* تجاربكــــم مع البوفيــــه المفتوح وألذ الاطباق *

[روح الاطلس]

السلام عليكم ورحمه الله


هالموضوع لعرض تجاربكم مع افضل البوفيهات المفتوحة داخل البيت وين أحسن مطعم جربتوه وكان الاكل لذيذ وخدمة راقيه وشي يبيض الويه :nice:

عندي عزيمة وابي اجرب اطلب البوفيه من مطعم لعدد مب كبير حوالي 20 الى 25 شخص

ياليت تفيدونا بقائمة الاطباق المجربه من المطاعم اللي تقدم خدمة البوفيه وسعر الشخص الواحد.

[بوعلي2]

الله يبلغج مرادج ويفيدونج الاخوان والاخوات

[smooth]

شوفي حبيبتي انا في حفلة تخرجي طلبت بوفيه من الي فرانس
الشخص الواحد 100ريال واااايد اكلهم حلو وراقي

[ريتويت]

مطعم تركيا المركزي او الخيمه او فينيسيا

[غايه الطواش]

البتيل والنادي الدبلوماسي وفوشون

والحلو في فوشون ان السيرفس عندهم معلمينهم السنع سواء صب القهوه او الشاي وحتى المدخن ....

اختي بما ان العدد مب طبير انصحج بفوشون
سواء بالتقديم فبل العشا او العشا او الضيافه خذي كل شي من عندهم وريحي عمرج

[شميرام]

لا نتور عجيب

[آنا غيــر]

انا احب فوشون سواء من ناحية تنظيم البوفيه والاضاءات اللي يحطونها عالطاوله بعد والاكل

[قلم صادق]

عفوآ من صاحبه الموضوع بكم الشخص عند فوشون

[روح الاطلس]

فوشون اللي سمعته مايحط اكل راهي يحط شوي ويفشل اقل من عدد المدعوين يعني لو ناوين على 20 لازم نطلب لـ 40 شخص عشان يكفي الـ 20 !!

[آنا غيــر]

مادري والله ياروح الاطلس ماحسيت بهالمشكله او يمكن غيروا الحين فالآونه الاخيره

[الراقيه سبشل]

في النادي الدبلوماسي وفي البندر وفي البيت الشامي

[روح الاطلس]

الراقية جربتي البيت الشامي؟؟ انا اتصلت له قال البوفيه للشخص الواحد بـ 85 بس مدري عن الاكل حلوه اطباقهم وتنأكل ولا ما يسوى ؟

[ضوى]

اختي العزيزة

البيت الشامي طلبت اكثر من مرة واكله حلو بس مش مميز الا بالكبة الاقراص وورق العنب داخل الخروف ، اما باقي الاطباق فهي هي في فينيسيا و الخيمة المجلس ..الخ

تبين شي مميز وحلو عندج الاوبرا ، من شهرين تقريبا سويت عندهم بوفيه سناك مسائي خفايف بس حلوة وايد ووميزة وشي جديد . طبعا شامل الحلو والعصاير والشاي والنسكافيه والماي مع ثلاث فلبينات للخدمة ، واجرت من عندهم سبع طاولات بست كراسي للطاولة مع التزيين كله كله طلع علي ٣١٠٠ وجبت صينيتين عيش ولحم حجم متوسط ب٦٠٠ من مشوار الخليج ،وسويت معكرونة باشميل باثنين بايركس متوسطين وحطيتهم على طاولة البوفيهلاني قلت له ضيف لي طاولة للصينيتين وماقصر عطاني مجاني لا وتحتهم شمعة التسخين والصراحة التزيين وايد كان حلو وعلى كلطاولة باقة ورد طبيعي حلوة وباقة كبيرة على طاولة البوفيه ، بجد كان شي حلوووايد مميز والكل سال، لانه كان شي جديد ومش تقليدي ( طلبنا كان لاربعين شخص وعطانا ٧ مجاني )

[ضوى]

شي اضافي ، الفلبينات كانوا راقيات جدا ، وخدموا من قلب خاصة في تقديم الشاي والنسكافيه والعصاير بجد ريحوني وريحوا خدم البيت

[الراقيه سبشل]

الراقية جربتي البيت الشامي؟؟ انا اتصلت له قال البوفيه للشخص الواحد بـ 85 بس مدري عن الاكل حلوه اطباقهم وتنأكل ولا ما يسوى ؟


اكلهم عجييييب والمشاوي مالتهم شي طيب

[روح الاطلس]

