صدق او لاتصدق اسعار الكروزر موديل 2012 !!!!!!!!!

[وحيد-الشوق]

السلام عليكم ورحمه الله وبركاته


:eek5: :eek5: :eek5: :eek5: :eek5: :eek5: :eek5:

لازم نوقف وقفه ونقاطع شركة تويوتا الفاشله مع مواترهم وخصوصا الكروزر يا اخوان والله الاسعار لاتصدق الجي اكس ار ب238 الف عسى ماشر !!!

هذا برودكاست وصلني امس عالبلاك بيري واتصلت في المعرض وتأكدت وطلعت الاسعار صحيحة :telephone:

الاسعار الرسمية لموديلات 2012

G 178000QR
GX 215000QR
GXR"1" 238000QR
GXR"2" 243000QR
VXR"1" 304000QR
VXR"2" 314000QR

Lexus LX570 403000QR

[اليحصبي]

بس ان شاء الله مافي خلل بالريس :$

[نسيم الغربي]

فكسار 314000 خير أنشاء الله

[بوهلال]

والله تبقي الصدق محد ملزوم يشتري

[لاجل QT]

قاطعوهم خل طيح بجبدهم

المشكلة نشتكى من ارتفاع الاسعار ونسبة الشراء والاستهلاك في ارتفاع

[ريتويت]

اشتري مرسيدس ابرك

[qatarman8008]

الاقبال المتزايد عالتويوتا هو سبب رفع الاسعار ...
اعتقد سيكون هناك طلب متزايد حتى مع الاسعار الجديدة ....

[Qa10]

شالفرق بينه وبين ال2011 ؟
لايكون على الخطوط وكم تغغير داخل واسطابات ؟

[Qa10]

السعر غالي من الشركة ولا من الوكيل ؟

[فقط قطر]

طالما في ناس تشتري...الا بيرفعون...وبيرفعون وانا اخوك

[qatari 111]

التويوتا في دمنا يجري .. روح شوف نص سكان قطر عند وكالة التيوتا .. ولا بعد بالحجز .. والدفعه الاولى اوصلت فالمينا .ز والدفعه الثانيه في شهر 4 .. يعني ماراح تلحق تحجز ..

وين تبي العالم تقاطعه .. نفس الحلم العربي

وبعدين مب التيوتا بس اللي رافعين الاسعار .. النيسان .. الجمس .. الشفر

خلها على الله يارجال

[بوزيد]

للاسف كل الوكالات رافعه بعد الاسعار
حسبي الله عليهم صدق

[كتكوت الوحش]

لاحول الله يارب

[Qtr_Qtr]

هل الارتفاع من عبدالغني ولا الشركه الام

[ضاحي]

حتى لو الشركة الأم رفعت الأسعار كم ربح الوكيل من السيارات ؟؟ هل في ظنكم يربح 10 الف عن كل
سياره ؟؟ الجواب اكيد لا اكثر ..
وين دور حماية المستهلك عن هذي الأرتفاعات في السيارات وغيرهاا من السلع..؟؟

[ساراام]

كامري جي ال 2011 كم سعره بالوكاله؟

[Charisma]

الله يخلي الدول المجاوره

[محمد أبوشيخة]

حسبي الله

[الخاطف]

دراسة ندرسها في المحاسبة

اذا كثر الطلب ، رفعت الاسعار

وانتوا بس تتكلمون وتقولون ارتفعت الاسعار ومع ذلك تشترون

وهذا هي الحقيقة

[بوعلي2]

الاقبال المتزايد عالتويوتا هو سبب رفع الاسعار ...
اعتقد سيكون هناك طلب متزايد حتى مع الاسعار الجديدة ....

:victory:


ضغط كبير على 2012 وراح يشترونه حتى لو يوصل 400 :rolleyes2:

وعقب بيقولون لك الاسعار نار ههههههه

الله يهدي الجميع :)

[Abdulla Mohd]

السلام عليكم

اخوي اي معرض الي قالك عن الاسعار ؟

[snood]

والله كله كلام لا يطبق على ارض الواقع الناس تتسابق دائما على الموديلات الجديدة مهما كانت الظروف لو عن طريق البنوك اذا قطري ما عنده كروزر مش قطري والله انا ماالوم الشركة لان حتى الطلب والحجز دائما بالسباق

[كتكوت الوحش]

أنا كنت اليوم بالبرج والاسعار الي قالها الرجال صحيحه لاني سأبلت وقالوا لي نفس الاسعار

[كتكوت الوحش]

كامري جي ال 2011 كم سعره بالوكاله؟

عندي وحده للبيع جي ال اكس ماشيه الف كيلو اطلعت علي مع التامين الشامل ب 94 الف وابي ابيعها الي يبي يكلمني خاص

[تلفزيون قطر]

