معانات فتيات قطريات

[be cool]

السلام عليكم ورحمة الله وبركاته.....


انا قطريه ومعاي مجموعه كبيره من البنات اللي نشتغل الصبح وندرس في كليات وجامعات في الفتره المسائيه

نخلص دوامنا يوميا الساعه 2 او 3 ونروح للجامعات مباشره للدراسة حتى الساعه 9 مسائاً
يوميا نطلع من الساعه 6 الصبح ونرجع البيت الساعة 10 مساءاً.

صج صج صج معاناه وتعب وارهاق والسبب ان شركاتنا او وظايفنا موب سامحين لنا يطرشونا سبونسر ولا راضين يعطونا تفرغ...


اتمنى الجهات العليا ينظرون في هاي الموضوع.... ويتخذون قرار يجبر جميع الوظائف الحكومية والخاصه بسماح التفرغ للدراسة او لسبونسر حتى اكمال الجامعة او الكلية...

احنا نبي ندرس ونبي ننهض بدولتنا قطر بس والله تعب علينا.

[شبح الصمت]

الله يوفقـكم إن شاء الله

ولكل مجتـهد نصيب

وإإإن شاء الله يوصل صوتكم وتحققون مبتغاكم

آآمين

[مهرة]

الله يعينكم ويسهل عليكم ويوفقكم ان شاءالله ..

بقووولج عندج { وااااااو} اتعرفينــــــــــــــــــه ..!!

[NeverLand]

حرام اذا انا شاب وماعندي قدره على تحمل يوم شاق جذي شلون انتو البنات .. بعد هاي غير اذا ماعندكم عيال ومتزوجات .. الله يعينكم :(

[Al-Kuwari]

حالي من حالكم

انا موظف اداوم من 7 الى 3 وفالكلية من 4 الى 8 لمدة اربع ايام فالاسبوع

معاج ان هالموضوع متعب لكن مب من حقنا نجبر الدوام يعطينا بعثه اذا الكل طلع بعثه من بيداوم ومن بيشتغل ؟

عندج خيارين يا تقدمين استقالتج وتدرسين على حسابج
يا تركزين في شغلج وماتكملين دراستج

يعني يا تستغنين عن الدراسه او تستغنين عن الراتب

وعندج الحل الثالث وهو الصعب تدرسين وتشتغلين في نفس الوقت مثل ما انتي وانا مسويين حالياً

فالنهاية ترى صج تعب لكن الموضوع يستاهل :)
ومن طلب العلا سهر الليالي

عسى ربي يوفقج ونشوفج مديرة =)

[الزعفراني]

حالي من حالكم

انا موظف اداوم من 7 الى 3 وفالكلية من 4 الى 8 لمدة اربع ايام فالاسبوع

معاج ان هالموضوع متعب لكن مب من حقنا نجبر الدوام يعطينا بعثه اذا الكل طلع بعثه من بيداوم ومن بيشتغل ؟

عندج خيارين يا تقدمين استقالتج وتدرسين على حسابج
يا تركزين في شغلج وماتكملين دراستج

يعني يا تستغنين عن الدراسه او تستغنين عن الراتب

وعندج الحل الثالث وهو الصعب تدرسين وتشتغلين في نفس الوقت مثل ما انتي وانا مسويين حالياً

فالنهاية ترى صج تعب لكن الموضوع يستاهل :)
ومن طلب العلا سهر الليالي

عسى ربي يوفقج ونشوفج مديرة =)

اتفق مع هالرأي .

أضيف عليه حل منصف ومقترح وهو التفاهم مع المسؤول في الشغل بالسماح لكم بالإنصراف بدري من العمل لو ع الأقل يومين في الأسبوع بما لا يتعارض مع مصلحة الشغل ، واعتقد هالشي يكون بالتفاهم والتنسيق بين المسؤول وبين الموظف ، والحمدلله مثل هالمواضيع حد علمي فيها مرونة وتفّهم من قبل المسؤول خصوصا للموظفين المجتهدين والمعروفين بالانضباط والاخلاص في العمل .

والله يوفقكم ويوفق كل مجتهد .

