امريكا ( الشرق ولا الغرب ) ؟

[مــــلاك]

السلام عليكم ورحمة الله وبركاته ...

اخواني ممكن تساعدوني في التخطيط لرحلتنا لامريكا في شهر 6 لمده 25 يوم
ويمكن تزيد شوي لو تطلب الامر بتكون رحلتنا على القطريه ان شاء الله .. لانها دايركت

لحد الان ماخططنا للرحلات الداخليه ... بس ناويين4 ايام في نيويورك وبعدها
ننتقل الى اي مكان ثاني ...فمحتاره بين الشرق والغرب ...
يعني نقعد في نيويورك وننزل للجنوب شوي صوب فلوريدا واولاندو
ولا نطير من نيويورك الى كاليفورنيا ( لوس انجلوس ولاس فيغاس وسان فرانسيسكو)
لان القطريه ماعندهم رحلات لغرب امريكا .

قريت كم تقرير ولحد الان محتاره ... احس ان الشرق يبغيلها سفره بروحها
والغرب سفره ثانيه ...

اتمنى تساعدوني .. وجزاكم الله خير

[interista]

انا راح اعطيج خوش ترتيب بالنسبه لي افضل الغرب لعشقي لـ فيغاس و لوس انجلوس و سان فرانسسكو ولكن اذا سفرتكم لمدة شهر تقريبا حلو تكفيكم تطلعون من الدوحه لين نيويورك واجلسو في نيويورك ثلاث الى اربع ايام بس وبعدها من نيويورك لين ميامي واقعدو في ميامي ثلاث ايام هذا اسبوع راح وباقي لكم عشرين يوم تقريبآ من ميامي على طول على لوس انجلوس او سان فرانسسكو وكل وحده يبي لها اسبوع تقريبا ومن لوس انجلوس اذا خلصتو منها ومن سان فرانسسكو تقدرون تروحون بالسياره الى سان دييقو حلوه وهاديه وعالبحر وفيها شاليهات واذا انتو من هواة فيغاس انزلو لها ثلاث ايام تكفي وروعه روعه لاس فيغاس وبجذيه تكون انتهت رحلتكم واذا ماتحبون فيغاس اخذو طياره لين هاواي واقعدو فيها يومين ثلاث واي خدمه في هالمدن من اي ناحيه انا حاظر

[الإكسير]

كان يامكان كان فيه تقارير عن امريكا وتقارير مفيده مادري وين راحت ؟؟؟

[الزجاجي]

اهم شي لاتزم تزورين هذه الولايتين
فلوريدا و لوس انجلوس
يقولون الي ما زار هذه الولايتين ما زار امريكا :)

[مــــلاك]

انا راح اعطيج خوش ترتيب بالنسبه لي افضل الغرب لعشقي لـ فيغاس و لوس انجلوس و سان فرانسسكو ولكن اذا سفرتكم لمدة شهر تقريبا حلو تكفيكم تطلعون من الدوحه لين نيويورك واجلسو في نيويورك ثلاث الى اربع ايام بس وبعدها من نيويورك لين ميامي واقعدو في ميامي ثلاث ايام هذا اسبوع راح وباقي لكم عشرين يوم تقريبآ من ميامي على طول على لوس انجلوس او سان فرانسسكو وكل وحده يبي لها اسبوع تقريبا ومن لوس انجلوس اذا خلصتو منها ومن سان فرانسسكو تقدرون تروحون بالسياره الى سان دييقو حلوه وهاديه وعالبحر وفيها شاليهات واذا انتو من هواة فيغاس انزلو لها ثلاث ايام تكفي وروعه روعه لاس فيغاس وبجذيه تكون انتهت رحلتكم واذا ماتحبون فيغاس اخذو طياره لين هاواي واقعدو فيها يومين ثلاث واي خدمه في هالمدن من اي ناحيه انا حاظر





جزاك الله خير اخوي تخطيطك حلو .. بس مب كأنه وايد على شهر ؟
خاصه ان الرحله فيها يهال بين 5 سنوات و 10

[مــــلاك]

كان يامكان كان فيه تقارير عن امريكا وتقارير مفيده مادري وين راحت ؟؟؟





يمكن بس انا ماشفت شي منهم للاسف