سؤال مهم لأخواتي الكريمات ....؟؟

[Mohammed2]

السلام عيكم ورحمة الله وبركاته

طبعا كل أخ وأب وزوج يغار على اهله, والحمدلله في بلدنا قطر الكثير محافظ على العقيده الاسلامية وملتزمون بها.

لكن سؤالي لأخواتي الكريمات هو ماهو سبب عدم لبس الحجاب او الشيلة من بعض الاخوات الله يحفظهم أمام السائق أو اي من الجنسيات الاسيويه اذا كان يصلح اي شيء في البيت؟
واذا تواجد شخص قطري او خليجي سواء كان من أقربائها او غيره تتغطى وتخجل منه ؟!

المفروض ان البنت تخجل وتتغطى من أي شخص لا يحل لها قطري او خليجي او آسيوي ...الخ
وهذا الذي تعلمناه من ديننا الاسلامي.

ولاننسى الاخوات الكريمات الاتي يلتزمن بالحجاب عسى الله يحفظهم ويعافيهم

وسامحوني اذا موضوعي أو سؤالي يزعج البعض, لكن هذا السؤال يدور في رأسي واريد له اجابة مقنعة

[شهر سبعة]

مافهمت عليك

تقصد ان البعض مايتحجب عدل او تقصد مايغطون الوجه

[Mohammed2]

مافهمت عليك

تقصد ان البعض مايتحجب عدل او تقصد مايغطون الوجه

أقصد اللي ماتلبس الشيله او الحجاب كامل
يعني شعرها يكون طالع أو انها ماتكون لابسه العبايه اذا كانت في البيت وفي حد غريب يصلح حاجه

[شهر سبعة]

ايوا فهمت
كل وحده اتعرف مصلحة نفسها واتعرف ان الدنيا ماراح اتدوم لنا ولا راح اندوم فيها:(
بس صج حتى انا ماعرف ليش جي يسوون والمشكله يعرفون ان حرام -.-"

[Right]

البعض وليس الكل يقلن أن:



الهندي مو رجال ... يعني عاااادي تكشف قدامه



وإذا شافت القطري ... إحذفت الشيله على وجهها بسرعة البرق !!!



كأنها في لعبة " رمي القرص " إلي في ألعاب القوى :nice:

[السحابة]

الحمدلله السايق عندي صارلو خمس سنوات مايعرف ويهي للحين واذا عطتيته البطاقه الصحيه لصرف الادويه بضع علي الصورة لاصقه الحمدلله علي نعمة الاسلام
الله يهدي الجميع

[chillis]

ماعندنا الا مواضيع الحريم الدنيا مافيها مشاكل غير :)

[Dawn]

ما تسوي هالحركه الا اللي تحس ان الهندي اخوها .. :)

انت رجال ؟؟ شلون عرفت ان المرأه تكشف راسها اذا صلح لها الهندي شي في البيت ؟!! :)

[Mohammed2]

[Mohammed2]

البعض وليس الكل يقلن أن:



الهندي مو رجال ... يعني عاااادي تكشف قدامه



وإذا شافت القطري ... إحذفت الشيله على وجهها بسرعة البرق !!!



كأنها في لعبة " رمي القرص " إلي في ألعاب القوى :nice:





نعم مثل ماقلت انا في الموضوع البعض وليس الكل

[Mohammed2]

الحمدلله السايق عندي صارلو خمس سنوات مايعرف ويهي للحين واذا عطتيته البطاقه الصحيه لصرف الادويه بضع علي الصورة لاصقه الحمدلله علي نعمة الاسلام
الله يهدي الجميع

الحمدلله والله يحفظج ويحفظ الكل

[Mohammed2]

ماعندنا الا مواضيع الحريم الدنيا مافيها مشاكل غير :)

آسف اخوي أو اختي
بس هذا السؤال من زمان في بالي وليحين ادور حد يقولي ليش ويقنعني

[Mohammed2]

ما تسوي هالحركه الا اللي تحس ان الهندي اخوها .. :)

انت رجال ؟؟ شلون عرفت ان المرأه تكشف راسها اذا صلح لها الهندي شي في البيت ؟!! :)

بس حتى ولو شلون تحس انه اخوها ؟!!
احيانا يكون شخص اول مره تشوفه والبنت بعد ماتتغطى عنه !

