كيف تعلمت الإنجليزية .. تجارب ونصائح

[غالية قطر]

السلام عليكم ورحمة الله وبركاته

كيف تعلمت اللغة الإنجليزية ؟

هل بقراءة القصص الإنجليزية أم بالتكلم مع أجانب والممارسة أم بحفظ الكلمات أم بطريقة أخرى (أرجو ذكرها لتعم الفائدة) ؟

أنا نصحوني بالتحدث مع الإنجليز وممارسة اللغة معهم ولكن كيف حد يقدر يساعدني ؟
حاولت دخول الشات ولكن انصدمت من كثرة الوقاحة والحيوانية التي بهم !

ياليت لو حد يقدر يساعدني أتعرف على أجنبيات أو أجنبية فقط للدردشة وتطوير الـ speaking لدي؟

في انتظار نصائحكم حفظكم الله

[Abdelrahman]

السلام عليكم ورحمة الله وبركاته

أختي بالنسبه لتطوير اللغه الانجليزيه في اكثر من ناحية المتعلم لازم يشتغل على
تطويرها عندج الـ reading والـ writing عن طريق القراءه
وأنصحج بقراءة كتب مبسطه يعني ما فيها تعقيد في الكلمات وتكون مفهومه للمبتدئين وبعدها ممكن اطورين
نفسج لقراءة روايات مثلا
اما بالنسبه للـ speaking والـ listening ما تقدرين اطورين نفسج الا عن طريق المحادثه
تقدرين تتعرفين على اجنبيات وتتكلمين معاهم هذا الحل الامثل كما ذكرتي

واللغه يبيها مثابره وممارسه عشان تطورين فيها

[وطن]

كيف تعلمت من ايام المدرسة التركيز اثناء الدراسه
والممارسة من الطفولة تقريبا
اول شي مع الخدم ما يعرفون عربي خير شر
و مرحلة التمهيدي كنت في روضة اجنبية

وبعدها بالثانوي مع وحده اجنبية

اختي انصحج تتابعين القنوات الانجليزيه
او الام بي سي وتسمعين وتشوفين الترجمه
مع الوقت تتعلمين الكلام

وأنصحج قبل هذا تقوين لغتج من خلال الدورات لو محتاجه تقوية لغه

[دبلوماسية]

القراءة ...والقراءة ...والقراءة


طبعا لازم اتكون متزامنه مع تعلم القواعد واصول الكتابة ...

بس بشكل عام تعلم اي لغة لازم يشمل المهارات الاربع ...استماع ...محادثة ...كتابة ...وقراءة ...

[elders]

متل ما قالت الاخت دبلوماسية القراءة والقراءة ثم القراءة ..كمان ممكن تستعيني بالbbc مشان تقرأي موضوعات في الها تسجيل صوتي ..ركزي بالقواعد شوي وما بنصحك تحكي مع اجانب وانتي مش قوية او على الاقل فوق الوسط بشوي ..لانهم رح يحاولو يفهمو منك وما رح يغلبو حالهم بتصحيحك ، تماما متل ما بيحكو معنا الهنود عربي مكسر بنفهم بس ما بنصحح ...

[Dana’1]

اختي
تفرجي باليوتوب على الأجانب في امور دينية خطباء كلامهم روعة وتستمتعين فية حتى لو مافهمتية كلة عادي مثل الشيخ يوسف استس والشيخ عمر الخ وفية بعد المقاطع الكوميدية وغيرها من مقاطع الاجانب واقرأي تعليقاتهم ومواضيعهم وحتي لو ما فهمتي كلمة او اغلب الكلام ترجمه الكلمة هذي وافهميها وهنا يعتمد على حفظك طبعا واسمعي كيف تنطق لان الحين ترجمة قوقل فية هذي الخاصية
أنا شخصيا ما اجيد الانجليزية بامتياز اقدر أقيم نفسي من جيد الى جيد جدا لأن مشكلتي. بالكتابة للأسف واعترف ما طورت نفسي من هالناحية او من ناحية القواعد لان بكل بساطة اقدر امشي أموري بالي عندي وللة الحمد والمنة بس بعد ان شاءلله بشتغل على نفسي لإجادة اللغة
على فكرة التعليم بالنت ممتع اذا حطيتي في بالك لغة حبيتيها تتعلمينها
أنا تعلمت لغة باحرفها وكلماتها وبعض قواعدها عن طريق النت والحمد لله ماشية أموري صرت اعرف اقرأ ايش مكتوب كنطق حتى اذا ما عرفت معناة اطلعة واحاول احفظة واذا سمعت افهم منهم لو شي بسيط وللأسف اللغة الي اتعلمها مالها خاصية نطق الكلمة في قوقل عشان يسهل الموضوع وما اعرف أحد من اهل اللغة عشان إسالة بس لما شفت مقاطعتهم اسمعهم يتداولونها وعرفت نطق بعضها

اهم شي لتعلم اي لغة الصبر والبداية اول شي بالاحرف وقواعدها في كيفية النطق
مثال متي تنطق ال c سي ومتى تنطق كا
يعني القواعد بصفة عامة ثم حفظ الكلمات كل ما حفظني كلمات اكثر كل ما عرفتي اللغة اكثر
الكلمات وتصاريفها
بس ارد وأقولك حفظ الكلمات اهم شي وانتي أخذيها متعة وما وراك شي عشان ما تنسد نفسك :)
واعتذر للإطالة

[واقعية]

انا بصراحة كان عندنا فلبينية لما كنت بالاعدادي
و تمت مدة و تعلمت منها انجليزي

[الـمـرقاب]

القراءة تساعد في تعلم اللغة الانجليزية، لان من خلالها ممكن تتعلمين
طريقة صياغة الجمل، خصوصا الكتب اللي يكون فيها حوارات..}

[qatara]

القراءة

[خيالة قطر]

بصراحـه انا مثلج حبيبتي

فودي اتعلم واطور من نفسي ,
هاللغه مهمه الحين

ان شاء الله بنتعلم ونصير بلبل :(

[بولينجر]

تكلمي قدام المنظره وقولي كل الي بخاطرج

صدقيني واسالي ..
هههههههههههههههههههههه احلى تعليق.... بينعكس الكلام يعني مصحح من المنظرة....

بالنسبة لسؤال صاحبة الموضوع غالية قطر.... اختي الكريمة عليج بالقراءة والحفظ والتعلم من كتب القواعد والممارسة في كل فرصة ..... وحطي لج هدف تتعلمين عدد معين من الكلمات مثلا 10 كلمات بكل استخداماتها..... وتابعي القنوات اللي تبث باللغة الانجليزية.... الافلام والمسلسلات ايضا تساعد لكن لا انصح بها لانها تخرب اللهجة الصحيحة.... والتعلم في المعاهد اذا قدرتي تنتظمين فيها.... وهناك ايضا مواقع تعليم للغة الانجليزية تنفع.....

[asadfg]

شوفي اختي الي بيساعدج هو الممارسه مب الدراسه الدراسه نظري تفيد لكن مو بالقدر الي الممارسه تخليج بلبل انا يوم كنت صغير قمت اسمع اغاني انجليزيه وايد وكانت تعجبني عقب فيني لقافه اروح اطلع الكلمات من النت واحاول افهمها وها الشكل ع العموم اذا تبين اصدقاء اجانب روحي مركز الفنار حضري محاظرات اسلاميه بالانجليزي بتحصلين قروب فيه بريطانيات واسبانيات وامريكيات وكل الجنسيات وكلهم يتعلمون الاسلام وعقب يقعدون يسولفون وتصير بينهم علاقات وعزايم فاخذي بنصيحتي كنسلي كل شي عربي شوفي مسلسلات اجنبيه ابتدي ب فرندز لانه حلو وبتستمعين فيه اذا مطروبه لا تسمعين عربي كلش سمعي انجليزي وحاول تفهمين شسالفه مافهمتي دشي النت شوفي كلمات الاغنيه وستوعبي الموضوع شوفي فيديوهات اجنبيه ها الشكل مافي شي صعب

[رآعي موآجيب]

على كثر ما دخلت معاهد لكن مافيه فايده

اول 3 شهور احس اني بكتب قصايد بالانجليزي ، وعقب مييييح :rolleyes2:

في اعتقادي المشكله في الأنجليزي شغلتين

الجرامر وإيجاد المحادثه اليوميه لعدم النسيان

يعني على سبيل المثال هالمفردات This - there - here these- is

لكل مفرده منهم أشاره معينه للقريب او البعيد و الأشاره لشخص او اشخاص

مرات انطق الجمله وعقب ما تروح ادري اني تكلمت غلط واعصب على نفسي

علشان كذا مخطط على 3 شهور عند عائله في الخارج اذا الله احياني

[بازار]

الحمدلله رب العالمين والصلاة علي الرسول الامين

تعلم اللغة الانجليزية ... بداية وقبل الحديث بالاساليب المفيدة نقطة مهمة جدا لابد من اخذها بعين الاعتبار هي

من المضحك جدا ان اقول اريد ان اتعلم اللغة الانجليزية في شهر .. شهرين او ثلاثة ..

