شيتسوي اذا مسؤؤلك قاعدلك ..!!

[AL-MAYSTRO]

السلام عليكم ورحمة الله وبركاته

..



ندخل فالموضوع وللنقاش ,,

اذا انت في شغلك وحاب الشغله ومعطيها جهدك ووقتك وعامل على اكمل وجه
لدرجه انك ماتطلع اجازات الا فالضروري , يعني حاب الشغل من قلبك ,,
ومع الايام الكل يمدح شغلك ويضرب فيك المثل خصوصا ان موظفين ادارتك كلهم
مقصريين نوعا ما واجازاتهم بزياده وخصوصا المرضيه .. يعني واضح الفرق بينك وبينهم

يحطون مسؤؤل ويخرب صورتك اللي انت ماشي عليها ويحفرلك وينقل عنك اخبار مب موجوده فيك نهائيا ..


شبتسوي .؟؟!!


حسبي الله ونعم الوكيل هذا اللي اقدر اقوله

[بازار]

بسم الله والصلاة على رسول الله ،،،

من اولى بالاهتمام ... مديري او الله !

ولو دامت لغيره ما وصلت له ..

وعط الدوام حقه واخذ حقي ،،،

والسلام ختام

[موضي قطر]

للأسف هذا اللي حاصل مع كل موظف خايف ربه وقايم في وظيفته وزياده .. واقع مرير شفته بعيني

ولولا الخوف من الله في الأول ومن ثم ضميري يمكن اجي واسوي مثل غيري .. حسبي الله ونعم الوكيل .. وكلها للي عينه لا تغفل ولا تنام

[ZoOoRo]

انا اقول تشتغل مثل ما انت وبنفس الجهد والامانه وتعطيه كل الي يبي وماتقوله لا ودوم تحافظ على الابتسامه السخيفه الي تملى وجهك كل مايشوفك .. لانه يقولك الحقران يقطع المصران وفالنهايه راح يبين انه هو الي نقال حجي ومصيره بيطيح فشر اعماله لان ربك مايضرب بعصى ودوم حافظ على صلاتك والدعاء وصدقني وماراح يصيبك الا الي الله كاتبه لك ولا بحد قادر يضرك ..

عالاقل لو رجال مسؤول ارحم عيل شتقول الي مسؤولته بنت لا وعانس يعني توقع انواع النفسيه :omen2:


وتحياتي لك

[Banker079]

للاسف ما تفضلت به حقيقة ، انت لا تهتم واستمر في العطاء كما كنت لانه بالنهاية رح يقر بجهودك وبتميزك عن غيرك .

[الخفي]

(( اقوله اذا دعتك قدرتك على ظلم الناس فتذكر قدره الله عليك

وعليك بسهام الليل فلن تخطئه



قوله الله يقول في كتابه ( انا الى ربك الرجعى ) وين بتروح من الله

وقوله ان الله سمى نفسه العدل وخلقني وخلقك وجعلك من فوقي لكن تذكر الله فوقك

وقوله الله حرم الظلم على نفسه واقسم ان يأخذ حق المظلوم

عندها ستقوم عليه الحجه اما يتمادى بالظلم وعاقبته عند الله

فلن يفلت من يدي الله وسيكون عقوبته على قدر قوه الله

وانت احتسب الاجر عند الله وانصحه وذكره ))

[سهم بن سهم]

للأسف الشديد هذا هو الواقع ولكن تأكد بان رب العالمين فوق وباخذ الحق عاجلاً أم آجلاً وفي النهاية مايصح إلا الصحيح وأنا أخوك :victory:

من واقع تجربة مريرة ....... أرى بأن السكوت أفضل والدعاء وتوكيل الأمر لله وحده

[ريتويت]

موضوع مهم ومميز .. مساحه اقدر افضض فيها شوي عن مديري الي بالدوام ..

مديري مايدري شسالفه .. مايعرف انا شنهو بالضبط الي اسويه حتى وقت التقييم ماناقشني ولا كلمني ويرفض تماما انه يروح مثلا الموارد البشريه ويحاول لي فكورس محتاجته .. ولين تكلمت يقول اهم شي الراحه وال60%....

اتمنى انه يشوف و يقرا كلمتي الحين .. ( خاف ربك وحلل راتبك )

الله يهديك..

[بوطويشم]

السلام عليكم

موضوعك يضايق بس ارتحت لان مب بس انا الي اعاني من هالمشكلة

شوف اغلب المسؤلين يحب المنافق و الي يجيبله أخبار القسم وما يذكرون الا السلبيات مايذكرون الأيجابيات

يعني اشتغلت فوق ساعات عملك عادي

لكن طلعت قبل الدوام بووووه مشكلة خاصة اذا كانو في جواسيس من أقسام ثانية موصيهم بحكم انهم من نفس الجماعة

الحل سو مثلي اذا انه بيصد عليك شي قوله ان شاء الله وبس

بس حلاته لو صايد عليه شي مثل (تقصير فالدوام) بيحاول يتجنبك كثر مايقدر خاصة اذا في مسؤل عاقل فوقه

و الله يعينا على مابتلينا

[ريتويت]

السلام عليكم

موضوعك يضايق بس ارتحت لان مب بس انا الي اعاني من هالمشكلة

شوف اغلب المسؤلين يحب المنافق و الي يجيبله أخبار القسم وما يذكرون الا السلبيات مايذكرون الأيجابيات

يعني اشتغلت فوق ساعات عملك عادي

لكن طلعت قبل الدوام بووووه مشكلة خاصة اذا كانو في جواسيس من أقسام ثانية موصيهم بحكم انهم من نفس الجماعة

الحل سو مثلي اذا انه بيصد عليك شي قوله ان شاء الله وبس

بس حلاته لو صايد عليه شي مثل (تقصير فالدوام) بيحاول يتجنبك كثر مايقدر خاصة اذا في مسؤل عاقل فوقه

و الله يعينا على مابتلينا

عاد هالكلمه قلناها للكل ..

[alfahad1]

حاول تنتقل اداره اخرى

وابعد من الشر وغنيلة

[طبيب قطري]

للأسف هذا اللي حاصل مع كل موظف خايف ربه وقايم في وظيفته وزياده .. واقع مرير شفته بعيني

ولولا الخوف من الله في الأول ومن ثم ضميري يمكن اجي واسوي مثل غيري .. حسبي الله ونعم الوكيل .. وكلها للي عينه لا تغفل ولا تنام



هالاشكال موجوده عندنا وقاعدين يضطهدون الاطباء القطريين بالذات
ماقول الا حسبي الله ونعم الوكيل ..

[حلم الطفولة]

عن ابن عباس رضي الله عنهما قال :
" حسبنا الله و نـِعم الوكيل "
قالها إبراهيم عليه السلام حين ألقي في النار ،
وقالها محمد صلى الله عليه وسلم حين قالوا له :
" إن الناس قد جمعوا لكم فاخشوهم
فزادهم إيماناً وقالوا حسبنا الله ونعم الوكيل "

فإذا ظـُـلمت فقل

" حسبي الله و نـِعم الوكيل "

اخي الكريم

اذا كنت مظلوماً فلا تظلم نفسك بأن تجعل من هذا المدير شغلك الشاغل وتجعل صدرك يضيق من اجله لا تسمح للمدير الظالم بأن يسمم روحك وينكد عليك حياتك .

روي عن علي بن الفضل أنه بكى يوماً فقيل له : ما يبكيك ؟
قال : (( أبكي على من ظلمني إذا وقف غداً بين يدي الله تعالى ولم تكن له حجة )) ..!

[طبيب قطري]

عن ابن عباس رضي الله عنهما قال :
" حسبنا الله و نـِعم الوكيل "
قالها إبراهيم عليه السلام حين ألقي في النار ،
وقالها محمد صلى الله عليه وسلم حين قالوا له :
" إن الناس قد جمعوا لكم فاخشوهم
فزادهم إيماناً وقالوا حسبنا الله ونعم الوكيل "

فإذا ظـُـلمت فقل

" حسبي الله و نـِعم الوكيل "

اخي الكريم

اذا كنت مظلوماً فلا تظلم نفسك بأن تجعل من هذا المدير شغلك الشاغل وتجعل صدرك يضيق من اجله لا تسمح للمدير الظالم بأن يسمم روحك وينكد عليك حياتك .

روي عن علي بن الفضل أنه بكى يوماً فقيل له : ما يبكيك ؟
قال : (( أبكي على من ظلمني إذا وقف غداً بين يدي الله تعالى ولم تكن له حجة )) ..!



حسبي الله ونعم الوكيل...


بارك الله فيج ويعطيج العافيه على هالكلام الطيب

[sweet qatar]

واحد من اثنين..

الصبر..

اذا انت حاب انك تاخذ خبرة من الموقع الي انت فيه و حاب تنضاف لك سنين خبرة في الـ c.v..

او في المجال الوظيفي من حيث التعامل مع المشكلات والمواقف..

او اذا شفت ان ممكن يشيلونه من مكانه لاي سبب..


الثاني انك تغير مكان عملك..

توكل على الله و اسعى انك تشوف مسؤول يحترمك ويعينك ويعلمك..

السكوت و الموقف السلبي ما بيجيبون نتيجة ابد..

بتلقى عمرك ضاع لان امثال هالمدراء ياخذون الشغل وينسبونه لانفسهم جدام مسؤولينهم..


صح كل حالة تنوزن بنفسها.. انت بس اعقلها وتوكل وربك بيسرها..

و الي اشوفه خاصة بالنسبة للشباب ان الفرص جدامكم خيالية للتقدم ..





عالاقل لو رجال مسؤول ارحم عيل شتقول الي مسؤولته بنت لا وعانس يعني توقع انواع النفسيه :omen2:




لو المسؤول رجال ويظلمك ارحم من بنت عانس.. !!! هذا قصدك ..

الي اعرفه ان الرجال الي يستاهل ينذكر بصفة الرجولة ما يرضى ينظلم لا من بنت ولا من رجال ..

والله يعينك على ما بلاك..

[بوطويشم]

عاد هالكلمه قلناها للكل ..

شنسوي مافي طريقه ثانيه

عشان نريح راسنا منهم

اذا كان مدير الأدارة شخص على قد المسؤليه وكلمته وحده كان ماعنينا من هالمشكلة

لكن للأسف اغلب الأدارات يتبعون سياسة اذا حبتك عيني ماضامك الدهر

[Class - Qtr]

الله يعينك ,,

ذكرتني في واحد من الربع يوم ضاقت فيه الدنيا والسبب مديرة ( اجنبي ) ومايخاف ربه

حذف الاستقاله في وجهه .. الرجال مرتاح ماديا .. حاليا قاعد في البيت مرتاح ويدور له

شغل على راحته

[طبيب قطري]

:nice:
الله يعينك ,,

ذكرتني في واحد من الربع يوم ضاقت فيه الدنيا والسبب مديرة ( اجنبي ) ومايخاف ربه

حذف الاستقاله في وجهه .. الرجال مرتاح ماديا .. حاليا قاعد في البيت مرتاح ويدور له

شغل على راحته

[غالية قطر]

وجب التنبيه!


هذا الموضوع فتح لغتياب المدراء وتصفية الحسابات!

ولكن نسيتوا شيء مهم ..

بأن المدراء ليسوا متواجدين في هذه الصفحات ولا يستطيعوا الدفاع عن نفسهم ولا بالرد على اغتيابهم، وهذا ليس من شيم الكرام.

[sweet qatar]

جزاج الله خير غالية قطر.. بس انا ما شفت اسم رجل بعينه ..

موضوع وطرح للنقاش للاستفادة..

[فلتة زمانها]

ليش تستقيلون ليش انتوا خوافين المفروض تصيرون عظمه في بلعومه وتناحسونه لين مايطير ترا محد اخر تقدم البلد غير هالنوعية الي ماتستاهل الكرسي :(

[عليه العوض]

هذا الواقع موجود بكل الدوائر او اغلبها الموظف ا لمجتهد المحب لعمله ما يعجب بقية الموظفين الغير مبالين

بعملهم وعلى بالهم بان الموظف المجتهد يسبب لهم مشكله عند المسؤل فهم دايم يحفرون لهم ويشوهون بصورته امام المسؤل ويكديون له ويصبح مكروه من قبل المسؤل وهذا الوضع
المتمسته بنفسي وسار لي واعاني منه كثير بسبب الموظفين الكسالى والوصوليين

[الوسيط العقاري]

موضوعك

نفس موضوعي

متابع بصمت للردود

:)

[doha2012]

الشكوى لله

[تحداني]

اذا حضرتك مجتهد واتحب دوامك ومخلص ومعاملتك طيبه مع الزملاء ومعطي كل من ذي حق حقه ... يا ترى إيش سبب هالعداوه ؟؟ لايمكن يكون بدون سبب
خلينا نفترض انه بدون سبب ما يصير تسكت عنه
الصمت والهروب من المشكله مب حل ابدا
يمكن في خاطره شي .. يمكن سامع شي بالغلط عنك
يمكن متضايق من تصرف معين



لو تحب شغلك وما ودك تتنازل عنه لازم تروح له
وبالكلام الطيب كل شي ينحل .. واذا ظل مثل ماهو بعد الكلام
ما لك الا تاخذ قرار ... اما تكمل معاهم
او تترك المكان


النفسيه مهمه وايد ومافي شي يسوى اتعب نفسك وتتضايق





الله ينور طريقك ... ويجملك برضاه

[دااانة قطر]

عن ابن عباس رضي الله عنهما قال :
" حسبنا الله و نـِعم الوكيل "
قالها إبراهيم عليه السلام حين ألقي في النار ،
وقالها محمد صلى الله عليه وسلم حين قالوا له :
" إن الناس قد جمعوا لكم فاخشوهم
فزادهم إيماناً وقالوا حسبنا الله ونعم الوكيل "

فإذا ظـُـلمت فقل

" حسبي الله و نـِعم الوكيل "

اخي الكريم

اذا كنت مظلوماً فلا تظلم نفسك بأن تجعل من هذا المدير شغلك الشاغل وتجعل صدرك يضيق من اجله لا تسمح للمدير الظالم بأن يسمم روحك وينكد عليك حياتك .

روي عن علي بن الفضل أنه بكى يوماً فقيل له : ما يبكيك ؟
قال : (( أبكي على من ظلمني إذا وقف غداً بين يدي الله تعالى ولم تكن له حجة )) ..!

:nice::nice::nice:

الله يااخذ حقي من اللي ظلمني بقصد

[مضارب دوسري]

موضوعك غريب ومريب

مش معقوله مني والطاقه متعادي لك

ماعمري صادفت احد له عداوه من احد من غير سبب

لي متى عقلياتكم تصدق كل ما يقال

معانا واحد فالدوام اول ماداومت وهو يقولي فلان وفلان كريهين وحقيرين ومايحبون يشوفون قطري فالشركه
انا طبعا بطلت عيوني

وبعد فتره كان لي تعامل مع الناس اللي سبهم قدامي
قسما بالله قمه فالاحترام والتعاون
رغم انهم ( اجانب )
عيل ليش هو متعادين له حسب كلامه !
مافي دخان من غير نار
عقبها بفتره عطيته ف وجهه وقلت له انهم طيبين وخلصوا لي امور كثيره
قالي اي يا حظك يحبونك
ومن كم يوم عرفت من شخص ثاني ان الشخص اللي يقولي ويسبهم سبق. ودش على واحد فيهم المكتب وشرشح فيه رغم انه في منصب رفيع فالشركه وقعد يقول لهم انا قطري ومن حقي اعترض وهذي بلادي
شدخل !
المهم الحقيرين اللي يقول عنهم معاي هم محترمين جدا وطيبين

[قرنقووش]

ارقدله

[بصمة قطرية]

الظلم ظلمات يوم القيامة ..
الحمدلله ما اشتغل ومريحة بالي ..
الله يكون في عونكم ..

[خليفـة]

موضوعك خطير وموجود بالفعل اخوي
ولكن
في هالحاله طال عمرك .. احاول قدر الاستطاعة اني أكسب ود هذا المدير
بالكلمة الطيبة .. والعمل على خلق علاقة أخويه معاه
بطريقة لا تمس كرامتي أبداً
ولكن
لو شفت ان الطريقة هذي ما جابت نتيجة معاه
واستمر في عناده لي والقعده لي
سأجتهد في الانتقال من هذا القسم لقسم آخر
وابتدي فيه بداية جديدة

وانصحك في هذا الحال بكتابة كتاب للوزير الذي تعمل في وزارته مضمونه التالي :

بسم الله الرحمن الرحيم
السيد وزير ... المحترم
السلام عليكم ورحمة الله وبركاته
بعد التحيه والأحترام
اتقدم لسعادتكم بكتابي هذا ، راجياً منكم الموافقة على نقلي من القسم ..... الى القسم ......
وذلك لأسباب يمكنني شرحها بشكل مُفصل امام سعادتكم عند استدعائي .

ولكم جزيل الشكر والاحترام

مقدمه / ........

بالتوفيق ان شاء الله اخوي
ولا تنسى تتوجه قبل ذلك بالشكوى لمن لا تنام عينه جل وعلى


خليفـــة

[بصمة قطرية]

حسبي الله ونعم الوكيل



we r ok as long as syria , libya, egypt, yemen ... kornish.. aspire.. but not original qataris coz they r lazy they don't deserve the goods of their country

حسبي الله و نعم الوكيل على كل حاقد و حاسد ..
خيرات قطر لأبنائها ..
الله يعز بلادنا و حكومتنا
و يجعل كيد الحاقدين في نحورهم ..

لماذا لا يستحق القطري خيرات بلاده ..!!؟؟
و من انت لتحكم ان القطري كسول ..!!!



Who are you to decide

Talk about yourself only and dont interfere with none of your business

[خليفـة]

حسبي الله ونعم الوكيل



we r ok as long as syria , libya, egypt, yemen ... kornish.. aspire.. but not original qataris coz they r lazy they don't deserve the goods of their country


I am 100% sure that you are not Qatari
it looks to me from your cheap comment that you feel so joules from citizens
let me tell you that , one day , and i hope it is soon , you will be kicked from Qatar to your country
until then i do really hope to kill your self by having that cheap feeling against the Qatari citizens

:)
khalifa

[bittersweet]

حسبي الله و نعم الوكيل على كل حاقد و حاسد ..
خيرات قطر لأبنائها ..
الله يعز بلادنا و حكومتنا
و يجعل كيد الحاقدين في نحورهم ..

لماذا لا يستحق القطري خيرات بلاده ..!!؟؟
و من انت لتحكم ان القطري كسول ..!!!



Who are you to decide

talk about yourself only and dont interfere with none of your business




كان ردي فيه نوع من السخرية

وانا اسف اذا ما فهمت القصد من كلامي

[بصمة قطرية]

كان ردي فيه نوع من السخرية

وانا اسف اذا ما فهمت القصد من كلامي

يا ليت توضح ..
لأن الكلام مفهوم وواضح ..!!
شالمقصد من ان القطري كسول و ما يستحق خيرات بلاده ..!!
هل لها تفسير ثاني ..!!!
عشان تقارن بين الجنسيات اللي ذكرتها و بين الموظف القطري ..!!!

[bittersweet]

i am 100% sure that you are not qatari
it looks to me from your cheap comment that you feel so joules from citizens
let me tell you that , one day , and i hope it is soon , you will be kicked from qatar to your country
until then i do really hope to kill your self by having that cheap feeling against the qatari citizens

:)
khalifa


جزاك الله خير

مشتط على ايش الحبيب!!

الله يسامحك

[خليفـة]

جزاك الله خير

مشتط على ايش الحبيب!!

الله يسامحك

وجزاك الله بمثله الغالي
انا مب مشتط
بالعكس .. مركلس على الآخر
:)

[النديم]

يحطون مسؤؤل ، يخرب صورتك اللي انت ماشي عليها ، ويحفرلك ، وينقل عنك اخبار مب موجوده فيك نهائيا

http://1.bp.blogspot.com/_4S4swdwgbQA/TK_N_RmWGkI/AAAAAAAACiI/hmi0GdJnsw8/s1600/rqaeq0099.jpg

كيف لهؤلاء أن يساهموا في تنمية الوطن ، وتحقيق أهدافه الاستراتيجية ، وتنمية كوادره المحلية . هذه النماذج ، والتي قد تقرأ هذه المشاعر معنا هنا وهناك ولا يحرك فيها ساكنا ، هذه النماذج أولى لها أن تستقيل وتتقاعد الى الأبد ، أو أن تعدل من مسارها . وللمسؤول الأعلى أمانة متابعة أولئك ، حتى يرفع الظلم عن المظلومين ، ويتدارك الموظفين المخلصين العاملين بصدق وفاعلية ، قبل أن يتساقطوا واحدا تلو الآخر ، وتبقى السلبية سيدة الموقف .

عليكم بالدعاء لهم بالهداية ، والدعاء عليهم بما يستحقون من الله ، نظير تربصهم بخلق الله ، ومحاربتهم ، والحاق الظلم بهم .

حسبنا الله ونعم الوكيل ، ولكن الصبح قريب ان شاء الله ، وموعدنا مع كل ظالم ، يوم القيامة ، يوم تكشف الأسرار ، وتفتح الكتب ، ويظهر ما قد أخفي عن أعين الناس .

حسبي الله ونعم الوكيل ، ولا حول ولا قوة الا به .

http://2.bp.blogspot.com/_lI2Y0FII_bU/TLlygiCBoyI/AAAAAAAAAYE/cDNrXsAA8PU/s1600/100121.imgcache.jpg

[R 7 A L]

حاول انك توضح للمدير ( العود ) ان ماينقل عنك غير صحيح
وأذا ما أقتنع لا تتعب روح ( أرفق بحالك ) وأنا خوكـ .

[بوسلمان 2010]

الله فوق والله ييسر الامور ويصلح الشان ان شاء الله

[مستوى الدعم]

أستاذي المايسترو..

لقد تعرضت بالفعل لظلم مهني مشابه لما ذكرت.. من أحد المسؤولين وبدون الدخول في تفاصيل

عندها قمت بأمرين:
دعوت الله بحرقة قلب أن يذيقه ما أذاقني من ظلم أضعافاً مضاعفة كي لا يتجرأ على ظلم إنسان مرة أخرى..
والأمر الآخر صممت أكثر من أي وقت مضى أن يكون عملي لوجه الله لا لتحقيق مناصب وإنما لكي أبريء ذمتي أمام ربي..

والمفاجأة أنه بعد دعائي بشهرين تم إخراجه من المكان وتجريده من مناصبه بطريقة أشنع بكثير من الطريقة التي ظلمني بها..

نصيحتي كما قالوا الأخوة الذين سبقوني اعمل لوجه الله.. وداوم على قراءة الأذكار.. ولن يضرك بإذن الله .. واصبر واحتسب

[بلوتنيوم]

3 حلول
اما تشتكي عليه في كل مرة تحس بالظلم الواضح
سوءا بكتاب رسمي او مقابلة المدير

والحل الثاني تبدا تدور لك شغل ثاني

والحل الثالث تكبر دماغك :)

[bo3abed]

شوف عزيزي .. اهم نقطة لازم تتوفر في اي عمل هي الراحة النفسية .... اذا مب لاقي راحتك النفسية في عملك ... انصحك تبدل مكان عملك بأسرع وقت .... قبل لا تكره الشغل اللي تحبه ويتغير عطاءك ...ساعتها انت ما بتتضايق من المدير بس ..الا بتتضايق من نفسك لنك مابتكون راضي عنها ....

انا كنت في وضعك ... اعطي ليل نهار ... حتى في اجازاتي الإسبوعية والسنوية اشتغل ...
بس المدير مب عاجبه شي ... مافي كلمة شكر ...دايما ينتقد ... فعرفت مايته ... هو يبي يطفشني ... وبالفعل عطيته اللي هو يبيه .... ليش اقعد احاربه واتعس نفسي واخسرها
قدمت استقالتي ... ومب هو اللي افتك مني ...انا اللي افتكيت منه :nice:

سنة من البحث عن عمل ثاني ... والحمدلله لقيت التقدير في مكان عملي الحالي ... يكفي انك لين انتجت يقولك مديرك (شكرا)

اتمنالك التوفيق ... واشتر راحتك .... التغيير وانا اخوك يبيله خطوه جريئة .. والخطوه هنا هي الإستقالة ...

[الزعفراني]

طنّش له ، وبتدعي لي :)

[قطرية هانم]

تدري أن الموضوع هذا ينطبق علي 100%

بس المسؤول ما يحفر لي ولا يشوهه سمعتي ولله الحمد بس ظلمني في التقييم وحرمني من
الإستفادة من الدرجة الإستثنائية مع إني من مستحقينها ..

شنسوي ما نقدر نقول إلا حسبي الله ونعم الوكيل !!!!!!!

[ع.م]

استمر على ما أنت عليه .. وفي هذه الثناء ابحث عن وظيفة أخرى ;)

[الجوكر90]

السلام عليكم
السموحه ماقريت كل الردود

عندي سوال

ترى جد انقهر يوم واحد يقولي مسؤولي ومديري

ياحبيبي الي خلقت كتب رزقك معاك وماراح تاخذ اكثر منه ولا اقل
واذا فخاطرك شي لاتشتكي للناس
ترى السوال لغير الله مذله
عندك ربك فالثلث الاخير من الليل ينزلك للسما الاولى انت الي عليك تصلي ركعتين وقول الي فخاطرك
ترى ولا واحد هني راح يفعك ولا يفيدك

واقرى هالحديث وراح تعرف وشو اقصد

عن أبي العباس عبد الله بن عباس رضي الله عنه قال كنت خلف النبي صلى الله عليه وسلم يوماً فقال "يا غلام , إني أعلمك كلمات : احفظ الله يحفظك , احفظ الله تجده تجاهك , إذا سألت فاسأل الله وإذا استعنت فاستعن بالله , واعلم أن الأمةلو اجتمعت على أن ينفعوك بشيء لم ينفعوك إلا بشيء قد كتبه الله لك , وإن اجتمعواعلى أن يضروك بشيء لم يضروك إلا بشيء قد كتبه الله عليك , رفعت الأقلام وجفتالصحف " رواه الترمذي

[الموضوعي]

الحمدلله مافي مدير قعد لي الا قاعدوه او انقلوه او زانت علاقته معاي مع الوقت

[اتعبني غروري]

السلام عليكم اخوي ...والله يعينك .... بس نصيحتي لك عليك ب حسبي الله ونعم الوكيل .... تراها كلمات قويه فوق تصورك .... ادري بتقول المعلومه قديمه بس صدقني اذا تطلع من القلب لها فعل وليس اي فعل .....اقل مثال بسيط : تتذكر بو مشعل الله يطول بعمره ويسدد خطاه لين قالها بنص الليل في خطابه المشهور لحرب غزه الاخيره ... والله أنا اول مره اشوف زعيم عربي بهذا الصدق وطلعها من قلبه .... شوف وين صارو الي دعى عليهم الي كانو يمنعون اي اجتماعات عربيه علشان غزه ....توكل على الله اخي العزيز

[نتفـه]

نصيحه مجربه : دعواتك بالثلث الاخير من الليل .. رب العالمين قادر على كل ظالم .. وسبحاااان الله كل من ظلمني ودعيت عليه بفضل من الله ربي اللي ياخذ لي حق منهم :)
كلي قناعه وايمان بان رب العباد هو اللي دايما ياخذ الحق وما استعين بالناس ابدااااااا ..
وقول حسبي الله ونعم الوكيل ..
انا حاليا اعاني .. وحسبي الله ونعم الوكيل على الجواسيس اللي ينقلون الكلام بطريقتهم ويغيرون الواقع بشكل يصدم !!!!!! كله كذب وتلفيق علشان الامتياز .. في شخص وظيفته التجسس وياخذ عليها راتب بعد ويكون احب واحد عند المدير !!! ما كنت اصدق الا يوم شفت بعيوني .. وما اقول الا حسبي الله ونعم الوكيل فيهم ..
الشكوه لله .. ترا اغلبنا نعاني والله ..

[تحداني]

صباح الخير على الجميع

في حد فيكم شاف al-maystro ؟؟
ابي اعرف ايش راح يشوف بعد ما شاف من عندنا كل السبل والطرق

جملكم الله برضاه

[نوار قطر]

هالموقف فعلا صار لي وصلو كلام عني وانا مالي خص ولا ادري شالسالفه ويايين يعطوني اوامر قلت لهم ليش شصاير قالو هاي اوامر مدير الادارة العامة قلت حق مديري المباشر انت تدري انا مستحيل اسوي جذي قال ادري الصراحة مديري ماسكت ووضح لهم وطلعت وحده كارهتني موصله عني كلام وساعتها طلع الصج الحمدلله خذو حقي

[كلنا قطر 1981]

اذا حضرتك مجتهد واتحب دوامك ومخلص ومعاملتك طيبه مع الزملاء ومعطي كل من ذي حق حقه ... يا ترى إيش سبب هالعداوه ؟؟ لايمكن يكون بدون سبب
خلينا نفترض انه بدون سبب ما يصير تسكت عنه
الصمت والهروب من المشكله مب حل ابدا
يمكن في خاطره شي .. يمكن سامع شي بالغلط عنك
يمكن متضايق من تصرف معين



لو تحب شغلك وما ودك تتنازل عنه لازم تروح له
وبالكلام الطيب كل شي ينحل .. واذا ظل مثل ماهو بعد الكلام
ما لك الا تاخذ قرار ... اما تكمل معاهم
او تترك المكان


النفسيه مهمه وايد ومافي شي يسوى اتعب نفسك وتتضايق





الله ينور طريقك ... ويجملك برضاه

اختي تحداني الزمن

في نوعيه من المدراء و هذا الكلام الي بقوله لج مب من وحي الخيال بالعكس هذا الشي صاير معي شخصيا هالنوعيه ما تحب تشوف حد احسن منها

بمعنى انه اذكري محاسن اي واحد قدامه و قوليله انه فلان ماشاء الله عليه شغله ما عليه كلام بتحصلينه يرد عليج فلت هذا سوى و سوى و ما يفهم شي

الي صاير وياي اختي انه مديري المباشر رجال و النعم فيه و مدير القسم حسبي الله و نعم الوكيل فيه حاط راسه براسي لانه مديري المباشر دوم يتكلم عني بالخير و يمدح شغلي هو يبي يثبت له اني ماعرف اشتغل و الحمدلله ما استوى الي في باله ولا قدر يثبت شي ضدي حتى حاول انه ينقلني من مكاني و حاول انه و تكلم عند الاداره عني بكل سوء و يبي يثبت لهم اني مقصر في الشغل و ماعرف شي ردوا عليه انه فلان مالك شغل فيه الرجال موجود من قبل لا انت تشتغل ويانا و الكل يشيد بشغله و الحمدلله

اخوي صاحب الموضوع نصيحه مني لك دام انك مجتهد بشغلك اقولك ما عليك منه و خله يتكلم عنك لين يقول بس و انت كل ما تشوفه اضحك في وجهه لين يرتفع الضغط عنده و يرقد في المستشفى و زيد عليه و عرف شنو هي نقاط ضعفه في الشغل و روح دووم و اساله في نقاط ضعفه عشان يفهم انه هو مقصر و في اشياء وااايد ما يعرفها كل مره لين تشوف ما يرد على اسالتك قبل لا تطلع قوله خلاص خير انشاء الله انا بعرف اشلون اضبط الامور و انت مبتسم
و عقب خلص شغلك و هو بنفسه بيصير يتجنب الكلام وياك او انه يدخل باي نوع من انواع الحوار معاكبيكون بقرار نفسه يعرف انك كشفت ضعفه و لسان حاله بينه و بين نفسه استر على ما واجهت عليك بهالنصيحه و لا تنسى انك دوووم تكون مبتسم حتى لو هو قدر عليك مره ابتسم في وجهه و بط كبده

و لا تنسى شي مهم الي هو الرزق بيد رب العالمين يعني لا هو و لا 1000 واحد نفسه يقدر يمنع عنك رزق الله كاتبه لك

بالتوفيق اخوي و عسى الله يهدي هالنوع من المدراء

[كلنا قطر 1981]

وجب التنبيه!


هذا الموضوع فتح لغتياب المدراء وتصفية الحسابات!

ولكن نسيتوا شيء مهم ..

بأن المدراء ليسوا متواجدين في هذه الصفحات ولا يستطيعوا الدفاع عن نفسهم ولا بالرد على اغتيابهم، وهذا ليس من شيم الكرام.








اختي غالية قطر

شكرا على التنبيه

بس ممكن اعرف وين الاغتياب في الموضوع الي ما ذكر فيه اي شخصيه سواء بالاسم او

ينوع من انواع التلتميح لشخصيه معينه في البلد ؟؟؟:omen2:

[تحداني]

اختي تحداني الزمن

في نوعيه من المدراء و هذا الكلام الي بقوله لج مب من وحي الخيال بالعكس هذا الشي صاير معي شخصيا هالنوعيه ما تحب تشوف حد احسن منها



انا ما اقول يا أخوي كلامكم من وحي الخيال ابدا
" ما يحب تشوف حد احسن من حد " هذا سبب .. / اخونا المايسترو " يقول مافي سبب "
كذا من الله جاي ومب عاجبه شي ..



الي صاير وياي اختي انه مديري المباشر رجال و النعم فيه و مدير القسم حسبي الله و نعم الوكيل فيه حاط راسه براسي لانه مديري المباشر دوم يتكلم عني بالخير و يمدح شغلي هو يبي يثبت له اني ماعرف اشتغل و الحمدلله ما استوى الي في باله ولا قدر يثبت شي ضدي حتى حاول انه ينقلني من مكاني و حاول انه و تكلم عند الاداره عني بكل سوء و يبي يثبت لهم اني مقصر في الشغل و ماعرف شي ردوا عليه انه فلان مالك شغل فيه الرجال موجود من قبل لا انت تشتغل ويانا و الكل يشيد بشغله و الحمدلله





موقفك مختلف عن موقف اخونا الله يرضى عليك
هو يقول لك ما يكلمه .. ما يعترض له ولا يعترض المدير على عمله
مافي بينهم اي شي .. لا منافسه .. لا اثبات جداره .. بس من الله واقف له بالبلعوم
هنا كان الاستغراب والتعجب والدهشه بمعنى لو في قلبك شي قول لي
ولو في خاطرك شي هم قول لي

اما هنا والدرب واتم ساكت عنه ما يصير يا اخوي
السكوت عمره ما يحل مشكله .. واحنه في الدوام مب في حلبه مصارعه

الله ينور طريقكم .. ويجملكم برضاه

[الكاسب]

عقليات متخلفة...وراح تظل متخلفة وتافهة...لأن الوزير مثلهم...يراقب الحضور والإنصراف...لايمهم عملك.وأن عملت بجد وأنتجت رقوا على أكتفك.
الواجب...تصكه كف على وجهه.

[كلنا قطر 1981]

موقفك مختلف عن موقف اخونا الله يرضى عليك
هو يقول لك ما يكلمه .. ما يعترض له ولا يعترض المدير على عمله
مافي بينهم اي شي .. لا منافسه .. لا اثبات جداره .. بس من الله واقف له بالبلعوم
هنا كان الاستغراب والتعجب والدهشه بمعنى لو في قلبك شي قول لي
ولو في خاطرك شي هم قول لي

اما هنا والدرب واتم ساكت عنه ما يصير يا اخوي
السكوت عمره ما يحل مشكله .. واحنه في الدوام مب في حلبه مصارعه

الله ينور طريقكم .. ويجملكم برضاه

اختي تحداني الزمن

المشكله تدرين شنو انه هالنوعيه من المدراء منافقين يعني لو تروحين و تتلكمين وياه بشكل شخصي و تقولينله انه في بيني و بينك شي قوله تحصلينه يبتسم و يصير الطفل البرئ و يقولك لا بالعكس احنا اخوان و مافي شي و انت اخو عزيز و غالي و من بس تعطينه ظهرج يشتغل شغله و يتكلم عنج بالزور

ترى والله اختي مع الاسف في نوعيه من الناس ما يفيد وياه الكلام لانه هو مب صادق وياج و له 150 وجهه في وجهج الاخ و قدام الناس هو المدير الكفؤ و عند المدراء هو الموظف المطاوع الي كل شي عنده انشاءالله و حاضرين طال عمرك تحصلينه صعب يثبت على وجه واحد كل مره بوجه و لون جديد بالعربي كل يوم (بنيو لوك)

الله ينور طريقج برضى الله و طاعته :victory:

[تحداني]

اختي تحداني الزمن

المشكله تدرين شنو انه هالنوعيه من المدراء منافقين يعني لو تروحين و تتلكمين وياه بشكل شخصي و تقولينله انه في بيني و بينك شي قوله تحصلينه يبتسم و يصير الطفل البرئ و يقولك لا بالعكس احنا اخوان و مافي شي و انت اخو عزيز و غالي و من بس تعطينه ظهرج يشتغل شغله و يتكلم عنج بالزور

ترى والله اختي مع الاسف في نوعيه من الناس ما يفيد وياه الكلام لانه هو مب صادق وياج و له 150 وجهه في وجهج الاخ و قدام الناس هو المدير الكفؤ و عند المدراء هو الموظف المطاوع الي كل شي عنده انشاءالله و حاضرين طال عمرك تحصلينه صعب يثبت على وجه واحد كل مره بوجه و لون جديد بالعربي كل يوم (بنيو لوك)

الله ينور طريقج برضى الله و طاعته :victory:




صادق كل بيئه عمل مختلفه عن الثانيه .. تلقى انفوس ما تعلم بخفايا إقلوبهم ومع الأيام تبين وقاحتهم وحقدهم .. ناس تربوا على العداوه وعلى الحقد وعلى انه يحفر للغير ... ويلوم القطري الاجنبي ان شاف نفسه .. اذا انتوا من ديره وحده ومن ارض وحده هاذي أطباعكم وتصرفاتكم اتلمون الغريب ليش


هالنوعيه من الناس مريضه والعياذ بالله
شوف يا أخوي إلي ما يحب الخير للغير رب العالمين لايمكن يوفقه في حياته وتلقاه تعبان طول حياته .. تعبان من مراقبه الغير... وتعبان من تصرفاته الغير آدميه .. هالنوعيه من الناس تكسر الخاطر راسمين في خيالهم شكل سئ للغير وخاصه اذا كان موظف نشيط واشحلاته

هذا بدل ما ياخذ ابيده وشايف شاب توه يقول بسم الله
يقوم يتعب نفسيته ويقتل حتى الطموح ابداخله ... انت شوف اخونا شيقول ( يقول حاب الشغل وحاب اعطي وحاب اخدم وحاب اثبت وجودي ) والاخ لانع مدير واسمه مدير يعرقل طريقه



هذا على قولتك ان جيت كلمته زاد من طيبته الكاذبه ومن وراك يحفر لك .. وان سكت عنه هم زاد في ظلمه وتتعب ازياده



ليش في ناس جي ابهالدنيا :(


جملك الله برضاه

[بوحارب]

بقوله مشكور ماقصرت

[النديم]

اذا انتوا من ديره وحده ومن ارض وحده هاذي أطباعكم وتصرفاتكم اتلمون الغريب ليش

http://www.binbaz.org.sa/files/images/06.jpg

كلام حكيم جدا يا من تحديت زمانك.
الله يهدينا جميعا ، ويهدي اخواننا المسئولين ، لنعمل لصالح الوطن وأهدافه الاستراتيجية أولا وأخيرا ، وليس لصالح أنفسنا ، ومصالحنا الشخصية ، في البروز والكرسي والمنصب ، والتي هي تحت مصلحة وأهداف الوطن والشعب

[لاجل QT]

الحل :)تقعد تقوم في جوف الليل وتستلمة من هالدعاوي اللى من الزين:) ..دعوة المظلوم ليس بينها وبين الله حجاب

ماراح يطول بيفنقشونة اذا فعلا شخص ظالم:(

عن تجربة شخصية مريرة جدا :(

[ريتويت]

الله المستعان

[AL-MAYSTRO]

والنعم برب العالمين .. وعلى نياتهم يرزقون

ابشركم صبرت ونلت من رب العالمين .. موضوعي من القهر والظلم وصلته لاستقاله

وتم ترقيتي درجه .. ونقلي لأداره ولمكان الكل يتمناه من هاللي قاعدينلي

والحمدلله والشكر لك يارب .. وحسبي اللي ونعم الوكيل

[AL-MAYSTRO]

جزاج الله خير غالية قطر.. بس انا ما شفت اسم رجل بعينه ..

موضوع وطرح للنقاش للاستفادة..

كلام سليم

بس ان شاء الله وصلت المعلومه والفكره للأخت غالية قطر
لانها مادري من وين جايبه سالفه اغتياب المدراء

[AL-MAYSTRO]

اذا حضرتك مجتهد واتحب دوامك ومخلص ومعاملتك طيبه مع الزملاء ومعطي كل من ذي حق حقه ... يا ترى إيش سبب هالعداوه ؟؟ لايمكن يكون بدون سبب
خلينا نفترض انه بدون سبب ما يصير تسكت عنه
الصمت والهروب من المشكله مب حل ابدا
يمكن في خاطره شي .. يمكن سامع شي بالغلط عنك
يمكن متضايق من تصرف معين
لو تحب شغلك وما ودك تتنازل عنه لازم تروح له
وبالكلام الطيب كل شي ينحل .. واذا ظل مثل ماهو بعد الكلام
ما لك الا تاخذ قرار ... اما تكمل معاهم
او تترك المكان
النفسيه مهمه وايد ومافي شي يسوى اتعب نفسك وتتضايق
الله ينور طريقك ... ويجملك برضاه

تحداني الزمن .. اشكرك على نقاشك بما ان الموضوع مفتوح للنقاش واصرارك في معرفه الاسباب .

طبعا اخي الكريم لايمكن للعداوة بغير سبب

لاكن عشان اوضحلك السبب .. بشرحلك كسبيل مثال وانت من نفسك بتعرف السبب
وبتحس نوعا ما بالظلم والقهر واشياء وايد .. رغم انك يالموظف المجتهد مالك ذنب ولا علاقه فيها وكل هذي صارت عشانك اشتغلت صح

بسم الله نبدأ لظرب المثل فالسبب

1-الاداره اصبحت ك جمهوريه .

2-ناس تريد اسقاط رئيس الجمهوريه (مدير الاداره) وللاسف كانت لهم الغلبه 80%
وناس تؤيد ومن ظمنهم انا .
لكونه مدير جديد وقانوني و متشدد نوعا ما
واللي يبون اسقاط المدير ,, هم اللي عليهم انذارات ومشاكل وتأخير و و و الخ ..
واللي يأيدون , هم اللي حابين الشغل و جاهم نصيبهم من تقييم 5 على 5 و مدح وشكر
وضرب مثل في شغلهم واخلاصهم.
3- كثر الدق يفك اللحام ,, كثرت الشكاوي على هالمدير من قبل اللي مقصرين في اشغالهم
سبحان الله .. 80 % اشتكوا وجميعهم لديهم انذارات سابقه واجازات كثيره وتأخيرات . والـ 20 % الباقين ماشتكوا
وماعندهم انذارات .. !! ليش ؟؟ لانهم مب مقصرين
وبعد تدخل من فوق المدير واضراب فالعمل من قبل الـ 80 % اصحاب الانذارات والتاخيرات
و الاجازات المرضيه الكثير والاجازات الاخرى .
اقدم مدير الاداره على تقديم استقالته ,, وتم رفضها مع سحب الصلاحيات الخاصه فيه للاداره
وتسلميها لموظف يعمل كعملنا واصبح مسوولا موقتا علينا بصلاحيه المدير لكونه كبير فالسن

والسبب في عرقلت عملي انه اثناء الحديث عن المدير من قبل هؤلاء الـ 80% اذكره بخير
واني لم ارى من اي اجراء لايرضي وانه يعطي كل حق حقه.
وتطبق المثل ((طاح الجمل وكثرت سكاكينه)) . واصبحت انا ومن معي الـ 20 %
من المستهدفين من قبل مسؤل الاداره (المدير الحالي) و الـ80 % الباقين

وللعلم انا الوحيد فالاداره اخذت اعلى تقييم سنوي , !!!!!!!!!!!!!!!!!
وهذي اهم الاسباب التي جعلتهم يتعادون لي ويعرقلون عملي

وللأسف تمكنت الكثره من جعلهم المدير يستقيل

وبفضل الله تم نقلي من قبل الاداره العلياء بعد استدعائي واستجوابي وبعد شرح الاسباب \
تم نقلي مع ترقيتي لدرجه ,, ونصر الحق الحمدلله ..


هذه الاسباب اخوي

[منهم وفيهم]

الحمدلله تستاهل كل خير ومبروك عالترقيه
الفال لي ربي يظهر الحق