حدث امامي ....بدون عاطفه وتحامل على الطرفين .....

[بوغانم995]

كنت واقفاً امام مطعم البيتزا هت ....يوم 10/2/2012..( 9.22 دقيقه مساءً ) وقد طلبت بيتزاء وقال لي الموظف بعد ففتين مينوة سير !!! ...خرحت خارج المطعم ....والذي يعرف محطة ابو هامور ...زحمة ,,,والسيارات الروح على الروح امام الكنتاكي او المك دنال والحلويات ....خربوطه ....الطريقه التي تدار بها تلك المحطه .....:eek5:

ندخل في الموضوع .....شباب في مقتبل العمر مأخذين أكلهم من المطعم التركي .....والشارع ...لا يوجد به مكان فاضي من السيارات ....السياره طبعاً كروزر ....أرادوا الخروج من الموقف بطريق الرجوع للخلف ....:nice:

وكانت خلفهم سيارة برادو فيها منقبه :anger1: ومعها ...بنات ....انا لا أتعاطف مع الشباب .....بس الحادث يفرض نفسه ....السائق يصيح هرن ..:rolleyes2:

.وليت الريوس شغال ....والله انا أزعجني ...استعماله الهرن ..:omg:

.لتنبيه راعية البرادو ...لكن الأخة الضاهر حاطه النحاسه ماتبي ترجع شوي للخلف ...:tease:
ألوسمحتي ارجعي شوي الطريق واسع ومافيه أحد وراج .... الطريق الأن للسيار ه التي امامج :omen2:
.....الشباب يرجعون للخلف ويأشر لها أرجعي شوي ....بس الظاهر الأخة أخذتها العزه بالأثم ......

والمصيبه حاطة ليت السياره فول وهي واقفه وساده الطريق عمداً على صاحب السياره التي امامها .....وهذه تعتبر مخالفه صريحه ...وهي تعطيل حركة السير .....وثانياً ...الأضائه العاليه ....بدون سبب وفي حالة الوقوف .....وثالثاً عدم التعاون ,,,

كل هذا أدى الى رجوع صاحب السياره الى الخلف والأصتدام .....بسيارتها ....:weeping: ....وخذا ....انته متعمد ....تدعمنا ....

مادام ماتبين احد يدعمج أرجعي للخلف ,افسحي الطريق للسياره .....بس انتي بهذا التصرف تستحقين ماجاج ....

وشكروا النعمه التي انتم فيها ......أيش فيها لو رجعتي ...وقالج راعي السياره أرحم الله ولديج......ودخلتي مكانه في الموقف الشرعي للوقوف ....وانتهل يومج ويومه على خير :nice:

المهم جاني الشاب وقال لي تشهد على هذا قلت له الله يستر على الجميع .....هذا مبداء ضربني وبكى وسبقني وشتكى .....نعم ان شفت الذي صار وانا ...لا ألومك ....بس ممكن الأخة ماتعرف

ترجع للخلف .....ويبيلك كم ساعه لوصول المرور ........ومافيها أي ضرر سيارتها ....والصراحه طقاق نفسه مايصيح ......وبس

السؤال ايش رايكم بهذه الحادثه ......نحن على جميع اجناسنا متعاونين .......بس لوتشوف عدم التعاون من الطرف الثاني .......بس ياويلك اذا صار الشىء عكس .....لا تعاون ولا هم يحزنون.....وبس

أسياقه تعاون وبتعاون تمشي الحياه .....ان أقول لو العكس البنت تبي تطلع للخلف والشاب مسكر عليها طريق الخروج من الموقف ....بس يشوف ليت الريوس يفتح لها الطريق حتى من غير اي هرن .....صصصصصصصصصصصصصصح

[حيهور]

يوصلها محكمة وينتف ريش اهلها

والقانون يحكم

ماتوخر عسى ماشر ليكون من حقوق المرأة توقف الطريق وتأخر الخلق وتزعج الناس

قلنا رفقاً بالقوارير بس ماتوصل انهم يوقفون في طريقنا


شفت نفس الشي في شارع السد التجاري بنات يوقفون الطريق ويسون زحمة والناس ادق بدل الهرن امية هرن ويعاندون مايبون يفسحون الطريق


شخصيا ادعمها وادعم الي عطاها الرخصة

والمحاكم لها اهلها اذا هي واهلها كفو للمحاكم والفضايح

حياهم لهم الي يتمنونه ھَھٍھَھٍ[=d][=))]ھَھٍھٍھَ ‏​..هہْہْْہْْْہْْْہْْہْـ(=)))ـہْہْْہْْْہْْہْہٱٱٱي. . ﮫﮫﮫﮫﮫﮫﮫﮫﮫﮫﮫﮫﮫﮫﺂﺂﺂيـّــے =))

[حليتان*]

ما يسوى عليها هالراس اليابس شيسوى عليها لين يجون الشرطه وسالفه وروحو المركز ومادري وشو


المشكله فاهمين الثقه بالنفس غلط :(

[ضوى]

والله وانت تقول السالفة وبرادو وقف قلبي عبالي ولدي لانه دوم مطيح بهالمحطة اللي كانها الدوار المجنون قبل سبهلله ولا في نظام ، عموما المسامح كريم ويمكن الاخت كانت لاهية والا مش مركزة او سرحانة بشي الله يهديها ويصلحها ، ويجزيك خير اذا عديت الموضوع على خير

[hero]

لا اله الا الله

[روح الاطلس]

لحظه لحظه

طيب هي ماريوست للخلف يقوم يدعمها ليه ؟؟ بأي حق يدعمها ؟؟ وعقب يقولك تعال اشهد !! اشدعوه عشان ماوخرت يقوم يدعمها وتتضرر سيارته ويبي يوقف لين توصل الدوريه ودورياتنا لا تعليق بصراحه مايتحركون من مكانهم لازم انتو توصلون لعندهم وتدفعون 100 ريال من الطرفين !


انا بحط احتمال انها توها متعلمه السواقة ويمكن ماتعرف تريوس او تخاف تصك بسياره وراها اي عذر ممكن نحطه بس مانقول انها ماخذه المسألة عناد ليه تعاند !! مافيه سبب يخليها تعاند!

لكن انه يرجع ويدعمها وهي واقفه هو اللي سبب لنفسه هالمشكلة كان بإمكانه يصبر شوي لين هي تروح ويحرك .. اشفيهم العالم ماعاد فيه صبر .. الركادة زينه والدنيا مب طايره

[فلتة زمانها]

تستاهل يدعمها ويريوس عليها بعد قلة ادب بعض الحريم فالسواقه وعنادهم اوصلت حدها
لا والشيخه مبرقعه وتسوي هالحركات جدام بناتها تعلمهم قوات العين بعد الله يهديها بس وشفيها لو ارجعت ريوس وتعاونت معاهم بدال هالحركات الي مالها داعي

[خــطــافــ]

الغلط على الاثنين .. انها ماتحركت وانه دعمها ..!!

اما انه يطلبك شاهد .. كنت اتمنى انك ترد عليه وتقوله ياريت انك طلبت شهادتي قبل لاتدعمها وبلغت المرور ..!!

تحياتي لك

[روح الاطلس]

تستاهل يدعمها ويريوس عليها بعد قلة ادب بعض الحريم فالسواقه وعنادهم اوصلت حدها
لا والشيخه مبرقعه وتسوي هالحركات جدام بناتها تعلمهم قوات العين بعد الله يهديها بس وشفيها لو ارجعت ريوس وتعاونت معاهم بدال هالحركات الي مالها داعي

مايصير اختي نقول قله ادب وقوات عين !! احنا مانعرف شنو الموقف والوضع بالكامل فلا نرمي كلمات قد نأثم عليها :)

[بصمة قطرية]

بصراحة في حريم كأنهم يملكون الشارع ..
شفت هالمناظر بصراحة ..
المرة غلطانة 100% ..
تستاهل يدعمها ..
عيل ينتظر لما تتكرم الشيخه و تفتح له الطريق ..!!!
خير ان شاء الله عسى ماشر ..؟؟؟
لا ومطنشته بعد ولا جنها تشوفه ..!!!

[qatari 111]

:anger1:

ااااخخخ ... لو كنت مكانه كان اتصلت بالشرطه واسحبها مركز مركز نيابه نيابه محكمه محكمه للييين ماتتحسف انها طلعت الليسن ..

[الشمالي111]

يالربع عيب وش تسحب وحدة للمركز واللي يقول ادعمها صح الغلط من الاثنين بس كان من المفروض انا الرجال نزل وقالها لو سمحتي ارجعي خل نعذرها يمكن انها عندها ظرف يمكن توها متعلمه السواقة

ونقول الله يهدي الجميع

[(بوطلال)]

كفو عليه تستاهل والمفروض يريوس عليها اكثر من مره. اي عذر تطلبون لوحده حاطه راسها براس رجال وماتستحي .