تعلم اي لغة في العالم يكون مثل الطفل الصغير (٣ سنوات ) ويكبر ويتعلم ( شوي شوي )

فلا يكذب احد على نفسه ويقول ( بشهر او ٦ اشهر بتعلم ) اللغة تتطلب الاستمرارية

انتهت النقطة المهمة ..

الاساليب الجيدة في ( اكتساب لغة ) .. بواقع تجربة شخصية

من ١٣ سنة والحمدلله قررت ( اتميز ) باللغة الانجليزية وكنت احب جدا الافلام

قررت ما اقرى الترجمة .. شوي شوي اشتري افلام مافيها ترجمة اصلا

بفضل الله صار ( الاستماع عندي ممتاز ) تقريبا استغرقت المرحلة سنتين او اقل

في نفس الوقت احب شخصيا ( الديكورات والتصاميم المنزلية ) قررت انتقل لمرحلة المجلات المكتوبة بالانجليزي

في البداية كانت المجلة مثل الكتاب المدرسي ،، المجلة ولازم المترجم (اطلس) ههههههه

وشوي شوي صرت اقدر اميز معنى الكلمة من سياق الكلام ومادري وين اطلس الحين الصراحة

بفضل الله صارت ( القراءة ممتازة بفضل الله ) لكن استغرقت مدة اطول


( قواعد اللغة )

بواقع التجربة الشخصية افضل للي حاب يتعلم لا يركز جدا على القواعد بل يركز على الاستماع اكثر لانه الاستماع بنفسه راح يكسبك معرفة وتمييز مواقع الكلمة لكن مش معناته يلغي هذا الجانب ،، المقصد لا يكون نصيب الاسد في فترة التعليم الا بعد التمكن من الاولويات ،،، نظرة شخصية




وارجع واذكر اللغة عمرها ما تجي في يوم او ليلة او شهر او سنة ... شوي شوي

خل نتذكر نفسنا يوم كنا صغار ،، بابا ماما ... شوي شوي ابي حلاوة ،،، شوي شوي يالله حيـه ههههه



بالتوفيق للجميع

[w4rr10r]

عندج بعد الـiTunes فيه Podcast مفيد عن اللغه الانجليزيه ..
مثل : Culips ESL Podcast
Center for Educational Development
وغيره الكثير من المصآدر بمجرد البحث عنه رآح تحصلين الكثير من النتآئج :)
بالتوفيق

[بولينجر]

عندج بعد الـitunes فيه podcast مفيد عن اللغه الانجليزيه ..
مثل : Culips esl podcast
center for educational development
وغيره الكثير من المصآدر بمجرد البحث عنه رآح تحصلين الكثير من النتآئج :)
بالتوفيق
+1
معاك في هذا الاقتراح....

[الجوهره 2012]

شوفي حياتي ..

انا شخصيا اشوف هالشي بالممارسه .. يعني لو تقدرين تعرفي على وحده اجنبيه ودوم سولفي وياها لو تحسين ان غلط هي بتصحح لج .. و المعلومه بتلزق في ذاكرتج .. و دوم اقري حتى لو الكلمه صعبه وطويله حاولي تقرينها مب اول حرفين وخلاص ..

لو سمعتي اغنية حاولي تركزين عالكلمات .. افهميها ..


انا احب اللي يقعد في بيت عائله للي يدرسون لغة في بريطانيا او امريكا .. احس غصبا عنه بيتكلم لان مافي اي لغة ثانيه غير الانجليزي .. ودوم اتذكر الخدم يقعدون عندنا فترة ويصيرون احسن منا بالعربي :eek5:

[غالية قطر]

شوفي اختي الي بيساعدج هو الممارسه مب الدراسه الدراسه نظري تفيد لكن مو بالقدر الي الممارسه تخليج بلبل انا يوم كنت صغير قمت اسمع اغاني انجليزيه وايد وكانت تعجبني عقب فيني لقافه اروح اطلع الكلمات من النت واحاول افهمها وها الشكل ع العموم اذا تبين اصدقاء اجانب روحي مركز الفنار حضري محاظرات اسلاميه بالانجليزي بتحصلين قروب فيه بريطانيات واسبانيات وامريكيات وكل الجنسيات وكلهم يتعلمون الاسلام وعقب يقعدون يسولفون وتصير بينهم علاقات وعزايم فاخذي بنصيحتي كنسلي كل شي عربي شوفي مسلسلات اجنبيه ابتدي ب فرندز لانه حلو وبتستمعين فيه اذا مطروبه لا تسمعين عربي كلش سمعي انجليزي وحاول تفهمين شسالفه مافهمتي دشي النت شوفي كلمات الاغنيه وستوعبي الموضوع شوفي فيديوهات اجنبيه ها الشكل مافي شي صعب

شكراً أخوي على النصايح الجميلة، ولكن أختلف معك في تعلم الإنجليزية من الأغاني ..
لأن كما تعلم معظمها سب وشتم وألفاظ نابية!

تحياتي للجميع

[الارض]

MBC 2 :vampire:

[ابوالكلام]

مخالطة الاجانب افضل طريقة لتعلم اللغة

[الخيالة]

أنا تعلمت بنفسي
بديت من التلفزيون أطالع الأفلام وأشوف الترجمه وكنت أتكلم انجليزي مع رفيجاتي وفي الدوام نفس الشي تكلمت انجليزي وشوي شوي تعلمت

[@north_star@]

مشاهدة البرامج المترجمة للعربية تفيد

[AHLAM222]

انا اللي فادني وطور لغتي عملي مع الاجانب حتى لو اخطأت يعلموني وما انحرج لاني اقولهم احنا جيل ما درسنا الانجليزي الا من صف خامس يعني اللغة عندنا ضعيفة وما كان لها اهمية على ايامنا نفس اهميتها الحين ولا كنا نعرف انها بتكون قوية

انصحج نفس ما قالوا اللي قبلي بمتابعة الافلام الاجنبية ورددي وراهم الجمل وحاولي تفهمينها بدون لا تقرينها

وبالنسبة لشات في برنامج شات فيها رومات عربية لتعليم اللغة الانجليزية دخلتها فترة وعجبتني مسوؤلينها همهم تعليم الاعضاء اللغة الانجليزية
وراح يساعدونج على تطوير لغتج

دوري على الرومات للي تختص بتعليم اللغة الانجليزية مو رومات الانجليز لان اكيد اخلاقهم منعدمة

ودام الرغبة عندج صدقيني راح يتسهل الموضوع لج بطريقة كبيرة

والله يوفقج

[بصمة قطرية]

من صغري و انا احب الأفلام الاجنبية
و اعترف ان اللغة قوت عندي منها ..
و بعدين الممارسة ..
حاولي تتكلمين انجليزي ..
و لازم تكونين جريئة يعني ممكن تغلطين لا تنحرجين..
تصدقين يوم كنت في الجامعة مرات كنت أتكلم انجليزي مع رفيجتي بالتلفون ..
مكالمتنا كلها بالانجليزي ..
عشان نقوي اللغة ..
و الحمدلله لا معاهد و لا غيره ..
هالشي من الصغر تكتسبينه بسهولة ..
و الاهم الرغبة و حب التعلم ..
يعني في ناس كل اجازة هم في لندن وما يعرفون كلمة انجليزية .!!

[al-sadd]

والله العظيم اختي شيئين تسوينهم فشهر ولا شهرين امورج طيبه وبتحسن نفسج ممتازه بالانجليزي

القرايه !! اقري الي تقدرين تقرينه ! اما كانت كتب او مواضيع من مواقع انجليزيه او اي شي تشوفينه قدامج بنجليزي اقريه !!

ثاني شي الافلام !!! نصيييييييحه اذا انتي من متابعة للافلام شوفي الافلام من دون ترجمه
منها يقوي السمع عندج ويقوي فهمج للكلام وفهمج لطريقة كلامهم او الـ accent

وبتوفيق

[مستوى الدعم]

كما ذكر الأخوة والأخوات أعلاه..

الممارسة..

في جميع مهارات تعلم اللغة.. وتبدأ من:

زيادة القراءات في النصوص الإنجليزية.. فهي تكون لديك ذخيرة من المفردات.. ولكن يجب الانتباه لنوعية القراءات فإن كنت تسعين لتعلم الإنجليزية على أصولها فالأفضل قراءة الكتب والروايات.. أما إن كنت تسعين للإنجليزية المحكية اليومية فيجب قراءة مواقع الصحف والمجلات الناطقة بالإنجليزية

محاولة زيادة فرص تحدثك باللغة في أي مناسبة.. مثل:
التحدث مع أشخاص لا يجيدون العربية وتكون اللغة الإنجليزية هي الوسيط بينكم...

محاولة تخيل مواقف معينة وحواراتها باللغة الانجليزية.. وربما تساعد كتابتها.. لأن ذلك سيجعلك تكتشفين أن هناك مفردات لا تعرفينها فتضطرين للبحث عنها.. وسوف ترسخ في ذهنك بعدها لأنك بذلت مجهوداً لتعلمها

[علي رشيد]

الأفلام ..!!


أنا عن نفسي مدمن أفلام ..


تعلمت منها الكثير ..