والله عبدالغني ذبحنا بالأسعار ولا حسيب ولا رقيب والمؤوت انه معفي من الجمارك من الدولة ولين الحين هو المحتكر في السوق والمورد الوحيد ليش مايفتحون الوكالات ونرتاح منه ويكون فيه تنافس



فالهم الخسارة :anger1: :victory:


ماراح اتعب نفسي وأقول قاطعوهم لان ادري كلامي ضائع وانا اولكم


الشعب يريد إسقاط التيوتا :waiting:





تلفزيون قطر *

[ابوعلي]

وليش ما نصدق اخوي مدام يتراكضون العالم والحجوزات فل

وبصراحة نستاهل واكثر مدام فينا ناس تركض ورا الموديل ومافكروا باستغلال التجار له

[مستر بن]

وأآلله النيسأآن الجديد ,,

ب 280 الف ..

2012

فل اوبشن بس مو جلد ,,

[ASK2]

هههه
سياسية وكيل تويوتا عندنا ينزل اغلب الدفعات في المعارض

والعالم تطلب من الشركه ويقولون لا مافي ع الحجز عشان ضرب الاسعار

وفي الاخير لين الحين تحصل 2008 و 2009 اصفار في معارض خاصه تابعه لتويوتا ..

لعبه × لعبه

ويقولك التويوتا مرغوب ومايطيح سعره والسوق متروس محد يشتري لان سعره نار واللي يبيع يبيع ارخص من السوق والمعارض بوااايد واذا صمل على سعر السوق والمعارض طاح في جبده الموتر !!

[الزجاجي]

^^^^^ اتفق معاك

انا لو ودي اقاطع لكن المشكله اني ما ادور كروزر 2012 انا حاليا ادور حجز مو ملاقي وتقولي مقاطعه !!
بس مدري ليش حبيت الكروزر القديم الي عندي يوم شفت الاسعار :)

[وطن]

المشكله انهم ما يقاطعووون

[بوفهد@]

محد مجبور يشتريه فيه سيارات افضل منه بس المخ مشير على تويوتا تقوله غير تويوتا يطلع لك ايرور

[رآعي موآجيب]

محد مجبور يشتريه فيه سيارات افضل منه بس المخ مشير على تويوتا تقوله غير تويوتا يطلع لك ايرور


اضحك الله سنك يابو فهد

اي والله ايرور :weeping:

انا عن نفسي طلقت التويوتا بالثلاث ، لأن هذي مهب اسعار تدخل المخ على شينكو التويوتا

[المتحدث الرسمي]

.....

شالفرق بين VXR 1 & VXR 2 ؟؟؟ :telephone:

المشكله اغلب الناس تقول خلنا نقاطع

و هم اول ناس حاجزين عند عبدالغني

و بيدفعون وهم يضحكون بعد :omen2:

.....

[S.T.Y.L.E]

سعر اللكزس 2012
النوع الاول
425 ألف
والنوع الثاني
435 ألف

[البرونزي]

صعبه اخوي وايد صعبه

المقاطعه يبيلها رجال
المقاطعه يبيلها عزيمة رجال
المقاطعه يبيلها رجال على كلمه وحده

يقولون لك مقاطعه وثاني يوم تلقاهم مطلعين تويوتا من الوكاله
لاتلوم شركة عبدالغني محصلين لهم مغفــــ ......... يضحكون عليهم

[قرنقووش]

انا لو وكيل تويوتا بخلي الفكسار ٤٥٠ الف واللكزس مليون و٢٠٠ دام عندي زباين
واللي مب عاجبه يشوفله سياره ثانيه

يالربع فكروا فيها عبدالغني كل وزارات قطر تتعامل معاه .. دورياتنا كروزرات .. المطافي الفزعه لخويا .. حتى الأمن الوقائي بوحوض هههههههه
بس باقي كنتاكي يصير عندهم كروزر

[وحيد-الشوق]

هههههههههههههههههههههههههه

ردودكم مالها حل يا اخوان

اشكركم عالمرور

تويوتا قايم سوقها في الخليج فقط انا ماعمري شفت كرورز في اوروبا او امريكا ؟؟؟؟ واذا شفت تلاقي بالغلط :rolleyes2:

والله المقاطعه مايبيلها شيء صحيح انا موتري تويوتا ماخذه من 2008 بس مب كروزر :) وانا قطعت وعد على نفسي مستحيل اخذ كروزر :secret: << ان شاء الله مابغير كلامي اذا الله احياني ههههه

الله يهدي البعض من ربعنا يحط على ظهره دين ويسحب سلفيه 300 الف واخرتها راكب كروزر تفكير ومنطق غريب :rolleyes2:

الو حماية المستهلك :telephone:

[كتكوت الوحش]

^^^^^ اتفق معاك

انا لو ودي اقاطع لكن المشكله اني ما ادور كروزر 2012 انا حاليا ادور حجز مو ملاقي وتقولي مقاطعه !!
بس مدري ليش حبيت الكروزر القديم الي عندي يوم شفت الاسعار :)

