فشلتونا .............الله يفشلكم

[qatarshark]

في البداية ارحب بكم اجمل ترحيب واحب اعرض عليكم مشهد طالما ازعجني وشاهدته كثيرا
وهو سالفة (الانقجي) الي صايرة بالمجمعات التجارية وفي كل مكان (الانقجي) وهي ان يمسك الزوجان ايدي بعض امام الملآ.... انا عن نفسي اعتبرها فشيلة ليش لان هالموضوع مش من عاداتنا ولا تقاليدنا واذا كان الزوج او الزوجة يحبوا بعض خلاص يعني لازم اتخلون العالم يشوفونكم انكم اتحبون بعض والله فشيل لا والمشكلة اني مرة شفت واحد ماسك زوجته من خصرها (قمة العيب) انا انتظر ردودكم بس ارجوكم كل واحد يقول رايه بصراحة من غير مجاملة يعني لا قول لي انها حرية شخصية وتحضر وبس
تسلمووووووووووووووووووووووووون

[R 7 A L]

عيــــــــــــب

[المليونير الفقير]

لاحرية ولاتحضر بس ماشوف فيها شي لو الزوج مسك يد زوجته وين العيب والفشيله الي تتكلم عنها

[البحار00]

مع اني ماقد سويتها من قبل

لكن ما يمنع الواحد يمسك يد زوجته دام انها حلاله

[HIGHNESS]

لاحرية ولاتحضر بس ماشوف فيها شي لو الزوج مسك يد زوجته وين العيب والفشيله الي تتكلم عنها

صحيح ... وين الفشيلة والعيب زوجته ... ليش الأشياء اللطيفه والموده صارت من العيب .. :)

[خليفـة]

اخوي هدي نفسك
في تصرفات مقبولة وفيه تصرفات مو مقبولة من الأزواج
يعني لما الزوج يكون ماشي مع زوجته ويده بيدها وين العيب ؟
وين الغلط ؟
وين الاحراج في هالشي ؟
يا خوي الرسول عليه الصلاة والسلام يقول :
خيرُكُم خيركُم لأهله
ولا انت من النوع الي تبي الزوج يمشي وزوجته وراه مثل الخادمة
بينهم 10 امتار .. وكأنه مفتشل منها وجايبت له العار !

اما ان الزوج يمسك خصر زوجته امام الناس او ان يلمها او ان يمارس اي نوع
من انواع العواطف امام الملأ .. فهذا شيء لا يبدر من القطري أبداً
واستحالة احد يسوي هالشي امام الناس
لان يعرف ان هالتصرفات مرفوضة وما يوسيها رجال محترم مع زوجته امام أعين الناس

خلك كول اخوي .. والزوجة الصالحة تستاهل من زوجها كل خير واحترام وتقدير

خليفــة

[خوي الدرب]

المشكلة أن الناس تنتقد الحلال وتصمت عن الحرام

[كازانوفا]

يااااااااااااااااااااااسلام :waiting:

هذا اللى مزعجك ومزعلك ومخليك تفتح موضوع ومتفشل :swoon:

عز الله ما فلحناااااا :pilot:

[cavok]

الحياء من الايمان يا عالم
هنا من مدينة سيئول ( كوريا الجنوبية )

[مهره]

يعني فشلة اذا كانو زوجين ولا اذا كانت العلاقة حرام ماجات علي هذا انا اشوف العجائب في المجمعات من لبس وشكل وحركات وتصرفات غير لائقة

[jewelry-qtr]

اخوي هدي نفسك
في تصرفات مقبولة وفيه تصرفات مو مقبولة من الأزواج
يعني لما الزوج يكون ماشي مع زوجته ويده بيدها وين العيب ؟
وين الغلط ؟
وين الاحراج في هالشي ؟
يا خوي الرسول عليه الصلاة والسلام يقول :
خيرُكُم خيركُم لأهله
ولا انت من النوع الي تبي الزوج يمشي وزوجته وراه مثل الخادمة
بينهم 10 امتار .. وكأنه مفتشل منها وجايبت له العار !

اما ان الزوج يمسك خصر زوجته امام الناس او ان يلمها او ان يمارس اي نوع
من انواع العواطف امام الملأ .. فهذا شيء لا يبدر من القطري أبداً
واستحالة احد يسوي هالشي امام الناس
لان يعرف ان هالتصرفات مرفوضة وما يوسيها رجال محترم مع زوجته امام أعين الناس

خلك كول اخوي .. والزوجة الصالحة تستاهل من زوجها كل خير واحترام وتقدير

خليفــة

كفيت ووفيت يا خليفه بالرد

[شبح الصمت]

يارررجال خرعتني

خليتني ادش موضوعـك فلت



أحسب شيء جايد


:shy:

[قطريه أصيله]

عجبني رد بوخليفه وانا معاه


يعطيكم العافيه

[بوجبر]

وين الحرام في هذا!!!

ما عندك سالفة:tease:

[مسك روز]

اذا على مسكة اليد انا اشوفها عاديه

اما مسكة خصر وحركات ثانيه لا طبعا عيب

عندهم بيتهم مب جدام الناس

[مسك روز]

يارررجال خرعتني

خليتني ادش موضوعـك فلت



أحسب شيء جايد


:shy:



هههههههههههههه

وانا بعد يايه مدرعمه فلت :nice:

لان هالكلمه دايما اقولها

[مستـريــح البـــال]

اخوي الله يرحم والديك وين الفشيله في الموضوع؟؟

دام الشي مافيه مبالغة، ولا في شي يلفت الانتباه، مافيها اي مشكله !!

بس الغريبه اذا الناس بيقعدون قعدة، فلان مسك يد زوجته!! فلان زوجته تمشي جدامه !! فلان زوجته تطلع بروحها!!!!

بالعكس، في الزحمة،أو السفر، افضل ان تمسك المرأة من يدها ..

اذا كان استغرابك عن المبالغه في الحركات، والتكشف وعدم غيرة الزوج وهو (مأنكج) زوجته، فأنا معك قلبا وقالبا في الرأي ..

وجهة نظر ..

[اليحصبي]

اخوي هدي نفسك
في تصرفات مقبولة وفيه تصرفات مو مقبولة من الأزواج
يعني لما الزوج يكون ماشي مع زوجته ويده بيدها وين العيب ؟
وين الغلط ؟
وين الاحراج في هالشي ؟
يا خوي الرسول عليه الصلاة والسلام يقول :
خيرُكُم خيركُم لأهله
ولا انت من النوع الي تبي الزوج يمشي وزوجته وراه مثل الخادمة
بينهم 10 امتار .. وكأنه مفتشل منها وجايبت له العار !

اما ان الزوج يمسك خصر زوجته امام الناس او ان يلمها او ان يمارس اي نوع
من انواع العواطف امام الملأ .. فهذا شيء لا يبدر من القطري أبداً
واستحالة احد يسوي هالشي امام الناس
لان يعرف ان هالتصرفات مرفوضة وما يوسيها رجال محترم مع زوجته امام أعين الناس

خلك كول اخوي .. والزوجة الصالحة تستاهل من زوجها كل خير واحترام وتقدير

خليفــة

:nice:

[ROSE]

سبق وان تم طرح القضية سابقاً

بانتظار قضايا اسخن