[مشتاقة لقطر]

الله يهديهم

[qatari 111]

اللي يقول يعيب العيب عليها اللي حاطه راسها براس الرجال وهو كان يهرن لها ويأشر لها انها ترد ريوس اكثر من مره

وشولون توها متعلمه وهي أنجحت بالسواقه .. حدث العاقل بما يعقل

[khaldoon]

لحظه لحظه

طيب هي ماريوست للخلف يقوم يدعمها ليه ؟؟ بأي حق يدعمها ؟؟ وعقب يقولك تعال اشهد !! اشدعوه عشان ماوخرت يقوم يدعمها وتتضرر سيارته ويبي يوقف لين توصل الدوريه ودورياتنا لا تعليق بصراحه مايتحركون من مكانهم لازم انتو توصلون لعندهم وتدفعون 100 ريال من الطرفين !


انا بحط احتمال انها توها متعلمه السواقة ويمكن ماتعرف تريوس او تخاف تصك بسياره وراها اي عذر ممكن نحطه بس مانقول انها ماخذه المسألة عناد ليه تعاند !! مافيه سبب يخليها تعاند!

لكن انه يرجع ويدعمها وهي واقفه هو اللي سبب لنفسه هالمشكلة كان بإمكانه يصبر شوي لين هي تروح ويحرك .. اشفيهم العالم ماعاد فيه صبر .. الركادة زينه والدنيا مب طايره

ما اقدر ازيد على هذا الكلام

هي ممكن سواقتها على قد حالها او انها مب منتبه او تعاند بس هو شايف كل شي و يدعمها يعني سبق اصرار و ترصد

يعني لو انها رجل كان ضربها مب دعمها بس

كل شي الا الضرر المادي فعلا...

لو راح تكلم معاها مب كان افضل له

انا مب معاه بالمره و خسر نفسه و خسرها بس هو مشي على المثل اللي يقول: شريك ال.... اخسر و خسره

[اليحصبي]

أحترم حقوق المرأهـ الا في السوآقه هههههههههه
ترفع الضغط

[مهرة]

الله يخارجنا من سواقة حريم هالأيام ..


لازم اتكون هناك ضوابط وشرووط لإعطائهم ليسن السواقة مو اي وحده يعطونها .. ( العوجا والمنكسرة)

متى راح نشوووف هالشي ..!

[Ussop]

أسلوب كتابتك وأخطاءك الإملائية والعبارات الي استخدمتها ... سببت لي صداع شديد!

[فيصـــل]

هي غلطانة وهو غلطان

والرجال اسمحلي ماعرف يتصرف .. فالاخير هي حرمه ومعاها بنات

صحيح انها اغلطت .. لكن ماكان له داعي يدعمها ويحط راسه براس حرمه

المفروض انه ينزل ويطلب منها تريوس اشوي .. واحنا عارفين سواقة بعض الحريم الله يهدينا وياهم يخافون من ادناة الدون .. فالافضل ينبهها ويطلب منها باحترام حتى ولو كانت غلطانه .. وبالاحترام بتجي معاه

وان ماجات ماله الا 999 تعالوا تفاهموا مع الحرمه .. لكن يدعمها هذا غلط

واحنا للاسف المرور والسواقه والشوارع اللي عندنا في قطر غلط x غلط

السواقه زي الزفت والشوارع تعبانه ومافيه تنظيم مروري ولاتوعية للاسف

[طلعة الروح]

للأسف الطرفين اسلوبهم غير حضاري,, هي اغلطت وهو غلط,,
صحيح انه الموقف ينرفز بس مب معناتها اني افقد اعصابي واتعمد ادعمه,, في طرق ثانيه مثل ماقالوا الاعضاء قبلي.. وسلامتكم

[20 دي]

انا صارلي نفس الموقف ..وهالموقف يهون ..بنعطي عذر للاخت اللي تسوق ..واللي ما تسوق ودريولها يسوق وتسوي نفس الحركه هاي البلا..كنت واقف عند مدرسه بنتي في المواقف وجيت ابي ارجع للخلف واطلع من الموقف اهرن ومافي فايده ..وبدال ما يرجع لورا السايق كان يقدم بطريقه غريبه وكانه يبي يحبسني في الموقف ..بعدين نزلت من السياره واشرت له يرجع ومافي فايده ..وشوي الاا ذيك المنقبه اللي نازله وجايه وشكلها تبي تتهاوش يوم شافت زوجتي معاي رجعت للسياره والسوال اللي لين اليوم محيرني ليش رجعت يوم شافت زوجتي " يعني اذا بروحي بتنزل تتفاهم واذا مع زوجتي يصير عيب ؟؟" والمهم اهرن ومافي فايده يوم نزلت قلت بتفاهم مع السايق ..الا السايق مطنش لي اضرب على الدريشه واشر ومافي فايده واسمع صوت المره تصارخ وتشتم وتغلط ..وقعدت من 12 ونص لين ووحده ونص في الموقف مب قادر اطلع ..واتصلت في الشرطه اكثر من مره ومحد جاني ..وهي راكبه راسها ماتبيني اطلع ..واكتشفت بعدين انها متصله في زوجها عشان يجي يتهاوش ..فوق شينها قواه عينها وطبعا جا زوجها وصارت هوشه على اساس اني انا الغلطان وتحرشت في اهله وتسحب هو ومرته للشرطه لاني كنت مبلغ اكثر من مره..والحين موضوعهم في المحاكم..في ناس للاسف مب صاحيه وفي حريم ما يستحون..

[الحال مايساعد]

لا حول ولا قوة إلا بالله
انا أشوف الحل إنه ينزل من سيارتة ويصور المشهد هذا بالجوال ويحرر محضر بالشرطة وساعتها كلٍ بياخذ حقة ، ولو انا مكانه بعد باخذ أرقام الناس إللي موجودين وبطلبهم للشهادة

مع إحترامي لجميع الردود ... أنا اشوف الغلط على الطرفين

[chillis]

يوصلها محكمة وينتف ريش اهلها
والقانون يحكم

ماتوخر عسى ماشر ليكون من حقوق المرأة توقف الطريق وتأخر الخلق وتزعج الناس

قلنا رفقاً بالقوارير بس ماتوصل انهم يوقفون في طريقنا


شفت نفس الشي في شارع السد التجاري بنات يوقفون الطريق ويسون زحمة والناس ادق بدل الهرن امية هرن ويعاندون مايبون يفسحون الطريق


شخصيا ادعمها وادعم الي عطاها الرخصة

والمحاكم لها اهلها اذا هي واهلها كفو للمحاكم والفضايح

حياهم لهم الي يتمنونه ھَھٍھَھٍ[=d][=))]ھَھٍھٍھَ ‏​..هہْہْْہْْْہْْْہْْہْـ(=)))ـہْہْْہْْْہْْہْہٱٱٱي. . ﮫﮫﮫﮫﮫﮫﮫﮫﮫﮫﮫﮫﮫﮫﺂﺂﺂيـّــے =))

شدخل اهلها بالسالفه :) خل الاهل برع السالفه

[al-sadd]

أسلوب كتابتك وأخطاءك الإملائية والعبارات الي استخدمتها ... سببت لي صداع شديد!

اوف صداع مره وحده؟ الله يعينك :waiting:


بخصوص الموضوع زين سوا فيها :nice:
الله يرحم ايام الجي اكس مركبله رمانه طولها ستين متر ورى :tease:
الي فيه خير يناحس هههه يودع الراديتر

بس تبي الصدق مهما سووت وكبرت راسها تراها حرمه !!
وماتحط راسك براسها
المفروض وبكل بسااااااطه تنزل لها ومن بعيد ولاتقرب حتى لدريشتها
من بعيد اتاشر لها وتقولها ابي اطلع
وكان الله غفور رحيم

ياخي يمكن كانت منشغله مع اليهالوه الي معاها !
^^"
الواحد يحسن الظن :nice:

[شبح الصمت]

الله يعطيك العافيه بوغانم

امس صارت معاي

كنت واقف في موقف المهم دقيت هرن للأخت انها ترجع اشوي لانها كانت شبه مصكره علي ما تبي المهم بالخبره طبعا الواحد يعرف يطلع السياره

ودق ريوس واهي تحشرني بالهرن وتحشرني وتحشرني

وانا طبعا مع الاهل

اقولك ورجع وطلعت سيارتي وإلا عبرتها وإلا كلمتها وإلا حتى قلت لها اشفيج

ومشيت اشوي لا تبي توقف والا تبي تخلي احد يدخل الموقف وتمت معلقه الهرن ويرجع ريوس الموتر ومدري وقف وإلا تمت تتحلطم .

شالسالفه ما يندرى هالمناحس ليش

[لاجل QT]

الرجل الجنتل لازم يتصرف بحكمة في هالمواضيع كان نزل من سيارتة وقال لها اختى لو سمحتى ماعليج امر ابي اطوف وسعي الطريج..اي شخص لين يكلمة شخص بهالاحترام والذوق بيستحي على عمرة وبيوخر عن الطريج..التصرف اللى سواة الشاب غلط..وهي اذا كانت معاندة بعد تصرفها غلط بس ماتوصل لان يدعم سيارتها

[الشاااهين]

ياشين المره لى عاندت

ولا تنسون بعض الدريوليه الا الغالبيه اذا المعزبه وياه وهي معطته وجه رفع خشمه وهم ماهمهم يسوي اللي يبيه وهي تروح المحاكم وتراكض حق بابو الله يهديهم.

