احسن مطعم سمك؟؟

[بـومحمد]

مرحبا
ابي اعرف احسن مطعم يطبخ سمك وزفر عن تجربه لو سمحتو لا تجربون فيني ؟؟

[feva qatar]

اسماك الخلييج فالمرخيية شي شي شيي .. احب الكبسة عندهم وصافي مقلي .. او محمر

وعندك السمكة الذهبية اعتقد كذا اسمة .. وبحر الخليج فالغرافة ..الاهل يحبون السمك من عندهم

بس انا افضل اسماك الخليج

[ريتويت]

مطعم تندور

[تحداني]

السلطان ابراهيم / الانتر
لوزار / كتارا
الحبارى بوفيه سي فود الاربعا والخميس
المحار / سوق واقف



جملك الله برضاه

[بـومحمد]

مشكورين وماقصرتو ا
اذا بروح بعزمكم

[AL-MAYSTRO]

مطعم بحر الخليج فالغرافه صوب محلات التلفونات

ولا اروع

[ASK2]

بحر الخليج اعتقد اسمه في سوق الغرافه

راعيه كواري بحريني سمك ع كيف كيفك

وعندك البحار الصغير مقابل عسكر ع شارع الخليج

واذا تبي شي راقي كتارا مطعم لوزار

وبالعافيه مقدماً :)

[السحابة]

احلي سمك وربيان اكلته ولاانساه عزمني ابوالشباب كان مطعم الماريوت كان بيسوي كل ثلاثاء سي فود روووووعه شوي عليه وفريش لايفوتك*بس ماأدري للحين نفس اليوم يسونه

[بوحارب]

بوحمود اسماك الخليج في المرخية ماااااله حل

[البسطة]

الاسماك السريعه شارع المطار

[بوراشد82]

لوزار في كتارا .. شي مب طبيعي

[أسير الاسهم]

مطعم السمك المفضل مقابل قصر لكزس شارع النصر .. اذا تبي تاكل بحري
وذا تبي تروح مكان حلوو يعني شكل المطعم حلوو واكله عادي روح لكتارا

[كازانوفا]

بالنسبه لي الشيراتون كل ثلاثا واربعاء بوفيه مخصص لسي فود

[khaldoon]

طيب حطوا لنا اسعار البوفيه لو سمحتوا

[حسن]

بوحمود اسماك الخليج في المرخية ماااااله حل

عجل انت ماجربت جلال اتصدق سوى حق الربع مشخول ربيان البارحه ولد عمي يقول حق ولده عزوز بس خلاص ويرد عليه يبه المشخول حار وحلو ماقدر اقوم تقول مخدر
الله يفكك ياجلال من عيون المنصوري

[حسن]

طيب حطوا لنا اسعار البوفيه لو سمحتوا

ياخلدون انت شتبي بس امر تبي تشوف طبخ جلال

[khaldoon]

ياخلدون انت شتبي بس امر تبي تشوف طبخ جلال

ما يؤمر عليك عدو يا الغالي

ما اعرف مين جلال ولا طبخه:rolleyes2:

ابي اسعار البوفيه للمطاعم اللي انذكرت فوق لو تتكرم يا اخوي علشان تكتمل الفائده للجميع :nice:

[حسن]

ما يؤمر عليك عدو يا الغالي

ما اعرف مين جلال ولا طبخه:rolleyes2:

ابي اسعار البوفيه للمطاعم اللي انذكرت فوق لو تتكرم يا اخوي علشان تكتمل الفائده للجميع :nice:

والله يااخ خلدون انا للاسف مش من رواد المطاعم افضل اكل البيت وخصوصا الشيف جلال
المطاعم مادخاها الى برع مسافر اما هني نو وي ان دز لك برياني ربيان جلال وجرب ب ها حاسب على صحنا تراه مهب للاكل

[بو خليفه 123]

شخصياً عندي مطعمين يقدمون افضل سي فود

عندي مطعم للكشخه و الطلعه و مطعم له قعده خاصه بالصروال والفانيله و تربيعه على الارض بالصاله


1- لوزار في الحي الثقافي

2- اسماك الخليج في المرخيه .. تاخذه و انت معوّد البيت


جعل فيه العافيه

[FCB 123]

عن تجربة

أسماك الخليج - أولاً
الصياد الصغير - ثانياً
لوزار كتارا - ثالثاً

بالعافية مقدما

[بـومحمد]

شخصياً عندي مطعمين يقدمون افضل سي فود

عندي مطعم للكشخه و الطلعه و مطعم له قعده خاصه بالصروال والفانيله و تربيعه على الارض بالصاله


1- لوزار في الحي الثقافي

2- اسماك الخليج في المرخيه .. تاخذه و انت معوّد البيت


جعل فيه العافيه

هذا الي ندوره قعده خاصة زنجفره وصروال

[بـومحمد]

اشكر الجميع على ردودهم ومشاركتهم