .. يعني مب ملزومين يجابلونهم :)

أرجو أن أكون وضحت المقصود
و بانتظار مشاركتك :)



أشكرك على التوضيح


بالنسبة للصفات الى أكرها في الزوجة
الغيرة الزائدة عن اللزوم
الطاعة العمياء لجميع قراراتي دون المناقشة قبل التنفيذ .

[الحياة الخالدة]

اللي ما حبه في الحرمة أنها كل ما تسمع شيء اسمه موضة الدرعم صوبه سواء كان سين ولا شين
أهم شيء عندها اسمه موضة


ملاحقة الموضة هاذي مشكلة ..

شكراً لك يا خــــوي الدرب :)

[الحياة الخالدة]

اختي انا باقول الاشياء اللي احبها واللي ما احبها في الزوج :nice:
احب في الزوج الغشمرة والضحك :tease:
ما احب التكشير والغم :anger1:
احب في الزوج انه يستخدم قوته في المساعده يعني الشيل والحط وتصليح الاشياء :victory:
ما احب فيه الكسل والاعتماد على الغير في قضاء اموره مثلا اخترب الليت ياب كهربجي
التاير مبنجر في البيت ياب له بنجرجي :telephone:
الباب مسكر نادى الخدامه تفتحه :rolleyes2:
احب في الزوج يكون حنون خدوم كريم :shy:
ما احب فيه القسوه والبخل :(
اففف تعبت خلاص :nice:


إي و الله يا شمس .. التكشير و الغم يجيبون المرض .. و في ناس سبحان الله ما يعرفون الابتسامة .. و بعض الأزواج و الزوجات ( عشان محد يزعل ) ما يعرفون الضحك و الغشمرة إلا برة البيت

القسوة و البخل .. عوامل هدم فعالـــــــة .. الله يبعدها عن الجميع

تسلمين حبيبتي شمس :)

[مهرة]

حبيبتي الحياة الخالدة اعتقد صار لبس بالتعليق على ردي ..>>> قصدي الزوجة تعاني من عدم النظافة والترتيب وعدم المبالاة من الزوج .. والزوج يعاني من إلحاح الزوجة باي امر كان وتطلع اسرارهم ومشاكلهم .. أتمنى اتضحت وجهة نظري ..:nice:

وبعد ذكرتني اختي شمس آفة الكسل الي يعاني منها بعض الأزواج ..:rolleyes2:

[وطن]

يصير أجاوب ؟؟

:)

[الحياة الخالدة]

المفترض ان تحب زوجتك بكل مافيها .. وان تحبك بكل مافيك ،،
حتى وان وجد احدهما مالايحب في الاخر ..فيجب الا يتم التركيز عليه بقدر ما يجب التركيز على الايجابيات المتبادلة .

الحياة الزوجيه ليست للتركيز على الاخطاء او على الصفات الغير محببة ..بل يجب ان تبنى على المودة والتفاهم :)

يعطيج العافيه ،،


كلامك صح يا أوتوسان
بس أحياناً الصفات غير المحببــــــة تغطي على الحسنة و تحجبها
و المفروض إن الطرفين يشوفون و يعرفون الصفات اللي تزعل الطرف الثاني منهم .. و يحاولون يتجنبونها قدر الإمكان
يعني إنتي يالزوجة عرفتي إن هالشي يضايق زوجج .. خلاص حاولي تبتعدين عنه قد ما تقدرين ..حتى لو كنتي من داخلج مب مقتنعة فيه
و العكس صحيح بالنسبة للزوج

شكراً لك أخي أوتوسان :)

[كلنا قطر 1981]

هذا المستخدم للحين عزوبي

ماقدر اكتب شي لانه ما عندي تجربه في الزواج و المتزوجين هم اكثر خبره مني بهالامور

متابع بصمت


و نقول

صبــــــــــــــــــاح الخــــيــر

:oops:

[الحياة الخالدة]

احدى الاشياء التي يكرهها الرجال في بعض الزوجات

هو انها "تخر العلوم كلها لأمها"


طبعاً الزوج ما يحب أسرار بيته تطلع خارج حدوده
و للأســـــف بعض النساء ما تخلي شاردة و لا واردة إلا علمت عنها .. مب بس للأم .. حتى للصديقات .. و أحياناً للأغراب ( لما تقعد في جلسة نسائية أو عزيمة )

تحياتي لك أخوي بوخليفة 123 :)

[رآعي موآجيب]

:)


الطاعة العمياء لجميع قراراتي دون المناقشة قبل التنفيذ .

يارجل اتق الله :telephone:

هذا شي تكرهه !! :anger1:
اعطيك الي تبي بس عطنا السر علشان النسوان ماعاد يناقشونا :victory:

[الحياة الخالدة]

:)



أشكرك على التوضيح


بالنسبة للصفات الى أكرها في الزوجة
الغيرة الزائدة عن اللزوم
الطاعة العمياء لجميع قراراتي دون المناقشة قبل التنفيذ .


الغيـــــــرة .. و ما أدراك ما الغيرة .. ياما هدمت بيـــــــوت

الطاعة العمياء ؟؟ هاذي صفة تكرهها و الا تحبها ؟؟
التبس علي الأمر :rolleyes2:

[الحياة الخالدة]

حبيبتي الحياة الخالدة اعتقد صار لبس بالتعليق على ردي ..>>> قصدي الزوجة تعاني من عدم النظافة والترتيب وعدم المبالاة من الزوج .. والزوج يعاني من إلحاح الزوجة باي امر كان وتطلع اسرارهم ومشاكلهم .. أتمنى اتضحت وجهة نظري ..:nice:

وبعد ذكرتني اختي شمس آفة الكسل الي يعاني منها بعض الأزواج ..:rolleyes2:


ههههههههههههه

أوكي حبيبتي مهرة .. جذي الأمور وضحت
مدري شفيني اليوم داير راسي وايد تلتبس علي الأمور :shy:

شكراً للتوضيـــــــح :)

[الحياة الخالدة]

يصير أجاوب ؟؟

:)


يصير فديتــــــج أفا عليج :nice:

يعني انتي أكيد سمعتي و شفتي

و بالمرة تستفيدين حق حياتج المستقبلية بإذن اللـــــه :omen2:

[R 7 A L]

يارجل اتق الله :telephone:

هذا شي تكرهه !! :anger1:
اعطيك الي تبي بس عطنا السر علشان النسوان ماعاد يناقشونا :victory:


مافية سر
:)

[R 7 A L]

الغيـــــــرة .. و ما أدراك ما الغيرة .. ياما هدمت بيـــــــوت

الطاعة العمياء ؟؟ هاذي صفة تكرهها و الا تحبها ؟؟
التبس علي الأمر :rolleyes2:

عندما ذكرت الطاعة العمياء مو في كل شي
فية بعض الأمور التي تحتاج الى مناقشة
مو كل شي يقوله r7al صحيح
يمكن خلال المناقشة تظهر لي بعض الامور او النقاط الى ماشفتها على شأن كذا المناقشة تجيب فايدة لترتيب الامور من جديد .

[الحياة الخالدة]

هذا المستخدم للحين عزوبي

ماقدر اكتب شي لانه ما عندي تجربه في الزواج و المتزوجين هم اكثر خبره مني بهالامور

متابع بصمت


و نقول

صبــــــــــــــــــاح الخــــيــر

:oops:


هذا المستخدم اللــــه يرزقه ببنت الحلال اللي ما يشوف و لا يسمع منها إلا اللي يســـــــره .. و ينزل لنا موضوع عن أسرار السعادة الزوجيــــــة

بس خلك متابع معانا .. و مالك إلا طيبة الخاطر :)

و نرد و نقول .. صباح النور و السرور

[الحياة الخالدة]

يارجل اتق الله :telephone:

هذا شي تكرهه !! :anger1:
اعطيك الي تبي بس عطنا السر علشان النسوان ماعاد يناقشونا :victory:


صبرك على الرجال يا راعي المواجيب .. ما صدقت خذت الكلمة من طرف لسانه :nice:

من ردك هذا أعتقد عرفنا أكثر شي تكرهه :)

حياك الله أخوي :)

[الحياة الخالدة]

عندما ذكرت الطاعة العمياء مو في كل شي
فية بعض الأمور التي تحتاج الى مناقشة
مو كل شي يقوله r7al صحيح
يمكن خلال المناقشة تظهر لي بعض الامور او النقاط الى ماشفتها على شأن كذا المناقشة تجيب فايدة لترتيب الامور من جديد .