و الا لو على الجامعه كان تمينــا على hi و how are you

ههههههههههههههههه

[كلنا قطر 1981]

اختي غالية

انا بقولج تجربه شخصيه و انتفعت فيها بصراحه

اختي قبل كل الي كنت اعرفه بالانجليزي بس (هلو- هاي- باي)

اما الحين الحمدلله اتحدثها و بطلاقه

اختي اول شي تسوينه تبعدين عن الكلام بالانجليزي قدام العرب لانه مع الاسف(العرب يتطنزون

عليج و يضحكون و لا يعلمونج الصح من الغلط):anger1:

ثاني شي انسي سالفة القواعد علشان ما تكون عائق لج مع بداية تعليم اللغه القواعد مثل

الماضي و الحاضر و الغائب بتكتسبينهم عقب مع الممارسه

انا الي سويته اختي انه قمت اسمع الاغاني الرومنسيه لانه هالنوع من الاغاني مافي سب

و المغني يغني براحه يعني الكلمات و مخارجها تكون واضحه للمستمع ف كنت اعرف اسم

الاغنيه و اروح على قوقل و اطلع كلمات الاغنيه و عقب ابتدي بقرايتها و الكلمه الي

كنت اواجه صعوبه في قرايتها اسمع نطقها بالانجليزي و اكتبها بالعربي بس بنطق انجليزي

و اتم اقرا الكلمات و عقب احط الاغنيه و ابتدي اغني مع الاغنيه (طبعا الصوت ما يساعد

انه حد يسمعني و انا اغني لانه عقب بيروح عند الدكتور علشان يسوي له عمليه باذنه من

صوتي):(

المهم اتم اغني مع المطرب مره و مرتين و ثلاث و خميسن مره (لين يطلع لي الغني من

المسجل و يقولي تكفى خلاص مليت وانا اغني يا تتعلم يا انا بعلن اسلامي وبتوب عن الاغاني)

عقب اختي الكلمات الي كنت احصل صعوبه في نطقها هي كانت اكثر كلمه استخدمها علشان

لساني يتعود على نطقها و قمت احفظ اغنيه و اغنيه و طبعا الاغاني هي كلها عباره عن كلمات

و اي لغه هي عباره عن كلمات وطبعا لازم تمارسين اللغه علشان لسانج يتم متعود على اللغه

طبعا مارسي اللغه مع فلبينيه - هنديه اي جنسيه - المهم انج تمارسينها عقب حفظج للكلمات

انا ما خليت حد في الشارع الا و تكلمت وياه انجليزي لا هندي و لا فلبيني و لا سيرلنكي

و حتى البتاني بعد قمت اكلمه بالانجليزي و هو يرد انا مافي معلوم عنقليزي و انا مستمر وياه

بالكلام و هو يقولي انت نفر مجنون و انا اقوله (ثانكس ما دير):shy:

اختي غاليه الاغاني الاجنبيه الرومنسيه مب الراب و الهيب هوب لانه كلماتها سريعه و في

سب و صعب التركيز بالكلمات و عقب الافلام و المسلسات و البرامج التلفزيونيه

و انشاء الله بتستفيدين و بيكون عندج لغه و ان تكلمتي في اي مكان فيه عرب و اضحكوا

على كلامج التفتي عليهم و قوليلهم بالحرف يا تعلموني الصح يا تنثبرون :anger2:

و كملي كلامج و ما عليج من حد كلنا وقت التعليم نخطي و عقب نقدر انه نتغلب على

اخطائنا مع الممارسه و لا تنسين انه لو اخطئتي في الكلام مب اخر الدنيا لانه انتي عندج

لغة الام الي هي العربيه اما اللغه الانجليزيه هي لغه مكتسبه و يعطيج الف عافيه انج تحاولين

انج تكتسبين لغه ثانيه للحوار

و بالتوفيق اختي


السموحه على الاطاله و كثر الثرثره :(

[المهندس عبدالعزيز]

البرامج الوثائقية من الدسيكفري هي أفضل في تعلم اللغة الانجليزية من الافلام

وقراءة الابحاث الاكاديمية هي أفضل وسيلة لأن فيها مصطلحات اكاديمية بحتة

[تحداني]

كلنا قطر :) .. انت تقول اسمعوا اغاني رومانسيه أجنبيه
والاخوان يردون عليك .. كتب .. وبرامج وثائقيه .. وقراءه موسوعات .. ومجلدات


عندي الاصغيرون مب لين اهناك .. ودي اطرشه ابعد بلده في العالم عشان يتبهدل وبعدها يتعلم
اتوقع هذا افضل حل .. كل ما تغربل الواحد واضطر ان يعيش ابوسط ناس ما يفهون الا اللغه الانجليزيه كل ما تعلم اسرع وافضل


جملكم الله برضاه

[كلنا قطر 1981]

كلنا قطر :) .. انت تقول اسمعوا اغاني رومانسيه أجنبيه
والاخوان يردون عليك .. كتب .. وبرامج وثائقيه .. وقراءه موسوعات .. ومجلدات


عندي الاصغيرون مب لين اهناك .. ودي اطرشه ابعد بلده في العالم عشان يتبهدل وبعدها يتعلم
اتوقع هذا افضل حل .. كل ما تغربل الواحد واضطر ان يعيش ابوسط ناس ما يفهون الا اللغه الانجليزيه كل ما تعلم اسرع وافضل


جملكم الله برضاه

اختي تحداني الزمن

انا تكلمت عن تجربه لي شخصيا و استفدت منها

كلامي يا تحداني الزمن مب قرآن و لازم اتباعه كلامي كلام بشر يعني ممكن يكون غلط

و مب فرض الناس انه تتبعه هي اسالت عن طريقه لتعلم اللغه و انا ذكرت لها تجربه شخصيه

جازت لها الطريقه كان بها ما جازت ممكن تاخذ براي باقي الاعضاء الي كلهم فيهم الخير

و البركه انشاء الله

اما بالنسبه حق اخوج ربي يحفظه طرشوه يدرس برا لانه مع المخالطه بيتعلم اسرع و افضل

و هو ولد و مافي خوف عليه انشاء الله بس الاخت غاليه بنت و يمكن سالفة انها تسافر

بروحها و تتبهدل في دوله غريبه عنها تكون صعبه عليها

هذا رايي و ممكن اكون مخطئ فيه

الله يعينا و يعينج على طاعته

[eXpert*]

على الرغم من أن بريطانيا هي أصل الإنجليزية إلا أنني لا أستسيغ لهجتهم في الكلام ،، بس قالوها مالك الإ خشمك ولو هو عوي (أعوج).

موقع البي بي سي يوفر خدمة تعلم الإنجليزية وهو مجانيّ ومن أروع ما تمرست عليه وطورت الإنجليزية :)

أهم شئ الإستمرارية وأستخدام جميع ما يوفرة الموقع من خدمات مقروءة ومسموعة ومرئية وحتى نشرات الأخبار (newsletter) التى تصل بشكل دوري على البريد الألكتروني والـ بود كاست .



خلاصة الحديث: - كنّ مستمعاً جيداً ، تكن متحدثاً جيداً .

http://www.bbc.co.uk/worldservice/learningenglish

تمنياتي بالتوفيق

[تحداني]

اختي تحداني الزمن

انا تكلمت عن تجربه لي شخصيا و استفدت منها

كلامي يا تحداني الزمن مب قرآن و لازم اتباعه كلامي كلام بشر يعني ممكن يكون غلط

و مب فرض الناس انه تتبعه هي اسالت عن طريقه لتعلم اللغه و انا ذكرت لها تجربه شخصيه

جازت لها الطريقه كان بها ما جازت ممكن تاخذ براي باقي الاعضاء الي كلهم فيهم الخير

و البركه انشاء الله

اما بالنسبه حق اخوج ربي يحفظه طرشوه يدرس برا لانه مع المخالطه بيتعلم اسرع و افضل

و هو ولد و مافي خوف عليه انشاء الله بس الاخت غاليه بنت و يمكن سالفة انها تسافر

بروحها و تتبهدل في دوله غريبه عنها تكون صعبه عليها

هذا رايي و ممكن اكون مخطئ فيه

الله يعينا و يعينج على طاعته



صل على النبي يا اخوي انا ما قلت شي .. ايش علاقه القرآن واتبع كلامك وما اتبعه
انا عجبتني مداخلتك وايد وربطها بين المداخلات الثانيه
كل واحد يكتب تجربته وبالعكس تجربتك احترمها وابد ما اقلل منها
ومعاك حق السائله اخت .. وانا تكلمت بالمطلق

حاضر اذا الله اراد واقتنع نرسله .. ويارب يتعلمها
يظل الواحد يتمنى لهم الخير وهم اصغار يعتقدون ان الاهل ودهم يضغطون عليهم بس


جملك الله برضاه

[كلنا قطر 1981]

صل على النبي يا اخوي انا ما قلت شي .. ايش علاقه القرآن واتبع كلامك وما اتبعه
انا عجبتني مداخلتك وايد وربطها بين المداخلات الثانيه
كل واحد يكتب تجربته وبالعكس تجربتك احترمها وابد ما اقلل منها
ومعاك حق السائله اخت .. وانا تكلمت بالمطلق