انا مره في اللاند واقف انتظر موقف الا الاخت جات من الصوب الثاني ودشت اشكره عيني عينك لااحترام لنفسها ولا لنا لا وانزلت وعينها قويه تطالع بعد ولا كنه صار شي اشكره تقول غصبا عنك عبالها الاخت انه بنصفق لها يابلفيت شطاره ماتدري لو حصلت لها واحد بايعها كان دعمها ولا سوا شي ثاني.

الله يعيينا على نفوسنا وعلى بعض الارواح الشريره.

[R 7 A L]

الله لايحطني في هالموقف وانا مستعجل

[NeverLand]

انا صارلي نفس الموقف ..وهالموقف يهون ..بنعطي عذر للاخت اللي تسوق ..واللي ما تسوق ودريولها يسوق وتسوي نفس الحركه هاي البلا..كنت واقف عند مدرسه بنتي في المواقف وجيت ابي ارجع للخلف واطلع من الموقف اهرن ومافي فايده ..وبدال ما يرجع لورا السايق كان يقدم بطريقه غريبه وكانه يبي يحبسني في الموقف ..بعدين نزلت من السياره واشرت له يرجع ومافي فايده ..وشوي الاا ذيك المنقبه اللي نازله وجايه وشكلها تبي تتهاوش يوم شافت زوجتي معاي رجعت للسياره والسوال اللي لين اليوم محيرني ليش رجعت يوم شافت زوجتي " يعني اذا بروحي بتنزل تتفاهم واذا مع زوجتي يصير عيب ؟؟" والمهم اهرن ومافي فايده يوم نزلت قلت بتفاهم مع السايق ..الا السايق مطنش لي اضرب على الدريشه واشر ومافي فايده واسمع صوت المره تصارخ وتشتم وتغلط ..وقعدت من 12 ونص لين ووحده ونص في الموقف مب قادر اطلع ..واتصلت في الشرطه اكثر من مره ومحد جاني ..وهي راكبه راسها ماتبيني اطلع ..واكتشفت بعدين انها متصله في زوجها عشان يجي يتهاوش ..فوق شينها قواه عينها وطبعا جا زوجها وصارت هوشه على اساس اني انا الغلطان وتحرشت في اهله وتسحب هو ومرته للشرطه لاني كنت مبلغ اكثر من مره..والحين موضوعهم في المحاكم..في ناس للاسف مب صاحيه وفي حريم ما يستحون..

استغفرالله سالفتك تقهـــر اللي مايقهر والله :eek5:

انا الحمدلله من النوع اللي ما اعند بالشارع والمواقف وبالعكس افسح الطريق للكل وانا مبتسم واعامل الناس مثل ماحب انهم يعاملوني .. انا مريت بمواقف مع ناس جذي تاخذهم العزه بالاثم بس مايوصل الموضوع لهالدرجة .. عادي يعني اكلمهم بأدب ويوخرون ..

اعوذ بالله من هالنوعيات من البشر اللي ماتحترم ولا تقدر وماعندها حتى ادب التعامل مع الغير

وعلى فكره حتى لو كانت المره اللي دعمها الشاب اعليميه ماتعرف تسوق ترا كانت بنفس الوقت مولعه ليتات سيارتها كلها بوجه الرجال هذي شنقول عنها بعد؟ كلهم غلطانين لكن غلط المره اكبر بوايد من غلط الشاب اللي احرقت قلبه

[علي رشيد]

الحريـــــــــــم .. الحريـــــــم !!!!!!!!!!!

[وطن]

اخوي ليش ما شهدت معاه ؟؟؟

[ANONYMOUS]

يدعمها عاد

اشهد انه فاضي والله عباله اش استفاد عطل نفسه وعطل المرور و سوا شغلانه للحرمه وبيدفع ١٠٠ ريال غرامة حادث ومشاوير وروحه و ييه ،،،، الخ

كان نزل كلمها يمكن ماتدري شسالفه ولا ليش يهرن حتا احتمال تلاقيها مستغربه

يمكن كانت متنحه بس .. عاد اهو اختار الحل الغلط للتنبيه

[كاس العالم]

لو نزل لها وقال لها اختى ممكن تريوسين شوي ومارجعت له الحق يدعمها هههه

انا مره كنت رايح جوازات الغرافه الرئيسيه وكان رمضان وكنت ابغي اجدد جوازي

وزحمه في المواقف وشفت واحد طلع من بوابه الجوازات ورايح لموتره ويقولي حياك ترى موتري قريب علشان اخذ الموقف اذا طلع.. المهم انا انتظر يطلع من الوقف وتوني فززت الموتر وماوعيت الا موتر من الصوب الثاني دخل واخذ الموقف وقطري وهو يدري اني انتظر الموقف لكن ولا كنه يشوف نزلت الجامه قلت له وش هالحركه البايخه الي مالها داعي تشوفني انتظر الموقف وانت جيت وخذته قال لي ليش المواقف مكتوبه بالاسامي قلت له تدري لو مب رمضان والله مايحصل طيب لانه رفع ضغطي المهم الحبيب ضحك ودخل الجوازات وبالصدفه عينته في الجنسيه والجوازات القطريه وشافني يوم دخلت وفيه ضابط من ربعنا وقلت له الموضوع كذا وكذا عاد وخذ لك تنقع تنقيعه حلوه بس بطريقه رسميه يعني .

زبده الكلام الناس اشكال ونفسيات في منها الي تحطه على راسك سوى تعرفه ولا ماتعرفه
وفي منها ودك تسحبه في الشارع

[كازانوفا]

البنات اللى يسوقو ما تعلمو العناد الا منكم يا رجااااااااااااااااال
وبعدين يمكن البنت ما تعرف ترجع ريوس ههههههههههههه
لاني اللى اكتشفته معظم اللى حاصلين على رخص سواقه ما بيعرفو يسوووووقووو بذمه كل واحد فيهم فاكر عمره قاعديلعب بالعاب اللى فوق سناااا خخخخخخخخخ

[20 دي]

استغفرالله سالفتك تقهـــر اللي مايقهر والله :eek5:

انا الحمدلله من النوع اللي ما اعند بالشارع والمواقف وبالعكس افسح الطريق للكل وانا مبتسم واعامل الناس مثل ماحب انهم يعاملوني .. انا مريت بمواقف مع ناس جذي تاخذهم العزه بالاثم بس مايوصل الموضوع لهالدرجة .. عادي يعني اكلمهم بأدب ويوخرون ..

اعوذ بالله من هالنوعيات من البشر اللي ماتحترم ولا تقدر وماعندها حتى ادب التعامل مع الغير

وعلى فكره حتى لو كانت المره اللي دعمها الشاب اعليميه ماتعرف تسوق ترا كانت بنفس الوقت مولعه ليتات سيارتها كلها بوجه الرجال هذي شنقول عنها بعد؟ كلهم غلطانين لكن غلط المره اكبر بوايد من غلط الشاب اللي احرقت قلبه

اي والله قهرتني قعدت افكر هي قاعده في السياره ومنقعه نفسها وولدها ساعه وشي ليش..وعشان شنو ..والبلا ما غلطت عليها كل اللي كنت ابيه اطلع من الموقف واروح في حال سبيلي .. بدال ما تضيع وقتها في المعاند تروح بيتها وتبدل لولدها وتغديه بدال هالحركات..حريم هالايام عافنا الله صارو ما يستحون والبلا ريلها اردى منها لو فيه خير قالها حركي وبلا مشاكل ..لكن هي بغت المشاكل وجاتها خل تتفاهم الحين مع المحاكم..لو احشمت نفسها ابرك لها..

[qatari 111]

انا صارلي نفس الموقف ..وهالموقف يهون ..بنعطي عذر للاخت اللي تسوق ..واللي ما تسوق ودريولها يسوق وتسوي نفس الحركه هاي البلا..كنت واقف عند مدرسه بنتي في المواقف وجيت ابي ارجع للخلف واطلع من الموقف اهرن ومافي فايده ..وبدال ما يرجع لورا السايق كان يقدم بطريقه غريبه وكانه يبي يحبسني في الموقف ..بعدين نزلت من السياره واشرت له يرجع ومافي فايده ..وشوي الاا ذيك المنقبه اللي نازله وجايه وشكلها تبي تتهاوش يوم شافت زوجتي معاي رجعت للسياره والسوال اللي لين اليوم محيرني ليش رجعت يوم شافت زوجتي " يعني اذا بروحي بتنزل تتفاهم واذا مع زوجتي يصير عيب ؟؟" والمهم اهرن ومافي فايده يوم نزلت قلت بتفاهم مع السايق ..الا السايق مطنش لي اضرب على الدريشه واشر ومافي فايده واسمع صوت المره تصارخ وتشتم وتغلط ..وقعدت من 12 ونص لين ووحده ونص في الموقف مب قادر اطلع ..واتصلت في الشرطه اكثر من مره ومحد جاني ..وهي راكبه راسها ماتبيني اطلع ..واكتشفت بعدين انها متصله في زوجها عشان يجي يتهاوش ..فوق شينها قواه عينها وطبعا جا زوجها وصارت هوشه على اساس اني انا الغلطان وتحرشت في اهله وتسحب هو ومرته للشرطه لاني كنت مبلغ اكثر من مره..والحين موضوعهم في المحاكم..في ناس للاسف مب صاحيه وفي حريم ما يستحون..