حلو و اللــــــــه
أنا أحيي فيك هاذي الصفة .. لأن البعض بس يحب يعطي أوامر غير قابلة للنقاش .. لمجرد ممارسة السلطة

شكراً لك أخي رحــــــال :)

[وطن]

يصير فديتــــــج أفا عليج :nice:

يعني انتي أكيد سمعتي و شفتي

و بالمرة تستفيدين حق حياتج المستقبلية بإذن اللـــــه :omen2:

:shy:

زين اوكى

من واقع خبرتي في الحياة
ومن النماذج اللي حولي واللي مب حولي


الرجال يكره الزوجه الحنــّـانه
و اللي تناحسه لمجرد النحاس
ومثل ما قال رحال الطاعة العمياء .. ما يصير بعد هي تلغي شخصيتها ارضاءاً لزوجها
يعني يا بنات خلكم معتدلات
مو عناد ولا رفض على اي شي بس جذي .. ولا طاعه بدون نقاش واقتناع

ما يحب بعد المرأه اللي ما تهتم في نفسها
وهالشي بعد ينطبق على المرأه ما تحب الرجل اللي مهمل نفسه و مبهدل



الحين نجي للمرأة
الصراحة أكره البرود وردّات الفعل البارده المستفزه
والاهمال ...
هذا اكثر شي ممكن يستفزني في حياتي المستقبلية


والرجل اللي ما يعتمد على نفسه في امور البيت البسيطة
من تبديل ليت ولا حمل اشياء ثقيله ولا حتى تبديل بيبات <-- لا لا بالغتي يا وطن :secret:
ويعتمد على الخدم والصبيان في هالشي crazy

المهم لازم يكون هاندي مان :)

وما احب الرجل اللي وايد خفيف و غشمري على اي شي ومع اي حد :anger1:
الثقل صنعه مثل ما يقولون اخوانا المصريين
مو في اي وقت الغشمره ومب مع اي حد
وبعد ما يكون مكشر ومخيس النفس
يكون معتدل يعرف وين يبتسم ووين يتغشمر ووين يكون رسمي

وما احب اللي شايف نفسه على الناس وما يعاملهم بأخلاق عاليه و ذرابه

وفي الأخير
الاحترام لازم يكون متبادل بين الطرفين
ولا على علاقتهم السلام

[المقاول]

العناد وطول اللسان .. وفرض رأيها الغلط الذي على مستوى عقليتها الصغيره
كثرة البربرة .. حاجتها المستمرة لسماع كلمة الحب في اي واقت وفي اي مكان.
عدم الطاعة والاستماع والالتزام بتعليمات الزوج فيما يخص البيت والعيال..
كثرة الاتصال بالتليفون ... عدم الثقة في كل شي ... هذا بعض الشي

[سيار]

أذكّر الأزواج الرجال المحترمين بعدم التعصب في الصفات التي تكرهها من زوجتك كما أتمنى أن تحاول أن تعالجها بدل من أن تجعلها معضله أمامك وأذكركم بقول الله عز وجل (( فإن كرهتموهن فعسى أن تكرهوا شيئا ويجعل الله فيه خيرا كثيرا ))
أما بشأن الزوجات نصيحتي لهن وليعلمن بأنه ليس هناك شيئ أعظم ذنبا من السجود لغير الله ولهذا قال رسول الله صلى الله عليه وسلم (( لو كنت آمرا أحدا أن يسجد لأحد لأمرت المرأة أن تسجد لزوجها )) والحديث على الإطلاق للأزواج فلا تفهم واحده بأن هذا الحديث لا يعني زوجها حسب فهمها
والله تعالى أعلى وأعلم

[المتحدث الرسمي]

.....

اكره شي اسمه الحــنــّـه و العناد

مشكلة بعض الحريم يسوون من الحبه قبه

البعضضضضضضض من الحريم يبون يتحندون لمجرد التحندي و السنداره

والله ولي التوفيق

.....

[الحياة الخالدة]

:shy:

زين اوكى

من واقع خبرتي في الحياة
ومن النماذج اللي حولي واللي مب حولي


الرجال يكره الزوجه الحنــّـانه
و اللي تناحسه لمجرد النحاس
ومثل ما قال رحال الطاعة العمياء .. ما يصير بعد هي تلغي شخصيتها ارضاءاً لزوجها
يعني يا بنات خلكم معتدلات
مو عناد ولا رفض على اي شي بس جذي .. ولا طاعه بدون نقاش واقتناع

ما يحب بعد المرأه اللي ما تهتم في نفسها
وهالشي بعد ينطبق على المرأه ما تحب الرجل اللي مهمل نفسه و مبهدل



الحين نجي للمرأة
الصراحة أكره البرود وردّات الفعل البارده المستفزه
والاهمال ...
هذا اكثر شي ممكن يستفزني في حياتي المستقبلية


والرجل اللي ما يعتمد على نفسه في امور البيت البسيطة
من تبديل ليت ولا حمل اشياء ثقيله ولا حتى تبديل بيبات <-- لا لا بالغتي يا وطن :secret:
ويعتمد على الخدم والصبيان في هالشي crazy

المهم لازم يكون هاندي مان :)

وما احب الرجل اللي وايد خفيف و غشمري على اي شي ومع اي حد :anger1:
الثقل صنعه مثل ما يقولون اخوانا المصريين
مو في اي وقت الغشمره ومب مع اي حد
وبعد ما يكون مكشر ومخيس النفس
يكون معتدل يعرف وين يبتسم ووين يتغشمر ووين يكون رسمي

وما احب اللي شايف نفسه على الناس وما يعاملهم بأخلاق عاليه و ذرابه

وفي الأخير
الاحترام لازم يكون متبادل بين الطرفين
ولا على علاقتهم السلام


أثرتي نقاط جميلة و مهمـــــــة لكلا الطرفين

و الرياييل أكثر ما يشتكون من العناد و الحنـــــة ( اللي تقصر العمر )

شكراً لج حبيبتي وطن .. الله يرزقج بالزوج الصالح .. و تكونين له زوجة صالحة بإذن اللـــــه :omen2:

[وطن]

أثرتي نقاط جميلة و مهمـــــــة لكلا الطرفين

و الرياييل أكثر ما يشتكون من العناد و الحنـــــة ( اللي تقصر العمر )

شكراً لج حبيبتي وطن .. الله يرزقج بالزوج الصالح .. و تكونين له زوجة صالحة بإذن اللـــــه :omen2:

تسلمين حبيبتي

تذكرت نقطه بعد

عندما يتخلى الرجل عن مسؤولياته كرجل
وعندما تقوم المرأه بمسؤوليات البيت كرجل
مو في نطاق مجالها من مسؤوليات البيت

[الحياة الخالدة]

العناد وطول اللسان .. وفرض رأيها الغلط الذي على مستوى عقليتها الصغيره
كثرة البربرة .. حاجتها المستمرة لسماع كلمة الحب في اي واقت وفي اي مكان.
عدم الطاعة والاستماع والالتزام بتعليمات الزوج فيما يخص البيت والعيال..
كثرة الاتصال بالتليفون ... عدم الثقة في كل شي ... هذا بعض الشي


و تتكرر صفة العناد :)
و اعتقد أن الرجل يبي يعرف مدى طاعة زوجته له .. و أعرف نساء لما ابتدوا يلينون شوي حق أزواجهم و ما يعاندونهم و يسمعونهم كلمات مثل حاضر و على أمرك .. تعدلت عندهم الكثير من الأمــــــور

شكراً لك أخي المقــــــاول :)

[رآعي موآجيب]

مافية سر
:)


:telephone::telephone:





صبرك على الرجال يا راعي المواجيب .. ما صدقت خذت الكلمة من طرف لسانه :nice:

من ردك هذا أعتقد عرفنا أكثر شي تكرهه :)

حياك الله أخوي :)



يعني لقطيتها :victory:

[طلعة الروح]

انا ما أحب الإنسان العصبي واللي ماعنده تفاهم ولا يعرف اصول التفاهم واللي علاقته بزوجته شرطية
يعني اذا سويتي جذي فأنتي بالضرورة جذي واذا ماصار جذي راح أسوي جذي
مادري ان شالله قدرت اوصل الفكرة.

