الله يعينك ياالمريض

[الوجبه]

بسم الله الرحمن الرحيم

من يومين كنت في زياره لمستشفى (حكومي) في هذا البلد الجميل ..

المهم عندهم نظام (ممنوع) ادخال الطعام للمستشفى سواء الممرضات او المريض ..

تشوف المستشفى من الداخل نظيف ومرتب .. وتقابلك الموظفه بابتسامه .. ومااتحصلها

مشغوله باكل او غيره ..


السبب اللي خلاني اكتب الموضوع ..

من كم سنه تقريبا .. كنت في زياره لمستشفى حمد العام ..

استغربت من الصواني والترامس اللي داخله واللي طالعه .. اكل من كل نوع ..

ساقو .. وعصيد .. بلاليط .. بيض مفيوح .. هريس .. جبسه هوامير .. ..

وكي عديناها .. مايخالف ..

لكن تروح دور من الادوار .. وتستاذن من 4 موظفات يقولون لك لحظه شوي ..

لحظه .. انتظرنا ..

قلت اشوف ليش لحظه ..

قلت الله يستر ما احصل لي كلمه ..

المهم اخذت (نظره) سريعه لمكتبهم ..

والله هذي نظره سريعه .. لو مطول بعطيكم تفاصيل اكثر ..

سجل عندك :

1. حمص
2. فول
3.رويد
4. خس
5 جرجير
6. راس بصله تشوفها من كيلو ونص
7. غرشه فلفل
8. علبه من مطعم مش عارف اسمه .. وحده منهم جايبته ..
9. عدد 5 بيبسي
10. خبز لبناني على الكراسي .. المكان ضيق ..

المهم

انتظرت شوي ابيها تفتح الباب ..

دقيت الباب شوي شوي ,, والله الصراحه كنت خايف .. يجيني حمص ولا غرشه فاضيه ..

جاتني وحده تمسح وجهها بكلنكس .. نعم

اختي لو سمحتي الباب ابي ازور مريض ..

فيه العافيه اختي .. الله يعافيك .. ادخل .. انشاء الله

دخلت للمريض .. ريحتك بصل من وين جاي .. ؟؟؟



..

الحكمه من الموضوع

لا اتنقشر حريم ياكلون

[intesar]

ليش ما يسوون مطاعم وبوفيهات محترمة للي ينام بجانب المريض.. لأن أكل المستشفى حتى لو حلو.. تحسه يمرض.. اسمه أكل مستشفى.. الحمدلله على النعمة.. حتى الموظفات والأطباء يا أخي كافتيريا خاصة بهم وساعات غداء.. وراح نشوف اللي يسر الخاطر..

[مستر راشد]

شوف عيني عند بوابة الزوار في مستشفى حمد واقفه سيارة مطابخ شعبيه
وينزلون من الصواني بشكل يومي هههه

[الوجبه]

وكي اترك مستشفى حمد

من كم سنه رحت دائره حكوميه فيها حريم ..

سالت عن مكان المعامله قالو في دور معين .. طلعت الدور مكتب نسائي ..

الشيخه عازمتهم على الفطور يومها .. وكي في العافيه بس معاملتي .. انتظر شوي ..

انتظرت كثير .. قلت ادق الباب ..

انا دقيت الباب يامستر راشد .. لا اله الا الله .. جاتني صرخه من ورا الباب ..

اصبررررررررررررررر اشفيك .. مطفوق ( مطفوق) تقولها وحلجها كله اكل .. واضح ان الاكل ما انبلع ..

قلت لها اختي المعامله .. بس توقيع ..

قالت لا تدخل اصبر ..

اسمع صوت لصحون والمواعين والجدور والفناجيل ..

اتفضل ..

يوم دخلت البنات 6 في مكتب 3*4 وريحه برياني ..