خلهم يخيسون هي وزوجها .. قلة ادب :anger1:

[20 دي]

خلهم يخيسون هي وزوجها .. قلة ادب :anger1:

للاسف انا اللي خست وانا انتظر الشرطه :weeping:
الحمدلله اني خذت رقم السياره وبلغت..

[JN000N]

امممم
صار هالموقف لابوي الله يحفظه < يقوي اخواني بعد يخليهم يسوون نفسه :p
يبي يريوس وواقف وراه شاب ويطق له هرانه وياشر له ان بيطلع من الموقف وهذاك يلتفت عليه يطالعه ويصد
قام ابوي قدم السياره ع قدام ويريوس عليه بقو يدعم سيارته
طبعا سيارتنا ماصادها ذاك الشي اما هو انخفس الباب والرفرف
والضابط يوم يا قال للشاب انت غلطان وابوي مب غلطان هع


بهالنظريه ان اشوف الي سواه الشاب شو مب وايد
المفروض عقب ماطق لها هرانه بهالط يقه الي وصفتها يدعمها دعمتن ماعقبها دعمه
وجذي والا جذي هو بيطلع منها وهي بيركبونها الغلط

[فلتة زمانها]

يا سلااااام بعد ينزل يكلمها ويترجاها والله في حريم يستاهلون الواحد ينزلهم بالعقال لحد يلومني هم انا ما سلمت منهم لانه مره وحده انزلت تضرب موتري بشنطتها وتشمخ الصبغ يعل يدها الكسر

[حسن]

المفروض ينتضر ويكبر عقله مهب لازم يدعمها وبيكون هو الغلطان بدون شك
مادري انا ليش انعدم عند الكثير التسامح والصبر مادري ضريبه ازدياد الوافدين

[فيزيائية]

صدق من قال : السواقة فن وذوق واخلاق

[JN000N]

الرجل الجنتل لازم يتصرف بحكمة في هالمواضيع كان نزل من سيارتة وقال لها اختى لو سمحتى ماعليج امر ابي اطوف وسعي الطريج..اي شخص لين يكلمة شخص بهالاحترام والذوق بيستحي على عمرة وبيوخر عن الطريج..التصرف اللى سواة الشاب غلط..وهي اذا كانت معاندة بعد تصرفها غلط بس ماتوصل لان يدعم سيارتها


تقصدين يحطها فالشيمه

لو فيها شيمه وحشيمه اساسا ماقوت عينها علا ريال وناحسته
بعد البنت لازم تكون محترمه ماتقعد تناحس رياييل فالشارع
صار شغل بياسر بينهم محد بيحشم حد

[فـيـراري قطر]

الله يعين والله شيء محزن صراحه تاركين المشاكل الي فالعالم كلها ومشاكلنا هي عباره عن واحد بيروس والمبرقعه ماتعرف تريوس؟ عيل ليش تسوقين عبالها الطريق سيدا داييم؟

[لاجل QT]

تقصدين يحطها فالشيمه

لو فيها شيمه وحشيمه اساسا ماقوت عينها علا ريال وناحسته
بعد البنت لازم تكون محترمه ماتقعد تناحس رياييل فالشارع
صار شغل بياسر بينهم محد بيحشم حد

هههه اي

والله ان الشيمة والكلام الطيب يلين الصخور:)

[خليفـة]

الرجال الي يستعرض عضلاته على مرة
هذا مب رجال

لو كان رجل .. كان طلب يتفاهم مع زوجها او اخوها
لكنه يدري ان بيذل وقت الصج

للأسف نخوة وشهامة الرجل اختفت من كثير من الناس في ايامنا هذي

راحوا الطيبين .. الا من رحم ربي

خليفــة

[بوحارب]

صج غبية ذي المره

ياخي وخري عن الريال وفكينا من نحاستج الخايسة

روحي طلعيها هناك عند ريلج مب في الشارع هههههههههه

[Anas_G]

المفروض ينتضر ويكبر عقله مهب لازم يدعمها وبيكون هو الغلطان بدون شك
مادري انا ليش انعدم عند الكثير التسامح والصبر مادري ضريبه ازدياد الوافدين

هههههههههههههههههههههههههههههههههه

طرفين المشكلة مواطنين .. حطيت المشكلة كلها في الوافدين :omg:

[بوحارب]

المفروض ينتضر ويكبر عقله مهب لازم يدعمها وبيكون هو الغلطان بدون شك
مادري انا ليش انعدم عند الكثير التسامح والصبر مادري ضريبه ازدياد الوافدين

يقولك الريال ازعج العالم بالهرن عشان توخر ولاتحركت الغبية

يعني باقي ينزل يحب ريلها عشان ترجع خطوتين ورى :omg:


بعدين انت ليش مركب صدام صب اكيد حق هالأمور:secret: واشدخل الوافدين هههههههههههههههههه :tease:

[فارس قطر]

الرجال الي يستعرض عضلاته على مرة
هذا مب رجال

لو كان رجل .. كان طلب يتفاهم مع زوجها او اخوها
لكنه يدري ان بيذل وقت الصج

للأسف نخوة وشهامة الرجل اختفت من كثير من الناس في ايامنا هذي

راحوا الطيبين .. الا من رحم ربي

خليفــة

اي نخوة عندنا بعض الحريم فاسخين الحياء
مانبي نقول عن مشاكلهم ولا نسيتو اليوم الوطني

ايش كانو يسون

لاكن مايمنع انا عندنا حريم تحطهم على الجرح يبرى
بنات اصول متربين على الاخلاق والاحترام

والغلط يتحملة الطرفين.

[Amer]

ما يصير يدعمها.. هو اذا كانت هي عنيده .. يخلي العقل منه

[khaldoon]

بصراحه اخوي...لازم كنت تقوله اني بشهد انك ثور....كيف تدعم الحرمة ...يالله حلها الحين

اصلا هو غلطان غلطان لانه دائما الحق على اللي يرجع للخلف فكيف يسوي هالشي و هو يعرف انه الحق مب معاه و انها ممكن تستغل حقها في عدم الرجوع او انها تناحس فيه عن قلة ذوق منها و يسوي هالشي غير انه ثور

[خليفـة]

اي نخوة عندنا بعض الحريم فاسخين الحياء
مانبي نقول عن مشاكلهم ولا نسيتو اليوم الوطني

ايش كانو يسون

لاكن مايمنع انا عندنا حريم تحطهم على الجرح يبرى
بنات اصول متربين على الاخلاق والاحترام

والغلط يتحملة الطرفين.


الغالي انت حللت غلط
مهما بدر من المرأة من تصرف .. غلط ان الرجال يغلط عليها
او ينزل يلاغيها او يهاوشها او او او الخ ..
لانها مرة .. وليست ذكر
وبالنسبة للي كنا نسمع عنه في اليوم الوطني
هذا لا يعني ان كل الحريم بنفس تلك الاخلاقيات الي سمعناها من مراهقات
مُهملات .. مالقوا من يربيهم او يراقبهم ويعتني فيهم

اخوي المرأة سواء كانت ملسونه او فاسخة الحياء
تبقى مرة .. وانت اسمك رجال
وليس الذكر كالأنثى
وللعلم اخوي .. سكوتك عن المرة الملسونه لا يعتبر انهزام منك او خوف
بل يُعتبر سمو اخلاق وشهامة
لان كل من حولك يعرف انك تقدر عليها .. وتقدر توقفها عند حدها
ولكن تربيتك منعتك من الرد عليها وتكبير الموضوع معها

الي يشوف نفسه عنده الشجاعة والقوة ان يتلاسن مع مرة في الشارع
ليش ما يكمل شجاعته هذي .. ويستعرض عضلاته بعد ما يطلب منها رقم زوجها او اخوها
او ولي أمرها
وفيما لو كانت هالمرة مالها أحد .. فاعتقد انه من العار والعيب عليه ان يواصل الكلام معها
وهي بهذا الضعف

:)

خليفــة

[مريومة]

الغالي انت حللت غلط
مهما بدر من المرأة من تصرف .. غلط ان الرجال يغلط عليها
او ينزل يلاغيها او يهاوشها او او او الخ ..
لانها مرة .. وليست ذكر
وبالنسبة للي كنا نسمع عنه في اليوم الوطني
هذا لا يعني ان كل الحريم بنفس تلك الاخلاقيات الي سمعناها من مراهقات
مُهملات .. مالقوا من يربيهم او يراقبهم ويعتني فيهم

اخوي المرأة سواء كانت ملسونه او فاسخة الحياء
تبقى مرة .. وانت اسمك رجال
وليس الذكر كالأنثى
وللعلم اخوي .. سكوتك عن المرة الملسونه لا يعتبر انهزام منك او خوف
بل يُعتبر سمو اخلاق وشهامة
لان كل من حولك يعرف انك تقدر عليها .. وتقدر توقفها عند حدها
ولكن تربيتك منعتك من الرد عليها وتكبير الموضوع معها

الي يشوف نفسه عنده الشجاعة والقوة ان يتلاسن مع مرة في الشارع
ليش ما يكمل شجاعته هذي .. ويستعرض عضلاته بعد ما يطلب منها رقم زوجها او اخوها
او ولي أمرها
وفيما لو كانت هالمرة مالها أحد .. فاعتقد انه من العار والعيب عليه ان يواصل الكلام معها
وهي بهذا الضعف

:)

خليفــة

هذي الرياييل .. مب ادعمها و...