[أسير الاسهم]

طيب المفروض فيه قرار من الجهات الحكومية او الشركات أنه الموظف يخدم مثلا أربع سنوات وعقب يحق ياخذ تفرغ إذا عنده قبول في جامعه ويلتزم بالعودة للعمل بعد انتهاء فترة الدراسة والتخرج ...
واعتقد هالشي بيرتب الموضوع شوي .. ما راح يكون الكل طالع تفرغ .. بيطلع البعض والبعض بيتم ولما يخلص هذا يروح الثاني .. يعني بيكون فيه تنظيم أكثر

والله يوفق الجميـع

[السهم الشمالي]

أختي الكريمة
الله يعطيكم العافية ويعينكم إن شاء الله .
لي صديق يشتغل في جوازات المطار
عسكري طبعاً كان يدرس موازي يخلص من الدوام ويروح الجامعة وكان بعض الأحيان يخلي لبس العمل معاه بالسيارة وبعد مايخلص المحاضرات ويكون عنده دوام يبدل ويرجع الشغل والحمد لله لين خلص البكالوريوس بالإضافة إلى مسئولياته العائلية .
الأمر يبي لي إصرار وعزيمة ودائما الأنسان يفكر قدام ولايستسلم للضيق اللي يتعرض له من قبل العمل .
وعلى ماقالوا كلها حديد سهل والأيام تمضي بسرعة .
وفي بعض الأحيان فيه أمور مانقدر نكيفها على ظروفنا وطبيعة عملنا وحياتنا ولكن لازم أحنا نتكيف معاها ونساير الأوضاع إلين نخلص من مشوار الدراسة .

ومرة ثانية الله يوفقكم دنيا وآخرة .

[Al-Kuwari]

اتفق مع هالرأي .

أضيف عليه حل منصف ومقترح وهو التفاهم مع المسؤول في الشغل بالسماح لكم بالإنصراف بدري من العمل لو ع الأقل يومين في الأسبوع بما لا يتعارض مع مصلحة الشغل ، واعتقد هالشي يكون بالتفاهم والتنسيق بين المسؤول وبين الموظف ، والحمدلله مثل هالمواضيع حد علمي فيها مرونة وتفّهم من قبل المسؤول خصوصا للموظفين المجتهدين والمعروفين بالانضباط والاخلاص في العمل .

والله يوفقكم ويوفق كل مجتهد .

كلامك سليم

انا جدولي فالكلية

الاحد والثلاثاء من 4 لين 8
والاثنين والاربعاء من 2 ونص لين 8

تفاهمت مع مسؤولي قبل ما اسجل المادة اللي تبدأ 2ونص على اساس اني فهاليومين اطلع 2 عشان الحق على المحاضرة

وبالعكس مالقيت الا كل ترحيب وتشجيع والحمدلله

الخلاصة اذا انت مجتهد وتقوم بشغلك ومنضبط في الحضور والانصراف ماراح تلاقي صعوبة في التفاهم مع مديرك وراح يساعدك بحدود المعقول

والمثل يقول (أذا اردت ان تطاع , اطلب المستطاع)

[BlackBerry]

الله يوفق .. مافيه شي بالساهل وبالراحه

ولا تنسون ان التعب منسي ان شاء الله عقب التخررج

وبالتوفيق

[R 7 A L]

بالتوفيق



ياحظكم
ياليت الجماعة عندنا بعد ما نخلص الساعة ثلاث يسمحون لنا باي دورة أو دراسة الفترة المسائية

[كراج فورملا1]

اخوي الكواري انت اي كليه تدوام فيها ليكون كلية المجتمع

[Al-Kuwari]

ايه نعم اخوي كراج فورملا

اداوم في كلية المجتمع

[كراج فورملا1]

اخوي طرشت لج خاص الكواري

[V.I.P_QATAR]

اختي العبرة بالنهايه ولكل مجتهد نصيب

انا كنت اشتغل في الفترة المسائيه وكنت الصبح ادرس في الجامعه يعني من الصبح لين المغرب في الجامعه ومن المغرب لين نص الليل في الدوام ومرت الاربع سنوات وتخرجت والحين الحمدالله مرتاح والمستقبل قدامي
والحمدالله مسكنا المناصب وحققنا شيء من طموحنا

حطي في بالج الاسنين تراها تمشي وبتمر الاربع سنوات يا انج تتعبين وترتاحين بعدها او انج تجلسين نفس ما انتي ماطورين نفسج وحلاة الشيء من بعد التعب تحسين بطعم الانجاز الي انتي انجزتيه وانتي في الدوحه مو متغربه او بلاد ثانيه عند اهلج ومرتاحه

اما بخصوص الشغل انا اويد انج اتكلمين المسؤل في الدوام وماظن اذا انتي كلمتيه انه راح يرفض وراح يسوي لج جدول وينسق وقت الدراسه وربي يوفقج

[مهره]

الله يخفف عنكم يا حبيبيتى ويسخر لكم الارض ومن عليها

[be cool]

ليش مايطلع قرار سبونسر لكل الوظائف ويكون مشروط بنجاح الطالب؟؟

هالشي يطور القطريين من وجهة نظري...

