شباب وين احسن مكان تسوي فيه لون المطفي

[عبدالرحمن بن محمد]

السلام عليكم
شباب وين احسن مكان اسوي فيه اللون المطفي للسياره وتكون اسعاره حلوه

[qatari 111]

وعليكم السلام

اخوي اذا موترك صبغ الشركه وتبغي تسوي نفس اللون مطفي عليك بالجلاد واحسن وارتب وارخص مكان فالبحرين .. وهم نوعين من الجلاد النوع الرخيص الصمغ يبقى فالبدي اذا جين تشيله .. والغالي ما يبقى اي شي فالبدي ويتحمل الحراره والبروده والغسيل ..

واذا بتصبغه رش راح يكون الصبغ خشن ومسك الغبار خصوصا اذا لون موترك اسود او كحلي او رمادي ويصبغونه فالحسا بيكلفك 2500 للكروزر

وناس تحسفت يوم سوو المطفي لان يخرب المنظر الجوهري للسياره

الموقع هذا يمكن راح يفيدك من تجارب الشباب

http://www.qatarspeed.com/forum/t160296.html

[rayyani12]

مرحبا اخوي .. انا اعرف واحد من الشباب مسوي في الامارات حق استاندر موديل 2006 ب 1500 جلاد مش صبغ .. ومن اسبوعين كنت في العرض مال السيارات اللي صار في قاعة المعارض .. شفت تيتانيوم عارضن بورش مسوين له جلاد مطفي وسألتهم عن الاسعار قالوا لي الكروزرات ب 13,000 والصالون اقل ب 1,000 ريال .. مادرري على ايش الصراحه .. اتمني اني اكون افدتك بشيء .. يعطيك العافيه

[naif3]

الامارات افضل شي

[حاضرين قطر]

الامارات اخوي

انا مركب في عجمان ب 1400مع اخطوط ب 300

وشغلهم احسن من الدوحه بالف مره

[..er..]

الشارقه ب 1100 درهم :)

واذا شافوك قطري بيقولون لك ب 3000 كحد ادنى

وفيه محل حمايه بالسد يركب لك حمايه كامله للسياره على شكل مطفي طبعآ هو شفاف بس يطلع لك شكل مطفي ضمان مدى الحياه على اي مشكله فيه
بس غالي حبتين
انا ركبت على جي 55 بـ 18 الف

ونصيحه صغيره اتمنى تاخذها دامها ببلاش
( لاتصبغ ولاترش موترك )
الجلاد اشرف واحسن من الصبغ
وموفق باذن الله

[تمون]

اخوي انا مركب في محل درايفر فالبحرين احسن محل فالخليج

السعر ٣٦٠٠ ريال وضمان ٥ سنوات

مكانه وانت طالع من ابوكوارا خذ الاشاره يسار كانك رايح مصفات الماي بتلاقيه على يدك اليمين وشغل محترم

والي فامارات يسوونه ب ١٠٠٠ و. ١٥٠٠ نوع اللصق زفت الله يعزك يمكن يطير صبغ سيارتك لين شلته وضمانه سنه فقط

[G0LD]

انا صبغت موتري في الصناعيه شارع 29 لكن مااذكر اسم الكراج هو تقريبا اخر شي من الشارع

على يدك اليمين - وكان رش مطفي ويقول بعد اذا تبي ترجع اللون الاصلي عنده ماده يرشها وبعدها

يرجع اللون الأصلي للسياره !! والسعر ب 2500 ريال ويخلص نفس اليوم

لكن عندي سوؤال ياشباب الحين في الملكيه لازم ينكتب مطفي أو عادي ؟

لأن انا جبت له ورقه صبغ نفس اللون فقط ورشيت السياره

تحياتي

[الخيال 11]

اخوي تمون ممكن رقم المحل اللي في البحرين (درايفر)

[عبدالرحمن بن محمد]

يعطيكم العافيه شباب

[مخاوي اليل]

السلام عليكم
شباب وين احسن مكان اسوي فيه اللون المطفي للسياره وتكون اسعاره حلوه

مرحباً اخوي بومحمد عندك محل اسمه ( لورنس ) في الغرافة ( وانت جاي من دوار جسر الشمال متجهه صوب دوار الغرافه تعداه بتحصل معهد اللغه الانجليزيه قبل الدوار عند اشارات 200 متر خذ يمين وكمل الطريق بتشوف السوق على يمينك ) شغله نظيف ولا يعلا عليه من واقع تجربه .. و الجروب شفتهم كانوا شغالين في البحرين محل ( درايفر) بحكم أني اركب الجلاد من زمان صدق شغل نظيف للأمانة و الجلاد كوالتي الماني وامريكي وبريطاني.. وبصراحه شفت الربع مركبين في الامارات .. و في الدوحه عند بعض المحلات الي مش متخصصه في تركيب الجلاد ..( متخصصه في تركيب العوازل ) التركيب الله بالخير يا يقوم الجلاد والا تحصل فيه الوصلات واضحه والا فيه نفافيخ هوا والي مش قاص الزوايا و الحدود عدل ..تالي لين قام الجلاد يقعد يتلفت عاد خله يضرب خط لين الامارات .. ومش اي محل يركب يضبط تركيب الجلاد فيه محلات شغلهم الله بالخير . *