[chillis]

واضيف ما حب الرجل الي ما يعترف بخطأه ويشوف نفسه دائما صح والباقي غلط

[الحياة الخالدة]

أذكّر الأزواج الرجال المحترمين بعدم التعصب في الصفات التي تكرهها من زوجتك كما أتمنى أن تحاول أن تعالجها بدل من أن تجعلها معضله أمامك وأذكركم بقول الله عز وجل (( فإن كرهتموهن فعسى أن تكرهوا شيئا ويجعل الله فيه خيرا كثيرا ))
أما بشأن الزوجات نصيحتي لهن وليعلمن بأنه ليس هناك شيئ أعظم ذنبا من السجود لغير الله ولهذا قال رسول الله صلى الله عليه وسلم (( لو كنت آمرا أحدا أن يسجد لأحد لأمرت المرأة أن تسجد لزوجها )) والحديث على الإطلاق للأزواج فلا تفهم واحده بأن هذا الحديث لا يعني زوجها حسب فهمها
والله تعالى أعلى وأعلم


بالفعل أخي الكريـــــــم
المفروض يحاول كلا الطرفين علاج الصفات غير المحببة باللين و التفاهم .. و أن يضعوا نصب أعينهم الصفات الكثيرة الطيبة في كل منهما .. و يحاولون يمشون حياتهم طالما إن الطرف الثاني مافيه عيوب أساسية كبيرة تمنع استمرار الحياة بينهما

تحياتي لك أخي سيـــــار :)

[العقل الحر]

صفات لا احبها في النساء بالنسبه لي

الغيرة
الحنه
الاصرار
الكيد

واكبر صفه اكرهها في النساء

نكران الجميل

[الحياة الخالدة]

.....

اكره شي اسمه الحــنــّـه و العناد

مشكلة بعض الحريم يسوون من الحبه قبه

البعضضضضضضض من الحريم يبون يتحندون لمجرد التحندي و السنداره

والله ولي التوفيق

.....


يعني تهقى ياخــــــــوي إن بعض الحريم يتحندون و يحنون على الريال لمجرد التحندي .. بس عشان يطفشونـــــــه :)

شكراً لك أخوي :)

[intesar]

أعتقد تختلف بين كل زوجين.. والشاطر اللي يتغاضى عن عيوب الطرف الآخر.. ويعيش مع الطرف الآخر على الحلوة والمرة..

[المتحدث الرسمي]

يعني تهقى ياخــــــــوي إن بعض الحريم يتحندون و يحنون على الريال لمجرد التحندي .. بس عشان يطفشونـــــــه :)

شكراً لك أخوي :)


.....

والله يا اختي الفاضله هالامثله شفتها على ارض الواقع

و صارت قدامي كذا مره بالصدفه طبعا
:telephone:
.....

[الحياة الخالدة]

تسلمين حبيبتي

تذكرت نقطه بعد

عندما يتخلى الرجل عن مسؤولياته كرجل
وعندما تقوم المرأه بمسؤوليات البيت كرجل
مو في نطاق مجالها من مسؤوليات البيت


و هاذي بعد مشكلة كبيرة

بس دايماً يقولون لج أن المرأة هي اللي تجني على نفسها في هالشي .. لما تبتدي تسوي كل شي بنفسها .. و ما تنطر لما الريال يسويه .. فشوي شوي تقوم هي بكل أمور البيت بدلاً عنه

الحريم يبون شغلهم حار بحار
و الرياييل بعضهم ياخذون روحهم على سعة :)

[الحياة الخالدة]

:telephone::telephone:





يعني لقطيتها :victory:


شفت شلون عاد .. ما يطوفنا شي :)

و لا تحاول مع رحال .. ما راح يعطيك سر المهنة :secret:

[الحياة الخالدة]

انا ما أحب الإنسان العصبي واللي ماعنده تفاهم ولا يعرف اصول التفاهم واللي علاقته بزوجته شرطية
يعني اذا سويتي جذي فأنتي بالضرورة جذي واذا ماصار جذي راح أسوي جذي
مادري ان شالله قدرت اوصل الفكرة.


إي و الله صدقتي يا طلعة الـــــروح
العصبيـــــــة هاذي صفة بغيضـــــة ما تعطي أي مجال للتفاهم و الأخذ و العطــــــا
و الفكرة وصلت :)

شكراً لج أختي العزيزة

[سهاير]

(((otosan ))))
المفترض ان تحب زوجتك بكل مافيها .. وان تحبك بكل مافيك ،،
حتى وان وجد احدهما مالايحب في الاخر ..فيجب الا يتم التركيز عليه بقدر ما يجب التركيز على الايجابيات المتبادلة .

الحياة الزوجيه ليست للتركيز على الاخطاء او على الصفات الغير محببة ..بل يجب ان تبنى على المودة والتفاهم

أتفق معااااااك العطاء جوهر السعادة ....

[الحياة الخالدة]

واضيف ما حب الرجل الي ما يعترف بخطأه ويشوف نفسه دائما صح والباقي غلط


الريال يشوفها صعبة عليه إنه يعترف بأنه على خطــــأ .. و قليل جداً منهم من يفعل ذلك :secret:

[الحياة الخالدة]

صفات لا احبها في النساء بالنسبه لي

الغيرة
الحنه
الاصرار
الكيد

واكبر صفه اكرهها في النساء

نكران الجميل





صدقت أخي العقل الحــــر
كل الصفات اللي ذكرتها تساهم بشكل كبير في تقويض أركان الحياة الزوجية .. أو على أقل تقدير تطفيش الزوج من البيــــت

شكراً لك أخي الكريم :)

[وطن]

حد ذكر البخل المادي والعاطفي من الطرفين ؟

[R 7 A L]

حد ذكر البخل المادي والعاطفي من الطرفين ؟



لا ماحد ذكرها
المادي اعتقد ماعاد فية عقب الزيادات :tease:
والعاطفي يمكن يستحون :shy:

[وطن]

لا ماحد ذكرها
المادي اعتقد ماعاد فية عقب الزيادات :tease:
والعاطفي يمكن يستحون :shy:

لا ابشرك المادي موجود

بزيادات ومن غيرها

اللهم عافنا مما ابتليتهم به

[R 7 A L]

لا ابشرك المادي موجود

بزيادات ومن غيرها

اللهم عافنا مما ابتليتهم به



المفروض هالنوعيه يخصمون عليهم 60%
:anger1:

[وطن]

المفروض هالنوعيه يخصمون عليهم 60%
:anger1:

هاهاهاهاهاهاها

الله يصلحهم

[الحياة الخالدة]

أعتقد تختلف بين كل زوجين.. والشاطر اللي يتغاضى عن عيوب الطرف الآخر.. ويعيش مع الطرف الآخر على الحلوة والمرة..


صدقتي أختي انتصار
اللي يبي حياته تستمر لازم يوازن بين الأمور و ما يخلي الشين يطغى على الزيـــــن

تحياتي لج :)

[الحياة الخالدة]

.....

والله يا اختي الفاضله هالامثله شفتها على ارض الواقع

و صارت قدامي كذا مره بالصدفه طبعا
:telephone:
.....


هذيلا الحريـــــم اللي يسعون ورا خراب بيوتهم عن جهل .. و أحياناً للأسف بتعمـــــد

[فيزيائية]

في اعتقادي ....
الرجل لايحب المرأة المسترجلة ولا المرأة اللي مالها شخصية ابداً
...
اما المرأة فلا تحب الرجل الغير مسئول

[مستوى الدعم]

ما لا أحبه فيه..

البخل

قلة الحيلة وضعف الشخصية

اللؤم

الحقد

الشك بلا سبب

[أبو يووسف]

بالنسبة للصفات التي أكرهها في الزوجة 1- عنادها 2- وكثرة الغيرة الزائدة عن اللزوم

[الحياة الخالدة]

(((otosan ))))
المفترض ان تحب زوجتك بكل مافيها .. وان تحبك بكل مافيك ،،
حتى وان وجد احدهما مالايحب في الاخر ..فيجب الا يتم التركيز عليه بقدر ما يجب التركيز على الايجابيات المتبادلة .

الحياة الزوجيه ليست للتركيز على الاخطاء او على الصفات الغير محببة ..بل يجب ان تبنى على المودة والتفاهم

أتفق معااااااك العطاء جوهر السعادة ....