حاضر اذا الله اراد واقتنع نرسله .. ويارب يتعلمها
يظل الواحد يتمنى لهم الخير وهم اصغار يعتقدون ان الاهل ودهم يضغطون عليهم بس


جملك الله برضاه

اختي تحداني الزمن

السموحه منج و المعذره ظنيت في مداخلتج انه فيها انتقاد لي بشكل شخصي و مع الاسف هذا

الشي صادني بسبب بعض المداخلات الي تشكك في نوايا اصحاب بعض الردود فتحصلين

انه ناس تدخل و تحلل نفسية صاحب الرد و تنتقده بدون لا تنتقد رده :weeping:

انا ما اقول انه كلامي كله صح و انا ما اغلط بالعكس انا بشر و الغلط عندي وارد و حبيت بس

اوضح انه كلامي كان على تجربه شخصيه انا استفدت منها لانه ارد و اقولج في ناس ممكن

تدخل على زحف شلون و شلون انت تستمع للاغاني و هذا حرام و انت بطريقتك قاعد تحرض

الناس على الحرام و يدخلون في النوايا الي ما يعلم فيها الا رب العالمين :anger1:

فا ظنيت بالغلط انه انتي كان انتقادك لي :rolleyes2:

بس ان بعد الظن اثم :(

اما اخوج انا قلتلج راااي في موضوعه و الله يكتبله الخير و التوفيق و يستفيد و يفيد بالعلم في

المستقبل

و السموووحه منج اختي تحداني الزمن على سوء الفهم مني من مداخلتج :(:(

[تحداني]

:)




لا تعتذر يا أخوي بس حبيت اوضح لك قصدي
محشوم والله يعلي مقدارك ..وما تنلام ومعاك حق في الي قلته .. كثره الصدمات من الغيرتخليك تترك انطباع سئ او مب حلو لشخص ماله ذنب ..


المهم يتعلمون انجليزي .. :)
بأي طريقه كانت





جملك الله برضاه

[D4Q]

احسن مدرس هذا الشخص

http://images.zap2it.com/images/tv-EP00017073/the-cosby-show-4.jpg


وهذا احسن صف

http://4.bp.blogspot.com/-tTAt_jUd35U/TnNtOSMDkdI/AAAAAAAAAO8/eMiwZYQlZJk/s1600/friends_wideweb__470x391%252C0.jpg

عليكم بالمسلسلات المترجمة و تتبع الكلام مع الصوت و خزن الكلمات و احفظ طريقة النطق

هذي طريقتي من ٢٥ سنة

وكل من سمعني يقول خريج امريكا وانا بالاساس تخصص فرنسي :)

[بوخالد353]

اختي لو اتابعين قناة الصحراء والبوادي راح تفيدج حيل باكتساب اللغه:omg: ههههههه اتغشمر معاج ,,اسمعي تجربتي ,, سافرت لامريكا قبل 11 سنه وكنت 20 بالميه اعرف انجليزي وكوني كنت مع صديقي هناك الي كان يدرس ماستفدت شي لانه اهو الي كان يتعامل مع الناس يالمطاعم وغيره,وقررت اخذ دوره 6 شهور ونفعتني 60 بالميه مع اني ماكنت جدي حيل بالدراسه,, واذكر مدرسنا كان نيوزلندي وسالني اذا كنت راح امارس اللغه او استفيد منها بدوامي ,,او بتعاملي اليومي ولما جوابته باني ماستخدمها .. قالي خساره لانك راح تنساها وماراح تطورها,,وظرب مثال على نفسه انه عاش باليابان 7 سنين ,, وباليابان الكلمه تكون كامله مو احرف ف كان حافض 6000 كلمه!! والحين بعد كم سنه ولانه مامارسها مايذكر الى 2500 كلمه,, الشاهد من الكلام بدون ممارسه ماراح تستفيدين ,, انا بالنسبه لي قاعد انميها باني احاول اكلم المطعم او اي شخص يتكلم الانجليزيه بالانجليزيه حتا لو غلطت عشان اكسب الثقه بالنفس واتعلم.. وسلامتك واتمنى لك التوفيق

[تاج المراجل]

بالقراءه والاستماع ، هذا افضل شي

[ام السعف]

المشاركة في مواقع تعليم لغة انجليزية يكون عندهم فورم ومحادثات ومدرسين
هذي اول خطوة الخطوة الثانية
هناك مواقع كثيييييييييييرة لتعليم اللغة ،، راح تلقين في كل موقع ميزة
ما تلقينها في موقع ثاني،،
اسبوع تدخلين الموقع رقم 2 الاسبوع اللي عقبه تدخلين الموقع رقم 3
مع استمرار تواجدج في الموقع الأول اللي فيه فورم ومحادثات،،

لأن في المحادثات والفورم راح تضطرين تستخدمين اللي تتعلمينه
في المواقع الثانية ،،

اليوم احدث طرق تعليم اللغة يكون عن طريق سماع القصص والمحادثات
بشكل مستمر لمدة اسبوع كامل ،، او ايام متتالية ،،
بتلقين نفسج استوعبتي الكلام اللي ينقال ،، خاصة لو انج اساسا
تتنقلين مابين مواقع التعليم ،،


اغانيهم مب شرط تسمعينها ،، ممكن تبحثين عن كلماتها
فائدة كبيرة في الكلمات هذي وطريقة صياغتها وتركيبها ،،


وربنا يوفقج،، وان احتجتي لمواقع تعليمية خبريني ،،

[Mohammed2]

أنا الحمدلله تطورت عندي اللغه في الدوام لان كان معاي ناس اجانب ومن الافلام الاجنبيه
وتطورت اللغة عندي أكثر من كلية شمال الاطلنطي

[R 7 A L]

دواعيس المنطقة الصناعية و (أزقتها) أكبر معلم للـــ Basic english

[لاجل QT]

دواعيس المنطقة الصناعية و (أزقتها) أكبر معلم للـــ Basic english

الصناعية يارحال:rolleyes2:بنتعلم الاوردو:rolleyes2:

انا حاولت اتعلم اللغة عن طريق القواعد والضمائر حسيتها جدا فاشلة كانى قاعدة اركب كلمات متقاطعة:rolleyes2:

هي احسن طريقة العيش مع اجانب ومخالطتهم

بس اشلون للحريم؟؟:)

[R 7 A L]

الصناعية يارحال:rolleyes2:بنتعلم الاوردو:rolleyes2:

انا حاولت اتعلم اللغة عن طريق القواعد والضمائر حسيتها جدا فاشلة كانى قاعدة اركب كلمات متقاطعة:rolleyes2:

هي احسن طريقة العيش مع اجانب ومخالطتهم

بس اشلون للحريم؟؟:)



طبعاً الصناعية ماتنفع للحريم
ومو أي واحد يقدر عليها :tease:

الحريم الله يسلمك
ماينفع معهم الا المعاهد والبرامج من خلال التلفزيون

[لاجل QT]

طبعاً الصناعية ماتنفع للحريم
ومو أي واحد يقدر عليها :tease:

الحريم الله يسلمك
ماينفع معهم الا المعاهد والبرامج من خلال التلفزيون

ويين الوقت اللى باتعلم في الانجلش:)

[R 7 A L]

ويين الوقت اللى باتعلم في الانجلش:)



24 خليج في البيت وشغلي التلفزيون على القناة 37 وأمورج طيبة :tease:

[ام السعف]

ويين الوقت اللى باتعلم في الانجلش:)

ممكن تسوون جروب حريم وتشاركون مع بعض الجمل الأكثر تداول
واشوي اشوي تتوسعون :telephone:

[Doha Sun]

بالنسبة للقراءة انا اشوف انها ما تفيد لانه ممكن لفظ الكلمة يكون غلط ,

لانه بعض الكلمات الانجليزية فيها احرف تكتب وما تلفظ وممكن يغير المعنى ..

وانا اتكلم عن نفسي .. متابعتي وادماني على الافلام والمسلسلات الاجنبية المترجمة

هي اللي قوة عندي اللغة الانجليزية ,, :victory:

[مدرسة]

تخصصي كان انجلش كنت اتعامل مع اساتذة اجانب ولا اقدر اتابع معاهم بالكلام و اتوهق بالقراءة بس اللي نصحتني كانت مدرسة مصرية اسمها ( سوزان صلاح الدين- جزاها الله خير - ) جدها ما خذت الدكتوراة و قالت لي لازم تقرين وايد و اقترحت علي مجلة ال reader's digest قالت لي فيها مواضيع عن كل شي يعني بتتعلمين كلمات من كل موضوع في الحياة و قالت لي لا تقرين كلمة كلمة .. اذا فهمتي شسالفة مشي ،، واذا ما فهمتي القاموس جنبج و طلعي المعني و الكلمة اللي بتطلعينها بتلصق في مخج لأنج قريتيها in contex و طريقة صياغة الجمل بتتعلمينها من كثر ما تقرين ... و بس خذت بنصيحتها و في البداية كنت اطلع كلمات وايد من القاموس و احرص اعرف كل كلمة بس عقب مشى الحال .. طبعا استخدام اللغة شي ضروري ما يكفي ان الواحد يحفظ كلمات من القاموس ف كنت اتناقش وايد مع الاساتذة و اذيهم . وبس بعدها اشتغلت مدرسة انجلش و استخدم اللغة طول الوقت و عقب نائبة و طبيعة عملي تخليني استخدم اللغة وايد مع ناس مختلفين انجليزيتهم اقل او اكثر من انجليزيتي ..
قرائتي بشكل عام للمتعة تكون بنسبة 80 ٪ كتب انجليزية أما قرائتي الأكاديمية في مجال عملي كانت 100٪ انجلش يوم كنت مدرسة و بس يوم صرت نائبة اضطريت اقرا عربي في بعض التخصصات ..
اشوف افلام اجنبية طبعا و هالشي يحسن اللغة بس لازم الواحد يكون حذر لانها تكون لغة غير رسمية اذا كان عندج test رسمي ما تنفعج << جاتنا مدرسة سعودية ما شاء الله النطق عندها حلو و ما خذناها لأن للأسف ما كانت تعرف تكتب و املائها عالسبورة كان تعبان في فترة التدريب
اذا القراءة و الممارسة هم سر اللغة الانجليزية المتميزة.
بخصوص اني طولت لا تلوموني التربويين هذرتهم زايدة :shy:

[classic2004]

بالنسبة لي الوالدة كانت مدرسة انجليزي الله يعطيها الصحة والعافيه
فاهتمت وايد بهل الجانب .. كانت تخلينا نتكلم انجليزي ساعه يوميا
دخلتنا معاهد ومنها british council
كانت تجيب لنا مدرسات اجانب ..
وعقبها الدراسه كانت بالانجليزي
السكن مع اجانب يساعد وايد وايد
الافلام والمسلسلات خصوصا لما يكون الفلم بدون ترجمه
وان يكون عندج صديقات اجنبيات ينفع وايد
واللحين في مجال الشغل التعامل بالانجليزي ..
اللي حابه اطوره حاليا مستوى الكتابه عندي ما احس اني راضيه عليه ...

[مدرسة]

يا جماعة احب اضيف ان مجلة ال reader's digest موجودة حاليا عال itunes كتطبيق حق الايباد .. رائع و تفاعلي و فيه بونس عن النسخة المطبوعة .. يعني بدال بعض الصور ممكن تلقين فيديوهات قصيرة فأنصحكم تجربون عالاقل عدد واحد مو شرط اشتراك سنوي

و بالنسبة للمعاهد يشفطون دم الانسان على ما يتعلم كلمتين صح ،، !!!!!

[NeverLived]

بصراحة القراءة وايــد يساعد وبعد تقدرين تشوفين مسلسلات وافلام الاجنبية بدون ترجمة(حق الإستماع)
وإنشالله شوي شوي بتتعلمين

[ع.م]

شوفي حبيبتي أنا ولله الحمد ولله الفضل وحده ..لغتي الانجليزية ممتازة ..

أنا في حياتي كل شي آخذه بالتحدي.. مرة فالجامعة الدكتور قال نكتة بالانجليزي وكلهم افهموها وضحكوا من صجهم إلا أنا لأني ماكنت أعرف انجليزي فرجعت البيت أبكي ومتحطمة ويومها قررت إني أتقن هاللغة!

ومن عقب هالموقف سويت كل شي أقدر عليه.. كل شي.. لاتكتفين بطريقة وحدة..

أول شي الدعاء الدعاء الدعاء.. وايد دعيت إن الله ييسر لي كل أسباب تعلم اللغة..ويفتح لي الأبواب.. وكنت كاتبة أهدافي من تعلم اللغة واللي كان أبرزها إني أكون خير سفير لديني وإني أأمن شر الأعداء لما أتعلم لغتهم كما أخبرنا الرسول صلى الله عليه وسلم.. وغيرها.. كنت حاطة لستة نوايا وأذكر نفسي فيها كل يوم..

حاولت أصنع حولي مجتمع من الناطقين باللغة الانجليزية عبر الاشتراك في المنتديات الأجنبية في قطر وخارج قطر.. هذا غير المنتديات المتخصصة بتعليم اللغة الانجليزية..وبعد لقيت شات يعلم الإسلام بالانجليزي في موقع الشيخ يوسف استس وكانوا يحددون كل يوم ساعات معينة يدخل فيها داعية ويشرح تعاليم الإسلام..وأيضاً تعرفت على أخوات هناك.. وكان الشات صوتي وأحيانا يجي شخص يلقنونه الشهادة بس يعلنون قبلها عشان نجي.. كان وايد فيه إضاءات كنت أندمج وايد معاهم وأتفاعل وأبكي من ورا الشاشة.. أكثر الناس الموجودين جي يجون يتعلمون حتى مب لازم يشاركون..

وتعرفين الأشياء الصغيرة.. يعني جوالي مخليته بالانجليزي مب العربي.. ونفس الشي الكمبيوتر وغيره.. وكل شي يكون عندي فيه خيار أحوله انجليزي كنت أحوله عشان أخلي الجو اللي حولي كله إنجلش في إنجلش دام اني ماحصلت لي فرصة السفر لممارسة اللغة في الخارج قررت أجيب الخارج عني عرفتي اشلون.. مايصير بعد أحط يدي على خدي وأستسلم..لازم في طريقة مني مناك..

وكنت أقرا الكتب القصيرة البسيطة..

وكنت أتابع بعض البرامج الانجليزية في الإذاعات وأتصل وأشارك بعد.. خخخ والله أيام..

أيضاً تعرفت على أجنبيات في قطر عبر المنتديات وساعدتهم بالإجابة عن أسئلتهم عن قطر والثقافة القطرية وغيرها..و في كثير منهم مسلمات و جو زاروني وتعرفوا على الوالدة الله يطول بعمرها.. وكانت صداقة حلوة ولازالت قائمة لكن مشاغل الحياة خذتني منهم كثير..

وأيضاً طبعاً البرامج الحوارية الأجنبية أوبرا ودكتور فيل وغيرهم.. وكل شي فيه كلام انجليزي تلقيني أنط وأسمع وأسجل الكلمات وأبحث فيها.. وأشغل الراديو وأنام وأخليهم يهذرون انجليزي على راسي..

اممممم .. وشنو بعد.. إي و لقيت في النت مواقع للمراسلة وصار عندي صديقات بالمراسلة.. وبجذي اكتسبت مخزون كبير من الكلمات لأني أركز أبي أكتب شي عدل لول.. وحلو بالمرة تتعرفين على ثقافات مختلفة وناس عايشين في أماكن بعيدة..

وأشياء وايد.. يمكن اللي ناسبني مايناسبج.. بس انتي سوي كل شي تقدرين عليه وصبري على نفسج الموضوع يبيله استمرار ومع الوقت بيصير بدون ماتحسين فيه.. أنا وصلت مرحلة صرت لما أنام أتكلم في الحلم انجليزي خخخخ.. وماعرفت إني أتقنت اللغة صج إلا لما مرة شفت فلم واندمجت فيه عقب جات امي تكلمني وشلت الصوت ا وبعدين لما رجعت أشوف الفلم بدون صوت تفاجأت إن مافي ترجمة تحت بالعربي واني كنت مندمجة من صجي بدون مايكون في ترجمة ولا انتبهت إن مافي.. اهني عرفت إن الحمدلله صار عندي سلاسة في فهم اللغة..

الله يوفقج يارب.. سوي كل اللي تقدرين عليه..

[ع.م]

حبيت أضيف إن الحين عندج فرص وااايد أكثر مني.. أنا الطرق اللي سويتها هذي من عشر سنين ترى لما كنت سنة أولى فالجامعة..على أيامي ماكان في آيفوووون ولا كان اليوتيوب له الشعبية اللي الحين موجودة..ولا كان في فرص ممتعة لممارسة اللغة نفس الفيس بوك وتويتر الحين.. يعني تقدرين تستفيدين أكثر وأكثر في هالزمن.. وربي يوفقج.. خلي هدفج جدام عيونج وبتحققينه بإذن الله

[لاجل QT]

24 خليج في البيت وشغلي التلفزيون على القناة 37 وأمورج طيبة :tease:

اول مرة اسمع عن هالقناة انا مااشوف التلفزيون..بافر عليها يمكن لعل وعسى اتعلم:shy:

[لاجل QT]

ممكن تسوون جروب حريم وتشاركون مع بعض الجمل الأكثر تداول
واشوي اشوي تتوسعون :telephone:

الجروب موجود على البلاك بري:shy:

كلهم هبابة يدقدقون بالانجلش:rolleyes2:

[R 7 A L]

اول مرة اسمع عن هالقناة انا مااشوف التلفزيون..بافر عليها يمكن لعل وعسى اتعلم:shy:



:omg:
يا أنك فوق 60 سنه
أو 10 سنوات عمرك
أحد مايعرف 37 :tease:

[شبح الصمت]

:omg:
يا أنك فوق 60 سنه
أو 10 سنوات عمرك
أحد مايعرف 37 :tease:



هههههههههههههههههههههههههههاي

عاد قناة 37


بال تحللت خلاص خلاص انقرضت هالنقاه

ايام والله ايام

توقف بثها في بداية 2000

:shy:

[R 7 A L]

هههههههههههههههههههههههههههاي

عاد قناة 37


بال تحللت خلاص خلاص انقرضت هالنقاه

ايام والله ايام

توقف بثها في بداية 2000

:shy:



أحلى شي الفلام الهندية :tease:

[شبح الصمت]

أحلى شي الفلام الهندية :tease:



قصدك احلى شيء المصارعه

الشيبان الله يرحم من مات منهم والله يطول بعمر حيهم

كله فارررين عليها

أأيام

[R 7 A L]

قصدك احلى شيء المصارعه

الشيبان الله يرحم من مات منهم والله يطول بعمر حيهم

كله فارررين عليها

أأيام


:weeping:
وكل العائلة ملتمين مع بعض وتلفزيون واحد في البيت
مو مثل الحين 50 تلفزيون في البيت حتى تحت الدرج :rolleyes2:

[شبح الصمت]

:weeping:
وكل العائلة ملتمين مع بعض وتلفزيون واحد في البيت
مو مثل الحين 50 تلفزيون في البيت حتى تحت الدرج :rolleyes2:



الله يعطيك العافيه

أأيام حلووه

عن تجربه اخوي الاصغر مني كان يماشي بريطانيا وفرنسيين وحاليا ماشاء الله عليه متمكن من اللغه ويسولف ويكتب واموره طيبه حتى في الوظائف تكون له الاولويه من بعد فضل رب العالمين واجتهاده ..

