عــااااجــل ... مشورتكم علي ماعليكم امر

[qtr.wolf]

السلام عليكم ..

بغيت مشورتكم يا اخواني في الله عندي بيت جديد و متوهق اركب بلاط الحوش اول ولا اركب باب الحوش قبل الله لا يهينكم ارائكم في الموضوع و شوركم شاسوي

بانتظار اهل الخبر او اللي خلصو بنيان فلل جديده

[خوي الدرب]

اولا مبروك
ثانيا وعن تجربه ركب البلاط أول لانك لو ركبت الباب اول فقد تضطر إلى جلب دفان للباب ورفع الباب من جديد وتحتاج في ذلك الى لحام يقوم بألحام الباب في المكان الجديد

[شهر سبعة]

البلاط اول

[شبح الصمت]

بالمبارك على البيت

جعله منزلاً مبارررك


ركب البلاط اول شيء عشان تضبط ميزانية الباب


لازم عشان يوم يجون ياخذون القياسات يكون مضبووووووط

موفق

[sendarala]

منزل مبارك ان شا الله

علي ما اعتقد الاخوان ردوا عليك

[R 7 A L]

آلف مبروك
تتهنى فيه ان شاء الله

لاتركب بلاط ركب أنترلوك
على شأن يصير طقم مع شوارع الدوحة
:telephone:

[كلنا قطر 1981]

مبروك عليك البيت والله يوفقك

البلاط في البدايه افضل من الباب علشان المزانيه و انشاء الله يكون بيت السعد عليك :victory:

[حسن]

اول شي عشاء البيت بعدين باقولك كلمه السر البلاط اول

[حلم الطفولة]

الله يجعله منزل مبارك وتقضي فيه اسعد ايام حياتك ...

[سهم طايش]

اكيد اول شي البلاط علشان يشوفون مستوى الباب

[SASAS]

أخوي منزل مبارك إن شاء الله
ما يهم من الاول ....
الأهم أن المقاول يحط المناسيب من الحين
واتكون موجودة ومرسومة على السور والباب
واذا الكل ملتزم بالمنسوب ما يهم اتركب الباب او البلاط الاول
والله يوفقك

[qtr.wolf]

بيض الله وجوهكم و الله يبارك في كل واحد رد علي و نصحني وكل من قرأ الموضوع و لم يرد ايضا وجزاكم الله خير

[doha2012]

الباب الاول هذا اللي قاله لنا المقاول

الباب له طول معين علشان البلاط


وبالتوفيق ومنزل مبارك ا شاء الله

[نيساني]

البلاط اول طال عمرك ولا بتظطر تسوي نفس ماسوى المقاول اللي عندي قص الباب



والله يجعله منزل مبارك

[Al Qurashi]

السلام عليكم ..

بغيت مشورتكم يا اخواني في الله عندي بيت جديد و متوهق اركب بلاط الحوش اول ولا اركب باب الحوش قبل الله لا يهينكم ارائكم في الموضوع و شوركم شاسوي

بانتظار اهل الخبر او اللي خلصو بنيان فلل جديده

السلام عليكم
ان شاء الله الله يبارك لك في البيت الجديد وان شاء الله تتهنا فيه ويعطيك خيرها من شرها اخوي العزيز اولا خلص البلاط وعدل مكان الباب وبعدين لما تخلص جيب الحداد ياخذ المقاسات صح وركب الباب بيكون شغل النظيف وشغل ممتاز وبالتوفيق من رب العالمين

[السد]

البلاط اول شي

[qtr.wolf]

thanks all