ابي مشروع تجاري

[مزعله النساء]

السلام عليكم ورحمه الله وبركاته

جربت حظي في مشروعيين بس للأسف مامشى والصراح وحابه اجرب في مشروع ثالث ياليت حد يشور على في مشروع يعم علي بالفايده وشكرا*

[البسطة]

وعليكم السلام ورحمة الله وبركاته

اختى كم راس المال ، الي عندك ؟

[مزعله النساء]

هلا اختي
400 الف

[البسطة]

هلا اختي
400 الف

ممتاز ،، هل لديك القدرة على فتح حضانة للاطفال :telephone:

[مزعله النساء]

مرحباً اختي ليش لا
بس مالي خبره في المجال
وين المكان الي تنصحيني فيه

[wadha-qa]

الله يوفقج اختي بس ياليت تقولين شنو المشاريع اللي ما نجحتي فيهم ؟؟

[tiger33]

مرحبا اختي

الله يبارك لج ويزيدج من رزقة


بس بنسبة للمشروع المفروض انج تفكرين في مشروع انتي عارفتة وتقدرين تشغلينة ..

وثاني شي كل المشاريع اجيب فلوس لو شغالتيها صح بس مهم ان تكون عندج ناس تشتغل صح وادارة اتكون همها الشغل ومصلحت الشغل

[dahr]

عندي لج مشروع بس يبيلة متابعة

[رحال الدوحه]

بالتووفيق إختي وربي يوسع عليكم من رزقه

http://www.qatarshares.com/vb/showthread.php?t=500464

[بو شريم]

اغلب المشاريع اللي تفشل بسبب عدم دراسة الجدوى لها

انا خاطري افتح كوفي شوب بس بستايل معين ونوعيه معينه من الاكل

وكل يوم اقول بكرة لما ربك يسهلها

انصحك اختي في دراسة الجدوى

ربي يوفقك

[سياتل]

الكوفي شوب مايمشي عندنا

يمشي في دبي والرياض

انصحج غيري الفكرة

واسأل الله لج التوفيق

[technical]

اي قطاع تريدين ؟ ايه مستوى المنافسه في القطاع الي تريدين تختارينه ؟ ما هي قدرتك النخزينيه؟ عندك مساحه تخزنين فيها بضاعتك؟

بالنسبه لك يوجد قطاعين التجزئه والخدمات , على الورق الخدمات مربحه جداً لكن تكاليف تدريب الموظفين و العمال عاليه جداً , وافترضي احدهم قال باترك الشغل هل سيلزم العامل ان يقف وسط الزباين وهو مكشر؟

لكن اذا رحنا الى التجزئه وفيها الغواري الاكواب العطور الشنط وغيرها ,,,, . طيب هل الماركه التي ستقدمينها ملكك او ستأخذين ماركه من الخارج ؟ كم تكلفه توقيع هذه الماركه من سفر او بضاعه مشتراه من اصحاب هذه الماركه او Brand.

طيب عدينا كل هذه الأمور , اخترنا القطاع , قُرر اي ماركه سيتم تقديمها , الأن وين مكان الماركه في السوق ؟

في قمه الهرم او في الوسط او في بدايته ؟ احذرك من وسط السوق , كثير من الشركات يتبهذلون في وسط السوق طبعاً مع وجود بعض الأستثنائات مثل H&M Zara M&S .

وأكد لك أن استثمار عده ساعات في قراءه كتب في Brands مش خساره .
يوجد كتاي صغير اسمه The Decision Book.

مليان معلومات وبيعطيك نقاط نقاش مع مجتمعك .

بالتوفيق وأسئله سبحانه أن يكتب رزقك وزقنا حلالً . :)

[البسطة]

مرحباً اختي ليش لا
بس مالي خبره في المجال
وين المكان الي تنصحيني فيه

مب مشكلة نجلس مع المحامي ونحدد الاماكن ، والدراسة جاهزة ، :)

[منهم وفيهم]

موفقه اختي

[ابوحمد1]

بالتوفيق اختي بالنسبة للمشاريع الي دخلتيها ممكن خيره لك انك ماكملتي فيها والحمدالله على كل حال والشيء الثاني اذا دخل في راسك مشروع صلي صلاة الاستخارة لان فيها خير لك ان شاء الله

[albadawi1]

مشروع استيراد مواد مستخدم في تقنية البناء ,مشروع اكثر من رائع.