اتصلوا الشركه وخبروني انه السياره الي حجزتها وصلت وسلمت افلوسها يمكن اليوم استلمها او بكره وبنالسبه للسعر عطوني الجي اكس ب 208 الاسعار الي انذكرت مو صحيحه

[البيت بيتك]

طالما في ناس تشتري...الا بيرفعون...وبيرفعون وانا اخوك
صح كلامك والله

[وحيد-الشوق]

اتصلوا الشركه وخبروني انه السياره الي حجزتها وصلت وسلمت افلوسها يمكن اليوم استلمها او بكره وبنالسبه للسعر عطوني الجي اكس ب 208 الاسعار الي انذكرت مو صحيحه


اخوي انا مانزلت الموضوع الا قبل ما اتصل المعرض واتأكد والاسعار نفس الي في الموضوع بالضبط

اخيرا مبروك عليك الموتر اكيد عطوك خصم ﻷنه الفرق 7000 يعني ماسويت شيء جي اكس 6 سلندر ب208 تشوفه يسوى! !!!!!!!!!!!!!!!!!!!!!!!!!!

[بوجاسم566]

G 178000qr
gx 215000qr
gxr"1" 238000qr
gxr"2" 243000qr
vxr"1" 304000qr
vxr"2" 314000qr


الجي استاندر اب 180 الف تقريبا

شنو فيه غير سكان و مكيف !!! حتى سي دي مافيـه

بسعرة اطلع لي دينالـي او يوكن اب 140 الف احسن لي بالف مره


والجكسار 250 اجوف لي فيه بورش مستعمل او اطلع لي اودي او طوارق من الوكالة !!

[khaldoon]

و الله يا اخوي هالموضوع هذا يتكرر نفسه كل سنه و اللي سبقك و حط الموضوع في السنوات الماضية سوى مثلك بالضبط و حط الاسعار و الاعضاء انتقدوا و زعلوا و شجبوا و استنكروا و بالاخير نلاقيها في كل الشوارع و السعر بزيد كل عام

نفس القصه بتتكرر كل عام

[المزاجي قطر]

انا واللة اخذ بورش ابرك لي من لكزس ولا مرسيدس ولا بنتلي مستعمل ابرك من لكزس ولا الفكسار شنو فية حق هالسعر

[كبير المجلس]

لو اطلقنا دعوه على المنتدي لمقاطعة منتجات تويوتا ، والله عبدالله بن عبد الغني ينزل الأسعار النص !

[كبير المجلس]

كل مره اسأل .. ليه اللاند كروزر هي الاكثر في قطر وفي المقابل لاتحتوي على الإمكانيات التى تدفع فيها ..الحقيقة ..مسخرة الى بيحصل

[بوحارب]

طز في التويوتا !! :telephone:

[المبرمج صلاح]

http://2.bp.blogspot.com/_7OzHnFnhAhw/Sc0kZc6pZhI/AAAAAAAAAeo/Myo5RoQOnt8/s400/1.jpg
بالتوفيق ان شاء الله

[Charisma]

شكلك ماشفت اسعار لكزس المعارض ؟
هههههههههههههههههههههههههههه

490 .. لا وتبي تضحك بعد؟ غير قابل

[المقاول]

حتى لو وصل السعر مليون ريال . شارين شارين الله يسلم البنوك :telephone:

[طرف محايد]

تفكير تجاري صحيح 100%


هم يشوفون العالم بتشتر يه لو يوصل مليون


في المنطق التجاري البسيط اني أرفع السعر


لا نلوم الشركة الأم أو الوكيل


هذا شغل بزنس



دام فيه إقبال وشراء بأي سعر يعر ض ماراح ينزل السعر


إلافي حالة واحدة كلكم تعرفونها

[ملك المشاعر]

مفروض نبحث عن بديل للتويوتا

كل سنه يزيد في الاسعار:rolleyes2:

[Dream Team]

والله ياجماعه بلا مقاطعه وبلا خرابيط واتركوا عنكم الكلام الفاضي

كل واحد مخه فراسه ويعرف يفكر ويعرف الصح من الغلط ويفرق بين كوعه وبوعه

سياره تبي تشتريها ولقيتها غاليه .. ياخي مب لازم تشتريها .. بتلاقي مليون بديل بيأدي لك نفس الغرض اللي احتجت فيه هالسياره

يعني لو قلت تبيها حق البيت .. يعني توصل في الأهل ولا حق السوق ولا حق سفر ولا ولا .. ففي مليون بديل للكروزر

عندكم فورد وجمس وشفر ودودج وهوندا وغيرهم .. حبكت يعني إلا تويوتا

تبي وعجبك السعر وتقدر عليه خذ .. تبي بس السعر مب عاجبك فشوف لك سياره ثانيه .. يمكن تكون أخير لك