مسج من عيادة (القلب)

[السحابة]

السلام عليكم
اليوم ياني مسج الساعة 2 عصرا علي الموبيل ان عندي موعد بتاريخ 12-2-2012 اتصلت علي طول مستشفي الولادة لاني ماراجع الا هم سالتهم قالولي ماطرشنا مسج انزين شيكت الموظفة مره اخري وإلا تقولي موعدك في عيادة القلب وقلت لها مااراجع عيادة القلب الا حج الاطفال عشان ولدي قالت لا موعد لكي انتي صكرت الموبيل وحصلت فعلا اسمي ورقمي الصحي الساعة 9 صباحا واذا حابة اغير الموعد وفي رقم للاتصال تميت اتصل لين الساعة 3 :telephone:مافي رد واليوم الخميس والموعد يوم الاحد اشلون اتصرف اذهب الموعد لاعانه فيهم اللي اعرفة اللي ياخذ موعد لازم يكون عن طريق الطوارئ او المركز الصحي والحمد لله مافيني شئ ليش يفولون علي هل احد يكون راجع باسمي صراحه قلبي هيوجف من الخوف هل في حمله للمواطنين *للاطمئنان علي صحتهم احد صار معه نفس الشئ طمنوني

[الشمالي111]

ما عليج شر ان شاء الله روحي انتي واستفسري بنفسج وما فيه داعي للخوف

[الخزرجي قطر]

ماصار معانا هذا الشي ويمكن بالخطا

[روح الاطلس]

لما كتبتي حملة للمواطنين للاطمئنان على صحتهم ابتسمت :) !!

اختي المسج الوارد كان بالخطأ وهذا الاحتمال الارجح لا تشغلين بالج فيه واحياناً كثيره يتم ادخال بيانات مرضى عن طريق الخطأ اذا راجعتي بولدج عندهم كلميهم بخصوص المسج

[السحابة]

ما عليج شر ان شاء الله روحي انتي واستفسري بنفسج وما فيه داعي للخوف

الشر مايجيك اكيد بروح

[السحابة]

ماصار معانا هذا الشي ويمكن بالخطا

معقوله الخطا يوصل لهذا الحد مشكور علي تواجدك

[السحابة]

لما كتبتي حملة للمواطنين للاطمئنان على صحتهم ابتسمت :) !!

اختي المسج الوارد كان بالخطأ وهذا الاحتمال الارجح لا تشغلين بالج فيه واحياناً كثيره يتم ادخال بيانات مرضى عن طريق الخطأ اذا راجعتي بولدج عندهم كلميهم بخصوص المسج
دوم الابتسامه تفأل ليش لأ يمكن اهتمو بصحة المواطنين
ان شالله يكون خطا بخصوص ولدي براجع في عيادة الاطفال في مستشفي حمد العيادات الخارجية الدور الارضي اما عيادة القلب للكبار مكانها غير نقلو المبني عند الرميلة بشوف واطمنكم