كلام في منتهى العقل و الاتـــــــزان

شكراً لج أختي سهاير :)

[الحياة الخالدة]

حد ذكر البخل المادي والعاطفي من الطرفين ؟


أختي شمس ذكــــرت البخل :)

و أحد إخواننا الأعضاء ذكر أن من الأشياء اللي تضايقه طلب الزوجة لكلمات الحب في كل وقت و كل مكان :) و أكيد كلامه مضبوط .. بس التوازن مطلوب .. يعني لا يكون جفاف حاد و لا يكون بمناسبة و من غير مناسبة :)

[الراقيه سبشل]

مع انني غير متزوجة لكن حابة ابدي رأيي:nice:

ليش ماتغيرين الموضوع وتخلينه .. شنو التصرفات الي تحبينها بالزوج والي تحبها بالزوجة:)

المفروض نركز على الايجابيات اكثر من السلبيات :victory:

[دبلوماسية]

اختي الحياة الخالدة
تدرين من الصبح اقرا الموضوع .....وماقدرت احدد

الاشياء اللي كانت تضايقني في الخمس سنوات الاولى من الحياة الزوجية ....تختلف عن اللي في الخمس سنوات الثانية ...وتختفي وتحل محلها امور اخرى بعد عشر سنوات ...وهكذا ...
واللي اصبحت تضحكني الحين بعد مرور ربع قرن على الزواج ....

اعتقد ان العمر ومستوى النضوج هو اللي يحدد ...

[السديم]

اختي الحياة الخالدة
تدرين من الصبح اقرا الموضوع .....وماقدرت احدد

الاشياء اللي كانت تضايقني في الخمس سنوات الاولى من الحياة الزوجية ....تختلف عن اللي في الخمس سنوات الثانية ...وتختفي وتحل محلها امور اخرى بعد عشر سنوات ...وهكذا ...
واللي اصبحت تضحكني الحين بعد مرور ربع قرن على الزواج ....

اعتقد ان العمر ومستوى النضوج هو اللي يحدد ...

اتفق مع هذا الرد 100% واتمنى لج حياة سعيده موفقة يارب

فالمشاكل تختلف باختلاف العمر وسنوات الزوج والاهتمامات

ففي السنة الاولى يكون الاهتمام بالعاطفة والشكل و و و الخ وبالتالي اي تقصير يجلب النكد

والسنة الثانية في الانجاب و السنة الثالثة تربية الطفل والرابعه و الخامسة وهكذا

متابعه

[الحياة الخالدة]

في اعتقادي ....
الرجل لايحب المرأة المسترجلة ولا المرأة اللي مالها شخصية ابداً
...
اما المرأة فلا تحب الرجل الغير مسئول


المرأة المسترجلة بالتأكيد لن يستسيغها الرجل و لن يستأمنها على بيته أو أولاده

المرأة اللي مالها شخصية أبداً .. قد تبحث عنها القلة النادرة من الرجال لكي يسيرها كيفما شاء

أما الرجل غير المسؤول فليس للمرأة حاجة له .. و قد يكون عبئاً عليها :)

شكراً لج أختي فيزيائية :)

[الحياة الخالدة]

ما لا أحبه فيه..

البخل

قلة الحيلة وضعف الشخصية

اللؤم

الحقد

الشك بلا سبب


صحيح كلامج أختي مستوى الدعم .. قلة الحيلة و ضعف الشخصية و بالتالي يصبح الرجل غير قادر على تسيير أمور الحياة لأنه عاجز عن اتخاذ القرارات

و الشك مثله مثل الغيرة يهدم الحياة

شكراً لج أختي العزيزة :)

[شمس2]

اختي الحياه روحي نامي وراج سهره :nice:
بعد شوي بيسيرون عليج اليهال :telephone:

[الحياة الخالدة]

بالنسبة للصفات التي أكرهها في الزوجة 1- عنادها 2- وكثرة الغيرة الزائدة عن اللزوم


الغيرة الزائدة
و العناد
و كما توقعت فهي أكثر صفة يكرهها الرجل في زوجته .. و منها المرادد و النقاش المطول في الأمور التي يطلبها
و ما قد يراه الرجل عناداً قد تراه المرأة غير ذلك

تحياتي لك أخي أبو يوســــف :)

[خليفـة]

بصراحه
انا أشوف ان مثل هذا الموضوع يدخل في قائمة
الخصوصيات الشخصية البحتة

ما اعتقد ان فيه أحد صاحي بيجي في منتدى وعلى العام وبيذكر مميزات او صفات اوعيوب زوجته
والعكس للمرأة ماراح تذكر عيوب زوجها ومميزاته وصفاته أمام الجميع

بغض النظر ان كان أحد يعرف هذا العضوا الي ذكر عيوب او مميزات زوجته او لا يعرفه
تبقى الأمور الشخصية خاصة
ولا يجوز التحدث فيها الا للضرورة القصوى .. وتكون تلك الضرورة القصوى بهدف اصلاح الضرر او تحسين الوضع

اتمنى من صاحب الموضوع ان يتقبل ملاحظتي المتواضعة
وقواكم الله

خليفــة

[الـمـرقاب]

تصون لسانها، وتهتم بنفسها..}

[الحياة الخالدة]

بصراحه
انا أشوف ان مثل هذا الموضوع يدخل في قائمة
الخصوصيات الشخصية البحتة

ما اعتقد ان فيه أحد صاحي بيجي في منتدى وعلى العام وبيذكر مميزات او صفات اوعيوب زوجته
والعكس للمرأة ماراح تذكر عيوب زوجها ومميزاته وصفاته أمام الجميع

بغض النظر ان كان أحد يعرف هذا العضوا الي ذكر عيوب او مميزات زوجته او لا يعرفه
تبقى الأمور الشخصية خاصة
ولا يجوز التحدث فيها الا للضرورة القصوى .. وتكون تلك الضرورة القصوى بهدف اصلاح الضرر او تحسين الوضع

اتمنى من صاحب الموضوع ان يتقبل ملاحظتي المتواضعة
وقواكم الله

خليفــة


عذراً لتخطي الردود ..


أخي خليفة جزاك الله خير لحرصك على الخصوصيات
أنا كلامي على وجه العمـــــــوم .. شنهي الصفات اللي ما يحبها كل طرف في الثاني
و ما أجبرت أحد إنه يطلع اسرار بيتـــــــه أو خصوصياته
و ما اعتقد كل اللي شاركوا طلعوا أسرار بيوتهم .. بقدر ما كانوا يوضحون وجهة نظرهـــــم
و حتى إن بعض المشاركات كانت من غير المتزوجين أو المتزوجات

عمومــــاً .. وجهة نظرك .. و احترمها
و إن شاء الله ما من زعــــل .. و الله يقويك :)

[كــرت احمــر]

لا يوجد احد كامل من العيوب والكامل الله ، ولا يوجد أزواج عايشه حياة زوجيـة هانئه وهادئه تماماً ، وتجد لا بد ان يكون هناك شد وجذب بين الطرفين ، حتى ولو اجادوا التمثيل فيما بينهم أو امام الناس واصبحوا مضرب مثل في الحياة السعيدة ، ومافيه بيت (بالعالم) لا يخلو من المشاكل ، وفي اعتقادي ان الحياة الزوجية الناجحة هي التي تتغلب على جميع مشاكلها الأسرية دون ان يتدخل بها احد من اهالي الزوجين ، ولذتها تكمن في حلوها ومرها .

الرد على سؤالك اختي
اكره في الزوجة ردات الدين وباقي العيوب عسل على قلبي لأن اذا صلح الدين صلح كل شيئ وكما قال رسولنا الكريم صلى الله عليه وسلم في أخر حديثه الشريف ( فأظفر بذات الدين تربت يداك ) لأن التى تعرف دينها تعرف حقوق زوجها تماماً كأسمها .

[الحياة الخالدة]

مع انني غير متزوجة لكن حابة ابدي رأيي:nice:

ليش ماتغيرين الموضوع وتخلينه .. شنو التصرفات الي تحبينها بالزوج والي تحبها بالزوجة:)

المفروض نركز على الايجابيات اكثر من السلبيات :victory:




هلا فيج أختي الراقية سبشل .. و حياج الله .. مجال إبداء الرأي مفتوح للجميع

يمكن أنا خليته بهالطريقة لأن أكثر المشاكل تحدث نتيجة الأشياء اللي ما يحبها كل طرف في الثاني .. فحبيت إن الكل يعرفها عشان يحاول يتجنبهــــا ..

بس إن شاء الله في المرات القادمة .. بحاول أحط الاشياء الإيجابية :)

تحياتي لج :)

[الحياة الخالدة]

اختي الحياة الخالدة
تدرين من الصبح اقرا الموضوع .....وماقدرت احدد

الاشياء اللي كانت تضايقني في الخمس سنوات الاولى من الحياة الزوجية ....تختلف عن اللي في الخمس سنوات الثانية ...وتختفي وتحل محلها امور اخرى بعد عشر سنوات ...وهكذا ...
واللي اصبحت تضحكني الحين بعد مرور ربع قرن على الزواج ....