وانا نعم رجال, وعرفت من سوالف الناس, والدليل الثاني من كلامج يوم قلتي شلون عرفت
يعن اكيد ان هالظاهره صايره في بلدنا

وآسف اذا اسلوبي كان مزعج شوي :shy:

[المسك1969]

السلام عيكم ورحمة الله وبركاته
لكن سؤالي لأخواتي الكريمات هو ماهو سبب عدم لبس الحجاب او الشيلة من بعض الاخوات الله يحفظهم أمام السائق أو اي من الجنسيات الاسيويه اذا كان يصلح اي شيء في البيت؟
واذا تواجد شخص قطري او خليجي سواء كان من أقربائها او غيره تتغطى وتخجل منه ؟!
لكن هذا السؤال يدور في رأسي واريد له اجابة مقنعة

وأضيف إلى سؤالك سؤال وهو: ولما تعدل بعض الأخوات حجابهن خارج المنزل بفتحه ورفعه وتعديله ثم تضعه إما حجابا كاملا أو تترك المقدمة للهواء الطلق؟ ألا يعتقدن أن في تعديل الحجاب ورفعه لن يظهر الشعر كله؟ ولما تعديله خارج منزلها وأمام الناس

جزاكم الله خيرا

[Mohammed2]

وأضيف إلى سؤالك سؤال وهو: ولما تعدل بعض الأخوات حجابهن خارج المنزل بفتحه ورفعه وتعديله ثم تضعه إما حجابا كاملا أو تترك المقدمة للهواء الطلق؟ ألا يعتقدن أن في تعديل الحجاب ورفعه لن يظهر الشعر كله؟ ولما تعديله خارج منزلها وأمام الناس

جزاكم الله خيرا

اشكرك اخوي على ردك
بس اخوي سؤالك بيطلعنا من اطار الموضوع وبيدخلنا في موضوع ثاني الله يجزاك خير :)

[المسك1969]

اشكرك اخوي على ردك
بس اخوي سؤالك بيطلعنا من اطار الموضوع وبيدخلنا في موضوع ثاني الله يجزاك خير :)

لا ربي يحفظك إن شاء الله ما نطلع من الموضوع

الأمر الذي ذكرتم هو فيه بعض من الصحة ولكن هناك بعض الأخوات هدانا الله وإياهن يلبسن شبه حجاب ولو سقط اما غير القطري فلن تبالي وإن سقط أمام القطري فسترجعه إلى نصف رأسها الأمامي

وعموما فهناك من يستهين بالهندي كونه رجل خادم ضعيف والحق أنه يملك قوة رجل عربي أن أراد شيئا والله المستعان

ولتعلم حفظك الله ورعاك أن قلة الوازع الديني وعدم الخوف من الله هو سبب مثل هذه التفلتات ثم يأتي احتقارنا لبعض الشعوب الفقيرة واعتبارهم ضعاف ولن ينظر لهم والله أعلم

وأتمنى أن نجد إجابة دقيقة لسؤالك

[Mohammed2]

لا ربي يحفظك إن شاء الله ما نطلع من الموضوع

الأمر الذي ذكرتم هو فيه بعض من الصحة ولكن هناك بعض الأخوات هدانا الله وإياهن يلبسن شبه حجاب ولو سقط اما غير القطري فلن تبالي وإن سقط أمام القطري فسترجعه إلى نصف رأسها الأمامي

وعموما فهناك من يستهين بالهندي كونه رجل خادم ضعيف والحق أنه يملك قوة رجل عربي أن أراد شيئا والله المستعان

ولتعلم حفظك الله ورعاك أن قلة الوازع الديني وعدم الخوف من الله هو سبب مثل هذه التفلتات ثم يأتي احتقارنا لبعض الشعوب الفقيرة واعتبارهم ضعاف ولن ينظر لهم والله أعلم

وأتمنى أن نجد إجابة دقيقة لسؤالك

نعم قلة الوازع الديني في الكل الرجل والمرأه سبب في كثير من التفلتات >>> الانفتاح الزائد عن حده

وحتى الان جار البحث عن اجابة

[Dawn]

بس حتى ولو شلون تحس انه اخوها ؟!!
احيانا يكون شخص اول مره تشوفه والبنت بعد ماتتغطى عنه !