اشوف انه الاحتكاك عامل أأأساسي للتعلم ..

والله يوفق الجميــع

لانه يبيله بدايه ممارسه الانقليزي الصغير يتعلم بسرعه بس الكبير اشوي يبيله برمجه واجتهاد ..

وتراني ميح ميح ميح

:shy:

[لاجل QT]

:omg:
يا أنك فوق 60 سنه
أو 10 سنوات عمرك
أحد مايعرف 37 :tease:

ههههه والله ماشوف التلفزيون

امى حافظة المسلاسلات حفظ وتكلم عنهم كانهم ناس بينا:eek5: اقولها من اللى ضربها تقول في المسلسل ..في خاطري اقول صج متفرغة:( وانا شادة اعصابي على بالي صج:shy: فديتها الوالدة:)

لا والله لااعرف 37 ولا 36

القناة الاجبارية اللى اشوفها غصبن عنى مهب برضاي هى اللى يطلع فيها اسبونج بوب..اليهال محتلين غرفتى احتلال ابدي :weeping:

جعلنى افدى ثرا ارجولهم:)

[شهر سبعة]

خواتنا واخوانا ماقصروا فالحلول

انا عن نفسي احفظ الكلمات الصعبه ويوميا اقراها واهم شي المثابره على القراءه

[غالية قطر]

شوفي حبيبتي أنا ولله الحمد ولله الفضل وحده ..لغتي الانجليزية ممتازة ..

أنا في حياتي كل شي آخذه بالتحدي.. مرة فالجامعة الدكتور قال نكتة بالانجليزي وكلهم افهموها وضحكوا من صجهم إلا أنا لأني ماكنت أعرف انجليزي فرجعت البيت أبكي ومتحطمة ويومها قررت إني أتقن هاللغة!

ومن عقب هالموقف سويت كل شي أقدر عليه.. كل شي.. لاتكتفين بطريقة وحدة..

أول شي الدعاء الدعاء الدعاء.. وايد دعيت إن الله ييسر لي كل أسباب تعلم اللغة..ويفتح لي الأبواب.. وكنت كاتبة أهدافي من تعلم اللغة واللي كان أبرزها إني أكون خير سفير لديني وإني أأمن شر الأعداء لما أتعلم لغتهم كما أخبرنا الرسول صلى الله عليه وسلم.. وغيرها.. كنت حاطة لستة نوايا وأذكر نفسي فيها كل يوم..

حاولت أصنع حولي مجتمع من الناطقين باللغة الانجليزية عبر الاشتراك في المنتديات الأجنبية في قطر وخارج قطر.. هذا غير المنتديات المتخصصة بتعليم اللغة الانجليزية..وبعد لقيت شات يعلم الإسلام بالانجليزي في موقع الشيخ يوسف استس وكانوا يحددون كل يوم ساعات معينة يدخل فيها داعية ويشرح تعاليم الإسلام..وأيضاً تعرفت على أخوات هناك.. وكان الشات صوتي وأحيانا يجي شخص يلقنونه الشهادة بس يعلنون قبلها عشان نجي.. كان وايد فيه إضاءات كنت أندمج وايد معاهم وأتفاعل وأبكي من ورا الشاشة.. أكثر الناس الموجودين جي يجون يتعلمون حتى مب لازم يشاركون..

وتعرفين الأشياء الصغيرة.. يعني جوالي مخليته بالانجليزي مب العربي.. ونفس الشي الكمبيوتر وغيره.. وكل شي يكون عندي فيه خيار أحوله انجليزي كنت أحوله عشان أخلي الجو اللي حولي كله إنجلش في إنجلش دام اني ماحصلت لي فرصة السفر لممارسة اللغة في الخارج قررت أجيب الخارج عني عرفتي اشلون.. مايصير بعد أحط يدي على خدي وأستسلم..لازم في طريقة مني مناك..

وكنت أقرا الكتب القصيرة البسيطة..

وكنت أتابع بعض البرامج الانجليزية في الإذاعات وأتصل وأشارك بعد.. خخخ والله أيام..

أيضاً تعرفت على أجنبيات في قطر عبر المنتديات وساعدتهم بالإجابة عن أسئلتهم عن قطر والثقافة القطرية وغيرها..و في كثير منهم مسلمات و جو زاروني وتعرفوا على الوالدة الله يطول بعمرها.. وكانت صداقة حلوة ولازالت قائمة لكن مشاغل الحياة خذتني منهم كثير..

وأيضاً طبعاً البرامج الحوارية الأجنبية أوبرا ودكتور فيل وغيرهم.. وكل شي فيه كلام انجليزي تلقيني أنط وأسمع وأسجل الكلمات وأبحث فيها.. وأشغل الراديو وأنام وأخليهم يهذرون انجليزي على راسي..

اممممم .. وشنو بعد.. إي و لقيت في النت مواقع للمراسلة وصار عندي صديقات بالمراسلة.. وبجذي اكتسبت مخزون كبير من الكلمات لأني أركز أبي أكتب شي عدل لول.. وحلو بالمرة تتعرفين على ثقافات مختلفة وناس عايشين في أماكن بعيدة..

وأشياء وايد.. يمكن اللي ناسبني مايناسبج.. بس انتي سوي كل شي تقدرين عليه وصبري على نفسج الموضوع يبيله استمرار ومع الوقت بيصير بدون ماتحسين فيه.. أنا وصلت مرحلة صرت لما أنام أتكلم في الحلم انجليزي خخخخ.. وماعرفت إني أتقنت اللغة صج إلا لما مرة شفت فلم واندمجت فيه عقب جات امي تكلمني وشلت الصوت ا وبعدين لما رجعت أشوف الفلم بدون صوت تفاجأت إن مافي ترجمة تحت بالعربي واني كنت مندمجة من صجي بدون مايكون في ترجمة ولا انتبهت إن مافي.. اهني عرفت إن الحمدلله صار عندي سلاسة في فهم اللغة..

الله يوفقج يارب.. سوي كل اللي تقدرين عليه..


أحلى تجربة قريتها ولا يهونون الباقين :victory:

الله عليج يا ع.م فعلاً تجربة تستحق التحية :thumbup1:

اختي بالله عليج انتي وأم السعف ياليت تقولولي عن مواقع للمحادثة بالإنجليزي حتى ولو بفلوس ما عندي مانع ..ممكن تساعدوني ؟
وربي يكتب لكم في كل حرف حسنة جارية :shy:

وإللي يعرف لا يبخل علينا :shy:

وأقول لكل واحد شارك في الموضوع، شكراً لك من قلبي وجزاك الله خير الجزاء ..
فعلاً استفدت منكم ومن نصائحكم.:shy:

[مشتاقة لقطر]

انا تعلمتها
بالسفر دول اجنبية اضطريت اطلع الليتعلمته من المدرسة الين الجامعة

وبعد

شي ثاني تصفح مواقع اجنبية لي حاجة عندهم

وترجمةجوجل اول باول للكلمات الصعبة

والتحدث مع اي عامل او موظف بهذي اللغة جعل عندي طلاقة بالحديث الحمدالله

[غالية قطر]

أحلى تجربة قريتها ولا يهونون الباقين :victory:

الله عليج يا ع.م فعلاً تجربة تستحق التحية :thumbup1:

اختي بالله عليج انتي وأم السعف ياليت تقولولي عن مواقع للمحادثة بالإنجليزي حتى ولو بفلوس ما عندي مانع ..ممكن تساعدوني ؟
وربي يكتب لكم في كل حرف حسنة جارية :shy:

وإللي يعرف لا يبخل علينا :shy:

وأقول لكل واحد شارك في الموضوع، شكراً لك من قلبي وجزاك الله خير الجزاء ..
فعلاً استفدت منكم ومن نصائحكم.:shy:

حتى لا أفهم خطأ ..قصدت بالفلوس ..
أن المواقع المتحدثة بالإنجليزية بفلوس ..
وجزاكم الله ألف خير