رد طيب :)

كفيت ووفيت يا أخوي


والله المستعان

[لاجل QT]

الغالي انت حللت غلط
مهما بدر من المرأة من تصرف .. غلط ان الرجال يغلط عليها
او ينزل يلاغيها او يهاوشها او او او الخ ..
لانها مرة .. وليست ذكر
وبالنسبة للي كنا نسمع عنه في اليوم الوطني
هذا لا يعني ان كل الحريم بنفس تلك الاخلاقيات الي سمعناها من مراهقات
مُهملات .. مالقوا من يربيهم او يراقبهم ويعتني فيهم

اخوي المرأة سواء كانت ملسونه او فاسخة الحياء
تبقى مرة .. وانت اسمك رجال
وليس الذكر كالأنثى
وللعلم اخوي .. سكوتك عن المرة الملسونه لا يعتبر انهزام منك او خوف
بل يُعتبر سمو اخلاق وشهامة
لان كل من حولك يعرف انك تقدر عليها .. وتقدر توقفها عند حدها
ولكن تربيتك منعتك من الرد عليها وتكبير الموضوع معها

الي يشوف نفسه عنده الشجاعة والقوة ان يتلاسن مع مرة في الشارع
ليش ما يكمل شجاعته هذي .. ويستعرض عضلاته بعد ما يطلب منها رقم زوجها او اخوها
او ولي أمرها
وفيما لو كانت هالمرة مالها أحد .. فاعتقد انه من العار والعيب عليه ان يواصل الكلام معها
وهي بهذا الضعف

:)

خليفــة

احيك اخوي خليفة على رجاحة عقلك وكلامك السليم

مثل مايقولون هنالك فرق:)

[GENIUS]

بارك الله فيك اخوي خليفة على كلامك الموزون.

وأزيد عليه بكلمتين :

عامل الناس بأخلاقك وليس بأخلاقهم.

والشجاعة هي أخلاق القوي

[JN000N]

الرجال الي يستعرض عضلاته على مرة
هذا مب رجال

لو كان رجل .. كان طلب يتفاهم مع زوجها او اخوها
لكنه يدري ان بيذل وقت الصج

للأسف نخوة وشهامة الرجل اختفت من كثير من الناس في ايامنا هذي

راحوا الطيبين .. الا من رحم ربي

خليفــة




اي نخوة عندنا بعض الحريم فاسخين الحياء
مانبي نقول عن مشاكلهم ولا نسيتو اليوم الوطني

ايش كانو يسون

لاكن مايمنع انا عندنا حريم تحطهم على الجرح يبرى
بنات اصول متربين على الاخلاق والاحترام

والغلط يتحملة الطرفين.


بالضبط ولو كانت كفو ما ناحسته
اما وحده تتبيسر عالرياييل وتبونهم ينتخون بهم والا يحشمونهم

[(بوطلال)]

الرجال الي يستعرض عضلاته على مرة
هذا مب رجال

لو كان رجل .. كان طلب يتفاهم مع زوجها او اخوها
لكنه يدري ان بيذل وقت الصج

للأسف نخوة وشهامة الرجل اختفت من كثير من الناس في ايامنا هذي

راحوا الطيبين .. الا من رحم ربي

خليفــة

والمره الي تناحس الرجال هذي مب مره وتستاهل الرجال يعاملها معامله مختلفه عن بنات جنسها لانها شاذه وماتنعد من الحريم .

يتفاهم مع زوجها وخوها شلون يعني يطلب منها رقمهم !!

[شبح الصمت]

بالضبط ولو كانت كفو ما ناحسته
اما وحده تتبيسر عالرياييل وتبونهم ينتخون بهم والا يحشمونهم



يا ها لبياسر الي خاطرررج تذبحينهم

:tease:

[شبح الصمت]

السموحه على هالتعليق

مب حزته بس طرئ شيء على بالي

:secret:

يمكن علق الجوووتي ( يكرم الحاضرين )

خبركم في حريم اذا ساقوا تفصخ الجوتي

وتلبس قفازات حارس مرمى ( وشفة وحده بعيوني )

شالسالفه داشه مباراه

هههههههههههههههههههههاي

[JN000N]

يا ها لبياسر الي خاطرررج تذبحينهم

:tease:


زادو هالايام
قامو يتفقسون شكثرهم

[خليفـة]

بالضبط ولو كانت كفو ما ناحسته
اما وحده تتبيسر عالرياييل وتبونهم ينتخون بهم والا يحشمونهم


لا الشيخة
يحشمون نفسهم عنها
ما سمعتي عن مقولة : ردي عليكم خسارة !
يقول لها هالمقولة .. ويبتعد عنها
وبهالطريقة .. يكون رفع نفسه عن مثل هالمستوى من النساء

غريبة انج تكونين بنت .. وتشجعين الرجل ان يمرمط له مرة في الشارع وجدام الناس .. سواء لسبب يستاهل او ما يستاهل
عموما
الناس اجناس
:)

والمره الي تناحس الرجال هذي مب مره وتستاهل الرجال يعاملها معامله مختلفه عن بنات جنسها لانها شاذه وماتنعد من الحريم .

يتفاهم مع زوجها وخوها شلون يعني يطلب منها رقمهم !!


اي نعم يا بوطلال
يطلب منها رقم اخوها او زوجها او ابوها
ولازم يطلب منها الرقم بكل أدب واحترام ويقول لها :
عطيني رقم رجال اتفاهم معاه من اسرتج
ان اعطته الرقم يطلع شجاعته ويقول الي في خاطره
وان رفضت تعطيه الرقم .. ياخذ رقم سيارتها ويروح يشتكي عليها بالمركز
واذا له حق بياخذه بالقانون
واذا ماله حق .. يستريح مكانه
:)
عرفت ولا ازيدك ؟

[فارس قطر]

السموحه على هالتعليق

مب حزته بس طرئ شيء على بالي

:secret:

يمكن علق الجوووتي ( يكرم الحاضرين )

خبركم في حريم اذا ساقوا تفصخ الجوتي

وتلبس قفازات حارس مرمى ( وشفة وحده بعيوني )

شالسالفه داشه مباراه

هههههههههههههههههههههاي


هههههههههههههههههه

ذكرتيني بالخالة الي قاعدة تبقكس حق الهندي
الي في محطة التضامن مع قفازاتها

[خليفـة]

السموحه على هالتعليق

مب حزته بس طرئ شيء على بالي

:secret:

يمكن علق الجوووتي ( يكرم الحاضرين )

خبركم في حريم اذا ساقوا تفصخ الجوتي

وتلبس قفازات حارس مرمى ( وشفة وحده بعيوني )

شالسالفه داشه مباراه

هههههههههههههههههههههاي


كلامك صحيح اخوي شبح
الجوتي الله يعزكم تفصخة البنت لانها يضايقها بالسواقة
والقفازات حتى تحمي يدها من أشعة الشمس
وهذا حق مشروع لكل انثى
تراعي سلامتها من جهة
وتراعي بشرتها من الجهة الأخرى
:)

[(بوطلال)]

لا الشيخة
يحشمون نفسهم عنها
ما سمعتي عن مقولة : ردي عليكم خسارة !
يقول لها هالمقولة .. ويبتعد عنها
وبهالطريقة .. يكون رفع نفسه عن مثل هالمستوى من النساء

غريبة انج تكونين بنت .. وتشجعين الرجل ان يمرمط له مرة في الشارع وجدام الناس .. سواء لسبب يستاهل او ما يستاهل
عموما
الناس اجناس
:)



اي نعم يا بوطلال
يطرب منها رقم اخوها او زوجها او ابوها
ولازم يطلب منها الرقم بكل أدب واحترام ويقول لها :
عطيني رقم رجال اتفاهم معاه من اسرتج
ان اعطته الرقم يطلع شجاعته ويقول الي في خاطره
وان رفضت تعطيه الرقم .. ياخذ رقم سيارتها ويروح يشتكي عليها بالمركز
واذا له حق بياخذه بالقانون
واذا ماله حق .. يستريح مكانه
:)
عرفت ولا ازيدك ؟


اعتبر نفسي بارد وبانطر رجلها او اخوها يتكرم علي ويقنعها تحرك موترها طيب واذا ماردت عليك ولاعطتك وجه او غلطت عليك بكلمتين طيبوا خاطرك لان مبين من سلوكها انها مب محترمه ولاتعرف الذوق ومسكره على سيارتك . شبتسوي ؟