[سهاير]

((( الله يعطيكم العافية ))))

والله المعادله صعبه ... تحتاج الى وصفه سحريه يقال لهاااا الوااااااااسطة فوق القانون

[إينشتاين]

في البداية اقول الله يوفقكم في دراستكم ويكون النجاح من نصيبكم،،

ثانياً: انا اشتغل في شركة عندها موضوع السبونسر والبعثات للخارج بسهولة خصوصاً لإكمال البكالوريوس،، ومره كنت جالس مع مدير إدارة قالي عندنا نقص في مكان معين ومحتاجين موظفين على درجة الجنير تقدر تشوف لي حد بس يكون موب قطري !!!
انا استغربت ليش يعني موب قطري والقطري شفيه ولا هو موب قد المسؤولية ؟؟
يوم شاف استغرابي قالي الموضوع ومافيه انه القطري الجنير الي مخلص ثانوية راح يقعد سنتين او ثلاث بالكثير وبعدها راح يطلب بعثة وبالعادة يوافقون له وبنرجع لمشكلة النقص الي صاير في القسم وبندور ناس يشغلون المكان..

[بنت الدوحه]

الله يكون بعونكم اختي

وان شاء الله بتعدي السنوات وتصير احلى ذكرى

بس اصبروا عسى الله يوفقكم ويعينكم

[AL-MAYSTRO]

الله يعينكم

من صبر نال .. وهالتعب مابيروح ع الفاضي ان شاء الله
ومن رايي انهم يراعونكم فالشغل يعني يطلعونكم بدري عشان عندكم جامعه مسائيه

بالتوفيق

[ع.م]

الله يوفق .. مافيه شي بالساهل وبالراحه

ولا تنسون ان التعب منسي ان شاء الله عقب التخررج

وبالتوفيق

أتفق مليووون..

جملة "التعب منسي" واااايد أحبها..

صح والله.. كل ماتعبت نفسي أتذكر إن.. التعب منسي.. :nice:

[لاجل QT]

الله يعينكم صج معاناة تعب وارهاق

[Ahmed25]

و الله يا اختي لكل مجتهد نصيب و صدقيني بعد ما تخلصين دراسه بتنسين كل هالتعب ،، لأنج راح تبدين شغلج و انتي عندج خبره 4 ولا 3 سنوات .. غير عن اللي تبدتدي فfresh graduate . يعني بيكون لج افضليه و راتبج بيكون اعلى بواجد و بعدها ترتاحون و تدلعون أعماركم

تحملو و الصابرين على خير صدقيني و بالعكس يمكن مدراءكم لو شافو اصراركم و عزيمتكم تصير ترقياتكم اسرع و اسهل فالمستقبل

"ان الله لا يضيع أجر من أحسن عملا"

[Abdelrahman]

طيب الجامعات في قطر ما توفر نظام الدوام الجزئي "بارت تايم"
في الجامعه اللي ادرس فيها في احدى الدول الاجنبيه كثير من الطلاب يدرسون
درجة الماجستير بدوام جزئي يعني يومين في الاسبوع بدل 4 ايام ويخلص في
3 سنوات بدل سنه ونص. في نفس الوقت يشتغل ويدرس وهو مرتاح ويمارس حياته الطبيعيه
نظام الدوام الجزئي في الجامعه يعتبر ممتاز للموظفين

[سداوي&مدريدي]

تعجبني قوانين دولة الامارات ,, الموظف يقدر يدرس وهو على راس عمله وموفرين ومسهلين لهم كل شي فقط من اجل الدراسه

والله اتمنى يكون عندنا نفس هذا النظام

[الخزرجي قطر]

الله يعينكم ويوفقكم ان شاالله

[مشتاقة لقطر]

تعجبني قوانين دولة الامارات ,, الموظف يقدر يدرس وهو على راس عمله وموفرين ومسهلين لهم كل شي فقط من اجل الدراسه

والله اتمنى يكون عندنا نفس هذا النظام

زوجي بالامارات
على راس عمله يداوم7 الين 3 ونص
ويطلع من اربع ونص محاضرات الين 9

فلا نعمم

[غزلان]

الشغل بروحه صعب شلون مع الدراسه

الله يفرجها عليكم

[Bozizoo]

من طلب العلا سهر الليالي
اصبروا و شدوا حيلكم
والله يوفقكم

[ريتويت]

الشغل بروحه صعب شلون مع الدراسه

الله يفرجها عليكم

اي والله