برياني الساعه 9 الصباح

الحكمه من الموضوع

لا اتراجع الساعه 9

[ريتويت]

سبحان الله

[qatara]

والله يا اخي من كثرو وانتشرو
وحنا من سي لاسوا
ما يكثرون بمكان ويتعمر
ليتهم قرو ببيوتهم يطبخون جبسات

[الخزرجي قطر]

هذا الشي مب في المستشفيات وبس في المركز الصحيه والدوائر الحكوميه وغيرها
والبنوك والشركات المساهمه ؟؟

[بلوتنيوم]

الحكمه من الموضوع

لا اتنقشر حريم ياكلون




الحكمه من الموضوع

لا اتراجع الساعه 9



حكم حكم
واصل بارك الله فيك :)

[حقيقه]

على فكره حتى الشباب في الدوام كذا

هذاك اليوم أبي ادش أوقع أحشروني عند الباب صواني أكل
سئلت العامل حق من ؟؟ يقولي هائ مال النـ سعيد ههههههههههههههه

[روح الاطلس]

يعني تبيهم يموتون جوع؟ الممرضات بعد بشر لهم حق ياكلون ويشربون في غرف الاستراحه :) طولوا بالكم شوي

مرة كنت في موقف محرج والوقت مب من صالحي واللي عندها معاملتي فجأة اختفت ادور واسأل وينها وينها وبالاخير القى عندهم غرفه صغيره سرية قالبينها مطعم والاخت مخليتني واقفه ورايحة تبلع!! وانا احترق على اعصابي لان كل دقيقة محسوبه علي من وقتي :( شنسوي مالنا الا طولة البال والصبر واستغلال الدقائق بالاستغفار بدال التحسب واللعن

[ms-qtr]

المفروض يسوون لهم
lunch break
ويقسمون الموظفين على ساعات الغداء
وما ياكلون الا في الكفتيريا
لانه مب عدله المكتب تكون ريحته عيش وبصل وثوم!!!

[خليفـة]

كلامك سليم اخوي
ولكن للأسف احياناً نسوي الشي واحنا ندري ان غلط
بالنسبة للموظفات .. حسب علمي ان عندهم مكان خاص كـ استراحة
ياكلون فيه براحتهم
اما بالانسبة للمرضى .. يُعتبر جلب المأكولات نوع من انواع المجاملات بين الاهالي
وما اعتقد ان فيه حد يقدر يمنعهم من ذلك
بس المهم تكون الكميات معقوله وغير مبالغ فيها
ومراعاة ترك المكان نظيف ورائحة المكان مقبولة

خليفــة

[مسك روز]

اخييييييييييه :(

يعني لو انا معاهم بنفس المكتب

بتلصق ريحة البصل في عباتي !

المفروض يخصصون مكان للاكل غير المكتب

الله يفشلهم

[فلتة زمانها]

بل بصل وبرياني من الصبح فالحين في الزط يامال الزط وعقب اوووه وزني زاد ابي احافظ على رشاقتي ولوكي هههههه

[مستر راشد]

وكي اترك مستشفى حمد

من كم سنه رحت دائره حكوميه فيها حريم ..

سالت عن مكان المعامله قالو في دور معين .. طلعت الدور مكتب نسائي ..

الشيخه عازمتهم على الفطور يومها .. وكي في العافيه بس معاملتي .. انتظر شوي ..

انتظرت كثير .. قلت ادق الباب ..

انا دقيت الباب يامستر راشد .. لا اله الا الله .. جاتني صرخه من ورا الباب ..

اصبررررررررررررررر اشفيك .. مطفوق ( مطفوق) تقولها وحلجها كله اكل .. واضح ان الاكل ما انبلع ..

قلت لها اختي المعامله .. بس توقيع ..

قالت لا تدخل اصبر ..

اسمع صوت لصحون والمواعين والجدور والفناجيل ..

اتفضل ..

يوم دخلت البنات 6 في مكتب 3*4 وريحه برياني ..

برياني الساعه 9 الصباح

الحكمه من الموضوع

لا اتراجع الساعه 9

عجبني موضوع البرياني الساعه 9 هههههه :nice:

ياخي الواحد ياكل بالدوام فطاير او سندويشات خفيفه
بس مادري شالحكمه من كل هالاكل لا والمشكله يرجعون البيت يتغدوون

[تحداني]

اختي روح الأطلس .. ما قلنا يموتون من الجوع
بس الشغل شغل .. اكل خفيف .. بسكوت .. كورن فلكس .. شي مشي حالج فيه
بس المناظر الي تصير من ولائم .. وانواع واشكال من الاكل ما يصير
لاهو منظر لائق .. ولا حتى من الناحيه الصحيه زين


سواء كان الاكل في المستشفى او في مكان حكومي او في هيئه خدميه
ما يصير ..كل شي له وقته .. والمراجع لو يستغفر 1000 مره بعض الحريم ما ايخلصون
والاكل مع السوالف يعني تحتاجين ساعتين زياده انتظار



جملكم الله برضاه

[المواطن]

انا اقول اللي يبي ياكل ويعزم بالعااااااااافيه ولو جابو حيران - بلاد فيها خير واهلها فيهم الخير-الله يطول عمر بو مشعل

بس حقوق واوقات الناس لا تحتمل الضياع والتاخير

لقول النبي صلى الله عليه وسلم ( إنّ الله تبارك وتعالى يحبّ إذا عمل أحدكم عملاً أن يتقنه)).