اعتقد ان العمر ومستوى النضوج هو اللي يحدد ...


صدقتي أختي دبلوماسية
بمرور السنين تختلف النظرة للأمور .. و يختلف تقدير المسائل .. حتى النظرة للشخص تختلف
و اللي ما كنتي تقبلينه منه في بداية الزواج .. صار عندج بمرور الأيام شي عادي و تكيفتي معـــــاه

شكراً لج حبيبتي :victory:

[الحياة الخالدة]

اتفق مع هذا الرد 100% واتمنى لج حياة سعيده موفقة يارب

فالمشاكل تختلف باختلاف العمر وسنوات الزوج والاهتمامات

ففي السنة الاولى يكون الاهتمام بالعاطفة والشكل و و و الخ وبالتالي اي تقصير يجلب النكد

والسنة الثانية في الانجاب و السنة الثالثة تربية الطفل والرابعه و الخامسة وهكذا

متابعه


بالفعل أختي دبلوماسية أثارت نقطة مهمـــــة ..

متابعتج تسرني أختي السديم .. تحياتي و تقديري لج :)

[الحياة الخالدة]

اختي الحياه روحي نامي وراج سهره :nice:
بعد شوي بيسيرون عليج اليهال :telephone:


:secret:
أنا دوامي معاكم يبتدي من عقب المغرب .. لحد يزعجني :secret:

[الحياة الخالدة]

تصون لسانها، وتهتم بنفسها..}


و هذا هو المطلوب

شكراً لك أخي الليــــــوان :)

[الحياة الخالدة]

لا يوجد احد كامل من العيوب والكامل الله ، ولا يوجد أزواج عايشه حياة زوجيـة هانئه وهادئه تماماً ، وتجد لا بد ان يكون هناك شد وجذب بين الطرفين ، حتى ولو اجادوا التمثيل فيما بينهم أو امام الناس واصبحوا مضرب مثل في الحياة السعيدة ، ومافيه بيت (بالعالم) لا يخلو من المشاكل ، وفي اعتقادي ان الحياة الزوجية الناجحة هي التي تتغلب على جميع مشاكلها الأسرية دون ان يتدخل بها احد من اهالي الزوجين ، ولذتها تكمن في حلوها ومرها .

الرد على سؤالك اختي
اكره في الزوجة ردات الدين وباقي العيوب عسل على قلبي لأن اذا صلح الدين صلح كل شيئ وكما قال رسولنا الكريم صلى الله عليه وسلم في أخر حديثه الشريف ( فأظفر بذات الدين تربت يداك ) لأن التى تعرف دينها تعرف حقوق زوجها تماماً كأسمها .


كلامك في محله أخي كرت أحمــــر .. الكمال لله وحده

و فعلاً الدين هو الأساس .. لأنه هو الذي يحكم الصفات و التصرفات ..

جزاك الله خير أخي كرت أحمـــــر :)

[ع.م]

موضوع جميل جداً..

طبعاً كلنا فينا عيوب.. وأنا أنصح بالكرم لأنه فعلأً يعوض عن العيوب.. كما قال المتنبي:

وإنْ كَثُرَتْ عُيُوبكَ في الْبَرَايَا ××× وسَركَ أَنْ يَكُونَ لَها غِطَاءُ
تَسَتَّرْ بِالسَّخَاء فَكُلُّ عَيْب ××× يُغطِّيهِ ـ كَمَا قِيلَ ـ السَّخَاءُ

[حـ ن ـيـ ن]

حلو الموضوع ....

بالنسبة لبعض النساء فيهم صفة ماحبيتها وهو التقليل من شأن الزوج عند

زميلاتها ( مايعطيها مايوديها ووووو......

لم تتذكر انه والد أبناءها حيث ان عزهم من عز ابيهم

اما بالنسبة للزوج ....

مثلاً فيه عزيمة ويرفض ذهابي بدون سبب مقنع :(

[الحياة الخالدة]

موضوع جميل جداً..

طبعاً كلنا فينا عيوب.. وأنا أنصح بالكرم لأنه فعلأً يعوض عن العيوب.. كما قال المتنبي:

وإنْ كَثُرَتْ عُيُوبكَ في الْبَرَايَا ××× وسَركَ أَنْ يَكُونَ لَها غِطَاءُ
تَسَتَّرْ بِالسَّخَاء فَكُلُّ عَيْب ××× يُغطِّيهِ ـ كَمَا قِيلَ ـ السَّخَاءُ


أكيد محد خالي من العيـــــوب :)

و صفة الكرم صفة جميلة بلا ريب ..

تسلمين حبيبتي ع.م .. حضورج هو الأجمـــــل :)

[الحياة الخالدة]

حلو الموضوع ....

بالنسبة لبعض النساء فيهم صفة ماحبيتها وهو التقليل من شأن الزوج عند

زميلاتها ( مايعطيها مايوديها ووووو......

لم تتذكر انه والد أبناءها حيث ان عزهم من عز ابيهم

اما بالنسبة للزوج ....

مثلاً فيه عزيمة ويرفض ذهابي بدون سبب مقنع :(


تحلى أيامـــــج أختي حنين :)
صحيح في بعض الحريــــــم ما يبين في عينهم شي .. مهما سوا لهم الزوج .. لا حمد و لا شكر

و بعض الأزواج للأسف يرفض بعض الأمور .. لمجرد الرفض .. و ان ناقشتيه قال انتي تعانديني و ما تسمعين كلامي :rolleyes2:

شكراً لج يا حنيــــن

[qatara]

يا اخت الحياه الخالده

لي نظره في النساء خاصه

ومن قال لي انت مخطي فهذا رايه ويخصه


هناك من النساء ولا اقول الكل لا بل هناك نسبه ليست بقليله الا من رحم ربي
وخاصه بعض المتعلمات (واعوذ بالله من علم لاينفع)

تشتكي من الرجل من امور هي مترسخه فيها
فينطبق عليها المثل القائل
كل يشوف الناس بعين طبعه

ترى منه التقصير لانها هي اساسا مقصره فترى نواقصها فيه

بعضهن يرونه بخيل لان هن لايحمدن ولا يشكرن وما يترس عيونهم شي

تقول تراه عصبي لانها هي شايفه نفسها ومدلعه لاحد يقولي اوف (مستويه زبيده بنت مروان )

تخطي وتعرف انها مخطيه لاكن لن تجدي اعتراف اوكلمة اعتذار
تضن ان اعتذارها ينقص قدرها ولاتعلم انه العكس اعتذارها يكبرها بعين الزوج
فمن هبل بعضهن يرين ان لو اعتذرت عن الخطا سوف تكرره فالافضل
ان لا تعتذر ولا تعترف بخطائها سواء صغير او كبير
لكي لا تجد نفسها متورطه وصاحبة خطا متعمد بتكراره

ومهما عمل الرجل فاخرتها جحدان جهارا نهارا

تتشكا انه لايجلس بليت اكيد ما راح يجلس يجلس ليش وش لاقي
لا اسلوب موده يا طلبات ولا تذمرات فيهرب من البيت وش يعمل ان جلس صارت مشاكل
وان طلع كثرت الشكاوي طيب الا يسئلن بعض النساء انفسهن ليش يهرب الزوج من البيت
(اليس من سوء معاملتها والوجه مكشر كانه مشاهد ..... وسوء اسلوبها الخ)
فبعضهن مستحيل تراجع نفسها عن الاسباب

وبعضهن الدين شماعه
رايحه محاضره دينيه ( هل هي عشان يقولون فلانه مطوعه الله العالم)
وتترقص على اغنيه في السياره شلون ما ادري

او تتصلين على جوالها تلقين رنة الجوال حديث او قران
وقد يتصل بها عاشق والرنه دعاء ولا ايات من المصحف

قمة التناقض

اصبحن بعضهن مرضي وربي مرضى


وتعالي شوفي التعامل مع الزوج ما امر الدين في صوب
وهي في صوب مادري وش فايدة هل المحضارات
لان البلهاء بلها لو حجت ستين مره


وقد تجدين واحده ليست بجميله ولم يمر الجمال ناحية بيتهم
والسانها شبر والاسلوب مع الزوج منكوس والدين الله بالخير صلاه بدون فهم
بالله وين مايشرد الزوج من البيت وين مايتزوج عليها وشو الي فيها يتحمله
لامال لاجمال لادين بمعنى التقى وشو الي يصبر عليه وشو الي فيها ينمدح
زين من بعض الرجال ما يشرد من الدنيا كلها مهب من البيت بس