وانا نعم رجال, وعرفت من سوالف الناس, والدليل الثاني من كلامج يوم قلتي شلون عرفت
يعن اكيد ان هالظاهره صايره في بلدنا

وآسف اذا اسلوبي كان مزعج شوي :shy:

لا اخوي عادي خذ راحتك ولا مزعج ولا شي كل واحد هنا يقول رايه ...

بس في ذمتك ، يعني ما عرفت شقصد بكلامي يوم قلت ان الوحده اللي تسوي هالشي تحس ان الهندي اخوها ؟؟؟

ويوم قلت لك انت رجال وشلون عرفت ... لاني انا البنت ما قد مرت علي في حياتي انسانه من النوع هذا : ( تكشف راسها في بيتها امام الهندي !!!! يعني شعرها طالع ؟؟ :omg:) يمكن لاني ما ادش بيوت الناس الغرب اللي مب من الاهل ولا اطل او اتلصص عليها فأنا ما اعرف صراحه !!!! اكيد انت أو اللي قال لك شاف هالشي بس شلون شاف ؟؟؟؟ فيه 3 احتمالات : يا اما انه هندي :rolleyes2: ، او انه اهله يسوون هالشي :) ، او انه يطل على بيوت الناس ويشوف الحريم .. شلون عاد مادري ؟؟؟ :secret:

عالعموم انصح اهلك او الناس اللي تعرفهم من جماعتك واللي يسوون هالحركه وقول لهم عيب انتو فئه شاذه ولازم تاخذون دورات في اساسيات الدين لان هالشي غلط ... ولا يمثل اهل قطر فشلتونا ... :nice:

وجزاك الله خير

[Dawn]

وأضيف إلى سؤالك سؤال وهو: ولما تعدل بعض الأخوات حجابهن خارج المنزل بفتحه ورفعه وتعديله ثم تضعه إما حجابا كاملا أو تترك المقدمة للهواء الطلق؟ ألا يعتقدن أن في تعديل الحجاب ورفعه لن يظهر الشعر كله؟ ولما تعديله خارج منزلها وأمام الناس

جزاكم الله خيرا

لو مغطيه ويهها ما كانت راح تحتاج انها تعدل الشيله ..

طبعا المتوقع انه يجي تعقيب ( غطاء الوجه مب فرض ) ( ويا ما تحت غطاء الوجه بنات منحلات اخلاقيا ويتكحلون ويتعطرون وان الكاشفه اشرف وحده بالدنيا ) بس انا اشوف ان غطاء الوجه ( بدون كحل ولا عطر ولا عباه مرصصه ) هو خط الدفاع عن الحجاب .. وجهة نظر يمكن ما تعجب حد .. بالذات اللي اهلهم كاشفين ..

[موده]

لو مغطيه ويهها ما كانت راح تحتاج انها تعدل الشيله ..

طبعا المتوقع انه يجي تعقيب ( غطاء الوجه مب فرض ) ( ويا ما تحت غطاء الوجه بنات منحلات اخلاقيا ويتكحلون ويتعطرون وان الكاشفه اشرف وحده بالدنيا ) بس انا اشوف ان غطاء الوجه ( بدون كحل ولا عطر ولا عباه مرصصه ) هو خط الدفاع عن الحجاب .. وجهة نظر يمكن ما تعجب حد .. بالذات اللي اهلهم كاشفين ..

الله يرحم من جابج

[Mohammed2]

لا اخوي عادي خذ راحتك ولا مزعج ولا شي كل واحد هنا يقول رايه ...