[sweet qatar]

انا اقول اللي يبي ياكل ويعزم بالعااااااااافيه ولو جابو حيران - بلاد فيها خير واهلها فيهم الخير-الله يطول عمر بو مشعل

بس حقوق واوقات الناس لا تحتمل الضياع والتاخير

لقول النبي صلى الله عليه وسلم ( إنّ الله تبارك وتعالى يحبّ إذا عمل أحدكم عملاً أن يتقنه)).

صح لسانك يالمواطن .. :victory:




الوجبة.. ماشالله من نظرة عرفت المنيو، والمرة الثانية لبقت فيك ريحة البصل..

التركيز عالي..؟؟؟!!

المفروض يحترمون انسانية الموظفين و يوفرون لهم كافتيريا..

دام ساعات الدوام صارت مثل الاجانب يعطونا بريك

ويوفرون لنا مطاعم محترمة تجهز لنا الكافتيريا مب اي شي..




المشكلة انكم تعممون وهالحركات ماتستوي الا من البعض..

وكانكم نسيتوا سندويتشات البيض والكيمة صوب الموظفين :rolleyes2:



بصراحة انا تعبت من السناكس .. ودي اجيب اكلي معاي في مطارة <"مصطلح تراثي" .. :shy:

[qatara]

شكل الحريم الموظفات تطورو بطريقة نظريه التطور والنشوء

شكلهم بعد شوي بيتيرقون كباب و كرشه وباجه لحمه راس


كل شي صار

[ام السعف]

حكم حكم
واصل بارك الله فيك :)

هو وايد صاير حكيم ،، من عقب ما قام يغرد :telephone:

[R 7 A L]

عادي ليش مكبرين الموضوع

قبل أسبوعين رحت لمرور مدينة خليفة
وبغيت الضابط الى مداوم عصر رحت لمكتبة ماحصلتة حصلت الفراش الهندي قال انتظر الضابط في المطبخ يتغدى
مافيها شي



الفرق ان عنده مطبخ والى في الموضوع ماعندهم مطبخ :secret:


المفروض في كل قسم يكون فية مطبخ :shy:

[موضي قطر]

اخييييييييييه :(

يعني لو انا معاهم بنفس المكتب

بتلصق ريحة البصل في عباتي !

المفروض يخصصون مكان للاكل غير المكتب

الله يفشلهم



كنت اعاني من هالسالفه من وحده كانت معاي .. والله كرهت عمري :weeping:



الله يوفقها وين ماراحت :shy:

[الزعفراني]

هههه أضحك الله سنك .

[دااانة قطر]

اذا ادااره يجونها مرااجعين فالمفروض يكون في وقت ومكاان مخصص للأكل
الحمدلله اداارتنا ماافيها مرااجعين وكل شغلنا ايميلااات ورد على استفساارات
وعندنا مطبخ خاااص لكن نجيب الكل للمكتب
شنسوي ندااوم 8 سااعات غصب نجوع
ونوصل البيت ندور السرير نغط سااعه واحياانا مانتعشا

لا جد في اداارات على الطلباات اللي نشوفها نستغرب
عااد احنا عندنا هنود يجيبون لنا المرض من ريحة الأكل اللي مدري شلون شكله خااصة لن يسخنونه في الميكروويف
يعني اكلنا ارحم

يسلموا على الطرح
ذكرتوني بمسرحية انتخبوا ام علي ومشهد دااود حسين يوم يقلد عزاايم موظفاات الاستقبااال

[حسن]

على كثر ماراجع مستشفى حمد ماقد شفت الموظفات ياكلون او يتريقون الا في غرفه خاصه لهم
بس اللي ملاحظه كثر هل التصليحات ومن كم يوم في زياره سواق اخوي عطا الصراحه شغالين من هل التعديلات حتى يوم الجمعه بس ياليت يسون مستشفى اكبر حق الوافدين وهل قطر معاهم كان ابرك