باختصار يا الشيخه
هذا راي وقد يتفق معي البعض وقد لايعجب البعض
واحترامي للطرفين

ختاما
فمن عرفت حقوق الله
فلا خوف عليها من حسن معاملة زوجها ولو كان به نواقص
لان هي كذالك بها نواقص ويكملون بعضهم بعض

وهناك نساء علقم والعياذ بالله منهم

وهناك نساء بلسم
ينطبق عليهن القول:

إن النساء رياحين خلقنا لنا فكلنا يشتهي شم الرياحيني‏

[intesar]

يا اخت الحياه الخالده

لي نظره في النساء خاصه

ومن قال لي انت مخطي فهذا رايه ويخصه


هناك من النساء ولا اقول الكل لا بل هناك نسبه ليست بقليله الا من رحم ربي
وخاصه بعض المتعلمات (واعوذ بالله من علم لاينفع)

تشتكي من الرجل من امور هي مترسخه فيها
فينطبق عليها المثل القائل
كل يشوف الناس بعين طبعه

ترى منه التقصير لانها هي اساسا مقصره فترى نواقصها فيه

بعضهن يرونه بخيل لان هن لايحمدن ولا يشكرن وما يترس عيونهم شي

تقول تراه عصبي لانها هي شايفه نفسها ومدلعه لاحد يقولي اوف (مستويه زبيده بنت مروان )

تخطي وتعرف انها مخطيه لاكن لن تجدي اعتراف اوكلمة اعتذار
تضن ان اعتذارها ينقص قدرها ولاتعلم انه العكس اعتذارها يكبرها بعين الزوج
فمن هبل بعضهن يرين ان لو اعتذرت عن الخطا سوف تكرره فالافضل
ان لا تعتذر ولا تعترف بخطائها سواء صغير او كبير
لكي لا تجد نفسها متورطه وصاحبة خطا متعمد بتكراره

ومهما عمل الرجل فاخرتها جحدان جهارا نهارا

تتشكا انه لايجلس بليت اكيد ما راح يجلس يجلس ليش وش لاقي
لا اسلوب موده يا طلبات ولا تذمرات فيهرب من البيت وش يعمل ان جلس صارت مشاكل
وان طلع كثرت الشكاوي طيب الا يسئلن بعض النساء انفسهن ليش يهرب الزوج من البيت
(اليس من سوء معاملتها والوجه مكشر كانه مشاهد ..... وسوء اسلوبها الخ)
فبعضهن مستحيل تراجع نفسها عن الاسباب

وبعضهن الدين شماعه
رايحه محاضره دينيه ( هل هي عشان يقولون فلانه مطوعه الله العالم)
وتترقص على اغنيه في السياره شلون ما ادري

او تتصلين على جوالها تلقين رنة الجوال حديث او قران
وقد يتصل بها عاشق والرنه دعاء ولا ايات من المصحف

قمة التناقض

اصبحن بعضهن مرضي وربي مرضى


وتعالي شوفي التعامل مع الزوج ما امر الدين في صوب
وهي في صوب مادري وش فايدة هل المحضارات
لان البلهاء بلها لو حجت ستين مره


وقد تجدين واحده ليست بجميله ولم يمر الجمال ناحية بيتهم
والسانها شبر والاسلوب مع الزوج منكوس والدين الله بالخير صلاه بدون فهم
بالله وين مايشرد الزوج من البيت وين مايتزوج عليها وشو الي فيها يتحمله
لامال لاجمال لادين بمعنى التقى وشو الي يصبر عليه وشو الي فيها ينمدح
زين من بعض الرجال ما يشرد من الدنيا كلها مهب من البيت بس

باختصار يا الشيخه
هذا راي وقد يتفق معي البعض وقد لايعجب البعض
واحترامي للطرفين

ختاما
فمن عرفت حقوق الله
فلا خوف عليها من حسن معاملة زوجها ولو كان به نواقص
لان هي كذالك بها نواقص ويكملون بعضهم بعض

وهناك نساء علقم والعياذ بالله منهم

وهناك نساء بلسم
ينطبق عليهن القول:

إن النساء رياحين خلقنا لنا فكلنا يشتهي شم الرياحيني‏


:omg:
:telephone:

الحين عرفت سبب الحقد المتراكم على المرأة..

[المسك1969]

الأمر المهم في مضي العلاقة الزوجية بسلام هو:

الحب
ثم
الحب
ثم
الحب

الاجتماع على الحب في الله وطاعته وعلى الحب العاطفي بين الطرفين...

إن صدق الأثنين في حبهما منذ أول زواجهما (والحب هنا يظهر بالكلمة الطيبة والتعامل الحسن) لوجدت أن الاثنين متفاهمين في حياتهما ولا يفرقهما أمر من أمور الدنيا...

وقد يحدث خلاف بينهما إلا أن التفاهم والعلاقة الطيبه التي تجمعهم هي ما تجعل مثل هذه المشاكل تندثر ولا تكبر... وتنسى ولا تتكرر

الزوجة تكره في الزوج غموضه وكذبه وبخله وعصبيته وعدم الالتزام بالصلاة

ولا أدري ما يكره الزوج في زوجته؟ على الرجل ذكره

أسأل الله أن يجمع قلوب المتزوجين والمتزوجات في طاعته وحبه وأن يحفظ للجميع زواجه وأن يتمم عليه الخير وأن يصرف عن الجميع كيد الشيطان... اللهم آمين

جزاكم الله خيرا

[ضوى]

موضوع حلو عزيزتي

ماحب في الزوج الفوضى وعدم النظام يذبحني هالشي ، ماحب اعتماده على الحرفين في تسيير امور البيت البسيطة ، ماحب هدؤه في الامور اللي تتطلب تدخل مباشر وصريح ، ماحب صبره في التعامل مع اولاده ، يجنني هالشي ، هذا اكثر شي ينرفزني فيه ، ومع ذلك احب طيبته اللا متناهية ، احب صبره معاي ، احب وقفته معاي ومع هلي بكل شي نمر فيه ، احب تعامله مع اهلي واحترامه لهم ، احب حبه الكبير لعياله بالرغم من شقاوتهم

[bo-ibrahem]

كثير من النساء يعرفون الغلط ويتعمدونه (( الحاح وسندارة ومحاظرة والترصد للغلط والتفتيش ... الخ ))


وكثير من الرجال لايحبون مواجهة المشاكل فيتعمد عالخروج لاغلب الوقت من البيت حتى يتجنب المشاكل


الحلول كثيرة .. والكثير يعلمها


لكن ..


لا أحد يطبقها

[qatara]

:omg:
:telephone:

الحين عرفت سبب الحقد المتراكم على المرأة..

نضرتي لما تلمسينه في نفسك وليس لما في نفسي

على العموم قلتها لكي من قبل سلااااااااما

[الحياة الخالدة]

يا اخت الحياه الخالده

لي نظره في النساء خاصه

ومن قال لي انت مخطي فهذا رايه ويخصه


هناك من النساء ولا اقول الكل لا بل هناك نسبه ليست بقليله الا من رحم ربي
وخاصه بعض المتعلمات (واعوذ بالله من علم لاينفع)

تشتكي من الرجل من امور هي مترسخه فيها
فينطبق عليها المثل القائل
كل يشوف الناس بعين طبعه

ترى منه التقصير لانها هي اساسا مقصره فترى نواقصها فيه

بعضهن يرونه بخيل لان هن لايحمدن ولا يشكرن وما يترس عيونهم شي

تقول تراه عصبي لانها هي شايفه نفسها ومدلعه لاحد يقولي اوف (مستويه زبيده بنت مروان )

تخطي وتعرف انها مخطيه لاكن لن تجدي اعتراف اوكلمة اعتذار
تضن ان اعتذارها ينقص قدرها ولاتعلم انه العكس اعتذارها يكبرها بعين الزوج
فمن هبل بعضهن يرين ان لو اعتذرت عن الخطا سوف تكرره فالافضل
ان لا تعتذر ولا تعترف بخطائها سواء صغير او كبير
لكي لا تجد نفسها متورطه وصاحبة خطا متعمد بتكراره