زدني ياخليفه:)

[شبح الصمت]

لا الشيخة
يحشمون نفسهم عنها
ما سمعتي عن مقولة : ردي عليكم خسارة !
يقول لها هالمقولة .. ويبتعد عنها
وبهالطريقة .. يكون رفع نفسه عن مثل هالمستوى من النساء

غريبة انج تكونين بنت .. وتشجعين الرجل ان يمرمط له مرة في الشارع وجدام الناس .. سواء لسبب يستاهل او ما يستاهل
عموما
الناس اجناس
:)



اي نعم يا بوطلال
يطرب منها رقم اخوها او زوجها او ابوها
ولازم يطلب منها الرقم بكل أدب واحترام ويقول لها :
عطيني رقم رجال اتفاهم معاه من اسرتج
ان اعطته الرقم يطلع شجاعته ويقول الي في خاطره
وان رفضت تعطيه الرقم .. ياخذ رقم سيارتها ويروح يشتكي عليها بالمركز
واذا له حق بياخذه بالقانون
واذا ماله حق .. يستريح مكانه
:)
عرفت ولا ازيدك ؟





وليش هالسالفه الطويله أأخوي خلفيه

يخلها تبربر لين تتعب

ترى اللسان من دون عظم يتكلم يتكلم لين يتعب

ويطنش لها

بس المشكلة لي اطلعت اهي مهب وجه حشيمه وانت سكت وهي راحت اشتكت عليك !!!

يقولك ضربني وبكى سبقني واشتكى !!

[خليفـة]

اعتبر نفسي بارد وبانطر رجلها او اخوها يتكرم علي ويقنعها تحرك موترها طيب واذا ماردت عليك ولاعطتك وجه لان مبين من سلوكها انها مي محترمه ولاتعرف الذوق ومسكره على سيارتك . شبتسوي ؟

زدني ياخليفه:)

افا والله عليك
ازيدك يالغالي .. ومن دق الباب .. جاه الجواب
لو ما عطته رقم اخوها او ابوها او زوجها
يقدر يشهد له اي شخص في الشارع عليها انها مسكره عليه وماتبي تبعد السيارة
ومصيرها تحرك السيارة
وبعدها طال عمرك يروح هو والشاهد لاقرب مركز ويشتكي عليها
والحكومة بتسحبها للمركز ويتصرفون وياها
لكن
لو انت تشوف ان من حقه ينزل لها ويهاوشها
او يدعمها
افرض فصخت زنوبتها الله يعزكم .. وكان مقاسها 62
ولصقتها على وجه الي نازل يفتن عليها ويهاوشها
شنو بيكون ردة فعله ؟
بيضربها هو بعد ويتعافر وياها في الشارع ؟
زين افرض انه كان مجنون وسواها وتعافر وياها في الشارع .. وفي الأخير طلعت البنت موهوبه .. ولعنت خير خيره جدام الله وخلقه .. من وين يجيبون له نقاب يغطي وجهة عن الفشيلة ؟
اخوي .. كبر عقلك ولا تقول لي برود أعصاب
العيب عيب .. والغلط غلط
واذا كانت هي قليلة أدب وملسونه .. لازم الرجل يكون كبير عقل ومحترم
وتصرفاته كلها تكون محسوبة عليه
والرسول عليه الصلاة والسلام قال :
ليس القوي بالصرعة إنما القوي من يملك نفسه عند الغضب

عرفت ولا ازيدك ؟
تراني حاضر لكل من يحب ان يستفيد
:)


وليش هالسالفه الطويله أأخوي خلفيه

يخلها تبربر لين تتعب

ترى اللسان من دون عظم يتكلم يتكلم لين يتعب

ويطنش لها

بس المشكلة لي اطلعت اهي مهب وجه حشيمه وانت سكت وهيوراحت اشتكت عليك !!!

يقولك ضربني وبكى سبقني واشتكى !!


احسنت اخوي
اللسان ما فيه عظم
اما مسألة سبقني وبكا .. تأكد اخوي
ان واثق الخطوة يمشي ملكاً
وهي ما تقدر تشتكي طالما انه ما تعدى حدود الأدب معاها

كلمة أخيرة للجميع :

الحمدلله .. في مجتمعنا القطري بشكل عام
بما في ذلك اخواننا المقيمين
لا توجد امرأة بتلك المواصفات الي يفترضها البعض

وفي حال وجدت امرأة بتلك المواصفات .. فسيكون العدد على اصابع اليد الوحده

[تاج المراجل]

بعد هذا كــله والله اشلع وجهيه موترها ماعندي مشــكلة اذا هي مصره وراكبه رااسسسها ،

[فلتة زمانها]

لا لا لا اخوي خليفه لازم نتبع اسلوب الترهيب وافلام الرعب عشان بعض الحريم الي كبر راسهم يتعظون يعل راسهم البط لانه كرمالهم يتمادون اكثر وقمت اشوف هالتصرفات بشكل يومي

[عميد الريان]

والله انه ضاع الحيا في الحريم

[JN000N]

خليفه
هذا كلام نظري اخوي

فالواقع انت ماشفت شي
وشفت بنات من ربعي يسوقون تهزأو من نوعية اللي مثل الي انذكرت
انا ماقلت الي تسوق فيها وفيها
انا قلت في نوعيه ان مامردغتها بتزيد
واعرف وحده غلطت عليها بنت ورفيجتي ماسكتت عنها نزلت لها لان الحركه الي سوتها هذيك جدا شنيعه
وكانت مستقويه وانا بسوي وبسوي وبتجوفين وفالاخير راحت رفيجتي ومرمطتها عقب ماشتكت عليها
طبعا رفيجتي مادخلت المركز ونادت واحد من اهلها ومرمطو هذيج المستقويه وغصبن عنها طلعت واعتذرت لها

في نوعيه تسكت عنهم
في نوعيه بتحشمهم
في نوعيه بتحترمهم
في نوعيه بتسايرهم
لكن
في نوعيه بترد عليهم
في نوعيه بتوقفهم عند حدهم
لان لو سكت بتزيد لكن لو مره جاست المر مابتفكر تعيده

[خليفـة]

بعد هذا كــله والله اشلع وجهيه موترها ماعندي مشــكلة اذا هي مصره وراكبه رااسسسها ،
كفوا
تاج المراجل
اسم على مسمى
:)


لا لا لا اخوي خليفه لازم نتبع اسلوب الترهيب وافلام الرعب عشان بعض الحريم الي كبر راسهم يتعظون يعل راسهم البط لانه كرمالهم يتمادون اكثر وقمت اشوف هالتصرفات بشكل يومي
هذي وجهة نظرج .. وانتي حرة فيها
ولكن انا لازلت أرى ان الي يطول السانها على مرة
مهما بدر منها من تصرف .. يعتبر مخطيء
هناك قانون يأتي له بحقه كامل
حاله رقم 2 : امرأة وتدعوا للعنف ضد بنات جنسها

سبحان الله
:)


والله انه ضاع الحيا في الحريم

اخوي عميد الريان
عشان حالة شادة وحده
حكمت ان الحيا ضاع في الحريم ؟
أبشرك
الحريم المتربيات بأعداد لا تُعد ولا تُحصى
لله الحمد
ولكن يعتمد الموضوع علينا احنا
اذا كنا نبي نشوف الدنيا بسلبية بنشوفها سيئة لأبعد الحدود
واذا نبي نشوف الدنيا ايجابية بنشوفها ولا أحلى

يعتمد علينا احنا
ولنا القرار
:)

[Class - Qtr]

السلام عليكم

انا بااحط نفسي في هالموقف ,,

في النهايه امراة وعاندت وماكان له داعي تعاند انا واحد باانتظرها اذا مارجعت مستحيل ازعج

الناس بالهرن ومستحيل بعد اكلمها ولا اشر عليها لو سمحتي ممكن ترجعين اللي اتصرف هالتصرف

الواحد يبتعد عنها مافي مانع اني انتظرها نص ساعه اشغل نفسي في تلفون ولا في غيرة

ولا احتك معاها لا من قريب ولا بعيد ,,

الواحد لما يجوف تصرف غلط من الناس ماتدخل معاة انت في الغلط مثل اخوانا اللي دعمها

تدعمك لك بنت هههههههههههههههههههههه

الرجال مايحط راسه براس بنت ويعاند له بنت ,,

وحدة مثلها لها كل تقدير واحترام .. بس ماتستحق مني اهتمام عشان تسمح لي ارجع

رجعت ولا الله يعيني انتظرها تروح ..


والله يستر عليها وينتهي الموضوع على خير ..