بس في ذمتك ، يعني ما عرفت شقصد بكلامي يوم قلت ان الوحده اللي تسوي هالشي تحس ان الهندي اخوها ؟؟؟

ويوم قلت لك انت رجال وشلون عرفت ... لاني انا البنت ما قد مرت علي في حياتي انسانه من النوع هذا : ( تكشف راسها في بيتها امام الهندي !!!! يعني شعرها طالع ؟؟ :omg:) يمكن لاني ما ادش بيوت الناس الغرب اللي مب من الاهل ولا اطل او اتلصص عليها فأنا ما اعرف صراحه !!!! اكيد انت أو اللي قال لك شاف هالشي بس شلون شاف ؟؟؟؟ فيه 3 احتمالات : يا اما انه هندي :rolleyes2: ، او انه اهله يسوون هالشي :) ، او انه يطل على بيوت الناس ويشوف الحريم .. شلون عاد مادري ؟؟؟ :secret:

عالعموم انصح اهلك او الناس اللي تعرفهم من جماعتك واللي يسوون هالحركه وقول لهم عيب انتو فئه شاذه ولازم تاخذون دورات في اساسيات الدين لان هالشي غلط ... ولا يمثل اهل قطر فشلتونا ... :nice:

وجزاك الله خير

خل نفترض ان السايق جديد ماصار له الا ايام قليله بعد في بنات الله يهداهم يكشفون شعرهم امامه وكأنه جماد وليس برجل لايحل لها>> هذا اللي سمعه.
لكن خل ولد عمها مثلا هو اللي يسوق البنت تلاقيها ساكته ومحتشمه >> وهذا المطلوب

أنا ماحط في ذمتي ان اللي قالي هو يسوي هالشي او لا وبعض الاعضاء قالوا ان هالظاهره صايره في البلد محد يقدر ينكر

الحمدلله على كل حال

[sweet qatar]

اذا تقصد يرمون الحجاب فهذا زمان كان متعارف عليه قدام الصبيان..

بس مع الوعي الديني ولله الحمد اختفت هالظاهرة..

واذا قصدك الغشوة فعلا انا وبنات وايد اعرفهم مانتغطى جدام الاجانب..

لكن بعض البنات ماشاالله عليهم يتغطون حتى من البوي في المكتب..

مااعتقد اخوي ان الموضوع ظاهرة... حكم الحجاب واضح و معروف ولاتهتم بكل ما تسمعه من الشباب..

[ريتويت]

في صالون مشهور رجال يسوون مكياج وشعر للحريم... طيب وين الرقابه عنهم؟

[Mohammed2]

في صالون مشهور رجال يسوون مكياج وشعر للحريم... طيب وين الرقابه عنهم؟

:eek5: صالون ومشهور وفيه رجال يعدلون الحريم !!

هل هذا الصالون في قطر او لا ؟ :eek5:

[Al-Kuwari]

^
^

ايه وياكثرهم

ولا البنات يقولون مانروح الا لهم لانهم بكل بساطه " الأفضل و الأحسن " !!!

الله استر علينا وعلى اهالينا في الارض وتحت الارض ويوم العرض

اللهم امين

[Mohammed2]

اذا تقصد يرمون الحجاب فهذا زمان كان متعارف عليه قدام الصبيان..

بس مع الوعي الديني ولله الحمد اختفت هالظاهرة..

واذا قصدك الغشوة فعلا انا وبنات وايد اعرفهم مانتغطى جدام الاجانب..

لكن بعض البنات ماشاالله عليهم يتغطون حتى من البوي في المكتب..

مااعتقد اخوي ان الموضوع ظاهرة... حكم الحجاب واضح و معروف ولاتهتم بكل ما تسمعه من الشباب..

اختي انتي تقولين ان مع الوعي الديني اختفت الظاهرة
بس اشلون اختفت وانتي بنفسج كاتبة انج انتي مع وايد بنات تعرفينهم ماتتغطون ؟! >> يعني موجوده الظاهره

انا اقصد مب ان البنت تغطي الوجه كامل مع الشعر
انا اقصد ان البنت ماتتغطى كلش! يعني شعرها ووجها طالع امام السايق مثلا
واذا كان حد من اهلها غير اخوها وابوها موجود تخجل وتتغطى عدل !!

[Mohammed2]

^
^

ايه وياكثرهم

ولا البنات يقولون مانروح الا لهم لانهم بكل بساطه " الأفضل و الأحسن " !!!