[عبدالرحمن بن محمد]

يعطيك العافيه ان شاءالله بمر عليه
والشباب ماقصرو
بس لاني بغيت محل فالدوحه

[ali8.1]

بالتوفيق ان شالله

[تمون]

اخوي تمون ممكن رقم المحل اللي في البحرين (درايفر)

والله ماعندي رقم المحل يالغالي للاسف

[عبدالرحمن بن محمد]

في محل اسمه العنابي لزينة السيارات المكان في معيذر
حصلت اعلان عنه في اليوتيوب
في حد يعرف شغله شلون ؟؟؟؟

[tiger33]

في محل ف معيذر الشارع التجاري

سوالي ع جي اكس ار 3300 مع ضمان لمدة سنة

وشغلهم حلووو والله يوووفق صاحب المحل لان اصراحة سمعت اسعار ف قطر غريبه اقل واحد قلي 7000 ريال


نصيحة ...

ابتعد عن الصبغ والرش

[cayenne s]

واحد من الربع بيصبغ عند الكريسال قالى على ٢٥٠٠ او ٢٦٠٠

[البحار00]

روح محل كول كار في الغرافة جنب مطعم الصيوان سابقا

عندهم اللون المطفي وأسعارهم أظن حلوة

وللعلم والامانه أنا سويت سياراتي حمايه وعازل حراري نانو سيراميك

كلفتني السيارة الوحده ٣٠٠٠ ريال وضمان مدى الحياة

بس في سالفه الألوان المطفيه ماجربتهم بس شفت كذا واحد يركبون عندهم

[tiger33]

http://www.qatarspeed.com/forum/t160590.html

[بوحارب]

والله خاطري اصك الهدد جلاد مطفي بس متردد !!!!

[مخاوي اليل]

روح محل كول كار في الغرافة جنب مطعم الصيوان سابقا

عندهم اللون المطفي وأسعارهم أظن حلوة

وللعلم والامانه أنا سويت سياراتي حمايه وعازل حراري نانو سيراميك

كلفتني السيارة الوحده 3000 ريال وضمان مدى الحياة

بس في سالفه الألوان المطفيه ماجربتهم بس شفت كذا واحد يركبون عندهم
اخوي ماعنده الا المطفي الشفاف حمايه ما يسويه الا ب 14000 حق الجيات و الكاربون فايبر حول 16500 ما شفت عنده جلاد

[المبرمج صلاح]

بالتــــــوفيق أن شــــــاء الله

[ولـ قطر ـد]

مرحباً اخوي بومحمد عندك محل اسمه ( لورنس ) في الغرافة ( وانت جاي من دوار جسر الشمال متجهه صوب دوار الغرافه تعداه بتحصل معهد اللغه الانجليزيه قبل الدوار عند اشارات 200 متر خذ يمين وكمل الطريق بتشوف السوق على يمينك ) شغله نظيف ولا يعلا عليه من واقع تجربه .. و الجروب شفتهم كانوا شغالين في البحرين محل ( درايفر) بحكم أني اركب الجلاد من زمان صدق شغل نظيف للأمانة و الجلاد كوالتي الماني وامريكي وبريطاني.. وبصراحه شفت الربع مركبين في الامارات .. و في الدوحه عند بعض المحلات الي مش متخصصه في تركيب الجلاد ..( متخصصه في تركيب العوازل ) التركيب الله بالخير يا يقوم الجلاد والا تحصل فيه الوصلات واضحه والا فيه نفافيخ هوا والي مش قاص الزوايا و الحدود عدل ..تالي لين قام الجلاد يقعد يتلفت عاد خله يضرب خط لين الامارات .. ومش اي محل يركب يضبط تركيب الجلاد فيه محلات شغلهم الله بالخير . *

السلام عليكم ورحمه الله وبركاته ..

انا وياك اخوي مخاوي الليل وجربت عندهم المطفي وشغله 100 % 100 %

وبالتوفيق للجميع ..

[paciottiq]

محل لورنس بالغرافه


الموتر من بره ب 7000 مع ضمان سنه

الموتر من داخل بحيث يبين انه كامل مطفي ب 8000 مع ضمان 3 سنوات