[خليفـة]

خليفه
هذا كلام نظري اخوي

فالواقع انت ماشفت شي
وشفت بنات من ربعي يسوقون تهزأو من نوعية اللي مثل الي انذكرت
انا ماقلت الي تسوق فيها وفيها
انا قلت في نوعيه ان مامردغتها بتزيد
واعرف وحده غلطت عليها بنت ورفيجتي ماسكتت عنها نزلت لها لان الحركه الي سوتها هذيك جدا شنيعه
وكانت مستقويه وانا بسوي وبسوي وبتجوفين وفالاخير راحت رفيجتي ومرمطتها عقب ماشتكت عليها
طبعا رفيجتي مادخلت المركز ونادت واحد من اهلها ومرمطو هذيج المستقويه وغصبن عنها طلعت واعتذرت لها

في نوعيه تسكت عنهم
في نوعيه بتحشمهم
في نوعيه بتحترمهم
في نوعيه بتسايرهم
لكن
في نوعيه بترد عليهم
في نوعيه بتوقفهم عند حدهم
لان لو سكت بتزيد لكن لو مره جاست المر مابتفكر تعيده


ردج هذا الحين
خلاني اندم اني حاورتج
وخلاني افقد الأمل انج ممكن تستوعبين وتتفهمين وجهة نظري
يا اختي الكريمة ( جنون )
انا ما استنكرت مسألة المشادة الكلامية بين انثى وانثى
فهذا الشي يعتبر طبيعي ومقبول
وكثير مانشاهد مثل هذا النوع من المشادات بين الحريم بعضهم البعض
انا استنكرت مسألة المشادة الكلامية بين رجل وانثى
رجل .. يعني ذكر
يطول السانه على مرة .. يسبها او يغلط عليها .. او يكون نذل ويدعمها
او يكون أنذل من ذلك ويمد يده عليها في الشارع

رجاءً .. قبل لا تردين على اي موضوع لأي عضوا
لابد انج تقرين كلامه ووجهة نظرة بالكامل
وبعد ذلك ترتبي افكارج ووجهة نظرج
وفي الأخير تطرحينها على العام

:)
اخوج / خليفــة

[فلتة زمانها]

اي قانون ياخليفه اذا اشتكى عليها الرجال ابسط شي تلبسه قضية تحرش وتوديه ورا الشمس وصارت وايد من قبل وبعدين انا اما ادعو للعنف الا لقليلات الادب وطويلات الشنب

[غزلان]

انا وحده صرت اخاف اذا السياره الى حذاي او قدامي او وراي تسوقها مره :secret:

الحمد لله ان دريولنا يعرف يتصرف ولا كان كم مره بغينا نروح فيها:rolleyes2:

[شبح الصمت]

عندي قاعده في هالحياه


أحترم لكي تُحتـرم

[JN000N]

ردج هذا الحين
خلاني اندم اني حاورتج
وخلاني افقد الأمل انج ممكن تستوعبين وتتفهمين وجهة نظري
يا اختي الكريمة ( جنون )
انا ما استنكرت مسألة المشادة الكلامية بين انثى وانثى
فهذا الشي يعتبر طبيعي ومقبول
وكثير مانشاهد مثل هذا النوع من المشادات بين الحريم بعضهم البعض
انا استنكرت مسألة المشادة الكلامية بين رجل وانثى
رجل .. يعني ذكر
يطول السانه على مرة .. يسبها او يغلط عليها .. او يكون نذل ويدعمها
او يكون أنذل من ذلك ويمد يده عليها في الشارع

رجاءً .. قبل لا تردين على اي موضوع لأي عضوا
لابد انج تقرين كلامه ووجهة نظرة بالكامل
وبعد ذلك ترتبي افكارج ووجهة نظرج
وفي الأخير تطرحينها على العام

:)
اخوج / خليفــة

اممم مشالله عليك والحين تبي تعطيني درس ف طريقه المحاوره

:)

انت رجل مثالي؟ اوكي انا بشر ولا ادعي المثاليه والي بيطلع مني واطبقه بكتبه
ما اكتب غير هالشي

دمت بود اخ خليفه

[(بوطلال)]

افا والله عليك
ازيدك يالغالي .. ومن دق الباب .. جاه الجواب
لو ما عطته رقم اخوها او ابوها او زوجها
يقدر يشهد له اي شخص في الشارع عليها انها مسكره عليه وماتبي تبعد السيارة
ومصيرها تحرك السيارة
وبعدها طال عمرك يروح هو والشاهد لاقرب مركز ويشتكي عليها
والحكومة بتسحبها للمركز ويتصرفون وياها
لكن
لو انت تشوف ان من حقه ينزل لها ويهاوشها
او يدعمها
افرض فصخت زنوبتها الله يعزكم .. وكان مقاسها 62
ولصقتها على وجه الي نازل يفتن عليها ويهاوشها
شنو بيكون ردة فعله ؟
بيضربها هو بعد ويتعافر وياها في الشارع ؟
زين افرض انه كان مجنون وسواها وتعافر وياها في الشارع .. وفي الأخير طلعت البنت موهوبه .. ولعنت خير خيره جدام الله وخلقه .. من وين يجيبون له نقاب يغطي وجهة عن الفشيلة ؟
اخوي .. كبر عقلك ولا تقول لي برود أعصاب
العيب عيب .. والغلط غلط
واذا كانت هي قليلة أدب وملسونه .. لازم الرجل يكون كبير عقل ومحترم
وتصرفاته كلها تكون محسوبة عليه
والرسول عليه الصلاة والسلام قال :
ليس القوي بالصرعة إنما القوي من يملك نفسه عند الغضب

عرفت ولا ازيدك ؟
تراني حاضر لكل من يحب ان يستفيد
:)



احسنت اخوي
اللسان ما فيه عظم
اما مسألة سبقني وبكا .. تأكد اخوي
ان واثق الخطوة يمشي ملكاً
وهي ما تقدر تشتكي طالما انه ما تعدى حدود الأدب معاها

كلمة أخيرة للجميع :

الحمدلله .. في مجتمعنا القطري بشكل عام
بما في ذلك اخواننا المقيمين
لا توجد امرأة بتلك المواصفات الي يفترضها البعض

وفي حال وجدت امرأة بتلك المواصفات .. فسيكون العدد على اصابع اليد الوحده


كلام جميل . يعني عشان خاطر وحده ماتسوى نعالي ادور على شاهد يتكرم علي ويجي وياي مركز الشرطه . واذا وافق الشاهد اوقف كروه او اشوف اقرب محل تأجير سيارات لان سيارتي مسكر عليها وبعدين اروح اقرب مركز شرطه اقدم بلاغ عليها بشهادت الشاهد وبعدين ارجع بكروه للمكان الي كنت فيه ومعاي الشاهد طبعا . انزل من كروه واشكر الشاهد واقوله انتبه تراى السالفه مطوله وممكن نطلبك عشان تشهد قدام الحرمه . وبعدها يعتمد ان كنت راجع في كروه ادفع لراعيها وان كنت مأجر سياره ارجع السياره وبعدين اروح صوب موتري واكيد تكون بنت الحلال حركت وراحت .

ثاني يوم اقوم اراجع المركز هاه اتصلتوا فيها

الشرطي: نعم اخوي اتصلنا وواعدونا بس لحين محد راجعنا لا هي ولا زوجها

اليوم الثاني : اروح مركز الشرطه واسئل الشرطي شصار في موضوعي

الشرطي : محد رد على التلفون تبي نحول الموضوع للمحكمه؟

طبعا باقوله اكيد حول الموضوع للمحكمه لان ابي حقي بالقانون .

بعد شهرين مطلوب للمحكمه ورحت المحكمه وين الشاهد الي معاك ليش ماجبته . اسف حضرة القاضي ان شالله الجلسه الجايه .

الجلسه الثانيه بعد 4شهور رحت مع الشاهد بس بنت الحلال ماحضرت

ههههههههههههه

وتمر الايام والشهور والسنين ولازالت القضيه في المحكمه:nice:

..................

شوفي اخوي خليفه الردود وطبعا الاغلبيه رايهم انها تستاهل الي جاها . المراه الي مب محترمه هذي مالها حشيمه ادعمها وان طولت لسانه عطها على راسها هي وزوجها لانه للاسف مثلها نثيه ولو رجال ماكنت تصرفت هالتصرف لانها تعرف ان وراها واحد بيلعن سلسفيلها اذا ماكانت محترمه .

[JN000N]

اي قانون ياخليفه اذا اشتكى عليها الرجال ابسط شي تلبسه قضية تحرش وتوديه ورا الشمس وصارت وايد من قبل وبعدين انا اما ادعو للعنف الا لقليلات الادب وطويلات الشنب


لا تحاولين
لان ماجرب المواقف هذي كلش
لو جربها بيعرف المقصد
كل الكلام الي مكتوب فوق كلام ع ورق
احنا بنات ف وجهة نظرهم واحنا نتلاسن بوجهة نظرهم
ف بالعربي ينظرون لما بمنظور ثاني
صج لا تتعبين نفسج

[تاج المراجل]

واضح اخوي خليفه مدري ليش واقف في صف هالنوعيه من قيلات الادب اللي ماهيب حق حشمه ولا احترااام ، ادعمها ودعم مندوبها بعد بستين داهيه :nice: سسسسسسسلآم

[(بوطلال)]

ردج هذا الحين
خلاني اندم اني حاورتج
وخلاني افقد الأمل انج ممكن تستوعبين وتتفهمين وجهة نظري



اذا قدام الكيبورد وانت تتحاور مع انثى ماقدرت تستحمل وكان هذا ردك عيل لو وحده مسكره عليك وماسمحتلك تطلع بتصبر عليها !!

خل عنك ادعاء المثاليه وشوف اغلب الردود يعني انت صح والباقيين غلط :)

[JN000N]

اذا قدام الكيبورد وانت تتحاور مع انثى ماقدرت تستحمل وكان هذا ردك عيل لو وحده مسكره عليك وماسمحتلك تطلع بتصبر عليها !!

خل عنك ادعاء المثاليه وشوف اغلب الردود يعني انت صح والباقيين غلط :)


:nice:

شفت شلون طريقه البرود في الرد تخلي الواحد يلخبط فكلامه وايد
ف خل يتخيلني وحده واقفه فالشارع ومسكره عليه
بيقول لي رتبي نفسج قبل تردين؟
او بيقول لمي نفسج وقشج او ايش بالضبط




عشان جذي قلت ان كلام نظري بس
ع ورق مش تطبيق فالواقع

[ام السعف]

الغلط على الاثنين .. انها ماتحركت وانه دعمها ..!!

اما انه يطلبك شاهد .. كنت اتمنى انك ترد عليه وتقوله ياريت انك طلبت شهادتي قبل لاتدعمها وبلغت المرور ..!!

تحياتي لك

اشوف الرد هذا أكثر حكمة ،،

ويالله يصبر اللي دعمها على ما بلاه يومها :(

[خليفـة]

اممم مشالله عليك والحين تبي تعطيني درس ف طريقه المحاوره

:)

انت رجل مثالي؟ اوكي انا بشر ولا ادعي المثاليه والي بيطلع مني واطبقه بكتبه
ما اكتب غير هالشي

دمت بود اخ خليفه
ركزتي على مسألة تعليم الحوار
ونسيتي نقطة اعتراضي
للمرة الثانية
هوشة بين بنت ؤبنت يعتبر شيء وارد وطبيعي
ولكن إلي مب طبيعي رجال يهاوش له مرة
دمتي بود جنون


كلام جميل . يعني عشان خاطر وحده ماتسوى نعالي ادور على شاهد يتكرم علي ويجي وياي مركز الشرطه . واذا وافق الشاهد اوقف كروه او اشوف اقرب محل تأجير سيارات لان سيارتي مسكر عليها وبعدين اروح اقرب مركز شرطه اقدم بلاغ عليها بشهادت الشاهد وبعدين ارجع بكروه للمكان الي كنت فيه ومعاي الشاهد طبعا . انزل من كروه واشكر الشاهد واقوله انتبه تراى السالفه مطوله وممكن نطلبك عشان تشهد قدام الحرمه . وبعدها يعتمد ان كنت راجع في كروه ادفع لراعيها وان كنت مأجر سياره ارجع السياره وبعدين اروح صوب موتري واكيد تكون بنت الحلال حركت وراحت .

ثاني يوم اقوم اراجع المركز هاه اتصلتوا فيها

الشرطي: نعم اخوي اتصلنا وواعدونا بس لحين محد راجعنا لا هي ولا زوجها

اليوم الثاني : اروح مركز الشرطه واسئل الشرطي شصار في موضوعي

الشرطي : محد رد على التلفون تبي نحول الموضوع للمحكمه؟

طبعا باقوله اكيد حول الموضوع للمحكمه لان ابي حقي بالقانون .

بعد شهرين مطلوب للمحكمه ورحت المحكمه وين الشاهد الي معاك ليش ماجبته . اسف حضرة القاضي ان شالله الجلسه الجايه .

الجلسه الثانيه بعد 4شهور رحت مع الشاهد بس بنت الحلال ماحضرت

ههههههههههههه

وتمر الايام والشهور والسنين ولازالت القضيه في المحكمه:nice:

..................

شوفي اخوي خليفه الردود وطبعا الاغلبيه رايهم انها تستاهل الي جاها . المراه الي مب محترمه هذي مالها حشيمه ادعمها وان طولت لسانه عطها على راسها هي وزوجها لانه للاسف مثلها نثيه ولو رجال ماكنت تصرفت هالتصرف لانها تعرف ان وراها واحد بيلعن سلسفيلها اذا ماكانت محترمه .
خلااص اخوي ؤلا تزعل
أنزل آْنَـت مـن موترك
واغلط عليها
وسبها
ؤانا أعطيك ضمان إن في نفس اليوم بيسحبونك
ومن غير أي مماطلة





لا تحاولين
لان ماجرب المواقف هذي كلش
لو جربها بيعرف المقصد
كل الكلام الي مكتوب فوق كلام ع ورق
احنا بنات ف وجهة نظرهم واحنا نتلاسن بوجهة نظرهم
ف بالعربي ينظرون لما بمنظور ثاني
صج لا تتعبين نفسج
يبدوا لي مـن ردج أختي جنون انج مأخذة مني موقف
إتمنى أكون غلطان وما تحطين بخاطرج
إحنا نتحاور ونتناقش


واضح اخوي خليفه مدري ليش واقف في صف هالنوعيه من قيلات الادب اللي ماهيب حق حشمه ولا احترااام ، ادعمها ودعم مندوبها بعد بستين داعيه :nice: سسسسسسسلآم
كلام منتدى يا رجال
وقت الصج كل شيء يتغير حبيبي
هدي نفسك أهم شيء ؤخذ نفس عميق الغالي
وعد للعشرة


اذا قدام الكيبورد وانت تتحاور مع انثى ماقدرت تستحمل وكان هذا ردك عيل لو وحده مسكره عليك وماسمحتلك تطلع بتصبر عليها !!

خل عنك ادعاء المثاليه وشوف اغلب الردود يعني انت صح والباقيين غلط :)

مـن قال لك أني مثالي ؟
آّنـا طال عمرك إنسان عادي
عيوبي ولي محاسني
ولكني تربيت بين رجال. ما ينزلون بنفسهم أو يتقوون على حريم
أما بالنسبة للاخت جنون فكلامهاعلى قلبـي
ولؤ ركزت قبل لا تكتب هالرد
بتلاقيني آخر كلامي قلت لها
إخوج / خليفة

[خليفـة]

:nice:

شفت شلون طريقه البرود في الرد تخلي الواحد يلخبط فكلامه وايد
ف خل يتخيلني وحده واقفه فالشارع ومسكره عليه
بيقول لي رتبي نفسج قبل تردين؟
او بيقول لمي نفسج وقشج او ايش بالضبط




عشان جذي قلت ان كلام نظري بس
ع ورق مش تطبيق فالواقع

عزيزة وغالية أختي جنون
هذي وجهة نظرج ولج الحق تأخذين بها
بـس صدقيني لو سويتي آْنتي فيني. هالحركة
ماراح يبدر مني لج إلا كل خير
لا راح أنزل أمرمطج في الشارع ؤلا راح اغلط عليج
لإنج بنت
:)

[تاج المراجل]

كــلام منتدى اجل شكلك من النوعيه اللي تعود يهايط من وراء الشاشــة :nice:
ماعليكم اي وحده تسوي فيكم نفس هالحركه الكش الريوس عليها وريس حده بعد
ماعليكم من الاخ ( خليفه )َ احس صار معاه نفس هالموقف لكـن للاسف نزلت عليه وحده
وشسمه عاد وخلاته يكرهه هالتصرف بحيث انه اصبح الحين ضد هالتصرفات

[دنيا الاسهم]

انا لو مكانة بشهد ضدها اذا هذا موقفها ومعاندة .. وش علية معاندة الشارع ملك الجميع ومش من حقها ان ماتريوس ..
صكت علية تستاهل اللي جاها بنت السفيرة عزيزة
بعض النساء ماصخات ويبطون الجبد

[qatara]

ضامنين 80 بلميه او اكثر لصالحهم

[intesar]

تستاهل سيارتها تتكسر.. لو كانت الحكاية صحيحة..

[QtrGate]

موقف صعب صراحتاً

أنا لو مكانه انزل من السيارة وانتظر

على قولة الوالد اذا قدامك حرمة حاسب تعطيها هرن لانها بتدوس بريك صعيدي على قولة إخوانا المصريين

لأكن لا تلومها ممكن صار لها موقف من الريوس

[Locale]

يدعمها ويكسر راسها

ماتعرف تريوس حلوه ذي في اي قانون للسواقه الوحده تاخذ الليسن وماتعرف تريوس

هالاشكال يبيلها حد يسنعها

[ريتويت]

الحريم .... ااااااااااااه يالحريم

[فارس قطر]

ناس تحب تقراء وتستفيد وناس تقراء وماتستفيد

وناس تفهم ،،،،، وناس ما تبغى تفهم ولاتتعلم

وناس تنافق وناس تجامل وناس تحب النهار وناس تحب الليل

وناس تتالم بوجعها... وناس تكتم المها

وعجلة الزمن تدور فيها الخير وفيها الشر

وفيها الغبى الي مايدري وين الله حاشرة وفيها الذكي الي فهم الموضوع من اول اشارة.

وشكرا لصاحب الموضوع.