شوفو لى حل

[قلبى طيب]

يا جماعه الخير سافرت يوم الخميس الساعه 9 ووصلت الساعه 12 الظهر طبعا جوالى معاى فاتوره واللمت عندى 1600 ريال هم يطرشون مسج يقولون باسعار المكالمات الجوال والانترنت وغيره اتفاجاء الجوال مقطوع وعليك فاتوره 9000 ريال استخدام gprs
طيب يوم ونص 9000 ريال ايش النصب هاى ولا اللمت عندى 1600 ريال وينقطع اتصل عليهم يقولون لا التجوال غير وداخل الدوحه غير شى غريب

حتى الموظف استغرب قلت مافى الا حل اروح لهم وان اصرور على الدفع اقول لهم المحمكه بيننا ويلا اشتكوا والمحاكم بالها طويل حسبى الله عليكم ياكيوتل :anger1::anger1::anger1::anger1::anger1::anger1::a nger1::anger1::anger1::anger1::anger1::anger1::ang er1::anger1:

[قناص 787]

الله يعينك

[الراقيه سبشل]

اكيد خطأ منهم !!!!!!

الله يعينك

[jajassim]

الله يعينك ،،

فعلا كلامهم صحيح ، اذا وصل اللمت ينقطع الخط ، للمكالمات داخل الدوحة فقط ،

[ANONYMOUS]

9000 وايد والله .. فواتيري حق سنتين وشوي

يدور في بالي تساؤل ك عصف ذهني

هل في اتفاق مكتوب و وقعتي عليه ان ال 1600 بس حق داخل الدوحه

هل تم التوضيح لج بمكالمه مسجله ان ال 1600 وعقبها يقطع بس دخلي ؟


اذا اي.. ماعندج عذر...

اذا لا.. يمكن يكون عندج مخرج والله اعلم

[hero]

لا اله الا الله

[hero]

سبحان الله

[مشتاقة لقطر]

باااااااااااال نصب عيني عينك

شهالخدمة اللي كلفتهم هالمبلغ بيوم

[بصمة قطرية]

شدعوه هالمبلغ ..!!! :eek5::eek5:

[رجل الجزيرة]

أنا أخبر من سنتين كان اللميت أب كان عندي ب 1000 ريال والعام كان ب 2000 ريال والحين على آخر فاتورة وصلتني ب 5000 ريال مع العلم إني ما جيتهم بعد ما ركبوا أجهزتهم الدفع الفوري.

فالسؤال الحين:

اللميت أب من العميل نفسه وإلا من كيوتل؟

[@north_star@]

أكيد عندك ايفون اخوي

[شبح الصمت]

اختي قلبي طيب

صادتني الحركه

سافرت برى الدوحه

الليمت 1000 ريال

فاتورتي اوصلت 5800 ريال

قلت لهم ليش ما قطعتوه يوم وصل 1000 ريال قالوا ما نقدر نتحكم في المكالمات الدوليه وانت خارج البلاد

ويمكن انج فتحتي روابط عشان جذيه صدووك صك

للعلم في رجال كان في بريطانيا من فتره واوصلت فاتورته 110 الاف ريال

لانه ولده كان يشوف حلقات توم وجيري بس على الاي فون

الله يعوضج خير

[بنت امي]

مافي احلى من الهلا

[تحداني]

لا تسبق الاحداث واتروح تشتكي عليهم

مب دايما لما تتخطي الفاتوره اللمت .. " ينقطع الخط "


اتوقع المشكله ان الانترنت كان شغال عندج وانتي ما انتبهتي
او خطأ من عندهم وهذا اغلب الظن


ضروري تراجعينهم

جملك الله برضاه

[أسير الاسهم]

يا عمي طنش .. واذا قطعوو لك التليفونات طلع تليفونات من فودافون واتركهم عنك .. واذا اشتكووو قول هذا كلام ذا 9000 ريال في كم ساعه شهالنصب !!!؟

[fhd4]

صارت لي نفس السالفة بس قطعوا الخط يوم وصلت الفاتورة ٢٥٠٠ ريال مع ان اللمت كان ٢٠٠٠ …

اتوقع مافي نظام معين متى يقطعون الخط خاصة اذا كان الاستخدام دولي …


هذا مع اني اشتركت في خدمة البلاكبيري الدولية … دفعت ٢٧٥ ريال عشان الخدمة وصكوني فوقها ٢٠٠٠ ريال … طلع مع الخدمة يعطوني بس ٨ ميجا فقط لاغير ويحسبون عليك الزيادة ٥٥ ريال للميجا …

بعد ما تهاوشت معاهم … الموظف قالي بكل صراحة … الـ ٨ ميجا ماتسويلك شي واول ماتشغل الجوال وانت في الطيارة راح تصرف اكثر من ٨ ميجا …


على العموم … روح حق واحد باكستاني معروف في مبنى السد اظن اسمه عبدالكريم… وراح يعطونك خصم …!!!!