ضوى تسلمين يالغالية على الافادة بس اللي خلاني ما افكر في اوبرا اني حضرت عزيمه وكانوا جايبين من عندهم بس كان جدا عادي اربع صواني اطباق رئيسية وكم صحن مقبلات والحلا كنافه وكان الترتيب عادي جدا جدااا مب مميز ولا فيه ورد ولا شي واكثر شي عجبني الفلبينيات للضيافه صح خدومات ويعرفون السنع وصب القهوه على الضيوف بس بوفيه العشا حسيته عادي والاكل عادي والطاولات شراشف بيضا بدون تزيين مدري الظاهر التزيين والاضافات سعر بروحه يمكن وماكانوا طالبينه

[ضوى]

ضوى تسلمين يالغالية على الافادة بس اللي خلاني ما افكر في اوبرا اني حضرت عزيمه وكانوا جايبين من عندهم بس كان جدا عادي اربع صواني اطباق رئيسية وكم صحن مقبلات والحلا كنافه وكان الترتيب عادي جدا جدااا مب مميز ولا فيه ورد ولا شي واكثر شي عجبني الفلبينيات للضيافه صح خدومات ويعرفون السنع وصب القهوه على الضيوف بس بوفيه العشا حسيته عادي والاكل عادي والطاولات
شراشف بيضا بدون تزيين مدري الظاهر التزيين والاضافات سعر بروحه يمكن وماكانوا طالبينه

غريب ، على فكرة انا ماطلبت بوفيه عشا ، كان بوفيه سناك مسائي ماتجي معاه الطاولات ، بس الفلبينات ، والطاولات اخذتها من عندهم ايجار ، فعلا الشراشف كانت بيضا بس مزينة بشيفون عنابي وورد عالطاولات وكان من ضمن الايجار مب شي اضافي

[ضوى]

اها وشي ثاني اطباقهم كانت خمس انواع سندويشات ، ومقبلات ساخنة وباردة وكبه وفيه كم شي مب متذكرتهم بس تقريبا في حدود ثمان اطباق والسندويشات مهب مني اكبر من المني بشوي بس بجد كان حلوووو وماتوقعت بهالسعر حسب لناالشخص على ماتذمر ب٥٤

[بصمة قطرية]

احس افضل مكان البتيل ..

[للصبر اخر]

انا جربت الربووه
بس ما اعتقد معاهم سيرفز
وجربت فوشون اكلهم ماعجبني
وجربت البيت الشاااامي
بصراحه رائع

[qtr-1st]

اسمحولي على المداخله أنا مع الأخت ضوئ بوفيه الأوبرا لايعلى عليه

أنا حجزته بخطوبتي وكان نفس ماقالت

الأخت ضوئ شئ عجيب من ترتيب والكل سأل عنه وعفوا أختي

وحضرت بوفيه لفوشون ألترتيب والتنظيم نفس الأوبرا مايفرق بس بالسعر

[chillis]

فندق الماريوت

[البحار00]

أنا جربت البيت الشامي كذا مرة

وكل مرة يبدع عن المرة الي فاتت

[بوسلمان 2010]

مطعم البيت الشامي حلو وايد

[وجه ابن فهره]

يسمحون لي اخواني انا جربت البيت الشامي تعشينا فيه انا والبابا ويجيب الهم مشاويهم طعم عنز :rolleyes2:

[بصمة قطرية]

جربت من فترة بسيطة بوفيه ديوانية البخاري ..
بصراحة لذيذ و سعرهم حلو ..
حسبوا لي 30 شخص بــ 2100

[روح الاطلس]

طلبت من البيت الشامي والحمدلله الاكل طلع حلو وكأنه طبخ بيت لا زفرة ولا شي مب ناضج وترتيب المفارش والطاولات كان حلو وحتى المشروبات والماي وفروه

طلبي كان لـ 20 شخص والاكل اشكثر زاد يعني يكفي لحوالي 40 شخص بسعر 1700 ريال وحتى الطاولات جهزوها هي والسخانات من الظهر ووقت العشا جابوا الاكل بالضبط في نفس الوقت اللي طلبناه

وكان المنيو فيه حوالي 11 صنف مقبلات باردة وساخنه
وتقريبا 7 اطباق رئيسية
و 7 حلويات مختلفه والكل انهبل على كنافته :)

هذي تجربتي مع البيت الشامي

واشكركم على النصايح

وبانتظار باقي تجاربكم مع البوفيهات ^_^

[عابر سبيل]

^^^^
فيه العافية
و سفرة دايمه...