[shaheen-915]

اختي عليك بمشروع مستلزمات الصالونات النسائية والدراسة جاهزة والموقع وفالك طيب

[ahmedhafez]

الله يوفقك المهم تتابعين المشروع بنفسك حتى ينحج وان لم يكن ينجح عليك بإنجاحه

[ALDIWAN]

مب مشكلة نجلس مع المحامي ونحدد الاماكن ، والدراسة جاهزة ، :)
المحامي مشكله خلك على الاستيراد يا بسطة
احسن لك من الحضانه:secret:

[البسطة]

المحامي مشكله خلك على الاستيراد يا بسطة
احسن لك من الحضانه:secret:

مشكور على النصيحة ، :victory:

[رحال الدوحه]

السلام عليكم
ويمسيكم بالخير ورضى الرحمن ووالدينكم ، في مشروع فبالي " تجارة الاكسسوارات النسائيه "
مشروع حلو ومفتوح يعني ماله موسم معين وماشاء الله أهل قطر وكل من يعيش فيها " ازقرتيه " كشيخه
وفي مجمع تجاري ونسائي خلف سوق جبر ، والبضاعه فالامارات وسوق الصين وربي يوفق الجميع واللي يحب انا حاضر فالخدمه وربي يوفق الجميع .

[حسن الاحمد]

بالتوفيق

[معماري قطري]

انا أفكر حالياً في فتح مكتب استشارات هندسيه وخبرتي الحمد لله تقترب من العشرين عام، والخطه إن يكون المكتب متخصص لإدارة مشروعات البناء والتصميم، والتعاقد ومتابعة التنفيذ بمواصفات عالية وبطرق إشراف حديثة وربط كامل للمشروع والمقاول من كل الجوانب حتى ينتهي المشروع على أتم وجه.

بس تخوفي صراحة من بعض المكاتب اللي تاخذ عشرات المشاريع ويشرف عليها واحد يمكن كل شهر يمر مره على المشروع ويسعر برخيص، والنهاية معروفة أوقات الإستشاري يهمل أشياء كثيرة في العقد وتطلع مع التنفيذ ويكون صاحب البناء ضحية دفع مبلغ كبير يحدده المقاول براحته والإستشاري يترك القرار لصاحب المشروع، والأخطاء الاستشارية تكون كثيرة ويذلون العميل انه سعر الإشراف قليل وشيبي منهم مثلاً مقابل 1000 ريال ما تكفي للبترول للمشاوير الخاصة بالمالك.

خطتي إني أكون مدير المكتب الرسمي وأجيب أفضل المهندسين يشتغلون معاي ونتابع كل صغيرة وكبيرة من بداية التصميم إلى نهاية تأثيث واستخدام المشروع، لكن كل هالامور بتكلف وايد وباحتد أطلب سعر متناسب مع مستوى الخدمة وبيكون غالي مقارنة مع بعض مكاتب الدجل الهندسي ومكاتب" حنتفاهم عالشغله دي بعدين" اللي الجميع له تجربة معاها في قطر.

سامحني يا صاحب الموضوع بس موضوعي مشابه والمفروض أصيغه للنقاش كموضوع منفصل وأشوف شراي الجميع في هالمشروع وبيتم الطرح ان شاء الله

[ايزو]

اخوي معماري قطري سبحان الله لأني قاعد افكر في نفس الموضوع وخبرتي والحمد لله تقارب من خبرتك بس فعلا المشكلة اللي قلتها في بالي وكأنها عائق لمشروع مكتب استشارات وحتى التصميم تجدوه باسعار لا تغطي راتب المهندس لانه لايوجد تصميم اصلا نسخ ولصق وصعوبة إقناع الملاك بان التصميم الصحيح يوفر مبالغ كبيرة عليه عند التنفيذ

[طير شلوى]

الله يوفقك اختي

[Bo AbduRhman]

السلام عليكم ورحمه الله وبركاته

جربت حظي في مشروعيين بس للأسف مامشى والصراح وحابه اجرب في مشروع ثالث ياليت حد يشور على في مشروع يعم علي بالفايده وشكرا*

وعليكم السلام ورحمة الله وبركاته

بالتوفيق اختي مزعله النساء

بشرينا شصار معاج اختي