الزعتر بخمس ريالات

[الحاقول]

امس رحت المخازن الكبرى السوبر ماركت ... وداخل المخازن الكبرى هناك مخبز

يبيع الخبز والفطاير والحلويات بأسعار مبالغ فيها

طلبت منه اربعه زعتر شان يقول عشرين ريال

عسى ماشر الزعتر الواحد بخمس ريال .... وين حماية المستهلك من هذه الاسعار الخياليه

[chillis]

طيب وعقب

[doha2012]

والزعتر الصغير بخمسه في احد المخابز


الله المستعان

[Right]

ماي ذهب مو زعتر !!!



صح النوم يا حماية المستهلك

[قطري2012]

يات على الزعتر الله يستر كل شي صار 5 اضعاف

[king fish]

يمكن زعتر لبناني .....................

[ريم 28]

ايش اقول ولا ايش اخلي الكل قاعد يزيد في الاسعار

واقول ليش السعر زايد كان قبل بهالسعر يقول لان الرواتب زادت اشدعوا الكل على كيفه يحط السعر ويرفع حتى الهنود يردون علينا ويقصون الكل قاص علينا

ايش على بالهم

مشكلتنا اغلب القطريين ساكتين ويدفعون بس المفروض حماية المستهلك يهتمون اكثر واكثر الله يعينهم هم بعد على هالتجار واللعب

[intesar]

وانتوا كل شي حماية المستهلك.. الي موعاجبه السعر لا يشتري.. بصراحة ما عرف شقول.. بهالمنتدى تعبنا من التذمر على كل شي لكلك لك .. بس اذا مو عاجبك لا تشتري وريح نفسك على أقرب محلات فطاير.. لا تنسى التكلفة بهالأماكن أغلى والايجارات عالية جدا..

[حراير قطر]

الله يخلي عجينه العشر دقايق

سهله وسريعه وتنفع لكل انواع الفطاير :nice:

[تحداني]

وليته حلو
بعد زعتر ( مطعم صيدا ) ما اعتقد في زعتر


جرب تاخذ من وافي غورميه ... الكيلو اب50 بس وايد حلو


جملك الله برضاه

[حراير قطر]

وليته حلو
بعد زعتر ( مطعم صيدا ) ما اعتقد في زعتر


جرب تاخذ من وافي غورميه ... الكيلو اب50 بس وايد حلو


جملك الله برضاه

زعتر وافي غورميه فظيع

مع عجينه العشر دقايق يا سلام

شغل بيت ونظيف :nice:

[doha2012]

الزعتر عند وافي حلو

حتى معمول التمر والفتسق مع انها غاليه


الله المستعان

[intesar]

زعتر وافي غورميه فظيع

مع عجينه العشر دقايق يا سلام

شغل بيت ونظيف :nice:


عجينة العشر دقايق رهيب رهيب.. وعجيب

[تحداني]

زعتر وافي غورميه فظيع

مع عجينه العشر دقايق يا سلام

شغل بيت ونظيف :nice:


وايد حلو .. عاد عجينه العشر دقايق ما جربتها
انا آكلها مع خبز لبناني أسمر من أفران الريم
وبعدها احط الخبز في الشوايه عشان تقرمش

جربيها بتحبينها .. وساعات احط معاه حلوم مشوي



قلبناها طبق اليوم :)



جملك الله برضاه

[تحداني]

الزعتر عند وافي حلو

حتى معمول التمر والفتسق مع انها غاليه


الله المستعان


عاد المعمول قصه ثانيه وايد وايد حلو .. سعره فيه لانه شغل مرتب
جربوا بعد زيت الزيتون


جملك الله برضاه

[حسن]

الصراحه احسن زعتر اكله ساعات اذا كان في خاطري عند باقرو في الدوحه الجديده على طول احول واكله عنده داخل مع غرشه فلفل من عند الدكان اللي مشاهده يامحلاه وهو حار

[قطر 88]

عليك فطيرات الزعتر لوزين بالريال حبتين

[تحداني]

الصراحه احسن زعتر اكله ساعات اذا كان في خاطري عند باقرو في الدوحه الجديده على طول احول واكله عنده داخل مع غرشه فلفل من عند الدكان اللي مشاهده يامحلاه وهو حار



من باقرو ؟؟ .. عطنا الأسم الفضائي له



كل شي وهو حار حلو :)



جملك الله برضاه

[حراير قطر]

من باقرو ؟؟ .. عطنا الأسم الفضائي له



كل شي وهو حار حلو :)



جملك الله برضاه

عندج الخباز الايراني اللي في غزة

عنده زعتر مع جبن عذاااااب :victory:

[امـ حمد]

احلى زعتر صنع البيت

ونظيف ومايكلف ربع السعر

[تحداني]

عندج الخباز الايراني اللي في غزة

عنده زعتر مع جبن عذاااااب :victory:


عنده جبن قليل الدسم :) ولا أودي معاي


بجربه

جملك الله برضاه

[خيالة قطر]

كل شي غالي الحين
الله يعينا ..

[السحابة]

الحمدلله ماأحب الزعتر بيسويلي حارج في المعدة

[AL-MAYSTRO]

الله يرحم ايام الزعتر بريال في المقصف فالمدرسه

[مسك روز]

عجينة العشر دقايق ( عجينة الكنز )

المقادير:

- المجموعة الأولى :

فنجان قهوة سكر
2 ملعقة كبيرة خميره فوريه
2 كاس ماء دافي
ذرة ملح
2 كاس دقيق


- المجموعة الثانية :

نصف كاس زيت

3 كاسات دقيق


الطريقة:

- تخلط المقادير المجموعة الأولى مع بعض و تترك لمدة 10 دقائق .

- بعد العشر دقائق يضاف لها مقادير المجموعة الثانية و تعجن جيدا و تستخدم على طول .

- مثل ما شفنا العجينه تنقسم لقسمين و تتخمر عشر دقايق في القسم الاول و تضاف عليها باقي المكونات , يعني مجموع الطحين في العجينه هو خمس كاسات .

- الكميه ممكن تكون كبيره , لكن ممكن تشكلي فيها و تنوعي يعني تقسمي العجينه للفطاير أو البيتزا أو خليه النحل .




منقوووووووووووول

[اليحصبي]

كل يوم شي يرتفع سعره
http://www.shooq4.com/vb/images/bb/33.png

[البيت القديم]

والله من كم يوم طلبت سندويش ربيان مشوي من مطعم الخيمة الي في السد

كنت طالب بالتيلفون ..

ويوم وصلت المطعم الا يقولي بثلاثين ريال والله انصدمت من السعر

اربع حبات ربيان وخبز لبناني عادي وسلطه ومايونيز بــ 30 ريال..

مادري السعر عادي ولا انا اشوفه غالي!!!

الله المستعان..