تحذير : زحمة غير طبيعية في حدود سلوي السعودي

[سلطان23]

4 طوابير


والرحمة واصلة 800 متر خارج المركز

تحذير للمسافرين

ما ادري شو صاير

[وطن]

مب زحمة الويك اند ؟؟
اجازه الناس صح ؟؟
مب اجازة نص السنة الحين؟؟

[غايه الطواش]

شي طبيعي
اليوم نهايه الدوام المدرسي وبدايه العطله ناس وايد مسافرين والي راح الهجر وخاصه ان اليوم الخميس فالوضع عادي اشوفه

[سلطان23]

الساعة ١٠ بالليل

الزحمة ٤ طوابير

٨٠٠ متر خارج الحدو

وتقولون عادي

شكلكم اول مرة تسافرون بر

[الجوهره 2012]

الله يعين يا اخوي ..

اغلب اللي اعرفهم رايحيين يا الامارات او يعتمرون ..


لكن الزحمة ممله ..


و بصراحه .. الله يعين الموظفين احب اشكرهم على الجهود المبذوله


والله المستعان

[عميد الريان]

سبب الزحمه نظام التدقيق على الجوازات الي صار له حوالي شهريين

[ضوى]

انا سافرت الثلاثاء الاحساء ، طلعنا ١١ تقريبا من بيتنا ، زحمة مو طبيعية ، عالم وااايد ، وردينا الخميس بعد المركز كان زحمة ، الاكيد عشان اجازة الربيع وناس وايد رايحين صوب نعيرية ، والعمرة والاحساء ، ماشاء الله الاحساء كلها سيارات قطرية

[البحار00]

كلمني اليوم واحد من الربع الساعه ١٠ ونص

يقولي والله ياخوي من جابتني أمي ماشفت زحمه كثر الي شفتها اليوم


على كلامه وصل مركز بوسمرة ٧ الصبح ودخل السعوديه ١٠ ونص

[بوهلال]

نيتي بامشي بعد صلاة الجمعه رايح دبي شكلي باهون بامشي 11 في اليل

[التميمي 3]

أنا أشوف بعض الأنظمه مازالت عقيمه
في الجوازات والجمارك من المنفذين
ثاني شي الصراحه مب عاجبني أبد أبد منفذ السعوديه صغير مره وقديم وحوسه
المفروض يتم تجديده وتوسيعه وترتيبه والله ماقصرت حكومتنا السعوديه بالدعم لهم
بس لاحياة لمن تنااادي

[سلطان23]

أخذت الزحمة مني ساعة ونص

وسبب الزحمة

إجازة المدارس وكثرة المدرسين في الخط

عدم احترام الناس للطابور وخاصة الأجانب الي يوقف سيارته عشان يراجع مشكلة فيزا دخول

كثرة الأجانب لان القطري يمشي بسرعة بينما الاجنبي ياخذ وقت

اما الموظفيين السعوديين فمب مقصرين

[qu.edu.111]

آلله يعيينكــم . .

[ماجد البدر]

سؤال ليش الزحمة بس في مركز السعوديه برغم من ان المسافريين قادمين من قطر

الجواب لان في قطر نظام و في مركز سلوى السعوديه فوضى من نفس المسافريين فوضى في المطابقة فوضى في استخراج فيزا الخدامه فوضى في تعدي على حق الاخريين في السير حتى في ختم التامين

[البدر 8]

اقتراح يوجد عبارات سريعه
ياليت توجد في قطر تشيل
200 سيارة واكثر وفوق 500
راكب وتكون هناك رحلات يومية
الى البحرين ودبي نفس الموجودة في السعودية
التي تنطلق من تبوك الى نويبع في مصر

[الخزرجي قطر]

الزحمه سببها عطل في جهاز الحاسب الالي بمركز سلوى
للقادمبن والمغادرين انا اخذت تقريبا 3 ساعات رغم اني
قادم من السعوديه الى الدوحه حتى تم تشغيل الحاسب الالي

[R 7 A L]

شي طبيعي
1- اجازة الربيع
2- الاجازة الاسبوعية
3- المنفذ الوحيد

[doha2012]

هالفتره زحمه

ذهاب واياب اكثر الناس معطلين مع المدارس

ولايضايقك الا التامين مافيه تنظيم ابد واذا خلصت منه البوابه الخارجيه

مافيها الا مسار واحد وتزدحم السيارات عندها


زحمه في زحمه في زحمه




الله المستعان

[رجل الجزيرة]

نيتي بامشي بعد صلاة الجمعه رايح دبي شكلي باهون بامشي 11 في اليل

أنا مرة وصلت لمركز أبو سمرة الساعة 11:00 في الليل ما خلصت إلا بعد الساعة 12:00 والله يعين الجميع.

[قطريه ماركه]

ان شاء الله يشيلوون الحدود مثل الاتحاد الاوروبي ..........

[عازف الاورج]

انا ان شاء الله رايح يوم الثلاثاء السعوديه مادري بيكون زحمه ولا لا ؟؟


ياريت لو احد يفيدنا

[سلطان23]

مافي زحمة الثلاثا

بس العطلات زحمة

[ANONYMOUS]

الأربعاء اللي طاف ف الليل

كان قدامي سياره ف بوسمره

ويمكن ٣ سيارات ف سلوى

ومشى السيد هوا

حتى ما فتشوا الله يجزاهم خير

وشكرا

[صاحب الذوق]

اخو الله يعين مع بدايه المدارس صدقني لين محطة القحطاني الزحمه

ارجو من في السعوديه يرجع قبل السبت ولا الله يعينه راح يرقد في القحطاني