[الـخـالـدي]

اختي هذي حلها بصيط جدا .. اللي خلاني اتعلم اللغه اني افك القفل اللي في راسي

اللي هو ان اللغه صعبه ووين نفهمها ويين نقدر نتكلم فيها

من فكيت القفل و انا الحمدلله من تحسن الى تحسن اخر و لله الحمد

[ام السعف]

غالية قطر : المحادثة مع الآخرين واستخدام محصول الكلمات والجمل والتعابير اهم
عامل يساعد على تطور اللغة بشكل كبييييييير جدا ،، وخاصة لو دخلتي محادثة جماعية ،،

لكن هل انصح فيها ؟

ما انصح بمواقع المحادثات العامة " عن تجربة" الا اذا قدرتي عن طريق الماسنجر
اتحصلين بنات اجانب وتضيفينهم عندج " هذا افضل بكثير" من الكثير من المواقع
اللي غالب الشباب المشتركين فيه هدفهم التسلية واللعب على مشاعر البنات ،،

[ام السعف]

حتى لا أفهم خطأ ..قصدت بالفلوس ..
أن المواقع المتحدثة بالإنجليزية بفلوس ..
وجزاكم الله ألف خير

ايه بفلوس
في مواقع تعليم لغة انجليزية بفلوس،، وبالتالي ما تقدرين تشاركين في الشات
اللي فيه الا بفلوس ،،

لو المشاركين في الشات هم نفسهم المدرسين مب مشكلة
المشكلة ان كل النوعيات موجودين في هالمكان :(

[بوحارب]

انا على كثر مادرست انجلش الا ان مستواي للحين تعباااااان *_*

[ام السعف]

انا على كثر مادرست انجلش الا ان مستواي للحين تعباااااان *_*

ما اتمارس اللغة يا بوحروب:(

[بوحارب]

ما اتمارس اللغة يا بوحروب:(

لا كلش :(

بس شكلي بمارسها في لندن غصب الاسبوع الجاي :rolleyes2:

[bo3abed]

انا اايد فكرة الافلام الاجنبية بس تكون مترجمة .... عشان اسمع الكلمة واشوف ترجمتها على طول ...
انا استخدمت هالطريقة عشان اقوي انجليزيتي ... ونفعتني وايد الكلمات اللي خذتها من التلفزيون خاصة في محادثاتي ...

[ام السعف]

لا كلش :(

بس شكلي بمارسها في لندن غصب الاسبوع الجاي :rolleyes2:

مب كفاية،، بترجع بتنساها :(

[فااارس قطر]

اختي غالية قطر

انا توني جاي من بريطانيا وكنت بدورة لغة

والحمدلله استفدت كثير

بس كل خوفي انسى اللي تعلمته هناك ، وقاعد احاول اني امارس اللغة علشان ماانساها ..

اهم شي مثل ماقالو لج الاخوان الممارسة سواء عن طريق الصداقة او متابعة الافلام او القراءة او حتى الاخبار الاجنبية bbc

واهم شي تعرفين معاني الكلمات الصعبة اللي تستخدمينها بشكل يومي وتسجلينها بجوالج كمذكرة كل يوم تقرينها علشان ماتنسين معناها ، وانا عندي كلمات مسجلها وايد مهمة ومستخدمة بشكل يومي بتفيدج بحاول ارسلها لج ع الخاص مع ان الرسائل الخاصة غير مفعلة عندي ..

وفي فكرة جديدة باضيفها لج وانا عن نفسي اطبقها واستفدت منها كثير ومحد ذكرها من الاعضاء .. سوي لج صفحة على الوورد واحفضيها تحت اسم مذكراتي اليومية my diary ... وكل يوم ادخلي ع هالصفحة واكتبي شلي صار معاج باليوم اللي قبله كمذكرات يومية بس بالانجليزي ، شوي شوي بتشوفين نفسج اتعرفين تكتبين وتعرفين تصيغين الكلام ، وحتى لو في بعض الكلمات ماتعرفين معناها ادخلي على المترجم علشان تسهل عليج العملية ، ومع الايام بتشوفين نفسج تكتبين اسرع من قبل ، وسهل عليج تكتبين شلي قاعد يصير معاج كل يوم بس اهم شي ماتتركين هالشي وتلقائيا بتلاقين نفسج تطورتي بالانجليزي كثير ...


تحياااتي لج ونشوفج ان شاء الله بلبل بالانجليزي ...

[Qt.1]

انا الحمدالله لغتي قويه , طورتها عن طريق الااحتكاك في الااجانب وبحكم الشغل , لكن حبيت اقول ملاحظه اللغه ترى اكتساب وحب مهب تعليم , يعني الي مايحب اللغه مستحيل يعرفها لكن اذا حبها بتكون وايد سهله عنده.

[بنت حواء]

اذا كنتي محبه قراءه... توجد قصص عالميه تاريخيه تكون صفحه باللغه الانجليزيه ومقابلها الترجمه العربيه... موجوده في جرير....

طريقه مجربه ومضمونه وتحتاج طوله بال فقط.. وممارسه بالطبع....




واللي يقول اغاني رومنسيه... الله يثبتنا واياكم على الدين الحق ويطهر آذاننا من المعازف...

[بصمة قطرية]

انا على كثر مادرست انجلش الا ان مستواي للحين تعباااااان *_*

بوحارب
الدراسة ما لها اي علاقة ..
في ناس خذوا دورات ولين اليوم الله بالخير في الانجليزي ..
اضرب لك مثال عن نفسي ..
الحمدلله لا دورات ولا دراسة انجليزي ..
لكن لغتي ممتازة ..
و كل مرة يسألوني اذا كنت مدرسة لغة انجليزية أو لي علاقة بالمجال الطبي ..
كنت دايماً أرافق الوالدة الله يرحمها و تعلمت المصطلحات الطبية كلها ..
و صرت من اسمع مصطلح جديد أسأل عن معناه و اكتبه ..
والله ياخوي بوحارب ما زالوا لين اليوم مستغربين اني ما درست في مجال الطب ..
الحمدلله افتخر بأني قدرت أطور من نفسي ..
لأن أرادتي كانت قوية للتعلم ..
اذكر مرة سألني الدكتور المعالج لولدي ..
شنو مجال عملي و هل له علاقة بالمجال الصحي ..
أجبته اني ربة بيت ..:shy:
فعلاً انبهر و قال لي غيرتي نظرتي كنت اعتقد ان ربات البيوت في الغالب ما يحبون التعليم
لهالسبب ما اشتغلوا ..
قلت له أنجح السيدات ربات البيوت ..
العمل ما عمره كان مقياس للنجاح الدليل اغلب الموظفات ما عندهم لغة ..
و قلت له عندي قريبات تخرجوا من الجامعة بتقدير امتياز متفوقات علمياً
لكنهم فضلوا البيت على العمل ..

خلاصة الكلام :
الانسان هو اللي يطور من نفسه و يتعلم ..
اهم شي يشيل من بالهه عقدة ( ما أعرف و صعب )
و الأمور سهلات ..
ناوية ان شاء الله اتعلم فرنسي ..
طبعاً اعرف شي بسيط و افهم اكثر من ما اتكلم ..
دعواتكم ..:shy:

[Qatarianes]

انا تعلمتها بطريقه ما انصحها بصراحه لكن حببتني فاللغه والي اعتبره اساس نجاحك فتعلمها
( الاغاني الاجنبيه وفلام) وطبعا لاني درست وتخرجت من برا

[غالية قطر]

ماشاءالله .. تبارك الرحمن ..

هذا الموضوع ينوزن بالذهب على هذه التجارب المذهلة والنصائح الفيدة ..

فعلاً الإنسان مخلوق مبهر ..يستطيع أن يفعلا المستحيل بالإصرار والإرادة ..

تحية إجلال لسواعد إرادتكم ولإثارء الموضوع بالنصح والإرشاد ..

لكم خالص إحترامي وتقديري :shy:

[بوحارب]

ما شاء الله عليج اختي بصمه وموفقه:)

والله يرحم الوالده يارب

[بصمة قطرية]

ما شاء الله عليج اختي بصمه وموفقه:)

والله يرحم الوالده يارب

اللهم آمين ..
الله يرحم جميع موتى المسلمين ..
و يوفقنا أجمعين يارب ~

[واثق بالله]

هذا برنامج محادثه مع الكمبيوتر

ممكن يستفاد منه ........

http://www.pandorabots.com/pandora/talk?botid=dfc609613e341d19

[غالية قطر]

Up



Up



Up

[mrloverman]

شوفي حبيبتي أنا ولله الحمد ولله الفضل وحده ..لغتي الانجليزية ممتازة ..

أنا في حياتي كل شي آخذه بالتحدي.. مرة فالجامعة الدكتور قال نكتة بالانجليزي وكلهم افهموها وضحكوا من صجهم إلا أنا لأني ماكنت أعرف انجليزي فرجعت البيت أبكي ومتحطمة ويومها قررت إني أتقن هاللغة!

ومن عقب هالموقف سويت كل شي أقدر عليه.. كل شي.. لاتكتفين بطريقة وحدة..