ما اعرف ان كان حد جرب
"شبستان"...
سويته مره في حفل بالعمل عندنا..قبل
سنتين تقريبا
و كان الطلب ل 100 شخص..

تخبلت الاداره على البوفيه
و صار من اكثر المطاعم اللي
تطلب منه حتى الادارات الثانية
و حتى سمعت ان "البج بوس"
سوى بعض المناسبات لضيوفه الرسميين
من الخارج ... من عندهم..


فعن سؤالج عن الاكل الوافي
و الصواني المليانه...ابشرج على خبري
ان "شبستان" من افضلهم في هالمسألة...
و صرت حتى في عزايمنا في البيت و ضيوفنا
في مجلس العائلة الكبير..اسوي من عندهم
صواني العيش و اللحم و هم يحطون
شوية سلطة و روب و اخيار...و انا اضيف
طلبات جانبية لمقبلات متنوعة و الصالونه.
و لو انهم اغلى من غيرهم...بس اكلهم دايما
وافي و يبيض الوجه جدام الضيوف..


بس...عن خدمتهم و توفير المضيفين...
في عزيمة العمل..مضيفينهم اعطيهم
b- ...و ما الومهم لان كان العدد كبيييير...
و للحق ما جربناهم في عزايم
للحريم عشان نفيدكم ان كانوا يوفرون
مضيفات للخدمه و كيفية ادائهم..
*
*
،،
موضوع موفق و مفيد جدا اختي..
بارك الله فيج و في كل من شارك بالمعلومات المفيدة

[أمة الله]

من فتره جربنا بوفيه مطعم زمان الخير....الصراحه حلوووو و الكميه ماشالله كبيره وكافيه
اعتقد انه حسب لنا ٣٠ شخص بحول ١٣٠٠

[روح الاطلس]

^^^^
فيه العافية
و سفرة دايمه...

ما اعرف ان كان حد جرب
"شبستان"...
سويته مره في حفل بالعمل عندنا..قبل
سنتين تقريبا
و كان الطلب ل 100 شخص..

تخبلت الاداره على البوفيه
و صار من اكثر المطاعم اللي
تطلب منه حتى الادارات الثانية
و حتى سمعت ان "البج بوس"
سوى بعض المناسبات لضيوفه الرسميين
من الخارج ... من عندهم..


فعن سؤالج عن الاكل الوافي
و الصواني المليانه...ابشرج على خبري
ان "شبستان" من افضلهم في هالمسألة...
و صرت حتى في عزايمنا في البيت و ضيوفنا
في مجلس العائلة الكبير..اسوي من عندهم
صواني العيش و اللحم و هم يحطون
شوية سلطة و روب و اخيار...و انا اضيف
طلبات جانبية لمقبلات متنوعة و الصالونه.
و لو انهم اغلى من غيرهم...بس اكلهم دايما
وافي و يبيض الوجه جدام الضيوف..


بس...عن خدمتهم و توفير المضيفين...
في عزيمة العمل..مضيفينهم اعطيهم
b- ...و ما الومهم لان كان العدد كبيييير...
و للحق ما جربناهم في عزايم
للحريم عشان نفيدكم ان كانوا يوفرون
مضيفات للخدمه و كيفية ادائهم..
*
*
،،
موضوع موفق و مفيد جدا اختي..
بارك الله فيج و في كل من شارك بالمعلومات المفيدة


يعافيك يارب

مافكرت اكلم شبستان مدري احس كل اكلاته عيوش:secret: واحنا مو لهناك بالعيوش

بس بجرب اطلب المنيو واشوف بما ان تجربتك مشجعه تحمست له وتم اضافته الى القائمة :nice:

ربي يسعدك

[روح الاطلس]

من فتره جربنا بوفيه مطعم زمان الخير....الصراحه حلوووو و الكميه ماشالله كبيره وكافيه
اعتقد انه حسب لنا ٣٠ شخص بحول ١٣٠٠


ميرسي أمه الله على الاضافة

[بو الجوري]

عليكـم بالعافيه البوفيه إختي روح الأطلس :.. :)

و شكراً على طرح التجربه :..

هو معروف دايما إذا عدد اللي بيتعشون 30 مثلا إطلبوا البوفيه لـ 25 :..
لأنـه أغلب المطاعم لما يقولون إن البوفيه لـ 30 ، هو فعلياً يكفي 40 :)

[ملاك]

زمان الخير

و

الدمشقي

(: