ممكن اتفيدوني

[يونيك ^ قطر]

السلام عليكم ورحمة الله وبركاته
محتاجه مساعده منكم لو تفضلتوا
مساحة ارضي 1000 متر
وحابه ابني عليها فيلا دورين بحيث
يكون الدور الارضي من صاله ومجلس ومطعم
وغرفه عزكم الله بحمامها ومطبخ صغير
والدور الاول بخمس غرف بحمامتهم وصاله متوسطه
طبعا والمطبخ الخارجي مع غرفه بحمامها ومخزن
واحتمال يكون ملحق خارجي بغرفتين وحمامين وصاله ومطبخ
والبنت هوس غرفه بحمامها
ومساحة البناء تقريبا على 700 متر
سؤالي في مجال ولا بتكون عندي المساحه صغيره وشنو بيكون الافضل برايكم فيدوني لاني صج محتارة .....*

[بوجبر]

السلام عليكم

اختي طبعا تقدرين تسوين الي تبينة من حيث عدد الغرف والتوزيع
بس المساحات راحت تختلف ويمكن تحدج
والحوش راااح يصغر عندج

الافضل تشرحين فكرتج للمهندس المعماري والانشائي وهو يقوم بالمطلوب

ويوزع المقاسات حسب طلبج ،،، وشكل الدرج اكيييد له دور في توزيع المساحات

موفقه ان شاء الله،

[يونيك ^ قطر]

تسلم اخوي على الرد
بس حتى لو صغر الحوش ماتفرق عندي
لان البيت بيكون في زاويا بس المهم كم بيكلفني البناء من وجهة نظرك

[بوجبر]

تسلم اخوي على الرد
بس حتى لو صغر الحوش ماتفرق عندي
لان البيت بيكون في زاويا بس المهم كم بيكلفني البناء من وجهة نظرك


عظم ,,,او تسليم مفتاح,,

[يونيك ^ قطر]

تسليم مفتاح افضل والاغلبية ينصحون عظم بس طبعا هذا يبيله حد يكون فاضي

[khaldoon]

انصحك بالبداية اتسوين التالي بالترتيب:
اولا: تصميم معماري للفيلا وتختارين شكل الفيلا الي تبينها من الناحية الخارجيه فيكون عندك تصور مسبق للفيلا من الخارج مع الحوش والملاحق بنظام ال 3d وهذا نحن بالشركه انسويه...طبعا بنعطيع صوره عن الانطباع التوزيعي الداخلي معاه.
ثانيا: تاخذين التصميم اتودينه للمصمم الهندسي و تطلبين منه التصميم الانشائي مع المقاسات الداخليه للفيلا وملاحقها..وتقولين له وقف عند هذي المرحلة.. علشان خرايط توزيع الكهرباء بالبيت بتخلينها بالمرحلة الاخير من التصميم.
ثالثا: تبدأين بالتصميم الداخلي و الديكور للفيلا من الداخل وهذا بعد انسويه لك على اعلى معايير التصميم واجودها وباروع التصميمات مع تنفيذها،، وبعد الانتهاء من هذا التصميم الداخلي والديكور ومعرفة اماكن سراير النوم والتكييف والانارة وووو,,
رابعا: ترجعين للمصمم الهندسي وتطلبين منه انهاء خرايط الكهرباء وتعديل مقاسات الغرف والصالات وجميع المقاسات الداخليه حسب التصميم الداخلي والديكور للفيلا الذي تم عمله,,
وهنا تكوني قد اطمأنيت على كل صغيره وكبيره بالفيلا قبل بنائها وان كل شي بيكون بالمكان الصحيح والمقاسات سليمه 100%، وتكوني وفرتي على نفسك مبالغ طائلة لما بعد البناء...
هذي النصائح اقدمها لكي ولكل واحد مقبل على البناء...
نتمنى ان نكون قد افدناكم باستفساراتكم..

مع اطيب الأمنيات

اخوي العزيز ممكن استفسر منك ايش المانع من انهاء التصميم المعماري و الكهرباء و الميكانيك قبل الذهاب الى المهندس الانشائي

يعني ايش اللي يمنع عمل الخطوة رقم ثلاثه قبل الخطوة رقم اثنين في ردك فوق بدل الذهاب مرتين للمهندس الانشائي

و جزاك الله كل خير

[بو الجوري]

إختي يونيك مرحبا فيج عضوه جديده :)

إذا تقصدين الـ 700 متر بس للفيلا ، هذا طبعاً ممتاز جداً جداً :..
لكـن إذا الـ 700 متر مساحة الفيلا و الملاحق و البنت هاوس :..
فأكيد مساحات الغرف بتكون صغيره تقريباً :..
و أنا ماأنصح إن الواحد يسوي غرفتـه أقل من 5*5 و الحمام تكرمون أقل من 3*2.5
ماحب الضيق :(



عالعموم مثل ماقال بوجبـر ،
روحي خليهـم يسوون لـج مخطط مبدئي ،
بالفكره اللي تبينهـا و المساحه الإجماليه
و نصيحه لا تصغرين الغرف ، حتى لو كانوا أصحابهـا أطفال
مردهم بيكبرون :)

و عقب ما يعطيج المخطط إعرضيه على أهل الخبـره من اللي حواليـج و في المنتدى
إن شاء الله مب مقصرين معاج :..

و بإمكانج تعدلين في المخطط لين ماتقتنعين :..

بالتوفيق إن شاء الله :..

[يونيك ^ قطر]

تسلمون على الردود وانا بصراحه في الوقت الحالي سويت مخطط الفيلا والمساحات كلها وبالعكس مساحات الغرف حلوة يعني مساحة الارض ١٠٠٠ ومساحة البناء خلتها ٦٠٠ كل الغرف ٥ في ٥ وكل غرفه بحمامها وغرفة ملابس معاد وحده بدون غرفة ملابس يعني. الدور الاول يتكون من غرفه عزكم الله بحمامها وصاله ومطبخ ومجلس تقريبا ١٠ امتر مع
الله يحيك اخوي بو الجوري ..

وهذا تقريبا وصف للفيلا:

المطعم الادور الثاني من خمس غرف بحماماتهم وغرف ملابس اما الغرفه الرئيسية في بمساحة ٥في ٧ تقريبا مع صاله وحمام عزكم الله وغرفة ملابس وبلاكونه البنت هوس غرفه ماستر بعد ٥ في ٥ الملحق مطبخ وستور وغرفه ماستر والمساحات أشوفها تمام بس ودي اعرض هل التخطيط على مكتب استشاري على شان اتاكد اذا هذا التصميم والمساحات اوكيه ولا لا

[يونيك ^ قطر]

اخوي خالدون
أنا ما ادري اذا عندك مكتب استشاري ولا واذا عندك اتمنى انك تعطيني العنوان والرقم بحيث اتابع معاي كل خطوه في الخريطة وتنصحني بالي يفيدني وما أطيح بخطاء يمكن اغلبيت اللي مايعرفون طاحو فيها وأكون شاكرة لك وارجو الرد السريع لاني بديت بتصميم المبدائي للفيلا والحين بس تم تعديل بعض الاشياء ....

اختك يونيك *

[khaldoon]

اخوي خالدون
أنا ما ادري اذا عندك مكتب استشاري ولا واذا عندك اتمنى انك تعطيني العنوان والرقم بحيث اتابع معاي كل خطوه في الخريطة وتنصحني بالي يفيدني وما أطيح بخطاء يمكن اغلبيت اللي مايعرفون طاحو فيها وأكون شاكرة لك وارجو الرد السريع لاني بديت بتصميم المبدائي للفيلا والحين بس تم تعديل بعض الاشياء ....

اختك يونيك *

ما في اسرع من هالرد

ما عندي مكتب بس اي شي تبيه ارسليه و انا تحت امرج

[يونيك ^ قطر]

تسلم على الرد السريع
خلاص أنا بحاول أحط مخطط الفيلا وابي الراي من حيث مساحات الغرف والتوزيع واذا فيها اخطاء او شي المفروض يتغير .....

[مرتبش]

مرحبا
اختي..في نظري اشوف مساحة 600 كبناء للفيلا مع البنتهاوس حليوة يعني لاكبيرة ولاصغيرة وطبعا المهم انها تلبي احتياجات الاسرة ومتطلباتها وليس الحجم

لاتستعجلين التصميم ..واللي لازم استشاري يسويه..الاستشاري بيرتب الموضوع وهذي وظيفته كما اوضحوا الاخوان.. ماتحتاجين شركتين وحدة للتصميم الداخلي والثانية استشاري..

[يونيك ^ قطر]

مرحباً اخوي خالدون
بخصوص الاقتراحات السابقة شلون اسويها وباي مكتب استشاري تنصحني أني اروح له ويعطيني نفس الاقتراحات اللي ذكرتها لان تغيرت شوي المسحات عندي صارت تقريبا مساحات البناء 623 متر تقريبا وانا لاحد الحين مأسويت شي غير تصميم البيت بس وهذي الخطوة الوحيدة
اتمنى انك اتفيدني على شان اكمل الخطوات الثانية

[khaldoon]

اختي الفاضله ما اعرف مكاتب استشارية معينة علشان امدح فيها و اسوق لها...استفيدي من تجارب الاخوان و الاخوات اللي يبنون و معانا في المنتدى و اسأليهم عن الاستشاري الزين اللي ارتاحوا معاه و ان شاء الله بيدلوكي عن تجربة ....حطي صورة المخطط و ان شاء الله بنقولك ايش عيوبه ان وجدت

[حسن]

خلي الفله في زاويه علشان تستفيدين من الحوش ويصير عندك وسيع
ابعدي عن الديزاينات الخارجيه المكلفه وخلى الدرايش ستاندرد بدون اقواس
والله يعينك على مكاتب التصاميم

[يونيك ^ قطر]

اشكركم على ألمساعده وبحاول أحط المخطط وتعطوني رايكم واقتراحاتكم اللي أكيد بتفيدني
على أني انتهى من المرحله الاولي .....

اخوي حسن البيت مهب جاي في زاويه بس خلته يكون للخلف بحيث اتكون في مساحه للحوش ....*

[حسن]

انا مادري شلون المخطط وموقع الارض وموقع الملحق هل هو في الخلف والفله على اي اتجاه مشاهده
ويفضل تكون شمال ولا شرق

[محمدوميار]

موفق ان شاء الله