أول شي الدعاء الدعاء الدعاء.. وايد دعيت إن الله ييسر لي كل أسباب تعلم اللغة..ويفتح لي الأبواب.. وكنت كاتبة أهدافي من تعلم اللغة واللي كان أبرزها إني أكون خير سفير لديني وإني أأمن شر الأعداء لما أتعلم لغتهم كما أخبرنا الرسول صلى الله عليه وسلم.. وغيرها.. كنت حاطة لستة نوايا وأذكر نفسي فيها كل يوم..

حاولت أصنع حولي مجتمع من الناطقين باللغة الانجليزية عبر الاشتراك في المنتديات الأجنبية في قطر وخارج قطر.. هذا غير المنتديات المتخصصة بتعليم اللغة الانجليزية..وبعد لقيت شات يعلم الإسلام بالانجليزي في موقع الشيخ يوسف استس وكانوا يحددون كل يوم ساعات معينة يدخل فيها داعية ويشرح تعاليم الإسلام..وأيضاً تعرفت على أخوات هناك.. وكان الشات صوتي وأحيانا يجي شخص يلقنونه الشهادة بس يعلنون قبلها عشان نجي.. كان وايد فيه إضاءات كنت أندمج وايد معاهم وأتفاعل وأبكي من ورا الشاشة.. أكثر الناس الموجودين جي يجون يتعلمون حتى مب لازم يشاركون..

وتعرفين الأشياء الصغيرة.. يعني جوالي مخليته بالانجليزي مب العربي.. ونفس الشي الكمبيوتر وغيره.. وكل شي يكون عندي فيه خيار أحوله انجليزي كنت أحوله عشان أخلي الجو اللي حولي كله إنجلش في إنجلش دام اني ماحصلت لي فرصة السفر لممارسة اللغة في الخارج قررت أجيب الخارج عني عرفتي اشلون.. مايصير بعد أحط يدي على خدي وأستسلم..لازم في طريقة مني مناك..

وكنت أقرا الكتب القصيرة البسيطة..

وكنت أتابع بعض البرامج الانجليزية في الإذاعات وأتصل وأشارك بعد.. خخخ والله أيام..

أيضاً تعرفت على أجنبيات في قطر عبر المنتديات وساعدتهم بالإجابة عن أسئلتهم عن قطر والثقافة القطرية وغيرها..و في كثير منهم مسلمات و جو زاروني وتعرفوا على الوالدة الله يطول بعمرها.. وكانت صداقة حلوة ولازالت قائمة لكن مشاغل الحياة خذتني منهم كثير..

وأيضاً طبعاً البرامج الحوارية الأجنبية أوبرا ودكتور فيل وغيرهم.. وكل شي فيه كلام انجليزي تلقيني أنط وأسمع وأسجل الكلمات وأبحث فيها.. وأشغل الراديو وأنام وأخليهم يهذرون انجليزي على راسي..

اممممم .. وشنو بعد.. إي و لقيت في النت مواقع للمراسلة وصار عندي صديقات بالمراسلة.. وبجذي اكتسبت مخزون كبير من الكلمات لأني أركز أبي أكتب شي عدل لول.. وحلو بالمرة تتعرفين على ثقافات مختلفة وناس عايشين في أماكن بعيدة..

وأشياء وايد.. يمكن اللي ناسبني مايناسبج.. بس انتي سوي كل شي تقدرين عليه وصبري على نفسج الموضوع يبيله استمرار ومع الوقت بيصير بدون ماتحسين فيه.. أنا وصلت مرحلة صرت لما أنام أتكلم في الحلم انجليزي خخخخ.. وماعرفت إني أتقنت اللغة صج إلا لما مرة شفت فلم واندمجت فيه عقب جات امي تكلمني وشلت الصوت ا وبعدين لما رجعت أشوف الفلم بدون صوت تفاجأت إن مافي ترجمة تحت بالعربي واني كنت مندمجة من صجي بدون مايكون في ترجمة ولا انتبهت إن مافي.. اهني عرفت إن الحمدلله صار عندي سلاسة في فهم اللغة..

الله يوفقج يارب.. سوي كل اللي تقدرين عليه..

هالرد عجبني حييييييييييييييييييييييييل
تسلمين ع م

[نوت]

واللي ممكن يصيغ ويتكلم الجمل بشكل جيد يعني الأجانب يفهمون منه بس هو ما يستوعب اذا تكلموا هذا وش السواة معه :weeping:

[فيصل 89]

اختي العزيزه عندج اكثر من طريقه للتعليم ..

انا بقولج خلال تجربتي وتعلمي انجليزي

اول شيء انا كنت ضايف ناس انجليز عندي بالاميل وكله اسوالف ويهم عن طريق الترجمه بقوقل وبعدين صرت الكلام من كثر ماترجمه صرت اعرفه وخصوصاً التحيه وسئله عن اخباره ومن هالكلام وبعدين نصحوني بقراة القصص انا عمي درس بلندن كان ماييعرف الحروف يقولي كنت اشتري قصص فيها كاست ويقراء انا دورة عليهم لقيتهم بمكتبة جرير في قصص ويهم سي دي خذي لفل 1 كلماته سهله ومافيه شيء معقد وقصص حلوه تندمجين فيها القصه وقراء ويه عشان اعرف اقره الكلمات مخارج الحروف الكلمه الي ماعرفها احط تحتها خط ودور ترجمتها بقوقل بالجوال لين ماتحسنت بس لما اتكلم مع انجليزي كنت اعرف شقاعد يقولي بس ماعندي طريقة التعبير او الطلاقه ودقة .. سجلت بمعهد انجليزي وفي وايد عندج els وبرتش كانسلت وفي معهد لندن
وفي اشياء لازم تسوينها حولي جوالج انجليزي والاب تب خلي اغلب حوارج ويه قروب انجليزي بالنت او بالمعهد ابحثي عن ترجمة الكلمات الي تحتاجينها بشكل يومي بالحوار والي تواجهين فيها صعوبه طالعي افلام ومسلسلات انجليزيه مو مترجمة ..

وصدقيني النجليزي لغة ممتعه وسلسه وحوارها حلو حتى لا اتقنتها تحس انك جريئ بالحوار تعرف تعبر وتتكلم ونجاز حلو
واي شيء بتسعينله بتجيبينه بس اهم شيء الممارسه وكثرة الاسئله
:)

[غالية قطر]

اختي العزيزه عندج اكثر من طريقه للتعليم ..

انا بقولج خلال تجربتي وتعلمي انجليزي

اول شيء انا كنت ضايف ناس انجليز عندي بالاميل وكله اسوالف ويهم عن طريق الترجمه بقوقل وبعدين صرت الكلام من كثر ماترجمه صرت اعرفه وخصوصاً التحيه وسئله عن اخباره ومن هالكلام وبعدين نصحوني بقراة القصص انا عمي درس بلندن كان ماييعرف الحروف يقولي كنت اشتري قصص فيها كاست ويقراء انا دورة عليهم لقيتهم بمكتبة جرير في قصص ويهم سي دي خذي لفل 1 كلماته سهله ومافيه شيء معقد وقصص حلوه تندمجين فيها القصه وقراء ويه عشان اعرف اقره الكلمات مخارج الحروف الكلمه الي ماعرفها احط تحتها خط ودور ترجمتها بقوقل بالجوال لين ماتحسنت بس لما اتكلم مع انجليزي كنت اعرف شقاعد يقولي بس ماعندي طريقة التعبير او الطلاقه ودقة .. سجلت بمعهد انجليزي وفي وايد عندج els وبرتش كانسلت وفي معهد لندن
وفي اشياء لازم تسوينها حولي جوالج انجليزي والاب تب خلي اغلب حوارج ويه قروب انجليزي بالنت او بالمعهد ابحثي عن ترجمة الكلمات الي تحتاجينها بشكل يومي بالحوار والي تواجهين فيها صعوبه طالعي افلام ومسلسلات انجليزيه مو مترجمة ..

وصدقيني النجليزي لغة ممتعه وسلسه وحوارها حلو حتى لا اتقنتها تحس انك جريئ بالحوار تعرف تعبر وتتكلم ونجاز حلو
واي شيء بتسعينله بتجيبينه بس اهم شيء الممارسه وكثرة الاسئله
:)

إن شاءالله ..راح أتبع نصايحك أخوي ..
وجزاك الله الفردوس الأعلى من الجنة ..
شكراً جزيلاً
تحياتي

[الشيخة شيوخة]

والله الحل الامثل هو لابد ياتى من دولتنا الحبيبة الاوهوفتح المدارس الليلية والمسائيه لتعلم اللغة الانجليزيه من يريد تقوية نفسه يدخل فيها الى ماله نهايه يعنى من الروضه الى مابعد الجامعه والى اقصد به هو الى مايعرف حتى لو قليل يعنى يدخل من صف اول ويستمر تكون الفصول بس مخصصه لذلك يعنى الى يبى يدرس ليلي المواد كلها من اجل ان يخلص مرحلة التعليم غير وتعليم الانجليزى غير فقط انجليزى هذا هو الصح لان مو الكل يقدر يدفع للمعاهد والمؤسسات وحتى لو الشخص يحمل الشهاده الجامعية ويشتغل عادى يدرس فيها من اجل التعلم