ومهما عمل الرجل فاخرتها جحدان جهارا نهارا

تتشكا انه لايجلس بليت اكيد ما راح يجلس يجلس ليش وش لاقي
لا اسلوب موده يا طلبات ولا تذمرات فيهرب من البيت وش يعمل ان جلس صارت مشاكل
وان طلع كثرت الشكاوي طيب الا يسئلن بعض النساء انفسهن ليش يهرب الزوج من البيت
(اليس من سوء معاملتها والوجه مكشر كانه مشاهد ..... وسوء اسلوبها الخ)
فبعضهن مستحيل تراجع نفسها عن الاسباب

وبعضهن الدين شماعه
رايحه محاضره دينيه ( هل هي عشان يقولون فلانه مطوعه الله العالم)
وتترقص على اغنيه في السياره شلون ما ادري

او تتصلين على جوالها تلقين رنة الجوال حديث او قران
وقد يتصل بها عاشق والرنه دعاء ولا ايات من المصحف

قمة التناقض

اصبحن بعضهن مرضي وربي مرضى


وتعالي شوفي التعامل مع الزوج ما امر الدين في صوب
وهي في صوب مادري وش فايدة هل المحضارات
لان البلهاء بلها لو حجت ستين مره


وقد تجدين واحده ليست بجميله ولم يمر الجمال ناحية بيتهم
والسانها شبر والاسلوب مع الزوج منكوس والدين الله بالخير صلاه بدون فهم
بالله وين مايشرد الزوج من البيت وين مايتزوج عليها وشو الي فيها يتحمله
لامال لاجمال لادين بمعنى التقى وشو الي يصبر عليه وشو الي فيها ينمدح
زين من بعض الرجال ما يشرد من الدنيا كلها مهب من البيت بس

باختصار يا الشيخه
هذا راي وقد يتفق معي البعض وقد لايعجب البعض
واحترامي للطرفين

ختاما
فمن عرفت حقوق الله
فلا خوف عليها من حسن معاملة زوجها ولو كان به نواقص
لان هي كذالك بها نواقص ويكملون بعضهم بعض

وهناك نساء علقم والعياذ بالله منهم

وهناك نساء بلسم
ينطبق عليهن القول:

إن النساء رياحين خلقنا لنا فكلنا يشتهي شم الرياحيني‏


أخي الكريــــــم كتارا
قد تنطبق نظرتك على بعض النســـــــاء

عموماً .. هذا رأيك الخاص و لك مطلق الحرية فيـــــه ..

و لا أملك إلا أن أقول لك .. شكراً للمشاركة .. و تحياتي لشخصك الكريـــــم :)

[moonبنتnight]

نعم محتاجين مركز00
وبعد عن دينا وبدلنها بالدنيا ومشاغل الحياة تسبب مشاكل نفسية 00

[الحياة الخالدة]

الأمر المهم في مضي العلاقة الزوجية بسلام هو:

الحب
ثم
الحب
ثم
الحب

الاجتماع على الحب في الله وطاعته وعلى الحب العاطفي بين الطرفين...

إن صدق الأثنين في حبهما منذ أول زواجهما (والحب هنا يظهر بالكلمة الطيبة والتعامل الحسن) لوجدت أن الاثنين متفاهمين في حياتهما ولا يفرقهما أمر من أمور الدنيا...

وقد يحدث خلاف بينهما إلا أن التفاهم والعلاقة الطيبه التي تجمعهم هي ما تجعل مثل هذه المشاكل تندثر ولا تكبر... وتنسى ولا تتكرر

الزوجة تكره في الزوج غموضه وكذبه وبخله وعصبيته وعدم الالتزام بالصلاة

ولا أدري ما يكره الزوج في زوجته؟ على الرجل ذكره

أسأل الله أن يجمع قلوب المتزوجين والمتزوجات في طاعته وحبه وأن يحفظ للجميع زواجه وأن يتمم عليه الخير وأن يصرف عن الجميع كيد الشيطان... اللهم آمين

جزاكم الله خيرا


أحسنتِ القـــــول أختي المســــك :

الاجتماع على الحب في الله وطاعته وعلى الحب العاطفي بين الطرفين...

جزاكِ اللــــه خيراً عزيزتي :)

[الحياة الخالدة]

موضوع حلو عزيزتي

ماحب في الزوج الفوضى وعدم النظام يذبحني هالشي ، ماحب اعتماده على الحرفين في تسيير امور البيت البسيطة ، ماحب هدؤه في الامور اللي تتطلب تدخل مباشر وصريح ، ماحب صبره في التعامل مع اولاده ، يجنني هالشي ، هذا اكثر شي ينرفزني فيه ، ومع ذلك احب طيبته اللا متناهية ، احب صبره معاي ، احب وقفته معاي ومع هلي بكل شي نمر فيه ، احب تعامله مع اهلي واحترامه لهم ، احب حبه الكبير لعياله بالرغم من شقاوتهم


تحلى أيامج يا ضوى :)

البعض يكون متعود على الكسل و الاتكاليــــة .. و يستمر على هذا المنوال بعد الزواج
و عندما يرخي الزوج الحبل لأولاده فهو في الغالب عشان يريح راســــه .. أو يكون فاهم إن هذا الشي نوع من التعبير عن حبه لهم
و مع ذلك يظل هناك الكثير من الأمور الطيبة التي تطغى على السلبيات و تشفع لها

الله يديم عليكم السعادة
و تحياتي لج :)

[الحياة الخالدة]

كثير من النساء يعرفون الغلط ويتعمدونه (( الحاح وسندارة ومحاظرة والترصد للغلط والتفتيش ... الخ ))


وكثير من الرجال لايحبون مواجهة المشاكل فيتعمد عالخروج لاغلب الوقت من البيت حتى يتجنب المشاكل


الحلول كثيرة .. والكثير يعلمها


لكن ..


لا أحد يطبقها


مادري أخوي بو ابراهيـــــم .. ليش البعض سواءً من الرجال أو النساء يكون عارف إن الشي غلط و يضايق الطرف الآخر .. و مع ذلك يسويه و يصــــر عليه

اللـــــه يصلح الجميع

شكراً لك أخي الكريم :)

[بوجبر]

الكماااااااااال لله سبحانة ....ولا يوجد احد لا تصدر منة امور سلبية ,,,اهم شي هدوء الاعصاب:nice:

والتعامل مع الزوجة والابناء والعكس فن وقلة في هذا الزمن من يجيدة:)

[تحداني]

ما أحب في الرجل

القسوه
العصبيه
الكذب

اما شنو ما يحبه فيني

ما يحب فيني عصبيتي في قمه قسوتي
وسذاجتي في قمه طيبتي
واني ما أتعلم من أخطائي .. يضربني على أصابعي وأعيد نفس الخطأ من جديد



جملك الله برضاه

[الحياة الخالدة]

الكماااااااااال لله سبحانة ....ولا يوجد احد لا تصدر منة امور سلبية ,,,اهم شي هدوء الاعصاب:nice:

والتعامل مع الزوجة والابناء والعكس فن وقلة في هذا الزمن من يجيدة:)


إي و اللــــه صدقت يا بو جبر
العصبيــــة هاذي مشكلة .. تعمي العين و العقـــــل
و يا زين الركـــــادة

شكراً لك أخوي :)

[الحياة الخالدة]

ما أحب في الرجل

القسوه
العصبيه
الكذب

اما شنو ما يحبه فيني

ما يحب فيني عصبيتي في قمه قسوتي
وسذاجتي في قمه طيبتي
واني ما أتعلم من أخطائي .. يضربني على أصابعي وأعيد نفس الخطأ من جديد



جملك الله برضاه


القســــــوة صفة سيئة .. و منافية تماماً للمودة و الرحمة التي حضنا عليها ديننا الكريــــــم كأساس للحياة الزوجيـــــة

و ما بين السذاجة و الطيبة .. تضيع أشياء كثيرة :(

الله يرضى عليج يا تحداني :)

[تحداني]

الله يرضى عليج يا تحداني :)




ويرضى عليج يارب .. شكرا على الدعوه الطيبه

[محمد]

انا ماحب فيها الي ما يحبه زوج تحداني فيها ههههه ..

معاودة الخطأ نفسه .. والاعتذار نفسه .. وبعدها ينعاد نفس الخطأ :anger1:

هي ماتحب فيني سرعة التنرفز والعصبية .. وانا معاها بهالشي :secret:

بس هالموضوع لو تكلم عن الايجابيات احسن
في وجهة نظري كثرة الايجابيات يضيع بينها هالامور السلبية و تصير اشياء هامشيه تافهه .. الحمدلله رب العالمين

[الحياة الخالدة]

انا ماحب فيها الي ما يحبه زوج تحداني فيها ههههه ..