الله استر علينا وعلى اهالينا في الارض وتحت الارض ويوم العرض

اللهم امين

انا ترى اول مره اعرف ان في صالونات في قطر للنساء واللي يشتغل فيها رجال يعدلون ويمكيجون الحريم :(

والله يستر على بناتنا

[حراير قطر]

موضوع مكرر وشبعنا نقاش فيه :secret:

http://www.qatarshares.com/vb/showthread.php?t=481523

[لمعة الالماس]

حتى في الجامعة في وايد من هالفئة الغريبة

اللي ما تغطي شعرها الا اذا مر دكتور قطري. واذا توهقت وما معاها شيله تحط الدفتر

اما العامل والمزارع والأجنبي عادي ولا كانه موجود

وفعلا إحنا نستغرب منهم ومن هذي التصرفات الطايشة

[مسك روز]

اذكر قبل كم سنه على ايام الجامعه

كانت معاي وحده الله يستر عليها ويهديها

شافت هندي وماغطت شعرها فسألتها ليش ماغطيتي شعرج

قالت لي عادي الا هندي ..


سالتها ليش الهندي مب رجال ؟!

قالت لي امي في البيت ماتغطي شعرها عن دريولنا !!!!


هني عرفت السبب :telephone:



ومره كنت في سوق واقف في مطعم هندي

شفت مجموعة بنات وحده منهم فاله شعرها ،لابسه العبايه بس قاطه الشيله على كتفها

شكلها كان غلط .. والهندي يحط لهم الاكل ولا كأنه موجود !

[دااانة قطر]

:eek5: صالون ومشهور وفيه رجال يعدلون الحريم !!
هل هذا الصالون في قطر او لا ؟ :eek5:

للأسف سمعت هالكلااام من زميلة اياام الدرااسه لما سألتها عن قصة شعرها ردت علي لو قلت لج وين مابتصدقين قلت وين ذكرت لي صاالون واللي يسوي القصاات والتسريحاات لبنااني وقاالت محد يضبطط القصاات الا هم
انصدمت منها



في موظف عندنا كاانت عنده ملااحظه في موضوع الحجااب والنقاااب ليش بعض البناات يلبسون النقاااب وليش البعض لا وليش البعض يحطون ميك اب والبعض لا وليش في الاجتمااعات البعض يرفعون النقااب ويشربون الشااي ويسولفون ويضحكون ومن يدش المدير او المسؤؤل القطري ينزلون النقااب :rolleyes2:
ماعرفت ارد عليه غير اني قلت كل وحده وقنااعتها بمفهوم الاحتشاام

[دااانة قطر]

حتى في الجامعة في وايد من هالفئة الغريبة
اللي ما تغطي شعرها الا اذا مر دكتور قطري. واذا توهقت وما معاها شيله تحط الدفتر
اما العامل والمزارع والأجنبي عادي ولا كانه موجود
وفعلا إحنا نستغرب منهم ومن هذي التصرفات الطايشة



سمعة البناات صاارت طمااشه :secret:

[ريتويت]

:eek5: صالون ومشهور وفيه رجال يعدلون الحريم !!

هل هذا الصالون في قطر او لا ؟ :eek5:

اي صالون لادوريه يشتغل في رجال لبنانين

[بصمة قطرية]

الحجاب الصحيح قدام الهندي او القطري قدام اي رجال ..
اللي تغطي بس قدام القطري هاذي مش متحجبة
لا تقص على عمرها ..

و الحجاب مش مسألة قناعه
حشمة و ديننا امرنا نغطي شعورنا ..
الدين الزمنا بالاحتشام و بالحجاب

اللي ما يتغطون مجتمعاهم فري
متعودين على هالشي ..
و تلقاهم 100% ما يغطون شعورهم في السفر ..!!
الله يهدي الجميع ..
و يستر علينا و عليهم ~

[تحداني]

العبادات كالصلاه والصوم والحجاب ... الخ مافيها انا مب مقتنعه .. انا مب مستوعبه ... انا محترمه ومؤدبه .. أنا أحسن في أخلاقي من المحجبه

الأخلاق والإحترام والتقدير ( شئ )
ولبس الحجاب والشعائر الدينيه ( شئ)


الرد على سؤالك وايد بسيط

الفتاه الغير محجبه ما وصلت لمرحله ان الحجاب يجب ان لا يتحرك من رأسها اما نتيجه تربيه هي مالها ذنب فيه ..

أو نتيجه سلوك طفولي وكبر معاها واعتادت عليه
او انها راضيه بالوضع ايا كان حلال ولا حرام


هي ما تحس بنظرات الغير ابدا ... ولا تحس انها حاله شاذه ابدا
هي تنظر لها من زاويه ان مسموح لها ايا كان الشخص الي سامح لها
متى راح تتغير ؟؟؟
متى ما ارادت ان تتغير



جملك الله برضاه

[فلتة زمانها]

اي صالون لادوريه يشتغل في رجال لبنانين

قصاتهم مب حلوه اغلبها قصات بويات وايمو

[كبير المتداولين]

الجواب بسيط الحريم ينقصهم العقل والدين الي عندها عقل ودين ماتكشف لالهندي ولالغريب

[elders]

العبادات كالصلاه والصوم والحجاب ... الخ مافيها انا مب مقتنعه .. انا مب مستوعبه ... انا محترمه ومؤدبه .. أنا أحسن في أخلاقي من المحجبه

الأخلاق والإحترام والتقدير ( شئ )
ولبس الحجاب والشعائر الدينيه ( شئ)


الرد على سؤالك وايد بسيط

الفتاه الغير محجبه ما وصلت لمرحله ان الحجاب يجب ان لا يتحرك من رأسها اما نتيجه تربيه هي مالها ذنب فيه ..

أو نتيجه سلوك طفولي وكبر معاها واعتادت عليه
او انها راضيه بالوضع ايا كان حلال ولا حرام


هي ما تحس بنظرات الغير ابدا ... ولا تحس انها حاله شاذه ابدا
هي تنظر لها من زاويه ان مسموح لها ايا كان الشخص الي سامح لها
متى راح تتغير ؟؟؟
متى ما ارادت ان تتغير



جملك الله برضاه

لا فض فوكِ

[جمال اليافعي]

ما تسوي هالحركه الا اللي تحس ان الهندي اخوها .. :)

انت رجال ؟؟ شلون عرفت ان المرأه تكشف راسها اذا صلح لها الهندي شي في البيت ؟!! :)

انا في أحد الأيام من فترة قريبه جدا لابس بلوسوت وشكلي نيبالي هههه ركبوا 3 بنات المصعد معاي ويفصخون الحجاب ويتعدلون ولا كأني موجود ههههههه الا بعد ما خلصوا واحد ركب المصعد وقال الله حيه ب بوناصر ( انا ) الا البنات تفشلوا وأطلعوا هههههههههه

أذا نيبالي عادي ... أذا قطري ( وييييييييه فشيله ) ....

[نجدي قطري]

لو مغطيه ويهها ما كانت راح تحتاج انها تعدل الشيله ..

طبعا المتوقع انه يجي تعقيب ( غطاء الوجه مب فرض ) ( ويا ما تحت غطاء الوجه بنات منحلات اخلاقيا ويتكحلون ويتعطرون وان الكاشفه اشرف وحده بالدنيا ) بس انا اشوف ان غطاء الوجه ( بدون كحل ولا عطر ولا عباه مرصصه ) هو خط الدفاع عن الحجاب .. وجهة نظر يمكن ما تعجب حد .. بالذات اللي اهلهم كاشفين ..

إلاّ أختي تعجبنا وغصبًا عن خشومنا بعد.
ما أتوقّع أحد يتحزّز من الستر إلاّ واحد ضعيف قلب.
حتّى إخوانّا في الله اللي ماخذين برأي كشف الوجه ما يناقشونّا في موضوع تغطية الوجه.

[سان سيمون]

الجواب بسيط الحريم ينقصهم العقل والدين الي عندها عقل ودين ماتكشف لالهندي ولالغريب

نقص العقل والدين موب بيد الحريم هذه حكمة رب العالمين وكلنا نمتاز بهالصفة لكن لا تجمع الكل بكشف الستر الله يرحم والديك

[راسي براسك]

ظاهره غريبة علي كا بنت أن البنت تكشف شعرها قدام الهندي في البيت ؟!

الحمدالله بناتنا فيهم الخير والبركه .. وأن بدرت بعض التصرفات ادعوا لهم بالهدايـة ..


وياجماعة بطلوا مواضيع عن النساء فيه أشياء كثيره أهم ..