شباب استفسار عن ارتفاع الملاحق والمجلس الخارجي

[العرّاف]

شباب عندي استفسار عن الارتفاعات للملاحق والمجلس الخارجي

انا لقيت موضوع قديم من 2009 للاخ العضو الوفي


هلا أخوي moyen orient.....
الحد الأقصى الي سامحه البلدية فيه من الخارج 3.50 شل الطابوقتين مال سطح الملحق من 20 سم لكل طابوقه يصفى 3.10 يعني 40 سم راحت شل بعد الجســــــــر تقريبا من 20سم الى 30 سم حسب الخريطة انقول الاغلبية من 30 سم......يصفى 2.80 الصافي بالداخل ...
لكن هذي تجبرك البلدية بالملاحق الخارجية للمطبخ الخارجي وملاحقه......بس تقدر تخاطب البلدية واطالب ب4 متر للمجلس الخارجي بحجة الجبس والثريات وايد خذو تصريح من هذي الناحية.........
لو خذيت ال4 متر طبعا من الخارج بيصفى لك 3.30 وهذا يكون عجيب للمجلس لان الزود بيصير معاك على شكل أسطواني ومب شي ......الا في حالة المجلس أكبر من مساحة 12*7 وهنا يكون فخم علشان الجبس والثريات......
تحياتي لك وأتمنى لك التوفيق يالغالي

حد ممكن يوضح لنا بالضبط كم ممكن يكون الارتفاع من الارض والمسافة الكلية داخل المطبخ

لان انا بيتي مرفوع عن الارض متر لان تحته بيسمنت على كبر البيت

واذا رفعت الملحق على الاقل نص متر لان المسافة بينهم مترين ويدوب تكفي للدرج ينزل نص متر

كم بيكون لي داخل الملحق مسافة بين ارض المطبخ والسقف

طيب واذا انا حاط مجلس 9*6 خارجي ومطعم 5*6 كم بيكون الارتفاع المسموح ... لاني ناوي على الدكت في التكييف

صراحة كلام الوفي مش مفهوم

لان قال عندك للمطبخ توتال 3.5م وشل 0.4 م للطابوق و0.3 م للجسر باقي 2.8 الصافي للداخل ...طيب وين راح ارتفاع ارضية المطبخ عن ارضية الحوش ... هاي النقطة الي مافهمتها

الرجاء الي عنده فكره يعلمني :rolleyes2:

[khaldoon]

معنى كلام الوفي انه ارتفاع منسوب سقف الملحقق 3.1 و زيد عليهم طابوقتين كتصوينه او حيطه قصيره على داير سطح المحلق = 3.1+0.20+0.20=3.5م (كل طابوقه ارتفاعها 20 سم= 0.2م)

بعدين قال بما انه ارتفاع السقف للملحق هو 3.1 فالجسر عادة بيكون 30سم عمق فقال انه 3.1-0.30= 2.80م صافي للداخل ...يعني سقف الغرفه داخل الملحق بيكون 2.8م و هذا الكلام مع احترامي له غير صحيح

الحين السقف كارتفاع 2.8 من فوق بيكون فيه جسر سمكه 30سم مثل ما قال بس السقف نفس بيكون سمكه 15سم فقط يعني بيصفي له فعلا =3.1-0.15=2.95م و ليس 2.8 لانه الجسر بيكون ساقط و اخفض من منسوب السقف نفسه و يسمى drop beam

اما الجسر فبيكون تحته حوائط



حد ممكن يوضح لنا بالضبط كم ممكن يكون الارتفاع من الارض والمسافة الكلية داخل المطبخ

ما عندنا خرايط علشان نقولك كم ارتفاع سقف المطبخ من فوق و من تحت و كم الصافي عندك؟ ....سماكة السقف تكفي 15سم فشوف ايش مكتوب على الخريطه من منسوب الارضيه و البلاط و ايضا منسوب السقف و خبرنا

حط مقطع لخريطة المطبخ علشان نجاوبك

الملحق ارفعه عن منسوب الحوش 15 سم بيكون كافي و هذا اللي اشوفه عادة يعني ما يكون بنفس ارتفاع منسوب الفيلا عن الحوش...بيكون اقل

ارتفاع الفيلا بالعادة 3-5 درجات عن الحوش بس الملحق 15 سم يعني درجة واحده

[العرّاف]

معنى كلام الوفي انه ارتفاع منسوب سقف الملحقق 3.1 و زيد عليهم طابوقتين كتصوينه او حيطه قصيره على داير سطح المحلق = 3.1+0.20+0.20=3.5م (كل طابوقه ارتفاعها 20 سم= 0.2م)

بعدين قال بما انه ارتفاع السقف للملحق هو 3.1 فالجسر عادة بيكون 30سم عمق فقال انه 3.1-0.30= 2.80م صافي للداخل ...يعني سقف الغرفه داخل الملحق بيكون 2.8م و هذا الكلام مع احترامي له غير صحيح

الحين السقف كارتفاع 2.8 من فوق بيكون فيه جسر سمكه 30سم مثل ما قال بس السقف نفس بيكون سمكه 15سم فقط يعني بيصفي له فعلا =3.1-0.15=2.95م و ليس 2.8 لانه الجسر بيكون ساقط و اخفض من منسوب السقف نفسه و يسمى drop beam

اما الجسر فبيكون تحته حوائط



حد ممكن يوضح لنا بالضبط كم ممكن يكون الارتفاع من الارض والمسافة الكلية داخل المطبخ

ما عندنا خرايط علشان نقولك كم ارتفاع سقف المطبخ من فوق و من تحت و كم الصافي عندك؟ ....سماكة السقف تكفي 15سم فشوف ايش مكتوب على الخريطه من منسوب الارضيه و البلاط و ايضا منسوب السقف و خبرنا

حط مقطع لخريطة المطبخ علشان نجاوبك

الملحق ارفعه عن منسوب الحوش 15 سم بيكون كافي و هذا اللي اشوفه عادة يعني ما يكون بنفس ارتفاع منسوب الفيلا عن الحوش...بيكون اقل

ارتفاع الفيلا بالعادة 3-5 درجات عن الحوش بس الملحق 15 سم يعني درجة واحده

تسلم اخوي خلدون على التوضيح ..

انا لين الحين ماخلصت مع المهندس من الخرايط .. بس كل مره انصدم بالقوانين .. الارتدادات والارتفتعات بس حبيت اتاكد منكم عن القانون وعن الاستثناءات
مثل ماقالوا الاخوان تقدم طلب لرفع سقف الميلس لاني بركب دكت سبلت وخبرك يبيله 40 سم

وجزاك الله خير

[شاه بندر]

السلام عليكم
اخوي أنا واجهتني نفس للمشكله في بيتي في روضه الحمام
ما قصر معاي الاستشاري خلصلي الموضوع
لان القانون يقول اذا الملحق ملاصق لجار يكون الارتفاع كحد اقصى 3.5 من الخارج وهذي كانت مشكلتي مع المطعم الخارجي فرفعت المطعم الى 4.5 للمطعم مع المغاسل والحمام لأني بركب دكت اسبلت اما المجلس فهو بعيد عن السور والجار فكان ارتفاعه من البدايه 5.3 عشان التكيف ( دكت اسبلت )

[العرّاف]

السلام عليكم
اخوي أنا واجهتني نفس للمشكله في بيتي في روضه الحمام
ما قصر معاي الاستشاري خلصلي الموضوع
لان القانون يقول اذا الملحق ملاصق لجار يكون الارتفاع كحد اقصى 3.5 من الخارج وهذي كانت مشكلتي مع المطعم الخارجي فرفعت المطعم الى 4.5 للمطعم مع المغاسل والحمام لأني بركب دكت اسبلت اما المجلس فهو بعيد عن السور والجار فكان ارتفاعه من البدايه 5.3 عشان التكيف ( دكت اسبلت )

هلا شاه بندر .. ياخي كلامك جميل ... انا بعد بروضة الحمامة .. بس سوال اشلون رفعت 4ونص .. خذت استثناء لو دفعت مخالفة
بعدين انا المجلس والمطعم لازقين بالجار بس جاري ولد عمي هل يساعدني هالشي اذا اجيب كتاب منه او شي

بعدين انت المطعم والمجلس مب مبنى واحد .. مافهمت هالنقطه اخوي اشلون كل واحد ارتفاع غير

[almaf1a]

4 متر للمجلس الخارجي لانه فاتح على الشارع
اما الملاحق 3.5 على الجار

[المــستشار]

مرحبا اخوي

انا نفس المشكلة واجهتني .. مما جلعني ابعد المجلس من طوفة الجار 1.5م عشان ارفعة 4م

اما الملحق ماقدرت ارفعة لانه لاصق في طوفة الجار

والله يتمم عليك ويسهل عليك كل هالامور وتسكنة بالعافية

[كود نمبر]

ملحق المطبخ عندي ارتفاعه 3.6

[العرّاف]

4 متر للمجلس الخارجي لانه فاتح على الشارع
اما الملاحق 3.5 على الجار

مرحب اخوي almaf1a

انا المجلس والمطعم لازقين بطوفة الجار مع الملحق يعتي جاين على شكل حرف L

اقدر ارفع سقف المطعم والمجلس اكثر من ارتفاع سقف الملحق لاني باحط دكت للتكيف وجبس

[العرّاف]

مرحبا اخوي

انا نفس المشكلة واجهتني .. مما جلعني ابعد المجلس من طوفة الجار 1.5م عشان ارفعة 4م

اما الملحق ماقدرت ارفعة لانه لاصق في طوفة الجار

والله يتمم عليك ويسهل عليك كل هالامور وتسكنة بالعافية

هلا اخوي المــستشار .. يعني مافي حل ثاني

[العرّاف]

ملحق المطبخ عندي ارتفاعه 3.6

هلا اخوي كود نمبر .. انا ماعندي مشكلة بالمطبخ انا مشكلتي بالمجلس والمطعم