معاودة الخطأ نفسه .. والاعتذار نفسه .. وبعدها ينعاد نفس الخطأ :anger1:

هي ماتحب فيني سرعة التنرفز والعصبية .. وانا معاها بهالشي :secret:

بس هالموضوع لو تكلم عن الايجابيات احسن
في وجهة نظري كثرة الايجابيات يضيع بينها هالامور السلبية و تصير اشياء هامشيه تافهه .. الحمدلله رب العالمين


من المهــــم أن يعرف الإنسان عيوبه و يحاول إصلاحها
نعم هو ليس بالأمــــــر السهل .. و لكن عليه على الأقــــل أن يحاول :(

سنتكلم عن الإيجابيات بإذن الله في المرات القادمـــــة

شكراً لك أخي الكريــــــم :)

[m.m.76]

ماحب في الزوج الهجوم المباشر والاتهام في افعال زوجته وحتى نواياها .. مما يجعل الزوجه تطفر منه

[الحياة الخالدة]

ماحب في الزوج الهجوم المباشر والاتهام في افعال زوجته وحتى نواياها .. مما يجعل الزوجه تطفر منه


أكيد تطفر .. و خصوصاً إذا كانت مظلومــــــة

شكراً لحضورك الكريـــــم :)

[قرنقووش]

الملقوفه

[الحياة الخالدة]

الملقوفه


و يا شيــــن اللقافــــة :)

حياك الله يا قرنقووش :)

[قطرية هانم]

مرحبــــــــــــا موضوع حلو ..

وهذي مشاركتي ..

أكره (الزوج) اللي ينسب كل الأخطاء لزوجته بس وكأنها شمَاعة لأخطائه .. !!!

وأكره (الزوج) اللي ينسب كل الصفات الحلوة في عياله له والصفات الشينة فيهم لزوجته !!!

[الحياة الخالدة]

مرحبــــــــــــا موضوع حلو ..

وهذي مشاركتي ..

أكره (الزوج) اللي ينسب كل الأخطاء لزوجته بس وكأنها شمَاعة لأخطائه .. !!!

وأكره (الزوج) اللي ينسب كل الصفات الحلوة في عياله له والصفات الشينة فيهم لزوجته !!!


تحلى أيامج أختي قطرية هانم :)

مافي أسهل من تحميل الأخطاء للآخرين .. و هي وسيلة الضعفاء

و بالنسبة للنقطة الثانية .. وايد تصير .. بس أحياناً عن مزح :)

[مسك روز]

موضوع حلو ..


اللي ماحبه فيه :

- ضعف شخصيته

- عصبيته الزايده وبدون مبرر

- الملاغه وفرض نفسه ورأيه بقوه


احب فيه :

- خوفه من الله

- رجولته

- قوة شخصيته

- طيبة قلبه

- ثقله


طبعا هالصفات اتمناها في زوج المستقبل ..

والله يعطينا على قد نياتنا


.. مشكوره اختي وحبيبتي الحياه الخالده ..

[الحياة الخالدة]

موضوع حلو ..


اللي ماحبه فيه :

- ضعف شخصيته

- عصبيته الزايده وبدون مبرر

- الملاغه وفرض نفسه ورأيه بقوه


احب فيه :

- خوفه من الله

- رجولته

- قوة شخصيته

- طيبة قلبه

- ثقله


طبعا هالصفات اتمناها في زوج المستقبل ..

والله يعطينا على قد نياتنا


.. مشكوره اختي وحبيبتي الحياه الخالده ..


الله يعطيج على قد نيتـــــــج حبيبتي
و يرزقج اللي تتمنينـــــه :)

[مدرسة]

من ناحية الرجل

جمعت ملاحظات و صبت كلها في قالب انه ( بعضهم ) يحط مقياسين للحساب !

مقياس له هو : - لما يكون مشغول فهو معذور عالتقصير
- مصلحة العمل عنده قد تستلزم تضحيات >>مستعد يقوم بالتضحيات و نجاحه يعتبر
نجاح للأسرة كلها
- بيسافر مع اصدقائه ، بيسهر بيطلع بيعيش معاهم حياته >> عادي ربعه

مقياس لها هي : - مهما تكون مشغولة حتى لو والدة او عندها كذا ياهل صغير يبي شغله بارز و يبيها فل الفل ،، ومايبي يعرف هي شكثر تعبانه علشان ما يقتث بعد عمري مو زين
- مصلحة عملها تأتي في الأخير يعني اذا ادارة المدرسة حطوها في ورشة العصر وهو مب موافق تروح في حيص بيص بينهم و بينه ،، نجاحها مصدر قلق مزمن :secret:
- يحاسبها ليش عندها ربع و يمكن يغار منهم و يتذمر من انشغالها عنه بهم

انا عن نفسي مب مع المقولة السائدة مالت المساواة نظرا لأن كل واحد منهم له طبيعته اللي الله خلقها عليه بس كل من المرأة و الرجل لازم يحطون نفسهم مكان شريكهم في الحياة و يقدمون له الأعذار قبل لا يتعذر ،،

من ناحية النسوان >>>
بصراحة ( البعض ) منهم يعاملون شناطهم احسن مما يعاملون رياييلهم !! تشوفها شارية الشنطة بذيك السالفة ف غالية على قلبها !!! تحوفها حوف !
و بعضهم ما يرتبون اولوياتهم بطريقة صحيحة ، يعني مثلا يجي شغلها او دراستها في ترتيب الاولويات قبل الزوج ،،، و لا يفوتكم ممكن تحط رفيجتها قبل الزوج من غير ما تحس ،،،

،،،هذي بعض الأسباب

[بو خليفه 123]

من ناحية النسوان >>>
بصراحة ( البعض ) منهم يعاملون شناطهم احسن مما يعاملون رياييلهم !! تشوفها شارية الشنطة بذيك السالفة ف غالية على قلبها !!! تحوفها حوف !
و بعضهم ما يرتبون اولوياتهم بطريقة صحيحة ، يعني مثلا يجي شغلها او دراستها في ترتيب الاولويات قبل الزوج ،،، و لا يفوتكم ممكن تحط رفيجتها قبل الزوج من غير ما تحس ،،،

:nice:


مشاركه تستحق الثناء والشكر

[الحياة الخالدة]

من ناحية الرجل

جمعت ملاحظات و صبت كلها في قالب انه ( بعضهم ) يحط مقياسين للحساب !

مقياس له هو : - لما يكون مشغول فهو معذور عالتقصير
- مصلحة العمل عنده قد تستلزم تضحيات >>مستعد يقوم بالتضحيات و نجاحه يعتبر
نجاح للأسرة كلها
- بيسافر مع اصدقائه ، بيسهر بيطلع بيعيش معاهم حياته >> عادي ربعه

مقياس لها هي : - مهما تكون مشغولة حتى لو والدة او عندها كذا ياهل صغير يبي شغله بارز و يبيها فل الفل ،، ومايبي يعرف هي شكثر تعبانه علشان ما يقتث بعد عمري مو زين
- مصلحة عملها تأتي في الأخير يعني اذا ادارة المدرسة حطوها في ورشة العصر وهو مب موافق تروح في حيص بيص بينهم و بينه ،، نجاحها مصدر قلق مزمن :secret:
- يحاسبها ليش عندها ربع و يمكن يغار منهم و يتذمر من انشغالها عنه بهم

انا عن نفسي مب مع المقولة السائدة مالت المساواة نظرا لأن كل واحد منهم له طبيعته اللي الله خلقها عليه بس كل من المرأة و الرجل لازم يحطون نفسهم مكان شريكهم في الحياة و يقدمون له الأعذار قبل لا يتعذر ،،

من ناحية النسوان >>>
بصراحة ( البعض ) منهم يعاملون شناطهم احسن مما يعاملون رياييلهم !! تشوفها شارية الشنطة بذيك السالفة ف غالية على قلبها !!! تحوفها حوف !
و بعضهم ما يرتبون اولوياتهم بطريقة صحيحة ، يعني مثلا يجي شغلها او دراستها في ترتيب الاولويات قبل الزوج ،،، و لا يفوتكم ممكن تحط رفيجتها قبل الزوج من غير ما تحس ،،،

،،،هذي بعض الأسباب



كلامج صحيح أختي مدرســـــة ..

بعضهم .. و بعضهن .. يفكرون بهذه الطريقة :secret:

شكراً لج عزيزتي :)

[الحياة الخالدة]

:nice:


مشاركه تستحق الثناء والشكر


و حتى الجزء اللي ما اقتبسته يستحق الثناء و الشكر :telephone: