حفريات الشوارع الداخلية .. مقبرة السيارات

[غزلان]

حفريات الشوارع الداخلية .. مقبرة السيارات
في الصناعية والمناطق الخارجية وأم غويلينا والمنصورة


الدوحة - الراية:




تنتشر الحفريات في جميع الشوارع الداخلية بشكل يثير التساؤلات حول أسباب تجاهلها وسط العديد من مطالب أعضاء المجلس البلدي بسرعة صيانة تلك الشوارع وإنارتها بعد تسبّبها في عدد كبير من الحوادث حسب ما تشير إليه الإحصائيات السنوية للحوادث المرورية .

تؤكد الإحصائيات أن أكثر من 90% من حوادث الطرق تقع في الشوارع الداخلية، وأرجعت الإحصائيات أن جزءًا كبيرًا منها يرجع إلى الحفريات وعدم إنارة تلك الطرق، ورغم ذلك تظل آلاف الحفريات شاهدة على تجاهل الجهات المعنية لمطالب السكان، خاصة في الصناعية والمناطق الخارجية، بل في العديد من المناطق داخل الدوحة وفي مقدمتها أم غويلينا والمنصورة التي تعد فيها الحفريات أحد معالم الشوارع المميزة لها منذ سنوات.

ويطالب المواطنون بسرعة صيانة الشوارع والطرق الداخلية والتي تحتاج أغلبها إلى ترميم وتأهيل في الوقت الذي تنعم فيه مناطق أخرى بجودة شوارعها بطريقة ملحوظة.

[بوعلي2]

الله المستعان

[رآعي موآجيب]

الحفريات اللي تحتاج صيانه ويتجاهلونها في صوب وأصرارهم على أن المجارير ( اجلكم الله ) تكون بوسط الشوارع في صوب

هالمجارير يكون حواليها هبوط بعد فتره ، وتسبب مشاكل كبيره من أضرار للسيارات او حوادث في حال حاول السائق تفاديها

والغريب في الموضوع انه يكون فيه مجال لوضع هالمجارير بين الشارعين او في الجزر على الأطراف ، ومع ذلك يحطونها بنص الشارع !!

أسلوب غريب وهندسه أغرب :omen2:

[سارق الكحل]

امس كلفتني احد هالحفر 4000 ريال

ماخليت دعوه الا مادعيتها على المسؤول

[غزلان]

الله المستعان


من كم يوم حفره في الشارع ماشافها لدريول الا على اخر لحظه ضرب بريك شوي شوي ولا كان السياره في الكراج:(

[غزلان]

الحفريات اللي تحتاج صيانه ويتجاهلونها في صوب وأصرارهم على أن المجارير ( اجلكم الله ) تكون بوسط الشوارع في صوب

هالمجارير يكون حواليها هبوط بعد فتره ، وتسبب مشاكل كبيره من أضرار للسيارات او حوادث في حال حاول السائق تفاديها

والغريب في الموضوع انه يكون فيه مجال لوضع هالمجارير بين الشارعين او في الجزر على الأطراف ، ومع ذلك يحطونها بنص الشارع !!

أسلوب غريب وهندسه أغرب :omen2:



فعلا لاحظت هالشي اسلوب غريب تكون بوسط الشارع كانها فخ :rolleyes2:

[غزلان]

امس كلفتني احد هالحفر 4000 ريال

ماخليت دعوه الا مادعيتها على المسؤول


الله يعوضك خير

ماتنلام بصراحه تصليح السيايير وايد مكلف

[عضو المنتدى]

والله ان الشوارع الحالية كارثة

مافي شارع يفتح النفس حتى شارع 22 فبراير صاير ضيق من كثرة السيارات .

ويا كثر مايسكرون الشوارع مافي شارع في قطر ماعليه حواجز مرورية كلها حفريات


والمحالات التجارية في شارع سلوى خسروا اموالهم كلها وغلقت واليوم الخبر

كان بجريدة الشرق .

اشغال بحاجة لمحاكمة مسؤلينها على إدارتهم الفاسدة .

بعض الشوارع الرئيسة إلي مافيها أي عيوب يعملون لها إعاده رصف كل سنة

والمناقصة بالملايين ..

والله صرنا نشك انه هناك جهات مستفيدة من خراب ودمار شوارع قطر

[بويعقوب]

في حفره يشتغلون فيها ان ماخانتني الذاكره من سنه 1999 لين يومكم الله العالم اشفيها

موقعها من دوار المعموره بتجاه قطر لديكور

[قرنقووش]

بويعقوب الظاهر فيها نفط ههههههه
شوارعنا الله وكيلك يا حفره او مطبه .. قمت احس ان الشارع لو كان سيده هذي ١٠٠٪ فيه مشكله :p

راعي مواجيب
كلامك صحيح لكن في اشيا في الشوارع حاليا صعب تتغير مثل بيبات الكهربه والمجاري تكرمون
بتتعطل الحركه بشكل كبير
العتب عليهم في الشوارع الجديده .. احنا في ٢٠١٢ ولين الحين تلقى بالوعه في نص الشارع .. وشوارع اوروبا من الثمانينات تلقى بواليعهم على الارصفه او جنب الرصيف وشوارعهم مايله صوبها عشان الماي مايتجمع في الشوارع وقت المطر .. تعال عندنا زين ماتحصل ضفادع

[doha2012]

يصلحون شي ويخربون شي

وكله على راس المواطن والمصاريف من كل صوب

[غزلان]

والله ان الشوارع الحالية كارثة

مافي شارع يفتح النفس حتى شارع 22 فبراير صاير ضيق من كثرة السيارات .

ويا كثر مايسكرون الشوارع مافي شارع في قطر ماعليه حواجز مرورية كلها حفريات


والمحالات التجارية في شارع سلوى خسروا اموالهم كلها وغلقت واليوم الخبر

كان بجريدة الشرق .

اشغال بحاجة لمحاكمة مسؤلينها على إدارتهم الفاسدة .

بعض الشوارع الرئيسة إلي مافيها أي عيوب يعملون لها إعاده رصف كل سنة

والمناقصة بالملايين ..

والله صرنا نشك انه هناك جهات مستفيدة من خراب ودمار شوارع قطر



الى نستغرب منه ان تصليحات الشوارع ماتخلص ولشي الثاني تستمر لفترات طويله
وبعد ماتخلص لازم يكون فيه غلط ..الدوله مب مقصره لكن الظاهر فيه خلل ما